<劈腿事件簿>

(1) 劈腿者, 即瞞住一個男/女朋友, 去結交另一伴侶也, 即所謂一腳踏兩船.

科技發達, icq, msn, qq, 乜q 都盛行, 結交異性的渠道多左, 溝女成本減低, 而呢世代企硬祇同選定的一個伴侶行, 代價大增 (咪聽 kevin ko 話為左一棵樹放棄一個森林係錯既). 好多奇人異士唔止能夠一腳踏兩船, 有時仲會踏住埋遊艇, 風帆, 油門, 舢舨, 人性, 尊嚴. 總之, 佢好多女朋友就係.

諗下, yahoo! 既有緣人長期成為搵錢工具, 做皮條人係咪好好搵? 唔劈腿邊有咁多皮條要扯?

個人認為, 一腳踏 x 船乃短期之均衡點, 長期必不可維持. 或者咁講, 一腳踏x船只係為左有選擇, 從中最終選一個. 偶有聽聞無知婦女俾男人o厄左十幾年, 其實個男人有老公有埋廿幾歲既女, 但此乃少數能劈腿到永久既事件簿.

_______________________________________________________________

(2) 係, kursk 講得無錯! 寫男寫女的確係吸引人既最好方法. 我一有心機寫經濟, 幾乎無人留言. 寫咸野同男女既事, 八婆者眾.

總之要嘩眾取龐也好, 少年說出心底話也好, 一寫男女, 天下間所有既白韻琴, 顏聯武, 洪朝豐, 森美, 小儀, 陳任, 鄭丹瑞, 就會出山.

記得係台灣同澳洲睇過同一類型既節目, 都係電視台收到受害人既 “xyz” 後, 就去調查劈腿事件, 然後受害人與劈腿者來個當面對質 (好多時被踏既另一條船都係度), true man show. 發現原來好多人劈腿 (梗係查到先出街), 仲發現有人o厄住女友, 瞞住自己同性戀既行為. 澳洲個個 (好似叫 cheaters, 其實係美國佬出品), 對質個一部份, 通常淨係聽到 fuck fuck fuck fuck fuck, 之後大家推推撞撞, 之後絕塵而去. 根住受害人就坐係 7人貨車度, 默不作聲, 等主持人安慰.

香港咁多狗仔隊, 唔跟藝人, 分d 去跟平凡人, 可能好好睇. 事關, 香港好多人劈腿, 而且故事真係高潮後又高潮.

_______________________________________________________________

(3) 韓國劈腿事件

廢話又多左. 入正題 (!!!!!!!!!!!).

數月前提及同學 CL 個男友去韓國做交流生. 當時我斷言 “去韓國就明顯以讀書為名, 溝操 exchange 為實. 一個人在外地, 點可能拒絕外來既引誘?”.

重溫舊事 (留意最後一點) : http://www.xanga.com/relgitsjg/438404640/item.html

果然, 一個人係外地, 的而且確無法拒絕引誘. 佢, 狠狠的劈了腿.

.
.
.
.
.
.
.
.
.
.
.
.
.
.
.
.
.
.
.

不過, 劈了腿的是 CL, 而非佢去左韓國既男友.

真係反高潮.

等你班男人仲以讀書為名, 諗住去外國溝女. 仲未識講韓文 I LOVE YOU, 仲停留係 KAM SA ME DA 個階段, 你條女早就俾人陳左.

_______________________________________________________________

(4) 食得咸魚抵得渴事件

如果你明知自己係第三者, 唔甘心不快樂, 仍然唔願離開個個男人, 你既感受, 我明白一半. 除左我係過路人 (當然我鍾意既係女人), 呢D 拖拖拉拉既故事, 日日都有.

我曾經指出, 做一個成功的第三者要有以下條件 :

- 多朋友
- 熱愛工作
- 甘於寂寞
- 要接受輸得起. 唔係 “輸得起” 咁簡單, 係要 “接受” 輸得起

儘管我話一腳踏幾船只係短期均衡結果, 但呢樣野一拖可以拖幾年. 佢話會同正室分手, 可以同你男朋友話快你結婚一樣, 以大話換取時間, 以謊言騙去青春.

當年我跟先帝征戰沙場…. 唔係, 當年 CTK 同我講不幸地成為第三者, 我二話不說, 即刻叫佢離開, 皆因佢上述四樣條件, 半樣都冇, 唔適合同人分享男朋友 (我即刻諗起個d 渡假屋 time-sharing o厄人d 計劃).

