<近來>

<生活 . 鳩o翕 3>

系列的 tag

慢慢地呢個變成每個月的系列 (後面 : 童年系列呢?... er... 我童年都仲未完, 有排寫拉; 咁愛情系列呢?.... 無拖拍仲愛乜野情? 你見過太監教你自瀆嗎? 我又不是那些在面書, 在 xanga 大晒恩愛的人. 仲有 變態大搜尋系列呢? 嘩, 呢d google 既野唔到我控制...)

我相信呢個亦都係第四個爛尾既系列...

(1) 麥當奴叔叔的罪與罰

自從老麥推出呢個乜春 "即時點, 即時製", 我近半年已經同麥當奴叔叔絕交 後, 每次買老麥, 都要排兩次隊. 屌你, 我食老麥都係想快o者. 唔好咁黎. (見有關 叫囂)

仲有, 呢個應該叫 "即時點, 即時砌" (多謝自僱 J), 皆因佢d 野一早己經煮好, 只係等放埋一齊. 有乜撚野分別?

我係度列舉老麥近年的罪與罰, 等大家評論一下有冇道理 :

1. 貴到仆. 沙士照加價. 通漲時加, 通縮都照加. 佢話減價, 就係加價既先兆.

2. 食物超級縮水. 有時候大薯條仲只得半包. 魚柳包塊魚柳好似黃豆咁撚大粒 (含粗口, 記住係 office 開大聲d)

3. 快餐變慢餐. 去老麥好似就係為左等等等等等.

4. 無撚謂謂, 不安守本份, 未能安守本業. 除了這個 即時點, 即時砌, 還搞什么Mcafe; 送外賣 (翠華咩).

但有一樣東西一定要稱讚老麥. 它的確僱用了許多弱勢社群 - 可能是智商低常人一點, 可能是身體有殘障; 也有學生和新移民人士. 是的, 老麥及一眾連鎖店的時薪的確低到仆街, 可能追不上通漲. 正如許多發展中國家的製造業工人, 人工和保障也是所謂的 "可恥" - 我不說香港是第三世界國家. 而家你當地球是一個整體, 發展中國家與發達國家的位置, 和香港裏這些勞工階層與所謂 "白領" 的位置, 概念上是差不多的.

是, 人工 "可恥". 可是, 他們不做這些工作的選擇是甚么? 童工不幹活的話, 可能整家會餓死. 我們難道要夾硬給他們高一些的人工, 讓他們繼續做這些工作, 而不是讓他們選擇多一點? 問題的徵結是選擇. 是沒有選擇令他們受老闆欺壓, 不要倒果為因, 未末倒置.

我是反對最低工資的. 我不太介意一般人怎樣, 反正無論最低工資是一億還是三十, 也只會招來更多的爭論, 有人說高, 有人說低. 我在意的是, 最低工資會打擊一些弱勢社群, 特別是一些智商低一點及殘障人士 (為方便解釋, 下面的弱勢社群只指身體有殘障/ 智商低一點的人士).

好. 支持最低工資的人, 就會說 : 是呀, 這些人工作效率/ 工作能力較低. 為保持他們的競爭力, 我們大可以讓這些人只拿, 比如, 一半的最低工資.

這也是支持最低工資的人最大的邏輯謬誤. 為什么工作效率/ 能力的不同, 只會存在於 智商低/ 殘障人士 與 "正常人" 之間? 為什么所謂的 "正常人", 即除那些弱勢社群之外的所有人, 他們之間不會有工作效率的不同? 有什么證據顯示, 正常人之間的工作效率, 會比 弱勢社群 與 正常人 之間來得大?

這是奇怪的.

比如, 一個言語有阻礙的的人, 一小時只能買出十份餐 ("正常人" 能賣 二十五 份), 經所謂政府核實身份及工作能力 (事實上許多勞工團體就提議這樣), 按比例, 這仁兄可以拿四成的最低工資. 但另外一個所謂的正常人, 只能賣五份, 你認為他可以拿 100% 的最低工資嗎 - 你認為老闆會以 100% 的工資請他? 但為什么他不能自降身價, 拿 20% 的人工? 只因為他是 "正常" 嗎?

我又想問, 若然我犯賤, 很喜愛做這份工, 自願拿最低工資的20% (假設這就夠打所謂風流工了), 老闆又肯請我, 這是否犯法呢? 儘管也是你賣我賣, 這可不同嫖妓 - 不准引誘人作不道德行為/ 倚靠妓女為生是為了怕 "助長黑社會", 而道德上也有爭議 (起碼香港如是). 但問題是, 我自願收低一點人工, 道德上犯了什么錯呢?

然後, 弱勢社群之間呢? 是否又來一個政府來個考核, A 可以拿 40% 最低工資, B 可以拿 60%? 問題是, 這個比例是否一次過應用在所有工作上? 這些問題真令人頭痛. 一個超級考核機構嗎? 人人也來個考核, 這又是否多舊魚?

