<壹>

一次偶然的機會, 他們與對方再談話.

他已記不起上次對話是多少年前了.

然後過了很久很久, 一晚他們竟然同台吃飯. 飯後消遺時, 也許是受了酒精影響, 大家說了多年來一直沒有說的話.

原來, 她早已經原諒他了.

他也告訴她, 如果有一天世界所有人都變成敵人, 面對千軍萬馬, 只能選一個作為戰友的話, 他的選擇只有兩個. 一個是她, 另一個是他的舊室友.

他知道無論怎樣, 她也不會出賣, 背負, 欺騙他.

或許是這種單向的信任, 他多年來一次又一次出賣她. 他相信, 最後必得到她的原諒.

當晚, 他已把手中的戒指送了給她. 是一種信任的證明. 他希望她相信, 他不再是以前那樣了. 這戒指對他十分重要.

他們就站著談了一整晚.

他對自己說, 這次要對她好很多, 很多.

----------

----------

[由零開始]

很久以前寫了一個故事 - 久得我也記不起是何時了, 彷佛是上世紀的事, 但又像昨天的事. 畢竟人過了三十記憶力會越來越差.

近日翻看舊文, 無意發現這. 內容只有十多篇, 但記憶中以廿篇作終結.

也不知道究竟這個連載會如何... 究竟中途那幾篇空白怎樣解決好呢.... 其實我只係想保持住人氣...

--------------------------

<零>

零碎片段.

糾纏不清的關係, 七年了.

七年以來, 他們的關係, 就像踩在鋼線上, 左搖右擺, 永遠沒有平衡點. 不是你惱我, 就是我惱你. 大部份的時間, 是他負了她多 - 起碼許多人, 包括他自己在內, 也這樣認為. 多是他拋棄她.

半年前, 在偶然的情況下, 他們再走在一起.

不知怎么, 他有預感, 今次的結局將會很不同.

他一邊輕呼著煙圈, 一邊望著她說.

----------

<生活 . 鳩o翕 - 自問自答版>

各位, 久違了.

最近不能集中寫作, 連帶這個 經典系列 也久久沒有更新... 橫豎也是, 來個自問自答吧.

問一. 史大叔, 為何懶於更新?

答一. 說出來你一定不相信. 少更新的原因, 是因為去年換電腦時, 順道連用開的browser 也由FireFox 換成 Chrome. 火狐實在太慢了; 第一次用Chrome 時, 居然重拾第一次由仆街IE 轉去用 火狐的感覺. 那種感覺, 就像你看了蒼井空五六年, 由佢話佢自己十八歲, 自瀆到佢老到似狗屎; 然後某天你發現有一個女優叫 Rio 或者近期十分火熱的 羽田愛 一樣. 那種一睇就射的感覺, 實在難得.

可惜用Chrome 更新XANGA的話, 是要用 我完全不懂的html. 就算懂, 我也不會用 - 為什么我要粗體字要 <BOLD> 咁麻撚煩? 我想按個掣就搞掂. 唔好咁拉你地? 我想踢波呀~~

在用快的瀏覽器 同 更新 XANGA 之下取得平衡, 我取前捨後. 要更新這裏, 就要開火狐. 好煩. 開首時還會先用電郵寫下靈感 - 嘩, 這個字眼很久沒有在腦海出現 - 漸地工作忙上忙, 也就少更新了.

問二. 轉一轉話題, 你對於 限制內地女人 黎香港產子 有什么感想?

答二. 奇怪的問題. 這個事情我想好一陣子.

近年香港好些現象, 是中港融合與及香港得以維持經濟繁榮的代價. 有大陸 "照住" - 不論是人 (自由行) , 資金 (包括內地來港的資金, 與及能吸引外資投資本港市場的中資股), 貨物 (香港很大部分的轉口仍來自內地) - 香港2003年後只在2008年經歷一段小時間的衰退, 而經濟回復動力的速度及幅度, 令人吃驚. 經濟增長強勁, 失業率下降, 政府收入大增. 這些是中港融合所帶來的得著.

這不可能沒有代價. 正如 鄧伯 在黑社會 中說, Jimmy 仔是不可能 又要搵水, 又唔想出力. 最明顯的是, 香港的生產力再強, 也不可能應付一個十億人的市場. 於是在有限的資源下, 現在的資源便要作出轉變以迎合龐大的市場. 轉變在香港各大小商舖商場的 "質變" 最明顯 - 大部分都是自由含的商店. 彌敦道有600 間金行, 銅鑼灣來來去去都係卓越, 錶行, 藥房, 連鎖店.

至於量變, 則要多說一點. 因為最終量求大了, 會令生產要素的需求上升 - 如果你要多賣漢堡包, 便要更多員工 (人力), 店舖 (地), 漢堡及飽 (食物). 因為內地人買的多是外來入口的名牌, 價格由世界既需求所決定, 因此貨物成本不會因需求太多而上升 (用經濟述語, 香港是一個 "price-taker"); 售貨員的供應甚多 - 除了一般的名店要英文, 大多的商店/食肆只要國語使成; 而過去大量內地中年女士來港, 令此類勞工的供應大增, 於是乎勞工成本也不會上升. 於是收入多了, 但成本沒有變動, 即利錢多了. 地主/ 地產商從中可收取的租金也高了, 而他們亦會想盡辦法製造更多空間做生意. 這便出現所謂的地產霸權.

金融海嘯時, 內地訪港的人數仍然堅挺. 這也是為什么零售舖位的租金當時只下跌9% (差餉數據), 跌幅遠低於住宅及寫子樓租金 (20% 以上).

留意上面所說的所謂地產霸權, 不是說私人住宅樓價上升, 而是說商舖租金. 當中港融合越來越活躍, 加上大量內地人, 資金來港, 令本港的被 "大陸化" 是必然現象. 這代價較明顯.

不過, 香港付出的代價, 大部份都隱性得多.

當內地人再進一步在社會民生文化上融合時, 其他非經濟範疇亦會受影響. 香港的空氣質素每況越下, 就是當年香港工廠北移 加上 有香港有效率的貨櫃碼頭支持下, 廣東一帶工廠百花齊放的結果. 這便是環保上的付出.

然後當你發現所謂港產電影越拍越垃圾, 越拍個口味越貼近自由含口味, 這又是中港融合, 電影人要迎合內地市場的轉變, 這是生活上的轉變; 當中環滿地是乞丐, 旺角許多扒手, 這是在治安上的結果.

而你所問的內地人來港產子, 不過是在醫療上的付出. 這便是要食中國條水所付出的社會成本.

奇怪的是, 香港人對這些事情總大驚少怪. 其實這些例子尤如天上凡星, 數之不盡.

你入到本地大學, 聽到的盡是普通話, 或唔咸唔淡的廣東話, 又是一個例證. 香港的教育制度, 最令人擔心. 畢竟政府對摧毀本地的教育制度, 真有一手 - 由母語教學, 到334, 到現在討論中的國民教育, 莘莘學生, 還沒有可以作出決定時, 人生已被徹底毀滅. 就算是特意搞垮教育制度, 也不能像香港政府一樣的不知所謂.

現在 "大陸化" 仍停留在大學的階段, 而且本地大學仍有足夠的資源去吸納. 當一天因為本地生育率下降, 而有人提議香港容許內地人來港讀中學或小學時, 這才是真正的喪鐘. 當內地學子佔本港學生人數三四五成時, 香港的教育制度必定要改 - 完完全全跟隨內地.

而我認為政府要引入國民教育, 正是通往這條奴役之路的重要一步棋. 比較之下, 內地孕婦來港產子, 不過是小事一樁.

