<NBA 奇談>

有一段日子沒有寫 NBA. 因為我好耐未睇過, 最多只係會睇返D 精華. 自從米高佐敦同日本漫畫 SLAM DUNK 完左之後, 世人既眼光又去返足球度.

今年 NBA.... 好似得一個球員咁, 佢叫做 Lebron James. 沒話說. 人肉坦克一部. 這么多年來有, 好像沒有什么人可以做到 27-7-7 的水平 (柏賓, 佐敦同癲峰時的格蘭希爾好似也不行). 重點是, 我不喜歡他. 佢唔應該著 23 號, 應該著件心口印有 "勇" 字既波衫. 衝呀~~~

留意下面片段及圖片. 佢打波通常都係一打四. 我覺得佢d 隊友份糧其實幾易逗. (強烈建議按 "HQ" 睇高解像版)

"衝呀~~"

"殺呀~~~~!"

他拋離好友 安東尼 幾萬倍. 安東尼, 淨係識打交.

和占士, 安東尼同屆的還有 韋特 (wade). 不要再什么閃電俠了. 呢d 咁柒既叫法, 係亞視先諗到. 人家已經拿過總冠軍一次.

識打波的, 還有一個叫 高比 . 拜仁 的物體. 如果佢打左格仔, 我會以為佢係佐敦. 當然佐敦勁佢一千倍. 係呀, 我都唔鍾意高比.

今年的怪物, 還有一個叫 候活 的痴線佬. 大隻到無朋友. 但係超敏捷, 超快. 佢係籃底超級屈機, 比起當年的奧尼爾更甚... 我有時去自僱 J 屋企打 NBA, 都係用 候活 屈鳩佢. 24 歲, 又是沒話說. 屌佢, 邊個白痴仲係度講姚明係第一中鋒? 姚先生傷多過打, 今年健健康康都係得 20 分.

不過候活仲唔好好練好D 罰球, 好快見底. 唔好成日掛住入樽先得...

"訓咧柒頭!"

至於 NBA 中唯一仲識迫籃既球員, 叫 Al Jefferson (明尼顯達木狼). 佢籃下功夫係 NBA 當今最好. 無人比得上佢. 今屆對住火箭 (姚明), 魔術 (候活), 太陽 (奧尼爾 + 史達米亞), 阿 Jefferson 都玩到對方淫賤頭檸檸. 可惜佢傷左, 同埋長期打埋d 廢隊 (當年既塞以特人, 同埋 今日既木狼....)

今年打到識飛, 仲有個叫 Devin Harris. 癲到無朋友. 下面個球, 當然有負碌成份; 但佢今年係牛角位十八呎射親都入. 巧驚驚呀~

馬利安. 當年打太陽, 同史達米亞不和, 加上覺得自己好掂, 於是俾人換去左熱火; 跟住又去左速龍. 醒下拉柒頭! 你當初勁係因為拿殊係太陽. 你而家平均分得12, 13; 當年每場有 6, 7分係拿殊私人醒嫁.

還有一個麥基迪. well, 打左十幾年, 未試過打季後賽過第一關. 今年有機會, 最大可能係因為佢傷左唔打得. 近呢幾年又係傷多過打 - 今年平均分得返 16 (職業平均 22), 連籃板助攻等數字都大不如前. 老老實實, 成 20 球美金請個咁既球員, 我寧願要 公牛既哥頓 (6球) + 溜馬既 Granger (2 球! 超值) + Devin Harris (8 球).

新人睇得比較多既係公牛既路絲. 超獨食既控球後衛. 但近三年既新秀第一名, 你又識邊春個? 2007 年奧登 (未打已經玩完; 中學生發育未健全, 做得太多 gym, 雙腳容易有事); 2006 年Bargnani (你講得出佢打邊隊當你贏); 2005 年 Bogut (叫做好d). 唔知點解見到路絲, 竟然諗起夏達威... 明明條友得 6呎3, 阿夏先生有 6 呎7...

至於球隊黎講. 太陽, 好失望. 今年應該入唔到季後賽... 拿殊.... 唉. 我到今日仍然覺得換奧尼爾返黎係錯既決定. 條友有勁過咩?

活塞, 仲失望. 好地地換個已經過晒氣既艾佛遜返黎 (諗起英皇簽王傑). 同球隊路線完全唔同. 好似叫阿謝安琪唱快歌同跳舞咁. 梗仆街拉. 但當你發覺 韋特的熱火 只係贏多佢地兩場, 你又會發覺係東岸其實點都無乜所謂. 反正勝出率 3 成多d 都可以打季後賽... 然後打一兩圈, 柴嘩嘩輸俾d 強隊咪算數下年再黎...