是, 我本身讀經濟, 本能反應上會反對最低工資. 但上面不過是一些常識, 一些用非經濟學角度出發的疑問. 老媽與老姊沒有讀過經濟學. 一次吃飯我問二人怎看最低工資. 老姊立刻破口大罵 - 她本身在一間特殊學校工作 - 說這是好心做壞事. 媽說的更簡單 : 人人都唔同, 點解要夾硬定一個工資呢?

不要說許多發達國家有最低工資, 所以香港也應該有. 許多國家的媒體也有極端的國家操控, 香港要不要也來一個?

當老麥在全世界多個地方也有所謂的 即時點, 即時砌 (日本, 澳洲等), 而這一套來到香港看已經證明是一個災難, 為什么還要夾硬追求所謂國際做法呢?

雖然如此, 但香港似乎真的將有最低工資. 哀哉.

(2) 仆街快樂

前陣子我生日 - 係呀, 其實我係有生日既. 友人送來仆街生日快樂蛋糕一個 (我真名並無 P, 亦無 K). 好波.

在幾舊水一個蛋糕上面 (據聞蛋糕是名牌. 屌, 連蛋糕都有名牌) 寫上 仆街, 我覺得自己社會地位提升左.

I am loving it.

(3) 加錢送

想起前陣子與舊日室友去 Delifrance 吃飯 (還是其他地方? 忘了)

史 : 唔該, 我要一個白汁雞皇意粉.

待應 : 係, 一個白汁雞皇意粉. 先生, 加多 $3x, 我地會送埋 餐湯 同 咖啡/ 茶.

史 (不惑中) : 送.........................?

待應 : 如果加多 $1x, 仲會送多份 凱撒沙律.

史 (與室友努力忍笑中) : er... 唔使咧, 唔該....

二人一次去加州紅唱 k (其實兩個麻甩成日去唱 死了都要愛)

史 : 唔該, 兩位.

待應 : 麻煩先生身份證登記. 每位 $110, 全單六折.

掏出許多東西, 又搞呢搞路後...

待應 : 先生要唔要加多 $1 送自助餐?

史 (與室友對望, 良久默默不語) : ..................唔使咧唔該.

之後每次加州紅門口的姐姐, 也會問加唔加錢送 buffet.

屌你... 加錢先有個d 叫做 買 或者 換, 唔撚係叫 送....

(4) 代價

香港不但被土共在意識形態上統戰, 時代廣場海港城崇光百貨又一城沙田新城市更被一堆堆內地遊客佔領. 我一向反對內地遊客像送往堆田區的垃圾, 一車車咁運黎香港 - 反正不喜歡他們就是了. 要找一間沒有內地遊客的食肆, 不是去半島四季港島香格里拉 (那裏只會有更多內地遊客), 而是去些較地道 (例如尖沙咀星座冰室), 拍烏蠅的, 或是要用英文點菜/ 菜譜的地方.

後者我有兩個價錢不太高的好建議.

一是銅鑼灣/ 灣仔/ 中環的 Shake'em Buns. 云云漢堡飽店中, 它的漢堡最好吃. 但一個飽 + 薯條 + 奶昔 要一百多元. 以食物的質素 + 能夠逃離內地遊客的魔掌, 這是不錯的選擇. 不信? 你有空去去海港城的星巴克吧, 那裏嘈吵得令你發現那杯咖啡原來只值 $3 (anyway, 我覺得星巴克的咖啡根本就只係值 $3; 另外個d 錢係俾星巴克上市, 然後歛更多的財)

二是中環/ 灣仔的 Flying Pan. 上圖就是 flying pan 的出品 (講左咁耐終於到題. 0 分, 重作). 可惜 flying pan 都幾唔扺下 - 上圖的雙蛋 x 煙三文魚 x 牛角飽 + 超細杯果汁 = $100. 屌佢, 呢個分明係老茶既火腿雙蛋早餐的中產版本. 成舊水? 仲要佢隻蛋無乜味.

重點係, 友人食左兩塊蕃茄, 一碟都仲係煙三文魚既時候 (即上圖所示, 麻煩你再望一次), 佢 . 話 . 佢 . 已 . 經 . 飽 . 每日世界有幾多個小朋友唔夠野食? 更難為我落到樓下竟然諗起老麥.

偶爾一次, 吃 flying pan 是可以的. 畢竟, 灣仔個間又真係拍烏蠅... 一次可以達成兩個願望呢

(5) 代價 2

寫到好撚悶 (???) 鳩o翕變成吐苦水.

呢隻唐老鴨, 話係 Disney + Bathing Ape 出品.

二千幾錢. 係港幣喎. d 人真係傻撚左. 知唔知有樣野叫金融海嘯? 仲要整得咁撚核突...

我不如等傳聞已久既 Donald Duck X Transformers 拉.

(6) 細菌撈面

...唔好問我 香港特色小包撈面 係乜. 皆因我一直叫呢d 野做 細菌撈面; 皆因我一直都想知呢D 一包包 $2.5 既野, 撈埋一齊之後會變乜. 經過兆萬, 鼓起勇氣... 但還是拍照算了.

