OK, why the hell are you wasting everybody's time for having Playoffs?

Let's go straight to the Finals with Cavs vs Lakers, immediately. Let them play the best-of-11 or even best of -99 series, and everyone will be happy to watch LBJ vs Kobe.

<生日快樂>

祝你生日快樂

祝你生日快樂

祝你生~~~ 日快樂~~~~

祝你生日快樂!!!

好野~~~~~~~

<Welcome to the NBA playoff>

ok, 無圖無片, 預左無人睇.

老實講, 我都好耐無睇 nba.

Eastern Conference

(1) 人肉坦克 對 (8) 底特律

人肉坦克, 4-0 or 4-1.

零疑點.

準備人肉坦克入城狂殺. 每場起碼入五次樽, 射十球三分. 但估計命中率唔會太高 (畢竟人地淨係防守一個人)

底特律有冇機會羸? 有. 搵就執既 GM 工人去殺死 毛 . 威廉士.

要擋住坦克? 如果咁都得, 當年唔會有 六四 (沉思中)

對唔治. 六四 係唔應該用黎開玩笑.

(2) 波士頓 對 (7) 芝加哥

波士頓, 4-1 or 4-2 (睇下有冇加納特)

有機會好似上年既阿特蘭大咁, 迫到波士頓打第七場. 但我重申, 機會, 都係好微.

(3) 奧蘭多 對 (6) 76 人

奧蘭多, 4-0 (如果 full team); 若同時無 德古魯 + 路易士, 76 人有機爆冷. 老老實實, 未傷既魔術隊球員, 你仲o翕得出邊個? 夏達威 同 史葛 嗎?

(4) 阿特蘭大 對 (5) 韋迪隊

韋迪隊 4-2 or 4-3. 對面無人碼到佢. 祖莊遜太高, 畢比太慢.

當然, 佢 (6 呎 4) 守識迫籃既祖莊遜 (6-7), 都無可能.

八個季後賽對決既個人搶分大戰, 我睇好 韋迪 對 祖莊遜. 韋迪有機會入 50 分, 但係輸波.

Western Conference

(1) 湖人 對 (8) 爵士

湖人, 4-0 或 4-1 . 請有心理預備湖人四場勝仗中, 對面個教練 史龍 俾人趕兩次出場.

無錯, 今年兩隊對過三次, 史龍 係其中兩場拎過 技術犯規.

有d 球員, 人工收足 (講緊十幾球一年; 美金喎), 但一去到季後賽, 就變傻仔 (e.g. 火箭既老麥). 湖人同爵士都各有一件, 奧當 (14球美金) 同 保沙 (12 球美金).

德朗 威廉士 要證明身價, 唔該唔好大意俾 費沙 一次又一次偷波.

高比. 今年西岸無強隊, 你羸左對 波特蘭/ 火箭, 你唔係唔上呀嘛?

(2) 丹佛 對 (7) 新奧以良

咁多個對決之中, 最大機會下線羸上線.

--- 後衛 : 比立斯 vs 基斯保羅

--- 中鋒 : 馬田 vs 陳拿

--- 小前鋒 : 淨係識打交既安東尼 vs 韋斯

--- 第六人對決 : 史密夫 vs Posey

(3) 聖安東尼奧 對 (6) 達拉斯

我人生第一次想聖安東尼奧羸.

仆街達拉斯搞到太陽無得打季後賽.

聖安東尼奧, 4-1

食屎拉小牛

(4) 波特蘭 對 (5) 候斯頓

萊以 對 阿達士; 矛 對 盾!

呢個都好難估. 4-3 是但一隊.

但有準備火箭俾人強姦籃底. 係. 如果你睇過姚明比賽, 就知 nba 得個高字, 係對防守無助.

------------------------------

總結 :


西岸, 湖人
東岸, 坦克/ 波士頓人


若坦克勝, 湖人拎冠軍
若波士頓勝, 波士頓拎.


噫, 乜咁似上年既?

<沉淪的國土>

每逢到四五六七月 (一年有三分一時間), 就有種窒息的感覺.

今年這種感覺, 又嚴重了.

