祝你生日快樂~

祝你生日快樂~~

祝你~~ 生日快樂~~~~~~~~~

祝~你~ 生日快樂~~~~~~~~~~~~~~

好野!

<誠意推介 8>

發覺長文同短文既效果無乜分別, 所以今次 呢個系列 會短. 短 . 短 . 短.

1. 港漫 - 封神紀 + 鄭健和 + 鄧志輝

曾說過 鄭健和 的 殺道行者, 是我唯一會買的港漫. 殺道行者劇力弱到不行, 而且越接近結局劇情近乎爛爆... 但 鄭健和 + 鄧志輝 (鄧以前是肥良的拍檔; 海虎和武神的公仔, 都是他畫的) 仍是值得支持.

鄭健和是少數可以不用大量 "港漫旁白" 的主筆 - 這種主筆越來越少了... 他媽的龍虎門, 沒有旁白的話, 沒有人會明白它的劇情是什么... 還有, 鄭設計的分鏡很有電影感. 當然還沒有強如 火影 那般, 但看得出鄭健和是有心搞好漫畫的.

(不知道為什么介紹港漫但貼了火影的圖片...)

鄭健和還有面書上, 搞了一個 official group. 那裏記錄了鄭健和新書 封神紀 的製作花絮. 很值得一看. 網址在這.

2. PhotoBlog

原人 Lo 的作品.

我好像為網站貢獻了兩篇文章 - 一篇是講快門, 另一篇是舊文重寫 (又要係個腦度搵返d 痛苦既回憶). 後面那篇, 差不多重寫.

文章那些相片, 不是我的; 其實, 我完全唔識影相. 屋企一部單鏡反光機都冇, 平時 生活 . 鳩o翕 都係用部 nokia 既廢廢手機影. 無錯! 我係連 iPhone 都冇既古代人.

面書的 group 在這裏. 記住按 like. 據聞 Lo 最終的目的是希望上市集資. 噢, 這和原人的宗旨, 是同出一轍的. 甚至乎, 我成日都希望 relgitsjg 呢個西可以上市. 有乜野收入? 傻豬, 上市既野 同 賺錢 係可以完全無關.

至於再為 阿Lo 既 blog 再獻文 - 話說我話幫佢寫5篇 - 要再花點時間想想. 畢竟我唔識影相, 唔通將 生活.鳩o翕 個d post 過去咩... 哈哈哈. 但遲到好過無到, 一定有機會的.

3. Foodrensics

網址. 每一個星期也會提供 10 個中西美食好去處. 早陣子就去了 馬可 . 波羅 酒店, 試了多個年份的 Glenfarclas 威士忌.

有朋友說看過這裏介紹, 南區的海鮮坊, 周末飲酒半價...

只要在網頁底部填下電郵, 每周周五就會收到好介紹. 可惜, 介紹是英文的, 地方多半也是要說英文的 - 這和網主, 即我以前同屋有直接關係. 這也好, 香港仲唔夠多大陸人? 邊撚度都係. 我曾經寫過有乜地方可以避開d 大陸人; 而家每周就有十個咁既地方自己送上門...

(左起 12年, 17年, 25年 及 105 cask strength).

威士忌看來是 17-18 年最好喝.

<生活 . 鳩o翕 17>

近排生活淨係得返工, 根本無時間鳩o翕. 順理成章, 呢個系列 又脫期咧~~ 好野! 今次貪過癮 (俗稱 屎忽痕), 係最尾加左個新環節. 唔知點解, 我發覺我寫野開始唔好笑.

至於講左十年既影相環節... 放心, 仍然係無影.

1. 唐老鴨

今次特意將唐老鴨移前, 無乜特別原因; 反而過去將唐老鴨推後, 係由於有讀者投訴我日日唐老鴨, 威脅 cut subscription, 又要去消委會投訴等云云 (其實我想知佢去到消委會點講). 呢d 指控不盡不實, 但我多數會敷衍一下, 回應兩句了事, 情形如某第三世界島國對待槍手挾持人質咁, 順便將唐老鴨個部分移後.

過去兩個月, 生活唯一的驚喜, 是我的收藏品又多了.