我誠徵幾個年青人 (18 歲或以下; 大學生免問. 屌你, 仲扮細?), 同我一齊去試下. 當然... 誠徵得你, 我會俾錢... 買撈面. 我實在好想試下幾包細菌撈埋既滋味.

到時真係百般滋味在舌頭. 屙到仆街都似.

Anyway, 誠徵年青人, 因為我發覺該店長期擠滿貌似十六七既後生仔... 上圖咁少人係一個例外, 我企撚左半句鐘先拍到張無乜人既相 (你睇下無拖拍既人幾無聊). 而下圖才是該店的 steady-state 客量... 後生仔衝鋒陷陣既能力強, 應該可以擊敗同類, 買到 "香港特色小包撈面".

我去買, 店員會以為一個阿叔去乞食.

by the way, 學生妹長腿一對, 送既 (唔係點引你班麻甩佬睇落去?)

題外話. 近來友人說年青人很喜愛玩的網上遊戲, 叫 跑 online. 我 . 的 . 天 . 沒有玩過這遊戲, 但一直在跑, 好像比起那個什么勁舞團更加有趣. 我也在此徵求年青人帶阿叔去玩 跑 online (或者你表演, 玩一次俾我睇).

個人認為, 跑 online 只是你與其他人在競爭, 只要跑得贏身邊對手就得. 這些行為, 遊戲太自私. 玩遊戲也玩得這么自私, 時下的年青人真不知所謂... 何不來個 屌 online? 不是一直在跑, 而是一路在屌.

屌者, 做愛也. 當然還有各式的道具讓你購買點數下去買; 還有什么交配系統, 公會系統 (雜交, 圍嘔?), 鍊 j 術, 寵物 (er... 人獸交嗎?), 公園系統 (野戰場), 大運動會系統 (嘩嘩嘩)...........

更重要是, 屌 online 要求你一邊廂要維持耐力, 另一邊則要令對手滿足, 這才是現實, 才是皇道嘛... 玩遊戲也要顧及人家感受. 不要將 精射在人家的面上 歡樂建築在人家的痛苦上.

現在見到巴士車身上的 跑 online 廣告, 我都不其然看成 屌 online.... 大家都係單字o者.

(7) 五月最後的一天

友人大喜之日

據聞, 友人的太太花了不少錢為兩對 sony 貓造中西式結婚禮服... 今天才留意到, 原來左邊圖的新郎 = 右邊圖的新娘. 好奇怪呢. 莫非... ??

我當兄弟. 世上沒有什么比起當兄弟更搵笨. 當然人情可以扣... 錢可以解決的問題不是問題.

有樣事情我倒是在乎的 :

當一眾姊姐玩鳩d 新郎及其兄弟的時候, 有沒有真切地想過那些戴個假髮, 著條女人底褲, 塗了口唇膏的遊戲, 究竟如何展示到新郎哥其實好愛, 好想娶新娘?

我一直以為純粹核凸變態的事情, 只會在日本動作片看到. 但原來一班待嫁/ 未有得嫁住既女人, 都會在人家的大喜日子做出這樣的事來.

嘩哈哈哈哈, 但當站在台上, 見到友人唱 "我的名字, 你的姓氏" 時, 新娘喊到豬西咁款, 個心都舒服晒. 突然想起新娘還是十二歲, 坐在老師桌前面的樣子.

就像是昨天的事.

------------

既然估到系列會爛尾, 我當然唔希望佢會發生...

開個局吧.

呢個系列 生活 . 鳩o翕 未來三個月的篇數會係 (唔計呢篇) :

0 篇 (盤已封)
1 篇 (1 賠 1.1)
2 篇 (1 賠 1.5)
3 篇 (1 賠 3)
4 篇 (1 賠 10)
5 篇或以上 (1 賠 10,000)

對唔治. 上面既計算單位, 笨唔係現實世界既貨幣.

而係...細菌撈面的小包數目. 起注最少買 10 包.

各位, 踴躍下注吧.

賠左要即刻食...

<狂畫唐老鴨>

對唔治. 又係講唐老鴨.

最好的朋友, 自僱 J 快要結婚. 話快, 其實都仲有半年. 但時光飛逝, 我識佢個陣, 大家都只係十二歲, 毛都未出齊 (儘管我到今日都未出齊). 然而話咁快又差唔多十八年; 髮線向上, 肚腩開始擋住望向腳指公既視線.... 哀哉, 哀哉.

為左滿足我一己私慾, 我提議畫張唐老鴨俾佢. 係佢同未來老婆無反對既情況下 - 其實佢地兩個根本唔知呢件事, 只係我自把自為 - 我就開始左呢個咁艱巨既任務.

我開始似個D 宗教狂熱份子, 自己鍾意既野, 不斷迫身邊既人一齊鍾意.

當然, 林嘉欣呢d 野係唔可以分享...

好咧, 去片.