最後還有什么? 香港的根基, 便是法治. 當香港經濟文化教育醫療都與內地接軌時, 法治與其同化, 是 sooner or later 的事. 還存疑嗎, 曾蔭權上兩星期說有人濫用既有既司法程序 - 明明是自己錯了還要屈鳩人 - 這不正就是內地政府以 "法治" 達以 行政目的 的一貫思維嗎?

所以你要反地產霸權, 反政府, 反所有些社會現象, 就要由反內地, 反共產黨, 反中港融合.

-----------------

好了, 太多口水了. 有問題的話去留言問好了.

開始今期的相片集.

(1) 亂葬岡

說真的. 我很喜歡與女生逛街.

我沒有忘記我寫過這文章. 當梁振英一九八九年時登報屌鳩中共當權者, 後來又說鄧公應該領諾貝爾和平獎時, 我這些又算什么?

只是漸地, 我發覺逛女裝部的最大好處, 是可以一次過望好多女. 你去時代廣場既ZARA, 好多靚女, 鬼妹玻妹內地女生香港女生什么也有. 尖沙咀海狗城的 b+ab, 全部後生女. 更重要是, 這是少數的地方, 你望女而d 女係唔會發覺或者理會你望緊佢 - d 女既注意力係d 衫度, 邊度得閒理鳩你?

你試下係地鐵望住對面條女三秒呀. 你唔係拎住個LV, 著PRADA, 穿住Armani西裝, 佢告鳩你強姦呀!

不過, 自從某人好像發現這點後, 就越來越少搵我一齊行女裝部... 其實係我好似董廢帝咁, 唔企得唔行得...

下面係時代廣場某店賣鞋的地方.

望著望著, 背後生風, 突然諗起日軍侵華個陣既亂葬岡...

然後有人 (雖然右邊個個應該係個隻緣色既 Hulk) 係亂葬岡試鞋. 嗯 (點頭中)... 佢地應該係食腐屍既屍虫...

這個亂葬岡叫 Bershka, 是 Zara 品牌有關的公司. 據聞是走年輕路線 (但不知道為什么右邊要走出隻 Hulk 來). 對我來說, 這是個有冷氣的花園街. d 女幾正, 有個收銀不錯.

(2) 學英文時間

真的是最後了.

(3) 明興水電

這店舖在大角咀附近. 好幾次做完gym 經過, 腦海總浮起當年在重慶大廈的日子.

是的, 爸媽在重慶大廈的電器小店叫 "明興水電" - 爸媽二人的名各取一字, 得 "明興". 還記得那是 "明興水電工程有限公司". 雖說是有限公司, 但沒有公司註冊 (只有商業登記); 更重的是, 在我所知的情況下, 爸媽從明興水電所賺的所有錢, 沒有交過一毫子利得稅給政府.

沒有實質證據, 但我相信, 很多人得以以中小企養活孩子, 其實也沒有交過什么稅. 更何況, "明興" 究竟有沒有賺過錢, 我一向抱有懷疑的態度. 話說當年明興還存在時, 老爸整天也說在蝕錢 - 真的, 每天也說蝕錢. 小時候信以為真, 害怕明天便會露宿街頭, 於是將生日與農曆年的利是錢也交給老爸老媽.

大概是到了十歲, 終於知道為什么老爸整天也在說 蝕錢 - 屌佢老母 (終於忍唔住爆粗), 佢每逢將d 錢存入銀行, 就當錢無撚左, 咁邊有公司會 賺? 再大一點佢又話蝕時, 我就串鳩佢 - 你每個月蝕兩千, 一年兩萬四, 十年都廿幾萬. 點解你唔執撚左佢, 慳返廿幾萬?

情形就似我阿婆每次見到我都話我瘦左. 記住, 係瘦左, 係有比較. 廿幾年黎你瘦左呢句話同阿婆都豐乳同路. 三十年了~ 若然我出世時有三百磅, 一年見阿婆20次, 每次瘦半磅, 咁我而家... 同升左空既太空船一樣, 屬於 無 . 重 . 狀 . 態 .

就這樣過了很多年.

大概是零六零七年吧, 那時候我搬離了重慶, 住在中環. 某天, 老爸說, "明興" 真的執了. "明興" 最後的歲月, 大概真的是蝕錢吧.

(4) 海報四字詞

(發現新大陸口吻) 原來好多電影海報都有四字詞... 我地一齊黎睇下.

雷神奇俠 : 勇者無敵

講開又講, 你咪得個男主角個樣咁... 其實呢條澳洲佬得 28 歲. 我估佢起碼 40. 所以話地球暖化對唔同人有唔同效果.

情殺局中局 : 完美行凶

留意 情殺 同 局中局 用左唔同既字體.

不再讓你孤單 : 感動交織

...或者我文學修養低, 唔知道 "感" 同埋 "動" 係代表 男 同埋 女 兩種唔同既情感. 愛恨交織我倒聽得多. 想了很久很久, 終於想到 "感動交織" 代表什么....

當係 牛肉 炒 牛肉 lor 豬閪...

惡人家族 : 無印良品 無良極品

天神魔煞 : 殺破黑暗

我唔撚知呢d 乜野中文.

附海報送上 拉直既國金二期, 大家都做唔到既李嘉誠長江中心及中環廣場. 原來套戲係講殺死李嘉誠同埋佢d 大廈...

(5) 食屎記

人生終於食左一次屎. 仲要用 $40 買既一杯爛屎. 我估計係 外型 同 味道 上, 呢杯所謂 咖啡 + 乳酪 根本同 屎 係無分別.

你睇下! 仲有士多啤梨陪你~

若然你去朗豪坊, 小心係頂樓中伏.

(6) 由年初一俾人鬧到年三十晚

阿媽好鍾意用呢句野鬧老姊. 事實上老姊真係好幾次係年三十歲被人預先開年.

樓下呢間野, 由年初一到年三十晚都減價. 若然你搵到日佢無減價, 請買六合彩.

(7) 生日

終於安全地渡過 三十歲 了. 踏入三十一歲, 最想的是... 世界和平吧.

世界和平, 地球暖化早日解決, 香港有真普選, 民主黨收皮, 恒指九萬點, 平反六四, 中共倒台. 這都是今年的願望 (其實每天也這樣想).

漸地我不知道究竟是慶祝什么. 是慶祝自己距離死又近一年嗎? 或許能夠有機會許一些願, 倒是慶祝生日的最大得著.

某年臨近母親節, 我曾對老媽老實不客氣地母親節是應該 老媽 請 我和老姊 吃飯. 因為沒有我和老姊, 老母便只是老爸的妻子 (或前妻), 而不會成為 "母親" 了...

結果當然俾人鬧足一個鐘...

不過, 左上那個唐老鴨生日蛋糕真係好靚 (特別多謝責任總編). 我覺得就算係迪士尼出既, 都 . 無 . 可 . 能 . 有咁靚.

左下的立體砌圖, 自己唔捨得買 (好似舊幾水), 後來老姊買給我所生日禮物.

嘩呀呀呀呀~

我知道休刊好耐.

但我清楚無靈感.

完.

<生活 . 鳩o翕 - 三月長征版>

我知 march 並不等同 長征. 無所謂拉, This long March 叫 三月長征版 好了.

我會記得 2011 年的整個三月, 這個我不喜歡的三月. 其實, 我連四月都唔鍾意...不過再唔出文就2012 年了.

(1) 3 月2 日. 白痴仔 財爺 終於屈服, 每人/每個香港市民/每個住夠七年既香港市民派$6000. 其實當時已估到, 一個月以這樣開頭, 這個月肯定並不好過; 結果也應驗了.

