<豬肉送舊豬頭骨>

大概等於買菜送條蔥. 古時社會風氣較純樸, 壞人較少, 荒謬事情/ 事物出現既次數相對較少. 但隨住社會發達, 世上不知所謂既事情越黎, 越多.

1. 於是乎, 出現左買歌手既 CD 送你千幾頁既寫真集. 我中學個陣歌手唔係賣歌都仲係奇聞 – 對唔住, 如果你只係得十多歲, 你唔會知道香港係有曾經識唱歌的新人. 陸家俊, 是例外的. 羅敏莊, 都是例外.

記得劉小慧個隻 <寂寞都有罪>, 好似係第一隻以 “賣 CD 送巨型寫真集” 作招徠既鐳射唱片. 起碼對我黎講係第一隻. 因為, 我係完全為左本寫真集而買左呢隻碟. $88. 鎖你, 劉小慧, 都係例外.

既然 work, 唱片公司就投放更多資源係呢d 花臣野度, 完全唔再理會 (係既, 應該係理少左) 歌手既唱功同質素. 大家可以一齊數下香港既唱片送過d 乜 : 化粧品, 服裝店代用/現金卷, 公仔, 飾物, t-shirt, 印花稅, 釐印費, 商業登記證, 地鐵回程車票… 諸如此類.

算. 都係娛樂事業, 大家幫對方一把.

 

2. 本地漫畫亦唔執輸. 曾幾何時有細路夠膽死拿把漫畫送既刀劍去五金店開封. 天下龍虎門海虎神兵黑豹全部每期送你武器一把, 每把有七隻顏色, 儲到你精盡人亡為止. 我記得李卓人講過要立法管制漫畫送呢d 有危險性既玩具, 俾肥良屌到佢屎眼流血.

赤劍, 絕世好劍等都出過 1 : 1 , 即實物原大既 “玩具”.

買漫畫送有關既兵器, 好, 算.

 

3. 我一直覺得, 老麥搞什么營養餐, 是多舊魚, 無事搵事做. 就如垃圾債券搞什么 “利息保證計劃”.

另外, 百老匯/鐳射/泰林/中原不斷係咁推廣買電器送公仔, 我成日懷疑究竟有冇智商正常, 身心健全既香港人係為左屎怒比而去百老匯買 nokia6110. 自由含中招, 唔出奇. 皆因佢地善財難捨, 冤枉甘心. 仲有, 佢地蠢 – 你可以話我歧視佢地. 我係呀, 你吹咩 …#!(!&@ (有理由相信作者陷入失控狀態)

點知今日搭丁丁俾我見到樣仲好笑既野:

 

合味道個廣告, 話杯面已經加入鈣, 維他命 D1/ E2 (類似…) 等營養.

 

痴鳩線. 你都唔知我係丁丁忍得幾辛苦.

杯面加入營養?

不如可卡因加入維他命 C 拉, 唔o岩 “牛牛” 加薰衣草味, 更易入口.

你可以想像若干年後, 348 裏面既拆家向你說出以下的說話嗎?

“先生, 試下隻新 k 仔. 有唐老鴨絕版包裝, 更有抽獎卡, 隨時可以贏來回澳門船票. 全球三百包, 唔試走寶!”

好心. 搞什么企業道德, 企業責任都要有個譜. 起碼唔好笑撚死人先. 搞 gag 都要知咩料.

 

同場加映 : 光明面.

 

 

<潛龍勿用二三事>

1. 成日有人叫史弟 “潛龍勿用”. 點解要潛龍勿用, 唔知. 龍都潛左水, 點用? 好心人叫史弟咪撚功高蓋主, 咪好似楊修咁不得好死. 亢龍有悔是也.

楊修之死個故事, 主旨根本大有問題. 記得個陣阿蛇話做人一定唔可以鋒芒畢露. 曹操心胸咁窄, 咁諗都係佢有問題 – 要得罪佢真係莫需有. 連仁心仁術既華佗都俾條友夾硬殺左, 曹操作為老闆, 好極有限.

2. 做人要有自信一點嘛. 人家 “以為” 你老愛搶風頭, 別怪她. 恩宜幾時出黎投訴話忽週影佢煲煙相唔o岩? M 字額又如何? 轉頭史雲遜搵你做代言人, 連多謝也來不及.

清者自清, 對自己要有信心. 一陣水潛得不好, 老闆以為你不事生產, 仲麻煩.

潛龍勿用還是亢龍有悔? 大家都係乾上乾下, 首卦.

太極生兩儀, 兩儀生四象, 四象生八卦, 八八六十四卦. 好詩, 好詩.

3. 講開潛龍勿用, 我諗起王小龍同佢既降龍十八掌. 係漫畫見到張甄子丹做電影版王小龍既劇照. 仆街, 我飲住廿四味睇先忍得住笑. 呢套電影版龍虎門會係黎緊既暑假上畫. 究竟係千機變定係頭文字 D?

提示一 : 呢套野由已經 OUT 左兩個世紀既黃百鳴做演導;

提示二 : 主角係謝廷鋒.

都好, 起碼未搵王易鳴同謝長挺.

4. 潛龍勿用乃王小虎 – 謝廷鋒 N 年前既作品. 據路邊社人仕透露, 謝生於該 MTV 內既眼精及面部表情唔似係正常情況下做出黎, 而係似食左 “牛牛” (牛係食乜嫁呢?). 謝生亦不諱言曾在荷蘭食過 “牛牛”, 係香港食又如何? 史弟並無食過 “牛牛”, 但據聞食左會短暫不舉, 而非里安納度. 迪卡比奧係 <邊緣青年> (英文名忘了, 里安演一名天才作家) 所表示食完會射得比 “子彈” 還要快還要勁 (bullets, 里安的女對手如是說). 我想, 陽萎得比子彈還要快, 倒是真的.