<$6,000,000>

據聞房署會出六百幾萬糧俾信德工程既工人, 但 “下不為例”.

低能但唔低級既政府官員 (張建宗同陳鎮源都係 D8, 公務員最高職級) 仲想狡辯 : 等工人向信德拿追討到欠薪, 我地會問工人拿返錢.

老老實實, 政府一年開支幾百億, 而家俾個六百幾萬, 全部首長級人馬既一日人工都唔止. 再者屁話每天也有人說, 但若無乜實際行動, 無謂浪費精力屌鳩佢. 但係佢以 “政府可以拿返錢” 同 “下不為例” 黎支持出糧, 就好大問題.

多多少少係一個問題, 但俾得有冇道理又係另一個問題. 個賊黎打劫你廿皮唔係廿萬 – 我不是說幫信德打工既人都係賊 – 唔代表你就要就咁就算.

有點常識既人都知呢幾句野 make sense.

(1) 如果有信心工人可以問信德一定拿得番錢, 咁政府塾支又係咪多此一舉, 又? 唔係既話, 政府又係咪幫納稅人倒米? 既然政府唔肯定, 又何以肯定納稅人應該科水?

(2) 仲有, 你係工人, 都收到錢 – 唔好理係邊個俾 – 而向信德追返欠薪又無特別著數 (要回水呀嘛), 你去追呀笨. 我又在此打賭, 除非信德破案, 否則工人不會再向信德追討到任何人工.

最令我感到低能既係, 佢地竟然想付全數 (100%)! 此舉將工人去追討欠薪既誘引成功減至零! 間接將納稅人既錢一毫子都唔剩!

(3) 乜野叫做下不為例? 點解今次政府要出手, 而下次又唔可以?

“下不為例” 並不是今次的理據.

今次有六百幾個工人? 如果因為有六百幾人, 政府就要破壞合約精神, 出糧俾佢地, 咁呢樣野同當年梁愛詩因為驚幾千個星島報業集團既員工失業而放棄控制胡仙有乜野分別? 工人係慘. 但係慘既又何止工人? 我們的祖國每年有數百萬名學童失學, 特區政府係咪又要抱住一顆慈悲為懷既心將外匯儲備基金既二千幾億美金都拿去投資係內地既兒童身上?

(4) 如果你知道有六百幾人去嘈下就有糧出, 你係工會領袖同其他壓力團體又會點? 香港一年到刻有幾萬間商店公司執笠 – 我室友返工的清盤公司早年就抓個盆滿砵滿 – 政府又唔知有幾多個六百萬可以出糧?

既然信德未執笠政府都會自動科水, 呢個係一個大好相會摺埋個個不斷俾人 “濫用” 既破產欠薪管理基金咧. 早知上年添喜大廈既業主搵工會幫下手, 話唔定政府會出埋雙糧俾佢地添!

(5) 去到呢步, 史弟相信政府既人係全部知道呢d. 但史弟亦敢肯定係信德同政府既合約, 或者判合約既過程有問題, 所以政府要被迫科水. 如果張建宗同陳鎮源想做野, 唔該係你份政府人工同退休金度扣.

強烈要求審計處長快d 做野.

 

<來, 滾回東莞去吧>

親愛的同胞 :

不經不覺, 自由行在香港已經推行有兩年半. 期間你們已有超過一千萬人次經自由行來港, 帶給香港的零售業不少商機. 什么 莎莎, 卓越, 周生生, 佐單丹 每天水洩不通, 連同迪士尼, 海洋公園也擠出個人滿之患來 (人滿之患在香港解作人太多, 並非原本真正的意思).

但是, 你知道嗎? 這兩年間銅鑼灣, 旺角, 尖沙咀一帶的偷竊案件大幅上升. 好幾年前, 我沒有聽過有賊人對公廁的不金秀 鋼門, 路上的坑渠蓋與及鐵造的公共物品打主意. 現在, 這些物品差不多要放到銀行的保險箱裏去, 好些更用大鐵鏈纏繞著, 偷竊無門.

但是, 你知道嗎? 旺區也出現了不少職業乞兒, 香港忽然變得多完化起來 : 斷腳, 獨臂, 單眼, 孤兒, 寡母, 外省的, 操湖南口音的, 什么人種也有. 我知道, 這些乞兒是集團式操控的, 不時有人扮唔識在旁邊放下飯盒, 然後絕塵而去.