至於冠軍, 好難講 (廢話...). 因為走線呢樣野好重要. 不過, 西岸個邊, 湖人應該走唔甩. 東岸個邊, 都係不外乎人肉坦克隊, 韋特隊, 同塞以特人. 邊隊遇到坦克隊先, 無運行.

<O_o>

又到星期五. 社會戾氣太重, 要看一些美好的東西來減壓.

留意鏡頭的 focus. 不知為什么攝影師把 focus 放在林嘉欣的雙手... 還是他 (?) 想拍林嘉欣的胸部, 但不果?

(轉載自蘋果日報)

<假鈔之王>

早陣子, 內地發現仿真度極高的 HD 字頭人民幣. 據講, 呢d 偽鈔連 驗孕機 驗鈔機 都過到.

點解?

因為呢d 偽鈔, 根本就係真鈔.

此話何解?

阿爺要採取適度寬鬆的貨幣政策, 放鬆銀根, 有乜野比印銀紙更加直接? 你減息減存款準備金, 銀行係多左錢, 但佢地上左市, 要面對存款人, 要對股東交代, 唔係你話借出去就借. 美國佬/ 歐洲佬搞唔多野, 又注資又盛, 信貸一直收縮.

唯有印銀紙, 係非正式渠道流出去, 幾十億幾十億咁印, 然後洗左去. 直直接接, 擴張貨幣基礎. 唔使好似伯南克咁, 野野用直升機派.

我係咪鳩吹? 周小川上星期話 :

咁何解不斷有報導指所謂偽鈔可以過到驗鈔機? 像真度接近 100%? 就像周小川說的一樣, 壞份子沒有這樣的大投資. 所謂的壞份子, 根本就是官方機構! 他們印銀紙, 根本不需要大投資, 根本不需要攻破系統!

OK, 你會問, 如果係官方幫手, 點解又要咁笨實張張一樣? 你要擴張貨幣基礎, 放鬆銀根, 就要預計有一日要收返. 張張編號開頭一樣, 有助阿爺回收; 若然揚開左, 被迫做d 野, 拉人封舖個陣, 有記號易做好多. 西方搞什么量化寬鬆, 就沒有想過 "exit strategy". 已經有人說, 這裏大量投放資金, 不想好經濟回暖時怎樣回收, 很容易會導致 hyperinflation.

So here is the deal. 經過某些渠道, 阿爺找到些人將 "偽鈔" 洗一下, 然後流出市面, 振興一下經濟. 由於仿真度高, 一般不會被發現, 開始時阿爺亦滿意成效. 但太多假錢紙, 一下子洗不了, 於是有人將銀紙拆出俾一d 艇仔, 讓他們幫手洗下. 情形就好似高盛同匯豐金融作為匯控供股既包銷商, 都會拆d 包底權俾李兆基, 李嘉誠等人.

可惜係洗錢既過程中, 有人照版煮碗自己印, 或是嫌分得不夠多, 用差劣的方法去複製銀紙, 才會東窗事發, 要阿爺做返d 野, 拉下人咁.

拉既, 都係個班唔聽話既小嘍囉.

至於聽話既, 仍一直在幫阿爺洗錢. 洗既當然唔會係 HD 號碼既人仔. 當市場以為偽人仔只會以 "HD" 作仔頭, 卻不知好多人仔其實係假. 然後偽鈔經經過正常渠道流入銀行體系, 裏應內合, 一個存, 一個提. 銀行沒有風險, "偽鈔" 變成真鈔. 於是乎...

若然呢班壞份子可以造d 仿真度咁高人仔出黎, 不難想像佢地可以造埋近排強勢既美金. 洗錢界有所謂的 "supermoney", 即近乎完美既偽鈔美金. 根據維基百科既條文, 呢d 超級美金既製造商, 有兩個可能

--- 北韓政府 (或任何同美國佬唔o岩既國家, 例如 everyone not named Saudi Arabia in Middle East, 拉登, 中國 (?), 等)

--- 美國中央情報局. 無錯, 係美國既官方機構中情局. (呢個中情局印銀紙既故事, 就係電影東京攻略既劇本藍圖)

看到超級美金既可能來源, 與及澳門匯業集團的事, 令我更想信超級人仔既製造商, 係行銀民人國中.

另外, 我一直有個誤解, 以為香港既偽鈔集團, 只係印 $500/ $1,000. 我一直諗點解佢地唔印 $100 - 畢竟我地會 check 五百一千, 但從來唔 check 一百呀!

