December 13, 2005
-
<組織>
一個良好既組織, 大佬永遠唔係最好打個個. 一來最好打個個應該早死 (例如姬昌, 成吉思汗, 魯兒哈赤), 二來好打只代表佢係一隻牛, 淨係識斬人. 佢應該係要有領導才能個位, 能夠 “lead” 住下面比佢更好打既人. 第二層應該有一個好好打既人, 與及一個好有智慧及材能既人, 再加上一個判官, 不涉及任何決定, 只提供意見及負責制衡金牌打手及智者. 然後到文武百官, 地方知事.
鎖你, 變左中史堂添.
大佬應該做d 乜? 當然唔係理埋d 雞毛蒜皮既事, 佢負責招攬人材入伍. 唔同意見既人梗係要用 – 但你樓下個個一定係同你咀形夾.
排除異己從來不會成功. 只要維持一部份永遠同你包拗頸既人係你團體, 益大於害. 佢地既批判, 佢地既小心眼, 佢地既愛挑剔既行為, 對令你做事想得更仔細, 更全面. 不是批判的聲音全是正確, 但它們是有一定的道理.
我所觀察所得既係, 你係做細, 就唔該做細應該做既份內事, 唔好成日諗住上位. 個個做大佬, 邊個做細?
