October 3, 2011

• <Whatsapp 奇遇記 一>

  我說過, 無論再分享多少個愛情故事, 只要你沒有親身經歷過, 感受過, 是不會從中學習到什么; 諷刺的是, 當你經歷過, 大概已經學懂, 分享與否, 根本一點也不重要.

  不要說是人與人, 就算是同一個人, 我也不認為人類會有什么進化. 這也是為什么不論是大中小學, 是沒有愛情堂 – 當然你那個四十幾歲, 短袖白色恤衫, 心口袋中還有四吋厚銀包的中學阿蛇, 是不懂教愛情的. 性教育倒可以教, 還可以到活動室多實習. 你可以想像連量子力學, 遺傳學, 這么專門的東西連大學也有得研究, 但偏偏沒有愛情學系, 教一些幾乎所有人類都會遇到的事? 這不是偶然的.

  我仍然相信這些. 一路以來寫愛情信箱, 分享什么女生無人要, 都是半分享半恥笑的心態出發.

  今次有點不同. 我純粹以恥笑角度出發.

  說笑咧. 今次我是為朋友寫的. 一個認識多年的朋友, 叫區生; 還有更多的朋友. 他們都是我中學同學, 非常要好的朋友. 若然純粹以恥笑角度出發, 不論再掩飾, 恥笑後也只有恥笑, 然後 一 . 定 . 沒 . 有 . 朋 . 友 . 做. 由於當中牽涉太廣, 萬一沒有朋友, 人生很難過的.

  要寫下來, 是因為那時候朋友之間對話太多太快太複雜, 一時間難以完全明解 – 儘管主角區生說佢全明白. 其實, 屌你老母, 有D 野我估講個個當時人都唔知自己講乜春. 咁你明乜春?

  好了, 交代一點背景. 文章其實是我由一大班中學同學之間的一個 whatsapp 訊息整理出來的… 更重要 (及白痴的) 的是…..

  我是沒有whatsapp咧, 根本沒有參與其中

  話說區生的女朋友阿麗要與她分手, 一班損友獻計替他拯救告急的戀情.

  而區生的女朋友阿麗, 也是我們的中學同學. 由於阿麗曾經是我最好的朋友的女友 (多么複雜的人物關係圖!), 所以我比區生更早認識阿麗. 她是個什么也沒有所謂的女孩, 加上長得年青, 望上去像廿歲出頭, 沒有長大的女孩 (天呀, 偏偏我看上去似四十歲大叔). 善解人意, 就得人. 用海綿來形容她, 也不夠貼切 – 畢竟海綿也會回復原狀; 她就像一舊永遠濕著 (別心邪) 的紙廉土. 你 say Yes, 她不會 say No.

  這樣的一個女孩, 居然主動說分手, 實在令我驚訝萬分, 但也心裏欣喜 – 她終於下定決心了. 除了是疑似劈腿 (有男同事追求咧), 說到倒還是區生對人家太差. 舉個例. 明明約好女友一家人七點半在將軍澳吃家常晚飯, 自己在尖沙咀剪頭髮剪到七點半, 居然還堅持搭巴士更付諸實行, 搞不清楚還以為他想迫人家分手. 最搞笑是, 去到將軍澳已是接近天亮, 他不但不去吃飯, 反而致電女友嚷她下來陪自己吃點東西… 如果是普通女生, 一早已分手了; 也因為阿麗不是普通女生, 所以才會這樣.

  我聽到分手的消息後, 連聲叫好. 我說既然阿麗終於肯下定決心放手, 作為認識多年的朋友, 我們應該高興 – 尤其是知道她男朋友不是好的. 若然我們不認識該阿麗的話, 還可以為區先生說話. 不幸的是, 兩個也是我們的朋友.

  我沒有 whatsapp, 倒頭來反而是件好事, 否則我一定要大盤冷水兜頭兜面倒落區先生天靈蓋上. 友人覺得道義上總要幫區生, 於是便發生了這篇有趣的文章.

  首先, 那條 whatsapp 訊息的題目叫… “人生路, 好難行”.
  .
  .
  .
  .
  .
  .
  .

  喂, 條女飛你o者, 使唔使去到人生的意義呀, 殷海光呀咁嚴重, 咁哲學真善美層面?

  再開始之前, 還要多交代一點人物. 白人是區先生好友當中的好友 (可惜女友年初時劈腿, 失戀了咧. 這個年頭可真多劈腿; 見這裏); 阿豪是個無時無刻都樂觀正面得不可思議. 恒指由三萬點跌到一萬, 他可以仍然對後市充滿信心, 認真地以為三扒兩撥就能再上四萬點那些人. 還有另一中學同學的老婆文迪. 這些都是中學同學. 後來不知怎么, 連白人的前度茵茵也加入了對話.

  奇怪的組合, 果然帶來奇怪的對話…

  區生 changed subject to “人生路, 好難行”

  區生 : 兄弟們. 星期六日可以陪我行一小段嗎, 我又再次覺得行唔到落去. 去沒想到咁多年, 又行翻去入口.

  白人 : 傾唔掂？

  區生 : 咁多年感情, 如果要考慮咪即是輸左? 佢冇話我冇咩不足, 答案心中有數. 我都唔知可以做咩.

  白人 : 不是的. 你情況跟我之前一樣. 不要放手. 要放手很易, 咩都唔做就得. 咩都唔做, 冇人知你有幾愛佢.

  區生 : 我都覺得自己冇用, 但我好努力.

  白人 : 阿麗要人錫.

  區生 : 可惜, 現在那個人已經不是我.

  白人 : 你咁諗就冇架啦.

