joke


  • 一年中受到最大打擊的日子,
    莫過於收到稅單個一日.

    $37,000

    FUCK FUCK FUCK    FUCK FUCK FUCK     FUCK FUCK     FUCK           FUCK  
    FUCK FUCK FUCK    FUCK FUCK FUCK     FUCK FUCK     FUCK         FUCK  
    FUCK FUCK FUCK    FUCK FUCK FUCK     FUCK FUCK     FUCK      FUCK  
    FUCK FUCK FUCK    FUCK FUCK FUCK     FUCK FUCK     FUCK FUCK  
    FUCK FUCK FUCK    FUCK FUCK FUCK     FUCK FUCK     FUCK      FUCK  
    FUCK FUCK FUCK    FUCK FUCK FUCK     FUCK FUCK     FUCK         FUCK  
    FUCK FUCK FUCK    FUCK FUCK FUCK     FUCK FUCK     FUCK            FUCK  

  • <和她拍拖的, 是你>

    SH 有這么樣的一個遭遇 : 友人的女友找不到友人, 深宵致電 SH. 睡夢中的 SH 看到來電顯示, 立刻把電話掉到老遠. 這女人如何麻煩, 早已聽聞.

    然後一天, SH 餓到七彩, 諗住落樓食飯. 在樓下碰到該友人的女友. 女友哭喪著臉, 問 SH 知否友人和別的女人有染, 如此這般. 搞一大輪, 最後 SH 去到飯店, 飯店已經關門.

    許多人擁有成人身分證, 卻表現出兒童般的智商 – 不是嬰兒, 是由於嬰兒聰明得很. 明明穿著中環 OL 的服裝, 拿的是香江大學的畢業證書, 幹的是國際顧問公司的高級顧問, 行經比起沒怎么唸過書的人更欠缺常識.

    自己唔識好好管教男朋友, 或者男朋友瞞住你去搵第二個, 應該自我檢討一番. 你來找我, 難道預計我會鉅細無遺地將友人所有開房的時間日期對手參與人數三圍數字年齡性別第一次約會地點告訴你嗎?

    拜託, 和他拍拖的, 是你. 你, 是友人的女友. 我和你的關係, 就是那么多. 對, 你是可憐, 但說到最後, 我的好友是你男朋友, 不是你. 對嗎?

    食屎屙飯地將友人的電話號碼告訴女友, 和吳三桂當年放清兵入關, 分別不大. 失機無神收到有來電顯示但不知道是誰的女人, 竭斯底里 , 聲嘶力竭地問 : 我男友去左邊? 

    我唔係佢老母, 邊撚個知?

    拜託, 和她拍拖的, 是你. 你有問題, 我可以幫你解決. 你女友有問題, 你自己解決. 夜晚陳佢既, 係你唔係我. 況且, 我無興趣陳佢.

    搞清楚一點, 你是我朋友, 而她不過是你的女友. 好些更離譜, 竟然希望朋友代講分手 (就像韓國電影 “真的愛你” 中車太鉉的角色, 但當然冇錢收). 大家廿幾歲人, 你當初拍拖無問過我好唔好, 但分手既時候要我幫你講? 還聽過一些故事, 男的瞞著女的去滾, 男的像縮頭烏龜, 男的母親最後要替兒子認錯. 這樣的男人, 要來幹嗎? 也有人和我說, 其女性友人的男友最愛在有免費午餐的時候出現, 但每次有機會要科水的場合, 總會消失得無影無蹤. 怎樣? 連小白臉也要友人替你養嗎?

    人家反對你倆的關係, 你們就以 “拍拖係我地兩個既事” 來作擋射牌; 吃了虧, 要人幫忙, 就視 “外界介入, 幫我一把” 為理所當然. 活像每逢 G8 表示人民幣要採取更有彈性的匯率機制時, 外交部發言人總以 “人民幣匯率機制乃國家內政, 外國不得干預” 來反駁. 什么程翔, 人權, 法輪功, 政治迫害, 六四事件, SARS, 總之一句 “國家內政”, 不是黃皮膚拿中國身份証講國語在中國出世入籍共產黨的通通給我收聲. 然後當出了錯, 吃了苦頭, 見勢色不對, 或有求於人, 就左一句要求外國 “支持一個中國立場”, 右一句”中國在迅速發展, 許多通報機制尚未形成”, 一聲唔該, 就把自己的責任推得一乾二淨.

    史弟也有這裏的一個遭遇. 女同學 JL 背著男友去約會別的男生, 整夜沒有聽電話, 也沒有回家. JL 晨早打來, 叫史弟幫手編織一個大話 – JL 與史弟一起去唱 K (儘管我叫賓周, 但我其實無賓周. 女同學的男友見到史弟, 史弟會立刻除褲以表 “清白”. 所以他們都十分放心讓女友同史弟去劈酒. 當然, 佢地未睇過我既 XANGA…), JL 飲至啤啤夫, 不省人事等云云. 老實說, 這大話只有傻西或者真係自願被騙既人先至會信, 皆因連編織呢個大話既人都唔信…

    無論如何, 後來 JL 男友打來 (JL 問過史弟可否俾電話號碼佢男友), 史弟用好似你打去信用咭中心熱線既聲線 (請按 “1″ 字…) 講一次大話.

    信, 就預左唔信. 但條友竟然後來打黎屌鳩我, 話我串埋 JL 黎o厄佢. 係, 但你屌鳩我有乜用呢? 難道是我每晨早都打俾朋友問佢地有冇大話要夾計講? 就算我認 – 我當然無認講大話 – 我都淨係得屎眼俾你, 你係咪無左 JL, 要返個男人屎眼? 唔係, 咁係咪屌鳩完我就叫出左啖氣呢?

    明白一點吧 : 和她拍拖的, 是你.

    史弟的父母早已離異 – 不論是名義上好, 實際上也好 – 對於關係的終結, 早已看化 (當然還有其他原因, 另文再續). 早年十分仇恨老爹, 不是他不愛我們, 而是是他不明白關係是兩個人的事, 要結要離, 是兩個人的決定 (他們當然會考慮父母兒女及其他人的意見). 條友屌鳩我阿媽既朋友, 工作地點附近的街坊, 還有媽的兒弟姐妹. 大家幾十歲人, 是不會這么容易被人誤導的. 買基金, 股票, 可以被電視電台d 粉腸o厄, 但十幾年既忍耐及痛苦, 不是假的.  

    拜託, 和她結婚的, 是你.

    老爹後來改變策略 – 所有人也是經濟動物, 不論年齡背景宗教收入, 行為皆會因誘不同而改變 - 叫阿姨舅父幫手勸阿媽唔好離婚. 舅父是個大情大聖之人, 許多人說他像許冠文, 他大概會回答 :

    勸乜撚? 咁不如我勸你乖乖咁同佢離婚呀笨.

