<生活 . 鳩o翕 – 脫期脫到七彩版>

呢個系列好似而家d 潮流服裝咁, 越來越多特別版.

其實我係唔想俾大家知道, 我脫撚左期.

脫到, 我自己都唔記得脫左期… 我覺得自己越黎越無恥.

1. 阿波羅 follow-up

上次出文寫阿波羅d 乳酪, 之前真係有食返一次.

真係無以前咁好食. 其實係難食.

2. 無撚謂謂的平機會, 私隱專員… and many others…

公司要請女人, 請後生女; 但又唔准佢寫到請男定請女.

於是咪多舊魚.

咁究竟佢請個職位叫 “女工”, 定係點?

跟住先排八達通賣左我 d 資料. 每隻 $20. 我真係好反感.

3. 先知

2010 年只係過左八個月, 已經有人知道可以連續14 年 – 包括 2010 年 – 既日本銷量 no.1.

不如估恒指呀笨?

突然諗起中學個陣唯一一本真係讚好睇既書, 張系國既棋王. 裏面有個能預知未來的橫王… 然後到左賭神, 周潤發話你知, 其實要贏, 只係需要一幅隱形眼鏡.

4. 加…$25

細個個陣, 好鍾意飲可樂. 大個左, 都仲好鍾意飲… 屌你老母, 廢話幾句, 又o厄撚左十鳩幾個字.

29 歲以前, 出街食飯, 阿媽總以各種冠冕堂皇既借口, 唔俾叫可樂 (或其他飲品) :

好咧. 一路俾人抑壓住幾十年, 結果食飯個陣飲可樂, 就等同有女友老婆去偷去滾一樣, 會俾到我有犯罪既快感.

講左咁耐, 其實我係想講另一樣野. 近排終於無發生乜野 加錢送 事件… 但去仲可以食煙又係室內既達記, 居然…

飲杯凍野, 真係好貴.

好撚貴.

阿媽, 對唔治.

我知錯鳥.

————

而講起阿媽, 就不可能不提佢近排又有驚天動地既舉動.

話說, 我枕頭已經有兩個枕頭袋 + 一條枕頭巾 呢個combo. 好些新認識既朋友, 首次去到我屋企, 都嚷著要一看這偉大傑作…

好了. 係淫威之下, 無得唔用.

人, 總係得一想二; 得二想三, 想三得四.

跟住佢成日叫我換床單. 要知道我已經好憎換枕頭袋. 每星期同佢食飯, 佢都會問 : 你做乜唔換床單?

你做乜唔換床單?
你做乜唔換床單?
你做乜唔換床單?
你做乜唔換床單?

好似我係為左換床單而存在於世…

無論如何, 後尾唔知佢點發現到, 其實我好懶 – 識左成三十年先發現到我懶… 於是人類史上最聰明的我老母改左戰術, 試途用另一個策略. 有一晚, 我同佢食完飯臨走, 佢 . 又 . 叫 . 我 . 換 . 床 . 單.

我咕嚕一輪, 佢好似早有準備咁答我 :

媽 : o拿, 不如你一次過舖兩個床單, 咁要換咪套出面個個咪得.

噢賣葛!! 這是多么聰明的辦法! 一時間我都唔識回應佢.

不過, 係阿媽既世界, 唔回應就等同接受. 我呆左半秒, 即刻答佢..

屌, 一次過套三十個上去, 咪呢世都唔使換lor….

5. 公主@sogo

側面公主…

正面…

…蕃薯

真係心血少d 都俾佢嚇撚死.

不過咁, 如果佢轉踢波或者打籃球, 個閱讀 理解 球賽 能力一定好強. 大佬, 成個場咁闊佢都望到晒…

等d 女仲咁鍾意三七面望人, 貪人地望唔到你塊面圓咕碌呀咧. 望望下就變成咁嫁咧…

6. 立法會

那已經是六月的事.

天下同聲一哭.

葉國謙是區議會的立法會代表, 民主成分夠高咧掛?

民主黨大部分立法會議員係一人一票選出黎, 夠代表性咧掛?

對不起, 我無法接受區議會方案是民主向前走一步; 也不可能原諒民主黨. 你的階段性成果, 就是出賣香港人.

7. 唐老鴨

真係好多唐老鴨. 誠如我以前說過, 我幾乎能說出每一件唐老鴨的來源同價錢/ 邊位仁兄送.

漸地. 家中已沒有地方放置他們了…

<生活 . 鳩o翕 – 兒時零碎回憶 + 食字 + 生日快樂版>

去到唔知幾多月之後, 生活 . 鳩o翕系列 終於脫左期… 凡事總有第一次, 呢次咁耐先脫, 算係咁拉. (默默點頭中, 自我感覺良好. 簡直與一眾高官落區叫 超錯 起錨 一樣…)

好咧~~ 夠咧. 今次帶大家去搵d 一兒時回憶. 我既童年, 未必等於大家既童年. 而家d 細佬既童年係 仆街 . monster; 我既童年, 係大家有可能聽過既 聖鬥士星矢.

1. 阿波羅 Magic Cone

太陽神並非靠太陽起家. 當年阿波羅黎香港 (我都唔記得佢話自己係邊度既品牌), 一直唔夠其他牌子既雪糕打 – 特別係牛奶公司. 話說, 牛奶公司既 飛機杯 雪糕杯 真係好正 – 據聞某大航空公司既飛機餐 (唔知點解呢三個字由我講出口特別淫賤), 亦有提供牛記既雪糕杯 (仲要係由空姐派俾你…). 可能管理層係知道d 客食完飛機餐一肚氣, 要俾好少少既甜品… 另外, 牛記既原味鳯仙 同埋 紅豆雪條 更加係極品.

開始時, 阿波羅既雪糕, 代號叫難食, 別名垃圾. 佢出既雪糕, 大部份都係抄牛奶公司既出品, 紅豆呀, 綠豆呀等等.

當然, 一百米跑步比賽, 都係人做乜你做乜.

之後阿波羅推出左呢款類似 新民主女神像拎住個支野既 雪糕筒 – 叫 Magic Cone (留意, 到今時今日佢都係無中文名).

真係好似宇宙大爆炸咁, 嘩一野爆左出黎. 當年周街周巷都話要買 magic cone. 個陣係重慶大廈, 真係個個細路 成日 都拎住支 Magic Cone. 當然, 包括左太子女. 其實, 我到今日都唔明一支咁核凸既野, 點解咁受歡迎. 同埋, 我記得佢價錢係唔平 – 當年大概係 $5-$6, 同 今日老麥既雪糕新地價錢差唔多. 至於味道如何, 我真係唔知…

咁多唔知, 係因為我根本無食過 Magic Cone. 屌你老母講撚左千幾字, 跟住講其實我無食過… 屌咁我無睇波都寫左篇野講世界盃拉…我同民主黨一樣, 都唔會覺得唔好意思. 更重要係, 民主黨出賣支持者, 無乜表面原因; 我無食過, 係有原因既.

因為…我係唔食朱古力既!!! 而 Magic Cone 只有 朱古力 同 雲呢嗱 兩種味, 而佢所謂雲呢嗱味, 上面唔知點解又會有d 朱古力醬 (有圖為證). 而牛奶公司既雲呢嗱甜筒, 亦有類似既情況… 所以我咁大個仔, 從來未食過 Magic Cone 同 牛奶公司既甜筒… 點解明明係雲呢嗱, 上面又要加d 朱古力 醬呢? 究竟d製造商知唔知其實呢個世界有好多人唔食朱古力?

也記不起是之前還是後來, 阿波羅的雪糕夾心餅 – Monaka – 也很受歡迎. 不過, 我都係無食過. 原因 : 佢塊夾餅都係有 d 朱古力.

