<史弟牌網上博彩公司>

賭王開盤輸到仆直, 咁大家不如估下黎本月二十一號或之前 (即二零零五年十二月二十一日) 會有乜野事情發生 :

1. 世貿會議發生人命傷亡. 政府以 “現在首要工作是拯救傷者, 保持和平, 維持香港穩定, 發展經濟” 為理由, 擱置第五號政制發展報告書的立法會表決. (如出現, 買 1 賠 2. 注意, 括號內的字眼必須全部出現)

2. 當奴突然效法堯舜 (?? 你唔知係邊個?), 將特首 “寶座” 讓俾陳太或其他人. (如出現, 買 1 賠 10000. 當奴即香港特別行政區第二任第二位特首. 陳太即陳方安生)

3. 曾鈺成退出行政會議成員, 成為新一代人民英雄. (如出現, 買 1 賠 5)

4. 中央表示香港人二零一二年可以普選, 不過係所有區議員. (如出現, 買 1 賠 20)

5. 劉千石於投票當日繼續留係內地一盡孝義. (如出現, 買 1 賠 1.0000001)

6. 民陣或其他團體發起本月廿一日圍立法會. (如出現, 買 1 賠 1.000001)

7. 幾名民主派人仕突然返內地或澳門僱用性服務工作者, 而且俾公安或司警捉到黃腳支, 廿一日前未能返港. (如出現, 買 1 賠 4. 無三不成幾. 只需未能在港就有得賠, 唔使一定係叫支)

8. 有香港特區高官 (即首長級人仕) 辭職, 並加入陳太所領導及組成的政黨. (如出現, 買 1 賠 100)

9. 梁振英繼續放屁. (如出現, 買 1 賠 1.000000000000000000001)

10. 當奴再上電視, 唱聖誕歌之餘, 不忘叫立法會議員及市民支持政改. (如出現, 買 1 賠 50)

歡迎提出其他情況, 本網主會出盤口. 亦歡迎” 穿” : 例如買 1 穿 3, 而兩事件又真係出現, 咁就賠 2 x 5 = 10 倍, 唔可以自己穿自己. 可以以物品作注碼 (但網主會將其折現. 你再決定受唔受), 但只賠現金. 大佬, 邊度搵 0.00000001 個林嘉欣俾你?

呢度唔係港交所, 無得 short 個盤口 (即係無得買唔出現), 亦無輪炒. 儘管如此, 投資涉汲風險, 請清楚理解你需要先作出投資.