五年前, 香港大概是一個腐爛中的蘋果, 但它的核心仍然保持整潔. 到今天, 香港已經不行了. 最起碼, 這個香港政府, 已經宣告死亡了. 董建華時, 患的是慢性癌症. 到今天, 就連化療也阻止不了癌細胞急速擴散. 該做的, 不去做; 不該去做的, 不斷地做 (你問我特首政府這么多年來, 有什么事情是做得對了, 我大概只說得出一個擱置銷售稅).

誰上去, 誰下來; 普選, 小圈子選舉, 都改變不了.

病入膏肓.

我們的問責官員 - 那些受著納稅人人工的傢伙 - 是在為普遍的香港人服務嗎? 香港是第一個宣佈將步入衰退的經濟體系 - 比起歐美還要早 - 政府卻從來沒有像樣的減稅/ 加大直接入市民口袋的措施. 要每年抓一百萬元的, 才能夠完全得到六千大元的退稅 (0.6% 薪金). 好的, 等到年中再檢討, 等到再多一點人燒灰, 一起等死吧. 等到全香港人仆街, 才派一點糖救救市吧. 而當經濟險峻得要將普選咨詢推遲, 政府又究竟做過什么來救經濟呢?

若是真的利用千多億盈餘而受普羅市民歡迎的政績工程, 騙得到大眾也可以; 可惜那不過是用所謂 spin doctor, 利用傳媒愛獨家料, 所製造出來的民意泡沫. 即使沒有金融海嘯, 泡沫也自動爆破.

當年鄭安國連留港簽證也拿不到; 今天北京同意, 就連高官也到台灣作非官方交流. 警方調查藍籌中信泰富, 蘋果日報指警方高層曾向北京 "打招呼". 如屬實的話 - 我相信那些懦夫不會出來承認/ 否認 - 請問一下, 一國兩制去了哪兒?

實在可悲.

不知為何, 也不知何時開始, 覺得住在香港, 很可悲. 上一次為香港自豪, 為的不是神七升空, 搞什么奧運, 而是零五年從澳洲旅行後回港, 在機場內感到香港是很偉大. 不知為何, 就是感到很偉大. 我們的效率, 我們對所有事情講求最好, 自力更新, 明白自我的優點, 都是我感到自豪的. 再對上一次感到自豪, 是李麗珊取得奧運金牌.

今天的香港, 不再是我喜愛的那個香港了. 那種想逃離, 離開的感覺, 與日俱增.

問一問自己. 你小時候留低腳毛的地方及商店, 有多少仍存在.

在重慶大廈長大, 每逢假日暑假, 就會在商場內, 還有在附近的公園與小朋友玩捉. 中間道公園, 意法日百貨, 還有尖沙咀東部近永安的兩三個公園, 都是常流連的地方. 那個時候, 中間道公園有一條長長的電梯, 電梯的末端連接著天橋, 再連接著對面的新世界大廈. 還有尖東公園的那個用紅色繩索結的小尖塔, 大概有兩層樓那么高. 我記得, 爬到小塔的最高, 可以望到海旁, 要清楚地望向對面海的建築物, 根本不存在任何好運氣的問題.

這些個地方都不存在了.

通往中間道的路, 叫緬甸台. 那裏的東方皇宮夜總會, 旁邊有一條斜路 - 李小龍死亡遊戲的一幕, 就是在那裏拍攝. 那裏也曾有數四五間售賣中國式家具的商店. 電影甜蜜蜜中, 黎明和張曼玉踏單車也有經過那裏.

大學時搬進重慶大廈, 那條小小的緬甸台卻改建成為所謂尖沙咀蘭桂芳. 一所摩天大廈, 就這么建在訊號山公園旁邊. 在那摩天大廈之前, 我和老姊可以在赫德道的家, 全天候觀看年初二的煙花.

每天就這么的一次煙花. 小心奕奕地爬上沒有欄杆, 沒有任何阻隔的天台. 看著一年一次的煙花. 那時候的煙花, 特別美, 特別響.

是的, 當年的煙花特別美. 因為已經不再了.