雖然我都o翕唔出驚喜係邊忽度...起碼終於有法國迪迪尼的唐老鴨了.

左上的名信片, 左下的 pins, 右下的 t-shirt 都是法國迪迪尼出品.

t-shirt 旁邊的是奶咀.....繩. 至於奶咀, 是沒有隨書附送的. 日本出品

你無睇錯. 右上與中間的都是 奶罩 眼罩. 世間竟然有人同一樣野買兩個款... (屌, 女人夠買幾十個胸圍拉). 香港出品.

個人最喜愛下圖這個 : 法國迪迪尼的太空山 (space mountain 2), 代言人是唐老鴨. 上圖左上角那張名信片也是他... 下圖這個擺設, 大概是唐老鴨不夠高玩太空山.

找過幾個網頁, 沒有說唐老鴨的官方身高; 也沒有米奇的 (動畫中兩者高度差不多). 但他應該夠高玩的.

2. 哈佬 . 吉蒂

前陣子老麥又有哈佬 . 吉蒂 加錢換. 據估計, 吉蒂 係近年老麥既 “加錢送” 系列 出現得最頻密的人物之一, 肯定多過佢老闆麥當奴叔叔, 大概只有 史奴比 能夠同佢一爭長短 (貓狗鬥一番?). 我覺得換什么 吉蒂呀, 史奴比呀, 迪迪尼人物呀, 一d 都唔能夠代表麥當當.

我記得當年引入麥樂雞, 佢出左一套玩具係麥樂雞黎既, 然後又有有出車仔, 馬仔, 其他玩具仔等, 主角仍然係一眾老麥人物. 可能以前既小朋友無錢買太多玩具, 只能夠食老麥個陣以優惠價換埋 – 我記得個陣換玩具個價錢係好低. 而家換個玩具分分鐘仲貴過出去買...

講返吉蒂. 呢套吉蒂… 一望, 噢賣葛. 根本係參照, 或者係照搬, AV 女星d 造型黎做 : 空姐, 護士, 女學生, 警察, 花嫁, 廚師. 你唔係同我講兔女郎唔係呀嘛? 你上次見兔女郎係幾時? 睇美少女戰士個陣? 還是龍珠第一集莊子扮兔女郎?

從此推算, 設計呢套野既人, 一定係香港人, 男性, 熱愛日本動作片.
 
哦, 即係全香港90% 以上男人都有機會拉…

3. 既然, 那么.

 
哦... 咁好簡單o者.
 
你排第三咪得.
 
正如如果禁區外射唔入林源三個龍門, 入禁區裏面射咪得.
 
唔怪之得你叫 "三哥". 有意思, 有意思.

三哥米線, 好多人鍾意食. 有朋友特登係荃灣搭車出去深水埗食. 我本身唔太好米線, 仲有唔知點解, 我覺得三哥米線個碗, 好似聚寶盤咁, 裏面d 米線食極都食唔撚完. 好撚恐佈. 有次去食, 明明好肚餓, 不斷係咁食食食, 瘋狂做愛 食左 二十分鐘, 我發覺碗米線仲係滿滿咁. 感覺非常恐佈, 所以我咁耐只係食過兩次咁大把.
 
仲有, 一個三哥, 一個大家食老闆, 究竟想點? 大家食個件, 分明係內地退休解放軍既樣黎. 去到門口食到你烚熟咁既樣, 仲邊有胃口? 我真係一次大家食都未試過. 每次行過舖頭, 都... 笑到飽晒.
 

送既, 大家食老闆大頭相一張. o拿, 我已經將佢縮細左, 以免你今晚訓唔著, 或者笑死.

4. 生果撈飯

小時候很討厭吃飯. 不喜歡吃飯, 是因為媽煲的飯, 都是熱的 (這究竟是甚么原因呢!!!). 而我本身很討厭吃熱的東西, 偏偏媽又迫人吃熱飯, 所以警民衝突既野, 早已有之...

阿媽倒想到一個兩全其美的方法.