CTK 話佢男友表示正室有病, 唔可以隨便咁離開佢.

天呀! 天呀! 天呀! 天呀!
天呀! 天呀! 天呀! 天呀!
天呀! 天呀! 天呀! 天呀!
天呀! 天呀! 天呀! 天呀!
天呀! 天呀! 天呀! 天呀!
天呀! 天呀! 天呀! 天呀!
天呀! 天呀! 天呀! 天呀!

有病所以唔可以隨便離開佢! 呢D 大話竟然有人敢講, 更荒謬既係竟然有人信! 2000 年咧, 千年虫都已經解決左. 俾些少常識好唔好?

我睇過個男仔幅相. 係靚仔, 但史弟始終好些少 (我肯定好多人已經即刻熄 browser), 但講大話一d 誠意都冇, 唔值得等. 你唔好理, 更戇鳩既事都係世上發生.

CTK 一直係唔甘心既情況下, 做男友女人背後既女人. 一做, 三年. CTK 一直等佢男友等佢女友好番d 同佢講分手, 然後登上寶座.

三年. 有病? 癌症都死左化埋灰拉?

後來佢男友話同正室散左, 於是乎 CTK 上台龍椅. 點知一日發現佢男友背住佢 (其實唔算, 皆因係 CTK 唔夠敏感) 一直同正室拍住拖, 根本無散過.

戇鳩左三年幾, CTK 終於覺悟, 正式咁離開左佢. 呢三年, 係佢最能夠搵個好男人嫁左佢既三年.

三年. 唔甘心就 “輸左” 三年. 人生, 的確太兒戲.

_______________________________________________________________

(5) 不傳絕學 : 踏 x 船秘技

要一腳踏 x 船, 係香港, 的確好難. 總不成呢個只帶佢去九龍, 呢個新界, 一個只係去香港. 你唔帶人行, 人地自己識行. 廿幾年前, 穆迪投資已經將香港定為 “一腳踏 x 船” 風險評級定為 垃圾級, 以示高風險. 若果唔係 CTK 發現男友仲未散, 可能一直沉迷賭博, 直到我退休為止. 就算唔係一腳踏幾船, 好多人都俾點錯相, 被屈含冤至死.

唔好以為讀得書少既人, 無野教到你 - 孔子有話, 三人行, 必有我師. 經常要往返兩地既貨櫃車司機, 其實晨早已經俾隻好牌你上. 要成功一腳踏 X 船, 一定要將所有女人用行政立法, 以及邊界分開. 一個係香港, 一個係大陸, 天衣無縫. 諗下, 當未有自由含既時候, 上面個個根本無辦法落黎; 而大陸咁大, 香港個個唔可能搵上大陸.

於是乎, 那時候就有許多 “包二奶” 事件簿.

當自由含出現後, 大陸女人易黎香港 (佢黎梗要住係個男人屋企), 本地已婚既男人好難再瞞天過海. “包二奶” 此等事情, 幾乎係香港消失. 於是乎, 自由含除左為香港零售業帶來好處, 香港也少了因為 “包二奶” 俾揭穿而出現的倫常慘劇.

當然, 男人會繼續上去滾.

不過, 發薪會由包薪制, 改做大陸公廁制, 即每廁收錢. 長期合約, 改為短期合約, 正所謂一夜夫妻三百蚊, 妙哉, 妙哉.

<會考放榜>


1. 放榜呢樣野, 好多人會講. 究竟考試重唔重要, 問成龍就知. 而傳媒報導十優狀元既誇張程度, 令人覺得考到 8A, 7A 或者剛好夠 14 分升上中六的人, 根本不值一談.


或者係我自己冇 10A, 好妒忌. 但考十科黎做乜? 上年仲記得有細路話拎 cert 前已經估到自己 10A. 你 無. 撚. 野. 呀嘛?


2. 究竟升唔到中六個D 人讀既係毅進定展翅?


屌, 不如索性改叫 忽翅. 專門訓練人忽翅, 等佢地第日做待應唔使忽翅忽到天一半地一半. 大佬, 魚翅好撚貴嫁.


3. 根住有兩件皇仁仔打劫, 佢地個律師又夠膽死以兩個人太大壓力為理由求情. 咁不如等放左榜, 以佢地要趕住搵學校為理由 – 一個十一分, 另一個睇新聞話中文合格, 即係得一分拉 – 所以唔坐得監拉.