(2) 無厘頭地訓醒就病了. 訓覺是我還是蓋著羽絨 - 不錯, 無論是三度還是三十度也蓋羽絨. 而居然有人蓋羽絨還會感冒, 世上就是這樣奇妙. 我相信有 inception 這回事, 皆因我那晚發的夢, 就是去了北極探險. 探完險, 起身就感冒了... 請了天半病假, 第二天下午還要回到公司開會. 隔了兩星期, 與友人到喜宴吃午飯, 吃完那個陳皮骨, 下午就開始咳了... 他媽的. 無厘頭地病.

(3) 更離奇的是, 某天晚上在煙房抽煙時, 想清潔一下食煙的地方, 於是開水喉... 突然聽到窗外傳來 "啪" 的一聲, 然後水喉既水開始無乜力. 跟住 停 . 撚 . 埋 . 水. 見前排區內停水, 以為又黎料, 所以見無水就算.

當時心諗 : 好在個陣唔係沖緊涼... 於是無沖涼走去訓.

第二日起身, 諗住搞左一晚, 水務署點都搞得掂咧掛... 點知去開水, 都係無水.

噢賣葛! 我無潔癖, 但真係接受唔到自己係無沖涼既情況下返工. 又無理由因為未涼沖而射波, 可以眼訓太累唔想起身要去見工唔想做野而射波, 但不能因為未沖涼所以射... 於是死死地氣帶埋衫返工, 諗住晏就返阿媽 (住尖沙咀) 度沖涼. 因為無鎖匙, 所以一定要肯定阿媽度有人 (有人, 即係阿媽 herself). 早上十點半, 打俾阿媽.

"阿媽你食晏時間係唔係屋企?"

"唔係喎, 做乜?"

(呈暗叫不妙狀) "...."

下刪一億字...

"下, 我今晚九點先返到去喎..."

個刻我只可以用灰爆黎形容... 諗諗諗, 最差既情況我就係去奧海城做gym 個度沖, 雖然係遠左D, 但食晏個陣去, 應該夠時間.

呀佢老母, 又突然俾我諗起有朋友係國際金融中心二期返工. 據稱IFC 2 期呎租$160; 而佢最正既地方, 係每層都有個沖涼房. 好彩同呢個朋友OK 熟, 於是晏就去左 IFC 2 沖涼...

跟住下午, 業主打黎. 佢話原來唔係街喉爆左, 係寧寧舍舍我屋企條喉爆左. 要搭掤整三日. 屌 . 你 . 老 . 母. 我真係係辦公室叫左出黎 - 即係話我呢幾日都無水沖涼刷牙洗面!!!!!!!!!!!!!!!!!

咁點? 有幾個選擇 :

A : 唔沖涼直到屋企有水.

B : 每日晏就都去 IFC 沖涼.

C : 每日放工去奧海城做 GYM + 沖涼.

D : 每日食完晏返阿媽度沖涼. 跟住俾佢o我我屋企點解無水. 我真係唔知, 我唔知點解你遇到一d 好悲慘既事, 你屋企人 - 尤其是你阿媽 - 總會認為你係特登既. 仲要係特登到明明有條乾淨既路唔行, 你都夾硬要行條充斥住狗屎既路一樣. 例如你屋企喉爆左, 佢第一句一定係話你 "搞錯", 跟住係 "用野用得咁粗, 水喉梗係爆", 第三句會係 "一定係你擰水喉擰得太大力".

至於失戀, 你阿媽劈頭會話 : 叫左你搵個好d 嫁咧. 跟住每一句, 重申, 係每一句說話都係想迫你去自殺作為依歸. 彷佛你唔自殺佢係唔會收口.

講返選擇題. 我認真地考慮每一個選擇. A 是沒有可能的; B 也會麻煩到朋友. C... 好撚遠 - 我是那些行去對面街7仔也想搭的士那種人 (偏偏又去咁遠做GYM...). 至於選擇D, 其實只湊夠四個選擇.

終於有借口 於是 去女友屋企屈蛇. 每日要早一年起身返工, 排有四百人既人龍, 再同班唔識既蛋散等小巴, 再跟住同更多唔識既人迫巴士. 最好笑係我搭個架過海巴士係會經過我無水既屋企... 望住個種有家歸不得既感覺, 真係同大禹治水, 三過家門不入, 感同身受... 情何以堪呢?

(4) 然後是日本地震+海嘯+核事故. 我一直很喜歡日本, 自預科畢業去了六七次 (實際次數忘了), 原本計劃五月去. 自地震後, 我沒有發表甚么感想. 這種感覺不知怎樣說. I feel really sorry. 這還是一個我這么喜愛的地方, 真正人潔地靈. 不要說什么國仇家恨, 二次大戰, 三年八個月 - 要恨的話, 請先恨你祖國的共產黨. I don't really fucking care. 上次說過會將三千元捐去保良局, 我決定改為捐給日本. 轉軚? 係呀. 咁阿財爺都轉軚, 我呢D小市民轉下又有乜所謂?

最令人 (起碼我) 感到忿怒, 也再半點可笑的是, 當人家福島五十在搶救核危機時, 有班白痴在香港搶鹽. 我以為而家係2010年, 人類會文明左. 就這么的一個例子, 已經證明達以文的進化論是錯到離譜. 食鹽抗輻射也有人信, 怪不得做愛也可以轉運. 再戅鳩的大話, 只要你肯講, 就會有人信.

又總會出現以下情況, 我問十個朋友, 其母親有冇搶鹽, 總連半個也沒有. 唉. 人類都快要滅亡了, 還搶鹽...

(5) 友人結婚, 又當兄弟. 我已記不起這是第幾次做兄弟了, 次數實在太多. 頻密得有人問我的正職是否做職業兄弟. 又做 MC - 其實我對住唔識既人, 係有讀寫講困難. 再加上友人既姊妹... 結果經過一輪四則運算之後, 佢地結婚就黎一個月, 我連人情都未俾. 

(6) 月底時表弟結婚. 這說過了. 喜事也. 家中很多年沒有做過喜事 (細舅父2001年結婚; 最近的反而是喪事 - 太婆2003年年頭去世).

也許是我太天真. 以為結婚真係大撚晒, 所以無論發生甚么事, 那天總會有大姨媽一家從荷蘭回來, 影一張全家福. 無論是甚么理由, 這張全家福, 是要影的.

事實上, 當大家知道表弟要結婚, 第一件事也是要大姨媽回來 - 最起碼我表弟與老姊也是這樣想.

由於忙於公事, 一直沒有問大姨媽是否真的會回來. 直到表弟結婚前兩晚, 約了其友人飲酒. 我剛巧在附近, 就去會一會他. 還沒有坐好, 表弟一臉神傷說 : 大姨媽一家不會回來. 接著如此這般道出了原因. 總之, 是些很無謂的原因, 大概等同某人說 : 我唔撚鍾意你, 然後叫大姨媽一家不會回來.

表弟問我是否真的. 我答不知道; 我真的不知道. 表弟問到幾乎要哭.

當晚沒有喝過甚么酒就離開了. 表弟很想影一張全家福, 婆婆更想.

最後表弟結婚當天, 驚喜並沒有出現. 大姨媽一家還是沒有回來; 全家福彷佛欠了些甚么.

我不知道究竟是我自己的願望落空而失落, 還是因為表弟失落的表情而悲傷. 總之, 這個婚禮, 本應與我最親近, 感覺卻是那么遠.

距離在於, 我不明白在這么重要的日子, 為何考慮一些無關痛癢的因素. 這不是我認識的親友. 在找回那些感覺之前, 我應該不會再繼寫 <我的童年>.

是的, 終於找到落台階停寫這個爛尾系列了.

(7) 之前說過友人結婚. 可惜在婚宴前收到一個壞消息, 新郎哥的親人有重病. 月底前過身了. 真的很難過. 主懷安息.

