<黑社會＠ifc>
我發覺, 無論套電影有幾好, 畢直有幾大, 拍攝時間有幾耐, 都有一個缺點 : 裏面扮記者既人, 永遠都會拿支 30-100 mm 既鏡頭, 無最重要既相機帶. 拿相機只懂向橫拿…好些電影裏面既記者更會拿著傻瓜機.
講返套戲. 好睇. 燈光幾好 – 任達華拿錢俾古仔個一下真係好深印象 (燈照著銀紙及半個古仔). 儘管有不少鏡頭特意背光, 但看上去不見夾硬. 配樂, 幾好. 除左最後個首歌, 歌詞就好, 但 d 曲同旋律, 嚇死人.
好多人話似無間道二. 搞錯, 就電影所帶出既意義來說, 無間道絕不能拿來當教材. 黑社會? 成套戲都係教育題材 – 經濟, 社會穩定, 人生道理 (相爭生生不息, 做人不能太貪), 當然唔少得 “民主”. 我同意的是, 同樣是演有智慧的古惑仔, 吳鎮宇的演技比起任達華出色得多.
點解梁家輝死? 屌唔拍到梁家輝百年歸老咩. 俾任達華是遲早的事. 做人, 不能太貪. 一山總不能藏二虎. 梁家輝有兩幕戲好表現到角色個種縮骨 – 叫完張家輝食匙之後講個句 “講下笑” 個陣, 同埋王天林問佢係咪要自己插旗個一幕. 反而紅綠燈個幕, 好熟面口下…
此乃正宗男人戲, 除左無關重任既途人 A – 連差人都無女警. 邵美琪有望打低梁詠琪. 你講得出既叔父好戲之人, 都出過場咧… 連黃浩然都係做差人 B, 你就知無返咁上下都唔使旨意有超過兩秒既鏡頭.
如果任達華同王天林一祖既話, 梁家輝同譚丙文就係另一祖.
終於有一套戲係林雪唔夠搶. 終於有一套黑社會/差人既戲係無黃秋生份.