學巴士阿叔話, 社會上邊個無壓力? 邊個唔使考會考? 係唔係個個十七歲個年都要打劫非禮強姦下身邊既人拍下丸仔咁黎釋放壓力, 然後以 “我今年考會考” 為理由, 孑然一身, 輕輕的來, 輕輕的走. 怎么不如一句 “人誰無過”?


蘋果又低 Q 能, 頭條 “皇仁狀元為賊同學求情”. 10 條A 又點? 即刻變左神仙, 肯幫人求情係 “奇異欣典?” 定係說話立刻擲地有聲, 不得不服?

<高人結婚, 結婚高人>

上星期中學同學高妹 T 結婚. 據聞, 高妹中學畢業就開始同老公消防 F 拍拖, 一拍十幾年, 都係時候結婚. 叫得做高妹, 高妹 T 真係好高, 172 cm. 聽講佢結婚個日著埋高跟鞋, 起碼 五呎十. 消防 F, 六呎二. 兩個企埋好似兩座 IFC 2 咁, 成班五呎二三既企埋去, 全部成為幼齒.

睇相, 嘩, 高妹 T 靚到不得了, 不愧係添記 92 系美人之一. 消防 F 娶得美人歸, 一定要好好對高妹 T.

祝佢地白頭到老. 快d 生返個, 仲要生返三個, 響應特首呼籲拉.

每逢身邊有人結婚, 史弟都好開心. 畢竟, 係人生裏面搵到一個你肯對住佢幾十年既人, 唔係一件輕易既事. 我對左自己廿幾年, 日日照鏡都會講 : 又係你? 好悶呀.

呀, 終於知道d 人點解要去整容 : 唔想日日對住同一個自己.

*****************************************************************

講完人, 講下我自己.

史弟只不過係廿幾歲. 唔知點解, 近排成日有人問我幾時結婚. 被問及幾時結婚頻密既次數, 比屙夜尿仲多. 大概 “你幾時結婚” 已經取代 “食左飯未” 成為廢話榜第一位.

大概三四日就會有人認真地問我一次 : 喂, 幾時到你同女友拉埋呀?

拉埋道閘就有份.

我覺得, 係我覺得, 如果自己要結婚, 目的有兩個 :

第一, 係俾個機會召集所有我識得既人, 一齊坐理食餐飯, 飲下酒, 猜下拳咁. 當然, 佢地要科水, AA 制之餘, 仲要俾埋我同老婆, 仲有我同老婆屋企人個份. 結婚, 比起黑社會大佬努力咁打電話吹雞, 更容易召集一千幾百人 (30 圍 x 12 人 = 360 人, 仲要加理d 明明唔係盲, 但忽翅總係忽到成台都係既待應. 聽講有d 仲會偷食乳豬添. 唔怪之得我食親乳豬都無雞脾拉. 仲有, 佢地仲好鍾意將 vsop 當成中國茶, 硬係要加d 滾水落去溝淡佢).

第二, 結婚, 乃離婚既先決條件. 就好似高斯話, 私有產權乃市場交易既先決條件咁. 要試離婚, 必先結婚. 欲練神功, 必先自宮. 唔好問點解要離婚, 我大概會答你 : 人生總係要乜都試下. (背後 : 屌你唔試下毒品, 殺人呀笨?)

總之, 結婚既作用, 係為左日後可以離婚. 唔結婚去搞離婚, 就好似大陸佬咁成日話台灣從來冇分裂過, 但日日都要講統一咁.

*****************************************************************

根住, 呢下經典. 當初我聽到呢段對話, 真係呆左.

首先交代, 我而家唔係同屋企人住; 第二, 我阿媽同老頭係九龍有個單位, 而家我阿媽住緊. 話說, 有一日女友出左糧, 約我老母飲茶 (但其實佢地完全唔熟). 在短短三分鐘既手提電話對話裏 (當時我不在老母或女友旁邊), 竟然發生以下對話 :

阿媽 (無端端) : 我住緊呢度, 應該都唔會賣嫁咧.

女友 (??? 無拉拉講d 咁既野) : … … …

阿媽 (繼續) : 就算係賣, 都係等你同史弟結左婚之後先至賣.

女友 (暗叫不妙) : … … … … … … … … … … … … … … …

事後女友向我講返呢段話. 真係嚇到我仆街 : 梗係唔係因為我阿媽竟然會以為我會結婚, 而係, 你諗下點解佢話 “就算係賣, 都係等你同史弟結左婚之後先至賣”?

