<孟子 . 公孫丑 上>
由是觀之，無惻隱之心非人也，無羞惡之心非人也， 無辭讓之心非人也，無是非之心非人也。惻隱之心，仁之端也；羞惡之心，義之端也；辭讓之心，禮之端也；是非之心，智之端也。人之有是四端也，猶其有四體 也。有是四端而自謂不能者，自賊者也；謂其君不能者，賊其君者也。
凡有四端於我者，知皆擴而充之矣，若火之始然、泉之始達。茍能充之，足以保四海；茍不充 之，不足以事父母。」
有時候, 我們做些事, 不是為了錢, 不是為了權, 不是為了勢; 只是覺得那事是對的. 不去做, 自己可能會萬分後悔.
不是錢權勢不重要, 而是公義及道理更重要.
一月八日, 立法會見.
<Important!>
不論你是否支持高鐵, 對香港是否仍有希望, 請花點時間看完以下文章.
(由於寫得好急, 肯定好多錯字, 同埋表達得唔好既地方. 歡迎賜教)
我敢肯定政府的評估是錯.
大家轉載吧...
---
<廣深高速鐵路的經濟效益推算>
在運輸及房屋局交給立法會工務小組及財委會的文件, 皆有不少篇幅講及高鐵的經濟效益及乘客量預測 (立會相關文件的第四至七頁; http://www.legco.gov.hk/yr09-10/chinese/fc/pwsc/papers/p09-68c.pdf).
大致來說, 當局認為高鐵的經濟效益, 有以下三方面 :
(b) 直接、間接及衍生得益－ 鐵路營運者及其主要系統及服務供應商的增值及其增聘的僱員， 以及僱員的家庭開支； 以及
(c) 催化效益－ 促進旅遊、商貿、專業服務及其他行業。單靠追蹤乘客、鐵路營運者、其供應商及有關僱員的資金流向， 不能反映出這些附帶效益。
細閱當局的經濟效益論述, 以下令我非常困惑
第一 : 既可量化, 但又不可量化的經濟效益
什么叫 "一般來說"? 一般, 即是有明顯觀察得到的形態, 趨勢或比例, 再作比較, 才是說成是 "一般來說". 例如, 一般的香港男士都身高 1.70; 即大部份的男士, 在比例過後, 發現身高都在 1.70 左右. 但當局以什么項目來與高鐵作比較, 從而得知高鐵是屬於 "一般" 而非 "特殊"?
而既然有比較, 為什么不能從那些比較, 從而推算出 (b) 與 (c) 的量化經濟效益?
更重要的是, 既然是難以量度, 當局又何以得知 (b) 與 (c) 越比 (a) 高? 這是難以自圓其說的.
我認同當局所說, (b) 與 (c) 的實際經濟效益, 根本無從量度; 我也認同高鐵可為香港創造長遠的發展機會. 但我不認同的是, "明顯地" (套用當局的邏輯), 當局寫這段文字 ("一般來說... 條件"), 是寫出一些似是而非的事情來支持 "經濟效益" 很大這個先入為主的決定; 而不是知道興建高鐵後會帶來某些經濟活動, 再作出推算後, 得出經濟效益距大的結論.
以上舞文弄墨, 政府熟能生巧. 再者, 這些所謂收益, 虛無飄渺, 少說可以, 多談無謂.
第二 : 將乘客等同為香港的生產原素
(1) 什么是經濟效益?
當局在評估高鐵為香港帶來的可量化經濟效益, 作出頗為具體 (但不詳細, 也不代表正確) 的論述. 所謂可量化的乘客得益, 包括節省的時間成本及道路交通意外減少. 當局沒有交代何以計算後者, 但對前者就有論述, 即
--- 所慳的時間, 及時間值
簡單一點說, 乘客的直接得益, 就是以金錢去量化所節省的時間 (撇除估計因高鐵而所減少的道路交通意外不談).
(2) 為什么所節省時間的量化, 可以談得上是 "經濟效益" 呢?
這個評估最重要的假設是 : 所節省的時間, 可以用來幹一些有經濟效益的活動. 舉例來說, 若然一個香港商人, 以前回廣州談生意, 車程三小時; 起了高鐵後, 車程是一小時, 那么他節省了的兩小時, 可以讓他早點回香港, 做些其他事情.