唔知過左幾多個世紀, 終於有樣阿波羅既產品我終於食過, 仲好鍾意食 – 即製 鮮果 乳酪. 留意粗體字, 重點有二,

當年好鍾意食呢個即製鮮果乳酪. 每次放學去完沙田同學屋企玩 (我中學係石硤尾…), 走既時候我會買一杯食. 後來大學時有女友住馬鞍山, 佢樓下都仲有. 當年開到一街都係 – 不過係香港, 短時間內開到一街都係既野, 無一樣有好結果 : 網吧, 珍珠奶茶 version 1, 農場餐廳, 賣口罩既地方, 各式小食店. 結果今日佢係港島區既舖位, 只係得返五間 (唔計係老練咁遠既柴灣同香港仔, 只係得返銅鑼灣一樣).

早陣子去了銅鑼灣的分別, 再來吃一杯. 感覺… 好難食.

好懷念以前無憂無慮的日子. 返學, 上堂, 打波, 放學去同學度賭錢睇咸碟, 然後食阿波羅.

回憶總是美好的.

2. 龍珠

我很記得第一次看日文版的龍珠, 是在姑婆勝利道的家.

印象深刻, 因為這期裏面有莊子拉起裙底讓龜仙人的一幕.

然後, 姑婆把兒仔的天下及中華英雄給我看. 那應該是 1990 年的事, 因為天下只去到步驚雲偷學莫名劍法, 使出悲痛莫名對付劍晨. 很多年後, 我才知道畫天下的人, 叫馬榮成; 他的中華英雄, 是港漫中排名第一. 不論是畫功和故事, 是有史以來最好的.

講返龍珠. 龍珠中的孫悟空, 起初是以西遊記的齊天大聖孫悟空作藍本. 如意棒, 筋斗雲都是齊天大聖的. 接著打擂台 (天下第一武道大會), 大魔王, 笛子魔童 – 那是我真正有錢買雅景的龍珠單行本. 那時候龍珠不時還有笑料, 像悟空在武台上問道什么叫結婚… 就像路飛會挖鼻孔一樣.

比達出現, 再有那美星, 然後有人造人, 斯路. 記得當天的文化傳訊買了龍珠的版權, 推出的便是單行本第33期 “斯路遊戲”. 我看完又看, 最後索性把整本單行本上色. 不錯, 是整本單行本.

我覺得, 龍珠的完結, 是斯路死亡. 之後既魔人布歐, 根本唔係龍珠, 又無聊, 又無故事性. 最近在漫畫屋重看龍珠, 十分開心. 經典, 百看不厭. 到今時今日, 大部份的玩具都係龍珠或星矢, 你知人類唔會再有進步.

順帶一提, 龍珠/星矢/足球小將 呢 平成三姬 三本平成漫畫, 幾乎奠定所有成功日本漫畫的方程式 : 一個戇鳩鳩天真無邪唔受歡迎既男主角 (悟空, 星矢, 戴志偉) + 一個聰明邪正難分有性格受女性讀者歡迎的男配角 (比達, 一輝, 小志強). 後來既幽遊白書 (幽助 + 飛影), 入樽 (櫻木 + 流川) 到今日, 火影 (鳴人 + 佐助) 都係靠呢條方程式. 好似 死亡筆記 咁倒轉既, 真係好少有.

萬變咭, 雷達, 戰鬥力探測器, 超級撒亞人, 界王拳, 舞空術, 龜波氣功 (屌, 自龍珠出現, 所有打鬥動/漫畫都有差唔多既招數). 多謝你.

3. 捉野 . 內封

有說一個地方娛樂與經濟有關… 香港 80 年代, 日本 90 年代, 00 是南韓 (有說 2010後 是中國/ 印度). 但觀乎日本泡沬經濟爆破後…

當年經典日劇 悠長假期, 瀨名 / 木村角色所住既地方, 就曾經成為當地人膜拜朝聖 潮吹 既地方

眾人都說木村靚仔. 但我更記得竹野內豐.

呢條友咀左松隆子.

因為竹野內豐的型, 我買他的 With Love. 女主角醜到無倫, 劇情悶到爆 – 講兩條友用 email 互溝 (呀呢d 情節好熟面口, 不過係由 email 變左 xanga, facebook 或者 sms), 但我依然睇晒. 因為, 佢好撚型.

I know this is so gay.

btw, 當日本廿年換左七十幾個首相, 木村又真係演過首相… 我覺得下任首相搵木村做都好. 列根都做過美國總統拉.

4. 生豪酒店

相片拍得不好 (其實是超差). 星豪酒店的 “日” 字響應環保, 熄然左燈. 於是乎間酒店變左 生豪酒店. 正所謂舉頭望明月, 低頭思故鄉. 好詩, 好詩.

順帶一提, 生豪酒店係旺角近朗豪坊.

寫到咁, 唔會有人以為係膳稿掛…

5. 水銀蒸蛋

我睇住, 讀錯三次.

6. 今次無錯咧掛

仲唔係叫碌撚?

下? 原來炒撚左冷飯?

7. 唐老鴨

若然連續三篇 生活 . 鳩o翕 沒有出現唐老鴨, 讀者可以肯定作者係第二個人假扮既…

7.1 來自阿根廷的禮物

我是阿根廷足球隊的 fans. 原因 : 我好鍾意藍色, 而當年第一次睇馬拉當拿踢波 (當然係透過電視機), 佢就係著住深藍色既波衫 – 並唔係淺藍白間個件. 然後鍾意 nba 既魔術隊, 都係因為佢件藍色波衫.

呢份係我既三十歲生日禮物之一. 1980年, 香港製造的唐老鴨玩具. 好有意義呢…至於件玩具係愛黎做乜… er… er… er… 但我肯定右邊玩緊影分身既米奇, 同件玩具係無關.

7.2 火機

…係喎, 唔關唐老鴨事… anyway

傳說中有一種忍術, 叫 “點煙巴士即到大法”. 雖然屬於血繼界限, 但其實修練大法既條件, 係你血源裏面有尼古丁. 使用方法 : 只要係你係巴士站一點煙, 你要既巴士就會係5秒內出現. 萬 . 試 . 萬 . 靈 . 童 . 叟 . 無 . 欺. 如果你果日係巴士站食左大拿拿兩支煙而等既巴士仲未到, 你應該好好檢討下自己. 女讀者可以發張全身照, 等我幫你睇下相, 甚至係一個全相…

無論如何. 有讀者認得出呢個火機既標誌為何物, 請到收銀處付款.

.
.
.
.
.
.
.
.
.

無錯, 呢個就係呢個西主既 profile picture! 當我收到呢份禮物時都唔知道~~ 大隱隱於市.

真係差佬捉到你都奈你唔何. 

   

 
      

延伸閱讀 – 姊妹系列 (以下系列更加爛尾)

1. 有圖 . 有真相

2. 哇哇 . 看天下 

<生活 . 鳩o翕 14>

因為技術問題 – 即係一d 我唔知點解既野 – 今期既 生活 . 鳩o翕 系列 遲左登出 (懶就懶咧屌你~~)

(1) 米高 . 積遜

每次我見到呢d 搖搖欲墜既易抽架, 我都諗起佢既 moon walk 同 向前傾 45 度…

講起易拉架, 早兩日有網友 (例如 1號候選人, 2號候選人) 對於 魔術先生/ 街頭表演者 俾差佬票控抱不平.

係香港, 人類 不嬲都及唔上 死物 同 寵物. 有乜咁出奇? 寵物係街邊屙屎, 執返起就得 – 唔執既都大有人在; 你女友係街瀨屎你會唔會幫佢抹? 你走都走唔切, 即刻 reject 佢個 call, 係面書整走佢拉. 仲有人話會幫隻狗打飛機… 一排易拉架係旺角好似排隊買樓咁, 差佬都冇你符. 乜春都可以上市 – 包括其實得個殼既科網股, 但你有冇見過 人類 係香港上市? 無!