好恐怖呀~~~~ 我唔要每日話左 “飽咧, 唔飲”, 但仲有成碗湯係台面~~~ 我唔要 12 點前熄燈訓覺 ~~~ 我唔要放假 10 點鐘要起身~~~

<The seeds>


佛利民曾表示, 流行的思潮轉化成實際行動, 大概要等三至四十年 (該文章被譯成中文, 刊登在蘋果日報. 按這裏看轉載文章, 留意粗字一部份).


西方社會 60-70s 開始明白市場經濟的重要性, 卻要到九十年代才開始市場化起來; 香港 70 年代乃左仔火紅火綠年代, 到今天才有許多人身體力行支持共產制, 福利主義 (當然, 好多人敢做唔敢認).


你愛 natalie portman 的電影 V 剎嗎? 在澳洲的回程時看過, 看到政府制治人民的方式, 以及公關手段, 實在愛死了.


你愛日本漫畫 one piece 嗎? 在漫畫店不小心看了中間的兩集, 講到海軍的 “法治” 及 “正義”, 實在愛死了.


反政府, 反法治.


反對以正義及任何道德高地為名, 而用所謂法治手段, 搶去人民選擇權的政府.


這便是今天播下的種.

<忽上腦事件 2>


最忽上腦既事件 2, 就係o岩o岩個星期日晨早同細佬去睇 keroro 軍曹大作戰.


老老實實, 邊個係 keroro, 他媽媽, 屁忽忽, 133, 我未睇同睇完套戲都搞唔清楚. 總之我就係戇 9 9. 總之就係有幾隻大眼青蛙, 首領好鍾意高達 (最後軍曹變大, 我估, 係開緊咸蛋超人既玩笑), 然後一班騎呢野既 60 分鐘鬧劇.


好在只係 60 分鐘. 再長d 恐怕我會係位度點純萬 (哈哈哈, 遲d 係咪連係blog 度寫 “醇萬” 都會俾政府告?), 同埋殺死晒前後左右排既細路.


亦都唔好在只係得 60 分鐘. 早起身應該睇套長d 既戲.


至於點解要星期日晨早, 就係因為自己貪平要睇早場 ($30, 正價 $45).


一個字, 抵撚死.

<忽上腦>


人生中最能有效傳達 “忽上腦” 此不正常行為既表現, 莫過於係旅行後做財務報告.


對, 係旅行後既財務報告, 以分析旅行中洗費.


日本已連續七年成為會計師及核數師選舉中最受歡迎既工作地點, 皆因一切消費, 包括去麥當奴食野, 佢都會自動自覺俾張電腦印既收據你. 只要集齊印花, 照單打數字, 再作點分類 (唔係分析), 成盤數就出黎.


Here we go.


此次日本之行, 二人十三天共洗去港幣三萬九千一百元 (進位至百位數) - 包括 (每人) 交通費 $ (機票 : $3650, JR Pass : $1800, 箱根交通 pass $300:, 及其他交通費 : 200), 住宿費 $4000, 飲食費 $1100 , 以及個人洗費 $6100 (史弟), $7400 (女友).


此行目的為購物, 因此有必要將其他支出盡量壓低. 住宿方面, 係東京以池袋之家 (yen 6000-8000 一晚) 及商務酒店 toyoko inn (連稅 yen 9240 一晚). 此兩處地方出名平, 而且地方乾淨, 更有免費上網. 另外, 池袋交通方便, 位於山手線沿線主要各站的中央 - 新宿 15 分鐘, 秋葉 20 分鐘, 銀座 30 分鐘, 就算 JR 過成期都能減低交通費.


此行最大特式, 係飲食費其低無比,  只佔總消費 6%. 每人在十三天只花去 $1100 元, 平均每餐三十元. 部份原因係好些商號並沒有提供收據, 特別是光顧次數什多的松屋牛肉飯 (即類似吉野家的東西). 許多日本食店都是入錢按掣買票, 然後將票給予店員換取狗飯一碟, 沒有收據. 據估計, 此行大概有十五餐是光顧此等 “無收據食店”. 然而, 即使假設每人光顧此等食肆每餐約 $50, 總數亦只是 $1850, 實在奇低無比. 另外, 日本好撚熱 (睇得出作者並唔習慣寫招股書式文皺皺式中文), 狂買野飲. 估計此行只飲去 40 支樽裝飲品 (每支約 $10). 於是乎總數約為每人 $2050. 總言而之, 我地無乜點洗錢係食野度 (加入估計數字後, 飲食約佔總消費約 10%). 