但是, 你知道嗎? 不少公公婆婆向我說, 他們乘搭公共交通工具時, 已不夠同胞搶位坐了. 難怪, 同胞不排隊, 車門一開便不理會下車的人向前衝, 一個人睡在六個坐位上, 然後大聲呼叫車尾的同胞趕快來坐下. 除了劉翔, 誰夠快? 昨天迪士尼爆滿, 關上大門, 竟然有不少同胞爬閘進入樂園, 或推撞大閘以洩心頭之忿. 我以為那是尼日尼亞迪士尼呢.

但是, 你知道嗎? 更有許多大肚婆借自由行為名, 到香港的公立醫院生仔為實. 她們更生霸王仔, 享用了服務卻不付鈔結脹呢! 一時香港政府為此多付數百萬 – 這是半個社福團體的每年預算了.

因此, 我已經停止光顧大餐廳食肆了, 特別是有許多同胞光顧的那些. 老實說, 看見同胞們的食相, 我只會覺得自己在吃豬餿. 而什么太空館, 山頂, 星光大道, 與我更是無緣了. 我看不到北斗七星維港景色李小龍, 卻看到了一班又一班的同胞蹲在地上, 一邊吃花生一邊談天說地, 悶時吐痰於地上.

因此, 我對內地同胞再不客氣了. 同胞們打尖, 我會毫不猶豫以僅有的普通話高呼 : 呢姐他媽得渣顆, 扒隊! 對於無端端向我衝來的小同胞, 我也會一肘打開他們. 對不起, 我知道, 許多小同胞是扒手來的. 還有那些站在地鐵門前, 怎樣也不肯讓人下車的同胞們, 我會面帶笑容並禮貌地向他們說句 : 你這人頭豬腦滾開讓我下車, 好嗎?

因此, 每當聽到同胞們俾港燦騙去土瓜灣, 紅磡的金舖騙買金器, 或是到尖沙咀的餐廳被收取高昂付加費, 我也大聲叫好. 同胞們在香港越不快樂, 我越感痛快. 每次搭的士, 我也叫司機下次有同胞們上車, 記緊要走遠路.

同胞們要緊記在香港不愉快的經驗, 以來不要再來. 也要在村內作出呼籲, 叫未曾來港的人仕千萬不要來港.

對, 趕快乘直通車回東莞去吧.

 

____________________________________________________________________

<大智若愚>

人生中不可能沒有 “偷看” 男友女友手寫日記, 電郵, 手電及其他私人物品的機會. 吹噓一下 : 但係事實上, 對著不同的女友, 我也未試過偷看 – 儘管我曾懷疑 c 女友有別的男人 (事後知道那是真的), 儘管我懷疑 j 女友和以前的男女有很 “緊密” 的聯繫. 兩個人一起, 只講個信字 – 對某些人來說, 史弟講 “信”, 就如當奴話佢鍾意普選. 不信的話, 一起下去也沒有意思.

至於偷看, 那不過是按幾個掣. 偷聽的代價更低… 但當老廉靠偷聽得返黎既証據都不能成為呈堂證供而且要永久終止領訊, 男女之間靠偷而得返d 黎既資料, 無助於彼此的關係, 無乜用, 最終只會係 lose-lose.

睇左, 咁又點? 搵把刀通佢, 大興問罪之師, 數佢繼而分手? come on, 男人最叻就係發爛渣. 當佢發現你係靠偷睇而得而重要既秘密, 佢唔會感到內疚, 反而第一句就會話 : 你做乜睇我D 野? 根住, 發老脾諸如此類. 結果, 你受了委屈, 反而要 dum 男友, 何苦?

一開始有這裏的立論, 大家最多係 50/50 平手. 傷了感情. 可況還沒有真憑實據就問呢問路, 理虧的是誰?

睇到呢度, 我睇怕已經又俾人話我世紀賤男. 但唔緊要, 言論自由包括發表錯誤言論既自由. 你就當我是在鼓勵人家做壞事還是為自己找藉口.

最聰明的女人, 不是 HP 打印機的 CEO, 克林頓的老婆, 還是四人幫的江青 – 她們全是成功人物, 而是懂得在適當時聰明, 適當時蠢的女人. 朋友的男友常北上工幹, 難道她們不知道男友有上去沙沙滾? 不惹性病, 不上身 (被人騙財), 乾淨, 其他? 可以的話都不去知.

男人是會內疚的人物 – 他真是愛你的話, 去完滾, 回家會更聽你話 - 這簡炳墀說的.
__________________________________________________________________

也順便放一下屁, 解釋為何史弟這么討厭人家在偷看我的物品. 那是 “童年” 陰影 : 香港樓貴, 一家四口只住在二百多呎的地方 (當然比許多人大得多了), 完全沒有私隱可言. 明白, 所以一直也沒有特意收埋任何東西.