歌仔都有得你唱, 做隻貓做隻狗不做情人…

(屌, 同d 易拉架有乜關係?)

(2) o靚模

留意 : 下午四時前, 保證足 60 分鐘.

Read : 下午四時後, 保證唔足 60 分鐘.

講開又講, 近排見到張夜總會海報話早上 1030 開始營業. 唔知以為佢開酒樓. 你入到去, 大概只會見到阿嬸返工. 邊有女 晨早十點幾返工? 訓都未訓拉屌你.

(3) o拿…

話左細菌撈面平時好鬼死多人.

連放一包包食物既櫃窗都見唔到.

跟住你發覺食既人, 多數都係上左年紀…

(4) 劉小慧

印象中第一個無除過衫, 自己又鍾意既女名星, 叫劉小慧.

佢個朵叫 “學生情人”. 好娘. 但我覺得佢好正. 佢個隻成個背囊咁大, 送個張海報成度門咁大, 同埋唔知係買碟定買寫真既 “寂寞都有罪”, 我真係放學衝落去白購買.

傳說 佢 + 湯寶如 + 黎瑞恩, 叫 木葉三忍 寶麗金三朵花. 另外兩個, 根本唔係劉小慧個皮 : 一個短頭髮, 條眉粗到似男人, 另一個肥到似隻豬. By the way, 當年寶麗金, 仲有兩個女歌手, 一個叫周慧敏, 一個叫王馨平.

一直好鍾意劉小慧…

直到小澤圓出現… 佢真係好似劉小慧. 如果吉澤明步 80% 似鄧明步, 咁小澤圓 120% 似劉小慧. 比戶愚呂弟 更加 戶愚呂弟.

不同的是, 小澤圓會對住我除衫…

跟住我就跟隨會除衫既劉小慧. 無再理唔識除衫 (或者唔係我面前除) 個個劉小慧. 佢個隻 “寂寞都有罪”, 就好似黃豆咁撚大粒, 擺撚左返黎最後都係要掉…

你可以想像對住小澤圓發射左幾多次. 攻呀攻快搶攻, 射呀射射她吧~~ 上年執屋, 還找到小澤圓的片子 – 還要是 VCD 的. 可惜現在找不到了…

跟住有日經過 HSBC, 見到老練咁大張劉小慧 :

No, no, no. 佢只係拍平面廣告的模特兒.

(5) 死不悔改

我懷疑管理處睇過上個月個 post, 然後返去改左.

都係零分…

(6) 要求

香港已經墮落到地獄既底部.

請人的要求 : 守時, 有禮

諗諗這是怎樣的一個老闆 : 他/ 她已經不要求你什么學歷, 勤奮. 只希望你返工, 準 . 時 . 返 . 工. 也只希望你有禮貌. 點解呀? 因為佢想d 客可以準時食到下午茶 law~ 之不過, 返工準時 同 有禮, 唔係同眼耳口鼻一樣, 係做人基本要求咩?

看老闆要特意寫要求為 準時 同 有禮, 我估計呢兩樣野已經同你女友有 36D 又係處女, 一個人又勤力又聰明一樣, 成為左人類既三大自然遺產, 所 . 剩 . 無 . 幾. 除非係歷史書, 你已經再唔到呢d 人嫁咧.

我常以為地球也是圍繞自己來轉的 – 這是有意識的自我中心; 時下的年青人, 他們不會自以為自己是地球, 甚至乎是銀河系的中心 – 但他們的行為正顯示有這種心態 – 這是無意識的自我中心. 就好像內地自由含來到香港, 不排隊, 不是他們故意不排隊, 而是他們腦海中根本沒有排隊這一個概念. 類似的例子還有香港人堂食老麥不自動收拾, 在公共交通工具上大聲講電話.

SH 最近分享一個故事 : 公司有年青人初到貴境. 這是年青人第一份工作. 大概是怕醜, 或是其他原因, 年青人早上見到同事, 很少打招呼; 不多與年紀同近的人交談; 面上也很少掛笑客. 一陣子後, SH 發覺年青人與其上司與同事, 關係麻麻. 於是好言相勸…

“XX, 我覺得初到一個地方工作… 有些事情要先辦好. 例如與同事之間的關係. 個人也要表示出謙虛和好學. 一些說話, 例如 : 當然, 梗係拉, 盡度唔好講.”

下刪一千字. SH 重覆又重覆, 只是希望年青人態度看上去好一點. 這只是 “看上去”, 也不敢說是真心希望態度好…

說到最後, 年青人說…

“梗係拉. 呢D 態度咁差既野, 我當然唔會做.”

OK!!!! you win.

我不認為這是單獨事件. 大學時, JC 就有個 hypothesis : 那有工人照顧的那一代, 他們成長時, 賓妹是他們的工人, 爸媽也是他們的工人, 他們可以指揮世界, 以為長大後也可以決定宇宙.

至於年青人是如何寵壞的? 告訴你一個真人真事.

—————–

多年前, 親戚出席一個喜宴, 同桌的有一對母女. 女的十三四歲, 身形如 魯芬 x 2. 還沒有開席, 女兒已一口氣喝掉兩瓶可樂. 她向其母說, 還想喝多一瓶.

“哎呀, 女, 你已經飲左兩支. 你咁落去唔得嫁.” 母親大概是擔心女兒的身形, 有點勞氣地說.

女兒坐在一旁, 一臉委屈, 不語.

眾人也以為故事告一段落, 豈料出現周星馳的士倒後式既場面…

“伙記, 唔該俾支可樂佢.”

是的, 那個女兒, 叫鄭欣宜.

—————-

如果你問, 讀了這么多年經濟有什么得著, 我會答除了懂得如何在最短的時間輸掉最多的金錢, 就只有 “incentive matters”.

行動比起齋o翕來得實際, 具效用. 反正太多人 (例如民主黨) 都屬於 “講就兇狠, 做就碌撚”. 一邊叫你唔好飲汽水, 一邊幫你叫汽水, 呢世個女都會繼續飲. 情況如日本動作片女星, 那邊廂叫 “唔好; 停”, 另邊廂含吹舐啜. “唔好; 停” 自然變左 “唔好停”.

再舉一例. 當年美國英國接近以無條件拯救各大金融機構, 救完叫佢地唔好再亂投資再亂拱摃亂坐盤, 結果? 2009 年美國主要金融機構利潤的來源, 都是來自 securities trading. 好了, 最近奧巴馬好像發現新大陸, 知道 齌屌唔咀 齌o翕唔砌根本唔 work.

—————-

近月先後在交通工具上遇到慈母多敗兒的場面 :

—————-

我睇怕如果上面個老闆再請唔到人, 佢又唔能夠寫 “有手, 有腳” – 恐怕平機會會告佢; 睇怕佢只能夠要求 :

(7) Sexiest woman of the world

實情係, 呢張係 灣仔 188 既海報, 周秀娜對波有成個人咁高…

留意個紙皮箱既位置, 還面仲有清潔用既報紙 (無紙巾你用手指抿屎都會呀). 明顯係用黎俾路過既男人放底d 白色汁落去…

耶~~ 你有陰毛既…

—–

(8) 寫生

我諗左幾日.

其實, 佢畫既畫 同 佢對住畫既背景, 一d 關係都冇. 彩虹係邊? 人頭係邊? 乜春都冇.

點解仲要出黎畫?

a. 樓價太高, 屋企太細.
b. 畫畫為名, 溝女/ 溝仔為實 (妖, 早年都有人借遊行溝女拉)
c. 佢地係度賣緊畫
d. 只有係露天既地方, 佢地先可以一日廿四小時畫畫 (你睇下佢仲有幾多個圓圈未加個像上去…)
e. 以上全對

<生活 . 鳩o翕 13 + 誠意推介 5>

你們應該明白為什么我老是要去取材了…

當然是因為 OT!!