佢會將生果放落飯度, 咁生果冰凍 (起碼唔熱先), 我一次送埋d 飯入口度, 一凍一熱, 好一個冰火五重天, 我好快就會將d 飯食晒. 每次我唔想食飯, 阿媽都會出呢招. 多年黎出現過既生果包括 : 蘋果, 橙, 奇異果, 雪梨, 士多啤梨, 提子 - 阿媽個陣會將d 有核既提子去皮去核... (what a fucking spoiled kid...), 龍眼, 荔枝, 菠蘿, 蜜瓜. 即係所有正常生果... 咁又一舉兩得 : 又食飯, 又食生果.

大個左呢招唔再有效, 除左因為個人成熟左, 唔需要再出呢類花招, 更重要係大個後連生果在內既所有野都唔鍾意食...

不過, 記憶中阿媽無出動過西瓜.

近排係時代廣場食日本野, 點了一個日式冷面... 也不知道是否師傅整左個冷面出黎, 發覺唔夠凍, 所以...

特登加左d 西瓜上去.

如下圖所示, 係一碗 西 . 瓜 . 撈 . 冷 . 面 .

當侍應送上台時, 我呆了... 因為我竟然諗起 傳說中明將壽司既紅豆壽司 呢個咁得人驚既 combo...

圖片質素唔好, 解釋一下. 紅色既係主角西瓜, 左邊係伴碗既菜頭, 黃色既係蛋, 蛋後面白色個舊係豆付... 至於冷面... 係圖片度無出現既.

冷面係咸, 而西瓜係甜的. 食落去, 紅豆壽司真係又再於腦海浮現.

不過, 呢種咁遑恐不可終日既心情一掃而空.

一種痛恨既感覺好快浮左面.

因為...

屌你老母, 呢世都唔會再去呢間野.

完.

5. 中國 A50 澳元 100% 保本基金

玩緊 三種概念 : 中國, 澳元, 保本.

如果你覺得中國股票升, 澳元又會升, 你原本只可以分開買中國股票 同 澳元. 若你有$100, 每邊$50, 中國股票升50%, 澳元升20%, 一年後你會有 $135 ($50 * 1.5 + $50 *1.2)... 你唔明呢條算術題可以直接跳去第7點, 無謂睇落去.

而呢隻乜春 "中國 A50 澳元 100% 保本基金" 點玩? 唔提保本個部分先, 而家你可以用 $100 先買澳元, 再用澳元買 A50. 如果回報一樣係股票+50% 澳元+20%, 咁你既回報就係 $180 ($100 * 1.2 * 1.5).

相比起分開買, 你發覺係呢個例子, 回報高左. 但如果兩者一齊跌, 你就仆街 : 股票 -20%, 澳元 -30%, 分開買回報 -25%, 買乜春基金 -44%.

概念就係咁, 實際... 當然更加複雜. 我睇完有關介紹文章 (例子一, 例子二), 好懷疑寫個d 人究竟知唔知自己寫緊乜. 我, 唔明.

加上個人對基金有戒心, 所以好抗拒呢d 講完睇完諗完都唔明野. simple is beautiful.

你都唔知上面講乜, 仲買? 你話你明, 咁你講唔講得出係乜野情況下, 推出呢隻基金既公司會賺得比較多?

朋友, 買盈富基金吧.

6. 天下第三

舊著龍虎門, 有所謂 天下第一二三四之說 : 第一是老祖宗, 第二是劍神, 第三人鳳奪天, 第四是陳傲雲.

這也夠低能白痴... 皆因這個排名是老祖宗自己排出來的... 哪有話自己天下無敵的人真正天下無敵? 賤人往往不覺自己賤. 當你想變得賤一點時, 你根本一點也不賤; 財大氣粗, 去到名牌店對人呼呼喝喝的, 大多不是什么真正的有錢人.

除左肥. 若你發覺自己肥... 你...多數真係好肥. 不過, 這只對三十歲以上的男人來說. 至於女人話自己肥... 其實無女人會話自己瘦.

又廢話了. 我心目中... 天下第一是林嘉欣............................... (現場靜寂一片)

第二是薜凱琪.

第三是劉心悠. 這個第三, 是我近排才想到.

係地鐵望到呢張海報, 真係漏左少少野出黎.

