<生活 . 鳩o翕 14>

因為技術問題 - 即係一d 我唔知點解既野 - 今期既 生活 . 鳩o翕 系列 遲左登出 (懶就懶咧屌你~~)

(1) 米高 . 積遜

每次我見到呢d 搖搖欲墜既易抽架, 我都諗起佢既 moon walk 同 向前傾 45 度...

講起易拉架, 早兩日有網友 (例如 1號候選人, 2號候選人) 對於 魔術先生/ 街頭表演者 俾差佬票控抱不平.

係香港, 人類 不嬲都及唔上 死物 同 寵物. 有乜咁出奇? 寵物係街邊屙屎, 執返起就得 - 唔執既都大有人在; 你女友係街瀨屎你會唔會幫佢抹? 你走都走唔切, 即刻 reject 佢個 call, 係面書整走佢拉. 仲有人話會幫隻狗打飛機... 一排易拉架係旺角好似排隊買樓咁, 差佬都冇你符. 乜春都可以上市 - 包括其實得個殼既科網股, 但你有冇見過 人類 係香港上市? 無!

歌仔都有得你唱, 做隻貓做隻狗不做情人...

(屌, 同d 易拉架有乜關係?)

(2) o靚模

留意 : 下午四時前, 保證足 60 分鐘.

Read : 下午四時後, 保證唔足 60 分鐘.

講開又講, 近排見到張夜總會海報話早上 1030 開始營業. 唔知以為佢開酒樓. 你入到去, 大概只會見到阿嬸返工. 邊有女 晨早十點幾返工? 訓都未訓拉屌你.

(3) o拿...

話左細菌撈面平時好鬼死多人.

連放一包包食物既櫃窗都見唔到.

跟住你發覺食既人, 多數都係上左年紀...

(4) 劉小慧

印象中第一個無除過衫, 自己又鍾意既女名星, 叫劉小慧.

佢個朵叫 "學生情人". 好娘. 但我覺得佢好正. 佢個隻成個背囊咁大, 送個張海報成度門咁大, 同埋唔知係買碟定買寫真既 "寂寞都有罪", 我真係放學衝落去白購買.

傳說 佢 + 湯寶如 + 黎瑞恩, 叫 木葉三忍 寶麗金三朵花. 另外兩個, 根本唔係劉小慧個皮 : 一個短頭髮, 條眉粗到似男人, 另一個肥到似隻豬. By the way, 當年寶麗金, 仲有兩個女歌手, 一個叫周慧敏, 一個叫王馨平.

一直好鍾意劉小慧...

直到小澤圓出現... 佢真係好似劉小慧. 如果吉澤明步 80% 似鄧明步, 咁小澤圓 120% 似劉小慧. 比戶愚呂弟 更加 戶愚呂弟.

不同的是, 小澤圓會對住我除衫...

跟住我就跟隨會除衫既劉小慧. 無再理唔識除衫 (或者唔係我面前除) 個個劉小慧. 佢個隻 "寂寞都有罪", 就好似黃豆咁撚大粒, 擺撚左返黎最後都係要掉...

你可以想像對住小澤圓發射左幾多次. 攻呀攻快搶攻, 射呀射射她吧~~ 上年執屋, 還找到小澤圓的片子 - 還要是 VCD 的. 可惜現在找不到了...

跟住有日經過 HSBC, 見到老練咁大張劉小慧 :

No, no, no. 佢只係拍平面廣告的模特兒.

(5) 死不悔改

我懷疑管理處睇過上個月個 post, 然後返去改左.

都係零分...

(6) 要求

香港已經墮落到地獄既底部.

請人的要求 : 守時, 有禮

諗諗這是怎樣的一個老闆 : 他/ 她已經不要求你什么學歷, 勤奮. 只希望你返工, 準 . 時 . 返 . 工. 也只希望你有禮貌. 點解呀? 因為佢想d 客可以準時食到下午茶 law~ 之不過, 返工準時 同 有禮, 唔係同眼耳口鼻一樣, 係做人基本要求咩?