我真的很不喜歡這個三月.

-----------------------------------------

以下將盡量回復普通 <生活.鳩o翕>

(1) 真係大拿拿

港元定存有成 1% p.a. 咁大撚把呀!!!!!!!

仲要講到明係 "高回報".

幾乎要唱首奇異恩典黎助慶.

(2) With heart

左起 : 吳日言, 陶喆, 胡杏兒.

(3) 唐老鴨

儲左唐老鴨既野只有三四年 (重點在 "只有"), 一路引以為傲的便是從不買重複的東西 - 重複的一是自己十分喜愛, 一是人家送. 雖然不知道有甚么好引以為傲, 總之我從不會在家中發現在唐老鴨, 然後像發現UFO般叫 : 哎呀, 屌, 原來重複左.

直到我近排係屋企發現兩個頸枕 (圖中間).

某個星期三下午, 老媽神神秘秘地打來.

"阿仔, 你係邊?"

"屌, 星期三梗係返梗工." 近排對住老媽都照爆粗, 但佢似乎已經放棄左我.

"呀, 我係屈臣氏見到唐老鴨淋浴露, 好得意, 你有冇?"

我認識老母三十年, 從來無聽過佢用得意黎形容一樣野. 佢對任何唔係佢買既野既形容詞不外乎 :

既然佢破天荒用 "得意" 黎形容, 拿拿臨問佢幾多錢, 然後買左落黎.

跟住老姊當晚影左張相出黎... 嘩!!! 你老母, 好得佢無話過我任何一個女朋友得意...

醜到呢... 不過我其實好開心, 因為呢個係阿媽買俾我既唐老鴨. 見到張相, 我即刻諗到佢最大既問題, 於是接收左佢後, 同佢大翻新 :

真係即刻唔同晒.

                   (整容前)                                        (整容後)

多謝媽咪!!!!!!!!

(4) 家庭計劃

話說表弟結婚, 對我既衝擊好大. 皆因, 我係好怕小朋友. 我覺得佢地全部都係煩撚黎. 以前連見到也感討厭, 近年好一點, 只玩人家的就好. 若一個不小心, 搞出人命來, 恐怕我首先會了結自己既生命.

印象中年少氣盛時 (大概只有廿歲), 只有一兩次不用避孕套. 沒有在陰道射精; 但事後驚了個多月 - 剛巧女友月事來遲. 以後再沒有, 是再沒有半次扑野不用套. 沒有套, 最多是不幹. 有朋友從來不用套, 我聽到也驚. 咁即係想落樓, 唔搭電梯直接開窗跳落樓... 射個精o者, 使唔使咁撚勇?

而話說外婆聽到表弟有料結婚, 沉默了半晌, 然後淡淡說出一句 :

真估不到這是個八十多歲老人家的說話. 老媽的驚世智慧, 是遺傳外婆的.

某天與女友談起此話題, 我說不知道結紥後有沒有高潮. 作為一個讀左千幾年文科既人黎講, 我真係唔識. 跟住無幾耐, 我收到下面一條連結...

男性永久避孕

個手術真係巨細無遺到講出黎... 巨細到令我好噁心, 即刻打消呢個念頭. 讀落去, 最好笑係以下問題 :

問 : 手術後是否立即有永久避孕效果?

答 : 手術後，輸精管結紮口以上的管內仍存有精子，一般要經過約二十次射精才可完全排淨。故此手術後必須採用其他有效的避孕方法，並要在本會所指定的日期內，提交精液樣本作化驗。待經過連續兩次化驗後證明精液中完全沒有精子存在，方可放棄避孕。

嘩哈哈哈!!!!!!!!! 我真係笑撚左出黎. 原來大家既精同美國d 石油一樣, 係有庫儲量既. 而且仲要射二十次, 唔係插揉摸掂含吹奶啜二十下, 先至清到d 精. 二 . 十 . 次 . 呀 ! 屌你, 我一年都射唔到拉.

然後仲要拎去化驗, 再射多兩三次, 證實無棈先可以唔用套... 如果證到仲有精, 係咪又要射多二十次? 咁射法, 唔使避孕d 精都冇撚晒拉師兄...

(5) 好學唔學

個性字越寫越亂, 第日咪亂性lor

(6) 加送錢強化版

加錢送普通版

下圖為強化版 :

之不過...原本碗野幾多錢?

同出一轍. $98, 賣乜春? 都係冇人知.

(7) 更新 . 環節

--------------------
 
是的, 我知道今期 生活.鳩o翕 再次一d 都唔好笑. 為左補償, 我係度送上個笑話.

話說某晚在女友家打麻雀 (但我本身唔鍾意打麻雀). 電視播著女拳. 我唔電視, 更加唔進電視劇, 遑論無線. 話說個集講到廣州一街都係鼠疫, 阿黃宗澤領左野, 要大拿拿 $100 打血清. 咁阿陳法拉為左籌旗, 就去做雞. $10 一次, 有條白痴應承, 二人去後欄開戰.

此時, 我以為做得雞, 陳法拉點都會除衫吸引收視, 於是停左係度睇. 點知陳法拉條仆街, 拎碌棍亨條嫖客. 結果由人地扑濕佢, 變左佢扑濕人... 跟住陳小姐竟然係條友身上搵到 $100!!!!!!!! 屌你, 原來一舊水咁易搵.

好咧. 諗住拎$100 去打血精除鼠疫, 去撚到醫院竟然發現唔見撚左一舊水. 嘩哈哈哈哈哈, 真係笑撚死人.

跟住, 打緊麻雀, 背住電視既女友細佬女友 (多複雜既關係圖...), 聽唔清楚對白, 竟然問左句 :

哈哈哈哈哈哈哈哈哈哈哈. 其實一街精液真係恐怖過一街鼠疫. 你諗下 : 楊柳樹全部係精... 牆呀電梯掣呀台面呀手提電話呀全部都有精液... 真係好似拎住你男友電腦個鍵盤出街咁, 諗起d 精味, 都想嘔呀...

----------

前陣子有人post 過文字解讀器, 研究下你個blog 用左乜文字居多. 以下是我的文字牆 (好像王菲陳年 "胡思亂想" 的唱片封套) :

屌, 唐老鴨 居然不在顯眼的地方. 如果你發覺最大隻既字眼都係無乜意思既字, 唔好奇怪; 皆因呢個西跟本就無乜內涵. 哈哈哈哈哈哈.

<This long March...>

記憶中好像沒有一個月, 內外身邊經歷了這么多的事.

不論是身還是心, 是令人相當的疲憊.

休息, 停刊. 但應該好快返.

<終極炒冷飯 VII : 世上最無聊既一篇文章>

話說, 我去左取材. 但乜野材都取唔到. 皆因個腦唔知點解便秘, 點諗都諗唔到寫乜. 結果係睇返自己個 blog (!!!), 發現可以做樣無聊野 : 睇返我d 文既 views 同 comments. 跟住就得出呢篇終極炒冷飯咧~ (系列 TAG)

講明先, 有幾多 views 同 comments, 我唔係太在意 - 有讀者睇當然好, 但講到底我寫呢個blog 都係為左寫下笑話逗自己開心. 重申, 我係唔太在意, 並唔係完全唔在意. 毀譽不動, 違反常情; 未能事人, 焉能事鬼? 以德報怨, 何以報德?

講起呢D聖賢之言, 中學時有在台灣當過軍官的體育阿蛇 (人稱老狗), 在他房門口的黑板上, 寫了八個大字 :

說起來很慚愧. 雖然讀文科, 但到中學畢業時, 我都不知道這八個字在說什么... 直到大學時一次回到中學, 再看到這八個字, 才明白所以言. 之於為什么大學修經濟的我會突然學懂這幾個字的意思... 我就真係唔知咧.