   
  姓賴

  其實人類的祖先並不是阿當既夏娃, 也不是外星人, 而是賴昌星. 無錯, 我們全部都姓賴. 尤其在愛情路上, 我們總喜歡 “推卸責任” – 分手是人家不好, 不愛我, 整天黑面, 無交搵交嗌, 要求太高, 訓覺發出打樁般的聲音, 去廁所唔沖廁, 太肥太瘦波太大太細… 彷佛自己是完美的上帝. 這是不可能的. 有強姦, 無焗賭, 最起碼你當初選了這個人. 最錯還是自己.

  阿豪加入了對話.

  阿豪 : 情敵出現幾耐？

  區生 : 大概半年至三個月. 個男仔細佢六年. 估唔到七年感情都輸.

  白人 : 本來開開心心過日子咪幾好, 係要帶d唔開心的日子比阿麗, 佢又令你唔開心. 你先唔開心幾日, 人地唔開心左幾個月了. 如果佢返來, 你真係好好對佢. 你之前幾趕客, 只是你自已不知道. 再者, 七年只是個歷史數字而已, 往後還有三、四十年.

  區生 : 我諗細六年大家都知咩事. 我可以做的都做晒, 佢都唔肯見我.

  阿豪 : 你覺得是什麼問題？

  白人 : 不是物質的問題吧. 是溝通呀.

  區生 : 佢叫我比幾天佢考慮, 剛打比佢, 要講既野都講哂. 叫我不要找她. 就算機關算盡, 天意如此, 又可改變？

  白人 : 你機關算盡？你之前深深不忿就有. 好地地又罰, 又發脾氣. 一星期最多先見佢地一次, 次次都鬧交、發脾氣. 一齊去唱k飲野又話早走.

  區生 : 頭六年半都冇鬧交, 一次都冇. 咁係佢開始呃我先係咁.

  白人 : 唔代表以後無架. 跟你幾年, 做過咩令佢成日開心感動？ 阿豪對佢老婆個d 就係錫咧.

  區生 : 細水長流, 我冇諗過要驚心動魄.

  阿豪 : 要活在當下, 不代表驚心動魄. 俾佢知你付出一切, 上進就得. 自己無悔. 變身吧. (好地地變乜野身呀… btw, 括弧裏面個d 係我既意見). 每個女人都有一些要求, 要找出來, 然後合理地滿足. 是時候. 改變自己吧.

  區生 : 機會好細了. 佢都唔肯見我, 要諗清楚. 佢話佢只會決定一次. 今次返黎就下定決心. 而家我仲有野可以做嗎？

  白人 : 人地有諗過唔同你一齊, 唔會全部關第三者事. 如果只將責任放哂阿麗身上, 對他不公平之餘, 又幫唔到件事.

  區生 : 佢要諗係因為人地同佢講未拍拖都可以賣樓同佢結婚.  天呀, 個男仔畢業唔夠一年. 是但講都信.

  白人 : 呢個係你歸納, 我唔信.
  
  區生 : 你去問佢.
  
  白人 : 我問完佢話你聽？
  
  區生 : 好.
  
  白人 : 我咁做, 有咩意義？
  
  區生 : 我都唔知, 都係算. (以上五句對話係人類史上最多餘既對話三大之一.)

  區生 : 佢會考慮去信一個廿四歲剛畢業既男仔亂講都唔信我. (屌, 又 loop, 又回到起點了! )

  白人 : 除左怪佢, 你有冇諗過點解佢會咁？佢好想結婚？求其結都得？

  阿豪 : 其實佢想你放佢響第一位, 講 同埋 行動.

  區生 : 佢話我從來冇話同佢結婚, 而我一向都放佢係第一位.

  阿豪 : 不是心裏面, 要行動喎.

  區生 : 努力讀書都係為左將來. 如果我自己, 一個月幾千都夠洗, 根本唔洗咁辛苦.

  白人 : 我覺得不是這樣. 要行動, 你讀書改善生活係基本架啦. 你讀書時, 人地唔悶架咩, 人地無付出就你咩. 佢辛苦, 唔開心你又唔明, 又唔去了解. 之前叫你去, 你又只係話佢唔o岩, 自己大哂咁, 比我都走幾次啦. 係阿麗咁好先忍你, 你又唔知, 講又唔聽.

  阿豪 : 對. 你太宏觀, 缺乏微觀.

  白人 : 你將心比己, 你睇下人地做老公既幾錫老婆. 你做過咩？近幾年成日攪到阿麗唔開心.

  區生 : 咁佢答應既野係冇做, 呢個係事實. 佢呃我也是事實

  白人 : 咁你令佢唔開心同唔夠幸福, 夠係佢呃你之前的事實
  
  區生 : 難度我錯哂? (仆街, 我係白人或者阿豪既話已經唔會再理鳩佢)

  白人 : 你不想明白, 只顧怪人. 還不是她回來照顧你？

  區生 : 我讀既時間有問過佢, 佢話冇問題. 我唔想再爭論, 我冇咩可做, 而我也盡力做了

  阿豪 : 佢貪玩, 你不夠主動. 大家欠缺積極. 俾多的正能量, 正面思想自己同佢 (天呀~ 好地地為什么有 正撚樣 正能量 出現?)

  區生 : 我問心, 佢呃我前我克盡己任, 佢呃我後我係有心刁難, 只係想罰下佢. 人大了知進退, 係冇之前咁難過, 我真係問心 無愧. 而且佢真係愛我嗎, 佢現在係確切在傷害我, 好殘忍.

  白人 : 了解佢點解咁. 唔好判死人見異思遷. 需知道要她分開是個痛苦決定. 我做哂醜人, 係希望你明白阿麗係個好女仔, 佢係認真想同你長久. 要佢諗到分開, 果個男仔唔會係主因. 至於你怎看她／這件事, 我冇法控制.

  (第一章; 共五章)

  • 12:10 pm
  • 9 Comments