<愛, 最後一章>

終於, 第 154 天

愛的第一章

***********************************************

一直提不起勇氣找她.

一天, 卻收到紅紅的一張請帖, 附有一封信.

是她寄來的.

 
***********************************************

"對不起, 我最後還是離開了你.

我的婚禮, 希望你能到來."

***********************************************

個多月來, 他想了許多東西要和她說. 他也想過要學許文強般搶新娘.
 
那個早上, 醒來, 穿好衣服, 出門.

手心冒汗. 緊張得車過了站自己也不知道. 到達婚禮場地時, 儀式已經完結, 大家已在影合照.
 
許文強是做不成了.

他一出現, 會場內傾刻籠罩著一陣沉默. 誰也沒有說話.

無視各人, 他緩緩地走向她.

這個曾經是她妻子的人. 輕輕將頭傾向她, 她沒有迴避.

***********************************************

"恭喜你. 我原本想有很多話說, 見到你卻說不出來.

多謝你那數年一直陪伴著我.
 
我希望你永遠幸福快樂."

***********************************************

未及她回應, 他已轉身走向新郎, 將禮物送給他, 握手, 離去.

沒有人留意到, 他離去時正低聲地哼著一首歌;

也沒有人知道, 其實, 這是他與她一生中最後一次對話.

他終於明白, 那一天她選擇放棄自己的心愛時, 那種無助的感覺.

***********************************************

婚禮的祝福

時間一秒一秒一秒 倒數計時
往事一幕一幕一幕 突然靜止
你挽著他 他挽著你 向我走過來
同桌的人蜂擁而上 將你我隔開

我乾杯 你隨意 這是個殘酷的喜劇
我的人生早留在你那裡 我卻還要故作瀟灑地

你和他 我和你 這是個諷刺的交集
是你太殘忍 還是我太天真 你要我來 就真的出席

我的請帖是你的喜帖
你要的一切如今都變成我的心碎
你總是太清醒 我始終喝不醉
連祝福 你還逼我給

你的喜帖我的請帖
你邀我舉杯 我只能回敬我的崩潰
在場的都知道 你我曾那麼好
如今整顆心都碎了 你還要我微笑

<生活 . 鳩o翕 - 兒時零碎回憶 + 食字 + 生日快樂版>

去到唔知幾多月之後, 生活 . 鳩o翕系列 終於脫左期... 凡事總有第一次, 呢次咁耐先脫, 算係咁拉. (默默點頭中, 自我感覺良好. 簡直與一眾高官落區叫 超錯 起錨 一樣...)

好咧~~ 夠咧. 今次帶大家去搵d 一兒時回憶. 我既童年, 未必等於大家既童年. 而家d 細佬既童年係 仆街 . monster; 我既童年, 係大家有可能聽過既 聖鬥士星矢.

1. 阿波羅 Magic Cone

太陽神並非靠太陽起家. 當年阿波羅黎香港 (我都唔記得佢話自己係邊度既品牌), 一直唔夠其他牌子既雪糕打 - 特別係牛奶公司. 話說, 牛奶公司既 飛機杯 雪糕杯 真係好正 - 據聞某大航空公司既飛機餐 (唔知點解呢三個字由我講出口特別淫賤), 亦有提供牛記既雪糕杯 (仲要係由空姐派俾你...). 可能管理層係知道d 客食完飛機餐一肚氣, 要俾好少少既甜品... 另外, 牛記既原味鳯仙 同埋 紅豆雪條 更加係極品.

開始時, 阿波羅既雪糕, 代號叫難食, 別名垃圾. 佢出既雪糕, 大部份都係抄牛奶公司既出品, 紅豆呀, 綠豆呀等等.

當然, 一百米跑步比賽, 都係人做乜你做乜.

之後阿波羅推出左呢款類似 新民主女神像拎住個支野既 雪糕筒 - 叫 Magic Cone (留意, 到今時今日佢都係無中文名).

真係好似宇宙大爆炸咁, 嘩一野爆左出黎. 當年周街周巷都話要買 magic cone. 個陣係重慶大廈, 真係個個細路 成日 都拎住支 Magic Cone. 當然, 包括左太子女. 其實, 我到今日都唔明一支咁核凸既野, 點解咁受歡迎. 同埋, 我記得佢價錢係唔平 - 當年大概係 $5-$6, 同 今日老麥既雪糕新地價錢差唔多. 至於味道如何, 我真係唔知...

