<醉翁之意不在酒, 在乎大腿之間>
個人認為, 比較正直, 不喜歡看日本動作片, 甚至乎連自瀆也覺得污糟既人, 不適宜看這篇文章.
當然, 標題與內文, 都係無關既.
-----------
某天一眾八婆八公, 在whatsapp 談到男女性生活.
“史, 我男友是個虔誠既教徒呢.” 雖然只是文字, 但芬妮不滿的樣子, 透過iPhone傳了過來. 朋友不會無端端告訴你男/女朋友是教徒的; 一定要這身份礙事, 才會說出來.
“點呀? 教徒唔使吃飯嗎? 無屎屙既?” 據聞有教會真係好似位於火星, 唔知李旺陽係邊個, 隻字不提.
“妖, 當然要食飯拉. 問題是我們沒有性生活呢.” 芬妮拍過十多次拖, 即使處女膜可以修補, 但要補她那塊, 恐怕是不可能了. 女媧補青天, 也有盡頭. 奇怪的是, 她居然要向一個麻甩佬投訴沒有性生活. 可以想像我在一眾女生的心目中是如何如何地 “女人” 與 “八卦”.
“他不主動, 你主動來替他爽一下; 唔係佢唔知要等幾耐, 先等到一個 夢 . 遺 . 到 . 來. 一星期, 一個月, 一年?
你帶他去巫山一趟, 他會感激你萬分. 美國也有什么打飛機月, 一整個5月都鼓勵人打飛機. 射個精盡人亡為止. 射呀射, 射他吧~”
講開又講. 上次我夢遺, 個陣馬勒當拿仲代表緊阿根廷踢世界盃. 香港都仲未回歸呀, 陰公.
“那可不行呢.” 也在 whatspp 群組的安祖娜搶著說.
“我有個朋友, 男友也是教徒. 又是很虔誠那種. 不過, 那男生手多多, 每次單獨相處, 就會對我朋友毛手毛腳.
偏偏去到臨門一腳就會記起主呀, 諗起耶穌. 不再搞下去. 個種到喉唔到肺既感覺真係難頂.
但條友過幾日就會同我朋友講 : 我覺得做出咁既事, 對唔住主, 愧對耶穌. 我地以後都係唔好再咁樣.
之不過, 條仔咁講完, 過兩日又會摸我個朋友. 跟住又懺悔一整天. 來來回回數次, 搞到好似我朋友係夏娃, 引誘條仔摸佢咁. 大家成年人, 有正常智商, 你尋我開心, 我贈你興奮, 有何不可? 自己有性衝動, 衝動完賴落人地度, 諉過於人, 此等男人, 一等懦夫. 最近我朋友忍唔住分左手咧.”
“係呀. 佢好虔誠. 我們連咀也沒有咀過.” 芬妮說.
嘩哈哈哈哈哈, 仆你個臭街, 80年代中學純愛故事呀, 真係拖手都可能會懷孕, 小心為上呀.
“那么立刻結婚吧. 即刻大戰三百回合.” 我說.
“不行呢. 時機還沒有成熟.” 留意她並不是說對方不是對象, 而是時機還沒有成熟. 結婚與沽恒指一樣, 也要講 timing.
“那我帶你走轉山林道吧. 等我問一下朋友有沒有相熟的店子.”
根據維基百科, 山林道是著名的 “飲食區”; 那裏的鴨店都好出名. 壹周刊養左班反共記者, 食飽飯無屎屙就會去報導一下, 順道替鴨店賣點廣告.
“不想在香港, 可以去 秦國 泰國. 橫豎你一年去那裏潛水幾十次, 多過返鄉下. 順便試下, 做足安全措施, 不怕. 友人告訴我, 一次大班男女去曼谷, 有兩個女的一落機就去了鴨店. 去了一天還不夠, 第二天還要再去, 食髓知味. 找個能與你玩龍舟掛鼓的, 來個慾仙慾死, 性慾個慾, 真正開心死."
“山林道那些是什么人?”
“乜野什么人咧, 就是服待你的人. 泰仔, 也有內地人. 香港人做這行的, 不多.” 我心裏面想, 屌得你開心, 你理得佢係黑鬼.