原來, 我一直錯了. 錯撚晒.

(以下為警方數字)

• 原來, $100 及 $50 所佔的偽鈔數目, 一直佔很高的百分比! 2002-08 年 (找不到 07 年), 兩者佔 30%-91%! 早年找到的偽鈔, 幾乎清一式是 $100/ $50. (藍色)
  

• 近年 - 自2005 年開始 (我懷疑與自由行有關), $500/ $1000 的偽鈔比例大幅上升 (以前不到 10%, 08 年去到 30%) (綠色)

• 也是從 2005年開始, 偽鈔的數目急速下降 - 2007 可能會上升 (因為當年出現大量匯豐的假 $1000). 這是很奇怪的. 因為下降的速度很快, 由兩萬張下降到不足五千張 (紅色, 橙色).

我的懷疑是, 由於中港融合, 許多以前印港幣的香港大班, 利用相同的技術去印人仔. 人仔容不容易假冒, 我不知道. 但若然有有背景人士提供適合技術支援, 簡直就想當年d 廠佬返東莞設廠一樣咁易搵油水. 仲印乜春港幣? 港幣 $500/ $1000 d 人會check; 但當人仔對港幣高過一算, 做乜唔印 $100 真人仔, 走去印 $100 假港幣?

屌你, 2008 年香港得個80 幾萬銀假鈔? 咪玩拉. 假鈔集團既都要食拉. 印得個幾十萬, 夠邊個用?

若然警方能提供有檢獲的假人仔數字, 相信會更加有趣.

又. 講起官方印偽鈔, 而家聯儲局日日都印緊銀紙. 屌佢, 美金會點? 你自己諗咧.

至於早前有人用津巴布韋錢返大陸當港幣用, 屌佢, 呢d 野無辦法. 唯有安慰自己, 我地都曾經用 $150 買匯控, $260 買港交所拉.

有乜春不同? 人地話個張係真鈔 (或者根本無講過係真), 你又信港股直通車之嘛.

------------------------

<TOP Search Keywords - 3 月 13 日>

偶爾會看看 xanga 的 footprint, 睇下有沒有美女留下足印, 等我可以私器私用, 學某些仁兄咁用 xanga 去溝女 (唉呀, 咪對號入座. 擺明係話緊你你你你你.)

可惜睇左咁耐, 未試過 click 一個 xanga 係有靚女. 就連毛都無條. 好咧, 得罪人既野講到呢度.

有時候會發現一d 騎呢既 google / yahoo 搜尋結果, 會黎左我個 xanga (或者佢黎我個 xanga 之前會去個個 yahoo search). 我就將呢個星期既騎呢搜尋結果, 係度登一次.

留意, 以下既 search result 未必會show 到我個 xanga (好奇怪).

6. 龍虎豹, 男子漢 (google search)

原因 : 我之前寫過有關咸書既文章. 不炒冷飯了.

龍虎豹呢個keyword, 經常出現. 唔知點解, 苑瓊丹都係一個經常出現既搜尋結果.

5. 葵涌廣場 (google search)

原因 : 個度有個黑洞叫 MRT. 我都寫過. 個篇野, 叫男人的地獄.

4. 阿嬌 relgitsjg xanga (yahoo search)

原因 : 我諗唔明點會有人連 username 都打埋入去 search. 通常我搵返d 舊文, 會連埋記得出現既字眼 + relgitsjg 一齊打 (oh well... 打阿嬌個個, 唔係我... 應該唔係)

3. 得閒飲茶 (yahoo search)

原因 : 上星期星期日檔案講港女, 裏面有講肥仔聰既得閒飲茶. 呢套戲, 我好似寫過. 但記得當時無乜心機寫. btw, 得閒飲茶 呢個 keyword, 都成日出現.

2. 上海市婚姻介紹 (yahoo search)

原因 : ?????

本周第一名

1 : 什么是仆街 (yahoo search)

原因 : ................................

我發誓以後都唔用 yahoo search........

仆你個臭街........................

<新居>

寫完舊居, 講下新居.

新居係灣仔, 近天樂里附近, 對面就是 Neway - 大學時經常去這間卡拉 ok. 但後來卡拉 ok 越黎越貴 (我屌佢, 而家仲要按人頭收版權費; 咁我俾個d 人頭費係做乜? 又唔係我入去唔唱歌齌睇波可以免所謂版權費), 我都好少去. 而家仲話唔食得煙.... 我不如沖涼個陣唱下夜曲叫唱左k...