是的, 香港變了.

是變得是好了還是壞了, 我不知道.

但我清楚地知道, 我不喜歡香港過去十數年的變化. 不論是尖沙咀舊居的天台, 樂富中心, 石硤尾, 荃灣, 灣仔, 還有許多許多地方, 你彷佛不會再找到十年前的痕跡.

看得見的轉變, 令人印象深刻. 思想上的的轉變, 更叫人吃驚.

我們的腦袋, 變得簡單了. 變得過份簡單. 也變得腐敗.

我們不相信自我的優勢, 事事只求與國際接軌. 最低工資公平競爭法增埴稅集體談判權政府津貼行業, 人有我有. 人家有畢爾包, 我們要有西九. 人家有矽谷, 我們要有數碼港.

我們只相信直線思考, 既然工資太低那便索性由政府直接提高工資, 香煙太傷身所以直接禁止在室內進食. 一個地方只求指示, 檢討委員會, 法例, 是集體不負責, 集體不用腦袋, 全面弱智, 全民反智.

我們只相信先入為主的概念. 政府永遠向著地產商的利益出發; 油公司永遠加快減慢. 你小學時的社會書, 永遠說香港地少人多 - 但為什么香港的人口可以越來越多?

我們只求諉曲求存, 有什么事就只求阿爺政府施以援手. 有什么事, 搞大佢, 見一下報, 示一下威, 搞點輿論壓力, 政府自自然然就犯. 紅的綠的加價事件; 擴大自由行事件. 雷曼, 還有什么不是了? 政府每每擺出 "我搞定" 的姿態 (最後當然弄得一榻糊塗), 助長了人家求政府; 好一個惡性循環 : 於是乎遇到什么問題, 不用用腦袋自我解決問題, 就去找政府幫手.

我懷疑所有人類都有這樣虛偽的一面 : 一方面認為政府無能; 一方面又認為政府應該多做一點.

每逢什么事, 許多人也只懂說 : 政府應該做多點事. 從通脹樓市下跌負資產到入口豬不夠再到外國旅客來到香港有地方住, 政府 "也應該做點事". Just flip over any newspaper. 此等口號, 幾乎出現在每一版.

當然, 好些大頭佛是政府一手一腳搞出來 (例如母語教學, 高官問責制, 副學士. 我打賭下一個是 334 學制). 諗深一層, 更多是與政府無關的. 政府沒有理由插手, 也不該插手; 但它偏偏插手了.

此等例子俯拾皆是. 報紙雜誌每天也充斥著這樣的聲音, 實在令人太累了.

若然相信因為有阿爺的強大後盾, 香港繁榮之火永不熄滅, 等同不相信香港過去的努力. 因為我們爺爺長輩, 爸爸媽媽的努力, 香港由一個什么也沒有的地方, 變成一個偉大, 曾經令我切實地自豪的城市.

是的. 香港可以出頭的機會越來越少, 因為大商家壟斷了社會. 當年李嘉誠可以捱出個頭來, 今天大學畢業的你每月人工連一呎住宅也買不了. 但不要忘記這 : 還有許多李嘉誠, 可是他們沒有出名. 李嘉誠不是因為他是想成為後來的李嘉誠, 而努力地去捱. 我們的爸爸媽媽, 也不是想成為大富大貴而付出汗水. 他們, 是真正把握機會的人. 九六年之前, 李麗珊有想過拿奧運金牌而去努力練習嗎?

做好本份, 保持優勢, 明辨是非, 是香港曾經令人值得自豪的地方.

十二年前, 時代雜誌說香港之死. 後來其編輯說是他們錯了, 香港並沒有死.

今天, 我敢大膽說香港已死. 香港的軀殼還在, 但靈魂己死.

香港只是一隻向著北京搖首擺尾的小狗. 好可憐的一隻小狗.

這不過是一片沉淪的國土.

<生活 . 鳩o翕>

本來想將題目改為 "生活 . 隨筆", 但如斯扮野, 令自己也作嘔.