    據我估計, 當年老爹沒有找舅父, 否則蘋果創刊無耐已經有十級家族血案報導. 我也肯定每年的倫常慘案中, 有不少遇襲目標並非當事人. 

    別將你男/女朋友統稱邪惡軸心. 殺手也有小學同學, 葉繼歡也有朋友, 但不見得他們全部口袋都有支黑星手槍. 和他/她拍拖的, 是你. 如果你的男朋友因為邪惡軸心而變壞 – 他已經拿了成人身分證的話 – 他一是本質已經腐敗. 一是他本質清純, 但受朋友引誘變得腐敗, 又或是他才是邪惡軸心的要員. 這樣的男人, 不要也罷, 又關他身邊的 “邪惡軸心” 何干呢? 又萬一他朝台灣三千萬人 100 百仙支持台獨, 他媽的共產黨又怎可以只派人暗殺陳水扁及其父李登輝呢?

    拜託, 和她拍拖的, 是你.

     

  • <寫字的速度和質素>

    以男孩的標準來說, 我的字體值 90分. 當然, 係自己俾自己 90 分. 同埋其實我係一個女人.

    前陣字與友人談起寫字, 我說定要讓子女寫得一手好字. 現在的孩子, 根本不懂寫字, 好些連名字也寫不好, 寫得像林正英在彊屍先生寫既鬼劃符差唔多. 一手好字, 是資產. 寫字是一種長遠投資, 要從兒童時學起. 男孩能寫一手好字, 寫一封情書, 女孩定會失魂落魄. 如果身懷一手醜字, 就獻醜不如藏拙, 輕則把女孩嚇怕, 重則俾女孩及其友人作笑話.

    我唔識寫文學, 寫左等於獻醜. 講下實用及功利主義既野.

    前陣子統計處有人黎屋企做調查. 個個男仔手字… 我完全唔知入電腦個個人點可能睇得明 – 我想連該男孩也搞不清楚自己寫什么. 我有衝動同佢講 “不如我幫你填”.

    我也當過學生. 女孩子的字, 永遠比男孩的好, 最少整齊, 端正, 清楚. 很多男孩子寫的字, 即使寫在格仔紙, 也像八號風球後的海旁, 或是星期日的皇后像廣場, 亂七八糟, 潰不成軍. 一個人的字反映其心理質素及個性, 大概是對的.

    我小學二年級才懂寫自己的名字 (太多筆劃), 並一路寫得一手醜字. 直到小學五年級, 坐在旁邊的男孩, 鐵畫銀勾, 寫字好似雕刻咁大力. 字寫在第一頁, 可以印到頁底. 偏偏他寫出來的字, 字體端莊, 深深的吸引了我 (係d 字深深吸引我). 好野梗要抄, 於是乎好一段時間, 我寫字也是出盡九牛二虎之力. 驟眼看上去, 有九成似那同學的字體.

    字體雖然整齊, 但下下大大力, 好累好累. 更重要的是, 寫字會寫得慢, 明明十五分鐘能做完功課, 雕刻要花上四十五分鐘, 阻住我睇童夢. 小學冇教寫英文 “撩草”, 但跟姐姐學過一陣子. 升中之後, 將英文 “撩草” 溶入 中文 中, 不僅字體美觀, 而且速度提高了不少.

    在美觀與速度取得平衡, 並不是容易的事. 如果你預科讀文科 – 中史, 西史, 地理, 文學 – 你會明白高考根本唔係考你記性, 係考你寫字的速度. 如何在四十五分鐘內把十頁單行紙用文字填滿, 是一種學問; 而如何在填滿之餘, 令改卷的人也容易閱讀, 這是一種更高深的學問. 只顧字的美觀而減慢速度, 答題時手會跟不上腦袋, 很容易答漏要點; 寫一手快但醜的字, 沒有人看得明, 沒有用.

    我也當過半個 “老師”. 大概是電腦的興起, 好多細路, 而家連自己個名都寫唔好. 老師是沒有時間幫你研究你寫左d 乜 – 統計處那男孩子應該是電腦高手吧. 你寫字既責任, 就係要老師唔使用腦咁改卷. 字體不堪入目, 胡里胡塗, 是很難取得高分的.

    好寫一手好字, 最重要, 是執筆的方法. 根據我觀察, 執筆方法不正確的人, 寫字靚極有限; 所有寫字美觀整潔的人, 執筆方法大致正確. 現在的父母, 一味狂買迪士尼動畫, 兒童教育軟件俾仔女, 很少聽見父母 “陪仔女寫字練字”, 或者 “捉住佢隻手學寫字”. 兩個畫面, 一個係老母開心咁陪個仔玩電腦, 一個係老頭捉住喊緊既女寫字. 後者是較溫馨, 較有 “人氣” 的.

    我還記得, 小一時用原始人拎長槍打獵既方法執筆寫字, 阿媽二話不說, 一野 fit 過黎, 手指腫到好似大脾咁粗, 拿拿臨睇住圖表黎學執筆. 每逢小學開學, 頭幾天除了訂校簿, 老師會特別問有沒有同學需要購買矯型膠球, 以改善執筆方法. 將那個膠球套在筆尖對上, 執筆時姿態會正確起來. ”執筆膠球” $5 一個, 好些同學像見到 twins 閃咭唔使錢咁, 十個十個咁狂入… 那時沒有 twins, 改為夢劇院好了. 由於藤條更有效, 我沒有用過執筆膠. 山頂既朋友, 有用的嗎?
     

    持住一手好字, 我經常恥笑人地既字體. 女友的字像豆鼓, 細細粒; 退休 J 既字係圓圓的, 好似卡夫最細粒個 d 棉花糖; 女同事既字醜得我叫佢用電腦打算, 唔好俾我見到.

    延續申讀 :

    (1) <寫意> jeanne56g

    (2) <寫字> hystericireul

  • <花名>

    我不知道 “花名” 的本質是否就是那么討人厭, 但我知道有關我的花名, 我一個也不喜歡.

    1. 小時候, 日日俾人叫賓周.

    鎖你, 如果你未夠十八歲, 或者係女性, 但仍未知賓周係乜, 或者以為賓周係一個人, 好拿拿臨熄 browser. 或者 click 去d 有益身心既 BLOG, 例如三師會 (後面 : 真係正~). 再睇落去學壞左我唔負責

    賓周, 即男性生殖器官. 賓周係除左 “媽媽”, 廣東話最多學名既詞語.  有人叫賓周為陽具, 碌鳩, 碌野, 巨棒, 巨柱, 撚………..

    洋人既可稱之為 “洋腸”.