(今天是愚人節, 放鬆一點吧…


叫左你唔好打面拉~ 嘩, 屌你, 仲黎~~)

<生活 . 鳩o翕 12>

嘩! 竟然一年間都無脫過期. 呢個系列, 值得我係廟街擺三圍賀一賀佢.

(1) 浪漫風暴

周星馳的食神, 我睇過起碼三十次. 是 . 認 . 真 . 的. 尤其是開首那一段 (由比賽到歐錦棠黑麻麻講野), 我有段時間真係識背. 每一個細節我都計算埋架! 嘿嘿. 食神, 你無話可說咧嘛!!

記憶中睇得第二多既, 並唔係日本動作片. 個 d 片, 你唔會重溫又重溫某一套, 甚至乎你能唔能夠完整睇完一次都成問題. 佢地大多數同你高考既中史一樣, 用完就放埋一邊. 其實我第二睇得多, 係蝙蝠俠 黑夜之神. 係戲院睇三次, 買 DVD 又睇左幾次. Why so serious?

第三, 應該係無乜人識既浪漫風暴. 唔係王靖雯 王菲個首歌, 而由郭富城, 李若彤 主演既一套電影, 仲有當年係新人既唐文龍, 1996 上畫.

係戲院睇過一次, 然後買 VCD, 前前後後買左三四次.

我唔識講, 但真係好鍾意呢套戲. 即使係悲劇, 套戲都唔會太渲染悲傷既氣氛. 套戲既拍攝背景, 係中上環一帶 (石板街, 中區警署等) – 我想, 到後來搬進石板街附近, 這套戲也有一點影響. 戲中的音樂非常非常好聽, 特別係一段多次出現既音樂, 好好聽 (這裏的 2:14 至 2:44).

有空的話, 按前面的連結把電影看一遍. 我寫這篇文時, 又在 youtube 看一次. 最後才發覺出完字幕後, 會有一段結尾… 看了多次也沒有留意…

講左咁耐, 我想講, 每次睇拳, 我都諗起呢套戲. 皆因郭富城係套戲度, 係拳手.

同埋, 浪漫風暴打拳個一部份, 一d 都唔好睇, 根本係亂黎. 

仲有, 我唱首主題曲 <敬啟者之愛是全奉獻>, 好似郭富城.

自瀆完畢.

(下圖 : 重點係左方)

下? 上面兩張相做乜? 我都唔知喎.

(2) 唐老鴨

(3) 昆柒你

喂~~ 唔買都黎睇下拉喂~~

喂~ 但其實乜撚都無得睇呀喂~~~

定係呢d 係高層次既視覺藝術 (aka 國王的新衣 2010 藝術感觀版)?

(4) 令人髮指的英文

“Management office reminds all residents of the danger of objects and rubbish are thrown to the 2/F roof of the building, which could have ignore civism and caused a serious accident . Please be careful in this respect that should never be done in a high-rising building.

Inconvenience caused is greatly regretted.”

一句兩個動詞, 標點放錯位, spacing 有問題, 倉頡造英文字, 中文句字扮英文 (好似蟹柳扮晒蟹?), 真係黃大仙咁, 要乜有乜. 寫個條友想講乜?

其實, 連個標題都夠無厘頭

另一張:

“The HDTV-System has been installed in the building. You must have the receiver or equipment to receive the signal of HDTV-System if you watch the HD program. If you have any problem of the HDTV system, you can notice our management office; we will follow up this case”

第一句完全無錯. 加 10 分.

You must have the receiver or equipment to receive the signal of HDTV-System if you watch the HD program.

究竟係邊一個門派既英文 同 邏輯? 好奇怪的一句句子.

真係要問蕭蛇.

望到呢d 英文, 真係哭笑不得. 回歸十數年, 香港最融合到內地既野, 並唔係乜野經濟高鐵大珠三角邪骨, 而係英語水平.

—————–

雖然我英文唔好, 但一d 明顯既文法錯誤, 好多能夠避免. 但上面呢d, 根本唔可以叫做英文. 佢究竟係咪搵 google 翻譯譯?

好咧, 我將段中文打左一次 (世間竟有如此無聊之人!! 你睇到呢度, 夠無聊拉). 屌, 打一次先知佢 “業主” 打左 “業戶”, 高清 漏左個 “高”; 不過我都錯字多, 放佢一馬. 我拎去左 google 翻譯

“The House has completed the installation of high-definition TV reception system. To watch high-definition programming must be able to receive HD signals of TV or equipment. And if the customers could not watch the Qing industry programs or other antenna on the issue. Please notify the Management Office. Management Office will arrange notify the contractor to follow up”

大佬呀! 真係搵機器譯好過.

—————–

此事又令我記起一件爆笑事件. 話說早年, 友人 WL 失業, 發了多份履歷也沒有回聲. 一女友人著他發一份履歷給她, 好讓她發給有關相熟的人.

女的一打開… 呆了…
.
.
.
.
.
.
.
.

那份履歷表, 是處於 edit mode 狀態的…

即是話, 友人不斷在履歷表上將申請的公司名字 刪去 更新 刪去 更新, 對方一打開便看到… 只是友人沒有打開 edit mode (或是其他原因), 一直不知道這點.

問題解決後, 友人很快便找到工作了.

所以快畢業的後生仔, 快去 download.com 下載這個 PrimoPDF 吧. 將履歷製成 pdf, 便可以避免此等幼稚園式錯誤了… 天造之材, 走進迷陣…無邊遺憾…

(5) 霸氣縱橫

左圖 : 個地盤橫跨成條行人路. 佢叫你唔好行近, 即係叫你死出馬路去

右圖 : 個地盤已經等同成條行人路. 佢叫你唔好行近, 即係叫你返屋企, 唔好出街.

(6) 利是

收到一些認識超過十五年朋友的利是, 感覺很奇怪.

明明尋日才在圖書館認識他.

明明前日在籃球場同佢打過打交籃球.

明明上星期係佢屋企飲紅酒飲到嘔血.

逐個逐個派利是.

奇怪還奇怪, 利是下年都係要繼續俾.

今年經濟好好 : 一封 $10 都收唔到; 碌野仲成呎長 利是仲成吋厚.

1997 年, 我試過收到六七千利是. 當時僅僅夠買一呎嘉湖山莊.

2010 年, 收到四千幾銀, 連將軍澳地皮, 都唔夠買一呎…

北角官立小學利是封… 點解官立小學有利是封? 審計處仲唔做野?

哈根 . 達斯 利是.

(7) 亂黎

(8) 等… 寂寞到夜深…

原來, 曾幾何時排到仆街既板前, 已經唔使再排.

屌, 佢開到好似 7-11 咁密, 仲要排? (下圖呢間係世貿, 後面東角驛就有同系既板長)

之不過, 人龍去左隔離既發記…

等等等, 寂寞又親親親. 在懷內意內不必太認真~~~

但時代廣場都有一間發記, 何必苦等呢, 施主!

—————

延伸閱讀 – 姊妹系列

1. 有圖 . 有真相

2. 哇哇 . 看天下 

<生活 . 鳩o翕 11 – 悠長假期>

呢個系列, 即使係我取材期間, 竟然無脫期! 實在太強咧~ 好些系列 (唔好開名咧), 就連我創作力最猛既時候, 仍然影都冇…

一月有個悠長假期, 每天也是訓覺, 訓覺 還有 訓覺. 在這個假期, 沒有去日本 (竟然!), 只是去了一些平時較少機會去的地方.

(1) 澳門

首先, 去了澳門練習開門五件事, 即嫖賭飲蕩吹. 媽的, 去澳門食葡撻? 去香港肯德基食到你仆街都仲得, 使俾幾舊水去澳門食?

