<…嘩…你又黎>


1. 成龍的 <寶貝計劃> 將會係 9月29日國慶呈獻. 成龍滿口歪理, 本身已經夠乞人憎 (不再詳談, 自己去 google 下). 而佢再搭埋個 啤啤, 盲既都會諗起佢既小龍女, 同埋佢個句 “係男人都會犯既錯” 既真理. 再加埋英皇既楊生投資, 用既咖喱啡又係 twins 檸檬 boyz 等, 等同鼓勵人地唔好入場. 個人認為, 由望落去似四十歲既珊迪娜布洛 (Sandra Bullock) 做全智賢角色既 <情流戀屋> (韓國版叫 il mare, 觸不到的戀人), 票房有機會打敗 “寶貝計劃”.



講笑啫, 如果 <寶貝計劃> 係香港有一千萬票房 (即 $60 張飛有十六萬人入場), 我即刻寫篇 xanga 讚美成龍大哥呢位真心 (膠) 英雄.




2. 睇左 <龍虎門>. 嘩…. 好得個陣係日本返黎佢落左畫, 唔係實係戲院大叫回水. 黃玉郎個位 “奇俠”, 真係… 痴撚線. 不如簡單一句 “因為時間關係, 兩位主角既功力已經被提升到火雲邪神級既水平” 算拉. 難得作為原著作者既黃先生 (順帶一提, 佢同楊受成先生及成龍十分稔熟), 竟然接受到咁既劇本. 等我教你金鐘罩, 笑到我死, 而金鐘罩竟然係用雙截棍造成有形氣勁黎打人. 少林寺高僧睇完實要食狗肉補數.  再肯俾黃百鳴呢位已經係上世紀既出品人黎搞. 難得大隻到痴線既甄子丹…竟然要戴個咁既假髮… 嗚嗚嗚嗚嗚嗚…. 好好地一個劇本同故事, 竟然俾火雲邪神個核核突突既面具搞喎. 仲話要拍第二同第三集, 搵到黑錢要洗先講拉… 又一套掛羊頭賣狗肉既漫畫改篇電影.


夜神月係 <死亡筆記> 寫既, 果然係王小虎. 個人認為, <死亡筆記> 係一眾漫畫改篇電影中, 排名第二位. (第一位係蜘蛛俠)



3. 星期六睇左 <大丈夫 2>. 如果無睇過 <黑社會1, 2>, 笑料無左一半. 而我基本上成套戲係咁狂標冷汗… 簡直係形容係我…. “好累咧”. 評語係, 玩押韻玩得太過火, 同埋最後個段戲 (毛舜筠) 簡直係多舊魚. 睇咁睇 <大丈夫> 系列已經走上王晶式 <精裝追女仔> 既舊路.



4. 無道道荷李活版 (the departed), 最想睇係 (1) 究竟韓琛係咪叫 “Sum Hon” – 直譯 心寒, 陳永仁叫 “Ever-generous Chen” (留意係 chen 唔係 chan); (2) 究竟無間道一既故事除左關係餓底 (唔肚餓使乜做二五仔?) 扮衰人, 同衰人扮差人外, 有乜野可以留底. 黃 sir 死個一幕個架的士上面既宣傳版? “我係差人”?; (3) 曾志偉做既韓森同閃靈大癲佬積尼高遜扮既 心寒 如何, 尤其是外國講環保, 係差館掃 “飯盒” 個幕會唔會變左掃 “環保紙造既食物容器” 或者 掃 “麥當當食品”?



邊個扮吳廷燁? 佢係無間道最正個個.




… 呀…收到最新消息, 美國佬係唔講環保既, 佢地連京都協議都唔肯簽. 王家衛正式宣佈, 掃飯盒個幕可以保留.




5. 百看不厭 : 一個饅頭引發的血案



http://latestcarnews.com