“有冇西班牙同意大利?”
“你係咪以為踢緊歐國盃?”
“嗯~~~~ 我不太喜歡泰仔. 大陸仔, 無晒食慾.”
“而家係叫你去開心下, 唔係同佢結婚. 咁咧, 上年生日仲未送生日禮物俾你, 我請你去開心下. 性慾抑壓得太耐, 會出事. 軍營, 紀律步隊, 學校咁多同性戀孌童強姦雞姦, 皆因抑壓得太耐, 搞出重口味來, 連屎眼都玩一大輪.
日本人咁鍾意拍咸片, 什么人妻熟女阿婆男的女的混戰乜春口味也有, 性慾有渠道釋放, 難怪強姦對人口比率是全球最低之一.”
“都係唔好. 我同班泰仔無感情.”
這點我倒是理解. 男人嘛, 是簡單的 “陽具支配腦袋”. 只要有一個陰道, 只要妞兒不是太醜, 再加兩杯 Vodka Sunshine, 男人總會, 也總能, 把硬硬的陽具放進去. 畢竟, 扯旗就是非常機械式的事情 – 不需要思考, 也無法將硬直的陽具變軟...
除非切拉.
-----------
朋友西門去按邪骨.
現在的邪骨, 其實是亦正亦邪. 通常會找個懂按摩的按一下正骨, 然後才找別個按邪骨. 西門躺在床上, 非常享受大嬸在按正骨. 據西門說 (一把細節講清楚, 很多人就會以為我是西門), 大嬸是個四十多歲的女人, 好命一點, 可以當朋友的媽來. 但可以看得出她後生時應該很漂亮. 不過按摩手勢非常好.
突然大嬸按佢既雀仔. 西門大驚.
“大嬸你做乜野?” 非常周星馳式的對白.
“打飛機嘛. 你睇, 你都硬晒拉.” 的確, 西門的鳥, 已經好似雲石咁硬.
“你痴撚線."
"你都硬晒, 黎拉."
"唔好拉… 大嬸你停手罷…” 留意西門語氣既變化.
"你都硬晒, 黎拉."
結果半推半就下, 精還是射了. 即使西門與大嬸做了愛, 都唔係出奇. 畢竟, 男人的性慾就是非常機械式的事情 : 只要陽具有點磨擦, 就會扯旗; 扯了旗, 就能射精.
鳩硬 . 心軟 .
我不知道為什么, 但女人的腦袋與身體心理物理地理構造與男人不同. 除了那些非常淫蕩的, 很少女人可以在沒有 “感情” 的基礎上與男生造愛, 陰道也無法濕起來. 當然, 周末在 Beijing Club 內與不認識的男生口貼耳對話, 注入大量酒精,“感情” 還是可以在三十分鐘內火速釀成的.
男人對性是consumption, 女人則是investment. 這也是為什么妓院比鴨店來得要多的原因 (當然還有其他原因). 分手後男人找前度上床, 是因為唔使錢, 容易, 就手 – 即使有一個一樣樣的女生走來, 男人也可以照上; 女人肯上, 是因為還有感情. 這是十分肯定的.
-----------
回到芬妮的煩惱.
諸路不通.
“那找 Richard 吧.” Richard 曾是芬妮的好情人. 不過芬妮迫人娶她, 人家離過一次婚, 見過鬼怕黑, 最後寧願分手. 芬妮一直深深愛著 Richard. 這個有深刻感情, 有往績, 可以上床吧.
“嗯… 我下星期約了他吃飯. 看來你也支持我找Richard.”
屌你老母, 講左大半日, 原來是套我講 Richard 兩個字. 怎么現在我變左告解總部, 邊個含家剷做左錯事, 就搵我告解? 阿藍 與 森哥 也是這樣. 前陣子表弟劈腿, 舅父舅母屌左佢幾日, 條仆街見到面第一句就告訴我他劈了腿, 找左個空姐, “老表我知你實支持我既.”
你條仆街, 唔支持你我點識空姐?
也好. 當告解總部可以聽到許多有趣的事. 朋友做什么, 我一向十分支持. 三十歲人, 仲唔知道自己係度做乜? 唔知道既, 我也無法令你突然開竅. (Btw, 講開開竅, 前排唔知點解睇到呢個網站, 講靈魂出竅. 佢所講既出竅, 我懷疑其實係發夢咁解.)