看老闆要特意寫要求為 準時 同 有禮, 我估計呢兩樣野已經同你女友有 36D 又係處女, 一個人又勤力又聰明一樣, 成為左人類既三大自然遺產, 所 . 剩 . 無 . 幾. 除非係歷史書, 你已經再唔到呢d 人嫁咧.

我常以為地球也是圍繞自己來轉的 - 這是有意識的自我中心; 時下的年青人, 他們不會自以為自己是地球, 甚至乎是銀河系的中心 - 但他們的行為正顯示有這種心態 - 這是無意識的自我中心. 就好像內地自由含來到香港, 不排隊, 不是他們故意不排隊, 而是他們腦海中根本沒有排隊這一個概念. 類似的例子還有香港人堂食老麥不自動收拾, 在公共交通工具上大聲講電話.

SH 最近分享一個故事 : 公司有年青人初到貴境. 這是年青人第一份工作. 大概是怕醜, 或是其他原因, 年青人早上見到同事, 很少打招呼; 不多與年紀同近的人交談; 面上也很少掛笑客. 一陣子後, SH 發覺年青人與其上司與同事, 關係麻麻. 於是好言相勸...

"XX, 我覺得初到一個地方工作... 有些事情要先辦好. 例如與同事之間的關係. 個人也要表示出謙虛和好學. 一些說話, 例如 : 當然, 梗係拉, 盡度唔好講."

下刪一千字. SH 重覆又重覆, 只是希望年青人態度看上去好一點. 這只是 "看上去", 也不敢說是真心希望態度好...

說到最後, 年青人說...

"梗係拉. 呢D 態度咁差既野, 我當然唔會做."

OK!!!! you win.

我不認為這是單獨事件. 大學時, JC 就有個 hypothesis : 那有工人照顧的那一代, 他們成長時, 賓妹是他們的工人, 爸媽也是他們的工人, 他們可以指揮世界, 以為長大後也可以決定宇宙.

至於年青人是如何寵壞的? 告訴你一個真人真事.

-----------------

多年前, 親戚出席一個喜宴, 同桌的有一對母女. 女的十三四歲, 身形如 魯芬 x 2. 還沒有開席, 女兒已一口氣喝掉兩瓶可樂. 她向其母說, 還想喝多一瓶.

"哎呀, 女, 你已經飲左兩支. 你咁落去唔得嫁." 母親大概是擔心女兒的身形, 有點勞氣地說.

女兒坐在一旁, 一臉委屈, 不語.

眾人也以為故事告一段落, 豈料出現周星馳的士倒後式既場面...

"伙記, 唔該俾支可樂佢."

是的, 那個女兒, 叫鄭欣宜.

----------------

如果你問, 讀了這么多年經濟有什么得著, 我會答除了懂得如何在最短的時間輸掉最多的金錢, 就只有 "incentive matters".

行動比起齋o翕來得實際, 具效用. 反正太多人 (例如民主黨) 都屬於 "講就兇狠, 做就碌撚". 一邊叫你唔好飲汽水, 一邊幫你叫汽水, 呢世個女都會繼續飲. 情況如日本動作片女星, 那邊廂叫 "唔好; 停", 另邊廂含吹舐啜. "唔好; 停" 自然變左 "唔好停".

再舉一例. 當年美國英國接近以無條件拯救各大金融機構, 救完叫佢地唔好再亂投資再亂拱摃亂坐盤, 結果? 2009 年美國主要金融機構利潤的來源, 都是來自 securities trading. 好了, 最近奧巴馬好像發現新大陸, 知道 齌屌唔咀 齌o翕唔砌根本唔 work.

----------------

近月先後在交通工具上遇到慈母多敗兒的場面 :

----------------

我睇怕如果上面個老闆再請唔到人, 佢又唔能夠寫 "有手, 有腳" - 恐怕平機會會告佢; 睇怕佢只能夠要求 :

(7) Sexiest woman of the world

實情係, 呢張係 灣仔 188 既海報, 周秀娜對波有成個人咁高...

留意個紙皮箱既位置, 還面仲有清潔用既報紙 (無紙巾你用手指抿屎都會呀). 明顯係用黎俾路過既男人放底d 白色汁落去...

