<去迪士尼>

好一個唐英年. 個陣一句 “我有生之年都唔會見到失業率落到 2%” 己經招徠不少笑話 – 黃子華曾說將佢殺死失業率下跌有機. 前日又話特登整到迪士尼咁迫黎測試下佢既處理能力. 有人即刻話, 如果要試下孔雀石綠, 恐怕要放d 入水塘試下. 言之有理, 但我相信d 水淨係俾唐生飲好咧.

我更想知唐生究竟有冇捐錢俾公益金先入到場, 唔使期望香港記者識問. 佢地除左問油價對中石化.. 唔係.. 係經濟有冇影響, 乜撚都唔識. 我幾乎肯定佢係唔使科水, 同埋係走秘密通道入場. 佢究竟有冇考慮過俾錢入場者既感受? 個d 係納稅人, 即係科水出人工俾你既人. 你試下叫老闆去 trade fair, 佢迫到仆街你同佢講 : 我特登等你迫下.

蘋果, 唔該你求其老吹話唐生係無俾錢入去, 跟住大講風涼話. 無論點答點拿証明都失分. 李國章一定多謝你.

去迪士呢最好做定心理準備. 預左玩唔到機動遊戲之餘, 仲要預俾香港呢d 狗官串.
__________________________________________________________________

<與阿石比試>

其實到今日為止, 資本仲未夠一萬, 只得六千. 上個月底以 HK$9.461 買入歐元, 其後分別以 HK$9.531, $9.54, $9.543, $9.693 沽出. 八月廿九日再以每百 HK$7.061 買入日元, 然後尋日係 HK$7.098-HK$7.1210 沽出.

由於買賣金額太細 – 我唔會有六千元本去買六千等值既歐元, 所以唔好問六千而家有幾多. 而家手頭仲有幾千日元, 同買港幣.

呢幾日市場炒作美國會否於月底繼續加息, 美元偏軟. 至於美國會唔會因為打風而暫停加息, 從而家美金食瀉藥黎睇, 市場人仕用鈔票話你聽 “會”. 至於唔聽人講既史弟, 答案係唔會. 原因 : (1) 唔係今日加息, 人類行為立刻會改變. 聽講起碼半年效果先浮出黎. 半年後打風影響仲係唔係度? 油價六十元, 你係美國佬會唔會俾墨西哥灣既鍊油設備呆半年? 如果難民仲係體育館坐半年, 美國暴動都似, 到時減息一厘都無用. (2) 就算今日唔加息, 而效果立竿見影, 效果根本唔夠 OFFSET 打風而產生既短期性, 一次過的經濟損失. (3) 唔加息會令原本已經係崖邊既美國樓市更加危危乎. 格老唔會咁笨.

結論 : 呢幾日炒落美元只係短暫野. 各仁兄見低位好走.