講返轉頭, 佢套新人作品阿嫂, 爛片度是天下第二.

7. 當 應采兒 變成 Freeze

話說, 有個女拳手叫 應采兒... 呀唔係, 叫純子. 好打得. 舊 POST 1, 舊 POST 2. 睇完呢兩個POST, 下面先有意思.

近排力保健之夜 風林火山 又上, 望一望海報.

嘩你老母呀!!!!!!!!!!!!!!!!!!!!!!

呢個邊個黎?

是中了還原靚靚拳嗎? 還是打boxing 變了打botox?

至於打左botox 既應采兒, 係咪仲咁好打... 我係唔知既. 因為中秋做節, 無去睇.

8. ...

這是... 盧海鵬假扮的嗎?

9. 有圖 . 有真相

我成日覺得, 用表用圖用箭咀好重要, 皆因可以慳左好多文字既功夫. 你諗真的, 呢個系列都係有張圖, 所以講解先好似過癮左咁.

有時候, 張圖對事情本身無乜幫助, 係偶爾等你有心機睇落去咁解.

不過, 幫唔到忙唔緊要, 唔好幫倒忙; 有時候畫圖既野, 都要講少少技巧...

呢個箭咀真係一流.

佢差一個箭咀 由 中五 (0 分) 去返 保証直升政府大學講座. 呢個萬世輪迴, 真係你有幾億都俾佢滾晒呀...

10. 更新 . 環節

新環節.

過往既entry, 時不時會搵到有關既更新 (例子一). 為免俾人以為我成日炒冷飯 (btw, 個個 終極炒冷飯系列 好耐無出現過), 所以決定係每次既 生活 . 鳩o翕, 加插一個 更新 . 環節.

其實, 上面講純子既, 好明顯應該搬落黎...

我唔排除遲d 可能分拆上市再爛尾.

<後來>

我很討厭這文章.

但我還是寫了.

屌, 你夠唔鍾意返工拉, 咪又係日日返?

--------------

1996 年

??-2001年

2001年

2003年

2004-05年

2006-10年

後來, 作者又要取材.

9月12 日好消息 : 脫左超過半年期的 "我的童年", 終於有機會年底前 (!!) 復刊.

<史大叔的 必輸 投資大法>

套用張五常的講法 : 這篇文章可以傳世.

即係話, 呢篇文章, 可以翻炒又翻炒.

這篇文的對象, 是一些快將投身 火坑 社會的年青人, 或者已經工作左一兩年既才俊. 叫得你才俊, 即係話, 你仲係窮西一條.

至於已經年過三十, 工作經驗有廿年以上, 已經結左婚, 或者滿面胡鬚既人, 即使你仲係窮西, 可以唔使理. 因為 你 . 已 . 經 . 無 . 得 . 救.

文寫了很久, 中間改了又改, 執完又執, 還是不滿意; 偏偏不出是甚么不滿意... 或許是教育意味太濃厚... 我一向認為通過 xanga 說教呢d 同長江三峽既浩瀚工程, 係幾個滿腔熱誠既 傻佬 教書佬 才會做的 (例子一, 二, 三; 通稱 三傻會 三師會)...

-----------

原來, 多年來我寫過唔同文章講投資, 自己唔google 自己都唔知道...

順帶一提, 我有時候會 google 自己 (除左 google 史兄), 靠關鍵字搵返以前既文章. 無論如何, 上面既文章大體上都夠一致, 起碼, 錯也夠一致. 如果你跟隨以上指示投資, 可能一早已經破撚左產. 恭喜你!

但講返轉頭, 一直寫 "投資" 個陣都冇講明 "投資" 既定義.

寫成咁, 係唔會有人明. 我讀書個陣都唔明. 但讀書既好處係, 你唔明, 其實唔係太緊要. 你讀人生的意義, 明咩? 讀論人論君子, 明咩? 只要你肯背, 肯記, 肯抄, 咁你起碼有書讀下. 記得教評局班友成日話人考試個陣囫圇吞棗. 屌你老母, 唔吞棗, 有人識背屌股戰場文. 唔囫圇, 邊個知乜野沉積岩係乜?