咁多唔知, 係因為我根本無食過 Magic Cone. 屌你老母講撚左千幾字, 跟住講其實我無食過... 屌咁我無睇波都寫左篇野講世界盃拉...我同民主黨一樣, 都唔會覺得唔好意思. 更重要係, 民主黨出賣支持者, 無乜表面原因; 我無食過, 係有原因既.

因為...我係唔食朱古力既!!! 而 Magic Cone 只有 朱古力 同 雲呢嗱 兩種味, 而佢所謂雲呢嗱味, 上面唔知點解又會有d 朱古力醬 (有圖為證). 而牛奶公司既雲呢嗱甜筒, 亦有類似既情況... 所以我咁大個仔, 從來未食過 Magic Cone 同 牛奶公司既甜筒... 點解明明係雲呢嗱, 上面又要加d 朱古力 醬呢? 究竟d製造商知唔知其實呢個世界有好多人唔食朱古力?

也記不起是之前還是後來, 阿波羅的雪糕夾心餅 - Monaka - 也很受歡迎. 不過, 我都係無食過. 原因 : 佢塊夾餅都係有 d 朱古力.

唔知過左幾多個世紀, 終於有樣阿波羅既產品我終於食過, 仲好鍾意食 - 即製 鮮果 乳酪. 留意粗體字, 重點有二,

當年好鍾意食呢個即製鮮果乳酪. 每次放學去完沙田同學屋企玩 (我中學係石硤尾...), 走既時候我會買一杯食. 後來大學時有女友住馬鞍山, 佢樓下都仲有. 當年開到一街都係 - 不過係香港, 短時間內開到一街都係既野, 無一樣有好結果 : 網吧, 珍珠奶茶 version 1, 農場餐廳, 賣口罩既地方, 各式小食店. 結果今日佢係港島區既舖位, 只係得返五間 (唔計係老練咁遠既柴灣同香港仔, 只係得返銅鑼灣一樣).

早陣子去了銅鑼灣的分別, 再來吃一杯. 感覺... 好難食.

好懷念以前無憂無慮的日子. 返學, 上堂, 打波, 放學去同學度賭錢睇咸碟, 然後食阿波羅.

回憶總是美好的.

2. 龍珠

我很記得第一次看日文版的龍珠, 是在姑婆勝利道的家.

印象深刻, 因為這期裏面有莊子拉起裙底讓龜仙人的一幕.

然後, 姑婆把兒仔的天下及中華英雄給我看. 那應該是 1990 年的事, 因為天下只去到步驚雲偷學莫名劍法, 使出悲痛莫名對付劍晨. 很多年後, 我才知道畫天下的人, 叫馬榮成; 他的中華英雄, 是港漫中排名第一. 不論是畫功和故事, 是有史以來最好的.

講返龍珠. 龍珠中的孫悟空, 起初是以西遊記的齊天大聖孫悟空作藍本. 如意棒, 筋斗雲都是齊天大聖的. 接著打擂台 (天下第一武道大會), 大魔王, 笛子魔童 - 那是我真正有錢買雅景的龍珠單行本. 那時候龍珠不時還有笑料, 像悟空在武台上問道什么叫結婚... 就像路飛會挖鼻孔一樣.

比達出現, 再有那美星, 然後有人造人, 斯路. 記得當天的文化傳訊買了龍珠的版權, 推出的便是單行本第33期 "斯路遊戲". 我看完又看, 最後索性把整本單行本上色. 不錯, 是整本單行本.

我覺得, 龍珠的完結, 是斯路死亡. 之後既魔人布歐, 根本唔係龍珠, 又無聊, 又無故事性. 最近在漫畫屋重看龍珠, 十分開心. 經典, 百看不厭. 到今時今日, 大部份的玩具都係龍珠或星矢, 你知人類唔會再有進步.

順帶一提, 龍珠/星矢/足球小將 呢 平成三姬 三本平成漫畫, 幾乎奠定所有成功日本漫畫的方程式 : 一個戇鳩鳩天真無邪唔受歡迎既男主角 (悟空, 星矢, 戴志偉) + 一個聰明邪正難分有性格受女性讀者歡迎的男配角 (比達, 一輝, 小志強). 後來既幽遊白書 (幽助 + 飛影), 入樽 (櫻木 + 流川) 到今日, 火影 (鳴人 + 佐助) 都係靠呢條方程式. 好似 死亡筆記 咁倒轉既, 真係好少有.

