<停筆>


至另行通知.


p.s. 臨走講多句. 如果呢個世界消費者係理性既話, 兩年後中學高考經濟科補習老師應該只剩三兩人. 其他失業人仕可以嘗試轉教 home economics.

_________________________________________________________________

<SIGH>


你可以想像我睇到以下連結既時候, 係如何如何地擰頭.

http://www.beacon.com.hk/index.php


睇到d 相, 我諗起陳奕迅既一首歌.


歌名叫 <浮誇>.


___________________________________________________________________

<無聊問題>

昨晚臨訓前與女友講電話. 我突然問她 : 唔知古代人係點樣剪手指甲既呢?


斷估唔係搵指甲鉗.


女友無語, 我得勢不饒人 (儘管我唔知道得到乜野 “勢”) , 繼續問 : 究竟古代人係點剃鬚, 剃腋毛, 怎至乎係陰毛既呢?

.
.
.
.
.
.
.
.
.


接著的兩三分鐘, 雙方無言, 死氣充斥於大氣間. 老實說, 如果我係女友都唔知點回應. 我明白, 作為幼稚園教師的女友, 未必會識答. 正常人都未必識答.


如果聽筒的另一邊傳來, 係

“其識根據史書 <漢書 x帝傳> 既記載, 指甲鉗最早出現係王莽既時代, 即大概公元 xx 年. 發明人係 xx, 而指金鉗輾轉傳到歐洲, 經過工業革命的洗禮, 由英國伯明翰發明家 史密夫.羅拔遜 改良後得以大量製造, 令我們有了今時今日的指甲鉗. 今日最大的指甲鉗製造商為瑞典既 swiss-made, 每年生產大概一億個指甲鉗.” 


我諗我會嚇死, 仲驚過睇貞子.


最近還自我娛樂一返 – 未必要睇四仔 – 我一個人銅鑼灣, 尖沙咀, 又或是坐地鐵的時候想 : 若這裏不是香港而是台灣或日本, 我對這裏有什么感覺呢? 又或者我係遊客, 黎度呢度會點諗?


看到流動寬頻當, 街頭小食店, 法輪功與八百萬黨員退黨, 搭掤, 五光十色的招牌, 密密麻麻的商店與人頭, 第一次來到, 必嚇個半死.


而嚇至全死的主因, 係外國遊客第一次係地鐵車廂見到有人剪手指甲, 怎至乎係腳甲. 而指甲更不幸地 “彈至” 遊客的面上, 引致一系列既過敏反應.


呢d 就真正叫 <死於不幸>.

__________________________________________________________________


前排請左兩日假去影相. 分別去左堅尼地城, 南 Y 島, 石硤尾. 影相器材, 有 cannon eos 300 菲林機, 一支 28-108mm (唔記得係幾多, 大概咁上下), 無腳架, 無閃燈.


影出黎 d 相, 幾滿意. 睇睇下我發覺滿意既個d 相, 根本唔需要特登請假, 去呢d 地方先影到.


原因係, 滿意既相都係影個天, 影d 雲, 影藍色加白茫茫一片. 衰d 講句, 呢d 相, 係天台影都得.


唔忿氣, 睇返之前個d 相. 又發覺滿意個d 相, 都係影天影地, 唔講都唔知原來係去到老練咁遠影.


氣頂到爆. 又係死於不幸.


都好, 咁都証明到我行為有 consistency. 起碼 consistently 戇鳩.

__________________________________________________________________