呢d 相, 我兩三個月前整好. 懶懶行既我, 一直唔記得同懶得放上黎...

------------

(1) 參考對像

• 一路懷疑迪士尼既公仔 (除左公主), 究竟會唔會結婚. 就好像劉德華一樣, 米奇老鼠同唐老鴨係唔使屙屎既! 米老同米妮既結婚相還容易找; 唐老鴨的就較難了, 而些款式也較少. 在無乜得揀之下 (其實係我懶得搵), 我就選取左下圖所參考對像

• 我第一次畫黛絲... 其實我唔係太鍾意佢... anyway, 唔通畫donald + 白雪公主咩.

• 另外, 我覺得老鴨對眼太咸濕. 好似一路諗住滾阿黛絲上床咁.
• 黛絲條裙...太難畫. 我研究左半年都唔知點畫...

(2) 鉛筆草稿

• 斷斷續續, 用鉛筆畫左成年.

• 個樣, 係印既; 但個身就係對住黎畫.
• 由於我畫功太精湛, 根本畫唔到黛絲條裙. 所以索性求燃其算. 大佬, lacy碎花... 點畫呀? 我中學美術科無合格過嫁... 放過我拉...
• 另外, 一朵朵既玫瑰, 變左分不清對錯既小花球
• 唐先生既眼睛, 亦俾我改到好正直. 唔 . 好 . 成 . 日 . 諗 . 住 . 扑 . 野!

(3) 影印草稿

• 由於草稿只有一張, 上色上錯左就大燃鑊 (當年幫一眾讀者畫的唐老鴨, 我試過上上下色, 發覺上左張原稿度 -____-)
  
  
• 將原稿影印, 上色大計開始 (距離原稿完成, 又足足兩個月... 計下計下, 我開始畫個陣, 自僱 J 可能連婚都未求...)

(4) 花球

• 先用紅色油性筆, 綠色螢光筆, 綠色油性筆, 再加粉紅色木顏色上, 填好黛絲的頭飾及花球.

• 留意, 花球上花的數目, 比起參考點那張, 多出一億倍. 由於相太細, 所以望上去一舊舊...

(5) 唐老鴨先生既西裝

• 先填用兩支油性筆填好唐老鴨先生的呔

• 黑色西裝
• 銀色油性筆西衭 (中間已預留位置填西衭的直間)

(6) 面相

• 用黑筆填好, 西衭的直間

• 用幼黑線勾好二人的面相, 填好眼睛
• 用淺黃, 黃色及淺橙色填好二人的咀及腳先填用兩支油性筆填好唐老鴨先生的呔

(7) 黛絲既裙

• 難度最高的項目 : 黛絲的婚紗.

• 怎樣也找不到 "象牙色", 所以用木顏色 肉色 代替
• 加上淺綠色的紗
• 用黑色筆, 勾線
• 填好名字
• 終於完成!!! 完成既一刻, 幾乎 射左 喊左出黎 (皆因上色上左大半日...)

(8) 精彩既入球慢鏡重播

That's MARVELOUS~~~

(沉醉於個人自瀆中)

---------------------

(9) 花絮


花絮 1 : 試色既其中幾張

淨係試條裙, 試色試左五六張.

黑線粗幼, 又試兩三張.

花絮 2 : 諗過畫兩人頭像...

都係畫唐老鴨算...

可以見到佢地個名既字型.

---------------------

買筆買到窮. 連鉛筆刨都刨爛一個...

放心. d 錢係人情度扣 (如果你個四舊幾水夠扣...)

---------------------------


對唔治, 繼續講唐老鴨

話說... 其實我一直想 (再) 去日本 (得咧, 成日想去呀嘛)

如果唔係仆街豬流感, 我而家已經係日本. 原因?

唐老鴨先生 6 月 9 日生日, 我一直想去同佢賀一賀佢七十五歲生日.

可惜, 我仍身在香港...

未能替唐老鴨先生賀壽, 是一大可惜.

在這裏送上一幅前陣子替朋友畫的生日咭吧.

<即使... 又如何?>

六月四日.

CEPA 很重要, 金錢很重要, 權力很重要, 黨的面子很重要.

I beg to differ.

良知更重要, 坦白更重要, 人命更重要. 殺人, 不是因為隨後經濟發展不濟而變成壞事; 也不會因為經濟起飛而變得理所當然.

即使聲嘶力竭, 叫至最後一口氣, 我仍會堅持.

雖千萬人吾往矣.

"No Compromise" 從這 xanga 開始, 一直在右上角. 什么也可以爛尾; 然而這是我少數的堅持之一.

廿年, 希望班友生生性性, 唔好再係個晚會度搞太多野. 等我可以留至最後. (07 年後記; 08 年在醫院未能出席)

今晚, 維園見.

我不想只在一年一度說記起六四 - 就像與情人慶祝不必等到情人節.

(我屌佢老母, 樓下個 "read more" 乜撚黎? 點整走? 好撚煩. 完撚左仲 read 乜撚野 more?)

