life

  • <生活 . 鳩o翕 我投蔡英文>

    陳水扁貪污, 2008年時民進黨將台灣總統一職送回給國民黨.

    不過, 仍有五百四十多萬人 (佔總投票人數的41%) 投了票給民進黨的候選人.

    在我來說, 那四成人是反智的. 一個黨的總統貪污, 決不可能是他一個人的所為. 對呀, 全宇宙也在貪, 但貪到這樣出面, 還投他們, 是對智慧的一種侮辱.

    今年1 月台灣再選總統, 有六百一十萬人 (47%) 投了票給蔡英文.

    若然有該黨的總統污貪, 這一生也不會投給這個黨. 重申, 我唔單止介意你貪, 但更介意你貪都唔識貪, 唔識收收埋埋. 即係, 你叫我投票讓曾蔭權個仔做特首? 虎父無犬子, 我只會相信佢個仔比曾蔭權更貪, 同埋貪得更蠢.

    ———

    2012年4月24日.

    台灣, 劍潭車站, 的士候車處.

    我與責任主編的目的地, 是故宮博物館.

    等了很久, 終於上到的士.

    “故宮博物館. 謝謝.”

    可能因為普通話非常普通的關係, 司機很快便知我們是香港人.

    呀, 你們是香港人嗎.

    “是.”

    呀, 想問你一下, 香港回歸了十五年, 覺得怎樣?” 坐在我旁邊的司機甫一車就問道. 你可以想像, 求其一個台灣人知道香港回歸了多少年嗎?

    司機問我的時候, 半秒間我腦海忽然浮起了許多回憶. 包括零三七一, 梁振英的影像, 董建華唐英年曾蔭權…共產黨.

    “一點也不好.” 斬釘截鐵的回答. 有一點點好的, 就只有派了六千元.

    噢呀, 為什么你們不反抗呢?

    實在不知道回答什么好. 我想說, 其實我們已經反抗了. 每年春秋二祭大遊行, 還有各式各樣的示威… 這是極限了. 反抗? 快連網上貼張圖都要捉. 我恨不得回歸英國呀, 老兄.

    司機見我沒有回答, 開始自言自語咕嚕一輪. 車子快要駛到士林站時, 他罵某人是”…他媽的狗皇帝…” . 台灣人說的國語太快太求其 (直覺上是周杰倫的錯), 加上我聽覺長期有問題, 所以聽不清楚他說什么.

    你知道那個狗皇帝是誰嗎? 馬英九咧.

    想從喉嚨吐出句 “馬英九還不錯, 可憐我們的新特首是共產黨員.” 此時我望出窗外. 天氣酷熱, 實在不想三十多度找另一部的士. 於是把說話吞回肚內.

    司機開始大罵馬英九.

    參選的時候說電價不漲, 油價不漲; 選完後電價大張, 油價大漲, 什么也漲. 操你娘.

    這個我知一點點. 多得黎智英在香港選特首閞始時太過偏梁, 我放棄了看香港的蘋果日報, 反而進看台灣蘋果 – 當然是 C1. 但翻頁時偶爾會看到頭版. 今年台灣的電費, 大概是住戶加約 15%, 工業加35%. 你沒有看錯, 是電費加15-35%. 早幾個月中電加10%不夠, 已經夠上頭條幾天了.

    “呀, 這個不好. 大家生活很辛苦呀.” 吐出兩句支持的說話, 看他還有什么說.

    那狗皇帝居然讓瘦肉精進口…

    這個我也明白他說什么. 來台第一晚, 與責任主編在台灣當教授的夫婦吃飯, 他們說到近來比較熱的新聞, 就是台灣政府準備讓美國含瘦肉精的牛肉入口. 簡單來說, 瘦肉精等同 california 個d 大隻佬飲既蛋白奶粉. 人飲蛋白奶粉會大隻 (同埋屙出黎既屎 “傑tart tart”), 畜牲食左會快高長大. 不過瘦肉精有副作用, 一般要有監管, 而大部份地方已禁止使用 (包括台灣). 主編的朋友說, 台灣放寬某一兩種瘦肉精牛肉入口, 大概可以換來台灣人大概去美國免簽證.

    雖然我唔明點解免簽證係一種皇恩浩蕩, 但事情大概如此.

    不過, 成件事最搞笑, 也令台灣民眾最氣憤的是, 美國是不容許出售的牛肉含有讓一兩種瘦肉精. 即係美國唔准賣, 就拎去台灣賣.

    的士司機繼續狂罵…

    油價加也可以… 可是這個可不成咧. 我靠, 你美國人不吃的, 就拿來給台灣老百姓吃…

    這傢伙應該吃牛糞. 食含瘦肉精的牛糞…. 可惜昨天有人拿了一個含牛糞的蛋糕給他, 還沒有送到他, 就給人讓走了. 門外那些保安… 很麻煩.”

    其實司機的說話粗中帶幼, 由貼身的油價, 到全台灣人民的身體健康.

    然後司機越講越烈. 可惜人類史上中, 粗口最具形神的, 是廣東話. 國語來來去去 操 和 靠 – 台灣的屌字, 同屌你老母無關 (其實屌你老母同你老母都無關); 英文也只是 fuck shit ass; 廣東話淨係 屌鳩閪柒撚 己經贏到開巷. 在恐懼之下, 我暗地為廣東粗口叫好.

    你知道嗎. 那傢伙有美國國籍, 兩個女兒也是美國人. 要是他不聽美國人的說話, 一腳伸他出來, 他就完蛋了.

    所以我應該把命也拼出去. 應該把一個個的汽油彈掉進總統府去. 可恨那傢伙整天都不知躲到哪裏去. 我應該身繫汽油彈, 然後一命換一命, 來個同歸於盡.

    你知道什么是汽油彈嗎? 那汽油倒進啤酒杯, 塞進毛巾, 點著, 然後丟進總統府.

    可恨真的埋不到身. 昨天送去的牛糞蛋糕, 送不到給他. 一命換一命好呀, 可能就是埋不到身...”

    成段對話, 如果佢並非司機, 原本好好笑.

    我個刻好慶幸無講個句 “馬英九幾好”. 到左呢個時候, 我已經完全搭唔到咀. 對於自己既鳩o翕能力, 向來十分自豪. 係酒店樓下煲煙, 可以同日本人吹到三五分鐘水 – 儘管日文除左唔好 . 停 . 舒服之外, 我淨係識一句 “我來自香港”.

    現在, 我覺得只要講錯一句說話, 司機真係會殺死我. 或者將個汽油彈塞落我個咀, 然後引爆, 來個同歸於盡.

    我坐連頭, 看不到後排, 不過估計責任主編同佢細路+女友, 應該嚇撚到傻. 因為我真係信佢車度有汽油彈, 隨時準備同歸於盡. 事實上, 細路 同 女友成程無講過野.

    司機繼續暴走.

    見到他那兩個女兒, 我應該強姦她們, 然後再把裸照放上網. 可恨又是看不到她們.”

    這句話有點過了我底線, 我再沒有說話 – 不過, 如果我一早知馬元中 同 馬唯中 個樣係點, 我一定會原諒的士司機, 並會口頭答應參與行動.

    好了, 的士已經到達故宮博物館. 十多分鐘的車程, 好像變了個多句鐘. 也記不起當中有沒有說過共產黨, 臨落車, 我想和司機說, 不要信美國佬, 更加不要信共產黨.

    當然, 我無講到出口.

    以前常聽人說台灣的士司機的政治立場壁壘分明. 這次一遇, 完全相信.

    這個世界, 真的會有人肯原來用條命黎發洩自己既不滿 – 起碼用把口.

    你敢唔敢話殺死梁振英, 然後自殺?

    ———————————

    推進門, 進入故宮.

    我以為自己去了海洋公園.

    人人人人人人人人人人.

    大陸人大陸人大陸人大陸人大陸人大陸人.

    一團團一團團一團團一團團一團團一團團一團團一團團.

    ———————————

    你要知道講國語既係大陸人定台灣人, 最簡單既方法, 係睇下佢地排隊搭電梯.

    簡單d 講, 佢地係唔撚排隊.

    仲同你講左行右企? 發你老母的春秋大夢.

    地下大堂, 嘈過任何一間酒樓.

    購票, 入場. 二樓的展品是陶瓷, 所以遊人數量也可以接受.

    人少, 不等於唔嘈.一團團既遊客, 你一言, 我一語, 呱拉呱拉的叫著. “你看到沒有r?” “這個很美呀r~” “嘩” “呱” “嘛”.

    最嘈的是一團團遊客的導遊. 他們拿著米高風, 以秒速十個字既速度講解展品. 一團, 你有心去聽一下講解, 也有意思; 當有五團人係三百呎既地方, 就變成好煩, 好嘈. 更弱智同反智既係, 博物館內有職員拿著 “請輕聲說話” 的紙牌提醒其他遊人. 我屌你老母! 你叫個班導遊唔好嘈先拉! 最嘈個班人係導遊呀! 到故宮前一晚去了錢櫃唱k – 不要問為什么要搭飛機去台灣唱k – 但故宮比起錢櫃還要嘈吵.

    這裏必須要講解我對 “嘈” 同 “吵” 既分別. 嘈 係發出煩厭既聲音. 一個人都可以嘈, 一聲歌聽得多, 例如那些年, 都會變嘈. 吵 係 有兩個或以上的人發出乞人憎既對話/聲音, 然後混雜出黎既聲響. 大陸人既奧妙之處, 係一個人同時造成 “嘈” 同 “吵” 既現象. 當有三百個內地人一齊嘈吵, 簡直令普通人如我身處於地獄的核心中.

    我唔係史學家/藝術家, 亦唔識真正咁欣賞展品. 去博物館只係一種人文心靈上的訓練, 簡單d 講即係hea 下. 我並唔係要追求乜野有形既目標而黎. 當一團團遊人係你身邊走來走去, 你只係想用三分鐘既時間靜靜地欣賞展品, 忽然變得好奢侈. 根本不會有心情再行下去.

    真正的戲肉在三樓.

    無錯. 三樓正是故宮壓軸展品 豬肉 同 白菜 既展館所在地. 唔明豬肉 同 白菜 係乜, 麻煩自己 google; 無知唔係罪, 但有google 唔用, 係大罪. Spring pocket will be barbecued.

    去到三樓… 個度似年宵市場維園入口個條龍. 或者係20年六四紀念晚會 (即曾蔭權話代表香港人忘記六四那一年), 個條人龍咁. 由頭到尾, 一直排到二樓. 全部都係遊行團遊客. 人人人人人人人人人人人人人人人…

    選星期一去故宮, 原本希望少人一點. 我錯撚晒. 往好一點想, 星期六日的情況將更加具災難性.

    當然, 排隊的時候, 大陸遊客還是一直在嘈, 導遊也一直在嘈. 當然, 即是係一團團跟住行, 大陸佬仍然會打尖. 即使打尖無用, 都係會打尖.

    去到博物館, 不可能不提他們無理的肢體推撞. 不論什么時候, 站在你身後的大陸人一定會推你, 排隊, 看展品, 去廁所, 吃飯… 總之一定會在背後推你. 佢地推你係本能反應, 同唔排隊一樣. 這點他們倒是很一致.

    在排隊看豬肉時, 後面有團內地遊客, 也有一團日本人. 據主編說, 內地人與那團日本人吵, 大家在雞同鴨講互罵. 大概是附近已經太嘈, 我聽不到, 也看不到. 但我從來沒有見到日本人主動與人嘈. 大部份日本人是 “OK, 你煩鳩我, 我怕撚左你 – 我行開” 那種人, 很少同人嘈. 內地人就有意想不到的能耐.

    排了良久, 總於看到豬肉… 個塊玻璃. 不知痴心妄想可以看到豬肉的本尊. 一團團的遊客會將展品徹底包圍.

    我更想說的是, 每一團在展品逗留的時間, 只有十秒. 然後該團的遊人又會跟著導遊, 一窩蜂衝向下個展品, 這刻他們真的是一群又一群的蝗虫.

    因為館內不准拍照, 所以無法將呢d精彩既時刻帶俾大家.

    人多, 不等於你要喧囂.

    排候時間長, 不等於你要推來推去.

    重點展品固然吸引, 奈何你只看十秒.

    2003年第一次去台灣, 人文氣息很重, 那個時候誠品才冒出名來. 故宮還沒有翻新. 人的確少, 來的都是有意慢慢欣賞展品的人, 總的來說, 建築物有點殘舊, 但氣氛良好. 前年再來, 已漸見人多, 但還可以.

    這次再來, 博物館活像是海洋公園, 遊樂園地. 我來來去去都係日本, 所以好少去少博物館. 不計香港的, 只去過東京國立博物館 (上野), 悉尼art gallery of New South Wales. 但從來沒有見過, 也沒有聽過博物館是這樣的, 集嘈吵亂於一身. 問歐遊過的主編, 羅浮宮是否這樣, 她冷笑一聲, 然後說 : 當然不是.

    故宮博物館不是要賺錢的東西, 是一個顯示文化累積的地方. 將博物館搞成一個像遊樂場的地方, 不單辜負千年以來先人的心血結晶, 也愧對當年小心奕奕地把收藏品由北京運到台灣的烈祖烈宗. 多年來積成的文化, 付之一炬. 你有什么展品, 豬肉白菜, 陶瓷字畫, 全不管用. 你搞什么重建計劃, 不過為了掩飾江河日下的文化水平.

    多得大陸人, 我以後去台灣也不會去故宮博物館.

    ———————-

    對呀, 美國佬當然霸道. 他們的霸道, 明刀明槍.

    更令我不認同, 也感到恐懼的是, 內地的軟性入侵. 看看香港過去數年發生的, 自由含種票買樓到今天放共產黨成為特首, 都不需要再多解釋.

    我誠心希望台灣不要與內地搞什么經濟融合. 可恨一搞什么 EFCA 自由行, 內地遊客一來到, 台灣立刻玩完. 美國經濟是不濟, 但一個只有二千多萬人民的州, 他還頂得住.

    馬英九是個書生, 應熟讀歷史, 知道經濟好, 只要不出什么亂子, 執政黨可保勝算. 80% 的時間, 對於大部份人來說經濟問題較其他問題 – 包括統一台獨, 親美 – 的問題重要. 像馬英九這種兩頭蛇, 魚與熊掌兼得的想法. 倒頭來只會顧得頭時腳來翻, 兩邊不是人.