這是很重要的. 以上的 "假設", 當中有很多地方, 有很多地方可以有爭議. 例如 :
--- 即使那人作經濟活動的效益是多少
這些我們都無從得知. 最簡單的假設, 就是計算一下, 一個平均工人一小時的薪金是多少, 然後當這便是每一小時的時間代價. 這可以很複雜, 但重點不在這裏.
(3) 重點是什么?
更重要的是, 若要計算高鐵為香港所帶來的經濟得益, 我們必須要頗為肯定 (不需要有十足把握), 那么所節省的時間, 一定是屬於香港生產力的人士 (工人, 商家, 勞工, 白領, 廠家, 外地勞工).
起一個機場, 我們不會天真地以為, 所有乘客所節省的時間, 都是香港的經濟效益. 作為一個跨境運輸網, 起高鐵和起機場的道理, 一模一樣. (你明白這點, 可以直接看 (5))
再舉例說 : 若有一個美國人, 以前是乘巴士經香港到廣州, 車程三小時; 有了高鐵後, 車程一小時. 節省的兩小時, 這人即使花在經濟活動上, 也一定不會計到香港的頭上. 這頂多是高鐵對世界, 及對美國的經濟效益; 但肯定不是對香港的效益.
不要說那美國人節省了的兩小時, 可能花在香港購物或其他活動. 那是屬於 (c) 催化效益. 和可量化的經濟效益 - 即所節省的時間價值 - 風馬牛不相及.
(4) 若不明白, 再說多一點.
根據香港統計署的本地生產總值報告, 對於本地生產總值是如下界定 :
香港人搭高鐵, 所節省的時間, 可以計入對本港的可量化經濟效益 (時間價值); 不屬於本港的勞工, 即所有沒有權在本港工作的人, 不屬於香港的生產單位, 所節省時間的經濟效益, 是對世界有利. 但絕對不能計算入對本港的經濟效益.
倒轉來說, 除非我們能肯定, 乘搭高鐵的, 都是能在香港工作的人, 否則所有乘客所節省時間的價值, 並不等於對香港的經濟效益. 若然以為所有乘客所節省時間的價值, 是等同對香港的經濟效益, 是完全高估. 那不過是高鐵對全世界的經濟效益.
香港本土的運輸系統 (例如港島南線), 還可以假設乘客 及 能在香港工作的人 (或屬本地生產力一部份) 兩者等同 (當然乘客當中可以扣除遊客). 但一涉及跨境運輪系統, 情況便十分複雜, 不可以再將兩者簡單地等同.
(5) 那么, 當局做這個分析時, 是否考慮到這點?
--- 根據文件的表一 (第五頁), 當局是用乘客數目, 而不是乘客中的香港人數目, 去估算可量化的經濟效量.
--- 那么乘客是否全數為香港人 (或能屬於香港生產力的人士)? 當局看似沒有在文章中交待. 但以當局一直強調無高鐵不行的態度來看, 乘客當中香港人 (即屬於香港生產力的人士) 與其他人, 應該各有千秋. 再者, 香港即使有一千萬人, 每年約有 3,650 萬人次乘搭高鐵 (99,000 x 365)? 這也太誇張了吧. (謝 smileooooooo 更請)
所以我肯定, 這個所謂量化評估, 所謂經濟效益及內部回報, 極其量只是高鐵對世界的經濟貢獻. 要說成是對香港經濟的效量, 簡直是天方夜譚.
(6) 有什么結論?
第一, 當局所評估高鐵對香港的經濟效益, 由於混淆了乘客與屬於香港生產力的人士, 肯定被高估. 文件中第四至第七頁, 只是一個錯誤地支持興建高鐵的評估. 可以不理.
第二, 當局提供那個, 不過是高鐵對世界的經濟效益.
第三, 鄭汝樺說遲一日起好高鐵, 香港損失五百萬, 是個高估的數字. 也可以不理. 那是世界的損失.