耶~~ 你有陰毛既...

-----

(8) 寫生

我諗左幾日.

其實, 佢畫既畫 同 佢對住畫既背景, 一d 關係都冇. 彩虹係邊? 人頭係邊? 乜春都冇.

點解仲要出黎畫?

a. 樓價太高, 屋企太細.
b. 畫畫為名, 溝女/ 溝仔為實 (妖, 早年都有人借遊行溝女拉)
c. 佢地係度賣緊畫
d. 只有係露天既地方, 佢地先可以一日廿四小時畫畫 (你睇下佢仲有幾多個圓圈未加個像上去...)
e. 以上全對

<Happy Birthday>

Happy birthday to you
Happy birthday to you~~

Happy birthday to you~~

(好野~~~)

<你怕什么?>

去投票是重要的 - 即使你不相信公投, 不支持普選. 去投反對, 去投白票. 不要一副 "I don't fucking care" 的樣子.

相信自己, 相信自己的一票.

5 月 16 日. 記住投票.

<啟示 啟事>

因為技術問題 - 即係一d 我唔知乜野既野 - 今期既 生活 . 鳩o翕 系列 將會遲 d 登出

(懶就懶咧屌你~~)

(你老母你連寫幾隻字都俾讀者發現錯別字, 你仲有良心既咩?)

(你上次認認真真寫篇似樣既文, 係幾時既事?)

(喂~~ 屎呀喂~~~)

獻給某位大哥

(謝 tommy)

<誠意推介 6>

呢個系列, 一別三數月. 今次要認真地推介一些好東西.

扣除 不必要既支出 訓覺個八個鐘, 我平均一日上網廿三四個鐘. 大部份係所謂工作需要, 更大部份唔係工作需要. 有時候, 要搵d 高質素既網站黎打發時間, 唔好淨係鳩睇股票, 不容易, 不容易 (阿叔自我點頭中...)

今次我要推介既三個網站, 網站既非以香港作根基, 作者亦唔係香港人. 無推介香港出品 - 高登吹水台 - 係因為我唔推介, 大部份人自己都會睇. 推介d 原本你都知, 你都去既野, 咁同推介松島楓/ 蒼井空/ 明日花有乜分別? 咪又係多舊魚, 仲要係多左幾舊魚.

推介呢d 野, 好講平衡. 我同好多人講起過, 你搵到間好既食肆, 平靚正, 最希望既笨唔係買忽周送既飲食男女走去報導, 然後排隊排到仆街; 拎到米芝蓮一星之後, 添好運門口已經出現長過紅隧車龍既蛇餅; 若然上左 openrice (真正個個, 唔係教你細佬開飯個個 上樓版 openrice) 第一名 - 例如時新快餐 - 公眾假期你連 車尾燈 門口都見唔到呀, 陰公.

你最想見到, 係間食店一直有生意, 有識欣賞既人 (例如你自己), 唔使排隊, 亦可以吊住條命, 唔好執笠.

倒轉來說, 好多食店一出名, 多人幫襯 (或者做老襯), 食物水準就好似特首民望咁插水式下瀉. 本身已經無服務既, 更加屌鳩你老母.

我所知既真人真事, 莫過於出晒名唔願做, 唔願招呼, 開舖黎似係接濟你班飢民既狗記牛腩. 話說, 狗記牛腩最串既事, 就係食飯時間 (好似係晚上七點到八點半), 佢關門唔做生意. 名為清潔, 實為唔想食飯時間做到屌晒西. 當然, 狗記係農曆新年既時候, 休息休到正月三十, 亦令人哭笑不得. 幾年前的某一陣子, 阿貓阿狗都訪門狗記, 令佢地既態度更加肆無忌憚. 一次舊室友去狗記食飯, 食完時大概六點八, 距離班友落閘放狗都仲有四個字... 就係室友用牙籤挑牙之際, 有個伙記走埋去室友度, 然後望住佢講 :

然後示意室友埋單走人.

呢d 真係經典...

所以有好多人覺得香港迪士尼好好玩, 因為佢有水準, 唔多人, 但又唔會執. 對於d 有 annual pass 既人, 更加可能去得密過返屋企...