上年8月有點時間, 我用好多時間睇返由2008年至2010年7月既文章, 統計返d 數字. 以下既數字, 係截至9月28日. 總結如下 :

1. 統計數字

2. 哈哈哈.

3. 以views 計, 最受歡迎的 10 篇文章 (又話唔在意views...)

4. 以views 計, 最唔撚受歡迎的10篇文章

5. 各爛尾系列

6. 滄海遺精@2010年

1. 一些會刺激通脹的措施，我是不會考慮 (來源)

2. 構思這些措施時，我首要的考慮是有針對性地協助大家減輕通脹壓力，同時避免過度刺激消費 (來源)

3. 我在制訂預算案的時候，是很認真考慮到市民的需要，亦考慮過市民的訴求。大家在預算案都看到，大部分的措施確實可以提供到，可以幫助到不同階層市民的需要。但是我出了這個預算案之後，發覺到有一些措施是得不到市民的認同。我們現時聽到那些聲音之後，與議員大家討論過，我們覺得這個方法，我們亦達到一個共識，覺得這個方法是可以最好地回應到市民的要求 (來源. 佢究竟想講乜?)

---------

好了, 既然遲左咁耐先講, 我地輕鬆D, 一齊凝聚共識黎笑柒財爺.

問 : 你好像是讀經濟的. 究竟派錢會唔會刺激到通脹?

答 : 我真的好像是讀過經濟. 不過那是很多年前既事了...

只要一日有人類生存同洗錢, 咁一定會有通脹. 只有以物易物的地方才沒有通脹. 既然點都有, 驚黎做乜? 唔通你驚交通意外所以唔出街咩.

通脹係壞事咩? 睇情況. 你問下美國佬, 日本人幾想有通脹. 又可以訪問下津巴布韋D人用貨車抬錢買菜有幾慘. 簡單來說, 有通脹好過無通脹, 低通脹 (一般認為2-3% 是"好") 好過高通脹.

不過, 今年派俾你, 即刻有通脹呢個諗法, 係一D無過經濟既人, 或者講過少少既人一廂情願既諗法. 根據偉大經濟學家 Milton Friedman 既 Permanent Income Hypothesis, 你洗幾多係根據你預計一生人既總體收入, 並非呢D意外之財, 仲要得個 $6,000 咁大撚把. 即係話, 發橫財之後既人, 好多生活習慣同消費同之前無乜分別 (多年前有相關研究證明這點).

再者, 香港既 GDP 17,000 億, 當中約七成係消費 (12,000 億);  每人六千, 七百萬人, 420 億, 即使洗晒, 同埋變晒做通脹 (即對實質經濟活動無影響), 都只不過係 0.35%. 今日財爺既通脹預測係 4.5%; 加多 0.35%, 都係 5% 樓下. 屌你老母, 佢自己估錯既差距都唔止呢個數拉 (估2009年1.6%, 結果係1%).

總結 : 派錢會推高通脹, 但效果並不明顯. 以此作為理據, 顯然站不住腳 - 也勿論減差餉等會否也推高通脹. 這也是為什么, D人係咁問財爺派錢對於通脹既影響, 佢死都唔答.

問 : 點解財爺完全無提過環保? 又無講解決我最關心既地球暖化? 淨係講左環保產業?

答 : o拿, 我份人好公平, 呢次我撐佢. 地球暖化係無 . 得 . 解 . 決 . 所以再講都係無謂.

之不過呢條白痴仔 (呀, 對唔住用左呢個字眼), 話要推廣節約能源及改善能源效益 - 即係慳電 (我唔明點解明明兩字寫到既野, 佢硬係要用十幾個字寫出黎); 但轉頭又補貼電費... 即係你想女友減肥, 然後煮牛扒豬扒雞扒俾佢食.

真係好波.

問 : iBond 是甚么來的?

答 : 這個幾好笑, 呢條友抄我野. 話說我 2009 年已講過有關套戥既投資方法. 無謂如何, 總之你有錢買呢個iPhone 個朋友 iBond, 你既回報起碼與通脹同步. 怕通脹, 有iBond!

之不過呢... 財爺話通脹係來自食品, 窮人洗錢最多就係食品. 而窮人...by definition...係應該無錢買iBond 的. 即係最想你幫個班人, 你幫唔到. 然後基金經理個班寄生虫就可以收fee. 真係高招. 又一思覺失調.

問 : 這份預算案你有什么看法?

答 : 若然給我遇上那個提議加煙稅的王八蛋, 我一定會屌佢老母. 是認真那種屌佢老母, 而不是用把口那種屌佢老母. 不要問我為什么遇到那王八蛋時, 其母親一定在旁, 總 . 之 . 我 . 會 . 屌 . 佢 . 老 . 母.

至於控煙辦呢個有關吸煙統計既網站, 真係好好笑. 因為佢特登唔講香港有幾多人吸煙呢個最直接既資料!

問 : 預算案有甚么笑點呢?

答 : 有幾個.

問 : 咁財爺又改過自身, 又派左錢, 你仲想點?

答 : 派六千的敗壞之處, 並不在於它浪費金錢, 造成通脹. 此惡政不同之處, 在於其糖衣的外表, 一般市民不易察覺. 幸好仍有各有識之士與回頭是岸的報章連日惡陳此糖衣毒葯.
 
再者, 為什么派, 派幾多, 派給什么人, 幾時派, 怎樣派, 事前完全沒有通盤考慮好, 也沒有一套能說服人心, 最起碼自圓其說的講法.
 
宣佈一星期, 全宇宙都係度爭論兩點 : 點解十八歲先有; 點解要住滿七年先有. 連日成千上萬的人就互相以攻擊, 你一言, 我一語.

原本的德政, 結果造成社會內部嚴重矛盾. 邊忽凝聚到共識?
 
二零一一年政府派六千, 乃繼母語教育, 高官不負責制, 以庫房津貼私人渡輪公司營運之後, 特區政府禍港的第四號惡政.
 
不少中國古代的武俠故事, 皆與龍脈有關. 斷龍脈可收減國祚之神奇功效, 大概比斷真正的龍脈 (即係皇上既子孫根) 更有效. 政府過去許多大大少少的失誤, 八萬五沙士樓價太高等等, 仍不至斷龍脈. 惟以上四惡政, 每樣皆大刀大刀斬落去.

觀乎回歸至今, 龍脈一斷再斷, 藥石無靈, 離死不遠.

我是很認真的. 做官不是問題, 廢不是問題, 搞呢搞路不是問題 - 事實上大部份的人 (包括你我) 都中是但一樣. 但無人會黎嘈你 (除左你個個想結婚但想你俾首期既女友); 但你做高官又廢又搞呢搞路, 加埋就係問題. 同埋, 當你係財爺, 隨時有幾千億俾你玩, 唔係津巴布韋錢, 唔係陰司紙, 係港幣, 咁你又廢又搞呢搞路, 就仆街.
 

曾俊華是要下台的.

問 : 你會怎樣洗那六千元?

答 : 我一個朋友說 : 我會好珍惜呢6000蚊, 因為係用香港前途換番黎.

然後某天晚上他媽的光明頂播了這首歌, 我幾乎哭了.

這六千元真的令我很難受 - 儘管我立刻去了溫莎水療按摩.

我決定將三千元捐給保良局, 三千元換成三張一千元, 錶好, 以作為香港長遠未來之紀念碑. 派了錢, 有機會我會拍照放上來的.

這不過是一片沉淪的國土.

(嘩你老母! 你臨尾都要炒冷飯?)

