<生活 . 鳩o翕 4>
噢 yea~ 每月一次既生活 . 鳩o翕 又黎咧.
1. 迪士尼事件
相信好多人一見到迪士尼三個字, 即刻熄 browser… 對唔治 law
$25, 三十包貼紙, 即買!!
俾我抽到唐老鴨閃咭! (第二張圖左上); 本野好多唐老鴨
仲記得細個個陣, 曾經擁有過 變型金剛 同 1990 年世界盃 集圖冊 – 出版商也是 Panini. 那個時候, 要儲齊一本, 幾乎要有李嘉誠既財力才有機會. 記憶中也曾擁有過 一本可口可樂既集圖冊.
- 友人在我 28 歲時送作生日禮物
- 去年年底在東京中野見到全新的, 是開玩笑的 10,000 / 15,000 Yen (即 港元 800 – 1,200)
- 我只見過三隻 (一隻在我家, 一隻在中野, 另一隻….)
今天, 第四個擁有萬花筒寫輪眼既人, 宇智波斑, 終於出現咧!!!
媽的, 原來佢一直係東方 188!
提起東方 188, 就不得不提我在那裏也曾以 $10 的低價買了當年老麥出的唐老鴨三劍俠玩具.
因為懶…自從搬屋後, 行李箱的唐老鴨一直沒有搬出來… 但未來這兩三天必定要安置好他們了… 皆因個行李箱另有用途…
2. Fe…heart?
不知怎么, 在漫畫店時看到左手邊愛不疚這張相, 與右手邊 Feheart 這張相的造型一模一樣… 所以忍唔住係留言度話 Feheart 似一個人
只係造型似渣, 所以唔使咁開心…
3. 鍾嘉敏
聽到鍾嘉敏個名, 諗住問佢同鍾嘉欣係咪姊妹;
見到鍾嘉敏個樣, 更想問佢同薜家燕係咪母女.
最撚憎民建聯.
下圖 : 兩班助選團互不相讓. 結果細小的安全島上, 起碼有五六十人… 連差佬都俾佢地迫出馬路.
4. 好緊… 搞到一袋都係…
唔好心邪………………………………………. 講緊既係銅鑼灣發記既外賣盒.
發記係深井糖水店, 佢地係銅鑼灣開第一間分店. 我之前試過食呢間野食滯左, 返唔到工.
又一次, 我經過見有d 肚餓, 外賣左碗 楊支甘露 + 豆腐花.
返到屋企. 諗住開黎食… 點知開黎開去都開唔到個蓋.
開唔到… 一大力按個蓋, 裏面d 甘露又標晒出黎 – 但明明個蓋吸得好實… 唔大力又開唔到, 大力又標出黎. 結果我一衭都係之餘, 連個袋都充滿 楊支甘露… 係膠袋, 唔好心邪.
我都係想靜靜地, 安安落落咁食碗楊支甘露o者, 點解要咁對我…
搞左足足十分鐘. 神蹟終於出現. 個蓋自己打開左 (!!!!!!!!!!!!). 個陣時個袋已經充滿一 per per 既甘露.
5. 細妖
平平無奇既一張博擊比賽海報…
居然後右上角發現有童工參與~~
噢賣葛! 成張海報都冇第二個細路, 佢究竟同邊個打?
人妖打排球; 細路玩搏擊.
為左求真, 我竟然去左六月二十六日既搏擊會 (世間竟有如此無聊之輩…)
可惜… 買唔燃到飛. 好慘! 我真係好想睇下細鬼同邊個打. 真可惜… 下次請早… 若果有人係識拳會既人, 可以預早拎到飛, 請留言… 我好想睇下, 話晒上次都有應采兒呀…
6. 灣仔
搬到灣仔已有三個多月. 每天也會經過這條馬路, 但到今天還沒有數清楚紅燈與綠燈的秒數 – 數年前在中環可以數得一清二楚 (見有關文章)
等過馬路, 沒事幹. 拍下照片來自娛.
相信我鳩o翕的能力吧! 我可以不斷地在這位置拍個稀巴爛! 然後出一個灣仔系列.
7. 簡圖
據講, 下面呢張所謂簡圖係幫助高考學生睇下有乜出路.
如果睇得明, 我估連張保仔洞 甚至乎係 法老王金字塔 d 寶藏, 肉眼 + 徒手都可以搵到.
下圖 : 原來在教統局眼中, 中七的就業出路就只有 展翅計劃 / 青少年見習就業計劃.
倒頭來也得死路一條, 怪不得這么多年青人爭相索k.
講時講, 有說時下援交風氣盛行, 它是屬於展翅 – 但她們明明是雛妓, 即係無翼無得飛拉; 還是見習就業計劃 – 先試鐘後返工?
(題外話 : 屌你! 當妓就當妓拉. 咪以為改個名就變左另一樣野. 當妓好失禮咩? 我不認為如此.
我們羨慕那些衣食無休的公子哥兒, 卻蔑視那些用血和汗來換取酬勞. It’s amazing.
若然當妓時覺得傷風敗德, 又何苦替自己找個美麗的名字去遮掩?)
8. 最後 X 天
連o厄都廢燃事o厄你. 求燃其最後數天就算.
問題係, 從歷史的洪流來看, 那樣事物不是也在倒數最後數天?