    由此推斷, 血氣方剛既可稱之為 “紅腸”. 噴左香水既可稱之為 “香腸”. 你阿媽假使真的有日能生一舊叉燒, 而若又為男性 (後面 : 分到既咩?), 其賓周可稱之為 “叉燒腸”. 斷左既可稱為 “斷腸” – 所以楊過從來未同小龍女交歡過.

    無論如何, 儘管我有賓周, 但我成個人唔係淨係得一條賓周 – 我也只見過避孕套人在皇后大道中, 沒有見過陽具人 - 而我個名更加唔係叫賓周. 所以日日俾人顏面咁叫唔係你個名, 好討厭. 應定唔應佢好? 有一年我由考第一變做考第尾, 就係考試個陣旁邊個同學叫 : 賓周, 借份卷睇下” 而我諗左三個鐘頭應定唔應佢, 搞到我交白卷…..

    天真的鄰家女孩, 以上既例子….你唔好… 當真呀… 我其實年年考咁上下. 總之, 俾人當作或稱呼作一支陽具, 感覺是不好受的.

    2. 中學個陣d 人開始忘記賓周 – 皆因碌鳩更流行 – 而人們沒有將碌鳩同小弟之間劃上全等號. 於是乎我係中學渡過左七年 “花名 – free” 既歲月. 偶爾還有一些花名, 但都忘記了.

    3. 我以為大學既人會成熟d, 點知花名仲多仲低能. 據講, 我係系既花名叫…… Econ 神.

    你可以想像以一個面皮七呎厚既人 (若此人身高也是七呎, 佢就係一個正方體), 聽到呢個花名時面紅個樣嗎? 好難堪. 第一次有人同我講呢個花名, 我腦海即刻浮現龍宮個一堆廢人… 毛管即刻豎起晒……好在我未聽見過人咁叫我, 唔係我一定回句 “神你老母”….

    Econ 神也代表了大學生那一副中英夾雜的口吻. 哀哉. 也幸好當年 都會馬尺 還沒有推出市面來, 否則 花名會變成 Econ @ 神 (@ 即係日本個個 “之” 字).

    Econ 叻是一回事, 但叫 Econ 神, 好低能. 我真係接受唔到. 也幸好, 呢個花名只係得小部份人知, 唔係俾一眾人知道, 真係醫神…

    4. 後來在美資銀號當暑期工時, 得了一個花名叫 “仔仔”. 咪講粗口住, 並唔係由於我似 F4 既仔仔周渝民, 第一, 我頭髮無佢咁長; 第二, 我比佢更靚仔…… 原因係我係組裏面年紀最細, 方便稱呼我就叫 “仔仔”, 而且我叫 “仔仔” 既事候, 他媽的流星花園還沒有爆出來.

    幸好, 我個外型同個樣都同仔仔差天拱地 (重申, 第一, 我頭髮無佢咁長; 第二, 我比佢更靚仔), 所以就算係有人叫仔仔, 其他組既同事都唔會恥笑我. 好讓我能垃圾筒拾回一點樽鹽, 放回口裏…

    *******************************************************************************

    廣告時間 -

    SCIMONOCE : 序

  • <最討厭的地方>

    我住蘭桂芳附近.

    但我其實好憎蘭桂芳.

    所以住年幾都係去過十次以內, 其中八次係為左睇世界盃, 另外兩次係為左去香江大學校友會食飯而經過.

    用最簡單既語言講, 蘭桂芳係一個極度虛偽的地方.

    三九唔識七, 係酒吧遇見, 個個都好似他鄉遇故之咁, 投契到不得了. 於是乎你可以同一個完全唔識既人談天說地, 風花說月, 講你有幾快樂/不快樂. 大家明明是屙香港尿, 食香港米, 讀香港書的, 但偏偏以一句 “yo, sup man.” 打招呼. 跟住剛相識既大家, 就好似失散左幾十年無見既兄弟咁, 天南地北, 古今中外, 琴棋書畫, 中英法日, 無所不談 (我d 四字詞係識咁多). 然後我請你一杯 jack daniel on the rock, 你轉頭贈我一 set shooters 作回禮. 於是乎大家酩酊大醉, 輕輕鬆鬆鄧梓峰, 傾談了一個晚上. 到了第二天在鏞記對面的星巴克醒來, 發覺曾用手機打出一個不知道對方是誰的電話 – 儘管昨夜你曾與此人盡訴心中情.

    轉個鏡頭, 在 dragon-i 內, 沾了七分醉的冰鮮豬排, 其臀部在你肚臍對落六寸對下徘徊, 而一口氣吸了半支醇萬的你以三吋不爛之舌在豬耳探索, 雙手則在比國際機場更平坦的山頂游走. 不知情者以為你們剛拍拖三個月, 打得火熱. 卻不知在分貝 240 的黑人音樂下, 你們連對方叫什么名字也未能聽得清楚, 就開始忘我地跳著辣身舞.

    鎖你, 我完全覺得一切都好虛偽.

    不錯, 在 dragon-i 內跳舞的男女, 120% 是為了一夜情, 或者幾夜情 – 要解決了人生金字塔最底的一層, 人才能向上爬呀 - 這是殷海光說的. 但對於放左工依然要係酒吧同人 social, 我接受唔到. 三唔識七做乜要講重要野俾你知呢? 咁左咁重要既野俾你知, 我同真正老死又傾d 乜好野? 我連係真正為工作而鳩o翕都唔想去, 放工仲要同你班粉腸扮 friend?

    蘭桂芳好些酒吧, 連拳也不准客人猜. 怎樣? 難道要我干哽四支 black label, 五支喜力嗎?

    我寧願去灣仔有香江大學學生做拳手, 狂劈四打金威埋單無端端 $960既地道酒吧. 那句 “yo sup” 留番俾假鬼佬拜山用好了. 我也寧可跟邪惡軸心 – 任何男人身邊也有的一班壞分子 – 到 neway 去叫 $36 買八送三的 budwiser 玩失蹤狂吸醇萬一首歌都無唱過淨係睇左周慧敏谷胸既mv 埋單三千二幾跟住係灣仔搭 $12 紅van 三分鐘返屋企. 那是空虛無聊, 但不至於虛偽.

    真正的朋友, 只會識於微時, 而人物和地點一定不會是 $60 一支藍妹的中產及酒吧. 你們可能曾相約在西貢一起 wild camp, 拿著百佳買的伏特加及金龜o麥花生, 到望著白沙灣的山頭一飲而醉. 大家還可能在山頭大叫 “我沒有醉”, 二人然後鬥快跑到山頂 – 那當然是飲醉酒的人才會做的事.

