April 11, 2006

• <網上日誌 @ 港交所>

  
  

  
  數年前科網股爆破之後, 我的確深信自己可以打造第一隻上市既網上日誌. 去美國的納斯達克, 路途長, 而且自己寫的是中文網誌, 邊有外國 VC 肯俾錢; 大陸除東方一帶有人懂廣東話, 就連繁體字也不明白; 最後決心在今天已經衝破 $50 的香港交易所上市 (屌, 數個月前還是在 $17 水位浮沉).

  
  

  
  儘管當年的晶王.叻卻早已摺埋, 而上市大計到今天也沒有實現, 但我對寫網誌的熱情, 及對 “最終達至普選”…. 唔係, 係 “最終係港交所上市” 呢個概念, 卻從未熄滅過, 除左係好景個陣 – 無他, 當年我認為老翻可以更易上到市, 同埋我掛住買動作片, 阿媽姓乜都唔記得.

  
  

  
  網誌作為 “公司”, 要上市, 要人投資, 起碼要有收入, 盈利同埋前景 (儘管很多上市公司其實乜都冇, 但你唔好理, 大把人肯買). 要有收入, 網誌就要同人賣廣告, 同埋要有人識你個網誌. 以下係我多年以黎發現到令網誌聲名大燥, 但又唔會引來 hkgolden 等一班弟兄群起攻擊之既屎橋.

  
  

  
  屎橋之所以謂屎橋, 唔係因為係屎坑諗既橋特別臭, 或者特別屎 (即無用), 而係屎橋, 特別係屙屎時候諗到既橋, 的確好正. 正到我地要俾個代號佢, 叫屎橋.

  
  

  
  1. 講 AV 女星 : 我睇返個 site meter, 發覺好多弟兄會係 google 或者 yahoo! 輸入火熱女優名字然後作出搜尋 (呢句寫得好詳細, 差在未寫 “按下搜尋鍵”). 近排最潮既, 並唔係潮爆大狀, 而係 “愛田友” 同埋 “倉井空”.

  
  

  
  愛田友, 我唔識, 無睇開, 評論唔到 “演技”. 至於倉井空… 如果你好記性 (但你多數冇), 我大約一年前寫過一篇文話 倉井空 好似胡杏兒 (篇野我都搵唔番). 實情係, 倉井空 更加似….. 林嘉欣.

  
  

  
  以下係三條可以搵到我 xanga 既 搜尋連結 :

  
  

  http://www.google.com.hk/search?q=%E5%80%89%E4%BA%95%E7%A9%BA&hl=zh-TW&lr=&start=10&sa=N
  
  http://www.google.co.jp/search?q=%E6%84%9B%E7%94%B0%E5%8F%8B&hl=ja&lr=&c2coff=1&rls=RNWE,RNWE:2005-17,RNWE:ja&start=20&sa=N
  
  http://www.google.com.tw/search?hl=zh-TW&q=%E5%80%89%E4%BA%95%E7%A9%BA&meta=lr%3Dlang_zh-CN%7Clang_zh-TW

  
  

  
  值得留意既係, 三條連結來自三個不同的地方 : 香港, 台灣, 日本. 都係用 google 作搜尋器.

  
  

  
  有人黎, 自然有名氣; 有名氣, 自然有收入. 不過, 那些 “自然” 其實不怎么 “自然”.
  
  
  2. 去名人網誌留言, 然後搏有人黎參觀你個網誌. 或狂 subscript 人. 瘋狂加入 BLOGRINGS. 呢d 行為成本係低, 但通過佢地你未必搵到你既目標對象. 正如你係旺角街頭識到既只會係問卷妹妹, 唔會有上等貨色. 要識梗係去要俾水既 yahoo!有緣人……

  
  

  
  3. 爆大鑊, 寫具爭議性問題, 做出非法行為… 實出名. 不過可能俾人炸版, 俾人用斷臂插到你肛門開花, 怎至乎俾政府落閘拉人, 咁就一世. 古惑天皇上市失敗的例子, 是美國哈佛大學商學院商業管理碩士及財務博士的必讀案件. 搞到咁大, 政治風險太高.
  
  
  4. 接受傳媒訪問與傳媒合作 : 我成日去既 www.toysdaily.com 就同傳媒朋友關係幾密切. 而呢個網既會員亦有黎自法國比利時台灣加拿大南亞. 正所謂水能載舟… 一陣有野中招, 好似魔鬼高達咁俾人發現原來生前成日上電視, 真係麻煩.

  
  

  
  5. 認認真真搵 VC 入股, 然後搵高盛上市, 再搵四叔同彤叔係幕後支持…. 好橋, 但要首先識一個人…

  
  

  
  
  葉璇

  
  

   

  
  

  嘩哈哈哈哈.

  
  

   

  
  

   

  
  

   

  • 9:05 pm
  • 3 Comments