一九九五年二月十三日, 我放學後把禮物 – 那是一隻木偶奇遇記的公仔 – 收在 adidias 的書包裏, 吃過晚飯再回家. 放下書包後, 返和爸爸 share 的房間與女朋友談了一會電話.

傾完出到廳, 有人問我剛才去了邊. 我說去和同學食飯.

有人以半譏笑的態度說 : 我以為你去了買禮物添.

語畢我已經知中招, 但我扮若無其事去廁所. 後來, 我發覺本應獨自在一旁的書包, 給打開了. 木偶本是坐著的, 但那時已經倒樹沖了.

我覺得我根本沒有被尊重. 那個時候的我, 還未懂像今天般發惡. 或者這樣說會好一點 : 那時候我被侮辱的感覺, 遠遠超乎於我想發惡的情緒.

到今天我依然清楚記得細節, 因為那是我第一個情人節.

到今天我依然清楚記得細節, 因為我第一個情人節收到的禮物, 要放在好友的家, 數個月後才能借生日為名而帶回家. 我害怕聽到 : e, 那便是你的禮物嗎? 哈哈哈哈哈.

往後的數年 – 直到中六 – 我的私人信件或物品也曾經被人偷看過, 特別是有關女友的. 至於 “直到中六”, 是因為我中六開始也沒有拍拖, 他們知道沒有什么值得好睇. 而直到下一次拍拖, 即大學二年級時, 我已經搬了.

所以我會告訴你, 中學生拍拖根本是沒啥大不了的事情. 父母一日沒當那是和食飯飲水一樣普通的事情, 他們還是會繼續偷睇仔女既野. 按幾個掣只係幾秒鐘既事, 但造成的傷害, 可以殘留好幾十年 – 起碼大家今日都浪費左幾十秒睇史弟放屁.

cest la vie. 這些事情既不能重來一次, 我得與其活著.

既然我對私隱如此重視, 我對別人的私隱, 也不會掉以輕心. 做人得有一條最低的標準 – 那和最低工資和最高工時是不同的. 可以的話, 不要俾人話你 “有口話人無口話自己”.

結論係, 董廢帝把樓價推低八成, 其實係想大家有私隱.
__________________________________________________________________

<終於…到二百件咧!!>

九鐵主席田北辰說，早上已完成1465件東鐵列車主要組件調查，有裂痕的共212件，月底會完成焊接。

田北辰晚上在記者會上稱，當中有189件是吊架焊接位出現裂痕；18件掛架焊接位有裂痕，其中17件的裂紋少於10毫米，另外5掛架拉釘焊接位有裂痕。全部檢查了1465件東鐵列車主要組件，有裂痕的共212件，佔14%，但不致構成危險，預料在本月廿八日前會完成所有焊接工作。

(轉載自明報)

<劉千石>

快點搭直通車上大陸照顧老母好了.

我不是說照顧老母係錯事. 沒有國, 哪有家? 沒有老母哪有你?

你係泛民主派, 唔該做番d 係泛民主派既事. 你係照顧老母既, 就做照顧老母既事.

魚與熊掌, 不可兩者兼得. 否則, 只能發表不倫不類既言論, 跟住投棄權票.

繼馮檢基入後, 劉千石成為新一代政壇瘀血.
________________________________________________________________

<名字>

唔怕生壞命, 至怕改錯名. 當十三億人民有起碼兩億叫做 “李小 X”, “王小 X” 既時候, 名字的確反映當時社會狀況及文化. 香港的兒童節目名稱, 完全體現這一點 :

1. 430 穿梭機 : 那個年代, 只有阿美堅和蘇聯人才可以上太空, 乘穿梭機是遙不可及既事情 – 不像今天連運動也不做的學生也嚷著做太空人 – 於是乎兒童節目改叫穿梭機, 滿足一下大家做嫦娥既慾望.

2. 閃電傳真機 : 踏入九十年化, 資訊開始發達, 但迅速有待改善. 傳真機是那時最新的資訊傳送方式, 但很慢. 於是乎為掩飾, 加個形容詞, 叫 “閃電”. 情形就像在新紮師兄, 呂方叫高佬泉.

3. 至叻小人類 : 假大空既開始. 明顯嚮應董廢帝既知識形經濟. 講真, 個名好似有意思, 其實, 無乜.