    又或者一大班人暑假, 每人背著六支大喜力從中環碼頭搭船到大嶼山, 然後到塘福租一間的渡假屋. 那八百呎的小房, 其實不過是情侶的炮房, 床上還有熱熱的避孕套, 卻不知為何能容下十八人. 大家 bbq, 到沙灘玩沙, 煲煙, 到晚上到附近的士多租恐怖片, 讓同行的女同學嚇破膽; 又或是租下素人黃色影片, 男生來上一課向人體奧秘史, 女生則學懂高級減肥學. 大家也再沒有分房分床睡, 反正是睡著了就好.

    半夜你屙夜尿個陣, 發現係學校坐你旁邊的肥仔鼻寒聲似七級地震, 孔武有力的籃球隊主將睡相似蝦米, 文科考第一的書生夢遊時會扮起愛因斯坦來. 第二天醒來, 大家再來一個循環, 打牌飲酒講粗口, 直到第七天暑假完結.

    若干年後你會回味大嶼山發生的人和事, 儘管你的初戀情人是藉機會與你分手, 儘管你曾和與你看上了同一女孩的高大衰打架, 這些都沒有回頭路了. 但不要緊, 你會回味, 你為曾過過這樣的日子而感到興奮和安慰. 這些時光, 儘管到你會考結果是 12 分時 – 可惜你不是低分天才 – 會覺得是虛渡, 但許多年後你在街看到一班中學生, 正準備去長洲時, 感覺卻是那么充實.

    但你不會懷緬在蘭桂芳的日子. 那些日子, 其實是你人生最黑暗的一段時間. 星期一至四 OT 至晚上十二點, 連吃麥當奴的時間也沒有; 辛苦地等到星期五, 沒有男友的妳卻找不到地方去, 於是乎體內的工作癮又起. 妳掙扎, 不想繼續和四十歲還沒有結婚的女主管在這個 happy friday 戰鬥下去 – 其實是妳怕若干年後變成她 – 於是乎一個人走到蘭桂芳, 但工作癮令你不自控地繼續工作上的 social 人生. 不想回家, 不想太清醒回家, 不想太清醒地想著工作回家, 於是你在 71 吧找個三唔識七, 目不識丁, 有眼無珠, 坐著 bar 台的人傾訴. 三杯 JD 已令人失去自控能力, 忘我, 忘掉老女主管, 忘掉自己將會成為她…

    這樣的人生, 循環了六個年頭後, 你一天感到, 原來自己浪費了 312 個星期五 – 你可以學完四套 dickson YOGA, 跟八個舞王跳拉丁舞, 學完黃桂南推銷的所有零格風語言. 但你偏偏去了做工餘的 working life, 與那些九唔搭八, 只見一次的假鬼佬盡傾心中情. 這樣虛偽的日子, 你不想回味. 你寧願死, 也不想這些日子再出現.

    _________________________________________________________________________________

    作者取材, 休息數天

    (後面: 又係呢句? 悶唔悶d 呀? )

  • <男人的墳墓 : 潔淨版>

    據聞, 本網頁已經被教統局列及壹級禁地, 嚴禁大中小學生瀏覽. 歸根究底, 是本網頁粗口出現次數太過頻密. 小朋友 – 即使佢地可能已經廿幾歲 - 睇得多, 會對心智造成不良影響. 又或者口語太多, 對於已經唔識中文字既學生黎講, 唔係咁好.

    為顧及小朋友的口味, 我特意將早前一篇名為 <男人的墳墓> 的文章推出潔淨版, 好讓唔想睇粗口既人, 或者喜愛教科書式中文既人仕, 都可以享受瀏覽此網頁既樂趣.

    為令想做比較及對照 (compare and contrast) 既人, 瀏覽既時候可即時得知潔淨版與未沖涼版既分別, 以下粗體底線字, 就是有作出修改的地方.

    **************************************************************

    好像很久也沒有認真地寫笑話. 認真地寫笑話, 就像抱著道德原則去搶劫一樣. 唉, 我又開始胡言亂語了. 此等惡習, 一定要戒.

    今天和女友去了葵涌廣場行街. 對於很多人來說, 這個係葵芳地鐵站, 新都會廣場旁邊的商場, 好大陸. 講真, 真係好大陸. 我想了大半天也不明白為何女友成日都要去呢度行街買野. 佢行黎行去都係得個一樓個個 潮流廊 及 MRT 消費站 (我無打錯, 唔係 MTR)…  個兩度幾十間時裝店所賣既衫…  唔講尤由可, 一講起, 真係唔知係香港既女性消費者口味太狹窄, 還是設計師 (定係裁縫佬?) 太懶.

    基本所有衫, 不外乎係薄薄薄, 米白青綠卡奇啡色, 中袖, 然後在心口既位置有 d 花紋. 今日我有幸係個度來回三次, 睇左百幾件衫, 件件都差唔多. 三個月前我陪女友黎, 又係咁; 一年前, 又係咁. 雖則話口味既野, 一兩年間既變動相對地細, 但唔使件件季季都差唔多野呀嘛.

    但你最好不要理會那么多. 個個潮流廊 及 MRT 消費站, 一到假日都旺過五六日俾北區少年去深圳北上尋找性服務工作者既文錦渡管制站. 賣既衫, 一件閒閒地二百幾. 相比係三樓賣玩具, 早已經夾帶私逃既老細, 做女人生意的確潛力大好多.

    個度女人多都算, 最慘係俾人係威迫利誘之下等候既男人, 都像禽牲的排泄物那樣多. 男人老狗, 入女性時裝店, 除左睇其他女人, 識欣賞服裝既人, 少之又少. 畢竟男人最想係脫下女仕們的衣服. 所以男人多以複數, 三五成群係門口等. 有時仲會多過時裝店裏面既人.

    就今日所見, 係呢兩個地方時裝店門口見到既男人, 個個都好似喪失親人咁既面口. 雖然臨近清明, 但我肯定同拜山無關. 無論係肥既, 瘦既, 後生仔, 抱住個未滿月既仔, 通通站在時裝門口, 一副等被打靶般既面口.

    呢樣都未算慘.

    好多女人, 我真係唔知佢地乜野心態, 賣衫硬係鍾意做 “假咨詢”. 乜野係 “假咨詢”? 正就是明明自己睇中個件衫, 好想買. 好貴, 但真係好想買. 好靚, 但又好貴. 係好貴好靚好想買好想洗錢好想買d 野返屋企好想行街等一大輪李天命都搞唔掂既邏輯後, 佢地又唔知點解好想問下人意見. 於是係決定拿出匯豐既萬事達咭之前, 她們總會拿著衣服問門口既男仕,

    請問一下, 這件衫好不好看?

    這 “假咨詢”, 比起任何東西更容易引起兩性既衝突. 皆因 “呢件衫好唔好睇”, 這問題比起政府考政務官的難答千萬倍. 所涉及的政治公關技巧, 也極度高明. 答得不好, 可以死得好慘.