    回來後找來新聞看看, 內地又再放寬到台自由行. 望著左邊相片的內地遊客, 心裏慨嘆一聲 :

    今天香港, 他日台灣.

    很美國人靠不住, 共產黨更加不可信. 看到台灣故宮的墮落, 我終於明白為什么還有人投給蔡英文. 我寧願早點轟烈的來個台獨, 搞一支公投, 大家決定所謂一國兩制在台灣是否可能, 然後十年不是統一台獨議題. 不過, 麻煩大家先看看兩個例子, 一個叫澳門, 一個叫香港.

    You either die a hero, or you live long enough to see yourself become villain.

    我相信, 到最後我也會投給蔡英文. 畢竟大家也愛英文, 對不對?

  • <生活 . 鳩o翕 – 新春少女時代版>

    說好以後 生活 . 鳩o翕 會在面書上公布.

    這裏是連結.

    是少女時代在香港演唱會的相, 當然還有 caption. 在面書貼相, caption 才是精髓所在. 這點我還是很賣力的…

    放在面書是因為 xanga 的圖片功能太過強大, upload 一張大點的相都唔得. 食撚屎拉你.

    先放一張囡囡來引你班麻甩佬.

    要看可以先add 我.

  • <生活 . 鳩o翕 – 脫期脫到唔記得版>

    同志們, 咱們來晚了.

    也不知怎么, 突然忘記了寫 生活 . 鳩o翕. 然後又去旅行, 又呢又路 (自己也說不出來), 終於到今天才能更新.

    究竟這四個月做過什么呢…

    (1) 回到東京

    九月頭與責任主編去了東京 – 對呀, 又去東京. 畢竟已經兩年沒有來了. 遙想公瑾當年, 小喬初嫁了, 雄姿英發, 而徐福當政時, 每百日圓對港幣也不過是 7算; 豈料金融海嘯來到, 如今每百日圓已去到10算.

    每百日圓10算…即係話…


    係池袋租一間自修室一個鐘要 $52.5.

    不知道為什么東京的自修室要收費, 反正香港的自修室不但免費, 而且更是許多人泡到女生的地方. 聽說過許多人去自修室讀書, 演變成與友人談天說地吹水食TEA溝女打機訓覺, 就是沒有讀過半頁書.

    中學時有次去自修室想讀書. 看到那裏的高手強人, 面對高考此等難關, 仍能輕鬆地溫習井上雄彥鳥山明富慳車田正美的名作品, 還有好些人當作是大帽山郊野公園, 帶著可樂明輝卡樂B, 就只欠他媽的一張藍色膠台布就完成秋季大旅行無異. 我想, 去投注站或夜總會能夠專心讀書的機會還要更高.

    也許東京的自修室有另類服費, 畢竟那個賣廣告的女, 有點像蒼井空 (起碼要有七八年AV 閱歷的才知這是誰吧. 今天那些什么希崎希志希望幹她的娘每一個的名字也一鳩樣…點分呀大佬), 而525yen 後面又說有其他收費. 呢件事情相當可疑.


    每百日圓10算…即係話…

    上面那個豬排飯要 $300 港幣.

    蓬萊屋的豬排飯 – 飯任添, 沙律任添, 茶任添 – 偏偏豬排不設任添. 這是世界上最好吃的炸豬排, 不論10算還是15算, 還是值得一吃.

    若然一生人只能吃一次炸豬排, 我仍會選擇蓬萊屋.

    蓬萊屋在御徒町, 山手線往下走一個站. 當你在阿美利街走到世界既盡頭, 就會到御徒町. 那裏還有一兩個會懂國語的待應, 看看他們心口的名牌就會知道了. 網址在這.

    每百日圓10算…即係話…

    一心想去購物 (例如去買唐老鴨), 你只能敗興而回. 不是買不到, 而是… 7 算 與 10 算, 有很大的分別. 前者是幾乎見到什么也買下來, 後者嘛…要細心挑選究竟自己喜歡那一件. 我安慰自己說, 人長大了 (靠!), 加上家中沒有太多空間, 買少一點也好…

    不過上圖那些唐老鴨, 我真的十分喜歡. 尤其是這個電筒 :

    2. 東京花絮

    2.1 迪迪尼樂園內

    迪士尼樂園內一個清潔工人用地上的一潭死水畫出來的.

    2.2 幪面超人

    在火車車廂內看到這個新的幪面超人… 真係屌左一聲 :


    這根本是一部穿梭機!!!

    玩完龍蛇混雜 (龍騎), 百人中出大激鬥, 啤牌呀劍呀咭片 (o拿, 咭片 同 啤牌 係唔同嫁), 看來創作人真的諗到無野好諗, 要找穿梭機作為幪面超人的造型…

    石森章太郎九泉之下, 知道自己以 草蜢 為造型的 幪面超人, 到左 2011年居然變成一部穿俊機, 真係起返身吐血再死過呀.

    屌佢老母, 呢條友既武器居然真係一支火箭… 真係 見到你鋒哥一身既IT look, 點夠你玩呀…

    2.3 地震機

    去到新宿豐島屋, 見到消防局有防災展覽, 還有地震機玩. 二話不說與主編跳入去…

    據說是模擬 8 級地震… 嚇個半死 – 即使知道是假, 而且只有一分鐘的時間, 但還是嚇到仆街. 今日都仲驚緊呀仆街.

    2.4 六本木

    我會記得這個位置…

    …旁邊的吸煙區.

    3. 港大818

    去完港大826聲討大會後所吃的一頓飯.

    這是一頓解穢酒.

    錢是很簡單的東西, 沒有了, 能抓回來. 偏偏很多東西複雜得多, 不是失去了, 你想, 就能找回來. 這些東西大多是無形的 : 友情是其一, 女朋友是其二, 其二是恩典, 宏觀一點, 從整個社會來看, 法治自由民主堅強誠信自主那些通通在殷海光人生的意義中 第三第四層 的 真善美, 不是容易建立 (打破倒容易得多).

    偏偏這些東西, 正在於香港消失.

    ———-

    2001年, 蘭桂芳還有間鸚鵡酒吧. 科網股爆破, 經濟不景, 六枝啤酒盛惠$130; 數百多元可以買個爛醉. 有次一班大學同學去喝酒, 喝得多了, 不勝酒力. 好像誰走時撞到了甚么, 砰的一聲, 滿地玻璃, 落地開花. 又不知道是誰心虛, 衝口而出 :
     


    “我是中大的.”

     

    然後旁邊的同學大笑. 接着逐一說 : 我是科大/ 理大/ 城大/ 浸大/ 嶺南 (當時教院不是大學; 今天也不是); 唯獨沒有人敢說一句 : 我是港大的.
     
    這和有孩子快將掉入井中, 毫不猶豫救人的心一樣, 是沒有經過思考與訓練的. 即使大家已有醉意, 更大部份人經已醉了, 大家還是知道 : 個人沒負擔, 校譽不能敗.
     
    他媽的, 國父也讀過港大呀. 即使有能不喜歡港大, 大家也清楚明白港大的名譽, 名聲, 地位是經過許多學生, 學者, 員工經過數十年一點一滴建立的. 你可以不喜歡它, 但它敗在你手裏, 是另一回事.

    讀港大一定是精英的時期, 已是歷史; 不過, 大概對自己所讀的學校有點自豪, 有點重視, 所以即使給人家說自己讀 中大/ 科大/ 理大/ 城大/ 浸大/ 嶺南 都沒有所謂.
     
    “我是中大生” 這些說話當然很戇居 – 鸚鵡吧所有人都知我們是港大的. 哪有中大生坐一個鐘頭地鐵去港島飲酒? 酒吧當然也不是因為我們是某大的學生而放過我們, 對他們來說, 每天有酒客碰到這接倒那, 是很正常的.
     
    話說回頭, 大學生, 不正是應該戇居居嗎? 生出來就是天才, 根本不用讀大學 (或者視大學為中轉站). 戇居過後, 大家學懂明德格物.
     
    然後那天看到新聞, 笑了 : 好像有兩個學生從後門走出來, 還沒有做甚么, 就給警察按在後後梯的地上; 一個鐘頭後才獲准離開.
     
    徐校長也夠勇, 後來肯接受學生質問; 夠真誠… 也夠弱智, 他說 :
     
    “港大不再是香港的大學, 是中國國土上的國際大學.”
     
    究竟什么叫明德格物? 明了甚么德?
     
    要由那裏射飛彈去陸佑堂, 也要飛彈有眼懂轉彎才行呀.
     
    究竟大家明白否, 港大與其他許多東西一樣, 是英國人留低給香港回歸的嫁妝? 法治, 自由, 基建, 低稅制, 有效率的市場, 努力的精神… 回歸後香港不斷敗家, 敗了這么多年仍可以站得住腳, 你可以想到這嫁妝有多豐厚.
     
    見到今天的港大, 想起當年的鸚鵡吧, 只覺得自己原來真的很戇居. 今天被推到後樓梯的學生一樣, 也十分戇居 – 戇居到以為可以穿着六四 t-shirt 去陸佑堂示威. 香港是大陸的國土, 香港警察用內地公安一套, 也很正常. 小朋友, 懂什么?
     
    讀港大, 原來也是件戇居的事. 或者, 讀 . 書 . 根 . 本 . 也 . 是 . 件 . 很 . 戇 . 居 . 的 . 事 .
     
    回去告訴你爸媽, 不要再與晨運客說你兒子/ 女兒讀港大了, 讀中大也好呀.
     
    真的不敢再和人說 : 我是港大的.
     

    頂多會說 : 我多希望我不是港大畢業的.

    ————–

    4. 永久的永久

    既然係永久脫毛技術, 仲使乜一年任做?

    你死左仲使唔使供 MPF? (呢個例子唔係幾好) 又或者咁, 你無晒頭髮仲使乜剪頭髮?

    點解咁明目張膽o厄人, 但區議員唔做d 野?

    5. 吸塵機榨汁機豆漿機甘蔗汁機果汁機蒸面機機機機機機…

    據聞下圖, 係一部吸塵機.

    你唔講, 我會以為係飛虎隊用黎殺人既武器. 又或者, 係柯柏文支大炮.

    點知, 佢係一部吸塵機.

    據聞佢獨特之處, 係中間有個水筒, 可以儲住d 塵, 等d 塵唔好吸完轉個頭唔好又飛返出黎.

    據聞, 好多人屋企都有類似既吸塵機.

    全部係據聞, 因為我唔掃地, 亦唔會買吸塵機呢類垃圾返屋企. 你想清潔垃圾, 反而先搬舊垃圾回家, 仲要俾幾千銀, 怎么說?

    可惜, 阿媽多年來中左好多計.

    佢買過一部榨汁機, 話飲果汁對身體有益. 記得部機係白色, 左邊有透明膠蓋, 掀開可以放物件落去榨汁. 我懷疑過放個電視遙控掉落去會唔會汁榨到出黎; 當然我仲未想死, 所以冇試到.

    接著的一個月, 每日都有果汁飲, 重申. 係 . 每 . 日 . 開始時有較正常的蘋果汁橙汁西瓜汁; 其後出現過西芹汁苦瓜汁, 後來好像還煉出香蕉汁龍眼火龍果汁 (呢幾樣野係無汁無水乾爭爭的. 我當初既懷疑應該無錯). 最後佢可能發覺部機好難清洗, 玩左一個月, 掉埋一邊, 最後不知所蹤.

    最後, 阿媽用返最原始個隻方法 – 中間有個類似火山既橙色膠殼 – 榨橙汁.

    事隔一年, 阿媽買左部豆漿機, 話唔好飲咁多可樂; 跟住飲左一個星期豆漿. 事實係, 自製豆漿本身好淡, 要加好多糖先好飲.

    玩厭左榨汁機, 兩母女買左蒸面機, 話係對皮膚好. 但我唔明同打開爐頭用隻鑊d水蒸面有乜唔同 – 咪又係水蒸氣. 於是每一日屋企都好似開桑拿浴室咁…

    根住仲有空氣清新機放濕機抽濕機按摩機多士爐面包機混凝土機打樁機穿梭機… 全部都係短命種.

    ——-

    買呢d 機既時候, 通常d 人會計一條非常戇鳩既數, 就係將 部機既價錢 除以 使用次數.

    例如, 前陣子有人同我講想買 咖啡機, $1500. 然後佢話, 我返工飲一年, 200日, 平均 $7.5 一杯, 星巴克 $28, 平好多, 差好遠. 所以好抵, 要買.

    問題係, 部機你只會玩一個月, 即係 $1500/30 = $50. 夠你每次飲兩杯, d 咖啡因夠毒撚死你. 仲未計燈油火蠟人工維修清潔. 大部份人對機機機機機既熱情愛心耐性, 最多只有三個月.

    可惜, 面對層出不窮的天仙局… 大部份人既一生只會不斷受騙. 呢d 野同情場差唔多.

    6. 更新 . 環節


    反斗車王 : 笑住駕到

    無睇. 因為無唐老鴨.

    猿人爭霸戰

    凶襲暑假; 猩勢懾人

    無睇. 因為都係無唐老鴨.


    美國隊長 : 強戰起風雲. (咦, 唔係四字詞喎)

    留意下美國隊長拎住個支豆槍. 得啖笑.

    但居然連套戲都係得啖笑. 戲本爛過我寫.

    邊個波士唔抵死 (梗係無) : 隊冧你老闆

    好好笑. 正過 hangover 2 (= hangover 1)

     

  • <生活 . 鳩o翕 – What if 版>

    系列對上一次出版, 已經是三個月前的事…

    有天看著 李小龍 : 生活的藝術家. 忽爾想 : 若李小龍沒有死去, 活到今天, 世界將會怎樣呢? 於是急急寫了一篇文章… 後來發覺寫得不好, 擱到一旁 (一如以往的三分鐘熱度); 又想想有沒有事情, 若然過程不同了, 又或者在某轉捩點上沒有某事情出現, 結局又會怎樣? 於是寫了以下一篇文章… 對, 是講佐敦的 :

    是史上最偉大的籃球員, 米高 . 佐敦.

    而更重要是, 文章是以英文寫的. 根據我經驗, 無人乜 (包括我自己) 鍾意睇人寫英文. 無論如何, 我都會貼. 等一陣子 (即肯定唔會) 再整理好李小龍那篇文章, 會貼出來. 我還會寫七至八個 “What if…” 系列, 連帶生活 .  鳩o翕 貼出來. 已定好的題目的有 :

    1. What if 李小龍沒有死去?
    2. What if 香港沒有回歸大陸?
    3. What if 沒有零三七一?
    4. What if 董建華不是第一屆特首?

    當然, 只是題目定好, 文, 是沒有開始寫的. 寫好的只有下面一篇.