再簡單講, 你有一百萬, 拎去燒左佢, 從中獲得快感, 叫 消費; 拎個一百萬去買部機器整餅俾自己食一世, 係投資.

分類既野, 同香港政府一樣, 好豆泥, 好隨便. 又舉個例 :

再唔明, 其實唔緊要. 再簡單說 (我唔明點解你一開始唔簡單講...), 你去租樓就係 消費; 買樓就係 投資. 夠簡單未? 嚴格一點說, 你租時鍾酒店的消費程度, 就比租一個月屋既大; 而租一個月屋既程度, 就比租一年大...如此類推. 講到尾, 分類既野, 好夠彈性既.

而投資, 未必一定要用錢, 而係可以用 資源 - 金錢, 時間, 土地, 泥土, 貞操, 身體, 木材, 原油, 桔梗, 蜂蜜, 人參 - 都可以用作投資. 遊牧人有時候採用 輪姦法 輪耕法 去耕種, 犧牲短期的收成以換取長期更好的收成, 都係投資的一種.
 
-----------

我三歲開始讀經濟 (阿媽陀我個陣已經有胎教), 每次講俾人聽我讀經濟, 有九成既人都會有以下反應 :

久而久之, 我己經有一套標準答案 - 好似政府乜野 line to take 咁 - 一遇到呢條問題, 照背照答.

讀經濟, 同炒股票可以話係毫無關係. 以為有, 只係你呢d 星斗市民一廂情願既諗法 (無恥到原文內炒冷飯...)

咁既誤解, 幾十年黎一直存在. 正如我當年搞 debating society, 係搞 debate, 唔係打 debate - 正如做馬欖不等於性能力強勁. 我同舊室友每次同人講我上 debate soc 個庄, 對方都只係得一個反應 :

我記得開首時兩三年, 我還會很認真向對方解釋搞(野) 和 打(真軍) 的分別. 幾年後, 我們聽到呢d 說話, 都係會回應一句 :

係呀, 打debate 最叻.

-----------

好咧. 咁究竟我想講乜呢?

我真係希望今年畢業既朋友, 想買四仔 - 樓仔老婆仔生仔車仔 - 真係要諗清楚先. 因為每一樣野, 都係重要既投資. 記住以下各點.

0. 點解要投資?

好簡單, 因為你想有錢. 如果你唔想有錢, 你可以將錢放係床下底. 致富既重點係, 你首先有份工作可以保住你條賤命, 然後搵機會投資. 甚少打工仔可以做到飛黃騰達, 但要小富, 好多人都係靠投資.

記住, 係小富, 唔係大富. 至於大富, 一半靠命/好彩, 一半係靠賤. 美國富豪 Bill Gates 係好心, 捐咁多錢, 但唔好忘記佢廢到無倫既 視窗vista (或任何一代視窗), 同 當年迫柒你用 IE, 佢係賤. 也勿論本地一盡人板富豪.

因為投資可能係未來帶來回報 - 即你將來既收益大過今日付出 - 所以你投資, 有機會令你有小富. 而老老實實, 我所講既投資, 並唔包括拎舊錢去開公司. 第一, 風險好高; 第二, 我未試過. 同人介紹D未試過既野, 咁耐以黎我只係試過一次. 咁攬下攬下又唔會有冇損失, 但叫人去開公司或者投資朋友既公司, 可以輸鑊金...

1. 投資前, 請清左你既咭數 同 關窿

清咭數 : 我肯定你做正正經經的投資 - 買股票, 樓宇, 外幣 - 回報肯定無信用咭既利率咁高. 你呢邊賺 10-20%, 個邊要俾 50%. 識計加減數, 你就知你應該 首先還清條咭數, 然後先諗投資; 還晒錢先好去投資.

而清利率只有 6%-7% 既關窿數, 則出於另一個更重要考慮 : 無投資, 你唔會破產, 唔會俾人淋紅油, 唔會俾人告, 唔會俾人話你仆街. 但你欠債 - 那怕是無乜用既政府債 - 以上各點 (破產, 紅油等等), 通通有機會係你身上發生.