(1.3) …

(2) 圓玄學院

太婆的骨灰龕在圓玄學院. 作為孝子的我, 好幾個月會去一次. 買兩個砵仔, 一個在 上京赴考時吃 小巴上吃, 一個留給太婆.

只是對著靈位, 用紙巾清潔一下 (唔好心邪), 然後與太婆說幾句話.

離開時, 聽到負責打掃的大嬸說, 新的骨灰龕, 一個位要 15 萬.

15 萬? 香港真是個奇撚怪的地方. 那個靈位, 大概只有一呎 x 兩呎半吧… 什么七萬元呎的豪宅, 收皮吧… 許多活生生的人用九成半按揭也不能拿出 15 萬作首期, 一個給予先人的小小位置居然要 15 萬. 未能事人, 焉能事鬼?

去了多次圓玄學院, 每次也是一條路入, 同一條路走, 從來沒有參觀. 見有空, 便在院內走了走.

— 驚見 “八德亭”

— 八德者 : 孝, 悌, 忠, 信, 禮, 義, 廉, 恥.

— 當中 義 和 信 的詳述, 幾乎令我流涕.

不守信, 政令不行.

對唔治, 香港政府, 不義, 也無信… 其實八德, 佢一樣都冇. 之不過, 咁都要抽水?

(按圖可放大).

(3) 唐老鴨

收集唐老鴨物品, 轉眼踏入第三個年頭.

每隔一段日子, 就好似會禁左自動制咁, 有人會問我為什么這么低能 : (1) 低能地喜歡唐老鴨這幼稚園人物; (2) 低能地喜歡唐老鴨這人物之餘, 還會收集它的物品.

慢慢也懶得去解釋. 反正解釋即是掩飾. 年中也有不少人說我廿幾三十歲人, 仲鍾意去迪士尼, 成屋玩具, 好些仲成日叫住阿媽阿媽, 成個裙腳仔咁. 再咁落去, 我只會繼續係一條溝唔到女既可憐虫.

這些描述, 其實好有道理. 之不過有道理既野, 通常無乜人理. 反高鐵夠有道理拉, 政府有冇聽? 要真普選夠有道理拉, 阿爺有冇理? 唔好講咁遠 : 你阿媽成日話早睡早起, 勤力讀書, 戒酒戒煙, 慳d 洗, 全撚部都有道理, 邊個有聽晒?

聽晒既話就唔會有窮人拉. 地球暖化, 中環塞車, 金融海嘯晨早解決左.

反正是喜歡就好了. 自己喜歡, 哪用理人家批評?

每年春秋二祭, 都會收到朋友一些唐老鴨的物品… 今年聖誕特別多 :

漸地, 我發覺家中開始沒有位了. 圖正中那支筆, 我一支也沒有買過, 但家中已經有四支了. 好恐怖…

(4) 屌 online

我曾經講過想試玩跑 online. 前陣子友人屎忽痕, 要去初戀網吧.

我終於玩到這個跑 online 了…

果然是阿叔, 在登錄的畫面, 搞了三幾天才搞好. 入去玩, 完全不懂操控… 遊戲也特別照顧老年人, 開頭整左幾堂導修, 等你習慣左遊戲系統先開始.

下圖為練習跳躍…

幾年後才能與友人連線一起玩.

玩了一會兒, 果然與我想像中一樣 : 就是不斷在跑跑跑… 圍住個圈在跑跑跑, 一味跑, 狂跑, 喪跑, 圍住跑幾圈. 有跳躍都好, 最後都係跑. 跑… 跑到你老母都唔認得.

望一望下圖, 頭上那個龜頭… 男男女女都係一個龜頭, 真的無話可說. 我也肯定開發公司不是港資的… 否則哪有香港人會設計一個龜頭出來?

玩完跑 online, 我覺得 屌online 既市場肯定仲大.

(5) 廢場 iSquare

以前既凱悅酒店, 而家成為 iSquare. 重慶大廈, 就係對面.

前陣子去看阿凡達, 晨早流流 (貪平買早上 9 點飛), 無心機行. 後來係阿媽度食完飯, 見無野做就行左個圈.

評語 : 廢場一個.

商店少之餘mix 也不見得好; 設計九流, 樓底超矮, 行既時壓迫感超大. 某D 地方, 僅能容納三個人一齊過, 彷彿建築師就有先見之明, 知道呢個場唔會多人咁…

唯一驚喜之處, 是那間浪漫店橫濱. 多年前在東京吃過一次. 有時你記住間餐廳, 笨唔係佢d 野特別好食; 只係視乎你同邊個去.

ok, 唔好再講咸豐年既事. 一齊去睇下 愛的鐵證 廢的證明

 
(6) 黑色幽默

So I am serious : 每逢阿媽叫我飲個d 有益野, 清一色, 黑色.

有證有據, 童叟無欺.

下面呢杯, 佢話飲完唔喉嚨痛.

係呀! 飲完過左幾十日, 喉嚨真係唔痛!!!

(7) Peter So

蘇先生是厲害的. 每逢新年, 會收到十幾次蘇民峰流年運程既電郵. 當然, 麥玲玲既都有.

惟有蘇先生有英文版既運程書. 長頭髮既李天命都無. 至於東尼 . 陳… 鎖你! 佢話佢唔係風水師.

Peter So.

叫親 Peter, Mary, Susan, John 呢d 香港人, 通常有一個共通點

佢地唔係接受香港式既教育.

唔係你第一日上小學英文堂, 打開英文書, 一個二個人物狗屎咁醜樣, 叫 Peter (四眼仔?), John (洋人年青版秦先生), Sam (一面豆豆), Susan (孖辮妹), Mary (洋人版靜宜. 成班人得佢似人樣).

如果你自已唔生性, 改左個英文名叫阿 Dick… 咁只好怪你唔好彩.

<生活 . 鳩o翕 10>

又到一個月一次既鳩o翕. 呢個系列, 係少數我越寫越覺得有趣味既系列之一. 不過, 通常寫完話有趣, 好快就變無趣…

(1) 2009 年 – 過去式

下面個d DVD 機, 應該過左期, 唔可以再賣.

(2) 宜家傢俬

無論係狗狗 同埋 河馬, 睇黎都覺得宜家係一個好既交配地方.

係沙發都唔放過. 一路係度 he he her her.

(3) 佢個鼻…

挺過梁挺. 可能係燈光問題… 但睇翻呢個 mtv, 佢而家個鼻尖真係挺得太勁.

順帶一提, 呢個係阿 sa 黎. 另外, 瑪花搵佢賣纖體廣告. 同搵洪金寶賣肥仔丸有乜野分別?

(4) 加錢送

香港終於有人識字咧! 麥當奴叔叔識 “加錢” + “換”. 咪撚再加錢送~~

點知係人生既旅途上再睇睇下… 都係零分.

免費休息… 免費打開眼… 免費行路… 免費呼吸

買 忽然一周 送 飲食男女.

乜近幾年, 有唔係送嫁咩?

幾時出現買鞋買左腳送右腳? 買枱出現送兩隻枱腳?

(5) 一條龍終身事業

徐志摩口中的康橋, 就是今日的劍橋. 而當康橋教育 同 劍橋護老院 係同一座大廈出現時, 真的響應董廢帝終身學習, 一條龍生活.

真正足不出戶, 自給自足. 使春起乜野新市鎮, 幾百億起高鐵搞三小時經濟圈? 黎到康橋/ 劍橋, 五分鐘你可以活一世! 連車都唔使搭呀~

(6) 海報

究竟係咁o岩得咁橋, 定係我份人太仆街, 太 critical 呢? 我懷疑兩樣都係.

不過重點係, 點解我成日都遇到呢d 騎呢海報?

(7) 食神

(8) 乘數表

元旦夜搭地鐵.

而家d 細路想點… 兩個人坐一個位, 人疊人, 疊羅漢…

其實都好既, 照乘既話, 一張登可以坐12 個人.