    回答 “不好”, 你永遠只會被認為係 “無 taste” (哀哉, 哪你問我幹嗎? 這便是 “假咨詢” 的本質.);

    答 “好”, 實在有違自己良心. 男人無幾可覺得自己女友著既衫好睇. 即使佢地答 “好”, 其實後面係有 “如果著係周汶琪/林嘉欣/梁詠琪 身上”. 再者, 儘管唔係自己俾錢, 但答 “好” 即係某程度上支持佢刷咭;

    怕麻煩, 只想佢盡快付鈔了事, 敷衍答一句 “是但” 或是 “靚到爆”? 待你真正逛完街, 臀部終於可以係十個鐘頭後再貼住椅子, 而你正想把楊州炒飯作為今天的第一口食物, 此時女友會像葉劉般既眼神, 提高八度的聲線問道 : 乜你覺得同我行街好辛苦好麻煩咩? 或是咽哽. 到時你真係寫廿個報告, 設立九千幾個獨立委員會解釋都是徒然.

    尤其是當男人認為件件衫都一樣既時候, 你問佢好唔好睇, 咪即係盡情玩弄佢.

    佢地心裏面其實都有一個問題 :

    你難道還沒有行夠嗎?

    時裝店門口, 每一天也重複地上演 <焚鈔坑男> 這經典的舞台劇.

    **************************************************************

    請注意 : 以下 <未沖涼版> 含有大量粗口及口語化中文. 如果你未滿十八歲, 會考中文未達 U 級以上, 未曾係立法會或區議會投票, 或認為粗口對人的心智有不良影響, 請注意閱讀以下文章, 會可能對你及你身邊人仕產生不良影響. 本網頁及其網主對任何因閱讀以下文章所造成的傷害及影響, 包括但不限於失眠, 心跳加速, 偶發性便秘等毛病, 全部不會負責.

    <男人的墳墓 : 未沖涼版>

  • <香港 : 奇蹟之都>

    <Hong Kong : The City of Miracle>

    不計撒哈拉沙模出現既海市蜃流, 與及老細無端端讚你表現出色 – 儘管你日日都係廁所訓覺, 以整體來說香港肯定是世界上奇蹟發生得最頻密既地方.

    起碼, 口是心非既人佔左人口既七成 – 有買左上期壹本便利既衛道之士, 加理買翔龍灣加埋 Le Point – 我叫 喇星 – 既乞兒, 然後要添上日日屌鳩無線劇集唔得兼抄人, 但晚晚仲用電視劇撈飯既弱智觀眾. 當然, 要包埋我地既未來, 你個堆補緊英皇現代當代春袋既表弟妹.

    對於上期既壹本便利 – 其實佢一早已經同 “便利” 無乜關係, 早年佢仲有分類廣告同青雲路, 同 D 場介紹 – 我可以提供一個真人真事.

    話說有條戇鳩返工個陣, 經過書檔, 見到 “阿嬌換衫” 等字眼. 但由於遲到, 要以9秒9 跑返工, 趕唔切望清楚係邊本書同封面人物. 當時, 呢條友諗 :

    “下? 成龍個老婆都成五十歲, 仲影佢黎做乜?”

    點解呢條友會聯想到成龍老婆, 無人知. 然而時間並唔容許呢條友再諗落去 – 佢已經遲左 15 分鐘 – 況且要睇熟女, 東瀛既正好多.

    戇鳩直到睇到第二日太陽既頭條先知真相. 

    至於地產商唔知以乜野方法賣一手樓, 令人覺得買一手樓既人的確同乞兒半點分別乜沒有. 得到施捨之前, 永遠唔知會有 d 乜; 施捨既人, 話唔俾就唔俾; 派發施捨既地方, 永遠人山人海; 乞兒得到施捨後, 會一邊鬧施捨既人, 一邊暗自歡喜, 再係另一邊再去乞. 當然, 好多乞兒只係 “聽到個邊有好野” 就蜂擁而上. 負資產, 是死有餘辜.

    有種就講一次 “喇星” 既廣東話樓盤名先科水呀笨.

    交易既本質應該係你情我願, 而擁有幾十萬的人, 應該擁有一點點樽鹽. 奇蹟地, 除左從佢地排隊同人爭位時所流大汗裏面, 搵到一些些鹽份, 他們身上真的一點樽鹽也沒有. 香港被地產商支配 – 這不論是真是假, 是好是壞 – 是合理的.

    對於 “喇星”, 我又感覺到自己既 IQ, 大概只有 18. 開頭唔知喇星係邊, 但d 人日日講佢個中文名點讀, 於是睇下佢既廣告, 大概話 :

    (1) 零六年唯一地鐵上蓋物業

    (2) 瞬間到達尖沙咀, 金鐘

    成版廣告, 搵黎搵去都無講喇星係邊 (??? 我一直以為只有移居太空既廣告先知唔講樓盤係邊). 於是, 史弟開始估 : 係地鐵上蓋物業, 又瞬間到金鐘同尖沙咀…… 唔通維港已經瞬間被填平, 荃灣線加左個 “維港站” 係尖沙咀同金鐘中間, 於是乎上蓋物業可以好快去到尖沙咀同金鐘? 但好似唔係喎…

    最後得悉原來 “喇星” 係調景嶺.

    下???????????????????????

    (圖來自地鐵公司網頁, 兩個紅色圓圈係我加)

    … 距離金鐘七個站, 尖沙咀十六個 – 而荃灣都只不過係十四/十三個渣陰公. 住係得千幾平方公里既香港人, 幾時變晒美國德州佬同埋澳洲佬咁覺得三個山頭既距離都叫 “附近”? 

    至於無線電視劇. 嗚呼, 我已經無睇電視好耐. 上一次睇超過十集既劇係 妙手仁心 第一集, 即係蘇永康紅到似發紫個輯. 班契弟咁多年都係一路睇一路鬧, 一路鬧一路繼續睇 – 我幾乎肯定呢樣野係由達十級煽情既 “真情” 開始 – 簡直低能. 我成個話大肚婆唔好睇電視, 唔係啤啤會弱智, 聽返九千隻貝多芬都無用. 無人理, 結果生左班弱智出黎, 淨係識斬人殺人虐待弱勢社群黎取得快感.

    至於一眾補習天王浮誇無比的廣告, 是故意的, 為的是要製造 noise. 楊千嬅話, 做藝人人氣重要過石油氣. 其實做補習天王都係. 當大人連買樓俾幾百粒都唔知自己買乜, 連樓書都未必有既時候, 又點可以要求佢地既仔女睇清楚補習阿蛇資歷如何, 教學方法是否真正幫助學習? 當阿哥家姐都係一面睇便利, 一面大叫唔好偷拍既時候, 我地有乜野方法糾正細佬明知拍丸唔好, 但個個星期都北上索 K 既惡習?

