<銷售稅淺談 I>


人生嘛, 生老病死與及交稅是無可避免的事 – 儘管在 BVI, 百慕達好像沒有入息稅這回事.


銷售稅是好是壞, 這根本不存在討論的空間. 我想談一談銷售稅的負擔與有關經濟的結構. 有關政府咨詢文件的討論, 可以看昨天方潤的文章, 那裏有很多很好的論點.


(1) 退休與雙重徵稅

收稅的其中一項原則, 是儘量不對相同的收入徵收兩次的稅. 對於已經退休, 及在三五七年內會退休的納稅人, 銷售稅是沖著他們而來 – 儘管很多人還沒有留意到, 仍只討論低收入家庭, 公司利得稅等. 他們人工有兩萬以上, 早年在工作的時候已經納了一次稅 (salaries tax), 收了退休, 用儲蓄以支持生活 – 這些儲蓄不過是已收過稅的收入, 政府又再係 GST 收他們一次稅. 由於已經退休, 有什么利得稅, 入息稅寬減, 都與他們無關.


簡單一點說, 如果佢之前係交 standard rate (say, 16%), 除稅後的儲蓄率為 30%, 儲蓄並無利息或資本增值, GST 為 5%, 呢位就黎退休既人仕, 每 $100 就交左 $17.275 俾政府, 即實際稅率增加了 1.275 百份點 [實際稅率相等於 standard rate + (1-standard rate) * saving rate * GST rate]


香港的人口將會係未來廿年老化. 以今日開始計, 越遲開徵銷售稅, 越多人會受此雙重徵稅所影響 (若平均每年死亡人數低於新退休人仕). 若等到 (退休人土數目/工作中納稅人數目) 這比例最大時開徵銷售稅及給予減免, 政府所得的稅收, 在假設減免不變的情況下, 是最大的.


所以, 我相信政府這次只是會 “討論”, 而不會在短期內上馬, 由於而家開徵銷售稅, 收入未必係最高.


(2) 遊客及退稅, 本地消費及外遊, 走私

價格越高, 需求量越低. 政府提議營業項 $500 的商戶可以唔使登記收 GST, 即係話係個度買野既遊客都唔使旨意有稅退. 即使全部有稅退, 香港一年有二千幾萬遊客, 超過一半係大陸人, 用陸路離境. 加減乘除數你識計, 到時各陸路離境口岸為塞滿自由行旅客! 湯顯明話無問題, 可能性有數個 – 大量增加海關人手, 有 GST 後無大陸人黎 (或者少好多). 我相信係海關會以大陸遊客囤積係陸路口岸為名, 大大增加筆直. 將你既錢俾你我既公僕拉.


退稅, 只能夠係物品上面. 服務消費係無得退稅. 比起零售業 (即係買賣貨物, 我地只不過係低買高賣), 服務業對於邊境利潤, 人工與及經濟的貢獻 (三者皆有關係) 高得多. 香港要發展旅遊業, 必定倚靠服務那一邊. 若有 GST, 而只有物品可以退稅 - 我不認為服務能夠退稅, 我可以預期大陸遊客會在港購買物品, 然後退稅, 並減少服務消費 – 頂多睇下風景; 外國遊客則會在大陸享用平價服務, 然後在港作踏腳石離港. 一點可以肯定, 有 GST, 所以低增值的零售及服務業, 皆會因遊客轉向大陸享用服務的行為被淘汰.


另外, 而香港人咁醒爬, 有 GST, 佢地誓必只會到歐洲先買 LV, Gucci, Prada. 本地高消費可以休矣. 政府要對外遊回港的港人實施 $3000 或 數千元的外攜物品價值限額嗎? 給予海關足夠人和錢, 沒有什么是解決不了的. 而當係上水去大陸來回唔使一個鐘, 買日用品唔使 $3000, 上水及附近的人必湧向大陸購物.


於是深圳羅湖城既盲炳, 髮型屋既蓮妹, 黎緊唔煩無生意! 皆因中港兩地往返容易, 而香港既 GST 會令大陸既服務更加吸引.


還記得早年有人係落馬洲挖地道過大陸走私嗎 – 我記得 kursk 有篇文章講呢個故事? 可以想像, 有 GST 後, 物品從入口開始要徵稅, 而在許多本地商戶不作 GST 登記的情況下, 有好多人想逃稅避稅, 於是乎必定會從大陸及其他地方走私物品來港. 這可不是危言聳聽 – 好些年前我也不相信有人會認為從大陸走私豬肉到港是有利可圖的事件 (還記得林家楝在黑社會一說 : 冇我走私d 雞黎, 邊有十蚊燒味飯食?). 當香港有 GST 後, 走私行為必定大增 – 到時唔淨係紅油, 私煙, 而係衫褲鞋, 仲有日常用品, 牛肉, 雞肉, 豬內, 豬紅, 蘿蔔, 紅腸, 車仔面 (又忍唔住鳩o翕). 而當特首上年話邊境禁區既面積可以減少, 中港兩地接近無邊界, 香港將會有不少北區居民轉職到地下市場工作. 到時, 係大陸唔想香港人返去作經濟犯罪. 到時, 又係要海關.


香港之所以係香港, 完全係因為我地既貨同人可以不受太大的阻礙下進出香港, 我們必定要有足夠的 “流”. 而 GST 正好將呢樣野完全摧毀!


(3) 政府穩定收入與宏觀經濟表現

重申, 我不相信政府的短期財政措施對宏觀經濟的表現有什么明顯影響, 然而 GST 是一項長期的財政措施. 一旦開始, 不能終止. GST 肯定對經濟有影響, 可能係政府所講既提升競爭力 ().


政府推行 GST 及稅制改革, 目的係希望係經濟不景氣之下仍然有穩定的收入. 這即表示, 在經濟不景氣的情況下, 政府仍然會從人民的口袋中取去 (與經濟好景時) 一樣數目 (或差不多) 的稅收. 相比起只依靠賣地, 利得稅及薪俸稅 (打打下我終於記得呢個名), 人們在不景氣時會因 GST 而多交了稅, 對經濟表現, 是一沉百踩.



一 沉 百 踩