    ———————

    Question : What if Michael Jordan didn’t retire in the 1.5 season in 1994 and 1995?

    My viewpoint : To me it is of little doubt that MJ is the Greatest of All Time in basketball, and within the tops among major sports in modern era (alongside Pele, Ali, Sampras/ Federer, Woods, Thorpe, Armstrong). I have once written an article on him in the “overweight” series.

    Put it simple, MJ’s success is built on a number of achievements :

    - Great all-rounded player, particularly a great scorer and defender

    - Determination to win

    - The success of turning determination into reality. 6 time Champion AND Final MVP.  We all know Allen Iverson also has similar heart (the famous quote : Play every game as if its your last is indeed from Iverson).

    - Retired as a winner. He is the only great player that retired immediately after winning champion. More importantly, he did this TWICE. And possibly because of his achievement, no one could really remember he came back for the second time in 20011 and eventually ended its career as a non-loser.

     

    Many people, myself included, have wondered what if MJ did not retire after 1993. To those who don’t know much about basketball, you should skip this column, but in case you still wanna to know, Jordan just won his third straight championship after 1993; and in principle, no one would and could argue that any team can win Bulls and Jordan in the Playoff. Then Jordan announced to retire before the starting of the season in Nov 1993, possibly because of the death of his father during the 1993 summer.

    But then in the midst of the 1995 season, Jordan came back but lost to the Orlando Magic in the Eastern Conference Semi-Final. Then the Bulls signed Dennis Rodman in the 1996 and with Jordan picking up his game sense back, the Bulls cruised to another 3 champion during 1996-1998.

    It is hard to say for sure, but without Jordan’s retirement in 1994, in terms of player movements, the following things should happen :

    (1) Horace Grant will not leave Bulls for Magic in 1995, which means Jordan is unlikely to recruit a trouble guy Rodman (who had confrontation with Pippen during the Piston years)

    (2) Ron Harper (20 ppt in Clippers era before joining bulls) would not have joined Bulls at the beginning of 1995 season.  He was the vain effort to replace MJ.

    This is very important, you all know, given that BOTH Shaq and Hardaway were still in Orlando Magic. Without Rodman, no one could effectively defend Shaq on Bulls’ roster – indeed at that time, Rodman was the only player not named Robinson and Olajuwon that can do this; Without Harper, Bulls would probably stick Jordan to Hardaway (which they did during a regular reason in 1996, and Magic won the game even when Shaq was injured.  BTW, Bulls’ record for the year 72 win-10 loss), and let Dennis Scott/ Nick Anderson to punish BJ.  In other word, there is no way that they can rotate Pippen to defend Hardaway without Harper.

    But it’s still difficult to conclude that Magic could command over the old Bulls roster (MJ + Pippen + Grant), because Magic also lacks a good Power Forward. But obviously, Shaq would dominate in the paint. With the crazy performance in the 1993 Finals, the more likely scenario is that MJ will still get the Champion in both 94 and 95, a five-peat era. What about 96? Um… I bet at least  Magic is unlikely to lose 4 straight to Bulls in 1995 season which partly led to the departure of Shaq (of course the tension with Hill and Hardaway still plays some role as well).

    The implication to the NBA roster will then be even more complex : Without a 1994 Championship, Drexler wouldn’t join Rockets in 1995; Chuck will not join later.

     
    With the maturity of Shaq and Hardaway, the absence of Rodman on Bulls’ roster, and the physical (not mental) depletion of MJ and Pippen, the Magic, not the Bulls, may be able to prevail in 1996-98 (until Hardaway blew his knee eventually). Jordan’s reputation might come to a halt in 1995. He would probably face repeatedly defeats by the dynamic duo in Orlando, struggling and disappointed like other superstars before him (just like Magic lost to him in the 91 Finals; Birds, Thomas all faced disappointments after winning champion because the expectation is very high), and eventually retired before 2000s as his knee and foot, and his partners can no longer support him. His status as the Greatest of All Time is by no way a consensus – and more importantly, he will be forgotten.

    In other words, were it not with the retirement, Jordan will not leave NBA with his last shot in Utah; not with his supreme defensive play on Malone, not with his repeated status as a winner upon retirement (remember that in both of his retirement, he just won the NBA champion).  The fact is that he is and will always be a winner, because of the contradictory fact that he retired in the middle of his career. 

    The debate over 時勢 and 英雄 would never end for a human being; luckily MJ is the god – he created the 時勢 and himself as the 英雄.  That’s why he is the greatest of all time.

    After watching NBA for almost 20 years, there were only two defining moments I can ever remember. I remember watching that live on ATV (no youtube, no fb, no watever you name it at that time). Honest, I didn’t quite like Jordan at that time, and stupidly hoped that Malone could win.

    But the quick layup, the steal and this shot basically ended Malone’s career. Jordan just killed Malone.

    What is the other memorable moment?  Jordan’s shot over Marion in 2003 allstar game.

    ———————–

    好了. 英文文章就此停好了.

    1. 最好的時光

    以前有人問過我 : 你做過最瘋狂的事情是什么?

    我沒有回答實話 : 同時有四個女朋友, 然後試過一天與她們每人做愛兩次 (不是兩下!)…

    據說索得K 多既人會有幻覺. 其實更多人唔索K 都會有幻覺.

    讀大學時, 試過下午三時便飲醉了. 當年經濟不好, $100 半打啤酒, 去卡拉OK 飲酒, 兩舊水包腳指尾都嘔埋出黎 (勿論如何做到). 而家通脹猛於虎射球, 兩舊水連開咪費都未夠… 順帶一提, 此等接龍遊戲是與舊班友經常自我創作的字句. 例子有無心戀戰沖繩島… 仲有 迅雷不及掩耳盜鈴 同埋 快過劉翔頭髮, 仲無聊既有 快到斯路完全體唔到路.

    意義, 無乜; 唔係乜春都有意義. 做人咁多意義, 好快所有有意義既野都會變成無意義. 再者, 人生根本就唔需要有冇意義.

    下午茶$98 半打. 哈哈哈, 下次同老闆講我食下午茶, 然後叫左兩支 Macallan 返黎先.

    2. 超越超級撒雅人

    極限是無法超越的 – 只可以提升. 正如經驗不需要加過往. 當年睇龍珠有超級撒雅人, 然後有超越超級撒雅人… 跟住有超級撒雅人3 (屌你, 連改個名都懶)… 然後超撒雅人456789至無限.

    我十六歲至中五那個暑假第一次看日本AV. 在 男人的天國 – 好景商場買的, 是當年紅到仆街既 小澤圓 (不是小澤瑪利亞), 仲有 直豎舞子 既 處女宮 (唔係星矢打十二星座個個處女宮); 至今閱歷有十五年 (多么長的日子!). 不過, 今天找一個大學生, 問問他們幾歲看日本AV, 他們大概會答你在阿媽個肚個陣已經睇緊.

    四級AV, 是人類極限. 四級, 就是四級, 沒有更高. 所以唔好問我乜野叫 超四級.

    更重要係, 佢聲稱連北韓咸片都有! 一個冇野食既地方, 居然都有人拍咸片, 食色果真性也. 仲要全部好靚好清.

    好一個名字 : 七記. 去了你就柒了.

    潮吹女王表現潮爆, 而不是潮吹. 咁佢黎做乜? 姚明表演放風箏? 紅音螢初出道好正 (大部分紅既AV 女生初出道都好正… 後生女後生個陣多數好正…), 後尾拍拍下變撚左 海浪公園 個既海豚咁… 不斷係咁噴水… 噴呀噴呀噴呀噴, 噴到好似爆水喉呀陰公. 噴足個幾鐘頭. 究竟係拍 做愛 定 噴水?

    根據呢條片, 佢話佢自己 26 歲… 我明明大學三年班已經睇緊佢 (個緊我22歲…). 算拉, 譚詠麟都係廿五o者.

    3. 一張飽歷滄桑的通告

    4. 責任編輯之生日

    話說責任編輯既生日, 就係民主黨出賣港人日. 無錯, 去年民主黨投票支持政府政改方案個一日, 就係責任編輯既生日. 為左唔想記起呢段慘痛回憶, 所謂民主黨出賣民主 (2012 雙普選?), 我決定唔會同佢慶祝生日.

    至於送乜野俾編輯, 梗係唐老鴨拉. 呵呵… 其實諗左好耐, 先記得佢提起過一樣佢好鍾意既野 :

    乜野係 Patisserie? 查字典先知 Patisserie 解作法式面包店. 點讀? 屌, 除左 internationalise, 我從來唔知一個有多過 2 個s 兩個i 兩個e 既字點讀. 以前用快譯通 (係翻譯機唔係球隊呀師兄) 玩 diu lee lo mo 就識.

    佢D 餅真係好撚靚呀.

    5. 樞杻? 樞杻? 樞杻? 樞杻? 樞杻? 樞杻? 樞杻? 樞杻? 樞杻?

    可能我讀得書少, 才疏學淺, 真係唔知 樞紐 個紐字 應該係 “木” 字旁.

    我無問中文系既朋友. 之不過根據 google 大神既搜尋結果, 樞紐 有 6千幾萬個結果, 而 樞杻 只有 廿幾萬個.

    瓏璽成兩皮野一呎… 係咪應該搵人做下別字檢查, 唔好好似某 xanga 作者咁成日狗屎咁多錯別字呢…

     

    6. 蟠龍雙飛@紅色小巴

    7. 無恥也要有個限度   

    公屋入息限額是有既定制度, 每年調整. 不是你去嘈兩嘈, 示兩個威, 就會爭取到什么放寬.

    做人不能這么無恥, 無恥也要有個限度. 你不要講你爭取到溫州高鐵撞車後溫總去探傷者呀笨? 又或者爭取到美國國債上限未能提高, 好冇?

    這傢伙還似剛畢業大學生. 原來最近這仁兄最近成了區議員. 有怎樣的選民, 就有怎樣的議員. 正如為什么大陸整天也有百年一遇的災難. 三成是天災, 七成是人禍. 好些人整天在喊徹查交代負責; 這些微觀的方法只能頭痛醫頭, 腳痛醫腳 – 更何況內地根本睬你都有味. 要減少這些情況, 根本要從制度從管治入手 – 除去共產黨是唯一方法. 可惜透過自由含見識到內地同胞人格高尚, 前呼後擁, 爭先擁後, 一馬當先, 只懂打尖的行經, 真係有怎樣的人民, 就有怎樣的政府.

    正如去年五區公投, 好多人連票都唔投; 然後今年政府出黎要搞替死機制, 個d 唔投票既人竟然話政府正仆街. 就係因為你班人唔投票, 政府先可以歪曲投票率低既含意, 推出替死機制. 我不是說政府是對; 而是當你不去投票, 唔該你收聲. 因為你都是幫凶. 完.

    8. 唐老鴨

    我愛我的朋友. 他們送我的唐老鴨, 我每一件也記著.

    之不過中間下面個支筆, 我有五支, 而無一支係我自己買的. I love you my friends.

    至於左上那個, 是 iPhone 殼… 但我不是用 iPhone 的. 不過, 其實我一直好想買, 但一直衝唔開心理關口… 有時候, 你不肯, 或是不敢, 作一些重要的決定. 你潛意識會作出一些不合理的反應, 迫使對方作出你想要的那個決定…

    9. 更新 . 環節

    9.1 海報四字詞 :

    加勒比海盜 : 魔盜狂潮

    狂潮登陸

    ——————-

    笑話兩則

    1. 又是女友細佬的女友個男朋友, 即係我女友細佬 (仍然是非常複雜的關係). 話說佢女友 數個月前已有笑料一則, 前陣她生日, 幾個人一齊食飯, 食食下唔知講開老爸老母咁既野… 佢細佬突然問左我條問題, 我真係唔識答 :


    究竟你同你老竇老母有乜關係?

    嘩哈哈哈哈哈哈. 屌你老母!!!!!! 你想我點答呀? 哈哈哈哈哈. 好嚴肅咁講 : o拿, 其實我係我老頭老母個仔, 定係話 其實我唔係我親生老頭老母親生既?

    2. 友人為教師 (唔係三師會個三師). 話說莘莘學子想上大學, 大部分都經 JUPAS. 而申請表要你寫三兩百字介紹一下自己. 有冇人睇? 我敢說沒有. 一年兩萬多分, 每個學系收三兩千份, 你叫誰看? 誰會有誘因去看? 寫這些東西, 英文老師可以從旁 “協助”, 發水味濃; 公開成績考試, 明刀明槍, 明碼實價, 無得取巧. 有正常智商的人會信哪樣? 再者, 問心, 有一個文章寫得鳳舞九天, 但高考5 個E, 與一個文章平平, 但高考5個B 的, 你收誰?

    無論如何, 戇居的事還是要做 (例如上班). 話說友人替學生謄文, 有學生在 JUPAS 申請表自我介紹那一欄寫了以下的句子 :

    I am Apple Wong.

    I live in Kowloon Bay. (看罷兩句, 以為是小學生自我介紹… 點知第三句仲驚天地泣鬼神)

    I am 167.

    真係167.

  • <生活 . 鳩o翕 – 自問自答版>


    各位, 久違了.

    最近不能集中寫作, 連帶這個 經典系列 也久久沒有更新… 橫豎也是, 來個自問自答吧.

    問一. 史大叔, 為何懶於更新?

    答一. 說出來你一定不相信. 少更新的原因, 是因為去年換電腦時, 順道連用開的browser 也由FireFox 換成 Chrome. 火狐實在太慢了; 第一次用Chrome 時, 居然重拾第一次由仆街IE 轉去用 火狐的感覺. 那種感覺, 就像你看了蒼井空五六年, 由佢話佢自己十八歲, 自瀆到佢老到似狗屎; 然後某天你發現有一個女優叫 Rio 或者近期十分火熱的 羽田愛 一樣. 那種一睇就射的感覺, 實在難得.