好旺場既地方, 我真係怕人多唔去. 根據呢個邏輯 (其實無乜可言), 我對於高官/ 傳統傳媒的新奇大發現, 特別係所謂新潮用語或者社會現象, 皆嗤之以鼻.

所以呢度無用過半次 "80 後". 唔再寫港女中女. 我是有底線, 有陰毛, 有堅持的.

又離題萬丈. 下面個三個網站既作者, 文章水平一直保持在高水平; 佢地係各自所屬既範疇, 皆可稱之為達人. 儘管興趣有點偏, 但好此道者 (好多男讀者會一野 click 去第三個睇), 一定有相逢恨晚之感覺.

1. Ace0824 動漫網 (巴哈姆特)

年過廿五的電玩人士, 多有聽過巴哈姆特這網站 - 巴哈是最早出現在網絡上的華語遊戲網站. 至於 Ace0824 的動漫網, 主要是講香港日本漫畫的. 這傢伙也真厲害, 幾乎什么漫畫也看過. 好些冷門到沒有聽過的, 他也看過整套, 然後寫低評語. 例如他把日本出名的料理漫畫看完, 然後寫下 [達人專欄 : 料理漫畫]. 其實, 他寫的文章多圍繞港漫, 對港漫也有很深的認識 (有關文章) - 完全看不出他只是廿歲出頭的後生仔.

艾斯 (Ace) 的厲害之處, 在於他差不多每天也有一篇新的文章, 文章質素又能夠維持在高水平 - 這也是他部落格的賣點 (只可惜要登記巴哈, 要台灣身份證號碼). 這是非常難得的, 畢竟他已寫了六七百篇. 而 艾斯 在本地討論網 uwants, discuss 的港漫版面, 會貼上自己對最新一期龍虎門的評語.

講起龍虎門, 網主其中一個達人系列, 就是介紹龍虎門的人物 - 順帶一提, 由於編劇太不知所謂, 令人物性格變異, 新著龍虎門中, 王小虎及石黑龍是代表邪惡的一方, 而火雲邪神白蓮教主等, 才是正義的朋友 : 王小虎等人的確無惡不作, 以多欺少, 不孝, 插眼, 郁下喊打喊殺. 最風趣還是王小龍利用外父的功力, 把外父殺了 (對, 那雨個 "外父" 是同一人) - 這簡直不是人的行為; 而過了三數期, 他老婆 (玉兒) 居然可以繼續和王小龍這殺父仇人走在一起... (見有關人物介紹); 而書中所謂的惡人, 實際上沒有做過什么壞事... 只不過是旁白一直說他們是壞人...

推介文章 :

2. Bill Simmons' The Sports Guy (Espn Page 2 columnist)

從2005 年開始, 一直在 espn 的 nba page 2 網頁 追看一個專欄. 作者叫 Bill Simmons. 他是唯一一個在 page 2 有個人專頁的作者. 他對美國各個年紀各樣體育都有深切的認識, 特別喜愛寫 NFL, NHL, 但我只看他寫 nba.

他寫體育時, 會插入許多時事與名人話題. 非常非常好笑. 他零五至零七年的 nba 文章, 我看了又看了又看. 最令我印象深刻的是, Simmons 在今年 nba 開季之前, 一口氣寫出了 洛杉磯快艇 (不是高比拜仁那隊湖人) 選拔新秀的歷史, 來說明今年新秀 狀元 Blake Griffin 即將面對的情況 : 過去 33 年, 快艇隊像給人下咀咒, 每次選到新人, 都會 fucked up everything...不是受傷, 就是有病. 但同一球員, 離開快艇後就如獲新生... 結論是 : 離開快艇 - 值得一提是, Simmons 是快艇隊的忠實擁躉, 多年來一直購買快艇隊的 season ticket...

文章出街後不久, Griffin 就在熱身賽受傷, 未為球隊真正上陣一場...

