<蘇玉華>


我肯定播完美女廚房後, 欣賞蘇玉華的人數目大增.


遺憾的是, 蘇並不是以佢既本行 – 演技 – 吸引到觀眾. 這不是說蘇的廚藝功夫不值得人們欣賞, 而是蘇的演技比起佢廚藝更加爐火純青.


一個演員, 吸引到觀眾既竟然係廚藝, 真係悲哀. 情形就好似樓盤吸引係由於擁有世界小姐既廣告, 及用 1 磅粉紙印既宣傳單張.



對香港許多行為及智商仍像三歲既女演員及唱手黎講, 佢地四十幾歲都仲可以唔知醜, 仲唔知皺紋去扮青春少女. 然而蘇玉華無咁既條件.


蘇玉華係少數一出道已經無得做少女角色既演員. 當然係個樣既問題, 佢扮少女只會令觀眾感到不安 – 根據維基 (頂, 連蘇玉華都有…) 既資料顯示, 佢廿六歲入 tvb 拍刑事偵緝檔案 (角色已經忘記, 好似係唔知邊個個家姐). 之後扮演的多數係師奶, 普通家庭主婦, 嫁唔出既家姐, 總之係三十五歲以上既女性. 



蘇玉華和梁榮忠 (當然還有其他人) 也是演藝出身, 但蘇好像從來沒有半單緋聞.


而依靠佢既能力, 佢已經默默地成為甘草演員既未來候選台柱之一. 未夠四十歲已經……



Sorry, 唔記得講, 我寫蘇玉華, 係由於好多人講過我初戀情人似佢 – 我地中三拍拖個陣蘇玉華剛從舞台跳進公仔箱.



痴鳩線, 一 d 都唔似.



第一, 廚藝差九皮.



第二, 我當年主觀地認為我初戀情人正好多. 而隨年月流逝, 蘇玉華依然保持當日的容貌.



最似既, 係大家都係短髮.
.
.
.
.
.
.
.
.
.
.
.
.
.
.
.
.
.
.
.
.
.
.
.
.





所以我都好似蘇玉華.





更多資料 :


1. 蘇玉華網頁 (應該由蘇自由負責 update) : http://www.soyukwa.com/mainpage.htm


2. 維基有關蘇玉華的介紹 : http://zh.wikipedia.org/wiki/%E8%98%87%E7%8E%89%E8%8F%AF

<我的辛格人生>


www.xanga.com/gjstigler : Member since 7/22/2004


www.xanga.com/relgitsjg : Member since 8/25/2005



兩年間約有八萬人次瀏覽這兩個辛格 – 當然, 我肯定, 係肯定, 有超過三成其實係我自己既瀏覽. 嗚… 距離上市既目標實在太遠咧. 以咁既速度, 廿年都未上到市… 但係…我已經決定…搵邦民…唔係… 係 goldman sex… 幫手係英國既 AIM 上市… 招股書下週係 amazen.com 有得賣, 首二千名買家有機會得到親筆簽名, 但裏面…係唔會教你點認購. goldman d 人同我講…而家國際投資者個度, 已經超額認購萬幾倍……… 好大鑊……嗚…d 省略號……嗚…… 好撚煩…嗚….點解… d 人可以打辛格有咁多….省…………略…號…


因為以前讀既係野雞學校, 升上正統大學者寡 - 史弟並非以此表示自己好叻, 史弟當然好叻, 但此題目可另行開文再述 “我有幾叻” – 想講既係, 於是乎大學同學與中學同學是兩班人, 無重疊. 大學時, 又因為經常選修同自己無乜關係既科目 (當年讀左好多會計), 而認識到一班其他系既同學. 計一計, 我有三班朋友.


係辛格上面, 我再認識到第四班朋友. 和上述既三班朋友不同, 從辛格認識的, 好些不要說是見面, 就連佢係男定女我都未搞清楚. 例如, 曾幾可時, 我的而且確懷疑過教主是其中一位原人的化身, 道理就好似聖鬥士聖矢裏面, 教皇原來一直係雙子座撒卡假冒咁… … … 一諗起, 我就會好似去公廁屙尿咁打尿震, 好恐怖呀媽咪… 總之, 呢一班朋友, 係物理接觸的層面上, 係同前面三班不同的.