    可惜用Chrome 更新XANGA的話, 是要用 我完全不懂的html. 就算懂, 我也不會用 – 為什么我要粗體字要 <BOLD> 咁麻撚煩? 我想按個掣就搞掂. 唔好咁拉你地? 我想踢波呀~~

    在用快的瀏覽器 同 更新 XANGA 之下取得平衡, 我取前捨後. 要更新這裏, 就要開火狐. 好煩. 開首時還會先用電郵寫下靈感 – 嘩, 這個字眼很久沒有在腦海出現 – 漸地工作忙上忙, 也就少更新了.

    問二. 轉一轉話題, 你對於 限制內地女人 黎香港產子 有什么感想?

    答二. 奇怪的問題. 這個事情我想好一陣子.

    近年香港好些現象, 是中港融合與及香港得以維持經濟繁榮的代價. 有大陸 “照住” – 不論是人 (自由行) , 資金 (包括內地來港的資金, 與及能吸引外資投資本港市場的中資股), 貨物 (香港很大部分的轉口仍來自內地) – 香港2003年後只在2008年經歷一段小時間的衰退, 而經濟回復動力的速度及幅度, 令人吃驚. 經濟增長強勁, 失業率下降, 政府收入大增. 這些是中港融合所帶來的得著.

    這不可能沒有代價. 正如 鄧伯 在黑社會 中說, Jimmy 仔是不可能 又要搵水, 又唔想出力. 最明顯的是, 香港的生產力再強, 也不可能應付一個十億人的市場. 於是在有限的資源下, 現在的資源便要作出轉變以迎合龐大的市場. 轉變在香港各大小商舖商場的 “質變” 最明顯 – 大部分都是自由含的商店. 彌敦道有600 間金行, 銅鑼灣來來去去都係卓越, 錶行, 藥房, 連鎖店.

    至於量變, 則要多說一點. 因為最終量求大了, 會令生產要素的需求上升 – 如果你要多賣漢堡包, 便要更多員工 (人力), 店舖 (地), 漢堡及飽 (食物). 因為內地人買的多是外來入口的名牌, 價格由世界既需求所決定, 因此貨物成本不會因需求太多而上升 (用經濟述語, 香港是一個 “price-taker”); 售貨員的供應甚多 – 除了一般的名店要英文, 大多的商店/食肆只要國語使成; 而過去大量內地中年女士來港, 令此類勞工的供應大增, 於是乎勞工成本也不會上升. 於是收入多了, 但成本沒有變動, 即利錢多了. 地主/ 地產商從中可收取的租金也高了, 而他們亦會想盡辦法製造更多空間做生意. 這便出現所謂的地產霸權.

    金融海嘯時, 內地訪港的人數仍然堅挺. 這也是為什么零售舖位的租金當時只下跌9% (差餉數據), 跌幅遠低於住宅及寫子樓租金 (20% 以上).

    留意上面所說的所謂地產霸權, 不是說私人住宅樓價上升, 而是說商舖租金. 當中港融合越來越活躍, 加上大量內地人, 資金來港, 令本港的被 “大陸化” 是必然現象. 這代價較明顯.

    不過, 香港付出的代價, 大部份都隱性得多.

    當內地人再進一步在社會民生文化上融合時, 其他非經濟範疇亦會受影響. 香港的空氣質素每況越下, 就是當年香港工廠北移 加上 有香港有效率的貨櫃碼頭支持下, 廣東一帶工廠百花齊放的結果. 這便是環保上的付出.

    然後當你發現所謂港產電影越拍越垃圾, 越拍個口味越貼近自由含口味, 這又是中港融合, 電影人要迎合內地市場的轉變, 這是生活上的轉變; 當中環滿地是乞丐, 旺角許多扒手, 這是在治安上的結果.

    而你所問的內地人來港產子, 不過是在醫療上的付出. 這便是要食中國條水所付出的社會成本.

    奇怪的是, 香港人對這些事情總大驚少怪. 其實這些例子尤如天上凡星, 數之不盡.

    你入到本地大學, 聽到的盡是普通話, 或唔咸唔淡的廣東話, 又是一個例證. 香港的教育制度, 最令人擔心. 畢竟政府對摧毀本地的教育制度, 真有一手 – 由母語教學, 到334, 到現在討論中的國民教育, 莘莘學生, 還沒有可以作出決定時, 人生已被徹底毀滅. 就算是特意搞垮教育制度, 也不能像香港政府一樣的不知所謂.

    現在 “大陸化” 仍停留在大學的階段, 而且本地大學仍有足夠的資源去吸納. 當一天因為本地生育率下降, 而有人提議香港容許內地人來港讀中學或小學時, 這才是真正的喪鐘. 當內地學子佔本港學生人數三四五成時, 香港的教育制度必定要改 – 完完全全跟隨內地.

    而我認為政府要引入國民教育, 正是通往這條奴役之路的重要一步棋. 比較之下, 內地孕婦來港產子, 不過是小事一樁.

    最後還有什么? 香港的根基, 便是法治. 當香港經濟文化教育醫療都與內地接軌時, 法治與其同化, 是 sooner or later 的事. 還存疑嗎, 曾蔭權上兩星期說有人濫用既有既司法程序 – 明明是自己錯了還要屈鳩人 – 這不正就是內地政府以 “法治” 達以 行政目的 的一貫思維嗎?

    所以你要反地產霸權, 反政府, 反所有些社會現象, 就要由反內地, 反共產黨, 反中港融合.

    —————–

    好了, 太多口水了. 有問題的話去留言問好了.

    開始今期的相片集.

    (1) 亂葬岡

    說真的. 我很喜歡與女生逛街.

    我沒有忘記我寫過這文章. 當梁振英一九八九年時登報屌鳩中共當權者, 後來又說鄧公應該領諾貝爾和平獎時, 我這些又算什么?

    只是漸地, 我發覺逛女裝部的最大好處, 是可以一次過望好多女. 你去時代廣場既ZARA, 好多靚女, 鬼妹玻妹內地女生香港女生什么也有. 尖沙咀海狗城的 b+ab, 全部後生女. 更重要是, 這是少數的地方, 你望女而d 女係唔會發覺或者理會你望緊佢 – d 女既注意力係d 衫度, 邊度得閒理鳩你?

    你試下係地鐵望住對面條女三秒呀. 你唔係拎住個LV, 著PRADA, 穿住Armani西裝, 佢告鳩你強姦呀!

    不過, 自從某人好像發現這點後, 就越來越少搵我一齊行女裝部… 其實係我好似董廢帝咁, 唔企得唔行得…

    下面係時代廣場某店賣鞋的地方.

    望著望著, 背後生風, 突然諗起日軍侵華個陣既亂葬岡…

    然後有人 (雖然右邊個個應該係個隻緣色既 Hulk) 係亂葬岡試鞋. 嗯 (點頭中)… 佢地應該係食腐屍既屍虫…

    這個亂葬岡叫 Bershka, 是 Zara 品牌有關的公司. 據聞是走年輕路線 (但不知道為什么右邊要走出隻 Hulk 來). 對我來說, 這是個有冷氣的花園街. d 女幾正, 有個收銀不錯.

    (2) 學英文時間

    真的是最後了.

    (3) 明興水電

    這店舖在大角咀附近. 好幾次做完gym 經過, 腦海總浮起當年在重慶大廈的日子.

    是的, 爸媽在重慶大廈的電器小店叫 “明興水電” – 爸媽二人的名各取一字, 得 “明興”. 還記得那是 “明興水電工程有限公司”. 雖說是有限公司, 但沒有公司註冊 (只有商業登記); 更重的是, 在我所知的情況下, 爸媽從明興水電所賺的所有錢, 沒有交過一毫子利得稅給政府.

    沒有實質證據, 但我相信, 很多人得以以中小企養活孩子, 其實也沒有交過什么稅. 更何況, “明興” 究竟有沒有賺過錢, 我一向抱有懷疑的態度. 話說當年明興還存在時, 老爸整天也說在蝕錢 – 真的, 每天也說蝕錢. 小時候信以為真, 害怕明天便會露宿街頭, 於是將生日與農曆年的利是錢也交給老爸老媽.

    大概是到了十歲, 終於知道為什么老爸整天也在說 蝕錢 – 屌佢老母 (終於忍唔住爆粗), 佢每逢將d 錢存入銀行, 就當錢無撚左, 咁邊有公司會 賺? 再大一點佢又話蝕時, 我就串鳩佢 – 你每個月蝕兩千, 一年兩萬四, 十年都廿幾萬. 點解你唔執撚左佢, 慳返廿幾萬?

    情形就似我阿婆每次見到我都話我瘦左. 記住, 係瘦, 係有比較. 廿幾年黎你瘦左呢句話同阿婆都豐乳同路. 三十年了~ 若然我出世時有三百磅, 一年見阿婆20次, 每次瘦半磅, 咁我而家… 同升左空既太空船一樣, 屬於 無 . 重 . . .

    就這樣過了很多年.

    大概是零六零七年吧, 那時候我搬離了重慶, 住在中環. 某天, 老爸說, “明興” 真的執了. “明興” 最後的歲月, 大概真的是蝕錢吧.

    (4) 海報四字詞

    (發現新大陸口吻) 原來好多電影海報都有四字詞… 我地一齊黎睇下.

    雷神奇俠 : 勇者無敵

    講開又講, 你咪得個男主角個樣咁… 其實呢條澳洲佬得 28 歲. 我估佢起碼 40. 所以話地球暖化對唔同人有唔同效果.

    情殺局中局 : 完美行凶

    留意 情殺 同 局中局 用左唔同既字體.

    不再讓你孤單 : 感動交織

    …或者我文學修養低, 唔知道 “感” 同埋 “動” 係代表 男 同埋 女 兩種唔同既情感. 愛恨交織我倒聽得多. 想了很久很久, 終於想到 “感動交織” 代表什么….

    當係 牛肉 炒 牛肉 lor 豬閪…

    惡人家族 : 無印良品 無良極品

    天神魔煞 : 殺破黑暗

    我唔撚知呢d 乜野中文.

    附海報送上 拉直既國金二期, 大家都做唔到既李嘉誠長江中心及中環廣場. 原來套戲係講殺死李嘉誠同埋佢d 大廈…

    (5) 食屎記

    人生終於食左一次屎. 仲要用 $40 買既一杯爛屎. 我估計係 外型 同 味道 上, 呢杯所謂 咖啡 + 乳酪 根本同 屎 係無分別.

    你睇下! 仲有士多啤梨陪你~

    若然你去朗豪坊, 小心係頂樓中伏.

    (6) 由年初一俾人鬧到年三十晚

    阿媽好鍾意用呢句野鬧老姊. 事實上老姊真係好幾次係年三十歲被人預先開年.

    樓下呢間野, 由年初一到年三十晚都減價. 若然你搵到日佢無減價, 請買六合彩.

    (7) 生日

    終於安全地渡過 三十歲 了. 踏入三十一歲, 最想的是… 世界和平吧.

    世界和平, 地球暖化早日解決, 香港有真普選, 民主黨收皮, 恒指九萬點, 平反六四, 中共倒台. 這都是今年的願望 (其實每天也這樣想).

    漸地我不知道究竟是慶祝什么. 是慶祝自己距離死又近一年嗎? 或許能夠有機會許一些願, 倒是慶祝生日的最大得著.

    某年臨近母親節, 我曾對老媽老實不客氣地母親節是應該 老媽 請 我和老姊 吃飯. 因為沒有我和老姊, 老母便只是老爸的妻子 (或前妻), 而不會成為 “母親” 了…

    結果當然俾人鬧足一個鐘…

    不過, 左上那個唐老鴨生日蛋糕真係好靚 (特別多謝責任總編). 我覺得就算係迪士尼出既, 都 . 無 . 可 . 能 . 有咁靚.

    左下的立體砌圖, 自己唔捨得買 (好似舊幾水), 後來老姊買給我所生日禮物.

  • <生活 . 鳩o翕 – 三月長征版>

    我知 march 並不等同 長征. 無所謂拉, This long March 叫 三月長征版 好了.

    我會記得 2011 年的整個三月, 這個我不喜歡的三月. 其實, 我連四月都唔鍾意…不過再唔出文就2012 年了.

    (1) 3 月2 日. 白痴仔 財爺 終於屈服, 每人/每個香港市民/每個住夠七年既香港市民派$6000. 其實當時已估到, 一個月以這樣開頭, 這個月肯定並不好過; 結果也應驗了.


    (2) 無厘頭地訓醒就病了. 訓覺是我還是蓋著羽絨 – 不錯, 無論是三度還是三十度也蓋羽絨. 而居然有人蓋羽絨還會感冒, 世上就是這樣奇妙. 我相信有 inception 這回事, 皆因我那晚發的夢, 就是去了北極探險. 探完險, 起身就感冒了… 請了天半病假, 第二天下午還要回到公司開會. 隔了兩星期, 與友人到喜宴吃午飯, 吃完那個陳皮骨, 下午就開始咳了… 他媽的. 無厘頭地病.

    (3) 更離奇的是, 某天晚上在煙房抽煙時, 想清潔一下食煙的地方, 於是開水喉… 突然聽到窗外傳來 “啪” 的一聲, 然後水喉既水開始無乜力. 跟住 停 . 撚 . 埋 . 水. 見前排區內停水, 以為又黎料, 所以見無水就算.

    當時心諗 : 好在個陣唔係沖緊涼… 於是無沖涼走去訓.

    第二日起身, 諗住搞左一晚, 水務署點都搞得掂咧掛… 點知去開水, 都係無水.

    噢賣葛! 我無潔癖, 但真係接受唔到自己係無沖涼既情況下返工. 又無理由因為未涼沖而射波, 可以眼訓太累唔想起身要去見工唔想做野而射波, 但不能因為未沖涼所以射… 於是死死地氣帶埋衫返工, 諗住晏就返阿媽 (住尖沙咀) 度沖涼. 因為無鎖匙, 所以一定要肯定阿媽度有人 (有人, 即係阿媽 herself). 早上十點半, 打俾阿媽.

    “阿媽你食晏時間係唔係屋企?”

    “唔係喎, 做乜?”

    (呈暗叫不妙狀) “….”

    下刪一億字…

    “下, 我今晚九點先返到去喎…”

    個刻我只可以用灰爆黎形容… 諗諗諗, 最差既情況我就係去奧海城做gym 個度沖, 雖然係遠左D, 但食晏個陣去, 應該夠時間.