大概是去年十二月, Bill Simmons 在其專欄登了兩篇文章. 記得在吃午飯, 見到文章就連飯也不吃, 一直在看 : 是 Bill Simmons 與 Malcolm Gladwell 的電郵對話, 談及 nba 各樣的事情. 這幾乎是一部論文 : 第一部份, 第二部份. Malcolm Gladwell, 就是 Outlier, Blink 同 Tipping Point (有關 entry) 的作者 - 近年炙手可熱的作者, 幾本書都好看, 在各地方也賣得不錯. 你走過 Page One, 他那本 What the dogs saw (他在紐約時報的文章集結), 就在好賣10 本書上.

其實, 這已經是二人第三次合作寫電郵論文了. 第一次在 2006 年 (part 1, part 2); 第二次在 2009 年 5 月 (連結). 可是二人合作寫的東西, 反而沒有分開那樣好 (後面個句好似係歌詞). 不過, 既然都喜歡兩個作者, 這些文章總是爬了又爬.

推介文章 :

3. 一劍浣春秋 的 AV 部落格

放心, 雖然係講 日本動作片, 但完全是資訊性, 不淫不賤, 也沒有種播放. 文章也分好了類, 而圖片也打了格仔, 是大格, 粗格仔, 不是那些薄到像明將壽司三文魚的所謂格仔... 能夠將這樣淫賤的東西, 寫得這么專業, 真係差佬捉到你都鋤你唔入... 女性讀者可入去了解一下為什么男人這么喜歡看 AV. 說不定你發現原來 AV 都好好睇...

男讀者只要看過一點點 AV 的 (當然大部份的閱歷以十年計, 而看過的片子比起看過的書, 數目還要多三千倍), 就知道這位仁兄真的很厲害... 一個人可以寫這么多 AV, 我可以肯定他與影視處那些評級員一樣, 是不舉的. 這可有點像發條橙的味道.

更厲害的是, 他老婆 (有老婆己是奇怪), 老婆也知道他寫這個 - 屌那星, 好多人既女友知道自己男友睇 AV, 會將聲線提高八度, 然後高呼 "耶~~ 好污糟呀", 跟手唔睬對方一個月...而一劍的老婆 "接受" 了, 部份原因是由於部落格是有相當的廣告收入, 能夠將興趣與工作結合, 真的很厲害... 若有日你老公同你講, 其實佢係肥龍, 或者骨精強, 你睇下你反唔反台... (以上次料是來自 一劍曾接受陶子的訪問 - 還是見樣的!!)

若然 NIKE 兄也這樣出來, 我真的支持你選特首呀!!! 你肯講句五區公投成功, 大放種七天, 大把男性選民投贊成票拉... 有冇女選民投票, 就當然係另一回事...

推介文章 :

<生活 . 鳩o翕 13 + 誠意推介 5>

你們應該明白為什么我老是要去取材了...

當然是因為 OT!!

(今天是愚人節, 放鬆一點吧...


叫左你唔好打面拉~ 嘩, 屌你, 仲黎~~)

延申閱讀

十分鐘的內輪佐助

[作者取材, 更重要係搵緊材取, 到而家仍毫無頭緒. 未知復刊日.]

<不到...>

一九九八年, 中六下學期.

單身. 初戀仍會找我, 一起搭地鐵返學. 我唔明點解只不過係一齊搭一個站, 佢會夾硬搵埋我一齊係太子上車 - 佢由荃灣出發, 我由尖沙咀出發, 終點係石硤尾. 好了, 她是那種午飯時一個人單獨吃飯, 會突然怕孤獨至窒息死那種人. 若然叫她一個人去旅行, 和派她著住一件底衫去西伯利亞充軍根本無分別.

懷緬初戀男人既比例大過女人. 如果要具體講乜野叫 "懷緬", 我會講 : 如果你初戀而家搵你, 話想同你一齊返, 答應既男人, 會比女人多. 年來, 我只見過男人與初戀女友走回一起; 女的, 沒有半個.

要承認的是, 當年對初戀仍念念不忘. 重申, 有 "當年" 二字. 今天初戀已經結了婚.

那時天真的我, 以為可能與初戀復合. 這裏要交代三點.