“事實上我拍了這么多次拖, 還是他最能滿足我.” 她這么說, 恐怕是這個Richard要么有馬撚那么長, 要么性技巧高超. 我沒有見過Richard. 多年來從芬妮口中聽過一些. 這個Richard 是十分欣賞女生的, 是從心欣賞那一種.
有男朋友, 但又與別的男人上床, 這是否很不道德? 當然不道德.
最不道德的是需要無法得到滿足. 有性需要, 便去解決. 最好是俾錢去解決 (最好是連錢也不用付), 做足安全措施. 解決性需要, 不涉及感情, 我絕對支持 (有感情, 是劈腿, spring pocket will be barbecued). 什么道德枷鎖, 在性無能後才上鎖吧. 有問題不去解決, 罪大惡極. 橫豎只要臨死前信主, 還是可以上天堂. 至於我等敗類, 怎樣也會連同蒼井空等人一同落地獄, 你由得我拉.
現在有問題不去解決, 一味在想長遠呀, 死後的事, 罪大惡極. 等同政府日日同你講就快起到居屋(2016年)同有多d私人樓(唔知幾時), 但一大班人而經住緊板間房, 又或者露宿街頭. In the long run we are all fucking dead. 這是不切實際的.
至於你問, 拍拖是否一定要有性生活? 屌, 踢波係咪一定要用腳?
不是叫大家抱著有免費閪屌的心態去溝女 – 儘管男人溝女都係因為鳩痕 – 事實上有拍過拖都知無免費閪呢回事. 要一段關係完滿, 性生活是重要元素之一. 有很多關係也是從床上開始的, 只要給他們一間房, 有張床, 就像炸藥引一樣, 上過床後他們就會發展出情侶的關係, 最後去結婚. 我聽過最誇張的一個, 就是當空姐的, 與拍了十九幾年的男友散了; 分手當晚與別的男生上床. 認識到結婚, 前後不過兩個月. 她到結婚那天才知道老公是姓張的.
-----------
也有很多朋友, 性生活不協調. 太多, 或太少, 最後分手收場.
當年活地既女朋友, 成個秦始皇咁, 苛 . 索 . 無 . 道 . 每個星期三下班, 活地就會與女友去維多利亞爆房. 一爆就係成日, 於是活地星期四成日射波.
開頭活地覺得非常爽, 話一晚做四次. 又口爆又盛.
漸漸地佢覺得唔對路, 因為女友日日都叫佢做幾次. 而我以性命擔保, 做愛係能夠減肥. 因為我睇住活地由百五磅得返百三磅, 成個人乾咁. 佢個陣好似有維多利亞既八折咭, 灣仔集成分店仲會自動自覺星期三留間房俾佢. 爆房爆到周街都知, 都算威, 可以返大陸光宗耀祖.
而活地的女友, 叫瑪莉.
咁啱扑濕瑪莉又真係好鍾意吹蕭…聽講, 射完一次後, 瑪莉會立刻用口幫他再起機, 然後再來一鑊. 一兩次你覺得過癮, 一兩個月日日都係咁, 真係北海下面既石油庫存都俾佢榨乾榨淨.
活地頂唔住, 同瑪莉講,
“你可唔可以唔好當我係一碌陽具?”
當年活地同我複述呢件事, 我笑到收唔到聲. 偏偏瑪莉 “哦” 完一聲, 由秦始皇變左隋煬帝, 變本加厲. 最終活地頂唔住, 佢怕廿八歲前d精用晒, 同瑪莉分左手. 而傳說瑪莉後來將活地身邊既男性朋友 (除左我), 都一一上了. 仆街, 乜野人黎?
做愛太多出事, 做愛要求不協調, 都會搞出大頭佛. 瑪莉喜歡吹蕭; 很多女生好抗拒吹蕭. 否則破事兒不會有陳奕迅冧女吹蕭這幕.
