HKO

  • 十二月十八日

    有原人走了.

    其實, 我與他一點也不熟. 唯一一次對話, 是他洗板後的 3 個 message. 看, 我連他還是她也不知道.

    在這裏提出來, 是由於他的離開及最後一段文字, 令我想起兩件事.

    他的離開, 令我想起之前寫過, 但後來出街時被刪除的一段文字 – 那一篇慶祝原人兩歲生日既文字. 那段被刪除的文字大意是, 儘管我們今天有三十多人, 看似很多人, 但我們得明白, 在人生路上, 許多人會沿路加入, 會更多人會離開我們. 喜不喜歡也好, 總有我們喜歡的人走了, 這便是生命. 但這不要緊, 最起碼, 大家一起快樂過.

    不要扮悲哀, 我連他也沒有 subscribe. 這是安慰自己的說話.

    另一件事, 是關於他最後一段文字中, 有數句如下 :

    真要寫,應該去一個更遠的地方。渴望被注視,被注視以及逃避注視,漸漸變成了緊箍咒。”

    我剛才屙屎時反思了一會. 其實, 我也不太喜歡與人有任何的羈絆.

    羈絆, 不是搞基, 而是人與人之間一種情感上的連繫.

    我不喜歡的羈絆, 與他所說的緊箍咒有點不同, 這是由於大家對寫 xanga 的目的及對象有異. 到今天我還可以說寫 xanga 的對象是自己. 但當羈絆漸漸變成困擾 – 這是情感不平衡的後果 – 似乎, 離開是解開緊箍咒的唯一方法. 所以, 休假一個月, 是個不錯的選擇.

    反正我寫 xanga 是為自己而寫, 這點沒有變過. 記憶不好, 洗板後會記不起自己文筆原來曾經這樣好 …….

    於是乎, 以後不再讓人留言了. 

  • <生日快樂>

    話咁快, 香港原人圈又一歲.

    話咁快, 我沉淪辛格毒海又一年.

    多得香港原人圈, 我有機會認識到五湖四海既弟兄. 有位仲係冥王星黎嫁添.

    當然, 要多謝教主 蔡瀾.謝霆鋒. 值得一提的是, 我嘗試過係 google earth 打 kykykyky 既名, 佢竟然移左去北韓……..

    客氣話不必多說, 太肉麻的說話, 我只會係溝未得到手既女既時候講.

    ***********************************************************

    今日, 等我講一講一個現象 –

    近日, 好多原人圈辛格出現模擬短篇小說, 以極短篇幅講道理. 翻查史記, 此等模擬小說, 最早應該係由 小李 所帶起. 中間 hyster 寫過一篇極正的 李錦見工記, 然後再有 老味 既 變種特攻. 跟住當然有 靚媽 既三后一王戰記, 教主 既 插曲小姐, daphen 的 新插曲小姐, 瘟神 的 第三代插曲小姐. 等等等等…

    此外, 還有以 jeanne56g 寫得最好的欣宜 (佢個篇有關畢加索的文, 真係痴線. 這是我暫時看過最好的辛格文章), 力為 的淫慾小說 (近排一點也不淫), 馬素. 熊 的留言系列 (個人認為這系列是可以建立起個人風格的).

    ***********************************************************

    好, 廢話講完. 由史弟解構來年計劃.

    個人認為原人圈來年的首要任務, 就係要向特區政府要求將每年既 11 月 1 日定為 “原人日”, 全部原人放假一天. 既然中國人開始當奴隸的那一天都可以叫國慶, 我諗無乜理由唔可以歌頌一個 給數十名香港人解放的辛格圈.

    原人圈的次要任務, 就係著手籌備原人圈上市. 呢一點, 我已經講到口臭, 不再詳述了.