<情人節 : 2011 版>

再忙也好, 就像每年要記得張國榮死去一樣, 我也記得要抽時寫寫這部年度鉅獻...

好了. 例牌來個炒冷飯吧.

1. 系列的 tag

經過這么多年，今天才發現原來自己寫過一些超級肉麻老土毛管桐的文字，例如2008年那篇。當時的心情與文字，都是真的。毋須要改寫歷史，刻意修改那些文字。不過，只覺得今天怎樣也再寫不出這些文字了。

我想問一下，到底是那條王八蛋將我一向用開的, . 變成 ，。?每次打標點都要按下ctrl，好撚煩。

-----------------------

2. 那年冬天; 到達彼岸

"怎樣的真理也無法治癒失去所愛的人的悲哀。無論甚麼真理 - 誠實、堅強、溫柔都好，面對那種悲哀誰也無能為力。我們只能克服悲哀，從中學習一點甚麼，然而那種學習對下一次預料不到的悲哀時，一點用處也沒有。"

所以，無論任何人分享傳閱解釋千般不一樣的愛情故事，只要是悲劇收場而不是發生在你身上，你不會有深刻體驗 - 除非你感同身受。諷刺的是，若你感同身受，一開始不需要有那故事出現。你根本不會學習到什么，也不能體會到什么。
 
未試過，不知道原來媽媽是最好的。多數的情況是，當你知道媽是最好時，你媽都已經不在 … 甚至乎係你自己都就快離開人世 …
 
只有跌鑊甘、領鑊勁野，先有機會到達彼岸，至臻化境；當然，有很多人領鑊甘後，仍然死不悔改 – 例如美國佬經歷金融海嘯之後，仍然係借貸渡日；不過借錢個個由私人變左政府。因為當你領鑊勁，跌到落低谷之後，人生已無乜野更差更仆街更底線。
 
我清楚地知道，對大部分人來說， 無論怎樣預備防備逃避，領鑊甘的一刻始終會來。只要你一天談戀愛 – 哪怕是異性同性多性人獸交group sex神交，那天一定會來到。
 
好些人四五十歲才到來，不懂應對，然後含恨終老。
 
好些人玩世不恭，唔撚用套，三十五歲時女人告訴他有孕要結婚。
 
又或是一直視女人如衣服，直到遇到真正情場鬼見愁，人家拍拖拍得抽離，視你不過為裝飾的手鏈，隨時可以除下，自己又偏偏把頭栽進去，還要伸得入入的。
 
又或者乖乖地與男友拍拖，一拖五六年，到結了婚，才發覺對方另有個拍了七八年的女友 – 這種真實情況我身邊出現過最少兩次。
 
你可以含恨，但我想說，過程中有分歧，成功解決，大家應該可以繼續一起；失敗，可能繼續試；再失敗，仍有人戅鳩地繼續試；再失敗，都仍然有人繼續戅鳩地繼續試；再再失敗(夠咧屌你!)，都仍然有人繼續戅鳩地繼續試。幾年黎既離離合合，始亂終棄，證明左：
 

1. 你地思想行為物理層精神層高層低層層層都唔夾
2. 經過幾年磨合, 大家仍有好大分歧
3. 而呢d 分歧係大家都唔可以經過忍、讓黎忍受
4. 分開係一個結果；係經過努力之後既結果
5. 既然知道大家有解決唔到既分歧，分開係最好既結果

 
拍拖不是一個人的事。最後以終結作為落幕，大家付出過、開心過、努力過。這已證明二人唔夾，再過多十年、結果都係一樣。
 
只要記著當時最好的，就好。你對他/她的記憶，像我們記起死去的人一樣，永永遠遠記著他/她的最好、最完美的一面。我們從不提起孫中山有多少個老婆，中途還要搞o架妹；無人會非議李小龍為何會死在丁佩屋企 (難為沒有死去的丁佩慘受批評及壓力)。為甚么還要整天在咀邊掛著他騙我他哄我他正仆街的說話來呢？
 
一段關係不可能永遠只有對方錯。就這么的一句話，記著 :

我不知道你的彼岸何時到來。這點因人而異。有些人快點，有些慢點。好些人等待不及彼岸，跳河自盡；好些人去不了彼岸，心想以為可以去到湖底，好歹有個依靠；誰不知屍體是浮的，他們永遠只能繼續浮沉著，在無間道飄流，直到永遠，阿門。這么多年，我好像到極了彼岸; 但要知道，當你以為到達，倒頭來可能不過仍停留在起點，就像一輝 (是聖鬥士聖矢的一輝) 嘗試逃離沙加的佛道，最終還是沒有離開過。

所以，sy說男友有了內地女友，或許不用太驚訝。畢竟，他本身就是個有老婆的人。當天有了你，明天一定有第二個你，這是無可避免的。像蠍子會刺背牠過海的青蛙一樣。很多女生，開始最吸引的地方，就是與別不同：頭髮特別長，性格特別剛烈，做事特別豪爽。不知怎么，與男人一起久了，漸地變成一般平凡普通的女人。你一向做事無乜所謂，但越黎越囉唆，明明是個獨當一面的女人，漸地越來越小鳥依人。男人對於這樣的女人，興趣越來越低，還說一起？男人最怕囉唆、小鳥依人的女人 – 重申我懷疑結婚的男人都有點戀母。尤其是，當他認識你的時候你不是那樣，就預期你一直不是那樣。小鳥依人有雀仔街的市場，豪邁有法拉利的市場。既然你當初是第三者，你就要有心理準備，會有第四五六七八九者的出現。這點你知道，但即使知道也無法治癒失去所愛的人的悲哀。
 
所以，tk說她男友拍拖拍得抽離，居然用很抽離的角度告訴她：若然你能做返自己，唔好放棄自我，重拾做人既自信（大概係食返兩粒瀨尿牛丸），我想我會更喜歡你。這大概是對的。我深信你的男友 – 也許稱前男友更貼切 – 早已到達彼岸。否則他定是個痴線佬。真正愛你的男人，從不喜歡女人放棄自我；要求對方做這做那的，只是小男人。我知道你很討厭，甚至乎痛恨那個無能的自己；一直說服自己離開，到真正下毒手那刻，又會心傷。傷心是離開後必然的結果，這點你清楚知道，但這真理也無法治癒失去所愛的人的悲哀。
 
所以，jc發現情人劈了腿，實在不用太過傷感。畢竟，安穩是人類最大的敵人。 畢竟你們二人也許像誰說過的貪得無饜，活該應了誰說過的不知檢點，總之那幾年感性贏了理性那一面。要走，一路好走。我們只能克服悲哀，從中學習一點甚麼，然而那種學習對下一次預料不到的悲哀時，一點用處也沒有。
 
所以，sn 你要恨的話，即管恨，全力去恨。不作聲，並不代表懦弱，也不證明你對了。一段斷斷續續差不多十年的關係到最後錯的只是一個人，那是不可能的。若然有說過甚么鴻圖大計，結婚生仔來哄你的話，願受千刀萬剮之苦。沒有，沒有半天半句鐘半秒騙過你，已多次徹底地說出我的理由底線與目標了。經過這么多年，還要將頭栽進去，真的只是一個人的問題嗎？自己無法切斷情感，像吸毒一樣，唯有賴毒品；大家不是十八廿二，不是情竇初開，相識幾年，早知是個徹頭徹尾的負心漢 – 假設不只對你負心。

 
愛因斯坦為痴線下過定義：Insanity is doing the same thing over and over again and expecting different results
 

年輕時對你不好，十分抱歉；最終不起和你一起，也曾經難過，但那不代表要讓你不斷中傷 – 那管是有意還是無意。

為甚么總不能放開一點呢？

 
年青的時候，老姊差不多每天也在播這首歌，那時候我也懂唱幾句；多年後。我才真徹地明白這些歌詞。若非中學中文科已沒有範文，這歌詞大可代替聽陳蕾士的煩音。尤其是這么多年後，才發覺2:55秒開始，望著莫文蔚那副無奈、"I am sorry"的表情，這時候，我又開始輕呼煙圈了。

-----------------------

3. 剛畢業的故事

以下這些文字，成為草稿已有差不多半年。當時有個朋友大學畢業沒多久，就給女友拋棄，於是快快手手地寫了。最近有心機從籠底找出來，整理一返。

我發覺很多男生，與女友拍拖多年，大學畢業後半年至一年，即散。

當你剛大學畢業，有九成的人真的可以與以下事情說永別 :

暑假咸濕教授教科書同學$4.5 坐地鐵過海連續五日唔訓一個星期唱十八次 K 填假資料借 GRANT LOAN.