請忍耐以手機影既低質素圖片... 雖撚拍攝技術還是有的... (自我陶醉中)

1. There is reason to believe..

相中人係陳奕迅先生

2. 無辦法.

呢期佢又出碟又開演唱會, 一排有三本雜誌佢做封面.

呢期謝安琪最紅.

留意圖右下角出現小澤瑪莉亞 (Marie Claire 封面)

唔知小澤瑪莉亞係邊個, 可以問下男朋友/ 男同事. 佢地比 google 更加清楚.

3. 金融海嘯

我開始係屋企煮面

我仲煎埋牛扒 - 講出黎既時候朋友無一不張開見到 UFO 般既咀巴.

未煮前要洗煲, 食完又要洗. 好耐煩.

好佩服羅拔頭 . 巴治奧兄既能耐 (教煮送連結一, 連結二)

4. 祝福你

記得一次與自僱 j 去恩平道食漢堡. 車駛到那裏, 沒有位; 我叫自僱泊去傷殘位, 他頭也不回, 二話不說就把車泊去南華會 (行返落去, 好似係尖沙咀行去太子咁遠).

ok. 我唔係乜野衛道之士.

但個人誠心希望下圖既兩位車主, 屋企無人傷殘 law. 因為佢地係分別為左食飯同睇波呢d 咁偉大既原因, 而將架車泊左係我上次同自僱經過個個傷殘位.

噢, 鎖你, 我係要登你個車牌呀, 吹咩.

5. 原來如此

上次 女神大人 林嘉欣呢張相, 係為左結婚雜誌 "大日子" 而拍.

實在太吸引. 於是乎無乜可能結婚既我, 去買左本.

$35. ok, 婚姻既世界係無金融海嘯呢樣野.

嘩.... 實在.... 影得太醜了.

好難想像世間竟然有人將一個咁靚既女人, 影得咁核凸.

至於...訪問的內容... 重要嗎? (難道你覺得我有看文字嗎).

我知道, 攝影師係唔想咁多人對住本野... 所以專業地拍得核凸.

就好似特登用手機拍咁, 等你班毒撚 (包括自己), 唔好對 女神大人 林嘉欣 想入非非.

-------------------------------

聞說我接連幾篇文章, 都俾人對號入座. 一係以為我講緊佢; 二係話我抄佢貼 "心動" 呢首歌... 話我抄文 (或者有靈感來源而沒有註明), 是對我的一大侮辱...

其實有關文章係上星期寫好 (反正不是什么時事), 陸續自動貼出來... 到廿號前的文章 (除了這篇), 也是預先寫好的.

文章既然寫好, 我又有時間去遊山玩水, 取材一番了.

<愛情信箱>

來信 1

----------

史大哥,

記憶力太強的人上

----------

來信 2

----------

史兄,

無條件地愛的人上

----------

冷飯重溫

1. 愛情信箱 - MNC 女生的煩惱

2. 愛情信箱 - Impossible Trinity

3. 愛情信箱 - 遙距關係

4. 愛情信箱 - 惠州版

(回覆不日上映)

<一首歌, 一個女生 : 我的 n 個女朋友>

嗯... 老實說, n 等於什么呢, 我已經不大清楚. 而更加的老實說, 我喜歡過的人太多了 (比實際上的女友更多)... -_______-|||

為左唔好咁容易計到我有幾多個女友, 我下面特登唔用 numbering... 好一個自欺欺人的壞蛋.... but just ask yourself : 你最愛的, 是個好人嗎?

每次聽到以下的歌, 總讓我回味 (別心邪) 與這些女生的點點還有滴滴. 回憶, 便是愛嘛.

--- 初戀情人, 愛與痛的邊緣, 王菲

當時女友只顧陪朋友, 唔撚理我... 於是我手抄左呢首歌送俾佢. d 詞, 正到無倫. 王菲同呢首歌, 當年紅到爆.

當時手字麻麻, 但可能咁樣先 lum 到佢 (抄得太靚反而似請槍)...跟住復合, 再一齊一兩個月咁...

最終都係要分手.

屌佢老母.... 浪費我d 墨水... 同口水

我當然唔係真係屌佢老母...