------------

晨早溜溜唔好咁呀. 個個仆街 read more, 好乞人憎. 我想 send message 去 xanga US, 搵左半日都搵唔到電郵.

於是乎 send 左去香港 blogteam

Subject : "Read more"

Is there any method of removing "read more" in the default setting?

It appears in every entry by default, and i have to remove it manually for EVERY entry.

This is extremely annoying, and indeed, I have NOTHING else to display when my entry ends - nonetheless, the "read more" will only appear at the end of my entry. This makes the "read more" looking even more stupid.

I have no way of contacting the US xanga team. Grateful if you can provide that as well. Thanks.

-------------

<休 blog 啓示>

網主友人有喜, 休 blog 至星期四 (六月四日)

老土, 但非常適合他們的一首歌

你的名字, 我的姓氏

<簡單, 就是美>

這是一篇很悶的文章.

記得年多前, 開始新工作不久, 老闆整天也向我說著同一句說話.

是的. 若果大家估某投資銀行蝕到仆街, 蝕起碼蝕三百億美元; 結果它出來 "只係蝕" 一百億, earnings surprise 有 +66%, 股價可能不跌反升.

這便是金融市場的神奇之處. 大家已經唔記得左呢個 "只係" 一百億美金, 係等同 780 億港幣. 一個人一世工作大概搵 700-800 萬港幣 (40 年 x 20 萬), 呢個 "只係" 一百億美金, 等同一萬個讀者 一世人工既總和.

"只係" 一百億美金.

so far, 根據彭博, 全球金融機構係 MBS, CDS, CDOs, ABS - 你求其加埋三個英文字母 - 既損失撇賬, 係 一萬四千億美金. US$1,400,000,000,000. 我都數唔到有幾撚多個零, 若果係小數點後面加零, 後 . 患 . 無 . 窮.

IMF 預計全球既撇賬, 去到 2010 年去到 四萬億, US$4,000,000,000,000.

有理由相信, 若果到時埋單唔夠四萬億, 股票又會大升. 其實唔使等到個日, 股票已經大升中.

對唔治, 講左幾百字, 我並唔係想係度寫金融; 也不是想演野 (反正金融已經寫了, 野已經演了). 我想同大家分享一個故事. 一個真人真事既故事.

這是個簡單的愛情故事.

故事的主角, 是我兩個中學同學. 當然, 身為作者既我, 偶爾會出下場咁.

------------------------

MT 是我中一同班女同學 - 我們也只有這一年是同班. 依稀記得, 當年 MT 生得較矮 (其實也不是當年的事....), 坐在老師桌前面的座位. 每天也在支支渣渣, 好嘈. 今年, 我認識了她斷斷續續, 第十八年.

未相熟過, 就連熟這個字也提不上. 說斷斷續續, 是由於她曾經是我另一波友的女朋友. 那些時候, 放學後她總會默默地坐在一旁, 看著友人在打波, 然後買檸檬茶/ 維他奶 給他喝. 友人偶爾會除下發出惡臭的底衫, 夾硬擠到她面上. 周而復此.

後來MT 與當時的男友, 會考後好像到別的學校升讀中六. 數年後, 二人分了手.

相反, GN 從來沒有與我同一班. 也忘了是甚樣認識他的. 大概是打波時認識吧 - 事實我許多中學同學, 特別是比較相熟的那些, 都是打籃球認識的; 相反高中同班的, 一個較相熟的也沒有.

GN 個子不高, 那時候已經健碩, 四方剷青頭, 不多說話, 老老實實的一個人. 上課時大概不愛說話; 據說, 他上課時有四份之三的時候, 也是低著頭在櫃通看漫畫. 打籃時也不花巧, 重複做著同一的動作. 不漂亮, 但能取分. 做的是中流砥柱, 有他站在後面, 會覺得後面有人守衛著. 他打手球隊時, 當的也是龍門的工作. 穩陣. 默默耕耘.

也記不起 GN 有沒有拍過拖 - 好像與一名比他高的女生拍過吧. 到我大學時, 聽說他與一位中學女同學拍拖. 這女同學, 和我當了七年同班同學. 我知道, GN 喜歡了這女生很多年. 可惜他們拍拖不久後就分開了.

像 MT 與 GN 的同學, 在我中學便是普遍之極. 一班四十人, 恐怕有九成半是這樣的. 本性不壞, 也沒有做什么壞事, 不喜歡上課, 最喜歡就是懶懶行. 沒有做過什么令人留下深刻印象的事.

GN 中五畢業後沒有繼續升學. 他很久前就一心去做消防員. 第一次投考, 他去面試, 甫一坐下, 面試官就問他 :

點解你黎見工, 連呔都唔打?

面試的結果很明顯了. 到那時候我才知道, 原來見工是要打呔的.

然後第二年再投考. 可惜脖子的領呔並沒有帶來不同的結果.

考消防不是考證券業考試, 或者女士們既月經, 可以個個月黎. 三振, 大概會永遠出局. 他隨後那些歲月, 他再操好一點體能, 再考.