清楚記得, 為左決定向唔向初戀表白, 曾求教於當年的好友阿傑 (天呀!! 終於有一個人名係呢個西出現!!!). 整整坐左係廁所一個鐘頭 - 那是老媽家唯一擁有私隱的地方 - 不斷向聽筒另一邊的阿傑講述形勢.

他將論點說出, 得到的結論是 : 無謂講.

我不同意這觀點 - 這點輸打贏要和政府現在做咨詢有點相似, 然後再咕嚕咕嚕一輪. 阿傑聽得有點不耐煩, 說了一句我畢生受用的說話 :

突然好像醒了一樣.

真的. 眉心中間真的好叮了一下, 像給黑豹中的長空使出眉心一指刺中. 突然間, 看到蘋果掉下時燈泡在牛頓腦海閃亮的一刻.

醒還醒, 收左線之後, 我最終都係打左俾初戀表白 (咁究竟醒左去邊?). 得到斷然的拒絕. 她說 : 我唔想拍拖.

當時反而得到一種解脫 : 可以心死了.

多年後才明白, 她當時那句話, 其實是 :

因為, 年來許多人向我說過這句話, 也對人說過.

即使明白了, 多年來我一次又一次再到黃河遊覽. 我痛恨自己, 沒有其他人比我更痛恨我. 

-------------------------------


人類, 全部姓賴. 大陸佬賴英國佬臨走係香港埋下炸彈; 地球暖化發達國家賴發展中國家, 發展中國家賴發達國家; 我地賴董建華, 曾蔭權賴車公. 不相信婚姻, 有理由相信與老媽一家有關 (有意識時外公已出走; 大姨媽與老媽在我成長時期逐一離婚). 這不是好影響還是壞影響的問題, 只是, 她們的而且確地影響了我. So let it be.

漸漸發現人類社會什么也有進步 : 電腦會越造越平, 學術思想有進步, 經濟政治自由度有改善, 我們也由猿人進化到今天. 但成為人類後, 惟獨對情感的處理, 愛情的控制, 沒有半點進步. 反而搞得越來越複雜. 拉個平均, 幾千年過去, 我們仍處於一條橫線上 :  我們還不是為左逗女友開心而峰火戲諸候 瘋癲買玫瑰? 為左條女而出賣朋友 打開山海關? 朋友妻, 從來都是咪走雞.

為什么?

其中一個重要原因, 是愛情沒有普遍性可言. 就算個人認為極具普遍性的港男港女現象, 也不過是屬於少數. 你不見每年身邊總有許多人拍拖結婚生仔嗎? 每次戀愛也是度身頂造, 沒有完全一樣的伴侶.

所謂的分工, 最主要的精神是 "practice makes perfect". 拍拖是沒有這回事的 : 這次拍拖的經驗, 可以帶去下次的, 少之有少. 我是說拍拖的經驗, 不是性經驗. 所以我只見過溝女能手 - 畢竟泡女是條熟能生巧, 頗機械式的事情 (看看把妹達人系列在全球熱賣就是了); 但我沒有見過半個拍拖能手. 大家每次拍拖, 總得重新適應對方的生活習慣, 飲食喜愛, 小動作, 口頭禪, 大脾氣. 不能避免, 過去的經驗能幫兩三成, 已算萬幸 - 那兩三成, 大概是能令你不會在短時間內得罪對方致分手.

每個案件不同, 沒有 practices makes perfect, 沒有經驗值可以傳受. 於是每次都覺得自己是個例外 : 即使她是情場鬼見愁, 仍誤信自己可以成為她最後一個男人; 以為他會為自己放棄正印. 深信一心一意對她, 最後她必放下無謂的想法與自尊, 同樣地深愛著我. 任憑再多老友的苦勸, 紅顏的提點, 鐵鍊的鎖住, 你仍會去.

數一數吧, 身邊有多少朋友年中為這些事傷心? 愛上花心男, 女友人愛上有家室的, 男生愛上貪玩的女生, 女要求的生活男的根本給不了, 大家的生活觀完全談不攏.

何苦要這么犯賤? 為何我們總說不論男女, 不壞的沒有人愛?