(9) 無 s

(10) I love this

法輪功說有七百萬人退黨, 可能是騙你.

法輪功話自己個肚有個輪 (唔係窩輪), 肯定係昆你.

但愛國不等於愛黨, 有道理.

對很多人來說, 若然無左共產黨, 佢地唔會知自己既愛國等於d 乜. 畢竟佢地所謂愛國, 即係等同愛黨, 然後沾油水. 我愛國, 只限於對中國數千年的文化歷史發展, 十分欣賞及敬佩. 其他奧運, 航天, 經濟發展, 國力, 一概唔覺得自豪. 連 . 半 . 點 . 也 . 沒 . 有 . 每次看到那些新聞, 看到政府及群眾 (多數係細路) 一邊公開自瀆一邊沾沾自喜, 只覺得毛管戙.

如果愛國, 包括埋愛黨. 即係你同我講鍾意一個人, 要鍾意埋佢d 臭狐, 香港腳, 痔瘡; 同埋佢蠻不講埋既老母一樣 (btw, 無老母係講道理). 咪 . 撚 . 玩 . 拉. 呢d 唔係叫愛屋及烏, 愛情盲目論.

係叫戇鳩.

擁抱黨, 擁抱既得利益集團, 可以沾到油水. 但唯唯諾諾, 連做人的志氣也沒有.

(11) 灣仔

前陣子已說過, 這是最後一輯灣仔相片. 下輯的選材, 還沒有想到.

<生活 . 鳩o翕 9 – 台灣 x 新加坡版>

成個月, 得呢個系列我係有心機寫. 放心, 呢個 台灣 x 新加坡版, 真係講呢兩個地方, 笨唔係掛羊頭賣狗肉.

當然, 大家可能睇完都唔覺我係寫緊呢兩個地方. 所以先講樣驚天動地既野, 我係台灣誠品總店見到 桂 . 綸 . 鎂 .!! 無化粧, 好似無人認得 (因為眾人都係度睇書, 得我係度望女仔). 瘦, 皮膚麻麻, 唔算突出.

然後, 我係誠品買左火影忍者本 “者之書” 中文版. 我知去誠品買公仔書好無聊… 之不過因為香港代理志文社無出, 咁o岩係誠品無意之間見到, 即刻買左.

(1) 食煙

去旅行, 可以瘋狂食煙. 一開波買十包純萬, 然後日日食食食 (後面 : 又講食煙? 你上次講撚左拉).

台灣車站, 食煙罰 HK$1,500; 新加坡罰 HK$7,500. 印象中日本車站淨係叫你唔好食. 香港罰一億. 還是大陸最好, 大部份地方都可以抽. 佢話唔食得既地方, d 人都係照食.

(2) 他們一直在玩命

台北近郊, 九分. 行火車路軌. 人地叫撚左你唔好行. 照行.

係隧道走出黎, 無幾耐有火車經過… 好似劉華係全職殺手個一幕咁 (btw, 杜琪峰真係好鍾意南生圍).

(3) 法輪功

The best manifestation of Globalization : 任何一個角腳都有他們的蹤影. 諷刺既係, 法輪功來自內地, 但你永遠不會在大陸見到法輪功. 情況就如李彩樺賣廣告既巴黎雪完美, 或者就黎上海既法國巴黎春天百貨, 你唔會係法國見到.

內容一樣, 又是割內臟呀, 打壓異己個d. 不過唔見話有幾百萬人退黨.

btw, 呢度係台北 101.

台北 101 = 香港圓方 = 東京 midtown = 新加坡 Orchard Ion. 我見唔到有乜野分別.

(4) 哈佬 . 吉蒂 餐廳

台北市最旺的忠孝東路附近 (地址及相關介紹). 非常值得一去的地方, 即使你不是吉蒂的粉絲.

價錢不高, 食品質素比想像中好. 吉蒂面型蛋糕相當討好.

更重要係, 好些女待應長相還不賴 (對唔治, 沒有圖)

我成日諗有冇機會開間唐老鴨餐廳, d 杯杯碟碟全部係唐老鴨既腳板形狀 – 好似旺角間 snoopy cafe 咁. 主菜係鴨胸, 北京填鴨, 甜品係鴨血. 跟住唐老鴨會出黎你同玩遊戲. 幾開心. 真係諗都開心.

得咧, 白日夢發夠.

無錯, 人渣去到邊, 仍然係人渣. 下圖為肢解吉蒂面過程. 成班人係餐廳 we 嘩鬼叫, 開心死. 林過雲是訓練出來的.

(5)…

(6) 食飯有 band 睇

轉眼黎左新加坡.

隊 band… 係買野食既地方上面. 樓下賣果汁, 樓上賣唱.

阿叔唱左 家駒既海闊天空, Michael Jackson 既 Billie Jean, 劉華既一首國語歌. 兩文三語樣樣精.

(7) 魚尾獅 x 黃狗射尿

左為真身, 水柱似紅音潮吹… 下? 女讀者唔明? 嗯… 你見過鯨魚用氣孔呼出水柱未? 又未呀… 唯有睇下呢條片.

右為迷你版, 水滴似屙尿. 仲要係六十歲阿叔屙尿. 留意水柱射出的角度, 與真 . 魚尾獅 相去甚遠.

再留意下, 迷你版魚尾獅個樣好似好可憐咁. 仲有, 隻手好似小兒麻痺咁. 成舊野俾人既感覺好可憐, 好可悲.

(8) 請讀出以下兩個字

蔡瀾

再讀…

茶瀾

再讀…

茶淵呀, 文盲!

(9) 似曾相識

大家都有過類似的感覺 :

當然, 我講緊唔係係張床度射精或者夢遺.

小時候, 曾經多次在地鐵站, 有著這樣的感覺. 遇見一個人, 離開一個人, 與一個人談話, 都彷如隔世.

很難說明那是怎樣的一回事, 是怎樣的感覺.

下面那張圖, 我在新加坡拍的.

拍完在手機上看, 很面善, 很熟悉; 可是總說不出在哪裏見過.
 

唯有 upload 到 xanga, 在這個 xanga, 才猛然記起很像某人以前的 profile picture

某柒頭也是為了找這張 profile picture, 才會在夜蘭人靜的時候爬文….

唔似咩? 我話左周秀娜似胡諾言, 咁呢兩張相似有乜出奇呢?

(10) 騎呢海報
 
無論到哪裏去, 都會遇到各式各樣的騎呢海報.

估唔到係新加坡都難逃一劫

六師弟 小黑… ok… 陸野… ok…

以為已經係底線…

老五… 點解你要咁對我?

簡 . 直 . 型 . 至 . 裂 . 開…

(11) 最窩心的設計 (男性專用)

某人屙尿時, 在尿格裏有這樣的一個黑點

看真一點…

對, 是一隻蒼蠅, 印左係尿格. 等你可以好好瞄準. 唔好屙到周圍都係. 事實上, 香港有許多盲丙, 用尿格時根本係瞄住個地下黎屙. 上面隻迷你魚尾獅, 就係屙尿屙到一地都係個d 人.

你唔係好似某人咁, 以為真係無端端有隻蒼蠅係尿格呀嘛?

————-

台北 vs 新加坡 vs 東京

六七年前去過一次台北, 這是第一次去新加坡. 總括來說, 我較愛東京…

若夾硬要比較, 新加坡的確很像香港. 我發現 :

— 除了烏節路, 新加坡普遍街道都空蕩蕩, 無乜人.

— 新加坡人普遍較樸素 (三天我只見過三四個 LV + Gucci), 留意他們的眼神 : 很簡單, 很純樸.

— 我由頭到尾都唔知佢地d 英文講緊乜. 仲衰過東京.