    呀佢老母, 又突然俾我諗起有朋友係國際金融中心二期返工. 據稱IFC 2 期呎租$160; 而佢最正既地方, 係每層都有個沖涼房. 好彩同呢個朋友OK 熟, 於是晏就去左 IFC 2 沖涼…

    跟住下午, 業主打黎. 佢話原來唔係街喉爆左, 係寧寧舍舍我屋企條喉爆左. 要搭掤整三日. 屌 . 你 . 老 . 母. 我真係係辦公室叫左出黎 – 即係話我呢幾日都無水沖涼刷牙洗面!!!!!!!!!!!!!!!!!

    咁點? 有幾個選擇 :

    A : 唔沖涼直到屋企有水.

    B : 每日晏就都去 IFC 沖涼.

    C : 每日放工去奧海城做 GYM + 沖涼.

    D : 每日食完晏返阿媽度沖涼. 跟住俾佢o我我屋企點解無水. 我真係唔知, 我唔知點解你遇到一d 好悲慘既事, 你屋企人 – 尤其是你阿媽 – 總會認為你係特登既. 仲要係特登到明明有條乾淨既路唔行, 你都夾硬要行條充斥住狗屎既路一樣. 例如你屋企喉爆左, 佢第一句一定係話你 “搞錯”, 跟住係 “用野用得咁粗, 水喉梗係爆”, 第三句會係 “一定係你擰水喉擰得太大力”.

    至於失戀, 你阿媽劈頭會話 : 叫左你搵個好d 嫁咧. 跟住每一句, 重申, 係每一句說話都係想迫你去自殺作為依歸. 彷佛你唔自殺佢係唔會收口.

    講返選擇題. 我認真地考慮每一個選擇. A 是沒有可能的; B 也會麻煩到朋友. C… 好撚遠 – 我是那些行去對面街7仔也想搭的士那種人 (偏偏又去咁遠做GYM…). 至於選擇D, 其實只湊夠四個選擇.

    終於有借口 於是 去女友屋企屈蛇. 每日要早一年起身返工, 排有四百人既人龍, 再同班唔識既蛋散等小巴, 再跟住同更多唔識既人迫巴士. 最好笑係我搭個架過海巴士係會經過我無水既屋企… 望住個種有家歸不得既感覺, 真係同大禹治水, 三過家門不入, 感同身受… 情何以堪呢?

    (4) 然後是日本地震+海嘯+核事故. 我一直很喜歡日本, 自預科畢業去了六七次 (實際次數忘了), 原本計劃五月去. 自地震後, 我沒有發表甚么感想. 這種感覺不知怎樣說. I feel really sorry. 這還是一個我這么喜愛的地方, 真正人潔地靈. 不要說什么國仇家恨, 二次大戰, 三年八個月 – 要恨的話, 請先恨你祖國的共產黨. I don’t really fucking care. 上次說過會將三千元捐去保良局, 我決定改為捐給日本. 轉軚? 係呀. 咁阿財爺都轉軚, 我呢D小市民轉下又有乜所謂?

    最令人 (起碼我) 感到忿怒, 也再半點可笑的是, 當人家福島五十在搶救核危機時, 有班白痴在香港搶鹽. 我以為而家係2010年, 人類會文明左. 就這么的一個例子, 已經證明達以文的進化論是錯到離譜. 食鹽抗輻射也有人信, 怪不得做愛也可以轉運. 再戅鳩的大話, 只要你肯講, 就會有人信.

    又總會出現以下情況, 我問十個朋友, 其母親有冇搶鹽, 總連半個也沒有. 唉. 人類都快要滅亡了, 還搶鹽…

    (5) 友人結婚, 又當兄弟. 我已記不起這是第幾次做兄弟了, 次數實在太多. 頻密得有人問我的正職是否做職業兄弟. 又做 MC – 其實我對住唔識既人, 係有讀寫講困難. 再加上友人既姊妹… 結果經過一輪四則運算之後, 佢地結婚就黎一個月, 我連人情都未俾. 

    (6) 月底時表弟結婚. 這說過了. 喜事也. 家中很多年沒有做過喜事 (細舅父2001年結婚; 最近的反而是喪事 – 太婆2003年年頭去世).

    也許是我太天真. 以為結婚真係大撚晒, 所以無論發生甚么事, 那天總會有大姨媽一家從荷蘭回來, 影一張全家福. 無論是甚么理由, 這張全家福, 是要影的.

    事實上, 當大家知道表弟要結婚, 第一件事也是要大姨媽回來 – 最起碼我表弟與老姊也是這樣想.

    由於忙於公事, 一直沒有問大姨媽是否真的會回來. 直到表弟結婚前兩晚, 約了其友人飲酒. 我剛巧在附近, 就去會一會他. 還沒有坐好, 表弟一臉神傷說 : 大姨媽一家不會回來. 接著如此這般道出了原因. 總之, 是些很無謂的原因, 大概等同某人說 : 我唔撚鍾意你, 然後叫大姨媽一家不會回來.

    表弟問我是否真的. 我答不知道; 我真的不知道. 表弟問到幾乎要哭.

    當晚沒有喝過甚么酒就離開了. 表弟很想影一張全家福, 婆婆更想.

    最後表弟結婚當天, 驚喜並沒有出現. 大姨媽一家還是沒有回來; 全家福彷佛欠了些甚么.

    我不知道究竟是我自己的願望落空而失落, 還是因為表弟失落的表情而悲傷. 總之, 這個婚禮, 本應與我最親近, 感覺卻是那么遠.

    距離在於, 我不明白在這么重要的日子, 為何考慮一些無關痛癢的因素. 這不是我認識的親友. 在找回那些感覺之前, 我應該不會再繼寫 <我的童年>.

    是的, 終於找到落台階停寫這個爛尾系列了.

    (7) 之前說過友人結婚. 可惜在婚宴前收到一個壞消息, 新郎哥的親人有重病. 月底前過身了. 真的很難過. 主懷安息.

    我真的很不喜歡這個三月.

    —————————————–

    以下將盡量回復普通 <生活.鳩o翕>

    (1) 真係大拿拿

    港元定存有成 1% p.a. 咁大撚把呀!!!!!!!

    仲要講到明係 “高回報“.

    幾乎要唱首奇異恩典黎助慶.

    (2) With heart

    左起 : 吳日言, 陶喆, 胡杏兒.

    (3) 唐老鴨

    儲左唐老鴨既野只有三四年 (重點在 “只有”), 一路引以為傲的便是從不買重複的東西 – 重複的一是自己十分喜愛, 一是人家送. 雖然不知道有甚么好引以為傲, 總之我從不會在家中發現在唐老鴨, 然後像發現UFO般叫 : 哎呀, 屌, 原來重複左.

    直到我近排係屋企發現兩個頸枕 (圖中間).

    某個星期三下午, 老媽神神秘秘地打來.

    “阿仔, 你係邊?”

    “屌, 星期三梗係返梗工.” 近排對住老媽都照爆粗, 但佢似乎已經放棄左我.

    “呀, 我係屈臣氏見到唐老鴨淋浴露, 好得意, 你有冇?”

    我認識老母三十年, 從來無聽過佢用得意黎形容一樣野. 佢對任何唔係佢買既野既形容詞不外乎 :

    晒定晒住晒錢無用無鬼用屋企都有買黎做乜用一陣又唔用晒定晒錢上次個個都未用晒成日叫你唔好亂買野買唔o岩上次咪叫左你唔好買屋企仲有

    既然佢破天荒用 “得意” 黎形容, 拿拿臨問佢幾多錢, 然後買左落黎.

    跟住老姊當晚影左張相出黎… 嘩!!! 你老母, 好得佢無話過我任何一個女朋友得意…

    醜到呢… 不過我其實好開心, 因為呢個係阿媽買俾我既唐老鴨. 見到張相, 我即刻諗到佢最大既問題, 於是接收左佢後, 同佢大翻新 :




    真係即刻唔同晒.

                       (整容前)                                        (整容後)

    多謝媽咪!!!!!!!!

    (4) 家庭計劃

    話說表弟結婚, 對我既衝擊好大. 皆因, 我係好怕小朋友. 我覺得佢地全部都係煩撚黎. 以前連見到也感討厭, 近年好一點, 只玩人家的就好. 若一個不小心, 搞出人命來, 恐怕我首先會了結自己既生命.

    印象中年少氣盛時 (大概只有廿歲), 只有一兩次不用避孕套. 沒有在陰道射精; 但事後驚了個多月 – 剛巧女友月事來遲. 以後再沒有, 是再沒有半次扑野不用套. 沒有套, 最多是不幹. 有朋友從來不用套, 我聽到也驚. 咁即係想落樓, 唔搭電梯直接開窗跳落樓… 射個精o者, 使唔使咁撚勇?

    而話說外婆聽到表弟有料結婚, 沉默了半晌, 然後淡淡說出一句 :

    乜你咁糊塗呀?

    真估不到這是個八十多歲老人家的說話. 老媽的驚世智慧, 是遺傳外婆的.

    某天與女友談起此話題, 我說不知道結紥後有沒有高潮. 作為一個讀左千幾年文科既人黎講, 我真係唔識. 跟住無幾耐, 我收到下面一條連結…

    男性永久避孕

    個手術真係巨細無遺到講出黎… 巨細到令我好噁心, 即刻打消呢個念頭. 讀落去, 最好笑係以下問題 :

    問 : 手術後是否立即有永久避孕效果?

    答 : 手術後,輸精管結紮口以上的管內仍存有精子,一般要經過約二十次射精才可完全排淨。故此手術後必須採用其他有效的避孕方法,並要在本會所指定的日期內,提交精液樣本作化驗。待經過連續兩次化驗後證明精液中完全沒有精子存在,方可放棄避孕。

    嘩哈哈哈!!!!!!!!! 我真係笑撚左出黎. 原來大家既精同美國d 石油一樣, 係有庫儲量既. 而且仲要射二十次, 唔係插揉摸掂含吹奶啜二十下, 先至清到d 精. 二 . 十 . 次 . 呀 ! 屌你, 我一年都射唔到拉.

    然後仲要拎去化驗, 再射多兩三次, 證實無棈先可以唔用套… 如果證到仲有精, 係咪又要射多二十次? 咁射法, 唔使避孕d 精都冇撚晒拉師兄…

    (5) 好學唔學

    個性字越寫越亂, 第日咪亂性lor

    (6) 加送錢強化版

    加錢送普通版

    下圖為強化版 :

    烏冬加三元
    出前一加三元

    之不過…原本碗野幾多錢?

    同出一轍. $98, 賣乜春? 都係冇人知.

    (7) 更新 . 環節

    (7.1) DVD 機樓價大激鬥

    第一集 (2009年版)
    第二集 (2010 樓市急瀉版)

    之後隨進日本地震, 佢更新左部機去 2011 年, 仲減埋價. 真係你阿媽大減價, 益你阿爸 (呢句野真係好old school). $258!

    不過隨住恒指又上返去, 佢又加返價鳥. 通脹猛於虎射球.

    (7.2) 再見 A 爺

    話說兩年前, 我已經係呢個項目既海報見過 A 爺一次. (唔知邊個係 A 爺? 可以按這裏)

    估唔到兩年黎佢仲係咁唔長進, 仍停留係展翅同青見既階段.

    至於政府, 佢終於將水蛇春咁長既英文分左做兩個 bullet points. 見微知著, 好.


    ——————–
     
    是的, 我知道今期 生活.鳩o翕 再次一d 都唔好笑. 為左補償, 我係度送上個笑話.

    鼠疫


    話說某晚在女友家打麻雀 (但我本身唔鍾意打麻雀). 電視播著女拳. 我唔電視, 更加唔進電視劇, 遑論無線. 話說個集講到廣州一街都係
    鼠疫, 阿黃宗澤領左野, 要大拿拿 $100 打血清. 咁阿陳法拉為左籌旗, 就去做雞. $10 一次, 有條白痴應承, 二人去後欄開戰.

    此時, 我以為做得雞, 陳法拉點都會除衫吸引收視, 於是停左係度睇. 點知陳法拉條仆街, 拎碌棍亨條嫖客. 結果由人地扑濕佢, 變左佢扑濕人… 跟住陳小姐竟然係條友身上搵到 $100!!!!!!!! 屌你, 原來一舊水咁易搵.

    好咧. 諗住拎$100 去打血精除鼠疫, 去撚到醫院竟然發現唔見撚左一舊水. 嘩哈哈哈哈哈, 真係笑撚死人.

    跟住, 打緊麻雀, 背住電視既女友細佬女友 (多複雜既關係圖…), 聽唔清楚對白, 竟然問左句 :

    下? 乜野話? 廣州一街都係精液?

    哈哈哈哈哈哈哈哈哈哈哈. 其實一街精液真係恐怖過一街鼠疫. 你諗下 : 楊柳樹全部係精… 牆呀電梯掣呀台面呀手提電話呀全部都有精液… 真係好似拎住你男友電腦個鍵盤出街咁, 諗起d 精味, 都想嘔呀…

    ———-

    前陣子有人post 過文字解讀器, 研究下你個blog 用左乜文字居多. 以下是我的文字牆 (好像王菲陳年 “胡思亂想” 的唱片封套) :

    屌, 唐老鴨 居然不在顯眼的地方. 如果你發覺最大隻既字眼都係無乜意思既字, 唔好奇怪; 皆因呢個西跟本就無乜內涵. 哈哈哈哈哈哈.

  • <生活 . 鳩o翕 – 2011年新春雙響炮版>

    終於有系列係可以差唔多個個月出文.

    話說距離上集己經有個幾月, 係呢段日子, 若非有以下既趣事, 我都唔知點樣可以捱得過. 好咧, 加上農曆年已到, 我係度 恭祝大家 出入平安, 左右逢源!

    話說回頭, 今年年廿九, 已經收到新年禮物… 就快做人老竇….

    當然唔係我 (如果係, 我已經自殺死左)… 而係我大表弟. 即係以前會係條街一路行, 一路瀨屎既表弟, 滾大左人地個肚.

    聽到呢個消息, 我都唔知點講. 開心總有一點點, 但還是擔心較多. 呢條友, 同我一樣連奶都未戒, 跟住你同我講下年呢個時候佢會係人地老竇. 點解d 男人咁仆街, 死都唔撚用套? 係咪窮到咁連套都買唔起?

    不過講開又講, 我有預感佢會生個女. 同老表講過, 佢都好驚生個女; 畢竟滾得人地D 女多, 始終有報應, 俾返個女你擔心. 所以我生女既話 – 儘管呢個機會率係低過零 – 個女一定好慘, 一生到老都俾男人滾.

