<話說>

尋日, 史弟去聽研討會. 會上有人提及七月尾人民幣改革之後既容許波幅為上下 0.03%. 大鑊, 史弟之前寫過d 野話係 0.3%. 唔清楚係自己錯定人地錯, 於是乎拿拿臨打俾阿石同評芬佬, 同理室友. 最後從阿石得知正確答案應為 0.3%. 今天早上再到中國人民銀行查多一次, 係 0.3%.

好在唔係史弟錯. 風涼話係, 即使史弟錯唔緊要, 橫豎我唔係拿鑊剷, 要靠呢樣野搵食.

之但係話 0.03% 個個人係邊個? 中信嘉華既司庫, 劉卓衡先生.

0.3 同 0.03, 相差十倍 (廢話). 上下波幅為0.3% 的話, 一年 (或三百六十五個交易日) 後人民幣最多可升或貶 10.95%, 但如果係 0.03%, 只係得 1.095%. 後者會賺價蝕息 (在香港銀行的人民幣利息只有約 0.5%), 於是乎我寧願做港元定期 (約三厘) 好過. 此上下波幅會對投資決定有重大影響, 錯不得. 尤其是靠呢樣野搵食既人, 或搵議人家做投資既專業人仕.

今日報紙佬有報導劉生講乜, 但當然無提到 0.3% 同 0.03% – 佢地連呢樣係乜都搞唔清楚. 我唔想 defame 做呢行既人, 但如果連咁高級既人做講錯, 呢間野既炒房都危危乎…

又睇返總教主寫ms既首席經濟師 andy c, 嘩哈哈哈.