不得不提機票. 購自永安旅遊, 為西北航空公司的有限制機位. 限制係乜? 就係此行目的最大敵人 : 寄存行為上限為 20KG, 超磅想俾錢都唔得; 而且一人只可以拿一個 HANDCARRY – 不過無乜點限大細 (所以我地用左個紅白藍作 HANDCARRY). 若讀者並未知道 20KG 有幾輕, 史弟出發時 (即個行李箱空洞洞時), 已經有 15.7 KG. 據聞 $3650 買呢張機票好抵屌 (友人如斯說), 而史弟係格過各大小旅遊代理, 搵到呢張最抵的機票.


以上各樣非花係購物上既消費, 二人共 $25000, 佔總消費 65%. 其實, 好撚多. 預計只花五成. 然而 $25000 中機票已佔三成, 其他都無得再禁. 實非戰之罪.


聽日再講購物.

<手信 : 日本之旅 I>


我去左日本 十三日. 梗唔係去渡蜜月, 不過係一年前同女友講開一齊儲錢去日本東京…


好鍾意寫旅行回憶錄. 好怕去完旅行後一排, 乜都唔記得. 個陣去台灣寫過一個異常正既記錄, 可按這裏重溫.


Day 1 – Day 3 : 池袋, 新宿, Disneyland (將成個迪士尼有唐老鴨既野搬左返香港).


住池袋之家, 據聞好出名而且好難 book – 唔知點解我咁好運. 住左五晚, 三晚有獨立廁所. 個人認為有冇獨立廁所, 問題不大, 因為個度並非好大, 廁所同房好近. 除非女友月事 (呢d 野好難計. 有時你想佢有, 有時你想佢冇), 或極介意同人 share 廁所 (廁所同沖涼既地方係分開), 否則可以慳返 d 錢 (每晚 yen 2000, 夠買無印一件特價恤衫, 我買左四件…), 去喪拼. 池袋本身已經可以殺得難分難解… sunshine city 東武西武… 最後你乜都冇….


新宿. 殺殺殺殺殺, 殺足八個鐘. 最後以死亡作終結.


死亡地點, 無印 (兩間行晒), 伊勢丹, 01010101010, time square 高島屋百貨. 我係 0101 既 black label 買左條呔. 日本人… 頂佢個肺. 我明明俾左錢, 條 sales 死都唔肯俾我係 cashier 拎野走, 係都要拎到門口先肯將條呔俾我. 我差d 要用廣東英文同佢講 : I have paid, son of bitch. 返到民宿我用左三分鐘先解開到佢既包裝方法…


迪士尼… 冇去過香港個個. 但日本既精品, 以唐老鴨而言, 東京既迪士尼肯定正過香港既九千幾萬倍. 但比起十年前我第一次去, 東京既精品心思少左 – 間間商號既膠袋一樣, 鐵鑵設計單調, 行貨左. 機動遊戲方面, 巴斯光年… 排到仆街. 12 點拎晚上七點既 fastpass… 痴鳩線.


女友唔玩, 我一條友玩左 space mountain, 巴斯光年, imgination (呢個遊戲十年無變), 同埋陪女友玩木馬同埋咖啡杯 (佢連玩咖啡杯都驚…. 話離心力大…. 我話 : 下? 咖啡杯渣喎? 算吧咧).


而女友唔玩遊戲, 但熱愛喪拼, 熱愛唐老鴨既程度, 可以係 “晚上八點半前佢未曾踏出過大門口個排商店” 這事實徹底反映出來.


迪士尼煙花… 頂. 我以為係城堡上面放. 點知距離九里遠, 仲要小貓三四下咁, 十五分鐘就放完. 之前既 parade 正好多… 好多.

<終於回到香港>


十三日. 成績驕人 – 征服全東京都心無印, blue label, agnes-b. 那個大得像衣櫃的迪士尼紅白藍, 居然可以當係 hand carry 上機…


京都嵐山乘坐浪漫列車, 然後於淺草岸邊看煙花, 台場摩天輪, tokyo city view 52/f 睇風景, 玉濂之泉瀑布下吃串燒, 實在一大樂事.