    你當我是污誇吧, 誇張只因我很怕, 似木頭似石頭的話, 得到注意嗎?

    其實怕被忘記, 至放大來演吧? 很不安怎去優雅?

    世上還讚頌沉默嗎?

    不夠爆炸.

    怎么有話題, 讓我誇, 做大娛樂家~~~

    (圖轉自明報)

  • <愛情全保, 愛情重傷>

    (1) 這一篇文章, 想寫很久很久. 寫下又停下, 腦袋又便秘一下 - 腦便秘比起真正既便秘更慘. 遲d 要去學張衛健同何家勁咁買返盒腦輕鬆 – 大概等於甘油條, 或 韓國 kicker, 或者 kicker’s 朱古力… 一寫經濟, 就好似放左舊屎係機場大堂咁, 遊人四散. 既然係咁, 大家都係繼續做八婆, 繼續買壹仔, 繼續偷拍阿嬌拉.

    史弟不幸地看過電視劇 <愛情全保> 數集, 劇中男女主角最創新的發明, 就是 “愛情全保” – 保險公司係你結婚及其週年紀念, 都會送予夫婦二人現金. 你鍾意叫獎金又好, 紅利又好, 總之係有舊錢就得. 係演技誇到無倫既石修帶領下, 兩人在保險界成為當紅炸子雞…….

    或許我也枉讀聖賢書, 但風險管理 101 就說 “保險” 是將風險轉移及分擔, 為的是保障投保者遇到不幸時的利益, 或減利其傷害. 別將 “保險” 和 “投資” 混淆, 那祇是保險公司走法律空隙的搵錢門路 (保險受保監管, 真正賣芬既係受證監管). 投保劇中那一款 “愛情全保”, 等同係匯豐做, 又將所有儲蓄買係匯豐度咁 – 儘管我真係識人咁做. 俗語即係 將所有的雞蛋 (由左至右, 由下至上排好既係未來, 青春同獎金) 放係同一個籃度 (婚姻) 咁笨七.

    如果那依夫d 咁睇, 無線既編劇, 質數係咁上下.

    如果你係電視迷, 認為無線無得頂 (對手係亞視, 你打贏個六個月大既啤啤有乜值得開心?). 咁有一個解釋, 其實仲正.

    婚姻, 根本係等同埋葬自己既未來. 咁慘, 保險公司梗係要俾筆安家費過你, 愛情全保完全乎合 風險管理 既原則. 仲有, 如果結婚係慘事, 咁仲可以防以道德危機既出現. 乜野係道德危機? 咪即係假結婚換獎金.

    一天光晒.

    呢個劇係為左曲線咁話你知, 婚姻係好多人既墳墓. 無乜事, 唔好結婚. 皆因你結婚, 身邊既人可能會領野 (即經濟學上既 negative externatity, 界外效應是也).

    你睇下陳水扁? 唔係佢個女結婚, 佢使搞到今日一身蟻?

    ***********************************************************

    (2) 如果結婚的危險指數係 5, 咁離婚並唔代表會將指數降至 1. 相反, 離婚既危險指數, 係 10.

    社會上對於女士離婚, 所帶的有色眼鏡, 鏡片比想像中厚和深色. 很多人仍認為, 離婚是一件錯事, 有違道德與良心. 站在某些立場來看 – 我對宗教認識是零 – 這可能是對. 社會上的共識也可能對 : 曾與一名女仕 LC 在工作上合作, 期間她提及兒女的事; 後來史弟問其同事,  LC 結婚未, 他們支吾以對. 史弟再問 LC 是否有兒有女, 他們才回答. 這大概說明一切 : 許多人怕 (自己及人家) 提及自己婚姻失敗.

    我可不知道有什么失敗可言.

    小王子說大意如下的一句話 : 成年人的想法及行為真是莫名其妙. 大家小時候, 不曾試就 “我至今共交過 20 位女友, 但與 70 男人上過床” 而耀武揚威一番嗎? 在本質上來說, 與你分手的 20 位女友, 與昨天在謝連忠律師樓肯簽紙離婚的前任妻子, 還有這個 “你”, 都是這廿一段關係的參與者. 結婚也好, 分手也好, 代表一段關係的終結 – 你倆或會成為朋友, 或會是敵人, 怎至乎是巴塞對拜仁友誼賽的好對手. 無論如何, 關係結束, 就是結束了.

    ***********************************************************

    (3) 我明白現實是殘酷的. 是他媽的令人想深深吸一啖醇萬, 然後狠狠的把煙噴出的 那 一 種 殘 酷.

    係電腦桌面發現統計處本 “香港的女性及男性” / Women and Men in Hong Kong- 鎖你, 無論係日常生活或者英文字母排序, 都應該係 “香港的男性及女性” / Men and Women in Hong Kong – 我肯定係有人玩野, 怕婦解份子批評政府重男輕女, 所以夾硬將男女既前後倒轉. 段估唔會係 “女” 字筆劃較少而放係前面掛…

    講返本書, 本書可以係 http://www.statisticalbookstore.gov.hk/tc/index.html 按左邊既 “進入書店” 下載到. 所有統計處既野可以免費下載 soft copy. 我都知大家一定唔會去下載, 所以我會將發現到既野同列表一路講, 一路複制出黎. (希望… 統計處唔會告我咧.)

    特別注意 : 以下既所有圖表, 統計及數據, 全部來自政府統計處.

    分析則由本辛格主人所寫.

    我最愛這張圖 (按圖放大)

    1981 年, 按性別劃分的初婚年齡中位數, 男為 27.0, 女為 23.9; 2005 年, 數字分別為 31.2 及 28.0. 這首先講出阿媽係女人既事實 – 香港人越黎越遲結婚. 第二, 兩者差距, 在廿五年間分別不大 (3.1 年同 3.2 年). 這現像相當詭異 – 不容易推理為 “姐弟婚” 仍未廣為香港人接受 – 皆因過去廿五年同時出現 “老夫少妻” (不要誤以為我講緊阿叔上去娶老婆, 呢d 數字係講緊係香港註冊既人) 及 “老妻少夫” 這現象, 兩者既距離係可以無變. 可以講既係, 香港男女結婚時, 男的普遍比女的年紀大.

    再睇理比較重要既呢一張 :

    喪偶, 分居/離婚既女性, 在同一個年齡組別, 永遠比男性多. 即使配合男結婚時比女年紀大而將男既跳一格睇 (即 25-29 女性比 30-34 男性), 現象依然無變.