(後補) 得 lazybrenda 提點 : 應為 至 net 小人類, 由傳真機進化成互聯網 (internet), 見證著資訊開始進一步發達, 而且速度提高了. 而自十八世紀工業革命後只著重 “機器” – 穿梭機, 傳真機 – 我們回歸至重視 “人”, 仲要係叻人. 好野.

4. 放學 ICU : ICU, 我以為係 Intensive Care Unit, 深切治療部. 原來係 i see you. 正. 正式宣佈香港踏入死亡時代.

<絕種動物>

唔知係因為我本身就唔太鍾意小朋友既關係, 還是我真係唔屬於呢個年代, 我發覺香港好多父母真係當自己既仔女係豆腐. 又或者以為佢地係同熊貓一樣, 需要100% 保護之餘, 仲要在別人前表演一番 – 我有涉臨絕類動物.

例子一 : 朝早十一點打波, 三個場只得三數丁友在射球. 不久我發覺有一對母子既物體係場外來來回回幾云, 並指指點點. 我嚇得以為差佬在做野.

最後二人來到我個場, 又對我指指點點了十數分鐘. 跟住個仔放底個袋, 拿出籃球一個, 並和我射同一個籃. 原來, 我個樣係三個場之中最純既一個. 我興奮得想告訴他老母, 黑社會係唔會朝早十一點起到身打波.

值得一提的是, 個仔一路射波, 個老母就站在旁看著. 她肯定睇得九十年代經典廣告 “靚仔, 你邊度嫁?” 睇得太多. 上晒腦.

重申, 黑社會, 唔會十一點起到身打波.

例子二 : 在百貨公司或食肆, 久不久會出現以下情況. 

一家人在研究食乜.
老母問 :仔, 你想食 congee 還是 noodle?
三歲既仔 : 面呀媽咪.
老母 : congee 還是 noodle?
三歲既仔 : noodle.
老母 : 好咧, good boy.

或

citysuper, 迫到仆街. 一家人明明在講廣東話. 突然, 老母求其拿起一樣野, 用其港式英語 (唔係港式茶餐廳) 問 :

“Christophe (唔知點解, 個仔既名一定係水蛇春咁長, 或者你根本未聽過, 更唔知係英文定北極熊文), 屈 is 的士?”

兒子 : “strawberry”

老母望一望四周 (記住, 周圍都係人), 眼神露出滿意既神色. 繼而放下士多啤梨. 一家人到別的地方, 繼續其串字人生.

正. 每次我覺得呢d 人正爆. 呢個月, 我大大話話遇過五六次既情況. 仲有更多, 不過呢兩個最正.

歡迎提供更多例子.
__________________________________________________________________

<AO>

今日去蓮香飲茶. 同台有數個類似大學生物體. 三人在看報紙, 以下對話出現.

同學 A : 點解中大唔整返條地下電梯, 通往所有 BUILDING 同 LECTURE THEATRE?

同學 B : RIGHT, 咪係, 如果有條咁既野, 所有 SHUTTLE BUS 都可以 CANCEL. 我地又可以唔使行, 除笨有精呀.

同學 C : 嘩, 如果整得成, 呢條電梯, 肯定係整個 WORLD LONGEST 既電梯. 中大有條咁既電梯, 真係一份光榮. 世界第一喎.

我望一望三人, 又感覺到, 呢三人除左係上述父母下既產物外, 佢地肯定係未來既 AO.
__________________________________________________________________

<???>

講明, 我唔係好鍾意佢.

政府搵左一大班人黎搵廣告支持政改.

竟然有黎明份.

??? 佢既職業, 係藝人. 戲子佬. 黎生講既說話, 除左樂基兒, 信既只有佢一大班番士.

竟然有一班行政會議成員.

不如, 索性搵民建聯拉. 有時又唔怪得本地報紙成日將娛樂版放係頭版, 政府都係一大班人在演戲. 學吳孟達話,

我先應該拿奧斯卡.

今晚, 世貿會議終於結束. 據聞, 各國 – 世貿的成員國共有多少人口, 我不知道, 但包括中國美國非洲歐洲, 最少有三十億 – 達成協議, 在 2013 年或之前取消所有農產品補貼或相同措施.

一些涉及最少三十億人利益政策既時間表, 也可以在短短一百小時的會議迫出來. 這突顯特區政府不斷重複又重複, 一個只得六百八十萬人的小島上未有普選時間表的共識, 是多么假的一個大話.

都好, 這一切提醒我星期三四五都唔好約人, 準備隨時圍堵立法會.