第四, 當局應該重新作出評估, 切實地估算高鐵對香港的可量化經濟效益. 否則, 香港人不知道原來自己是在做善事, 出錢興建一條對世界有利的鐵路.
<2009 年大事回顧 + 2010 繼續得個講字展望>
2006 年, 2007 年 (呢篇其實唔係黎既), 2008 年
2009 年, 我......
- 沒有在唐老鴨 75 歲生日時去日本; 有去六四晚會; 得到林嘉欣的簽名
- 決定離開工作崗位. 再放浪一年.
- 看了很多書. Black Swan (重看), Tipping Point, Blink, Outliers, 1Q84, 李天命...
- 開始兩個網誌, 一長, 一短. 長的那個, 仍能一個月一篇水蛇春般長的文章
- 越來越多廢話, 越來越少說話. 有一年在日本, 三天不說一句話
- 看了鄭伊健演唱會. 原來與我一起成長的, 不是郭富城, 不是劉小慧, 不是張柏芝, 不是林嘉欣. 而是整個演唱會, 我只有一首歌不懂唱的鄭伊健. 而那首不懂唱的歌, 叫 傳宣 風雲易
- 終於肯定了前度要結婚的消息. 預感又再不幸言中. 新郎不是我, as expected. 短暫低潮後, 心頭反而呼了一口氣. 因為看著她未婚夫的臉, 知道會給她幸福, 會好好照顧她一輩子. 源源的思念, 無端畫上句號. 阿牛, 是不會唱
- 感到被愛是種負累. 當切斷最後的羈絆後, 告訴自己, 不要再犯錯; 即使再犯可以換來平反六四, 曾蔭權下台, 全球暖化解決, 也不再來. 在某些人面前和心目中, 只要加上適合的人物背景, 我便永遠是個罪人. 例如 民建聯 + 蔡素玉 + 2007/08 普選 = 民建聯好撚無恥
- 會一個人, 會孤單, 這是選擇. 劉若英的 <一輩子的孤單> 有幾句詞是這樣的 :
2010 年, 我想...
- 移民. 幾乎去哪裏都沒所謂 (第一 : 日本; 第二 : 日本, 第三 : 日本; 其他無所謂), 有工作夠生活就行. 每隔一陣子轉工, 一段時間要搬, 拍拖最長是三年, 多年換了 n 個女友, 我原來不能對同一樣東西待大久. a * b = c. 歸屬感, 忠誠感, 對我來說不等於待在同一地方
地理上說, 我的家在香港, but, fortunately, HK is part of China; 心理上, 我不屬這裏, 也不屬任何地方
我明白, 這不是一兩年可以完成的
- 不會再畫甚么唐老鴨了. 只是回應思念的終結 (但唐老鴨精品仍會買).
- 自己或有一天會突然結婚... 這是近來經常跳出來的念頭. 反正我做事講野向來唔經大腦. 看來和誰也不打緊, 似乎只是一種即興的行動. 不要問為什么不拍拖, 預計自己會孤獨, 但又想自己會突然結婚. 我不知道, 反正不明白的, 也不只這么的一件. 或許會突然與一個新加坡女生結婚, 然後移民去那裏...
- 見到村上 1Q84 Book 3 的中文版
- 要 肥馬復出 美斯 帶領阿根廷拿世界盃冠軍
- 內地的文字獄不再出現, 六四得以平反, 香港有普選 (點解每一樣都難過徒步行上月球?)
<終極炒冷飯 VI - Your nice boxing day present>
自七月起, 我又濫寫了許多文章. 濫情, 濫交, 現在加上一個濫寫, 閻王係死亡筆記上對我既記載, 大概都係 "濫, 濫, 濫". 呢個炒冷飯系列終於去到第六集, 歷時兩年, 是最長壽的節目之一. 當然, 文章質素, 就好似民主黨高層既智慧咁, 一年低過一年, 每況愈下. 加上周身忙, 寫的時間也少了. 可惜, 可惜.
我很高興某些不幸地被選中, 成為寫作對象的人, 睇完我醜化佢地, 都冇嬲我 (起碼我唔知). 放心, 我會寫得更盡.