萬變咭, 雷達, 戰鬥力探測器, 超級撒亞人, 界王拳, 舞空術, 龜波氣功 (屌, 自龍珠出現, 所有打鬥動/漫畫都有差唔多既招數). 多謝你.

3. 捉野 . 內封

有說一個地方娛樂與經濟有關... 香港 80 年代, 日本 90 年代, 00 是南韓 (有說 2010後 是中國/ 印度). 但觀乎日本泡沬經濟爆破後...

當年經典日劇 悠長假期, 瀨名 / 木村角色所住既地方, 就曾經成為當地人膜拜朝聖 潮吹 既地方

眾人都說木村靚仔. 但我更記得竹野內豐.

呢條友咀左松隆子.

因為竹野內豐的型, 我買他的 With Love. 女主角醜到無倫, 劇情悶到爆 - 講兩條友用 email 互溝 (呀呢d 情節好熟面口, 不過係由 email 變左 xanga, facebook 或者 sms), 但我依然睇晒. 因為, 佢好撚型.

I know this is so gay.

btw, 當日本廿年換左七十幾個首相, 木村又真係演過首相... 我覺得下任首相搵木村做都好. 列根都做過美國總統拉.

4. 生豪酒店

相片拍得不好 (其實是超差). 星豪酒店的 "日" 字響應環保, 熄然左燈. 於是乎間酒店變左 生豪酒店. 正所謂舉頭望明月, 低頭思故鄉. 好詩, 好詩.

順帶一提, 生豪酒店係旺角近朗豪坊.

寫到咁, 唔會有人以為係膳稿掛...

5. 水銀蒸蛋

我睇住, 讀錯三次.

6. 今次無錯咧掛

仲唔係叫碌撚?

下? 原來炒撚左冷飯?

7. 唐老鴨

若然連續三篇 生活 . 鳩o翕 沒有出現唐老鴨, 讀者可以肯定作者係第二個人假扮既...

7.1 來自阿根廷的禮物

我是阿根廷足球隊的 fans. 原因 : 我好鍾意藍色, 而當年第一次睇馬拉當拿踢波 (當然係透過電視機), 佢就係著住深藍色既波衫 - 並唔係淺藍白間個件. 然後鍾意 nba 既魔術隊, 都係因為佢件藍色波衫.

呢份係我既三十歲生日禮物之一. 1980年, 香港製造的唐老鴨玩具. 好有意義呢...至於件玩具係愛黎做乜... er... er... er... 但我肯定右邊玩緊影分身既米奇, 同件玩具係無關.

7.2 火機

...係喎, 唔關唐老鴨事... anyway

傳說中有一種忍術, 叫 "點煙巴士即到大法". 雖然屬於血繼界限, 但其實修練大法既條件, 係你血源裏面有尼古丁. 使用方法 : 只要係你係巴士站一點煙, 你要既巴士就會係5秒內出現. 萬 . 試 . 萬 . 靈 . 童 . 叟 . 無 . 欺. 如果你果日係巴士站食左大拿拿兩支煙而等既巴士仲未到, 你應該好好檢討下自己. 女讀者可以發張全身照, 等我幫你睇下相, 甚至係一個全相...

無論如何. 有讀者認得出呢個火機既標誌為何物, 請到收銀處付款.

.
.
.
.
.
.
.
.
.

無錯, 呢個就係呢個西主既 profile picture! 當我收到呢份禮物時都唔知道~~ 大隱隱於市.

真係差佬捉到你都奈你唔何. 

   

 
      

延伸閱讀 - 姊妹系列 (以下系列更加爛尾)

1. 有圖 . 有真相

2. 哇哇 . 看天下 

All,

這只是擬稿. 我說過四五六七月都有窒息的感覺, 實在提不起勁寫作.

------

<別讓仇富變成仇警>

不容否認, 香港已有頗為普遍的仇富, 厭富, 媚富的心態. 而這種所謂的富, 已由巨富 - 如李先生, 四叔, 新記兄弟等 - 漫延至一些能夠食得起, 住得起, 著得起的人 (例如能買樓) 的人. 這種心態, 在年青的一代尤其普遍.

打個比喻, 就如當初清未時, 中國人那種仇外, 但又媚外, 差不多.