若然你是女生，大概會包括多一項 :

不是說笑。每年有學弟大學畢業，若然女友與他同年畢業，同時投身社會，有八成機會，他們會在一年內分手。 童 . 叟 . 無 . 欺 .

若然女生先畢業，男的還在讀書，分手更快，機會更高。

女生做的工作越外向，分手機會越高。做金融、做大四、做地產、做四大碌撚行業 (即政府口中的四大支柱行業 : 金融、旅遊、物流、商業服務)，你幾乎買定什么分手保險套餐， 順便填埋分 CLAIM FORM 都得。

相反，若然你女友教書 (特別係幼稚園)，恭喜你，你定過抬油。邊個會睇得上個D 四十歲條短袖恤衫左邊個袋有個五吋厚銀包眼鏡七吋厚地中海教書阿叔? 盲既都唔會。同事間有靚仔大隻男體育阿蛇，另計。凍飲加兩蚊，都係另計。

你別激動說唔係所有女人都係咁。究竟是否所有女人都這樣，沒有所謂 : 究竟你是否這樣，才是問題所在。再者，你是這樣，若是對得起天地良心，又有什么所謂呢? 人家的確是穿著brooks brother搭的士返工放工手下有三四隊人太古城天匯各有三層去過七十二個國家旅遊最愛是去築地吃一客吞拿魚魚腩然後搭國泰頭等返香港; 而你身邊那個窮trainee，著的是荷李活$500一套庄衫每朝要迫地鐵仲唔知醜用死人學生飛每日返工做奴隸只能同屋企人住兩百呎公屋仲要同肥仔阿哥分一間板間房最遠去過澳... 門頂多放假食樓下既沙嗲牛肉面最叻個次只係返大陸搭火車頭等。

於是乎，一些女人恃才放曠，畢業後飛掉大學男友，往後幾年不斷換有錢有錢更有錢的男友，但當變成中女，心想這個是最後時，男人原來已經有數個老婆；身邊有錢的都給她上過，沒有錢的，她看不上眼，事實上人家也對她避之則吉。

這樣的故事太多了。

這不是港女不港女的問題，而是，這無法避免的。良禽擇木而棲(儘管用禽來形容女人唔係咁好)，適者生存，這全是對的，天公地道。不過，到最後你枕邊的男人擇木而再棲，這也是天公地道的事。

剃人頭者，人亦剃其頭；千秋不滅，萬世輪迴。

-----------------------

4. 誠意推介 - Lovebookguide

面書連結

唔識講. 我成日覺得懶人如我, 能夠有一個女朋友已是幾生修道; 何況我仲有N 咁多個.

無論如何, 好多人同同一個女友去到三四五六七 日 年, 已經諗唔到 床上玩乜野花式 情人節生日紀念日春秋二祭國慶做乜 可以令女友合皮. 或者唔係諗唔到, 只係你無左誘引去諗 - 尤其是對方已經由初當 別人的情人 變成你的情人, 甚至乎係老婆.

既然湊仔可以外判 (俾賓妹), 性行為可以外判 (俾東莞d 姐姐), 咁唔差在連搞結婚周年紀念生日情人節都可以外判... 有班友仔搞左個網站, 專門做呢d 生意.

呢個網站個名, 其實幾搞笑, 因為叫 Love 仆街 (lovebookguide - 網站; FACEBOOK); 諗真d都唔係唔合理, 因為好多人拍拖都係唔覺意鍾意個d仆街. 哈哈哈哈.

至於佢個d 刻骨銘心初戀金銀情侶套餐, 好似又有滴臘, 又有皮鞭...

不過出文之時, 已經係二月十四號... 如果你仲未安排好節目, 除左臨訓之前叫聲阿門, 祈求可以留一條全屍之外, 唯一可以做既就係留返呢個網站下次用咧.

<生活 . 鳩o翕 - 2011年新春雙響炮版>

終於有系列係可以差唔多個個月出文.

話說距離上集己經有個幾月, 係呢段日子, 若非有以下既趣事, 我都唔知點樣可以捱得過. 好咧, 加上農曆年已到, 我係度 恭祝大家 出入平安, 左右逢源!

話說回頭, 今年年廿九, 已經收到新年禮物... 就快做人老竇....

當然唔係我 (如果係, 我已經自殺死左)... 而係我大表弟. 即係以前會係條街一路行, 一路瀨屎既表弟, 滾大左人地個肚.

聽到呢個消息, 我都唔知點講. 開心總有一點點, 但還是擔心較多. 呢條友, 同我一樣連奶都未戒, 跟住你同我講下年呢個時候佢會係人地老竇. 點解d 男人咁仆街, 死都唔撚用套? 係咪窮到咁連套都買唔起?

不過講開又講, 我有預感佢會生個女. 同老表講過, 佢都好驚生個女; 畢竟滾得人地D 女多, 始終有報應, 俾返個女你擔心. 所以我生女既話 - 儘管呢個機會率係低過零 - 個女一定好慘, 一生到老都俾男人滾.

跟住我發覺表弟要結婚 + 生仔, 都唔係一件壞事, 起碼, 我地呢輩人有人結左婚, 其他人等 - 包括我同老姊, 都有三五七年唔會俾人問...

當年三十晚我坐係度發緊春秋大夢之際, 擁有比我阿媽更高智慧的阿婆突然出口...

阿婆 : "阿史, 阿表弟都結婚, 咁你幾時結?"

史 : "er...既然表弟就黎結, 唔使我結拉..."

阿婆 : "表弟還表弟, 你還你嘛."

史 : "係lor, 表弟係表弟, 我係我, 所以佢結唔結婚, 同我結唔結婚, 係 . 無 . 關 . 係 . 嫁~"

然後我阿婆...睇得出佢幾乎想搶返佢o岩o岩派俾我封利是. 一諗起我就快做人表伯 (屌你好撚老呀, 表伯...), 真係好怪.

1. 撒拉熱鍋上的螞蟻 飯煲

對, 呢度係我屋企. 去廚房煲煙, 暮然發覺火爐上有個 電 . 飯 . 煲 . 話明係電飯煲, 佢就應該係用電, 唔係用火; 所以照理上唔使放係火爐上面 - 事實上火爐附近方圓七里好似無插蘇.

成於點解話係 "應該", 原因係我根本無掂過呢個電飯煲. 無錯, 係掂都無掂過. 佢究竟 work 唔 work, 其實我唔知. 對我黎講, 廚房的功用, 亦係唯一既功用, 就係食煙.

至於點解飯煲係火爐上面, 下次見到包租婆, 我會問問佢.

講開包租, 我想講, 通脹真係猛於虎射球. 業主話加租, 加既銀碼同今年將會加但未加既人工有得揮. 即係話, 未扣除任何開支, 加既人工會全數會撥入加租度.