文老師是個母愛泛濫的人. 叫佢文老師, 並唔係因為佢教書, 而佢係一個母愛泛濫既人. 而母愛咁多既, (平日照顧得人多,)一般都愛上有點年紀的男人, (希望有人會轉頭照顧下自己). 而一般上年紀既, 大多都有家室. 簡單咁講, 即係文老師長期做人小三. 文老師當小三既經歷, 我遲點會再寫. 後來她終於交了一個正正常常既男友.
一天二人行房.
“不如你幫我含?”
“唔好拉. 我唔想含. 我好憎口交.”
“含拉~”
“唔含. 我好唔鍾意含.”
“含拉~~”
“唔含.”
“含拉~~”
“唔含.”
我都唔知來回左幾多次, 個男既終於發脾氣.
“屌, 你成日訓係下面自己爽, 而家你撚唔使付出架!”
哈哈哈哈哈哈, 我估佢地淨係會用傳教士式做愛...轉姿勢都要填表申請下次先可以.
發完脾氣, 條女都係唔肯含.
條仔又好野.
當無件事, 繼續搞條女. 文老師體液一直在流. 就在埋牙插入之際...條仔突然講 :
“呀, 今日係星期日, 我都係唔做咧.”
講完條仔就落床著返衫. 當無事咁開電視.
星期日? 星期日? 星期日? 星期日? 星期日? 星期日? 星期日? 星期日? 星期日? 星期日? 星期日? 星期日? 星期日? 星期日? 星期日? 星期日? 星期日? 星期日? 星期日? 星期日? 星期日? 星期日? 星期日? 星期日? 星期日?
之後兩個人為此事而嗌交, 文老師叫分手. 可惜轉頭心軟, 又搵返人.
“你係冇勝算.” 我對文老師說.
“佢好賤, 但高招. 一個男人扯到行晒, 但心裏面仍然諗住報唔吹蕭既仇, 到你最慶烚烚, 最想插入去個刻, 我同你講今日係星期日, 不適宜性交.
我自問做唔到; 世上有99%既人都抱住 “唉, 都叫有得扑. 唔含就算拉” 既心態, 扑左就算.
呢一種人, 最恐怖. 梁振英就是這一類人. 你是沒有勝算的. 正如何俊仁無機會做撚到特首. 你都係刷定牙等幫佢吹蕭拉.”
“我真係唔鍾意吹蕭.”
“你一係離開佢, 一係無辦法. 口味呢D野唔會無端端改變. 唔通你會突然訓醒鍾意女人咩.”
“我真係唔鍾意吹蕭哩.”
“都話左你一係離開佢, 一係無辦法.”
“我真係唔鍾意吹蕭.”
“都話左你一係離開佢, 一係無辦法...
來來回回, 重重複複幾次, 好似中左伊邪那美咁. 點解要咁對我?
“要絕地求勝...辦法還是有的.”
“那是什么?” 文老師緊張地問.
“幫佢口爆吧.”
“你痴撚線.” 識左十幾年我第一次聽佢爆粗.
“既然佢咁鍾意你吹蕭, 咁鍾意有個種征服感. 倒不如你給他一個驚喜, 不單幫他含, 仲口爆. 他一定愛死你, 成日心思思想你再幫佢口爆. 到時你想點做都得.
呢d叫一爆永逸.
仲有, 你可以搵我練習下. 我唔介意借碌野出黎俾你試下口爆.”
“你痴撚線.” 又一句粗口.
佢痴撚線係指叫佢口爆, 定係我借碌撚俾佢練口爆, 我唔知. 不過我知佢無搵我做練習對象...
希望佢明白, 其實好多男人真係好鍾意吹蕭, 更多人鍾意口爆. 佢話唔鍾意, 只係因為佢未試過. 信我吧, 睇完呢篇文, 問下你男朋友試過口爆未 (假設你未試過). 再問佢鍾意口爆, 定扑野. 十個試過口爆, 九個會鍾意口爆多過扑野. 原因好簡單,
因為口爆唔使用力.
唔係唔使用, 就射個陣, 禁實條女個頭, 大大力, 出恒力, 世界末日, 搵胡椒噴霧射鳩你都唔肯放手. 而若你女友可以令你口爆, 佢吹蕭應該有一定水準; 有一定水準, 口爆 同 扑野 既快感度一樣, 但付出少好多. 明明有電梯搭, 仲做乜要參加個個乜野IFC 跑樓梯比賽, 咁辛苦行幾千級樓梯?