再講又似牧師發言. 近排越黎越長氣. 無論如何, 呢度係我對塵世間仍有半點眷戀的地方. 這是絕無僅有的. 近來, 我也花很多時間, 心情 及 精液 精力 放到這那個講政治經濟無無謂謂的地方上.
----------
首推
得意之作
用屎眼看世界 : 我讀 AL 個陣, 阿蛇推薦參考書, 其中一本書叫 "用經濟學做眼睛", 作者為科大教授雷鼎鳴. 書我沒有看過, 皆因我覺得用屎眼看的世界更真實. 世界畢竟是污污穢穢
唔提老母三部曲 (一, 二, 三) - 如果集合所有有關我老母既 entry, 應該可以出本書
歷久常新 : 放榜二三事 - 正想講每年會考可以用返... 才醒起下年已經係最後一屆會考...
原人圈慶, blog 慶, 國慶 (see! HK Originals > Me > Country)
畫聖誕咭全記錄 一, 二, 三 (下年未必再畫. 除左因為好麻煩, 同埋我唔想年年都畫. 另外, 我發覺好多人, 完全唔跟所謂 instructions : 話左留 private message, 照留言; 話左要用 pm 留地址, 照發電郵黎. 如果有三個人, 一個發電郵, 一個留 pm, 一個用 msn, 咁要搞幾耐先 consolidate 到?)
其他連載 (即爛尾) 系列
--- 我的童年 系列 (去到第 9 集; tag. 過去半年, 寫左四集. 幾乎以實時形式進行紀錄. 正式宣佈唔知點埋尾)
--- 誠意推介 系列 (去到第 4 集; tag. 爛尾中...)
--- 愛情 系列 (去到第 ? 集; tag. 無愛情, 唔識寫. 就快寫基情系列.)
--- 變態大搜尋 系列 (去到第 5 集; tag. 基本上已經無人用到變態既野搵到呢個網站)
--- 終極炒冷飯 系列 (去到第 6 集; tag)
----------
祝各位出入平安, 左右逢源呀!!
Utada Hikaru
I give you my heart
Hold on, let me sign it
Your senorita a.k.a. your best friend
Hereby, let it be known
Love like never before
I'm always at your service
You just have to holla at me
NYC NYC what what
Tokyo Tokyo what what
Send it up from the streets to the highest
To the highest high
Mp3 mp3 players
Work it out, work it out hustlers
Om Mani Padme Hum
You know I, I'm gonna be yours tonight
We're gonna... Ooh aah
FYI We're gonna be up all night
I'll see you later, call me
You know my number
Like Captain Picard
I'm chillin' and flossin'
It's seven o'clock
I issue a warning
That's right, we're stealing this show
Damn right, letting em know
We're sipping Chardonnay
From 2pm on a working day
Ching-a-ling Ching-a-ling what what
Ching-a-ling Ching-a-ling what what
Take me down to the fields where the grass is
Where the grass is lime
Mp3 mp3 players
Work it out, work it out hustlers
Om Mani Padme Hum
You know I, I'm gonna be yours tonight
We're gonna... Ooh aah
FYI We're gonna be up all night
I'll see you later, call me
You know my number
See I don't need a free loader
No, I don't want a free loader
If you want a piece of this stuff
Got to give, got to give something
You know I, I'm gonna be yours tonight
We're gonna... Ooh aah
FYI We're gonna be up all night
I'll see you later, call me
You know my number
<酒精 FAQs - 無恥到極點的炒冷飯>
正所謂好波不妨一睇再睇, 我特意搵返兩年前既一碟冷飯, 再炒俾大家食呀. 兩年呢碟冷飯依然好味, 果然, 好野係唔怕歲月既洗禮.
屌, 民主黨食老本都食左廿鳩幾年, 我食兩年咁大吧o者..
-------------
聖誕將至. 呢個普天同慶既日子, 大家少不免係各式各樣既派對三兩杯落肚. 可惜偶爾發生飲酒猝死事件, 令人關注飲酒對健康既影響. 史弟借此機會講解一下, 等大家飲酒飲得健康 D, 最起碼留得住小命. 留得青山在, 那怕無柴燒? 沒有國, 哪有家?