而我亦明白, 同呢班朋友既關係, 本質上要維持係 “見字唔見人”既層面, 關係 – 我也不知道這是否 “關係” – 才能極至可持續發展. 一將關係的建立面由 “internet” 轉變成 “face-to-face”, 好難再寫一個人, 即使是同一個人. 好難, 好難.


廢話少說. 能夠將朋友分做一批批, 有好多好處. 知道我 xanga 的大中學同學, 好少. 於是乎係網寫係佢地上黎就可以肆無忌憚, 只要唔出真名, 只講精髓, 或者骨髓, 真係可以任寫. 而大中學同學又無睇我辛格, 我祇需要講下其他網友既趣聞, 大家又可以快樂咁過一日. 重申, 分類, 並唔係分級.


史弟記得開始寫辛格是 2002 年 11 月, 後來輾轉到了 gjstigler. 也不知道是誰想出的餿主意 – 當然應該都係史弟 – 把 gjstigler 倒轉過來成為 relgitsjg 又多開了一個辛格. 直寫只抄別人的文章及貼有趣的東西, 逆寫就是自己鳩o翕.


在外地旅行的時候, 我自己也不能將 relgitsjg 串一次. 通常將 gjstiger 打一次, 然後睇住黎倒轉打. 人就係咁戇鳩.


打從 2006 年世界盃後, 我發覺辛格圈內文章的數目和質素, 都下降了. 我沒有數據 – 這全是感覺. 可能是自己口味改變了, 又或者是現實. 寫作是一種習慣, 丟了一會兒, 就再地提不起勁去寫.


好多人會懷疑, 究竟史弟點解可以咁多時間打辛格, 仲要有兩個咁多添. 推論落去, 就會有人問史弟係辦公室究竟使唔使做野. 其實… 我係雙失青年, 重讀緊中七, 上緊美女班房, 好多時間淨黎打辛格.


實情係, www.xanga.com/gjstigler 個個辛格, 只係貼人地既野, 我最多係做d 編輯既工作 – 即加下標題, 分段. 而人地野既資料來源, 大家日日都會接觸到 – 辛格既 subscription, 轉載電郵, 報紙, youtube, 加上我有定時瀏覽數個有關經濟學家既網站 – 所以不愁無料.


至於你睇緊呢個 www.xanga.com/relgitsjg, 好多野其實係沖涼同屙屎既時候諗落, 而且好多時都係講人地故事, 只要搵到一個主題, 串連起黎, 就可以落鑊打羹上台.


加上當年讀大學不務正業, 晚晚用 icq 溝女, 中文打字極快 – 唔係點夠人快點爭女? 打字速度跟得上腦袋, 正所謂我手寫我心, 手腦合一. 我真係要多謝當年俾 “快快樂樂學倉頡” 我既退休 J (即係有時會留言, 但個辛格無野既人仕). 打一篇一千字既文章, 我估計只需要半個鐘. 當年我又隨先帝南征北討個陣, 退休 J 已經可以用 15 打一篇千 1200 既文章, 所以退休 J 又叫… 倉頡之子… 呢個名夠神.


反而, 有冇屎屙先係問題. 我無屎屙, 除左表示無食菜之外 (阿媽今日仲意圖用呢個解釋黎o厄我食菜… 嘿嘿, 我係唔會上當), 仲代表我無乜辛格既產出.


若你喜歡與人分享, 打辛格, 是一件樂事.


又, 據聞, 我 n 年前寫落既一篇 <男人的墳墓>, 已經成為轉載電郵的文章. 我梗係唔會撚無聊發D 咁既電郵.


事緣我發覺成日講 MRT 消費站, 但係好多人仲以為係 MTR 消費站. 諗住去古高.COM 搵下個度既相, 呀屌, 一搵搵到 :


http://www.google.com.hk/search?hl=zh-TW&q=MRT%20%E6%B6%88%E8%B2%BB%E7%AB%99&sa=N&tab=iw


呢個最頂癮…


大中華男仕奮進網| 抵抗大女人主義的最後基地 (呢條 link 至去到篇文)



好, 吹噓完畢.



(呢篇野幾年前寫落, 而家腦便秘中)