好多人話政府收既利息好高, 成 6%-7%. 呢批人係活係個井裏面. 送錢俾你好唔好? 呢批人仲話好意思話自己讀過十幾廿年書, 真係不知道所謂. 我想問, 你憑乜野叫政府係無抵押, 無收入證明, 只得你阿媽做保證既情況下, 用 Prime - 2.5%借錢俾你? 你那張所謂香港大學一級榮譽沙紙, 值幾多錢? 唔還, 政府根本唔可以好似收數佬咁迫你還錢, 6%-7% 係低到爆! 不過, 呢個世界梗有d 大學生借錢唔撚還.

所以投資之前, 首先還清 咭數 + 關窿. 老實, 關窿咁抵, 還唔還又無乜所謂...

2. 儲錢

還晒錢, 當你再無爭人錢之時 (又兩句講同一樣野.... 加利仔速度唔夠高, 跑得慢, 唔夠對手快...), 就可以開以儲錢.

投資之前, 係儲錢. 你要儲現金, 儲到有一定程度, 先好拎錢去投資 (例如買股票). 唔好儲 $20, 即刻拎 $20 去做投資. 你要預留一定的流動資金, 以應付各式各樣既意外需要 : 病左入醫院, 無端端屋企人要舊錢又想你幫手, 行行下街見到 iphone4, 你條女想係 100 日元對 9.2 港幣既時候去東京喪拼, 你讀書進修要交學費 - 呢樣可以當係投資既一種.

投資, 最好係你無負債既情況下做. 唔係話你拎左去投資, 唔能夠將佢地變返現金, 而係中間可能涉及風險 - 你夜晚要錢但股市無開; 你想放層樓交醫藥費個市唔就. 如果你有流動資金, 可以頂住一陣先.

至於流動資金, 要幾多. 因人而異 (廢話). 個人建議係人工既 1 至 2 倍. 如果你搵十萬九千七, 當然唔使咁多. 而係你做投資既時候, 最好能長時間維持一定的流動資金.

至於點儲錢, 鎖你, 我唔知喎. 只要你換少部電腦, 去少次Neway, 飲少兩支麥哥倫 (嘩...), 返工搭少次的士, 去少次日本 (嘩, 越黎越對號入座), 一年儲到三五七百萬, 並非妄想. 記住, 儲錢係要慢慢儲, 唔好諗住儲一個月就會儲到好多錢.

傻豬, 你要儲錢, 即係你本身無錢拉. 咁你點可能以為一日就儲到好多錢?

有好多後生仔, 賺到兩個臭錢, 就搬出黎自己租屋住 (嘩, 越講越似自己). 呢d 人注定一世窮到燶. 我可以話俾你聽 - 因為我有經驗 - 自己租屋住, 好貴, 洗費好大. 我要話俾你知, 唔好租屋. 千祈唔好租屋...

3. 投資

好咧. 到左所謂戲肉.

到你真係儲到舊錢, 可以開始諗下做乜野投資.

你想知既冧把, 係無. 因為我都唔知. 你以為免費睇一個 blog 會有令人發達唔使撈既機會? 你不愧為入世未深既小朋友. 周秀娜夠正咧, 佢唔使出黎撈咩? 你都仲要睇呢個 blog, 仲要返工, 即係現實已經話左俾你知係無不勞而獲呢回事拉.

講返投資.

正正經經, 以風險計, 由低至高既投資產品分別係 銀行定期, 債券, 貨幣, 股票, 樓宇, 衍生工具. 當然, 唔正經既投資大把 : 整容 (望望 愛不疚先生...), 隆胸, 買支槍去打劫, 種大麻, 讀碩士等等, 但唔受年紀性別經濟特徵所限, 普遍性較大既, 始終係上述各項. 有機會的話 (=無機會), 我會談談其他唔正經既投資.

只不過...

講左咁耐, 得返股票可以買... 咁上面講撚左一大堆垃圾, 結果係無用既...

好咧, 呢句真係有用 :

睇市, 好簡單. 學股神畢菲特話, 當人群恐懼, 你就貪心; 人群貪心, 你就恐懼. 而將 "阿媽及姨媽姑姐" 代入 "人群", 你人生就變得好簡單. 唔好似為好低, 但有好既野, 從來都係簡單, 甚至聽上去有d 低能. 屌, 英文夠係來來去去 A-Z 拉...