Q. 要防止飲酒猝死, 有什么辦法?
A. 最徹底既方法係, 唔好飲酒 (看我是多么善解人意!); 起碼要知道自己身體有冇暗病, 例如心肌梗塞, 心臟病等 (順便檢查下有沒有陽萎). 更加要肯定自己對該類酒精無敏感. 有數個朋友對酒精敏感, 飲完會出現氣喘, 身痕 - 大概等同好些小朋友對花生敏感. 好些對啤酒等平價貨敏感, 但對威士忌等貴價貨又沒有. 世事就是這么神奇.
如果你兩樣都做唔到, 又要飲酒. 咁記住 :
二, 如果之前無飲開酒, 徵狀如飲一杯就訓, 聞一下就醉, 望一下就暈, 咁你千祈唔好飲烈酒 (威士忌及伏特加酒精濃度在 40% 以上, 還有各式 shooters). 記住, 淨係飲啤酒. 紅酒酒精成分不高, 酒量淺者亦頂得住; 但啤酒有氣, 唔飲得既人好快個肚似有啤啤咁, 飲唔落, 醉既機會亦大減.
順帶一提, 飲酒後做任何運動, 不論運動既地點係床上或者床下, 都係非常危險既事. 心跳加速會令酒精及血液運行得更快, 醉得更勁. 所以男生要係平安夜要平平安安咁令人失身, 都係飲少D 好. 當然, 對方要飲多D.
男生也別因一時之快而逞強 (我講緊呢d 快感係來自飲酒), 明知到頂仲係咁飲. 好多人就係咁飲到入醫院. 據聞每年聖誕, 自行入院的醉酒人士特別多.
Q. 市面上有許多解酒丸, 解酒藥. 可以先服用再飲嗎?
A. 大家係去玩, 唔係去賣命. 做乜要咁辛苦, 食解酒藥去飲酒? 飲極唔醉, 一肚水, 其實好辛苦. 除非你係同日本人, 韓國人, 內地人傾生意, 咁呢D 藥就大派用場. 否則, 去派對, 唔好食呢D 藥. 要食, 食定偉哥.
大時大節, 大家要抱住一個輕鬆既心情去玩. 淺嘗與否, 任君抽插; 飲酒只係幫你放鬆心情. 拎住杯紅酒拜神, 或者一杯威士忌, 三五知己吹水講笑. 又可能平安夜遇上心儀的對象, 人不醉人人自醉, 真係長夜漫漫. 何必只爭朝夕?
Q. 如何知道自己到頂?
A. 憑經驗. 這不是說笑, 你未飲醉過, 實在唔會知自己個頂係邊. 這也是為什么許多飲酒後猝死的, 都是酒門新手 - 數年前好像有個新郎定兄弟新婚之晚就咁領野. 若你飲到想嘔, 應該即刻停止, 唔好再飲. 到你身痕, 出現一粒粒紅點, 已經太遲. 若你膚色較白, 飲到變紫 (好似十元紙幣咁既顏色), 更應該即刻飛的入醫院洗胃.
若果你想知自己到頂未, 不妨飲飲下叫朋友玩 "醉酒佬行直線遊戲". 顧名思義, 就係叫晒你所有朋友一齊行直線, 或者跑直線. 若果你行唔到, 固之然係飲醉; 之不過你行到都唔使開心, 因為一個清醒既人係唔會參加呢D 遊戲 (除左奧運 100 米賽跑). 所以, 無論你行唔行到, 一參加呢個遊戲就代表你已經有D 醉意, 某程度上已經係飲醉酒.
Q. 萬一飲醉酒, 點算?
A. 其實無 "萬一" 呢回事, 因為飲醉酒同交稅一樣, 係人生裏面係無可避免. 再者, 問點算既並唔係飲醉個個, 而係冇飲醉或者未飲醉既人. 皆因飲醉酒既人, 同你女朋友一樣, 都係大撚晒. 要執手尾既從來都係無乜點醉既人. 所以大學時與友人去飲酒, 大家都飲到鬥快醉咁款...
