<龍捲風>

還記得第一次聽周杰倫 <龍捲風> 時的心情嗎? 周董帶給我的震撼, 實在無與倫比. 那個 MTV, 實在喪.

周董是最後一個能帶給人們 “震撼” 的歌手. 可惜人們漸漸發覺周董的歌來來去去幾個音, “霍元甲” 更與 “龍拳” 好相似.

是時候放一下假了.
_________________________________________________________________

<好多人>

呢十幾日見左好多人. 同系讀經濟既同學, 讀會計的, 中學理科班的, 文科班的, 大大話話見左幾十人. 難得見到畢業後十幾年都冇見過既同學, 佢地既樣多數無變過. 思想行為言語, 都冇乜點變. 趣事, 無乜 :

1. 同學 VL 之前係一間幾出名既獨立投資顧問賣開心野, 而家轉左去間上市公司. 睇下佢張咭片, Vice President. 我即刻諗起華資行洗廁所既通常叫 GM. 同友人講開, 佢不屑咁話 : o拿, 呢d 咪叫 title inflation o羅!

2. 友人 WL 於大陸開設酒樓, 北上幫襯. 八萬呎地方. 對, 是八萬呎, 大到我都唔信. 之後友人仲帶我睇下行家既酒樓, 有兩三個場是十五萬平方呎以上. 我好似鄉下仔出城咁. 不愧係 “大” 陸.

3. 北上避唔到去夜場消費一返. 史弟對街上女人無興趣. 但卡拉 OK內的小姐, 全部廿歲上下, 二百元坐一個晚上. 試問年近四十需要北上工作既人點會拒絕到誘惑? 好在, 史弟同友人都係三十未夠.

4. 拍拖超過六年既朋友已有計劃結婚. 已實定既有火爆青年 WYK. 今年雙春兼潤月 (史弟並唔識點解), 總之係好年.

5. 同系同學 CL 既男友去韓國做一個學期交流生. 去外國可以擴闊眼界, 好野黎. 史弟都後悔無去外國吊過鹽水. 至於 CL 既男友, 史弟早已將佢定性為去韓國就明顯以讀書為名, 溝操 exchange 為實. 一個人在外地, 點可能拒絕外來既引誘? 有人叫 CL 作突擊檢查, 史弟話眼不見為乾淨好佳.