這次他成功了.

他投考了三次, 才成功當消防.

------------------------

後來 MT 與當年的男友分開了, 情緒陷於谷底; 剛巧 GN 入學堂, 悶得發慌. 二人開始傾電話, 順其自然下, 大家就成了情侶.

有一段時間, 我沒有與中學同學聯絡. 到重拾舊歡時, MT與 GN 已經在一起了.

然後潮起潮落. 圍著他們的一干人等 (包括我在內), 換畫換畫換畫再換妻, 他們仍然走在一起 (遺憾地我也是換得較多的一個...). 二人沒有什么大起大落, 沒有情人節時100 朵玫瑰. 沒有 LV, Gucci. 最多是 MT 要 GN 每年陪她去一次東京血拼.

大概一年前, GN 說他們要結婚. 我們一點也不意外. 若要算得上是意外的, 大概只是他們不是第一對結婚.

有人說情侶, 夫妻要長久, 最好一個凸, 一個凹. 他們大概是最好的例子. 他們一個多言, 一個寡語; 女的好動, 男的好靜 (據說他現在仍喜歡靜靜地看漫畫). 女的找姊妹, 初中同學, 高中同學, 大專同學, 第一間工作單位的同事, 第二間, 現在的; 男的, 清一式是波友.

不知怎么, 看著他們, 我能有著家庭的強烈感覺. 反而沒有很愛情的感覺 - 畢竟他們拍施已經很多很多年了, 大概是我所有女友拍拖的總和 (當然你可以理解為我換畫快. 但問題係總和喎). 這種家的感覺, 我沒有在其他朋友 (不論是已婚還是將結婚) 的身上感受到.

望著 GN 的照片, 就覺得他是一個很疼愛子女的爸爸.

我有時很羡慕他們... 其中一個原因, 是他們能夠和前度繼續做朋友. 不知道為什么, 和前度做朋友, 腦海就只有友誼波這三個字. 這是悲哀, 而且賤格的.

------------------------

MT 與 GN 的故事, 你和我身邊也有起碼一個. 你不察覺, 並非它們不存在, 大概只係因為只以為愛情要么就是愛個轟轟烈烈, 轟天動地, 地動山搖, 雖千萬人吾往矣; 要么是來來回回, 痴男怨女, 互相折磨, 看誰先認輸, 然後對方取得台上的籌碼.

也不知誰是始作俑者. 談戀愛好像一定要轟烈. 結婚也一定要播片. 好像婚宴上不弄個新娘嚎哭, 或是吞劍跳火圈不可 (可以看看數年前光明面的文章). 什么事也一件起, 兩件止吧. 大家似去看表演, 多過似去喜宴.

當我們不斷提升再提升我們的 expectation 時, 好像已經忘得事情本身的意義. 最近聽說, 時下父母連身女打 ping pong 球也像學琴一樣, 要定時定候練習和上堂. 然後呢? 並不是因為父母覺得做運動強身健體, 而是打球有獎狀, 有證書. 這是偉大的.

世間就沒有所謂平平無奇的事情. 就算是一張廁總, 一條底褲都都有佢既用途...

'平凡中見不平凡", 當年補習天皇教作文時, 不斷重複再重複這句話.

Let's back to the basic.

忘記那些世紀婚宴;

簡單地愛吧

<忘卻六四、懷疑六四、修正六四 - 練乙錚>

一直很抗拒在這裏貼文, 皆因有光明面可以貼. 但畢竟這裏讀者較多...

這篇文章是練乙錚在 4 月上旬時寫的. 印象深刻 - 畢竟我對內地的統戰手法都一知半解. 5 月上旬時曾蔭權去立法局鳩o翕, 已經想貼. 但隨著越多越多人出來論o翕, 我真日終於要爆了. (btw, 我是故意寫立法局的. 讓我懷緬一下過去吧...)

不論是 "預測" 還是 "描述", 練乙錚說得十分準繩.

我很少推薦文章. 但這文值得一看再看.

-----------------

　　「若將來的社會主義是威權式的，若政府除了像現在擁有政治權力之外，還擁有經濟權力，若簡單地說，如果我們有的是發達工業加專制主義的話，那麼人類的境況要比原來的壞。」—— Oscar Wilde，1854-1900，文學家、費邊社會主義者　　

六四事件的新老受益者要從他們的立場撰寫那段歷史，理所當然，所有對一九一七年之後的共產主義運動史稍有認識的人，都不會感到意外。這個主觀意志，在目下中國這個依然是一黨專政國家裏，又是客觀可行的，因為黨不僅控制政治、媒體、出版和交流空間，它還掌控一切專政機器和武裝力量。中國的學術自由不包括人文和社會科學，特別不包括歷史學和政治學；中國社會科學院，是和文化部、新聞出版署一樣，組織上受中共中央宣傳部（即中宣部）直接領導，而中宣部的官方定位，是「中共中央主管意識形態方面工作的綜合職能部門」（見中宣部網站「主要職能」頁）。如此，歷史學和政治學，必須時刻服從黨的意識形態和宣傳路線、方針、政策、調子。要明白中國二十年來處理六四事件的手法，最好從這個認識開始。