飲醉酒最辛苦並唔係飲醉個陣 - 就如係床上做某些事時, 個陣其實好撚 high - 而係第二日. 過度吸入酒精會令身體出現缺水既情況, 繼而出現頭痛, 肚痛 (飲醉酒第二朝大便的機會率是戶愚呂弟 150% 中的 150%), 戇鳩鳩等徵狀, 人稱 hangover. 若果你仲有一丁點意志力, 麻煩飲一支 1.25 公支既水或保礦力先好訓覺. 擔保第二日戇鳩鳩既情況能減至最低.
Q. (For 女生 only) 萬一飲醉, 點算?
A. 要睇下同行有冇咸濕既男性友人. 有, 你都放心可以返到屋企 (係咪自己屋企我唔敢講). 千祈千祈唔好合埋眼, 皆因好多女生飲醉酒就呼呼大睡, 其實好危險. 同埋唔好一個人去飲酒, 最好有 d 比較熟既女生一起去.
Q. 怎樣訓練酒量?
A. Practice makes perfect. 買定半打青島, 或一兩枝威士忌, 放係雪櫃. 得閒拎出黎飲一兩鑵/ 杯, 飲得一年半載, 包你千杯不醉.
Q. 如何解決全球暖化危機?
A. 這好像超出了會考範圍....
<過主拉, 屌你>
好些大廈不歡迎公司/ 團體將宣傳單張放入信箱中. 因為這些單張對很多人來說, 這是十分滋擾的. 住在中環的時候, 大廈是商住兩用, 樓下大門沒有上鎖, 許多人出出入入 (卻從來沒有聽過有盜竊等事情), 但信箱少不免遭殃 - 每個星期總有十至廿封宣傳單張.
後來, 打開信箱, 只拿電費單, 其他東西放回信箱; 有了網上電費單後, 索性連信箱也懶得開.
好了, 鳩o翕了一輪. 話說今日我兩個 xanga 戶口, 即係你睇緊呢個 同 個個, 都收到一個 private message. 內容如下 :
username : benetwisehkfyg
我覺得成件事荒謬到極點 : 軍隊用槍指撚住你, 再開槍射你, 然後施施然向你推廣點樣同人和平相處.
我唔撚想知多d, 我根本連你呢個垃圾 message 都唔想收到. 枉你好意思講 "正確同健康" 使用互聯網? 細路, 互聯網唔係俾你胡亂發呢d 推廣訊息 - 這和是否商業/ 謀利無關 - 是原則問題. 你發短訊過黎, 浪費我時間睇 (我唔睇點知係廢?). 你可以係自己個 blog 寫, 可以 subscribe 我, 可以同某個膠文集散地合作. 邊撚個教你發呢d xanga spam? 點呀, 尤伯連納呀, 食煙食撚到死之前先叫人唔好食煙?
印象中呢個 "人", 已經唔止一次係人地度留言/ 留 message. 究竟佢想點?
人貴自重.
仲有, 你究竟有冇留意過呢個 blog? 呢個 blog 從來唔做網路欺凌既行為 (除左對住高官, 土共人士, 劉千石, 而家加埋民主黨); 講咸野粗口賤野只求娛樂一笑再笑; 不放種, 不放色情照片. 如果有任何人睇完唔開心, 我會道歉; 我不寫膳稿 (除左自瀆炒冷飯), 沒有 hidden agenda, 不帶套, 不吹蕭.
仲有, 兩個 blog 跟本係同一個作者, 你發乜撚野神經要同一條短訊發兩次?
不如你睇清楚個個網頁 - 將事實認清楚, 這不單是使用互聯網而是人生應有的正確及健康態度 - 再去人地度推廣 "正確使用互聯網".
再講一次, 互聯網唔係俾你亂發訊息. 手提電話都可以登記左唔收電腦電話, 電話公司都俾你係上台申請表剔唔收公司或其他推廣訊息. 當 xanga 無呢個分唇, 並唔代表你可以亂咁黎. 你自己有 xanga, 我覺得垃圾, 咪唔再睇, 唔 subscribe (好似 xanga 咁個膠文集散地咁).
但你黎人地地方, 發垃圾, 發推廣傳宣訊息, 對唔住,
過主拉, 仆街!!!