有理由相信, 在香港很快會出現仇警的心態 : 社會上有共識 - 這才是真正的共識 - 有錢人, 當權者的地位不會受到動搖. 為什么會這樣? 一方面是制度的保護, 大部分人知道, 但可惜無法改變. 市民總要找些代罪羔羊 : 他們很容易認為/ 以為, 建制內必有幫兇. 好了, 建制派, 保皇派地位不容易動搖. 當在最重要關頭, 他們發覺應該企得穩, 有口齒的某更無恥政黨放棄了人民, 放棄了選舉承諾, 只會有更多人放棄過往只靠四年一度投票, 得閒講兩句的政治取態. 上街, 示威, 支持一些仍然企得穩既政黨/ 政客.

而走到最前線, 每日與市民作出各樣接觸的警察, 自然地被指責, 容易地成為當權者的幫兇. 市民很容易認為/ 以為警察已變了質, 變成了保護有錢人及當權者的工具. 許多東西, 不需要一定是真, 市民才會相信 - 就以某政黨說自己沒有放棄民主, 沒有放棄 2012 普選, 沒有放棄氣節; 也有大量讀很多書的人相信.

陳雲前陣子的文章, 論點未必全部正確, 但見微知著 : 你不需要一整個警隊都是敗類, 才能摧毀一隊警隊. 共產黨也不是個個仆街; 一手摧毀香港 (和她樓市) 的, 不過是一個董建華. 一個英雄, 可以拯救整個團隊的士氣與民望.

有些事, 要作對比太容易 : 陳巧文被控襲警, 無理扣留 "民女"; 漒水狂徒還在逍遙, 年青人仍在尖沙咀瘋狂索k. 然後, 只是俾人輕輕推一下, 差人比起 C朗更容易插水跌低; 又或是被人發現在示威的人群中, 然後詐暈.

我很記得讀大學時, 有一次學聯等人去中環政府總部示威, 當年還有張韻琪, 然後警方出動胡椒噴霧 (即李臻發難那次). 社會大驚之餘, 輿論大多指向警隊高層, 及政府高層. 許多人對走在前線的警察, 還保留一點同情. 今天還有多少人保留這種心態? 他們只是同流合污的一夥.

The message is clear : 警方一邊廂欺壓市民, 欺善怕惡; 另一邊廂依附權貴, 不務正業.

家在銅鑼灣灣仔交界, 教協附近. 那天吃完飯, 走去松記買糖水 - 分店就在教協樓下. 那天是民主黨投票決定支持政府政改與否. 我真的被情境嚇壞了 : 警察, 記者, 示威者 (包括八卦路人如我) 的比例, 大概是 10 : 2 : 1. 幾乎成條街也是軍裝! 還未有許多疑似便衣的人.

又有天走過中環政府總部, 那天余曾辯論. 臨近收工, 雪廠街的正門, 有四層鐵馬, 三十個警察 - 遠至東亞總行門口也有數個. 而在那裏示威的人, 數目, 是零.

這不是偶然的. 而這種仇警心態, 可能會很快便會出現及更重要的是 - 大規模擴散. 若然政改通過期間 - 6月23日 - 立法會門口出現什么事, 警方可以一千個放心, 他們在未來一段日子, 有大量 OT, Timeoff 要申報. 可以再登廣告招請輔警了. 當然, 有沒有人在一片仇警的社會氣氛下投考兼職的輔警, 是另一個問題. 大家應該還記得 "好仔唔當差" 吧.

今天陳雲再發一文, 預言民主黨 "投共" 必令更多人走向激進之路. 香港人近年最退步的, 就是退化到去返侏儸紀 : 無見過人叫口號, 無見過人示威, 無見過人訓馬路. 呢d 叫激. 一激, 差佬就怕; 怕, 就做野, 就設兩個緩衝區圍三層鐵馬搵四百個警察.

我擔心的, 看來快要來到.

<對不起...>

民主黨你真的可以收皮了...

<世界盃應注意事項 – 女生版>

對唔治, 係唔會有男生版的. 大家都俾我滾慣.

話說四年一度既世界盃又黎咧. 抱住作育英才既心態, 我係度建議十項女生應該知道有關世界盃既野, 等佢地呢排係一班男同事/ 男同學之中, 唔好無左話題. 如果你連世界盃 6月11日開波都唔知, 或者甚至乎連世界盃係今年舉行都係10秒先至發現... 咁你更加要睇 - 雖然更好既建議係算撚數三個字...