    想深入一點這代表什么. 離婚係兩個人既事 (在 六十歲以前, 死亡率很低. 而且男性較高), 一單離婚, 同時間應該有 1 男 1 女係表上出現 (多數係同一個年齡組別). 而家同一年齡組別女既多過男好多, 即係話我地又發現阿媽原來係女人 – 男性重婚既比例, 比女性高得多. 倒轉來說, 即離婚對於男人係婚姻市場既吸引力所造成既負面影響, 遠比對女人既細.

    而更有趣既現象, 就係 1996 開始, 失婚男人既數目, 會係 45-49 歲後下降, 但女人既數目就會隨年紀而上升! 實在太恐怖咧, 這間接指出 (所有) 女人吸引力隨時間而下降, 而男人就好似白蘭地咁, 越老越值錢.

    史弟個細佬, 同我唔同老母. 除左證明我老頭隻北洋艦仲射得下, 就係表示離婚男人好似剛剛合併既電盈咁, 有一大舊 goodwill (不過唔使做折舊).

    還記得劈腿同學 CL 嗎? 原來她的 “男朋友”, 是一個離過婚的男仕; 他們已經同居了.

    現實, 很殘酷. 理想與現實, 相距大遠了.

    ***********************************************************

    (4) 大膽假設, 小心求證

    又講下經濟學 (好多人又即刻熄 browser). 若果離婚對女方造成的傷害比男方大, 根據史德拉版本既高斯理論 (呵呵呵, 這和大教授的版本截然不同), 這有什么含意?

    由於離婚的代價比起繼續維持一段不理想的代價高, 為左唔想背上 “失婚婦人” 呢個名, 好多女人在不自願既情況下甘願接受丈夫的不合理及暴力對待, 但偏偏又不離婚. 上帝造人, 男人孔武有力, 但不自動等於丈夫會虐待妻子. 在天水圍做三行爸爸當然比係國金返銀號的好老公二頭肌三頭肌更扎實, 但前者會對待妻子不佳, 是由於佢老婆離開唔到佢 (經濟上, 以及重婚的可能性極低). 你幾時聽過半山有人虐待妻子?

    更加沒有聽過妻子虐待老公. 我指的, 當然係 “物理上” 用暴力的虐待. 我唔會忘記天下間有數以千間既男人比女友係銅鑼灣金百利崇光時代廣場, 以絕學 “連續喪拼九個鐘” 折磨至死. 也有男人比老婆渣住 (無正字個個 “渣”) 財政大權, 每月只得三百元零用錢, 連去 happy hour 都要叫金威. 呢d 先叫真正既折磨.

    (第二個現象, 有一點牽強的, 就是贍養費. 我沒有做過研究, 但十單離婚要俾贍養費的案件, 十單都係由男方支付. 你會說 : “這個當然嘛, 離婚女人經濟上有困難, 所以男人要付贍養費. 這和重婚機會低一點關係也沒有”. 贍養費的多少, 會受離婚女仕的經濟能力所影響, 但要否支付贍養費, 是受女性的重婚機會所決定. 即是說, 贍養費是為了補償女性的低重婚可能性. 現在已經有許多贍養費的條件, 指出若女方重婚, 男方可以即時停付贍養費.) 

  • <The little belated Photos in Japan>

    嗚… 終於救回人質, 從女友手中取得日本之行既相. 以下係比較有趣既 :

    1. 志雄哥 : 留意相中央位置男仕, 同香港既志雄哥好似孖生咁. 志雄哥即係個位唔使張叔平做美指, 都自動似黑社會既香港演員.

    地球, 是平的. 除左引証我前排話其實人都係幾百個模吸出黎, 我仲幾乎肯定日本人既祖先係徐福. 嚴重抗議小泉參拜靖國神社….

    Photobucket - Video and Image Hosting

    2. 我最討厭的動物 : 出現於相片右上角. 禽流感都殺佢 (地) 唔死, 畜牲既生命力真強. 哀哉.

    Photobucket - Video and Image Hosting

    3. 稻中既熊貓車 : 呢隻熊貓個腎唔好, 所眼袋同手腳有少少黃咁咁. 呢種車周圍都見到, 仲有長頸鹿, 河馬, 俾 100 yen 可以周圍去. 我唱左 40000 yen, 想坐住佢去機場既時候 (個陣係箱根), 圖中既兩兄妹一支箭咁衝左上車.

    我返香港個晚即刻 BT 左十套松島, 愛田由同蒼井空報仇.

    Photobucket - Video and Image Hosting

    4. 箱根小王子博物館 : 小王子既作者係好勁抽, 但係 1350 yen 既入場券, 實在搵笨. 半個鐘就行完, 指示內容大部份日文.

    Photobucket - Video and Image Hosting

    5. 遊客勝地 : 京都金閣寺, 無乜特別. 順帶一提, 無乜學過攝影既女友, 拍出黎既相永遠比我既好睇. 好多野講天份.

    Photobucket - Video and Image Hosting

    6. 旅遊勝地 二 : 東京鐵塔. 攝於六本木山. 附送豬排飯, 超正.

    Photobucket - Video and Image Hosting

    Photobucket - Video and Image Hosting

    7. 箱根水族館 : 女友日本目的之一 (首要及最重要既係喪拼). 1000 yen 入場費, 幾好. 好大塊既落地玻璃, 睇魚睇得好清楚.

    順帶一提, 返黎先知 品川 (新宿對落) 原來有一個仲正, 仲大既水族遊樂場. 我俾人用嚴刑烤打左十日, 被狂吠點解個陣唔知道. 我死得好慘.

    Photobucket - Video and Image Hosting

  • <劈腿事件簿>

    (1) 劈腿者, 即瞞住一個男/女朋友, 去結交另一伴侶也, 即所謂一腳踏兩船.

    科技發達, icq, msn, qq, 乜q 都盛行, 結交異性的渠道多左, 溝女成本減低, 而呢世代企硬祇同選定的一個伴侶行, 代價大增 (咪聽 kevin ko 話為左一棵樹放棄一個森林係錯既). 好多奇人異士唔止能夠一腳踏兩船, 有時仲會踏住埋遊艇, 風帆, 油門, 舢舨, 人性, 尊嚴. 總之, 佢好多女朋友就係.

    諗下, yahoo! 既有緣人長期成為搵錢工具, 做皮條人係咪好好搵? 唔劈腿邊有咁多皮條要扯?

    個人認為, 一腳踏 x 船乃短期之均衡點, 長期必不可維持. 或者咁講, 一腳踏x船只係為左有選擇, 從中最終選一個. 偶有聽聞無知婦女俾男人o厄左十幾年, 其實個男人有老公有埋廿幾歲既女, 但此乃少數能劈腿到永久既事件簿.