台北較像東京 – 畢竟李登輝十八歲先知自己係台灣人 (以為自己係日本人), 日本都統治過台灣一段時間…

— 台灣女孩比起東京還要正; 數目還要多

— 好撚多大陸遊客

— 大部份的價格比香港低, 是食的好, 是買的好.

— 想去東京但無錢, 我會去台灣.

————

希望大家聖誕快樂.

對唔治. 我近排陷於低潮中. 難以好似 Mr. Bean 咁一邊有病, 一邊dum 大家開心.

誠意推介系列, 好似又要脫期…

去取材, 又要休刊唔知幾耐..

———-

延伸閱讀 : 有圖 . 有真相

<生活 . 鳩o翕 8>

險些兒就脫期了. 寫到第 8 篇, 這個系列還沒有脫期一次. 算係咁…

這篇較短.

1. Um….

你讀中間個三個字… 讀三次…

我三次都讀左 無精味

無精味, 咪零腥味law… 明唔明? 唔明問下你女友. 佢唔會講真話你聽嫁!

餐廳係筲箕灣.

再黎, 由左至右, 讀三次餐廳名…

咪 碌撚 law….

“喂, 去碌冧食飯拉.”

“下, 碌撚?”

“碌冧呀~ 唔係碌撚”

“你就碌撚! 食你老母呀~”

2. 太空船醫病

噢賣葛… 呢張床, 除非可以醫愛滋, 否則好難說服到人放係屋企. 親戚黎拜年, 點呀? 你同佢講你預備太空船係地球末日之前搭呢架野去火星呀? 醫生點叫個病人訓上去?

“陳生, 只要你訓入呢張床, 電下就會好返.”

“呢個… 分明係棺材拉師傅…”

仲有, 佢個一排排野, 分明係的士司機放係櫈上面個d 竹蓆.

接受磁力治療多, 會唔會變變種特攻個磁力人?

我唔識講呢張相… 好似觀音坐蓮 (唔好心邪) + 佢旁邊個d 童子咁 (唔好心邪 x 2)…

個細路似無野食好耐, 生臌脹咁… 若果我除晒衫對住義診既中醫師, 擺個咁既動作, 唔知佢會唔會一鎚打過黎呢…

3. Once in a blue moon

紅隧晚上七點半, 唔塞車! 車都唔多架呀~

4. 海報系列

唔知以為賣緊飢荒 或者 戒毒廣告. 兩個主角都好似無得食, 成個道友咁.

淨係睇海報, 你估係邊個想復仇? 無人知…

5. 唐老鴨的啟示

再不寫唐老鴨, 恐怕有讀者以為文章是請槍的 (醫生~~ 病人妄想症又發作咧~~)

十月初, 我一次損失了兩件唐老鴨的收藏 – 地毯 和 風鈴. 還要是兩日內的事情… 簡直是世界末日 與 冷酷異境. 那張地毯 (相可看這裏) 我十分喜愛. 為左唔屙濕張地毯, 我曾幾何時屙尿屙得好小心. 可惜因為一時大意, 將地毯放到窗外, 強風一吹就失了踪. 可惜, 可惜. 之後我走過數間 trendyland, 都說沒有貨, 也不會再推出了.

近來走遍大街小巷, 沒有找到喜愛的唐老鴨物品. 自從迪迪尼設計出史迪仔呢隻核凸野之後 – 史迪仔既性格非常接近唐老鴨, 愛玩, 頑皮 – 唐老鴨的精品越出越少. 大概是怕太多走相同路線的人物吧.

之後去了台灣, 新加玻, 也沒有見到什么漂亮的東西. 空手而回.

失去了兩件收藏品, 腦裏浮起這四句安慰的短話, 也想起了些事.

八月底時接到一個壞消息; 十月中時再接到一個. 我忽爾想起, 這數年間, 不論是我愛的, 還是愛我的, 都一一離開了.

WL 曾說過有一天我會將屋裏的唐老鴨丟掉. 我笑說只會像孫燕姿 “我懷念的” 那個 MTV 一樣, 將物品通通燒毀. 那一天還沒有到來.

王晶說過, 只在乎那些在乎你的人. 被心愛的人不容氣地批評, 令人難受. 起碼, 我覺得很難受. 好些事, 你明知事實如斯; 可是當有人明刀明槍說出來的時候, 你不免有點難受. 譭譽不動, 違反常情.

True, but sad. 我會在婚禮上笑著祝福您們.

鳩o翕又離題萬丈. 臨近聖誕 (而家… 11 月 7 日…). 去年那個捐錢畫聖誕咭節目, 今年還會繼續. 仍然是畫唐老鴨 (你以為我識畫其他野?), 希望大家捐錢予有需要的人 (例如 我 非洲的小朋友).

圖也選好. 但我希望畫好初稿才登出來獻世.

講左咁耐, 都未入正題…下面那個 pin, 很美. 一直沒有留意香港迪迪尼有唐老鴨的 pin.

(courtesy : KS Cheung)

6. 石澳

為了逃避偉大的同胞, 國慶我千里迢迢去了石澳 – 通常屋企三百米以外既我都叫遠. 天朗氣清, 心情也勃然開朗.

如果你鍾意, 可以幻想相中人係我.

今次去石澳, 竟然見到張柏芝, 周星馳 <喜劇之王> 那個社區會堂. 一直不知道在那裏.

可惜片中的這棵樹, 已呈敗象; 而背後的那個拱橋門口, 都被風吹雨打所破壞. 唔該d 保育人士呀, 電影人士呀做下野. 真係會有人因為一套戲既場景而走訪該地方.

見到某間屋有個類似兵馬俑既石像.

睇黎佢有幫屋主淋下花, 淋下草咁.

7. 不良嗜好

去旅行, 最開心是過關買 免稅煙 同 免稅烈酒.

友人女友成日出 trip, 於是叫佢狂買呢兩樣野. 上次買 $40 一包煙… 嗯… 我好似無買過 $40 一包煙. 上次買煙仲係 $29…

記不起何時, 開始飲威士忌. 初頭淨飲黑牌, 覺得好正 (!!!).

跟住有好事之徒介紹飲麥哥倫. 屌佢. 支12 年抵飲到暈 (下圖右2). 飲威士忌幾乎飲到不能自拔.

記不起何時開始飲威士忌, 但我記得第一次抽煙, 是大學一年級. 抽的是純薄萬. 那時抽煙, 沒有什么原因, 只是覺得無聊, 就抽起來. 抽了年多, 遇到痛愛那個女友, 不喜歡抽煙, 我照抽. 唔通佢叫我戒食飯我又要戒咧喎. 戒夢遺呀笨 (話是話, 我真的很多年沒有夢遺.)

本科畢業後, 一日訓醒, 腦海有把聲音話, 不如挑戰自己, 戒下煙 (我懷疑係神跡), 於是把心一橫, 戒左年幾. 半支都無食過. 有排直情覺得煙好撚臭 – 其實我今日仍然覺得好臭.

年幾, 無食, 戒煙成功. 咪食返煙; 改抽純萬.

後來又戒過年幾, 又係覺得煙好臭. 跟住三年前食返. 戒? 我成日問, 戒黎做乜? 畢竟我食都係冇原因. 原因係多撚餘.

得, 我知睇一個寫自己食煙既歷程, 好無聊. 根本呢個系列, 呢個 blog 都係無聊既產物. 我下次寫我既扑野歷程 law. 文章肯定破紀錄地長, 當然, 如實報導的話, 文章將充斥 “早洩~” “起唔到頭” 等字眼. 即使真相哪有勝過一仗~~

8. 灣仔

老實說, 無乜讀者覺得呢 part 好睇. 我影到悶. 拍多一兩個月, 會轉地方影.

下一站, 中環.

<生活 . 鳩o翕 7 – 中秋特別版>

叫中秋特別版, 內容與平時無分別. 正如你買左個名曉飛既樓盤, 佢裏面都係得四幅牆. 唯一一樣唔同, 就係今次竟然無唐老鴨.