    跟住我發覺表弟要結婚 + 生仔, 都唔係一件壞事, 起碼, 我地呢輩人有人結左婚, 其他人等 – 包括我同老姊, 都有三五七年唔會俾人問…

    當年三十晚我坐係度發緊春秋大夢之際, 擁有比我阿媽更高智慧的阿婆突然出口…

    阿婆 : “阿史, 阿表弟都結婚, 咁你幾時結?”

    史 : “er…既然表弟就黎結, 唔使我結拉…

    阿婆 : “表弟還表弟, 你還你嘛.

    史 : “係lor, 表弟係表弟, 我係我, 所以佢結唔結婚, 同我結唔結婚, 係 . 無 . 關 . 係 . 嫁~

    然後我阿婆…睇得出佢幾乎想搶返佢o岩o岩派俾我封利是. 一諗起我就快做人表伯 (屌你好撚老呀, 表伯…), 真係好怪.


    1. 撒拉熱鍋上的螞蟻 飯煲

    對, 呢度係我屋企. 去廚房煲煙, 暮然發覺火爐上有個 電 . 飯 . 煲 . 話明係電飯煲, 佢就應該係用電, 唔係用火; 所以照理上唔使放係火爐上面 – 事實上火爐附近方圓七里好似無插蘇.

    成於點解話係 “應該”, 原因係我根本無掂過呢個電飯煲. 無錯, 係掂都無掂過. 佢究竟 work 唔 work, 其實我唔知. 對我黎講, 廚房的功用, 亦係唯一既功用, 就係食煙.

    至於點解飯煲係火爐上面, 下次見到包租婆, 我會問問佢.

    講開包租, 我想講, 通脹真係猛於虎射球. 業主話加租, 加既銀碼同今年將會加但未加既人工有得揮. 即係話, 未扣除任何開支, 加既人工會全數會撥入加租度.

    如果你係80後, 成日抱怨買唔到樓. 唔該問下你同學仔既阿爸阿媽, 甚至乎係自己阿爸阿媽有幾多楝樓. 問完, 先要好去嘈.

    2. Engilsh fails

    係即配即有還是三個鐘有得拎? 真係歧視鬼佬.

    但當想到強如春代教育既健蛇都有咁既低級錯誤, 呢d簡直係九牛一毛, 滄海一粟, 一毛不拔, 一生一世, 五六七八, 狗屎垃圾拉. 話說 健蛇 與 羅渣蛇 係當年第一代補習天皇, 佢地當年真係好紅, 加上 史sir (唔係我), 彷佛唔讀書既人都走去補習…

    3. 好似唔似

    你走去似白鴿. 仲要似民主黨隻白鴿.  這系列還有一張, 不是白鴿, 是個黑黑的燈泡.

    屌! 個燈泡係黑色, 唔著既, 無光. 即係死撚左火拉…

    4. 外國勢力在說三道四

    講的不是諾貝爾和平獎, 當然也不是達賴拉嫲. 而是大富翁.

    左上 : 偉大既旺角 僅僅好過 深水埗; 而深水埗好過九龍站! 唔通班老外睇左呢張google map, 以為九龍站仲係沙塵滾滾的地盤?

    右上 : 深井, 元朗 與 羅湖 並列最平既地方. 元朗有 $4,000 呎既新盤 (仲要係元朗入一入, 幾乎要拎回鄉證先去到), 深井有四千銀一呎既樓, 羅湖…. 乜柒都冇. 最出名既羅湖城… 其實唔係香港. 如果真係要排, 梗係天水圍, 羅湖, 同埋 The Icon 龍鼓灘拉.

    左下 : 太平山 (?? 邊度黎), 淺水灣, 仍然係最貴. 呢個係豪宅好old-school既定義. 舊到… 大概係香港開埠初期既原人先會以為淺水灣係豪宅區. 如果你以為豪宅仲係太平山或者淺水灣, 咁你大概會天真到以為香港仲有一國兩制, 港人治港 同埋 高度自治. 呢三句野同每天D 乜春野樂壇頒獎典禮話自己公平公開公正一樣, 都係口號黎. 如果係真, 何解 林峰 可以連續兩年拎乜野最受歡迎男歌手?

    右下 : 九龍塘 排在 黃大仙之前. 哈哈哈哈. D 外國人梗係睇左名城既廣告, 以為係九龍塘附近就係豪宅區. 所以黃大仙僅次於九龍塘.

    如果俾d 保育人士去排, 我估由頭都尾都係菜園村, 當中d 車站就成為皇后碼頭. 當然, 好多人同道教真人一樣, 係吸風飲露, 不食五穀, 環保又點可以用錢黎衡量呢? 講開保養環保屏風樓地球暖化保護小動物, 前陣子好多人罷食板前 – 理由係, 佢殺藍鰭吞拿魚; 又有好多人話去飲有翅食人情打七折 – 老老實實, 我真係第一次聽見多左野食仲可以俾少D 錢.

    好咧, 你下次去飲如果無翅食, 順便睇下你有冇帖收.

    打賭吧. 一百賠一, 你一定有帖收.

    哦, 乜斬樹又唔會全球暖化既? 印帖唔使用紙既? 每逢見到這些口是心非, 做一套, 真係另外做又一套, 都不禁會心微笑.

    無翅食, 我會俾少五舊; 無埋條魚, 唔該你俾返車錢我添呀. 不如咁拉, 索性食齌算. 成圍都係有機菜心有機蕃茄有機蘋果有機會有機心有機地.

    (5) 唐老鴨

    前陣子去了第二次香港迪迪尼… 好悶. 因為真係好撚細. 我開始唔明白點解有d 人可以一年去十幾次, 多過返屋企. 中途好似悶到訓著左. 同埋, 真係好多大陸人. 我真係好唔鍾意大陸人.

    返到尖沙咀, 無人講廣東話. 重申, 我一句廣東話都聽唔到.

    講返唐老鴨. 這次去迪迪尼, 想買些東西, 但最後也只買了右下角那頂帽, 還有一兩個 pin. 香港迪迪尼那些精品, 個唐老鴨永遠醜得誇張.

    6. ZARA

    若你和我說這是惠康賣橙的地方, 我會相信. 深信不疑個隻. 情形同當年既 b+ab 差唔多.

    當然, 係呢度都只係會聽到普通話. 廣東話, 乜野黎嫁?

    7. 改名
     
    又鮑汁, 又睪丸, 真係乾坤燒鵝. 叫人點食呀?

    他日老表生左個女, 一定要由我黎改名. 屌, 梗係叫嘉欣拉. 橫豎叫得做嘉欣, 真係醜極都有限…


    8. 食過明將紅豆壽司, 大家就係兄弟.

    我吃過了. 在明將戰友推出之前. 還有明將只有一間, 就是西九那間. 其他都不入流.

    我吃了兩件紅豆.

    你吃過, 才會真切的感受到歌詞之絕核.

    其實在吃之時, 我感到有一點難過. 這點大概同行的朋友可能沒有留意 – 對著我們桌的, 坐著三個人. 其中一個應該是唐氏綜合症的患者 (直接一點說, 即係低能. 但其實你話個條友低能, 條友多數唔係低能; 真正低能的, 你不會用低能形容他們). 他們吃得很開心. 那不是我們在恥笑, 在玩弄那種開心; 而是真徹地覺得 “我能夠吃到壽司” 那種童真之心.

    那大概像我們小時候得到第一個神奇筆盒 (這條link 只適合廿八歲以上阿叔看), 六神合禮, 聖矢, Reebok 波鞋. 而當旁人在恥笑你擁有的這份禮物, 而這個旁人還是你自己, 這種感覺不好受. 好撚折墮.

    我不是甚么偉大的人, 也不是甚么假慈悲. 那一刻, 我是認真的. 儘管只有那一刻.

    當明將總店在深水埗, 一個全銀河系貧富最懸殊的地方, 能夠俾 $50 (不是很平 – 當你考慮到食物低無可底既質素) 任食壽司的確吸引到很多低收入家庭, 帶著小朋友去吃. 當我係板前食兩舊藍鰭已經舊幾水, 我的確有點慚愧.

    不過當係東莞俾左六舊水叫兩條女坐台之後, 我好快唔記得左呢D 感覺.


     

    屌你, 真係人頭湧湧狀.

    ——————–
     
    然後我知道今期 生活.鳩o翕 一d 都唔好笑. 為左補償, 我係度送上個笑話.

    話說, 有個朋友唔識踩單車. 我發現, 唔識踩單車既人, 比唔識游水既多. 最大既原因, 係因為我唔識游水. 無論如何, 呢個唔識踩單既朋友, 某日煞有介事同我講…

    “阿史, 我報左名去學踩單車.”

    嘩!!! 屌你, 我幾乎無食野都哽撚死呀… 唔知點解我又好自然咁答佢…

    “哦, 係咪係李健學? 跟邊個師傅?”

    跟住我已經忍唔住大笑鳥… 頂, 單車呢d 野都要報名學? 我就快開班教人打飛機, 或者基本d, 收錢教人扯旗, 甚至乎先教人認清楚乜野係o者o者仔.

    “妖, 係工聯會呀. $400, 四堂.”

    我的天呀!!!!!!!!!!! 仲要學四堂咁撚多…

    “咁係咪學完可以好似佢地咁?”

    跟住我無撚左呢個朋友…

    不過我去工聯會個網頁, 唔係好覺有得學.

    希望佢唔係 函授 教踩單車拉. 話說當年中學阿蛇教游水, 真係拎住本書係池邊教… 結果我咪唔識游水lor…

  • <生活 . 鳩o翕 – 秦國版 泰國版>

    話說有位朋友係中學教書, 好似教中史. 佢試過係測驗時出一條題目, 大概係咁

    春秋戰國時期, 最後由 __ 國統一了六國, 結束了戰亂時代.

    …………

    佢同我講, 有為數不少既學生, 都寫左泰國.

    係泰國, 即係阿披實泰王白龍王四面佛曼谷馬利亞紅衫軍大笨象wacoal 既泰國.

    我唔懷疑係另一個時空, 統一六國既係泰國而唔係嬴政既秦國… 但泰國統一六國, 合縱又連橫, 張儀又李斯, 正. 誰求誰 春秋都只聽天地號令… 感情橫行就像感冒流行…

    1. 泰國遊

    好咧, 歡迎來到 生活 . 鳩o翕 泰國版.

    前排我去左布吉 (“我地而家係布拮~~“). 布吉, 只係得兩樣野 : 做 spa 同 陽光海灘. 我唔做spa, 更加唔識游水. 傳說我對上一次去游水, 已經係十四五歲個陣; 而泳褲呢樣野, 更加係我未聽過既事物黎! 不過由於懶, 所以友人話去布吉, 我唔想諗其他選擇, 所以只有舉腳贊成. 話說老爸都唔識游水, 但聽佢講佢係游水落黎香港既… 究竟實情係點, 我都唔知.

    而去旅行既行程, 簡單黎講, 我連搭幾多點機都係之前個晚先知!! 無論如何, 我決定用布吉女既名句黎作小標題, 回顧一下個旅程.

    今日玩滑水玩到pat pat好痛

    我無滑水. 原來只要著住救生衣, 你就算係深海都唔會沉的 (!!!!!!!嘩, 你阿媽係女人!). 至於布吉既海灘, 真係靚撚到過份. 去Similan Island, 要五點起身, 坐車坐船三個鐘, 去到朝頭早九點 (仲慘過返工), 但真係靚到仆街. 我大近視八百度, 唔戴眼鏡, 係海中心都望到海底. 幾乎喊左出黎.

    而珊瑚島, 只係要坐車坐船一個鐘, 都係好靚. 水, 係好似你同我小學美勞堂畫畫時的藍色綠色, 而唔撚係香港個d 黑色 (!!!!). 下圖為自制180廣景圖.

    如果一個唔鍾意陽光海灘, 唔識游水, 唔鍾意戶外活動既人, 都話好靚, 就好似有日曾鈺成話六四係錯既一樣咁有說服力 (起碼我咁以為). 可以下年或後年再去一次.

    但由於我無乜頭髮, 在陽光曝晒下, 最終痛既唔係pat pat, 而係頭殼頂個轉…

    咦~~你唔好用個龜頭撩我啦

    係珊瑚島… 我唔多講咧.

    六個都係日本女生, 樣子不賴, 有身材.

    成個trip 最有價值呢一部分. 去左千幾次日本, 都冇咁既艷遇呀, 該燴!!! 你唔好用個乳頭引誘我呀….

    咦~唔~你唔好咁入丫, 好衰架

    圖中男人, 左手邊為其女伴. 一路行, 佢女伴一直向住海講話好靚好靚 (大概咁上下), 而男人 (與我既) 視線, 一直無離開過個六對野…

    天下男人如是; 如是仆街. 好衰嫁!!

    2. 麥當奴叔叔

    由於要支付叔叔係監獄既膳食, 泰國既老麥好貴. 十件麥樂雞餐, 要50港元.

    順帶一提, 叔叔既動作係 沙嘩d cup.


    3. 日日有拳打

    但我無睇. 其實幾貴 (屌你乜春都話貴). 當然, 我相信有價講. 因為係布吉, 乜都有價講 :

    的士可以講價. 事實上一定要講, 因為無咪表跟. 好煩. 每次的士佬會開天殺價, 搭一個街口要100 泰銖. 開頭傻仔企係度同佢講; 後來發覺浪費時間, 而價錢又唔會好平. 突然諗起前排睇個本 FBI 教你讀心術, 發覺肢體語言最有說服力, 最直接, 比美國運動咭更加世界通行. 於是乎佢一講價錢, 就動身行去. 佢地又好仆街; 你唔行佢一毫子都唔減, 你一行, 就肯減…

    於是乎經過幾日幾千次既訓練, 我已經成為一個講價高手… 可以講黎講去都係一百幾十泰銖. 如果係買樓一百幾十萬….你話幾好.

    之不過, 每次都係同一個步驟, 走埋去, 問價, 走, 佢叫返你轉頭, 減價, 上車, 好撚悶, 亦好討厭 (屌, 你扑野夠係咀啜除衫插射抹拉).

    去trip 都可以講價. 去珊瑚島, 原價1200泰銖, 友人講到800 (!!!); 去 Similan, 原價 2800, 只減到100 到2700.