如果你係80後, 成日抱怨買唔到樓. 唔該問下你同學仔既阿爸阿媽, 甚至乎係自己阿爸阿媽有幾多楝樓. 問完, 先要好去嘈.

2. Engilsh fails

係即配即有還是三個鐘有得拎? 真係歧視鬼佬.

但當想到強如春代教育既健蛇都有咁既低級錯誤, 呢d簡直係九牛一毛, 滄海一粟, 一毛不拔, 一生一世, 五六七八, 狗屎垃圾拉. 話說 健蛇 與 羅渣蛇 係當年第一代補習天皇, 佢地當年真係好紅, 加上 史sir (唔係我), 彷佛唔讀書既人都走去補習...

3. 好似唔似

你走去似白鴿. 仲要似民主黨隻白鴿.  這系列還有一張, 不是白鴿, 是個黑黑的燈泡.

屌! 個燈泡係黑色, 唔著既, 無光. 即係死撚左火拉...

4. 外國勢力在說三道四

講的不是諾貝爾和平獎, 當然也不是達賴拉嫲. 而是大富翁.

左上 : 偉大既旺角 僅僅好過 深水埗; 而深水埗好過九龍站! 唔通班老外睇左呢張google map, 以為九龍站仲係沙塵滾滾的地盤?

右上 : 深井, 元朗 與 羅湖 並列最平既地方. 元朗有 $4,000 呎既新盤 (仲要係元朗入一入, 幾乎要拎回鄉證先去到), 深井有四千銀一呎既樓, 羅湖.... 乜柒都冇. 最出名既羅湖城... 其實唔係香港. 如果真係要排, 梗係天水圍, 羅湖, 同埋 The Icon 龍鼓灘拉.

左下 : 太平山 (?? 邊度黎), 淺水灣, 仍然係最貴. 呢個係豪宅好old-school既定義. 舊到... 大概係香港開埠初期既原人先會以為淺水灣係豪宅區. 如果你以為豪宅仲係太平山或者淺水灣, 咁你大概會天真到以為香港仲有一國兩制, 港人治港 同埋 高度自治. 呢三句野同每天D 乜春野樂壇頒獎典禮話自己公平公開公正一樣, 都係口號黎. 如果係真, 何解 林峰 可以連續兩年拎乜野最受歡迎男歌手?

右下 : 九龍塘 排在 黃大仙之前. 哈哈哈哈. D 外國人梗係睇左名城既廣告, 以為係九龍塘附近就係豪宅區. 所以黃大仙僅次於九龍塘.

如果俾d 保育人士去排, 我估由頭都尾都係菜園村, 當中d 車站就成為皇后碼頭. 當然, 好多人同道教真人一樣, 係吸風飲露, 不食五穀, 環保又點可以用錢黎衡量呢? 講開保養環保屏風樓地球暖化保護小動物, 前陣子好多人罷食板前 - 理由係, 佢殺藍鰭吞拿魚; 又有好多人話去飲有翅食人情打七折 - 老老實實, 我真係第一次聽見多左野食仲可以俾少D 錢.

好咧, 你下次去飲如果無翅食, 順便睇下你有冇帖收.

打賭吧. 一百賠一, 你一定有帖收.

哦, 乜斬樹又唔會全球暖化既? 印帖唔使用紙既? 每逢見到這些口是心非, 做一套, 真係另外做又一套, 都不禁會心微笑.

無翅食, 我會俾少五舊; 無埋條魚, 唔該你俾返車錢我添呀. 不如咁拉, 索性食齌算. 成圍都係有機菜心有機蕃茄有機蘋果有機會有機心有機地.

(5) 唐老鴨

前陣子去了第二次香港迪迪尼... 好悶. 因為真係好撚細. 我開始唔明白點解有d 人可以一年去十幾次, 多過返屋企. 中途好似悶到訓著左. 同埋, 真係好多大陸人. 我真係好唔鍾意大陸人.

返到尖沙咀, 無人講廣東話. 重申, 我一句廣東話都聽唔到.

講返唐老鴨. 這次去迪迪尼, 想買些東西, 但最後也只買了右下角那頂帽, 還有一兩個 pin. 香港迪迪尼那些精品, 個唐老鴨永遠醜得誇張.

6. ZARA

若你和我說這是惠康賣橙的地方, 我會相信. 深信不疑個隻. 情形同當年既 b+ab 差唔多.

當然, 係呢度都只係會聽到普通話. 廣東話, 乜野黎嫁?

7. 改名
 
又鮑汁, 又睪丸, 真係乾坤燒鵝. 叫人點食呀?

他日老表生左個女, 一定要由我黎改名. 屌, 梗係叫嘉欣拉. 橫豎叫得做嘉欣, 真係醜極都有限...

8. 食過明將紅豆壽司, 大家就係兄弟.

我吃過了. 在明將戰友推出之前. 還有明將只有一間, 就是西九那間. 其他都不入流.

我吃了兩件紅豆.

你吃過, 才會真切的感受到歌詞之絕核.

其實在吃之時, 我感到有一點難過. 這點大概同行的朋友可能沒有留意 - 對著我們桌的, 坐著三個人. 其中一個應該是唐氏綜合症的患者 (直接一點說, 即係低能. 但其實你話個條友低能, 條友多數唔係低能; 真正低能的, 你不會用低能形容他們). 他們吃得很開心. 那不是我們在恥笑, 在玩弄那種開心; 而是真徹地覺得 "我能夠吃到壽司" 那種童真之心.

那大概像我們小時候得到第一個神奇筆盒 (這條link 只適合廿八歲以上阿叔看), 六神合禮, 聖矢, Reebok 波鞋. 而當旁人在恥笑你擁有的這份禮物, 而這個旁人還是你自己, 這種感覺不好受. 好撚折墮.

我不是甚么偉大的人, 也不是甚么假慈悲. 那一刻, 我是認真的. 儘管只有那一刻.

當明將總店在深水埗, 一個全銀河系貧富最懸殊的地方, 能夠俾 $50 (不是很平 - 當你考慮到食物低無可底既質素) 任食壽司的確吸引到很多低收入家庭, 帶著小朋友去吃. 當我係板前食兩舊藍鰭已經舊幾水, 我的確有點慚愧.

不過當係東莞俾左六舊水叫兩條女坐台之後, 我好快唔記得左呢D 感覺.

屌你, 真係人頭湧湧狀.

--------------------
 
然後我知道今期 生活.鳩o翕 一d 都唔好笑. 為左補償, 我係度送上個笑話.

話說, 有個朋友唔識踩單車. 我發現, 唔識踩單車既人, 比唔識游水既多. 最大既原因, 係因為我唔識游水. 無論如何, 呢個唔識踩單既朋友, 某日煞有介事同我講...

"阿史, 我報左名去學踩單車."

嘩!!! 屌你, 我幾乎無食野都哽撚死呀... 唔知點解我又好自然咁答佢...

"哦, 係咪係李健學? 跟邊個師傅?"

跟住我已經忍唔住大笑鳥... 頂, 單車呢d 野都要報名學? 我就快開班教人打飛機, 或者基本d, 收錢教人扯旗, 甚至乎先教人認清楚乜野係o者o者仔.

"妖, 係工聯會呀. $400, 四堂."

我的天呀!!!!!!!!!!! 仲要學四堂咁撚多...

"咁係咪學完可以好似佢地咁?"

跟住我無撚左呢個朋友...

不過我去工聯會個網頁, 唔係好覺有得學.

希望佢唔係 函授 教踩單車拉. 話說當年中學阿蛇教游水, 真係拎住本書係池邊教... 結果我咪唔識游水lor...