越是去想, 更是凌亂.

--- 中五時的情人, 棋子, 王菲

揀呢首歌, 有幾個原因.

(1) 佢好鍾意王菲. 超級鍾意 (其實個陣大把人鍾意王菲 - 情形等同今日的謝安琪吧?).

(2) 佢唱歌好似好似王菲, 亦都非常好聽.

(3) 我試過話同朋友飲酒, 佢唔俾; 我 dum 左佢訓, 十二點先再出去飲. 老老實實, 似坐監多過似拍拖... (又 blackmouth 以前女朋友... 罪過罪過)

--- 大一時的好朋友, 如何掉眼淚, 鄭秀文

所謂好朋友, 即係你溝唔到既女. 一秒, 一小時, 一生, 一世, 十世, 你也泡不到的女. 不是你靚不靚仔, 有沒有錢, 型唔型既問題 (這些當然有關; 畢竟我三樣都冇). 感覺是唯一沒法解釋的東西.

人地寧願活受罪都唔肯同你一齊. 沒辦法.

就像你面對特區政府一樣, 沒辦法, 耐佢唔何. 你可以點?

by the way, 好多人從大學起, 一生不斷濫情 (哎呀, 現役/ 過氣大學生歡迎自行對號入座)

--- 本科時的女友, 痛愛, 容祖兒

記得第一次見佢係係卡拉ok, 佢當時唱既就係容祖兒既痛愛. 超級好聽.

結果, 我地個晚唔猜嘉士伯, 猜好立克. 佢輸撚左十幾杯. 當然, 一杯都冇飲.

事實上, 呢個女友, 都好鍾意王菲. 唱歌, 都好似王菲. 你睇下, 王菲紅足我三個女朋友, 大大話話六七年. 呢d 先叫紅呀.

--- 碩士, 我在這裏守候, 張信哲

唯一一首找不到 youtube 的歌.

這是張信哲最好, 最好聽的歌.

不是愛如潮水 (或其他水), 不是玩火, 不是我是真的愛你, 是我在這裏守候

一次談起, 原來我們也很喜愛張信哲這首歌. 那是張信哲最好聽的大碟 <等待> 最後的一首歌 (大碟每一首歌也是水準之作). 我最愛這首 unplugged 的作品.

唱完 "我在這裏守候" 一句, 整隻碟就完結. 那沒有更好的編排了.

--- 碩士時第2 個女友, ???

對唔治. 我對佢無乜回憶 (得咧. 仆街呀嘛. 你唔使用粗口鬧我咧)

其實係佢唔聽歌. 佢正職, 係劈友.

我認真的.

巧驚驚.

如果真係要, 咪播呢首.... law

--- 工作後第一個女友, 傷心換日線, 張智成

佢即係唱痛愛個個女朋友 (除左炒冷飯叻, 我都幾鍾意搵返以前既女友....)

呢首歌, 我係佢面前唱.

歌詞, 係話有條傻西分錯手, 想搵返以前個女友.

唱完, 佢肯同返我一齊.

個陣我諗, 呢首歌好正, 起碼, 我能夠再同佢一齊. 後來, 當我再拍左 n 次拖之後, 我發覺, 如果一個女仔對你有意思, 只要你唔好做d 乞佢憎既野, 佢基本上唔會拒絕你. 佢唔想, 唔通我有機會係佢面前唱歌?

若佢對你無意思, 你想佢感動, 想佢接受你, 真係要有個 breaking point, 要有個位俾你入到 (唔好心邪).

但男人心腸比較硬 (也較多細菌; 當然, 硬的地方還有很多). 佢對你無意思, 就點都無. 完.

--- 我懷念的 (孫燕姿); 分手快樂 (梁靜茹), 十分愛 (鄧明步), 聖誕結 (陳奕迅), 思念是一種病 (張震嶽), 蒲公英的約定, 白色風車, 彩虹, 最長的電影, 夜曲 (周杰倫)

鎖你, 呢個係我 youtube 既 playlist.