    叫雞相信都可以, 但無叫亦無試圖講價. 同朋友去酒吧街, 行入去睇所謂 “鋼管舞” – 實際只係有排女人係台上面行行企企… 似行cat walk 多過似跳舞. 你以為會好似乜野癲馬女郎之一夜情咁瘋狂跳… 是不會的. 事實上我都唔知點解諗起呢套戲… 更奧妙之處是, 如果佢地上台時有著衫, 佢點跳, 都係唔會除左個胸圍. 我完全唔知乜野叫艷舞lor. 有客人俾錢請野飲, 都係戴住胸圍, 吹咩? 不如你著住羽絨跳呀笨.

    而我發覺當所謂艷舞女郎行過時, 佢地好少撩我… 可能我個樣唔夠淫賤. 有友人問價, 要3000 泰銖. 哈哈哈哈哈. 佢一定係講笑. 一千銀港幣夠係香港搵d 韓國囡囡玩拉. 而泰國女子因為基因問題, 香港人唔會覺得靚 (香港男人只會覺得韓國妹同日本妹靚. 完), 好多外國人會覺得佢地正. 人棄我取嘛…. 我估計, 嫖妓, 都可以講價. 三舊拉.

    而近日發覺, 有個泰國妹非常非常正點 (若她是如假包換的女人…), 真的有點像林嘉欣. 是傳說中的林嘉欣呀. 話你基因唔o岩香港人口味…對唔治lor

    4. 英文

    200 泰銖 (60 港幣) 很多小時, 好扺屌.

    5. 生活

    雖然這系列叫 生活 . 鳩o翕, 但我很少會談生活, 多數是鳩o翕… 好吧, 就談一談近來生活.

    一個字 : .

    工作非常非常忙, 不要說是取材, 有時候連屙屎的時間也沒有. 回想部分在xanga 認識的朋友, 有不少到了三十歲, 個xanga 就會好自然越寫越少, 然後自動失蹤… 這是我最不想見到的. 可惜…結果, 生活其他部分就如沙發上的衫, 一樣紊亂, 雜亂無章, 快刀斬亂麻, 頭髮亂了, 急急撒嬌…

    而沙發扶手上的1Q84 Book 2, 重看了青豆的一次. 看完 Book 3, 硬是有種感覺會有 Book 0 或者 Book 4. 忙, 但又時間睇書. ok!

    我有三對款式一樣的 Nike Free 5.0. 全部是過去幾年去東京幕張 outlet 買的. 是特價貨 – $300-$500. 黑色, 灰色, 白色 (但著到似灰色). 想去 NikeId 造一對全黑, 但不知怎么來來去去也是收人民幣, 加上價錢不低 (人仔950), 真係好麻煩.

    還有, 不要以為沙發上的衣服, 是污穢的. 事實上, 他們全部是乾淨的. 而點解有人除鞋, 而對鞋係放係路中心… 咦… 真係我都唔知點解.

    一張簡單的相, 其實還有很多可以說. 不過算了.

    6. 唐老鴨與創世紀

    在潮流特區 (儘管這名字一點也不潮) 看到. 價錢也沒有問… 畢竟那應該是全宇宙賣砌圖最貴的地方…

    7. 你當我是浮誇吧之港燦奇談

    香港, 其實唔係俾香港人住. 你住係香港, 但成日上大陸揼骨按摩旅行飲酒行街買書買樓買A 股係咪? 大陸佬 – 無錯, 我係性別歧視 + 種族歧視 (重申, 大陸人同香港人 係兩個種族, 雖然佢地開始同化) – 品味, 若然勉強叫品味的話, 係浮誇.

    你見到d 好撚浮誇既野, 你幾乎可以肯定係俾大佬人睇同買.

    太興冰震奶茶, 已經好浮誇.

    前排上山頂, 見到翠華支香檳奶茶, 頓時覺得太興個杯奶茶踏實過自開水. 個個玻璃碗, 根本係用黎去沙灘玩.

    點知同我一齊叫呢支野既人, 係一個香港人.

    然後某天去了看+x 哥某樓盤的示範單位.

    下面呢個叫做 棺材 浴缸. 一個深不見底的浴缸. 究竟想自殺定沖涼呢?

    呢張叫雙人床. 嘩! 好驚人既觀察力!. BTW, 話說前陣曾俊華又出手拗痕, 然後佢係發言稿有這樣的一句 :


    “今年頭九個月,十二個月內轉手的樓宇買賣上升了百分之一百一十四,這是一個三位數字

    哈哈哈哈哈, 這是一個三位數字. 你老母是女人呀!

    呢張叫 單人床. 背景既景, 當然同無線個d 處境劇既鳩景一樣, 係張相黎. 除左去和合石同埋流浮山, 你幾見過d 樓會對住綠油油既山頭? 仲要d 樓起到王祖藍咁矮? 發你老母的春秋大夢.

    我想講, 上述既 浴缸, 雙人床 同 單人床, 都係唔足以一個五呎六吋多少少既中國籍男子, 即係我, 伸直對腳. 浴缸頂腳, 而當我訓係張床度, 腳板係會 暴露 於空氣中, 下面既吉既…

    更重要係, 個張雙人床, 係要特登升高佢, 等可以連埋個百鳩幾呎既窗台; 否則張床只係 1.5人床. 而張單人床, 其實係個窗台黎.

    下圖更堅. 沖涼既地方係無門. 因為, 根本裝唔到門. 裝左, 關唔到; 關左, 入面既人走唔到出黎. 沖一世涼.

    細到放唔到床, 索性改做兒童房. 屋企無細路? 屌, 有人三十幾歲都鍾意唐老鴨, 使乜驚? 仲有, 下面呢間係兩間房打通後的成果. 我 . 唔 . 係 . 講 . 笑. 真係 細撚到…


    8. 林正英

    有晚去尖沙咀食飯. 經過金巴利道, 見到有間地舖既門口, 用貼疆屍既方法貼左兩張符咒.

    行近d 睇. 噢, 屌. 田生.

    即係你封咪封o羅. 咁唔使封得咁撚核凸? 不如你搵返阿林正英黎做代言人. 如果你搵到, 收樓真係易如反掌. 急急如律令, 急急如律令, 驅邪驅鬼驅邪驅鬼…

    9. 更新 . 環節

    9.1 樓價與dvd 機怪談

    話說係我去左布吉個幾日, 政府又出招幫樓市拗痕. 但今次唔覺意大力左, 見紅出血.

    跟住奇怪既事發生咧…..

    話說上次講街口DVD 機既價錢, 跟樓價上, 由 $338 加到去 $498… 係政府出招, 樓市見血後, 我見到佢又減返去 $338… 留意下右邊張相, 寫 “$” 個位仲有之前白色貼紙既痕跡. 我開始懷疑佢$338 其實後面有個”萬” 字, 佢係賣舖唔係賣DVD 機………

    至於樓價係咪真係會跟住跌 30%, 我唔知. 如果係真, 之前we 嘩鬼叫個班年青人好快d 買返個單位拉. 七折都唔買? 屌那媽, I.T. 八折你已經仆到去買拉, 師兄! 你試下ZARA 半價呀, 你連門口都見唔到呀.

     
    9.2 又扮野

    繼上次, 又有粉腸走出黎扮阿SA.

    佢係阿SA 黎? 你不如貼 angelababy 張相話係 janice man 拉.

    偷左我抽葡萄仲唔提老母?

  • <生活 . 鳩o翕 18>

    系列又成功脫期. 另外, 呢篇並唔係咁好笑…

    1. 2010 版

    經過大半年, 佢d DVD 機終於換左 2010 版 (2009版post 在此). 由 DVD 機 升級去 高清DVD 機, 價錢仲冇因為樓價升到仆左街而跟住上, 仍售 $338. 只不過… 2010 年又就快過…

    還有, 旁邊出現左對波大到想爆既屠龍者 周秀娜…


    可惜我前兩日再行過…

    一野加左 50% 價.

    我不知道那是否同一部機, 反正係咪一樣, 都會有人嘈加價 (就像有人不斷說新樓貴一樣). 而觀乎佢只係改左個售價, 部機既芬唇大概一樣… 咁佢真係加撚左 50%價.

    2. 周秀娜 vs 楊千嬅

    提起周秀娜, 應該要提下佢同楊千嬅拍個套 <抱抱俏佳人>. 好一個娘屎到爆既戲名. 望一望男主角原來係林峯, 咁唔改返 <難得有情人> 已經偷笑.

    照睇海報, 林峰應該係揀左楊千嬅, 而拒絕周秀娜.

    所以話, 電影真係帶人進入超現實的世界.

    而周秀娜係海報連名都冇, 好些海報連周秀娜都執走埋… 果然係女人做導演 (女人本色名導演 黃真真; 近排作品有 薜海琪 既 分手說愛你).


    女人基因裏面個種嫉妒心, 是恐怖的. 近排係面書睇到好多朋友既朋友結婚, 咁好自然d 人會放返個人結婚d 相出黎. 而作為男人既我, 就會睇下個日d 姊妹如何 : 竟然係一宗又一宗既騙案. 嘩你老母呀, d 姊妹真係…特登揀都冇咁撚醜呀. 真係俾你特登去街度揀, 都要好多時間先揀到咁甩皮甩骨呀. 呢d 簡直係行騙既行為, 真係仲衰過大頭奶粉.

    更進一步, 佢連衫都唔會放過. 比較經典 (及常見), 就係姊妹條裙係窄身low cut, 你只要有少少肚腩, 肥到似豬; 無胸, 突顯你天使既身材; 有胸, 爆裙收場. 無懈可擊! 我甚至乎懷疑新娘去到揀姊妹裙既地方, 係特登叫人拎走晒靚呀, 正常呀, 著得普通既裙.

    無論如何, 女人係結婚個日, 唔會, 重申, 係唔會俾任何一個機會係鏡頭出現多過五秒既女人靚過佢. 唔會! 所以你想做兄弟識返個靚姊妹, 是天方夜譚. 呢度講個個 每個靚姊妹人情俾多一舊水, 算撚數罷拉.

    問多句, 其實林峯係咪真係好撚紅?

    再問多句, 可唔可以立條例, 限制無線既演員淨係可以係電視出現?

    3. 穴

    呢個字點讀.

    鳩?

    窿?

    八?

    屌?


    4. 唐老鴨


    去買唐老鴨既野, 通常入到舖頭一野就望到… 好少要行行下, 搵下搵下先見到. btw, 後面左邊紫色個件, 其實係唐老鴨 t-shirt.

    下圖頂帽係某年唯一一次去香港迪迪尼, 買俾細佬… 我當年已經一心諗住有日佢唔要, 就可以據為已有…. 真係仆街到入骨. 結果數年後既今日我真係將佢據為已有…證明我真係仆街. 同送個鬚刨俾老母, 簡直一撚樣.

    話說有人曾經係新加坡某地方見到唐老鴨, 影左相. 不過我到今日都冇收到有關電郵… 可能真係寄左俾真既唐老鴨.

    諗真, 政府大可以搵唐老鴨做代言人. 起碼, 以佢既煲呔 同 姓氏, 佢可以跨屆工作, 中途唔使換人. 即使他日換上唐英年, 佢唔使好似另一隻小丑 x 騰華咁要出走. 總之宣布乜野 樓市措施, 最低工資, 貧富懸殊, 都搵佢做代言人. 一咪係度 “鴨鴨鴨“… (醫生~~ 病人又亂o翕野咧~~~~~~~~)

    5. 名不副實


    首先, 呢條友個樣, 一d 都唔賤. 賤, 要從心度賤出黎; 要從生活實踐. 例如送野俾人個陣, 晨早諗住遲d 可以拎返…

    第二, 賤, 點諗英文都係 despicable; 或者直接叫 PK. 橫豎套野都係粵語, 睇既都係香港人, 識PK 既點都多過識 despicable 拉.

    第三, 即使係 Poorguy, 我諗點都要加返 ‘s 掛.

    第四, 其實同套劇無關. 前陣竟然掀起買飛熱潮, 由王迪詩所編的 孔雀男與榴槤女“, 不知所謂到極點. 或許是我文化修養唔夠高, 或者唔夠中產, 悟性低, 生得矮, 頭髮又少, 但成套戲令我留下印象的, 只有d 演員不斷由頭屌到屌. 唔係日本動作片個d 真屌, 而係用把口講粗口個隻屌. come on! 呢d 野我日日都做緊, 使唔使俾幾舊水睇你講粗口?

    套戲講乜, 真係無厘頭, 完全唔明. 睇番評語, 居然有人明佢講乜…. 好似當年睇完 吳清源 (係呀, 又講, 我係好鍾意鞭屍), 有人話套戲係乜野 逆向思維. 我諗真係要由大學讀起, 一路講返去幼稚園先知何為逆向思維. btw, 忤逆思維我倒很了解.

    可憐既梁祖堯… 然後我諗起, 套劇掛住 王迪詩 個名… 真係燒鵝踢出蔗渣既味道. 忽發其想, 嘩… 呢套分明係…

    舞台劇版阿嫂!!!!!!!!!

    提起阿嫂, 黃精甫大導演近排昆左 juno 落搭, 然後搵左蒼井空黎拍左套戲. 想睇後現代戲既朋友有福了.

    賤男的懴悔的海報寫著這兩句話.

    “沒有無法容忍的真話, 只有接受不了的謊言”.

    好呀! 你同信左茅山師傅扑野可以轉運個班人講, 話佢地係笨柒兼戅鳩呀?

    世人喜歡聽謊言. 尤其係女人.

    8. 沒有無法接受的真相

    政府是無法 亦 無力 去令樓價 升 或者 跌. 就算有, 佢亦唔應該用.

    這是真相. 你可以繼續心存希望, 甚至乎係妄想, 政府可以做完某d 野, 樓價就唔升/ 唔跌; 若果做到, 宇宙唔會有金融海嘯 – 1997 香港, 1990 日本, 2007 美國 全部都係樓價下跌造成經濟動盪.

    香港人是善忘的. 例如, 下次區議會/ 立法會投票, 就會有好多當年反對民主黨支持政府政改方案既人投返佢地; 有好多人竟然懷念董建華做特首的日子.

    樓價高嗎? 高. 但係咪俾大陸佬買晒? 唔係. 香港仲有好多人買到, 亦有買樓. 如果你想一畢業 – 不論係中學小學定大學畢業, 做幾年野, 就儲到錢買一手樓? 有! 你有幸係1995年前畢業, 1997年到2003年D 樓平到你唔信.