    _______________________________________________________________

    (2) 係, kursk 講得無錯! 寫男寫女的確係吸引人既最好方法. 我一有心機寫經濟, 幾乎無人留言. 寫咸野同男女既事, 八婆者眾.

    總之要嘩眾取龐也好, 少年說出心底話也好, 一寫男女, 天下間所有既白韻琴, 顏聯武, 洪朝豐, 森美, 小儀, 陳任, 鄭丹瑞, 就會出山.

    記得係台灣同澳洲睇過同一類型既節目, 都係電視台收到受害人既 “xyz” 後, 就去調查劈腿事件, 然後受害人與劈腿者來個當面對質 (好多時被踏既另一條船都係度), true man show. 發現原來好多人劈腿 (梗係查到先出街), 仲發現有人o厄住女友, 瞞住自己同性戀既行為. 澳洲個個 (好似叫 cheaters, 其實係美國佬出品), 對質個一部份, 通常淨係聽到 fuck fuck fuck fuck fuck, 之後大家推推撞撞, 之後絕塵而去. 根住受害人就坐係 7人貨車度, 默不作聲, 等主持人安慰.

    香港咁多狗仔隊, 唔跟藝人, 分d 去跟平凡人, 可能好好睇. 事關, 香港好多人劈腿, 而且故事真係高潮後又高潮.

    _______________________________________________________________

    (3) 韓國劈腿事件

    廢話又多左. 入正題 (!!!!!!!!!!!).

    數月前提及同學 CL 個男友去韓國做交流生. 當時我斷言 “去韓國就明顯以讀書為名, 溝操 exchange 為實. 一個人在外地, 點可能拒絕外來既引誘?”.

    重溫舊事 (留意最後一點) : http://www.xanga.com/relgitsjg/438404640/item.html

    果然, 一個人係外地, 的而且確無法拒絕引誘. 佢, 狠狠的劈了腿.

    .
    .
    .
    .
    .
    .
    .
    .
    .
    .
    .
    .
    .
    .
    .
    .
    .
    .
    .

    不過, 劈了腿的是 CL, 而非佢去左韓國既男友.

    真係反高潮.

    等你班男人仲以讀書為名, 諗住去外國溝女. 仲未識講韓文 I LOVE YOU, 仲停留係 KAM SA ME DA 個階段, 你條女早就俾人陳左.

    _______________________________________________________________

    (4) 食得咸魚抵得渴事件

    如果你明知自己係第三者, 唔甘心不快樂, 仍然唔願離開個個男人, 你既感受, 我明白一半. 除左我係過路人 (當然我鍾意既係女人), 呢D 拖拖拉拉既故事, 日日都有.

    我曾經指出, 做一個成功的第三者要有以下條件 :

    - 多朋友
    - 熱愛工作
    - 甘於寂寞
    - 要接受輸得起. 唔係 “輸得起” 咁簡單, 係要 “接受” 輸得起

    儘管我話一腳踏幾船只係短期均衡結果, 但呢樣野一拖可以拖幾年. 佢話會同正室分手, 可以同你男朋友話快你結婚一樣, 以大話換取時間, 以謊言騙去青春.

    當年我跟先帝征戰沙場…. 唔係, 當年 CTK 同我講不幸地成為第三者, 我二話不說, 即刻叫佢離開, 皆因佢上述四樣條件, 半樣都冇, 唔適合同人分享男朋友 (我即刻諗起個d 渡假屋 time-sharing o厄人d 計劃).

    CTK 話佢男友表示正室有病, 唔可以隨便咁離開佢.

    天呀! 天呀! 天呀! 天呀!
    天呀!     天呀! 天呀! 天呀!
    天呀! 天呀! 天呀! 天呀!
    天呀! 天呀! 天呀! 天呀!
    天呀! 天呀! 天呀! 天呀!
    天呀! 天呀! 天呀! 天呀!
    天呀! 天呀! 天呀! 天呀!

    有病所以唔可以隨便離開佢! 呢D 大話竟然有人敢講, 更荒謬既係竟然有人信! 2000 年咧, 千年虫都已經解決左. 俾些少常識好唔好?

    我睇過個男仔幅相. 係靚仔, 但史弟始終好些少 (我肯定好多人已經即刻熄 browser), 但講大話一d 誠意都冇, 唔值得等. 你唔好理, 更戇鳩既事都係世上發生.

    CTK 一直係唔甘心既情況下, 做男友女人背後既女人. 一做, 三年. CTK 一直等佢男友等佢女友好番d 同佢講分手, 然後登上寶座.

    三年. 有病? 癌症都死左化埋灰拉?

    後來佢男友話同正室散左, 於是乎 CTK 上台龍椅. 點知一日發現佢男友背住佢 (其實唔算, 皆因係 CTK 唔夠敏感) 一直同正室拍住拖, 根本無散過.

    戇鳩左三年幾, CTK 終於覺悟, 正式咁離開左佢. 呢三年, 係佢最能夠搵個好男人嫁左佢既三年.

    三年. 唔甘心就 “輸左” 三年. 人生, 的確太兒戲.

    _______________________________________________________________

    (5) 不傳絕學 : 踏 x 船秘技

    要一腳踏 x 船, 係香港, 的確好難. 總不成呢個只帶佢去九龍, 呢個新界, 一個只係去香港. 你唔帶人行, 人地自己識行. 廿幾年前, 穆迪投資已經將香港定為 “一腳踏 x 船” 風險評級定為 垃圾級, 以示高風險. 若果唔係 CTK 發現男友仲未散, 可能一直沉迷賭博, 直到我退休為止. 就算唔係一腳踏幾船, 好多人都俾點錯相, 被屈含冤至死.

    唔好以為讀得書少既人, 無野教到你 - 孔子有話, 三人行, 必有我師. 經常要往返兩地既貨櫃車司機, 其實晨早已經俾隻好牌你上. 要成功一腳踏 X 船, 一定要將所有女人用行政立法, 以及邊界分開. 一個係香港, 一個係大陸, 天衣無縫. 諗下, 當未有自由含既時候, 上面個個根本無辦法落黎; 而大陸咁大, 香港個個唔可能搵上大陸.

    於是乎, 那時候就有許多 “包二奶” 事件簿.

    當自由含出現後, 大陸女人易黎香港 (佢黎梗要住係個男人屋企), 本地已婚既男人好難再瞞天過海. “包二奶” 此等事情, 幾乎係香港消失. 於是乎, 自由含除左為香港零售業帶來好處, 香港也少了因為 “包二奶” 俾揭穿而出現的倫常慘劇.

    當然, 男人會繼續上去滾.

    不過, 發薪會由包薪制, 改做大陸公廁制, 即每廁收錢. 長期合約, 改為短期合約, 正所謂一夜夫妻三百蚊, 妙哉, 妙哉.