 

　　六四事件發生後，黨馬上本能地開始了撰寫這段歷史的功夫，那是分好幾個雙重疊的階段來做的：　　

 

（一）掩蓋：在這個階段，黨做得很公平，它既不許任何有損其聲譽的事實和言論曝光、流傳，它也不主動推銷它想推銷的一套說法，而是對所有有關六四的論述，都一律禁止；這個做法，一直維持了二十年。今年，所有和國內進行文化交流的項目，一不准提西藏，二不准談六四，尤以後者為甚。就西藏問題而言，學界可做一些研究，黨並不擔心此事在國內出現輿論失控，畢竟中國人口百分之九十二是漢族。但六四不一樣，除了黨的直屬媒體偶爾提及之外，「六四」及有關字眼，地在內地傳媒上徹底消失。這個頭一階段目的，是要讓知道的人遺忘，讓不知道的人繼續不知、不覺。成績是有的；六四前後出生的一代大陸人，都不清楚、無從清楚這回事，很多甚至根本不知道，尤其是在幾個大城市以外廣大地區的年輕人。（愿諒那幾位香港大學學生。）　　

 

（二）開脫：這一步主要是在海外採取的。手法、說法有好幾種，其一是「諒解論」。中國地方大，人口多，窮，不能亂，特別是不能再像文革那樣亂。中國沒有處理群眾騷亂的經驗，沒有橡皮子彈，沒有催淚彈，沒有水龍頭。這些都要諒解。其二是「國際標準論」。基辛格也說過，世界上沒有一個政府可以容忍首都廣場被示威者長期佔領。西方民主國家也有軍警屠殺學生，如美國的肯特州州立大學事件。其三是「代數和論」。鎮壓換來二十年經濟增長奇蹟，就算殺了人，正負值相加，無疑還是正數，值得。(史弟註 : 這不正是曾蔭權的言論嗎? 曾蔭權五月上旬才發代 "我代表香港人" 的講話. 但此文章寫於四月上旬.)

 

（三）種疑：目標人士或怯於權力、或出於忠心、或迷於利益，對六四印象模糊、感覺鈍化之後，各種懷疑論便出台了。沒有資料啊，尤其在海外，如何判斷真相呢？會不會是美國中情局幕後策劃的呢？學生是否過激呢？六四運動的領導為什麼都逃到西方去呢？他們不是「走佬」的懦夫嗎？為什麼坦克壓過之後的死者還有人形？死者是否解放軍的多？大家要注意的是，這些懷疑論，都是有利於黨的懷疑；所有提出此等懷疑論的人，不會想到一點：如果黨不一直封鎖真相或真相的調查，根本不必那麼多的懷疑。

 

（四）修正：遺忘得差不多了，懷疑得差不多了，便開始推出對六四的修正主義。這也可以分兩步走，先是「反思」。猜想無資料，空談無結果，示威耗精力，不如反思六四。反思六四的什麼呢？什麼都可以，只要向前看，不要糾纏過去。這種反思，曾鈺成月前有關講話是典型，作用是掃除思想障礙，把路鋪平。跟着，提出黨版六四事件真相。國家強大了，人民歸順了，外人都來朝貢了，走出這積極的一步也安全了，黨版真相內容一定很豐富，甚至還可大方講出真正死亡人數，反正被殺者愈多，往後愈有威懾力。走完這一步，撰寫六四歷史才算大功告成。

(史弟註 : 這最後一步還沒有走出來. 可以相信, 一天內地政府要查清六四, 那必定會被認定為平反的第一步. 但根據練乙錚的講法, 那不過是平息六四的最後一著)

 

　　掩蓋和開脫是被動的、防守的，種疑和修正是主動的、出擊的。掩蓋和開脫，二十年來工作已做得差不多了，程序大體上進入種疑和修正階段。分水嶺大概在○四年和今年之間。大家看看兩次官方對外談及六四的分別便可領會。

 

　　○四年三月兩會期間，溫總答記者問有關六四事，《新華網》發的標題是「溫家寶答６．４風波：團結穩定比什麼都重要」，內容雖無新意，避重就輕只談前後、不談中間，但態度還算比較穩重、低調、有耐性。今年兩會期間，同一個問題，由有「中國第一新聞官」之稱的趙啟正作答，這次官方新聞稿的標題是「趙啟正直面六四風波提問」，文章記述當時情況：「當美國之音記者不懷好意地問及六四風波的定性問題時，趙啟正在幽默機智的談笑風生中化解」。這是十分自信、進取的態度，否則不能在此等事情上嬉皮笑臉，說話瀟灑、幽默。

 

 

(轉載自信報)

------------------------------

Why don't we just hand out the NBA O'Brien to LBJ immediately?

Why should we keep on watching him routing the rest of the world?

Why shouldn't I just boycott the NBA?