畢竟, 黎緊個幾星期, 除左乜春野起錨, 大家只係會聽到世界盃既消息. 我更加肯定每日賽果都排先過恒指收市. 我亦認為呢幾個星期對好多人黎講, 係渡日如年 – 特別係對個d 之前個晚睇凌晨兩點半第二日無射波既人黎講. 除左酒吧生意好左, 收入多左既, 都應該包括街口個醫生.

再講多句, 其實我係唔睇足球的...

好咧. 廢話少講.

1. 世界盃, 主要目的係踢波, 文雅d 講, 即係踢足球. 兩邊球員 - 因為有無間道 (通常係鎮守後方的球員), 所以兩邊既人數未必相等 - 努力不懈地將皮球送入對方的龍門. 此運動古時稱為蹴踘 (千世爛片赤壁一最後個場戲, 班曹軍千里迢迢去到南方, 仗都唔打, 就係為左玩蹴踘. 你可想而知兩千年黎其實中國人真係無進步過).    

不過, 世界盃目的係踢波, 呢個說法只係對足球員有效. 對大部份觀眾黎講, 世界盃, 主要目的係賭波.   

你可以唔信我, 不過有真既數字俾大家睇下. 過去四屆世界盃, 每逢決賽週時 (大部份為六月), 香港股市成交較該年一至五月 (至世界盃前) 平均減 23%; 而其他年份既六月成交, 比起頭五個月增加 11%. 鐵 . 證 . 如 . 山 ! 世界盃根本就取代左股市, 成為左賭仔既賭錢場地!     

2. 今屆世界盃, 英格蘭已經無左人稱萬人迷既碧咸. 你可以繼續因為靚仔而支持英格蘭 – 假如你認為高治都係靚仔 – 但唔好再提英格蘭有碧咸. 仲講碧咸, 其實好撚 out. (屌, 搵搵下料見到有內地網民寫左呢點…) 同埋, 同碧咸差唔多靚仔既奧雲, 都一樣已經收左皮.

3. 同樣道理, 阿根廷既球員中, 係無馬拉當拿 - 條友係教練. 以阿根廷外圍賽既成績估計, 佢做教練主要係負責同美斯講 : 拿, 屌你老母, 你咁咁咁扭過d 人, 射入去就得嫁咧. 巴西亦無 朗拿度 同 比利. 畢竟你睇緊既係 2010 年世界盃. 你講個堆, 應該係上世紀既人黎.

而戴志偉 同 小志強, 係漫畫人物, 同 AV 動作片一樣, 係假既. 現實世界既日本隊, 係強隊中既魚腩. 衝力射球呀, 猛虎苛於政射球呀, 中場射波呀, 全部係日本人既幻覺. 心同此理, 推而廣之, 以人物全部唔會出現於今屆世界盃 : 柏金, 奧華馬斯, 告魯斯, 古烈治, 雲巴士頓, 哥連拿, 利華度, 盧比度叔叔, 馬甸尼, 柏賓 (法國名將), 佐敦 (籃球名將), 老虎活士, 費達拿, 拿度.

不過, 已經六十幾歲既華朗, 仍然係阿根廷球員 (我一度懷疑老馬收埋兩個秘密武器 - 一個叫巴迪斯圖達, 另一個叫馬拿當拉, 無錯, 即係老馬佢自己). 而身高九呎既荷蘭門將雲達沙, 仍然有得踢. 估計, 人材缺乏到咁, 呢兩隊無乜機會.

4. 重申, 阿叔林尚義已經謝世. 今屆世界盃, 無阿叔.

順帶一提, 足球比賽係以入球多寡分勝負. 足球並唔係打拳, 唔係計點數 - 即係計下兩隊半場/一場有幾多個角球, 犯判, 射門次數, 越位. 偏偏大部份講波佬淨係識講呢d, 彷佛角球多就會羸波咁.

另外, 無線同亞洲無得播世界盃, 已經十幾年. 唔好再沉迷80年代個d 香港既光輝歲月. 個段日子已經隨肥彭同佢兩個當年正到嘔既女, 一齊離開左香港. 俱往矣!

5. 唔好問, 亦再唔好嘗試去理解, 乜野叫越位. 對好多人黎講, 要了解越位, 比起解釋傳說中既七大千禧年難題更加難. 四年前你陪個位 (前) 男友, 個陣佢為左滾你上床, 由世界盃外圍賽, 到意大利拎左冠軍, 都一直解釋俾你聽乜野叫越位. 你個陣以為自己識, 其實, 你冇識過. 但最終俾佢o厄撚左上床. 即使你今次 (以為) 識左, 過一排又會唔記得.