黃蛇綽號情聖. 女友多到數唔盡, 而家認識新既女生, 要問問佢識唔識黃蛇 - 識既話好大機會俾佢食過. 有一次黃蛇話, 佢而家好少做愛. 我問佢點解. 佢話 "屌, 條女口爆坐係度就掂, 仲可以一路踢FIFA12, 得閒仲可以砌埋蘋果食. 扑野可唔可以咁做?"
人類是聰明的, 總會選最有效益成本的方法.
口爆仲惡毒過白粉. 只要你試過一次口爆, 就會想試第二次, 第三次, 直至你精盡人亡. 如果作為女生既你自問口技了得, 其實無乜野值得炫耀. 因為你既好技術, 對方會不斷要求你口爆; 即係話你好少會從做愛得到高潮. 我不殺伯樂, 伯樂因我而死. 哀哉, 哀哉.
-----------
性生活要協調, 不容易.
因為那涉及經濟學上的 Double coincidence of wants.
即係, 你想, 佢又想, 件事先得. 在沒有錢作交易媒介的世界, 要做交易, 要以物易物, 你想要魚, 就必須以另一種實物 (例如粟米) 去換, 而咁啱對方想要你手頭上既粟米, 交易先有可能成事. 男女性交大概就是這回事 – 你不能用錢解決; 要你喜歡吹蕭, 她也喜歡替你吹, 才行 (我知成日講吹蕭好悶. 但唔吹蕭其實無乜野好講), 又或者以做愛四次來換取玩屎眼, 要你做到四次, 同對方覺得玩屎眼ok才行.
Double coincidence of wants, 中文譯名叫 “雙重慾望巧合”, 更妙, 更貼. 在沒有鈔票的世界, 全部以物易物, 交易成本高昂 – 就連找對方做愛也有問題. 唔通係街度周圍問人想唔想做愛咩. 為方便大家容易點找到fucking buddy, 有人建立了蘭桂芳, 有人發明了clubbing. 進場的全是想操人, 或是被人操的, 起碼大家都有一種操的慾望, 接下來的就是價格的問題 – 那不是付鈔, 而是付出什么勞力與美色 - 美女多人想操, 男的要競爭, 耍點手段, 要著得好一點, 要背熟The Game, 要學懂45度角.
嫖妓, 叫鴨就不用理會什么雙重慾望巧合, 不用巧合, 也不講對方有沒有慾望, 只要鈔票. 講明什么招式, 什么可以/不可以做, 根據行規做事. 只要你付鈔, 不用理會對方想不想你用某一招式 – 他/她要的是錢.
長時間的關係, 性生活協調可以經過時間來磨合, 大家那個體位過癮, 你喜歡什么動作, 做得多大家會知 (當然會帶來另一種問題, 叫做悶). 所以我鼓勵大家與男女朋友多做愛, 開始拍拖時狂做, 做個夠.
當然, 大家既雙重慾望不巧合, 也可以經過直接溝通來解決– 不過文老師那種, 是無法經過溝通來解決. 可惜我沒有聽過有人扑完野, 食早餐個陣回顧賽事精華, 並作出深入分析. 離開床上, 中國人對性都諱莫如深.
不協調既更重要原因, 就係大多數人, 特別係男人, 都係自私既仆街. 教徒有性衝動, 摸撚完人就同主講對唔治, 又話鳩人係夏娃; 淨係諗住自己開心, 就發脾氣叫條女含; 一扯旗就想射, 一味係咁插, 插插插插插, 完全無諗過條女會唔會有高潮. 插唔等於有高潮 (雖然唔插一定冇). 我想講, 口爆亦係最自私既性交方式. 永遠只有一方面得到滿足. 除非你係活地/瑪莉, 否則射完一次就冇. 哦, 你老母, 你自己開心晒, 咁條女呢? 唔撚含就寧願唔撚做. 乜野人黎? 更仆街個D, 就係射完就訓. 而家人類已經自私到連同你有性關係既人既感受都唔撚理. 唔係叫你唔好吹, 唔好插, 真係要照顧下對方感受. 下次你幫佢吹, 不妨都叫佢幫你舐閪. 話晒佢都話過要爽都要付出.