    要找到理由算到頭上, 太容易 : 政府廢柴土地不夠屏風樓大陸佬買晒貧富懸殊地產商治港競爭不夠後生仔無機會. 現實是, 即使是香港最美好的年份, 要三十歲前在不靠屋企人夠首樓, 對大部份人來說是沒有可能.

    我外婆一家, 由老媽開始到細姨, 學歷越來越高. 老媽老爸結婚, 買了尖沙咀的樓宇, 一九八三年, 部分首期是外婆借的; 舅父一直沒有自己的家, 住的是外婆在荃灣的舊樓; 細舅父結婚後住在外婆的舊家; 大姨與外婆同住; 二姨沒有置業; 細姨要到結婚才買荃灣中心一個小單位, 然後搬到荃景花園, 再搬到愉景新城.

    說穿了, 你買不到樓, 與沒有屋住, 是兩回事. 那些整天在說買唔到樓, 樓價貴的人, 我倒想問句 : 你原本是住在哪的?

    當然, 我不是說樓價很合理, 也不是說樓價不合理的存在便是合理. 你有種, 咪金融海嘯個陣買. 唔敢買, 又或者個陣買唔到, 能賴誰? 但拿著 nokia 8230, 眼紅人家有 iPhone, 但自己又沒有錢, 能怎樣?

    那些一邊買, 一邊嘈的, 有沒有想過, 自己係咪有份推高樓價? 無你接貨, 太古城點賣到九千錢一呎?



    7. 只有接受不了的謊言

    唔好問我個安全島點解係個度.





    8. 九龍油麻地雞記正舖麻雀學校八十週年

    返學梗係要交學費拉, 傻仔!

    9. 更新 . 環節

    9.1 倫理關係


    我以為老媽既 枕頭巾 + 枕頭套 x 2 已經無敵…



    9.2 守時, 有禮


    隔左半年, 唉, 施主你都係請唔到守時有禮既人嫁咧.


      

  • <生活 . 鳩o翕 17>

    近排生活淨係得返工, 根本無時間鳩o翕. 順理成章, 呢個系列 又脫期咧~~ 好野! 今次貪過癮 (俗稱 屎忽痕), 係最尾加左個新環節. 唔知點解, 我發覺我寫野開始唔好笑.

    至於講左十年既影相環節… 放心, 仍然係無影.


    1. 唐老鴨

    今次特意將唐老鴨移前, 無乜特別原因; 反而過去將唐老鴨推後, 係由於有讀者投訴我日日唐老鴨, 威脅 cut subscription, 又要去消委會投訴等云云 (其實我想知佢去到消委會點講). 呢d 指控不盡不實, 但我多數會敷衍一下, 回應兩句了事, 情形如某第三世界島國對待槍手挾持人質咁, 順便將唐老鴨個部分移後.

    過去兩個月, 生活唯一的驚喜, 是我的收藏品又多了.

    雖然我都o翕唔出驚喜係邊忽度…起碼終於有法國迪迪尼的唐老鴨了.

    左上的名信片, 左下的 pins, 右下的 t-shirt 都是法國迪迪尼出品.

    t-shirt 旁邊的是奶咀…..繩. 至於奶咀, 是沒有隨書附送的. 日本出品

    你無睇錯. 右上與中間的都是 奶罩 眼罩. 世間竟然有人同一樣野買兩個款… (屌, 女人夠買幾十個胸圍拉). 香港出品.

    個人最喜愛下圖這個 : 法國迪迪尼的太空山 (space mountain 2), 代言人是唐老鴨. 上圖左上角那張名信片也是他… 下圖這個擺設, 大概是唐老鴨不夠高玩太空山.

    找過幾個網頁, 沒有說唐老鴨的官方身高; 也沒有米奇的 (動畫中兩者高度差不多). 但他應該夠高玩的.

    2. 哈佬 . 吉蒂

    前陣子老麥又有哈佬 . 吉蒂 加錢換. 據估計, 吉蒂 係近年老麥既 “加錢送” 系列 出現得最頻密的人物之一, 肯定多過佢老闆麥當奴叔叔, 大概只有 史奴比 能夠同佢一爭長短 (貓狗鬥一番?). 我覺得換什么 吉蒂呀, 史奴比呀, 迪迪尼人物呀, 一d 都唔能夠代表麥當當.

    我記得當年引入麥樂雞, 佢出左一套玩具係麥樂雞黎既, 然後又有有出車仔, 馬仔, 其他玩具仔等, 主角仍然係一眾老麥人物. 可能以前既小朋友無錢買太多玩具, 只能夠食老麥個陣以優惠價換埋 – 我記得個陣換玩具個價錢係好低. 而家換個玩具分分鐘仲貴過出去買…

    講返吉蒂. 呢套吉蒂… 一望, 噢賣葛. 根本係參照, 或者係照搬, AV 女星d 造型黎做 : 空姐, 護士, 女學生, 警察, 花嫁, 廚師. 你唔係同我講兔女郎唔係呀嘛? 你上次見兔女郎係幾時? 睇美少女戰士個陣? 還是龍珠第一集莊子扮兔女郎?

    從此推算, 設計呢套野既人, 一定係香港人, 男性, 熱愛日本動作片.
     
    哦, 即係全香港90% 以上男人都有機會拉…


    3. 既然, 那么.

    “我絕不會說我是天下第一, 可是我也不會承認我是第二”

     
    哦… 咁好簡單o者.
     
    你排第三咪得.
     
    正如如果禁區外射唔入林源三個龍門, 入禁區裏面射咪得.
     
    唔怪之得你叫 “三哥”. 有意思, 有意思.

    三哥米線, 好多人鍾意食. 有朋友特登係荃灣搭車出去深水埗食. 我本身唔太好米線, 仲有唔知點解, 我覺得三哥米線個碗, 好似聚寶盤咁, 裏面d 米線食極都食唔撚完. 好撚恐佈. 有次去食, 明明好肚餓, 不斷係咁食食食, 做愛 食左 二十分鐘, 我發覺碗米線仲係滿滿咁. 感覺非常恐佈, 所以我咁耐只係食過兩次咁大把.
     
    仲有, 一個三哥, 一個大家食老闆, 究竟想點? 大家食個件, 分明係內地退休解放軍既樣黎. 去到門口食到你烚熟咁既樣, 仲邊有胃口? 我真係一次大家食都未試過. 每次行過舖頭, 都… 笑到飽晒.
     

    送既, 大家食老闆大頭相一張. o拿, 我已經將佢縮細左, 以免你今晚訓唔著, 或者笑死.

    4. 生果撈飯

    小時候很討厭吃飯. 不喜歡吃飯, 是因為媽煲的飯, 都是熱的 (這究竟是甚么原因呢!!!). 而我本身很討厭吃熱的東西, 偏偏媽又迫人吃熱飯, 所以警民衝突既野, 早已有之…

    阿媽倒想到一個兩全其美的方法.

    佢會將生果放落飯度, 咁生果冰凍 (起碼唔熱先), 我一次送埋d 飯入口度, 一凍一熱, 好一個冰火五重天, 我好快就會將d 飯食晒. 每次我唔想食飯, 阿媽都會出呢招. 多年黎出現過既生果包括 : 蘋果, 橙, 奇異果, 雪梨, 士多啤梨, 提子 – 阿媽個陣會將d 有核既提子去皮去核… (what a fucking spoiled kid…), 龍眼, 荔枝, 菠蘿, 蜜瓜. 即係所有正常生果… 咁又一舉兩得 : 又食飯, 又食生果.

    大個左呢招唔再有效, 除左因為個人成熟左, 唔需要再出呢類花招, 更重要係大個後連生果在內既所有野都唔鍾意食…

    不過, 記憶中阿媽無出動過西瓜.

    近排係時代廣場食日本野, 點了一個日式冷面… 也不知道是否師傅整左個冷面出黎, 發覺唔夠凍, 所以…

    特登加左d 西瓜上去.

    如下圖所示, 係一碗 西 . 瓜 . 撈 . 冷 . 面 .

    當侍應送上台時, 我呆了… 因為我竟然諗起 傳說中明將壽司既紅豆壽司 呢個咁得人驚既 combo…

    圖片質素唔好, 解釋一下. 紅色既係主角西瓜, 左邊係伴碗既菜頭, 黃色既係蛋, 蛋後面白色個舊係豆付… 至於冷面… 係圖片度無出現既.

    冷面係咸, 而西瓜係甜的. 食落去, 紅豆壽司真係又再於腦海浮現.

    不過, 呢種咁遑恐不可終日既心情一掃而空.

    一種痛恨既感覺好快浮左面.

    因為…


    我食完返屋企屙到仆街.

    屌你老母, 呢世都唔會再去呢間野.

    完.

    5. 中國 A50 澳元 100% 保本基金

    玩緊 三種概念 : 中國, 澳元, 保本.

    如果你覺得中國股票升, 澳元又會升, 你原本只可以分開買中國股票 同 澳元. 若你有$100, 每邊$50, 中國股票升50%, 澳元升20%, 一年後你會有 $135 ($50 * 1.5 + $50 *1.2)… 你唔明呢條算術題可以直接跳去第7點, 無謂睇落去.

    而呢隻乜春 “中國 A50 澳元 100% 保本基金” 點玩? 唔提保本個部分先, 而家你可以用 $100 先買澳元, 再用澳元買 A50. 如果回報一樣係股票+50% 澳元+20%, 咁你既回報就係 $180 ($100 * 1.2 * 1.5).

    相比起分開買, 你發覺係呢個例子, 回報高左. 但如果兩者一齊跌, 你就仆街 : 股票 -20%, 澳元 -30%, 分開買回報 -25%, 買乜春基金 -44%.

    概念就係咁, 實際… 當然更加複雜. 我睇完有關介紹文章 (例子一, 例子二), 好懷疑寫個d 人究竟知唔知自己寫緊乜. 我, 唔明.

    加上個人對基金有戒心, 所以好抗拒呢d 講完睇完諗完都唔明野. simple is beautiful.

    你都唔知上面講乜, 仲買? 你話你明, 咁你講唔講得出係乜野情況下, 推出呢隻基金既公司會賺得比較多?

    朋友, 買盈富基金吧.

    6. 天下第三

    舊著龍虎門, 有所謂 天下第一二三四之說 : 第一是老祖宗, 第二是劍神, 第三人鳳奪天, 第四是陳傲雲.

    這也夠低能白痴… 皆因這個排名是老祖宗自己排出來的… 哪有話自己天下無敵的人真正天下無敵? 賤人往往不覺自己賤. 當你想變得賤一點時, 你根本一點也不賤; 財大氣粗, 去到名牌店對人呼呼喝喝的, 大多不是什么真正的有錢人.

    除左肥. 若你發覺自己肥… 你…多數真係好肥. 不過, 這只對三十歲以上的男人來說. 至於女人話自己肥… 其實無女人會話自己瘦.

    又廢話了. 我心目中… 天下第一是林嘉欣…………………………. (現場靜寂一片)

    第二是薜凱琪.

    第三是劉心悠. 這個第三, 是我近排才想到.

    係地鐵望到呢張海報, 真係漏左少少野出黎.

    講返轉頭, 佢套新人作品阿嫂, 爛片度是天下第二.

    7. 當 應采兒 變成 Freeze

    話說, 有個女拳手叫 應采兒… 呀唔係, 叫純子. 好打得. 舊 POST 1, 舊 POST 2. 睇完呢兩個POST, 下面先有意思.

    近排力保健之夜 風林火山 又上, 望一望海報.

    嘩你老母呀!!!!!!!!!!!!!!!!!!!!!!

    呢個邊個黎?

    舊相

    Photobucket

    Compare and contrast

    Photobucket

    是中了還原靚靚拳嗎? 還是打boxing 變了打botox?

    至於打左botox 既應采兒, 係咪仲咁好打… 我係唔知既. 因為中秋做節, 無去睇.

    8. …

    這是… 盧海鵬假扮的嗎?

    9. 有圖 . 有真相

    我成日覺得, 用表用圖用箭咀好重要, 皆因可以慳左好多文字既功夫. 你諗真的, 呢個系列都係有張圖, 所以講解先好似過癮左咁.

    有時候, 張圖對事情本身無乜幫助, 係偶爾等你有心機睇落去咁解.

    不過, 幫唔到忙唔緊要, 唔好幫倒忙; 有時候畫圖既野, 都要講少少技巧…

    呢個箭咀真係一流.

    佢差一個箭咀 由 中五 (0 分) 去返 保証直升政府大學講座. 呢個萬世輪迴, 真係你有幾億都俾佢滾晒呀…

    10. 更新 . 環節

    新環節.

    過往既entry, 時不時會搵到有關既更新 (例子一). 為免俾人以為我成日炒冷飯 (btw, 個個 終極炒冷飯系列 好耐無出現過), 所以決定係每次既 生活 . 鳩o翕, 加插一個 更新 . 環節.

    其實, 上面講純子既, 好明顯應該搬落黎…

    我唔排除遲d 可能分拆上市再爛尾.

    10.1 世界盃

    話說, 我曾經講過過去幾屆踢世界盃個陣, 香港股市成交會跌. 我知道2010 世界盃完左一千年, 但我近排先諗起原來我有寫過相關文章…

    無論如何, 今年世界盃時港股成交都較之前幾個月跌; 不過只跌19.1%, 跌幅比過往的平均少.

    Average Median
    All World Cup Years (1992-2010) -22.7% -24.2%
    World Cup Years (1992, 1996, 2000 and 2004) -23.4% -25.5%
    2010 World Cup    -19.1%
    Non-world cup years 10.6% 7.1%


    10.2 人情

    講過人情點用方程式計. 用起上黎發覺好麻煩.

    好友結婚, 最新採用 恒指 除以 基數 = 人情 (Hang Seng Index / Base Index). 基數一般是 20 – 以最新 22048 點計算, 那大概是 $1,100. 較熟, 或熟到做兄弟的, 基數是10 (大概 $2,200). 簡單來說, 越遲婚人情越高 – 若然無金融風暴海嘯地震旋渦寫輪眼天照霸氣惡魔果實的話.

    遲d 可能改用道指或者納指黎減低支出. 人就係咁仆街嫁咧.

    10.3 On some updates

    別以為那個開網站教人用自慰器的女生, 很醜. 看台灣蘋果的訪問, 她應該不醜. 當然, 不醜 和 好索 是幾碼子的事.