算撚數咧! 簡單一點, 當越位同政改一樣, 都係超錯. 總之, A 隊越位, 個波就歸 B 隊, OK? 識唔識又有乜所謂? 世界盃都係四年一次. 正如金融海嘯, 百年一次, 知黎做乜春?

6. 今屆世界盃既主辦國, 係南非. 南非, 係一個位處非洲既國家, 並唔係等同整個非洲. 一般人對南非有下列既誤解 :

7.  如果你男友話去睇波, 唔該唔好一齊去. 原因? 不論係踢定睇世界盃, 都係一件非常非常男性化既事. 除左花生, 橫飛既就只有粗口, 特別係個 “屌” 字. 而睇波現場第二出現多既人物, 就係 “你老母” (排第一通常係 “球證”. "球證 扯旗 舉旗", "球證俾牌", 球證吹雞. 佢肯定出現多過任何一個球員).

順帶一提, d 人講屌你老母, 即使佢係對住你講, 大部分情況下, 佢都其實唔係真係想屌你老母. 並非佢唔係話唔係想屌你老母咁簡單, 而係佢根本無一個特定既老母想屌. 再講深d, 佢根本唔係想 “屌” 同理 “屌某個老母”. 佢只係想發洩, 想屌你老母o者… (屌你老母, 越講越亂).

8. 如果你男友話尋晚去左睇波, 千祈唔好問賽果. 一來你可能勾起佢d 唔開心既事, 包括鍾意既球隊輸波, 同埋輸錢, 二來你可能會勾起佢d 開心既事 – 其實佢根本無去睇波…

9. 如果你睇報紙見到比利話邊隊邊隊贏, 咁你唔好認屎認屁, 話比利覺得某隊會贏, 所以睇好個隊. 原因 : 比利係出晒名既明燈, 佢話掂個d 隊, 通常係分組賽出局.

10. 講左咁耐, 你應該當世界盃個個月, 世界上無左男人. 如果你真係咁好學, 可以睇下呢位仁兄寫既足球文盲系列. 講明先, 佢講到似層層, 真係可以拋下書包呀.

要打入男同事/ 同學既世界盃話題圈, 唔好一開口就話邊個靚仔, 邊個大隻呢類掃興既說話. 咁樣做同一提起名牌就講 LV, Gucci 一樣咁無品味. 你點都提句 Hermes 呀... 你起碼講一句 :

嘩, 一句說話已經透露晒你明白以上 9 點!!! 信我! 背熟佢, 同班麻甩同事講一次. 佢地肯定唔會當你係鍾意碧咸個類 OL.

男人睇波唔睇靚仔, 越靚仔既球員, 只會越乞人憎 . 如果佢本身唔好波, 好似碧咸咁, 佢同陳光榮一樣, 都會成為男人公敵. 就正如百貨公司既化粧小姐無個靚既道理一樣 – 信我, 韓國, 日本, 新加坡, 香港既化粧小姐, 無個靚.

倒頭來說, 世界盃同金利來一樣, 都係男人既世界. 何苦要強行插入呢? 班麻甩由細到大都對住呢個波 (儘管你已經有一雙), 你點講都唔夠佢地黎. 正如除左基佬, 係無男人會加入女人堆講化粧品.

所以, 呢個一個月, 你努力點約埋姊妹一齊做瑜伽拉. 橫豎俾左兩年學費, 你咁耐淨係上左一堂...

(喂~~~~

你老母你又去取材??

記住寫信返黎呀~~~~~~~~~~~)

<我知, 我知...>


我知... 我就黎一年都無發新文章... 生活 . 鳩o翕脫期廿幾年.


我知... 有傳林嘉欣退影, 唔撈咧 (來源 : 壹周刊)


我知... 其實林嘉欣係答應左嫁俾我.


我知... 所有女讀者都會再三閱讀呢篇有關減肥的文章. 老老實實, 作者真係好勁. 唔計天生就瘦, 俾幾皮野去割肉 (真係搵把刀, 放血 見到血個d 割), 或者失戀然後茶飯不思既情況, 呢個係我生存左三十年以黎第一次見到有實質證據, 有女生減肥成功...


看的時候, 我甚至覺得, 人類 - 起碼那女生 - 快可以徒步行上月球了. 只要有恒心, 普選會成真呀!!!