--------------------------

網主有事, 休息兩周.

<好像有人說過 : 無羞惡之心, 非人也>

司徒華這刻應該已致電感謝曾蔭權為六四晚會作出的貢獻.

曾蔭權... 佢梗以為自己係普選走出黎. 連奧巴馬都唔會話自己代表美國人, 而係佢話自己同美國人企係同一陣線... 不過之後科水俾金融隻團既大鱷咋嘛.

OK. 我在意既, 係究竟曾生係爆肚, 定係對稿讀. 點知一睇條片 (5 分 30 秒左右), oh my god, 佢係 照 . 稿 . 讀 .

一個政府官員 - 香港個d - 出去公開場合講野, 開記招, 事前必定會準備有關議題的 Line-to-take (LTT). 一般既 LTT 有兩部份 :

一個行政長官, 要知既野何奇多! 每逢呢d 場合, 佢既辦公室 - 由未來金管局阿頭陳德霖所領導既特首辦, 就會 call 各個鏢奴拎各樣野既 LTT. 據我所知, 俾特首既 LTT, 內容只要 bullet point - 其實唔使乜內容... 更重要係要 自大 字大, 最好係 font 20 或以上. 方便佢望一望就發揮想像, 好似 soler 咁, 吹呀吹, 讓這風吹...

由於稿太多, 所以條友份 LTT, 超厚 (留意影片裏面, 佢前面本野). 咁厚, 搵都有排搵. 於是乎又出現左一班人幫佢做 index, 等佢可以快速咁搵到有關既. 佢拎本野出去講之前, 應該, 重申, 係應該會由頭到尾望一次.

再講返條片. 留意 5:35. 佢由頭到尾都係望住本天書. 即係, d 野係照稿讀. 有人寫俾佢, 佢之前睇過, 覺得無問題, 再跟住一次讀.

OK! 佢係照稿讀, 學萬梓良話齌, SO WHAT? 其實, 無嫁, 即係話佢呢句係有心講既, 同埋, 佢背後班人係咁諗. 咁呢篇 六四 既野係邊個鏢奴? 我估係佢自己班智囊, 唔關其他人事... 無佢老哥肯首, 邊個白痴敢寫代表香港人?

哀哉, 哀哉! Bingo, Bingo!!!

聽到曾蔭權這樣說... 老實說... 我沒有太大的忿怒. 我對特區政府, 沒有什么期望. 沒有期望... 沒有失望. 畢竟他就一直就強姦我. 現在連我屎眼也不放過, 分別也不大了.

You can cheat all of the people some of the time, you can cheat some of the people all of the time; but you cannot cheat all of the people all of the time. 經過十年, 可以對這舊垃圾政府還有期望嗎? 理性一點吧.

----------------------

相信有很多人會因為曾蔭權的言論而去今年的六四晚會.

OK. 但要記得, 去六四晚會不是因為曾蔭權. 呢條柒頭, 係歷史既洪流, 只會存在於一段時間; 而六四, 我相信, 不會磨減.

個人既良知並非曾蔭權而存在.

中學時候, 不懂得欣賞課文讀本 - 據說現在中學會考已經沒有讀本了... 可惜. 大道理, 我們在那些讀本, 已經學到 :

無良知的, 只是禽獸. 你會對豬鴨羊等畜牲有期望嗎? 除了去鏞記希望隻燒鵝d 皮脆d, 我對 "一般" 既鵝是沒有期望的.

老鴨倒是不同... 尤其是姓唐的...

----------------------

然後班議員竟然叫特首收返有關言論.

佢地梗以為講左既野係中國製食品或者玩具, 戴爾電腦既爆炸性電池, 甚至乎係雷曼債券, 可以搵代理, 銀行或者超市, 禁個掣回收...

柒到無朋友.

點收? 呢個咁技術性既問題我諗左幾日都諗唔到. 全能既上帝除左造唔到一舊佢自己舉唔起既石頭, 同埋一條哈佬吉蒂無既產品, 終於有第三件事佢係做唔到.係咪打電話去時倉迷你倉, 就有人上門回收? 或者打俾 DHL 上門收件?

見到班友係記者會上一臉嚴肅, 煞有介事咁叫特首 "收返有關言論", 差d 飯都噴出黎.

我懷疑他日有學生對住老師講 "屌你老母" (其實唔使 "他日", 皆因呢樣野日日都發生緊). 只要學生話佢收返句 "屌你老母", 真係差佬捉到你都鋤你唔入.

呢d 野比無線電視劇一對男女打茄輪然後就話有撚左啤啤, 更加教撚壞人.

古語有云, 君子一言既出, 駟馬難追. 跟住曾蔭權又聽聽話話咁收返. 咁佢即係承認自己係小人.

你對小人有希望嗎? 你會認為小人會幫你向阿爺爭取平返六四?

民選又係咁, 唔民選又係咁上下水平... 究竟係邊個強姦左民意, 真係羅生門...

不愧是一片沉淪的國土 (OK... 我又炒冷飯了)