<I am WRONG>

NBA Playoffs 2006 : 第一圈預測

巫師出局, 高比無 45 分平均分, 溜馬 4:2 比人 ko, 公牛沒有爆冷.

全錯~~ 喂, 有冇搞錯?

再黎第二圈預測 :

1. 馬剌勝小牛 4 : 2; 熱火勝網隊 4: 0; 活塞勝占士 4 : 1;

2. 至於太陽同快艇… 我估快艇勝 4 : 2 或者 4 : 3.

又係活塞對馬剌?????

<人, 為什么活著?>

其實, 你只要想到這問題, 你便有理由活著.

非常 知魚之樂-lism.

之於 kursk 所說的虛無, 老實說, 只會在史弟肚餓時或射精後感覺到. 尤其是射精後, 腦袋的確是一片虛無…… 直到能再射精為止.

(噢, 怎么變了力為的 “咸” blog?)

事物與事實的存在, 並不需要別人的認同. 而要解決 “虛無”, 除了忍住不射精 – 但大家都不是 AV 男, 忍得住嗎? – 以及不斷吃東西以防肚餓發生 (就像防止罪惡一樣) 外, 相信自己是最好的方法.

對, 是 “相信自己”, 而不是李天命佛祖希特拉. 他們提供的, 祗不過是一種讓你可以建立自信, 獨立思考的 “信念”. 這和食爆漿牛丸後大隻左, 科科考一百份, 道理是一樣的.

相關文獻 : 教主, Kursk (及一眾評語), (2/28 後加) johncoal

註 : 曾和室友將不同的 lism, lization, listically, anti-, psuedo-, counter- 等好像有意思的英文字串在一起, e.g. counter-anti-individualismaticationally. 好後現代, 也很無聊得很.

___________________________________________________________________

<山水有相逢 2>

早兩日講過, 夏達威重返奧蘭多.

連波衫都未選, 佢今日已經俾人炒左.

都好, 學佢 agent 話, 起碼唔使俾主場觀眾 her.

永遠懷念, 那個穿上 1 號的球員 :

<山水有相逢>

今個星期最震撼既 NBA 交易並唔係法蘭西斯去左紐約人, 而係彭尼 . 夏達威在此交易中被換至魔術.

夏達威係新秀開始時既93/94 至 98/99 六個球季, 都係著奧蘭多魔術既波衫. 頭四季既佢, 真係好癲好勁. 佐敦復出個季, 魔術 4-2 係季後賽 KO 公牛 (之後個年又俾公牛 4-0 KO, 公牛仲拿埋個年總冠軍). 可能年青人總喜歡找個偶像, 夏生令史弟好著迷, 連打波既動作, 神態同技巧都學埋佢.

好死唔死, 夏先生可能見打波容易上位, 去學人玩政治, 仲要求班主炒左當時既教練 白賴仁 . 希爾. 諗住發圍之際, 又發現自己膝頭有內傷, 做過幾次手術, 好返之後先知唔係個回事 – 佢已經再跳唔起. 跳唔起既籃球員, 同無左雙手去打網球有乜分別?

你唔好理, 係魔術個朵臭晒, 但太陽又肯以高價簽佢 – 年薪有成千萬美元. 但夏先生去到太陽再傷, 好返就淪為三線球員, 後交換至紐約人做大後備. 近排佢又再傷, 但紐約人都由得佢自己搵人醫.

到最後, 夏先生成為紐約人換取法蘭西斯既籌碼, 輾轉返到老家 奧蘭多魔術. 你可知道今天奧籣多魔術的教練是誰?

對, 是當年俾佢玩野而無左份工既 白賴仁 . 希爾.

夏達威死都估唔到, 今日既然會俾一個佢踢走既人 head 返住.

此乃真正的風水輪流轉. 世事之邪釘, 不可不信.
___________________________________________________________________

<同工唔同酬>

成日有人話, 同工唔同酬好唔公平. 觀乎官校同津校既新入行教師, 醫管局既新入職醫生, 仲有好多行業, 坐你陪離個個可能早你兩個月入行, 但唔單止人工, 就連相關福利亦相差一大截.

老實講. 每逢我聽到呢d 申訴, 口裏面仲係個句 : 你講得好o岩. 但我心想既就係 要怪就怪你老頭老母遲扑野, 令你遲早世.

有強姦, 無局賭. 唔鍾意, 覺得唔公平, 千祈咪撚撈, 立即轉行 – 如果你認為別的工作能給你同樣或更高的人工的話.

我到今日依然記得中七畢業 (噢, 呼呼北風又黎咧…) 旅行, 個邊既導遊講出旅行玩得開心既要訣 :

“唔好計較, 唔好比較, 唔好訓覺.”

這是少數有影響力的短句字. 對於人生, 頭兩點同樣有道理. 我們每一天浪費在猜度, 計算, 比較, 衡量的精神與時間, 實在太多.

尤記得當年老家有日夜看更各一. 日更那個比夜更的勤力及盡責, 大廈的立案法團在某一年年尾多付了日更五百元 (那大概是八八, 八九年, 今天約值 二千元) 作為獎勵. 後來夜更知道了, 深深不忿的他找日更理論, 大興問罪之師, 為何這樣 “不公平”. 日更鬼知咩…. 夜更最後仲打傷了個日更…

夜更當然丟掉了工作. 他終日在我老家附近徘徊, 更酗起酒來 (日更也因被打傷而辭了工作), 潦倒終老.

究竟那五百元是否合理, 我不知道. 但如果當天那個夜更不是在比較和計算, 兩老的下場應該會理想和合理得多. 每天也算著旁邊的同事, 比我是否優勝, 人工是否合理, 這樣的人生, 太沒意思了. 難道你存在的價值, 只是用來與旁邊的人作比較嗎?

__________________________________________________________________