另外, 有幾條阿媽係女人既原則, 非常有用.

對住股市初學者黎講, 最好係去銀號開個股票戶口, 然後設立一個月供股票計劃. 唔想幫人賣廣告, 但某獅子銀庄而家免手續費, 連結在此 (嘩, 咁叫唔想幫人賣廣告); 而 本港中資銀號一哥, 可以俾一個手續費, 任揀九萬幾隻股票 (通常買兩隻要收兩次錢).

遙想公瑾當年, 小喬初嫁了. 隨令公征戰, 賺得最多的股票, 就是月供的那些盈富基金. 這也是為什么我認為與其花時間揀股, 不如跟住大市走. 起碼, 人輸你輸. 咩呀, 大家都一齊咁仆街lor...

世上最厲害的數學, 就係複利呢個概念 - 唔明可以睇下黃子華講. 如果你投資既公司, 每年派息, 但你唔想收錢, 改為收息, 可以揀幾隻有以股代息既股票 (例如 匯豐, 東亞等).

總之, 後生仔, 一出糧, 拎錢出黎買盈富基金, 勇一點可以買中國A50 (2823) - 入場費每手只是 $1,200. 唔好理佢一萬點定兩萬點, 買拉... 屌.

最後一句

朋友, 忘記你d 強積金吧...

<黑色 . 幽默>

悲痛, 忿怒的文字, 三天來大家看得多.

希望可以帶給大家一點幽默.

不是說大家不應該悲痛 - 當看到電視的畫面時, 情感會很自然地流露出來. 這和小朋友跌入井時的情感, 都是來自惻隱之心.

無意對傷者死者不敬. 但, 世間總有歡樂的事.

希望你哀痛不已的時候, 能笑一下.

星期一

港人被殺, 已有人迅速在面書開設群組, 悼念死去的香港人.

有一個朋友, 很快加入了群組. 但他在我面書出現的是...

我苦笑鳥.

也別說應該是 生還 而不是 生環.

由一個經常錯字連篇的人, 指出人家有錯字, 更凸顯事件之荒謬.

星期三

遺體及部分傷者返港. 港府在機場舉行儀式. 家屬由政府安排的汽車接載離開...

那些 "汽車"...

政府比我想像中更具幽默感.

我想, 政府的人恐怕不知道甚么叫 創傷後遺症. 大概等於當年唐山大地震, 有個女的被救後第一樣吃的是甜的東西, 然後好幾十年也怕再吃甜的食物.

之前, 電視做直播, 儀樂隊奏哀曲.

無線報新聞個條八婆, 人地一路奏哀曲, 佢一路係度講野. 仲要講黎講去個幾句.

係咪唔講野幾十秒地球會爆炸?

星期三晚

成龍.

自己行出黎做靶. 菲律賓政府真係應該頒個好市民獎多謝佢.

睇返佢近年d 行為, 呢條友真係一個粥黎.

星期四凌晨

細路, 咪扮野, 你會唔知呢個係乜野網?

作者取材, 又停刊.

完.

<生活 . 鳩o翕 - 脫期脫到七彩版>

呢個系列好似而家d 潮流服裝咁, 越來越多特別版.

其實我係唔想俾大家知道, 我脫撚左期.

脫到, 我自己都唔記得脫左期... 我覺得自己越黎越無恥.

1. 阿波羅 follow-up

上次出文寫阿波羅d 乳酪, 之前真係有食返一次.

真係無以前咁好食. 其實係難食.

2. 無撚謂謂的平機會, 私隱專員... and many others...

公司要請女人, 請後生女; 但又唔准佢寫到請男定請女.

於是咪多舊魚.

咁究竟佢請個職位叫 "女工", 定係點?

跟住先排八達通賣左我 d 資料. 每隻 $20. 我真係好反感.

3. 先知

2010 年只係過左八個月, 已經有人知道可以連續14 年 - 包括 2010 年 - 既日本銷量 no.1.

不如估恒指呀笨?