題外話一下, 有時候我見到d 人減肥呀, 整容呀個d 廣告, 會諗究竟佢減肥前後/ 整容前後既相, 會唔會其實係倒轉左 : 即係你睇到既相, 係佢減肥失敗, 整容失手既證據...


題外話兩下, 早兩星期去友人喜宴, 同桌有名妙齡女子. 乳豬未上, 已經覺得佢好撚熟面口, 但又唔肯定係咪佢. 放心, 唔係我d 前度 (留意, 係有個 d 字. 正如頭文字, 後面都要加個 d 字咁). 我唔係無本心到連人地乜野樣都唔記得... 其實該女子好似大學時同系的一個同學.


由於我怕醜, 唔敢直望人地, 於是乎疑惑到食翅個陣, 女人離開座位. 我第一時間問旁邊友人, 條女係咪阿邊個邊個.


友人答 : 嘩! 係喎. 我都唔認得呀...


跟住幾條麻甩就開始講講講... 至於點解我地咁驚訝, 最主要既原因, 就係整容手術係異常地成功. 如果要打個比喻, 佢根本就係由一個阿森一族既女角樣子 整到變左 劉心悠. 真係基因改造都無咁 wonderful 呀陰公...


最衰同個女同學唔熟, 唔敢問佢返到屋企佢老頭老母認唔認得佢... 另外, 個女同學快要下嫁有錢人. 若然佢係婚宴上播返以前 d 相... 咁除左一句女大七十二變, 都無乜好講.


我知, 題外話唔應該講咁多...

作者取材, 無限期停刊.


有關 5.16 投票的, 大家這數天可能已經睇到聽到講到悶. 屌... 你打飛機又何嘗唔係十幾廿年同一個動作不斷重複...


無論如何, 希望大家記住投票. 仲要叫埋屋企人一齊去.

<29; +1>

我有一個多年秘密. 從來沒有與人說過. 就連最好的朋友, 也沒有提起過.

其實, 我是一個女人.

記不起是何年開始有這種感覺. 無論如何, 是十八歲好, 廿三歲好, 廿九歲也好. 總之, 我不會活到三十歲.

結果, 一年又一年地活著. 一年又一年地興奮, 一日復一日地緊張. 不單是怕死. 我只是較害怕死後沒有人傷心, 更害怕有傷心的人.

終於, 好像, 活到了三十歲了. 真的是如釋重負, 一洩如注.

想說很多話, 但長篇大論的, 平時已經夠多了.

還是炒個冷飯算吧...

我希望香港一直是我的家. 只是, 這個家對我來說, 已由心靈上的一種感屬感, 漸漸變成一種物理上的存在感.

仲有... 我估有些人可能有興趣知... 我而家有個女朋友... lor...

---------------

若然可以為時光旅行寫幾句引子, 我想, 下面這幾句非常合適 (來自 kakakathy)

-------------

香港

香港 (沉淪的國土版)

尖沙咀

荃灣

紅磡 . 黃埔

葵涌

中環 (一)

中環 (二)

油麻地

旺角 (一)

旺角 (二)

天水圍

灣仔

石硤尾 (這是一個後來成了真的故事)

東京 (下?)

台北 x 新加坡 (仲黎??)

青島

-------------

<誠意推介 7>

香港是個沒有愛的城市.

只有做愛.

問題係, 你做愛, 完左, 都係無愛;

更大問題係, 大家都越黎越少做愛.

--------------

走在街上, 很少看到笑著的人.

我指的, 當然不是傻佬那種笑. 只是, 香港人真的很不開心. 大家也只懂將不開心發洩到伴侶, 社會, 政府. 我們習慣輕率的批評, 忘記努力的改進; 用冷冰冰的 sms, 取代真誠的說話與動作.

古代時沒有文字, 人類通過肢體表示關懷, 情感. 看過一本書, 叫 FBI 教你讀心術 - 與其叫讀心術, 說是肢體語言更合適 (叫讀心術, 恐怕是吸引讀者的技倆). 書中說到, 人類的肢體動作 - 不是面部表情 - 能直接地流露著人的心理境況. 這是很對的. 美斯入球時, 大家會擁在一起, 互相祝賀; 而當球隊已經輸到仆街, 球員破蛋後, 是沒有人跳起的... 保特完成 4x100, 是舉手慶祝, 其實, 興奮的觀眾也在舉手歡呼. 小時候 - 即我們情感最真誠的時候 - 爸媽來接我們放學, 我們總是向他們飛撲去的.