周杰倫既歌, 與 方文山既詞, 有著驚人的威力. 但到最尾, 我懷念的, 是最好. 因為無法修成正果, 人們總沉醉於過往有可能成功的失敗裏.

我今天能將回憶放係盒裏面, 永遠不再打開. 原來, 不是件容易的事. 畢竟我活過來了. 好不容易, 才能夠活過來.

林雪在得閒飲茶裏說過, 最愛的, 不一定最終會走在一起. 嗯... 他大概是對的.

<沉淪的國土 - 不日連載>

Tell me,

when was the last time you were proud of Hong Kong?

-----------------------

望著連綿不斷的日程安排, 快要吃不消了.

雖說是連載, 但大概只有一篇...

作者出作取材, 休息直至重新連載.

<Top Search Keywords - Mar 29>

又到呢個無聊環節 (第一集). 呢兩個星期我又花左少少 (= 好多) 時間去搵一d 會引導黎左我個西 (唔好心邪) 既搜尋.

第五位 : 苑瓊丹 profile (香港 Yahoo!)

原來係由於我寫過篇 苑瓊丹 的文章, 總要係有關 李嘉欣...

第四位 : japan av gals pic tokyo (新加坡 : Yahoo! Singapore)

嗯... 新加玻... 而用上 gals 去代替 girls.... 嗯... 上網搜尋就不應該那么懶... 不然會去左我個西, 無 AV 女星既相片...

第三位 : 偷拍相片 (台灣 google)

台灣同新加坡都有好黃色物品既朋友. 天下烏鴉....

靚女其實都要屙屎, 明冇?

第二位 : 史話綿綿 (香港 Yahoo!)

我諗左好耐先記得起點解d 人會叫我個西做 史話錦綿. 老實講, 我覺得呢個名好老土. 綿綿既屎, 屙極屙唔斷, 你話幾咁淒涼?

第一位 : 變態又好睇 AV (google)

.......................... 點解硬係要咁樣呢............. 呢度其實無AV 種下載.....

---------------------------------------

<好波不妨一睇再睇>

btw, 我幾乎每篇文都有粗口 (並非單純我鍾意講咁簡單.估中無獎)

如果香港個班精英 AO 睇到以下條片...... 佢地會點教仔女?

前兩日 FSTB 有個副秘書長, 話

"一般父母不會教導子女這些說話，即使沒有語言專家，一般人心中亦有一個尺度，她鄭重提出該些字眼屬「粗言穢語」乜野為之粗口"

我相信... 你阿爸阿媽唔會教你講

--- 離婚
--- 分手
--- 食屎
--- 打 xanga
--- 我想食壽司
--- 匯控供唔供得過
--- 幾乎所有詞語

屌你, 阿媽阿爸會教你講乜?

咪 "阿爸" "阿媽" "唔該" 多謝".

晒鳩氣. 佢知你介意, 估唔到你又真係介意. 你知佢要搞 noise, 估唔到你又俾機會佢搞. 咪中撚晒招 law, 傻西!

仲晒墨水寫信俾佢, 真係一班傻西.

可惜...香港就係俾呢班收幾十萬既傻西管治 **

** 每個月喎!!

---------------------------------------

<NBA 奇談 2>

--- Suns (40 勝, 32 負); Mavs (43 勝, 29 負)
--- 兩隊勝負相差 3 場, 剩餘賽事 10 場
--- 重要賽事 : 4 月 5 日, 太陽作客小牛
--- 太陽賽程, 小牛賽程

Key for Suns : 只要面對弱隊 - 黎緊十場對六次包括勇士, 灰熊, 帝王, 木狼 - 唔好大意; 再加上作客贏到小牛. 有機會搭上超級尾班車....

老實說, 要想像一隊波有壯年既史達米亞, (老年既) 拿殊, (老年既) 格蘭希爾, (老年既) 奧尼爾, (老年既) 李察遜, 加上 (呢兩場傷左既) 巴保沙, 同 馬克 . 拜恩斯, 竟然入唔到季後賽... 好懷念 米克 . 安東尼奧的年代 (前太陽教頭, 現紐約人教頭)

Key Match : 4 月 5 日, 太陽對小牛