<戒煙>

史弟由廿歲開始吸煙, 中途曾為挑戰自己而停食了一年煙 (….). 由純薄萬去到純萬到印尼話梅煙, 真係無諗過停. 一來煙癮不大 (話自己無乜煙癮既人通常係煙剷) – 自己從不帶煙出街, 出街要吃只會在室內及食朋友的煙 (呵呵呵); 二來食煙對我來黎講同食糖水上網訓覺無乜分別, 都係生活的一部份. 不如戒溝女呀笨…

好死唔死, 兩三個星期前心絞痛. 隱隱作痛了十數天, 大力點呼吸也忌住忌住. 又好死唔死, 上急救時阿蛇 (佢唔係醫生) 話除左天生, 急性心臟病人唔會突然有呢個病, 而係開始時有心絞痛, 漸漸變為心臟病.

雖然唔知有冇因果關係, 但抱住一個大膽假設, 小心求証既精神, 停食一排先 (記住, 係停食).

再好死唔死, 呢兩星期真係無再心絞痛. 咁我無奶油再食返, 睇下有冇心絞痛, 再戒煙黎驗証一下. 大佬, 生命無 take 2.

但係! 我尋日又食左支純萬. 竟然, 發覺好難食 (可能耐無食既關係).

於是乎, 我可以安心戒屋企煙, 即係係屋企唔食. 出街依然會食人地d 煙. 此乃人出雞我出命. 我相信, 此舉將吸煙的數目會減至每星期最多三支.

又, 廣告話食煙會減低性能力, 即戒煙會提升翻. 此乃大話中之大話, 同 “一國兩制係香港得以全面落實” 一樣, 係與事實不乎. 千祈唔好信.
_________________________________________________________________

<西九文娛>

老實說, 是時候拉倒了.

當大多數香港人仍然認為 文化 = 藝術館歌劇院CATS既時候, 我們的文化處於的水平低得不值拿幾百億的地皮來興建數十座基建設施. 再者, 發展文化不見得需要一個可同時容納千幾個藝術團體的地方. 畢竟, 當史弟連龍應台的文章也未看得懂的時候, 評論西九的財務安排及所引致的效果, 比談論風馬牛不相及的文化政策舒服得多. 就狹義的文化 – 即文化等同藝術術館表演 – 來說, 西九是想找個地方好讓外國的藝術團體有地方表演落腳 (西九裏面有酒店); 還是想培養本土的文化工作者呢. 對史弟來說, 硬分 “外國” 和 “本地” 當然意義不大 – 只要是好的文化工作者, 哪用理會她來自南極? 但對於納稅人和有志成為文化工作者的人來說, 西九發展的方向及定位是會影響她們的.

那個地方, 拿來多起兩個凱旋門吧. 藝術團體? 讓他們散落在凡間吧, 灣仔, 油塘, 舊機場, 全港十八區.
_________________________________________________________________

<政制發展>

史弟不相信民主. 但極度反對現在政府那種 “看似聆聽及接受意見”, 但暗啞底仍是一意孤行的態度. 特區政府日日強調既所謂 “一國兩制, 港人治港” 得以在香港徹底實行, 完全同事實不乎. 基本法只講國防同外交係由中央處理, 但慢慢乜撚都由中央處理 – 連當奴 (呢個名真係正) 都話香港人想自己發制民主係妙想天開. 更重要的是, 史弟抱著一顆愛國既心, 希望中國早日以非武力方法光復台灣, 用許仕仁的語調說 : 從這個原則出法, 我都是愛國人仕. “一國兩制” 弄至如斯地步, 連考慮普選也不納入考慮範圍, 試問台灣的同胞又怎會安心歸順內地, 馬英九又怎說服台灣民眾中國獨一後台灣的民主不會開倒車呢?

那三數個有機會當二五仔的民主派人仕 – 我幾乎肯定馮檢基會重蹈九七臨立會的覆轍, 與及當奴好友大班也會叛變 – 好快會成為炮灰. 陳日君已聞到陣二五之風, 呢排出黎狂嘈咧.

當年七一遊行, 我們不單是為了沙士, 為了梁錦松. 政府不聽人民的意見, 全部事情黑箱作業, 才是真正令人上街的最有效催化劑.

誰說田北俊是人民英雄? 媽的, 看風駛渎的人, 只是低級的政治家.

許仕仁曾經講過, 政改方案過唔到立會, 佢係會辭職的. 許仕仁如果言而有信, 咁林 D9 仲可以坐多幾耐?