有興趣留意肢體動作的, 買那本 FBI 前, 可以一看作者 Joe Navarro 的 youtube 影片. 看一次條片, 其實已經睇完本書...

我要介紹的, 應該不是什么 FBI, CIA, KGB, IMF, MSN...

--------------

一次眾會, 有女生說不要讓你不喜歡的男生擁著你 三十秒 或以上. 據說, 有醫學報告 (還是神棍?) 說, 只要你讓那男生擁著你 - 哪怕是平排坐著, 單手搭著你膊頭那種, 還是正面擁著你那種 - 三十秒, 你腦下垂會產生一種分泌物 (在男生身體中的叫精液, 或腎上線素).

即使你再討厭那人, 那種分泌物還是會令你喜歡上這個男生.

一切的謎底已經解開!!!! 唔怪之得我睇個d 戲, 個女主角開頭總係叫 "唔好, 停", 一陣就變為講 "唔好停", 一副欲推還迎既樣子拉...

你會問, 為什么會有人不喜歡那人, 但又會給他擁著三十秒?

我點知? 我夠唔知點解我想普選特首, 但又無投票權. 總之, 如果你係一個咸濕仔, 想溝樓下商場條女, 唔使諗咧, 一樣叫攬撚住人 三十秒, 到時你想點就點咧 - 大前提當然係, 個陣商場無人, 你攬住佢佢又唔反抗, 之後又唔告你...

其實, 連袋鼠媽媽都會放仔仔係自己個 Gucci 袋度, 擁抱住佢... 說真的, 一個擁抱比起什么也來得窩心.

但一個 Gucci 比什么也來得開心.

--------------

偏偏我們從來不擁抱最親最愛的人. 我問很多人, 他們上一次擁抱父母, 或其他親人是何時. 大家對到我的問題, 都露出看見 UFO 般的眼神, 像是說 : 邊有人會無端端攬住老頭老母?

沒有.

是的. 連我已記不起上次擁著老媽是何時 - 儘管我記得, 到目前為止從來沒有正面擁抱過老爸. 大家對這些原始但有效的表達方式, 早已忘記得一乾二淨了.

--------------

前陣子, 在友人的面書, 發現他是某個 邪教組織 活動的成員.

這個活動, 叫 "Free Hugs".

我朋友就是戴口罩的那個童軍.

不錯, 是免費擁抱. 不用加錢送, 真的是 免費的.

問友人是不是那個什么 36F 的免費抱抱.... 他說不是... 再問究竟是甚么的一回事. 他說他也不清楚, 只是搞手起行時, 會叫他參與... 說穿了, 呢條仆街分明就是乘機向旺角尖沙咀同銅鑼灣的妙齡少女抽水...

再問, 才知這個免費抱抱, 是這個由澳洲人Juan Mann於06年發起的愛心行動. 活動輾轉下搭飛機黎左香港, 搞下搞下有幾條友就開始係不同地區搞 "免費抱抱"...

問友人為什么參加. 他說 :

當然, 也不是次次搞 free hug 都有正能量. 友人曾被人當街說是痴線; 有途人說 "寧願攬個靚仔d". 更常見是把 free hug 當作是懲罰, 朋輩間猜輸了要去 hug 一下.

若熱情的擁抱也是痴線, 那么政府推出的政改也是民主向前走的一大步.

再問為什么相片的人, 擁抱時那么生硬, 二人相擁時膊頭隔成條彌敦道. 友人說多數人比較怕羞. 老人家, 外國人較熱情, 也擁得較緊. 很好. 擁抱是應該抱得緊一點. 兒童怕羞, 父母多鼓勵一下, 多數也不怕.

與陌生人擁抱, 你會難堪; 與親人擁抱, 你又覺得老土. 我們一生就係呢d 做又死唔做又死既情況下做人. 射左先算拉, 師兄!!! 我想, 如果你連陌生人都敢擁抱, 與爸媽擁抱, 應該不是件難事.

情人做錯了, 發脾氣前, 停一停. 別說, 走過去擁抱她.

這可代替千言萬語.

下次在街頭見到 "Free Hugs", 行過去 打柒班抽水撚 擁一個緊緊的抱吧.

不要懷疑人家有什么居心, 又要揀個男揀個女攬咧. 害你的人是沒有樣睇的. 你要攬女, 俾幾舊水去東莞拉.

他們, 只是想你記起愛.

延伸閱讀

Free Hugs 的 blog

btw, 唔記點解諗起 at 17 陳年歌曲一首...