*****************************************************************


<八號波與三號波>


回程時睇左報星島話天文台無掛八號波, 但機場關閉, 我已經心知不妙. 機場實仆硬街, 兩日野迫埋一日做. 飛機停左係香港後, 等左十五分鐘先泊到位, 再等廿分鐘先有巴士接 – 我肯定呢d 野平時係香港一定唔會發生. 落巴士個一刻, 我見到對面等上巴士離境既人有成千人, 簡直有幾十噸怒氣怨氣死氣火氣. 即刻拿拿臨走人, 去邊度? 咪 e 道 law.


入左境 (e 道真係好快), 見到有條行李帶旁邊有成 200 個行李就咁放左係度, 完全唔知乜事. d 乘客去左澳門乎? 之後個電子表示版都出唔切 (因為人惡過車… 唔係, 係因為太多航班, 根本 update 唔切), 結果要用人口講俾d 人知佢班機係幾多號行李輸送帶. 不過, 個位哥仔 – 記住只係一位 – 真神人也, 航班數目多到電腦都 update 唔切, 但你只要求其o翕個數字, 佢就懂話俾你聽係幾多號…


原本 10:30 落機, 結果我 12:30 先可以搵到行李. 如果以兩日野迫埋一日黎做咁計算, 香港機場真係算係咁.


*****************************************************************

 

<Cont’ Japan trip>

1. I took the historical tram in Tokyo city, runing from inner tokyo to an old residential area of tokyo. Just like the tram on HK Island. Excellent. Small village with a lot of human element.  I just sit down somewhere and have the ‘octopus dumplings’, with two little girls reading jap comics, sitting next to me.  In front of me was the old tram, and the whole pic was rather ‘tokyo story’. If you don’t have time to travel to Kyoto or other cities of Jap to taste the ‘historical side’ of Jap, try this tram, running from Waseda to something like ‘Three xxx Station’.

2. I am supposed to rest my legs in this jap trip, though at the beginning i knew it’s rather difficult.  The reasons were that I sprained my knee some four months ago, and didn’t recover to the previous healthy level.  I recovered partly, but hurt it again during my Australia visit – I simply walked from the China Town, to the Darling Harbour, and finally to the Rock near Opera house.  In case you didn’t know, my wild guess is the distance is close to a full Nathan road on the Kowloon side, or King’s road on the HK Island site.  After three days in Jap, of course, I knew my purpose is doomed to fail. Today when i walked, my whole right leg was freaking painful, while i am feeling very good (I recalled the cult leader of hk originals said something abt phys. and psy. pain and happiness).

3. I never knew HK people can speak english (so poorly), until i came here.  When i was so fortunate to get a good place sitting and waiting for the night parade in disneyland, a mother and her lovely son (aged around 8) came.  It was very crowded and they have to stand. The lovely son was moving here and there, drilling into ideal place that could later see the parade clearly.  OK, fine.  When he was standing next to me, i found that my Donald Duck stuff (there is nothing except Donald Duck.  So, instead of using Disneyland stuff, i use Donald Duck stuff) was blocking the little corridor between the bench i am sitting and the next.  I moved the stuff below the bench and the lovely son, in less than 0.5 second, moved into the space. OK, fine.  This was exactly what i wanted – squeeze some valuable place, ideally.  The lovely son and his mum started chatting in cantonese.  Nothing special.

Right before the parade started, her mother looked around – i couldn’t understand why – and then asked her lovely son in English :

‘Is it ok?’ in English

The son in Cantonese : ‘Mother, i cannot see clearly’. 

‘Is it ok?’ in English

The son in Cantonese : I cannot see clearly’. 

Such conversation repated thrice.

Bitch.  Don’t show up your rubbish English in front of Jap of which over 99% do not even A-Z. When i was just about the tell her lovely son, in cantonese, to revert in English, Donald Duck appeared in the parade. Otherwise Wong Fai Hong will come out and say ‘Chinese doesn’t punch Chinese’ in Disneyland Tokyo.

I recall the story of ‘Let me cut into piece’ during my visit in Lan Fong Yuen of Central a year ago. 

4.  I visited the Roppongi Hill yesterday.  Excellent.  But i didn’t expect this is gonna happen in HK, though i know this is exactly what WKCD is gonna to learn from.  I tried the Fried Pork shop on the 5/F, in which there is a waitress who can speak mandarin (her surname was Chan on her name tag). Extremely excellent Pork.  Unlimited refill for rice and soup, costing $80 per head.  The Tokyo City View on 52/F worth its costs.  From there you could even watch the fireworks in other parts of Tokyo. Insane.