Hello, 哈你老母. 我而家真係係度推廣正確使用互聯網. 你互聯網大使份工可以辭咧. 返鄉下執牛屎拉, 仆街.
係呀, 我係野蠻, 係強姦緊你.
但你發呢d 短訊俾我既時候, 有冇諗過收件人既感受 - 其實我都無得拒絕你?
講到尾, 最衰都係仆街政府搞乜撚上網指導員. 初戀網吧咪好地地law...
小時候, 讀經濟學讀上腦, 以為所有的決定, 都會合乎經濟原則, 理性 - 這理性不是指合理; 而是指利益大於代價那種理性. 於是我不明白為何有人會作出自殺式襲擊, 希特拉會滅絕猶太人, 大陸會發生文化大革命, 地球會出現受歡迎的共產黨.
這些都是近乎 "革命式" 的行為, 旨在摧殘, 不在建立.
後來看到董建華的庸碌, 瞄到葉劉淑儀的咀臉, 見過梁錦松的高尚情操. 一步步地知道政府, 我們的政府, 根本在昆鳩香港人.
跟住阿爺溫水煮蛙.
民主派被逐一分化離間打壓同化. 偉大的劉千石, 拎到回鄉證後, 啞左; 又傾又砌, 但從來只叫人唔好叫雞同做雞既馮檢基長期唔見影, 唔知佢砌撚左d 乜.
好了, 到今日要決勝負了, 民主黨最終選擇背棄了香港人, 背棄了一切, 反對五區總辭, 為的是什么?
何俊仁話怕失去議席.
放心吧, 民主黨, 好好搵埋呢幾年錢. 下屆立法會同區議會, 我一家三票都投俾社民連. 我仲會叫所有人都唔好投俾你.
如果公投失敗, 係代表香港人根本唔 buy 一人一票, 你地泛民根本可以收皮, 唔使再做落去. 我只會認命. 既然是人民的選擇, 你民主黨怕什么?
無錯, 公民黨同社民連明夾你, 但係人地夾你係夾得有 point; 而你個d 所謂反對既理由, 一個 point 都冇. 講粗口! 怕輸! 司徒華居然連 "總辭等於跳樓" 都o翕得出. 完全係偷天換日.
而家 911 呀華叔! 火燒眼眉. 你知唔知當年幾多人希望有個機會生存, 所以係世貿跳落黎? 唔跳樓你有冇提供部電梯出黎搭呀? 你老母你一味怕輸. 連飛毯呢d 咁虛幻既可能, 都冇提過點樣可以係個份政改咨詢文件度爭取雙普選. 面對個個 800 => 1200 選委就係民主一大進步既選舉辦法, 怎可能接受?
不得不讚嘆曾經由劉延東領軍的統戰部, 與及土共在利用中國人好事的缺點, 來將泛民分化. 若然你不知道中國人臨危之時會做什么, 看一看滿城盡帶黃金甲吧.
哪怕是就連公民黨也退出. 只要社民連辭職, 我三票都會投西九的社民連候選人. 為的不單是支持一人一票普選, 我要以選票證明 :
民主黨, 你可以收皮了
共產黨, 你要解放香港, 分化香港人. 我會以選票告訴你, 你不會成功.
以為 2017 有普選? 無既話 2022 都有? 大陸都有普選, 但那裏的普選, 是經過選出代表, 再由代表選出代代表, 再由代代表去中央投票的那種 "普選"; 套在香港的, 大概就是你選區議員, 區議員代你選選委, 再由選委選特首.
這叫普選嗎? 別天真了. 民主, 普選不會從天而降 - 二十年前北京的學生也是抱著這樣的心.
該幫我們的人 - 政府, 中央 和 民主黨 - 多年來逐一將我們出賣. 他們口裏說 : 我係度幫緊你呀!
我真的受夠了.
這些年來這些人和事, 令我開始明白, 為什么有人會肯為破壞式的 "革命" - 故勿論那是正義還是邪惡的 - 而壯烈犧牲了.
We just need hope.
但誰讓我們相信泡沫般的希望?
那些一直在出賣我們, 卻說在幫我們的一切.
(按圖放大)