你深信, 自己是例外的, 特別的. 所有人, 包括你以前的經驗, 都與你自己無關. 這次是例外的.

這註定失敗. 要證明自己是他的最後一個, 必先要等到他死, 才算成功. 當然, 若你較早過身, 而那時候他仍在你身邊, 你也算成功. 對, 你是例外的, 特別的蠢. 死蠢到以為自己是個例外.

不感受過, 無法領會. 不領會過, 不到黃河心不死.

只是領會過後, 無法回頭.

轉個頭, 你又會唔記得晒. 繼續去黃河.

-------------------------------

還記得長篇人物 CL 嘛? 那個被男朋友在澳洲逗得歡天喜地, 但不久後就分了手的女生.

與澳洲人分手後, CL 在自己公司認識了新男朋友. 不久後又分手.

對, 多月後, 她對澳洲人仍念念不忘. 這不是奇怪的事.

好了, 見對方也有復合意思, CL 又想將頭裁進去. 眾人勸她不要回去, 提出一千一萬合理原因.

不聽, 或是聽了但感情徹底擊倒理智. 終於回去了她身邊.

不久後, 又在婚姻上的看法有分歧而分了手.

這是最後一次了. 終於.

<生活 . 鳩o翕 12>

嘩! 竟然一年間都無脫過期. 呢個系列, 值得我係廟街擺三圍賀一賀佢.

(1) 浪漫風暴

周星馳的食神, 我睇過起碼三十次. 是 . 認 . 真 . 的. 尤其是開首那一段 (由比賽到歐錦棠黑麻麻講野), 我有段時間真係識背. 每一個細節我都計算埋架! 嘿嘿. 食神, 你無話可說咧嘛!!

記憶中睇得第二多既, 並唔係日本動作片. 個 d 片, 你唔會重溫又重溫某一套, 甚至乎你能唔能夠完整睇完一次都成問題. 佢地大多數同你高考既中史一樣, 用完就放埋一邊. 其實我第二睇得多, 係蝙蝠俠 黑夜之神. 係戲院睇三次, 買 DVD 又睇左幾次. Why so serious?

第三, 應該係無乜人識既浪漫風暴. 唔係王靖雯 王菲個首歌, 而由郭富城, 李若彤 主演既一套電影, 仲有當年係新人既唐文龍, 1996 上畫.

係戲院睇過一次, 然後買 VCD, 前前後後買左三四次.

我唔識講, 但真係好鍾意呢套戲. 即使係悲劇, 套戲都唔會太渲染悲傷既氣氛. 套戲既拍攝背景, 係中上環一帶 (石板街, 中區警署等) - 我想, 到後來搬進石板街附近, 這套戲也有一點影響. 戲中的音樂非常非常好聽, 特別係一段多次出現既音樂, 好好聽 (這裏的 2:14 至 2:44).

有空的話, 按前面的連結把電影看一遍. 我寫這篇文時, 又在 youtube 看一次. 最後才發覺出完字幕後, 會有一段結尾... 看了多次也沒有留意...

講左咁耐, 我想講, 每次睇拳, 我都諗起呢套戲. 皆因郭富城係套戲度, 係拳手.

同埋, 浪漫風暴打拳個一部份, 一d 都唔好睇, 根本係亂黎. 

仲有, 我唱首主題曲 <敬啟者之愛是全奉獻>, 好似郭富城.

自瀆完畢.

(下圖 : 重點係左方)

下? 上面兩張相做乜? 我都唔知喎.

(2) 唐老鴨

(3) 昆柒你

喂~~ 唔買都黎睇下拉喂~~

喂~ 但其實乜撚都無得睇呀喂~~~

定係呢d 係高層次既視覺藝術 (aka 國王的新衣 2010 藝術感觀版)?

(4) 令人髮指的英文

"Management office reminds all residents of the danger of objects and rubbish are thrown to the 2/F roof of the building, which could have ignore civism and caused a serious accident . Please be careful in this respect that should never be done in a high-rising building.

Inconvenience caused is greatly regretted."