    第三個任務 (我肯定好多人會認為係首要任務), 就係搵多d 靚仔靚女, 但又要識字既人入黎. 單身與否, 不是重點. 重點係, 女. 而我既秘密任務, 就係去溝原人女. 啍, 乜你地以為真係會有男人會為左興趣而加入任何社團或組織或與其他人有接觸的媒體嗎? 難道不想女友知道辛格, 是單純為了保留秘密的花園嗎? 別傻兮兮了. 放係第三個, 由於要先完成第一個任務 – 到時要吸引返工等放工既港女及狗公, 應該唔難.

    第四個任務 . 呢個騎呢d. 就係邀請 dum 哥 入圈. 我已經申請左一個 brother_dum 既帳戶 (密碼將送交靚媽… 其實係我唔記得左). 大家可以去留言, 送d 野俾 dum dum. 等佢大個左可知道有一班咁無聊既哥哥姐姐寫低過d 廢話俾佢.

    我 . 是 . 認 . 真 . 的 .

    ***********************************************************

    一齊向北緯 36.5 度高呼三次教主萬歲 -

    教主萬歲~~~

    教主萬歲~~~

    教主萬歲~~~

     

  • <離開, 是為了重逢>

    好老土呀~~~~

    我離開原人圈, 原因是
    .
    .
    .
    .
    .
    .
    .
    .
    .
    .
    .
    .
    .
    .
    .
    .
    .
    .
    .
    .
    .
    .
    .
    .
    .
    .
    .
    .
    .
    .
    .
    .
    .
    .
    .
    .
    .
    .
    .
    .
    .
    .
    我禁錯制…

    好多人會對於個芒講 “妖”.

    _________________________________________________________________

    那當然是說笑.

    實情是, 我實在太愛大家.

    又好多人會對於個芒講 “屌, 仲鳩o翕?”

    其實我早就寫好一篇文章, 叫 <我的辛格人生>. 但由於內容太過肉麻兼露骨, 所以一直唔敢登出黎. 裏面提及的重點之一, 就係朋友群的討論. 枝節唔好講, 重點係, 其實我非常重視身邊的每一位朋友 – 是網上認識的好, 中學同學好, 還是唔識都好 (???) – 希望做到皆大歡喜, 樂也融融.

    唔係迫到埋身, 我不會反擊反抗. 例如尋日既發夢吟詩 (先生? 理鳩佢), 真係明玩野.

    重視, 即係唔想得罪人.

    然而天生賤格既我, 偏偏鍾意寫d 敏感既話題. 或者咁講, 對好多人黎講, 呢d 係敏感既題材. 對我黎講, 這只不過同去街市買棵菜一樣咁普通. 幾時踩中雷, 我唔知, 過去亦唔係太理會 – 個人認為只要實事求事, 事實並不可以被推翻. 這也是原因我不太喜愛討論及回應 – 老實說, 討論好多時只會引發更多矛盾. 幸好, 係我個場未有d 咁既事情發生.

    原人圈是個品流複雜的地方 – 就像旺角砵蘭街的一幢七層唐樓. 三十二戶, 住有教師, 記者/前記者/新聞從業員/前新聞從業員, 人渣, 敗類 (此兩者佔大多數), 良家婦女, 醫療界人仕, 學生, 無業遊民, 特首, 財爺… 對於一個係重慶大廈 – 即尖沙咀那一幢印巴籍人仕數目比本國還要多, 門口永遠有九千幾萬個阿差叫你食飯既地方 – 長大既人黎講, 原人圈真係好正. 那一種 biological diversity (開始玩名詞), food chain (???), retail chain (????????), city chain (????????), 其實好正. 大家互相尊重, 少浮誇及不知所謂既讚美 – 屌, 大家現實中還不夠虛偽嗎? 可否想屌就屌, 唔好因為佢係你某某, 或大家同屬某一背景, 就槍頭向外, 矛頭對內?

    總之, 我唔好再鳩o翕落去. 呢個辛格, 梗係唔會摺.