首先要對支持這個系列的人道歉, 皆因我用開 photobucket 上載相片. photobucket 毫無優點 : 上載不夠快, 質素不夠高, 介面不夠方便, 更重要係佢每個月都有瀏覽容量限制 (10GB), 每次都好快爆, 搞到成日出現黃蛙之類的死連結. 無圖片既話, 呢個系列一d 都唔好睇, 情形就同睇 AV 得聲無畫一樣, 晒鳩氣.

其實呢個問題, 幾個月前已經有朋友提過我. 佢建議我用 xanga 個相簿… 可惜我一路懶, 費事搞 – 這也是為什么 photobucket 毫無優點, 我都繼續用. 前陣子終於忍唔住 – 連十五號都未過, 個 account 已經爆左. 把心一橫, 以後直接改用 xanga upload 相算了.

今次比較認真, 笑點好像不太多.

然後, 當你發現應該這系列較早登場, 而一向走在前面的 <誠意推介系列> 居然無影… 你就知道後者今個月脫期的機會是相當高的….

1. 黃子華

他仍然超班; 看他的表演仍然超值. 他值錢之處, 是黃子華本身是一個品牌 – 若然有一個唔識既人講佢講同一番話, 你真係屌佢老母都黎唔切, 仲笑? 這資本, 正是黃子華表演年多年楝篤笑所建立的. 多年前他在亞姐上個一番鳩o翕, 摧毀了他的資本. 後來好不容易才再建立. 羅馬非一天建成.

看完今次表演, 感覺他退步了. 比起 經典 無炭用, 比起 多年前的楝篤笑雙打, 比起 去年的越大鑊越快樂.

該怎么說呢? 我以前看完黃子華, 總有點東西 take away. 例如他說香港人的心態, 要大家一齊食魚蛋食得好仆街. 今次, 沒有. 談娛樂圈不夠絕, 講男女感情像搔癢.

也許是期望提得太高了.

只是, 我還想說的, 就是咪撚再係個 show 度唱歌. 至少, 不要將自己降至與森美, 林海峰同級.

更重要係, d 歌詞根本係亂咁黎. 聽完真係毛管戙呀.

2. 小樽串燒屋

奇遇.

我正在吃晚飯. 望一望左右, 全部人都食串燒.

此時, 一個中年女人, 拖住老公同個女入黎, 望一望, 坐底. by the way, 當我講佢拖住老公, 我真係指佢好似拖住隻狗咁拖住佢老公.

隔左一陣, 佢突然用哥倫布發現新大陸既口吻講

差d 食蕉都哽死.

大概等同好多人抽國藥 (1099), 但唔知原來呢間野原來唔係藥廠一樣.

咁華南城呢? 更多人抽中賣埋都唔知發生乜事.

記得幾年前, F4 剛出道時, 拍了一套流星花園. 很多人不知就裏, 以為那是和碧桂園一裏, 是大陸一個樓盤名稱… 豈料數年後真的有人在北京興建了一個叫流星花園的樓盤….

3. 消失風雨中 蕭塞豐乳中

中學時, 壹本便利舉辦過咸片名字創作比賽. 原因, 係個排有一個咸片名, 非常出類拔萃, 叫做

經典, 經得起時間考驗. 到左今日, 我仍然覺得呢個片名好正.

至於壹本便利比賽的冠軍, 仲經典 :

呢個名最厲害之處, 在於平凡中見不平凡, 簡直等同於乾坤燒鵝 : 佢表面無色情字眼, 但一聽你就知道係咸片名. 含蓄, 偏偏又充滿勁力漿力 (大拿拿扑出火喎~). 一講, 就諗起好多人係間好熱既房度出晒汗咁雜交, 房間到處傳來呻吟聲, oh yea~~ babie. com-on~~~~~~~ 言簡意駭, 意境好高, 簡直係咸片界既畢家索.

多年後, 香港人食字食上腦, 開始出現了 愛是含鳩很耐… 這個也好呀~ 勸女友口交口爆時可用這個.

至於最近聽的一個, 更厲害…

講什么中港融合, 港深交流, 珠三角合作, 國共內戰. 這一句, 已能好好代表. 邪骨能勝正呀~~

(courtesy : 啤妹的同事 Frankie)

4. 應采兒 拳賽

世間竟有如此無聊之人.

年頭見過應采兒打拳既海報, 好想睇.

上次想睇細鬼, 仲串, 滿座, 買唔到飛.

今次早兩三個星期買飛, 期待左幾百個鐘, 終於睇到, 仲要有 應采兒~ (即係純子) 佢真人好高好瘦. 而且算抽得.

雖然只是買了 $180 的飛, 位置還算不錯. 一張飛可看十二三場比賽, 真的很抵看. 放心, 一拳 KO, 一腳搞掂, 左眼被插爆, 右腳折斷, 五馬分屍, 六道輪迴等, 全部也不會看到. 即使拳手們並非世界級, 體力差一點, 看得出他們看賣力. 他們好些真的想把對手殺死的… 不過我看到後半段, 有點累. 兩三個月看一次也可以, 看得太密就不必了.

有機會的話, 大家可買張飛一看. 女士們不必擔心太暴力, 我在場內看見有很多穿熱褲的女士… 再者, 全場只見過兩滴血咁大撚把. 更甚者, 拳手眼界奇差, 根本打唔中對方… 如果有片睇返第一場兩個年輕拳手對打, 屌你, 佢地根本似係度唱遊…

下場叫 破狼, 10 月 10 日. 應采兒也會來. 可惜我要做中秋, 不能看了.

其中一場的比賽, 有人 upload 上 youtube 了. 可按來收看 (吹撚脹, 去到最後一回合中途就停了…)

5. 灣仔

6. 李 + x

問題係, 李先生你旗下的百佳也真夠仆街. 你淨係賣屈臣氏蒸餾水, 無問題; 但唔使整個架出黎, 話有其他牌字賣. 倒頭來, 其實都只係得屈臣氏水賣.

幾個架都淨係得屈臣氏, 唔知以為香港制水, d 水俾搶購一空呀! 屌你, 大家都知你份人仆街, 你仲扮乜撚野野呢?

7. 派彩

話說, 四個月前, 我開盤估 生活 . 鳩o翕 係三個月內的文章數目.

總果係 4 大篇; 賠率為 1 包細菌撈面 賠 10 包

估中既人…. 係無既!! 所以我唔使食. 點解我唔使食? 因為我做庄, 話邊個贏就邊個贏. 嘩哈哈哈哈哈

而估唔中既人, 包括

tommyjonk : 要食 1.1 包

frederickfung : 要食 1.5 包

frostig (呢條友仲要落 10 注咁狠) : 要食佢要一次過食 25 包…

miragec 同 hyster : 每人要食 10,000 包

麻煩以上各人盡速報到. 尤其是 miragec 同 hyster 兩條粉腸!!

我傾家蕩產, 好似某d 人咁打輸官司搵人籌旗, 打劫, 強姦, 殺人, 跳海, 媽展, 中出, 都會盡力搵到足夠既錢等你地每人食 10,000 包細菌撈面!!!!

(病人又進入竭斯底里的情況. 醫生~~ 醫生呀~~~~~~~~)

8. 飛圖歌后 : 梁 . 雁 . 翎 .

咪扮野! 如果你識佢, 你起碼廿五歲.

btw, 張相影得唔清楚, 張唱片叫 “全新精選“. (相關連結)

精選明明係舊野; 佢重出舊野 – 即炒兩次冷飯; 仲要掩人耳目, 加上 “全新” 係前面. 咁係咪正負負 net off, 只係炒一次冷飯?

我開始懷疑, 讀廿鳩幾年書做乜. 有九成既中文 (例如加錢送), 我都唔明點解.

(十月五日加了有關香港電費分析的連結)