不過, 像芬妮這種個案, 根本唔係個回事. 結婚才發現對方連搵個窿都有難度, 點搞? 曾繁光講過一對大學畢業夫婦, 結婚後行房十年都沒有懷孕, 原來是老公以為把陽具放進陰道, 隔一會兒拿出來就得, 唔使插唔使郁. 家陣焗面包咩仆街? 咁落去人類會絕種架!
無論如何, 也先要解決眼前需要. 既然視對方為長期伴侶, 他日結婚後也許可以買點時間.
“那么, 沖乾淨涼, 吃個飽.” 我告訴芬妮.
“其實為什么男人不喜歡做愛呢?”安祖娜突然拋出這稻草人. 據我所知, 沒有男人不喜歡做愛. 性無能與處男除外.
“我很久和男友沒有做了. 上次是半年前, 再對上次是年半前了.”該煨, 拍了拖五年, 有兩年半守生寡.
我猛然記得友人多年前的一篇文章.
“就算你是林志玲, 做得太多還是會悶的. 無論是如何美麗的面孔, 完美的身材, 都不能永遠滿足一個男人, 試想像你一年來每晚都是和林志玲幹,幹了三百六十四次, 林志玲在你的眼中便不再吸引了.”
“你每次睇AV可以轉人. 但女友不行. 男人梗會悶. 不過, 屌, 唔通佢同你講佢屌你屌到悶. 這個問題是沒有解決方法.
這與你本身沒有關係. 這是男人的問題.
好多男人, 當初同你一齊, 晚晚扑, 日日造, 朝朝搞. 漸地做得越來越少. 所有事情都有限額, 由飲酒到做愛, 都是行quota 制的.”
“咁我要諗諗. 每次我提起, 佢都唔想講落去, 成日話無事無事.”
我唔明點解一個拍左咁多次拖既女人, 會唔明男人會悶所以唔屌佢.
“我相信他是覺得悶, 100%肯定. 但係佢唔想傷害你. So eat yourself.
接受現實吧. 所有男人都會出去鬼混. 好些沒有原因, 好些是鳩痕. 一些玩完後, 會回家, 會對老婆女友好點. 這便是平衡. 那些不回家的, 留來也沒有用.
如果芬妮上左Richard,上帝會原諒你. 男友也會原諒你, 不操你是他的錯.
你地兩個應該出去食, 盡情咁食. When I see god I will tell him the truth so that he will forgive you two.” 不知怎么開始講起英文.
“你唔可能見到上帝.”
“我知. 可能上帝會要求單獨接見我. 芬妮你久疏戰陣...真係比心機.”
“頂你. 如果連Richard都唔肯, 唯有去山林道走轉.”
-----------
隔左幾日.
“我始終做唔出.”芬妮說.
“仲喊了一回.”
為山九仞, 功虧一簣.
“喊乜鬼. 其實唔係件壞事. 你真係好鍾意你男朋友.” 無論做左定冇做到, 我都可以話係件好事. 可以忍得住性慾, 是很高尚的情操. 凡人如我, 不懂, 也覺得不必忍住.
“懷念的是回憶中的他.現在是現在.”
當初唔係你迫婚, 人地都唔分手拉.
“有個朋友同我講過，有時候我地懷念既係個段關係，唔係個個人.我搞撚左幾年先知乜野意思” 安祖娜說.
“那些年, 那個人, 永遠不能取代.” 芬妮大概是邊哭邊打字. 明明去開餐, 點知變撚左頓悟人生的最終奧義. 仆你個臭街, 人生真係充滿教育意義.
“生日送你一支假陽具吧. 大大支, 好些還有振動的. 我看過一個介紹女生振動器的網站. 挑個送碌俾你吧. 笑返拉.”
"我要最粗最長, 震得最勁那支."
"個支係我大脾中間."
"你痴撚線."
我望一望實物... 真係事實勝於雄辯. 不過都係算. 唔信我講野, 抵你食自己.
(花絮, 應該還是會有的. 留意面書吧.)
(作者取材, 七一前返)