一句兩個動詞, 標點放錯位, spacing 有問題, 倉頡造英文字, 中文句字扮英文 (好似蟹柳扮晒蟹?), 真係黃大仙咁, 要乜有乜. 寫個條友想講乜?

其實, 連個標題都夠無厘頭

另一張:

"The HDTV-System has been installed in the building. You must have the receiver or equipment to receive the signal of HDTV-System if you watch the HD program. If you have any problem of the HDTV system, you can notice our management office; we will follow up this case"

第一句完全無錯. 加 10 分.

You must have the receiver or equipment to receive the signal of HDTV-System if you watch the HD program.

究竟係邊一個門派既英文 同 邏輯? 好奇怪的一句句子.

真係要問蕭蛇.

望到呢d 英文, 真係哭笑不得. 回歸十數年, 香港最融合到內地既野, 並唔係乜野經濟高鐵大珠三角邪骨, 而係英語水平.

-----------------

雖然我英文唔好, 但一d 明顯既文法錯誤, 好多能夠避免. 但上面呢d, 根本唔可以叫做英文. 佢究竟係咪搵 google 翻譯譯?

好咧, 我將段中文打左一次 (世間竟有如此無聊之人!! 你睇到呢度, 夠無聊拉). 屌, 打一次先知佢 "業主" 打左 "業戶", 高清 漏左個 "高"; 不過我都錯字多, 放佢一馬. 我拎去左 google 翻譯

"The House has completed the installation of high-definition TV reception system. To watch high-definition programming must be able to receive HD signals of TV or equipment. And if the customers could not watch the Qing industry programs or other antenna on the issue. Please notify the Management Office. Management Office will arrange notify the contractor to follow up"

大佬呀! 真係搵機器譯好過.

-----------------

此事又令我記起一件爆笑事件. 話說早年, 友人 WL 失業, 發了多份履歷也沒有回聲. 一女友人著他發一份履歷給她, 好讓她發給有關相熟的人.

女的一打開... 呆了...
.
.
.
.
.
.
.
.

那份履歷表, 是處於 edit mode 狀態的...

即是話, 友人不斷在履歷表上將申請的公司名字 刪去 更新 刪去 更新, 對方一打開便看到... 只是友人沒有打開 edit mode (或是其他原因), 一直不知道這點.

問題解決後, 友人很快便找到工作了.

所以快畢業的後生仔, 快去 download.com 下載這個 PrimoPDF 吧. 將履歷製成 pdf, 便可以避免此等幼稚園式錯誤了... 天造之材, 走進迷陣...無邊遺憾...

(5) 霸氣縱橫

左圖 : 個地盤橫跨成條行人路. 佢叫你唔好行近, 即係叫你死出馬路去

右圖 : 個地盤已經等同成條行人路. 佢叫你唔好行近, 即係叫你返屋企, 唔好出街.

(6) 利是

收到一些認識超過十五年朋友的利是, 感覺很奇怪.

明明尋日才在圖書館認識他.

明明前日在籃球場同佢打過打交籃球.

明明上星期係佢屋企飲紅酒飲到嘔血.

逐個逐個派利是.

奇怪還奇怪, 利是下年都係要繼續俾.

今年經濟好好 : 一封 $10 都收唔到; 碌野仲成呎長 利是仲成吋厚.

1997 年, 我試過收到六七千利是. 當時僅僅夠買一呎嘉湖山莊.

2010 年, 收到四千幾銀, 連將軍澳地皮, 都唔夠買一呎...

北角官立小學利是封... 點解官立小學有利是封? 審計處仲唔做野?

哈根 . 達斯 利是.

(7) 亂黎

(8) 等... 寂寞到夜深...

原來, 曾幾何時排到仆街既板前, 已經唔使再排.

屌, 佢開到好似 7-11 咁密, 仲要排? (下圖呢間係世貿, 後面東角驛就有同系既板長)

之不過, 人龍去左隔離既發記...

等等等, 寂寞又親親親. 在懷內意內不必太認真~~~

但時代廣場都有一間發記, 何必苦等呢, 施主!

---------------

延伸閱讀 - 姊妹系列

1. 有圖 . 有真相

2. 哇哇 . 看天下