    總之, 唔好亂鳩咁估. 我無病, 唔使食偉哥.

    總之, 我係好唔想有任何機會得罪作為我 “朋友” 既大家 – 或者呢個已經係最大既得罪. 脫離群眾, 大家變成我既 “讀者”, 我可以肆無忌旦, 唔怕得罪.

    總之, 我很愛大家.

    總之, 謝謝教主, 我遲d 就會舐你鞋底 (我估你未必想我舐你第二度…), 求你俾我入返黎.

    離開, 是為了重逢

    嗯…. 呢句好似幾好用. 可以用黎下次唔想同女友行葵涌 MRT 消費站既時候講………

    _________________________________________________________________

    最後…………….

    作者取材, 休息數天.

    S

  • <I have got IT!>

    http://www.xanga.com/htAB/449111556/item.html

    還是青色的呢!

    __________________________________________________________________

    <感動>

    多得 卻得斯 那個能聯絡上魔鬼的連結, 今晚終於可以重溫王菲的 “眷戀”, “矜持”, “不變”, “享受”.

    儘管網上音樂的質素是如何不濟, 但王菲總能用蔗渣唱出燒鵝既味道.

    實在太感動了.

     

    p.s. 灣仔188 那張 $260 的台版 <天空>, 可以多放在店裏一會了.

    p.s.2 給予犯罪份子 :

    http://www.mtvtop.net/html1/92.htm (天空)
    http://www.mtvtop.net/html1/100.htm (di-dar)

    __________________________________________________________________

    <那一個喪禮>

    看到 卻特斯 妹妹的 辛格, 提及她 “理想的葬禮”. 倒不如由史弟打破禁忌, 在講出自己理想的葬禮後, 並邀請五位 辛格人 做出相同既愚蠢行為.

    1. 想/不想什么人來? 我希望所有認識我的人都來我的喪禮. 不論是家人, 朋友, 同事, 老師, 網友 (老實說, 他們很難知道史弟過了身), 都一同來到. 深愛我的, 不喜歡我的, 認識了多年的, 久未相逢的, 全也到來. 特別是那些遺失了的面孔 – 實在太多了, 我更加想他們出現 – 生前我見到他們, 肉體在人間消失前, 也可以來見一見我吧…

    我沒有特別討厭的人 – 就算是不認識的, 我也歡迎你來. 但若果我是為 “社會”, “國家” 或 “政府” 而犧牲的話, 我不想靈堂出現任何不認識的政府官員及他們的花牌. 喪禮是用黎懷念我, 唔係俾人顯示愛心. 要顯示愛心, 請打電話去東華捐錢.

    2. 來的人要幹些什么? 定要帶來一本有關經濟學的書本, 然後拿著與我拍張單獨照 (書本拿走吧…死人是不懂看書). 跟住搵個識中文既人講下我一生人究竟做過 d 乜野無聊事. 大家千萬要大哭一場, 好讓我知道你們是如何的掛念我. 最後讓記憶與淚水一同流走, 把我徹底忘記. 死了的人, 沒有什么好記著.

    3. 希望人家怎樣處置你的軀體? 把我火葬, 然後把骨灰求其搵個高空吹走佢. 唔好浪費地方同人力物力搵個 X X 堂俾我.

    4. 遺物怎樣處理? 錢全給家人. 自己的經濟學書本送給港大圖書館. 衣衫送給救世軍等團體.

    5. 還有沒有沒其他要求? 我想靈堂上播著王菲的 <享受> 與及 <眷戀>. 靈堂也要有足夠的椅子呀. 扶靈的 – 如果有 – 最好是十個單身既靚女.

    我把 <理想的喪禮> 交給以下人仕 :

    1. 卻特斯
    2. 力為
    3. 教主
    4. hystericireul
    5. tommyhon

    點解選佢地, 係因為… 我估佢地會回應… 同埋我 辛格 認識既人唔多………………