突然諗起中學個陣唯一一本真係讚好睇既書, 張系國既棋王. 裏面有個能預知未來的橫王... 然後到左賭神, 周潤發話你知, 其實要贏, 只係需要一幅隱形眼鏡.

4. 加...$25

細個個陣, 好鍾意飲可樂. 大個左, 都仲好鍾意飲... 屌你老母, 廢話幾句, 又o厄撚左十鳩幾個字.

29 歲以前, 出街食飯, 阿媽總以各種冠冕堂皇既借口, 唔俾叫可樂 (或其他飲品) :

好咧. 一路俾人抑壓住幾十年, 結果食飯個陣飲可樂, 就等同有女友老婆去偷去滾一樣, 會俾到我有犯罪既快感.

講左咁耐, 其實我係想講另一樣野. 近排終於無發生乜野 加錢送 事件... 但去仲可以食煙又係室內既達記, 居然...

飲杯凍野, 真係好貴.

好撚貴.

阿媽, 對唔治.

我知錯鳥.

------------

而講起阿媽, 就不可能不提佢近排又有驚天動地既舉動.

話說, 我枕頭已經有兩個枕頭袋 + 一條枕頭巾 呢個combo. 好些新認識既朋友, 首次去到我屋企, 都嚷著要一看這偉大傑作...

好了. 係淫威之下, 無得唔用.

人, 總係得一想二; 得二想三, 想三得四.

跟住佢成日叫我換床單. 要知道我已經好憎換枕頭袋. 每星期同佢食飯, 佢都會問 : 你做乜唔換床單?

你做乜唔換床單?
你做乜唔換床單?
你做乜唔換床單?
你做乜唔換床單?

好似我係為左換床單而存在於世...

無論如何, 後尾唔知佢點發現到, 其實我好懶 - 識左成三十年先發現到我懶... 於是人類史上最聰明的我老母改左戰術, 試途用另一個策略. 有一晚, 我同佢食完飯臨走, 佢 . 又 . 叫 . 我 . 換 . 床 . 單.

我咕嚕一輪, 佢好似早有準備咁答我 :

媽 : o拿, 不如你一次過舖兩個床單, 咁要換咪套出面個個咪得.

噢賣葛!! 這是多么聰明的辦法! 一時間我都唔識回應佢.

不過, 係阿媽既世界, 唔回應就等同接受. 我呆左半秒, 即刻答佢..

屌, 一次過套三十個上去, 咪呢世都唔使換lor....

5. 公主@sogo

側面公主...

正面...

...蕃薯

真係心血少d 都俾佢嚇撚死.

不過咁, 如果佢轉踢波或者打籃球, 個閱讀 理解 球賽 能力一定好強. 大佬, 成個場咁闊佢都望到晒...

等d 女仲咁鍾意三七面望人, 貪人地望唔到你塊面圓咕碌呀咧. 望望下就變成咁嫁咧...

6. 立法會

那已經是六月的事.

天下同聲一哭.

葉國謙是區議會的立法會代表, 民主成分夠高咧掛?

民主黨大部分立法會議員係一人一票選出黎, 夠代表性咧掛?

對不起, 我無法接受區議會方案是民主向前走一步; 也不可能原諒民主黨. 你的階段性成果, 就是出賣香港人.

7. 唐老鴨

真係好多唐老鴨. 誠如我以前說過, 我幾乎能說出每一件唐老鴨的來源同價錢/ 邊位仁兄送.

漸地. 家中已沒有地方放置他們了...

<嘻嘻...>

我宣布香港淪陷!!!!!!!!!!!!

於該個 ENTRY 留言既讀者, 可獲得1982 年竹葉青一支.

請憑券去櫃面加 $35 換取贈飲.

<Some updates...>

為免有人以為我死撚左, 特意整個 update. 講返轉頭, 呢篇野我原本諗住係 7月1日出, 當做到半年結... 但今日已經係7月25日... 都唔係遲左好多o者. 嘻嘻 (後面有講到點解用 嘻嘻).

1. 2010 願望

其實, 我下年d 願使唔使倒轉咁許?

------------------

2. 誠意推介 - update

 

------------------

3. 又是年度盛事...