一直想住在灣仔. 尤其是當年日日放工去行太源街, 我恨不得就住係修頓個度. 後來發覺租金好高, 而家住近電車路/ 皇后大道東都會好嘈, 於是打消念頭. 

後來有住灣仔的舊同學 "移民", 問我租不租. 新居的業主是舊同學的父母, 叫做識, 所以租金應該比市價低了一點; 但據稱由於佢父母要返夜, 佢地有時會晏就上黎係另一間房訓陣. 也沒有什么所謂 (起碼而家無), 除非有一天他們上來時見到有兩團赤裸既肉係廳度....

我知廢話太多, 去片. 留意, 因為我無 wide 鏡, 所以影出黎間屋好似好細. 其實, 間屋好撚大, 起碼我覺得. 有時候甚至認為間屋太大, 無乜安全感.

ok, 所以我應該住籠屋呀嘛.

(1) 廳

據我理解, 電視後面個d 櫃, 係八九十年代屋企必有既.

更重要係, 左邊個除櫃桶, 係假既, 拉唔開. 如果你唔明, 個d 櫃桶 大概等於無線劇集, 大屋裏面個度門咁, 係假既, 拉唔到出黎.

再唔明我都無辦法.

記低大廳梳化的位置, 再參加下面既無獎遊戲.

(2) 書 "房"

唔知點講好.

留意書房無端端有套酸枝家具.

話說我去睇樓既時候 (搬入去之前, 我只睇過一次十分鐘樓), 呢套咁既酸枝家具, 係放係大廳度. 仲要放係而家放梳化的地方.

一入門口, 就睇到呢套野. 我心裏叫左句 : 嘩, 乜咁撚老土? 然後諗起葉間裏面阿葉問同廖師父係比武之前茗茶... 快使用雙截棍, 哼哼哈唏....

但試探之下, 得知業主幾鐘意呢套野 = 佢唔會掉. 於是請求佢放入書房. 而家望望下, 套野順眼左. 再加上我左d 唐老鴨上去, 即刻潮晒.

留意, 按下電掣, 唐老鴨會發出無限光芒.

(3) 睡房

無錯. 我係反對執床行動委員會既主席.

有時候我就唔會點解要用枕頭巾, 一樣我阿媽叫我用既野. 有時返去食飯, 佢會問我有冇用枕頭巾 (??). 但佢從來唔會問我有冇女朋友. 由於可見, 枕頭巾重要過女朋友.

仲有, 係舊屋個陣, 佢見到我無用枕頭巾, 娥到仆街. 我知道點解老頭要同佢離婚. 皆因老頭連枕頭都唔用.

之不過...

問1 : 用枕頭袋既原因係?


答1 : 廢事整污糟枕頭.


問2 : 咁何解要用枕頭巾?


答2 : 廢事整污糟個枕頭袋.

ok. 我即刻諗起佛跳牆既故事 (冷飯成功!)

按此推論, 枕頭巾應該包個膠袋, 再用鐡盒裝好. 唔怪之得古代人既枕頭係木箱黎.

(4) 唐老鴨

我發現我太多唐老鴨 (屌你!! 你而家先發現?). 可惜屋企無乜位, 搞到佢地要迫埋一角.

除左下圖, 我仲有一個行李既唐老鴨未搵到位放...

有親愛既讀者投訴我呢度變左唐老鴨天地, oh, well....咪寫少d law.

我.......終於離開你了.

畢竟我們一起也達四年之久.

............太漫長了.

我要離開你了, 中環.

今天終於成為成日想做既灣仔人.... 早陣子與友人談起搬去灣仔, 竟有人說 "你終於同..... kursk.... 同居咧".

Oh... well... 我估我呢一刻都係鐘意女人... 既....

從今天起, 我同公司既距離, 又短左一大截. 已經回復往昔十分鐘返工既境界.

今天看到空空如也的舊居, 感覺是多么陌生和熟悉. 陌生, 是發現我以前住的地方, 原來咁撚細; 熟悉, 是我想起當初搬入這房子時的一些片段.

也許瘟神說得對.

那裏實在太多回憶了.

望著家中一箱箱的物品, 氣餒萬分. 恐怕又係搬都未執完.

呢兩日突然諗到點樣處置隻畜牲. 不過到我忍心同捨得先算拉. 當然, 若果時機到, 送給人當結婚禮物也不錯... 嗯...

--------------------------

特別感謝今朝晨咁早黎幫手搬野既朋友... 雖然再講多謝會俾人嫌煩, 但我都係要講 - 就像大家對住喜歡的人都係不到黃河心不死 - 多謝 我老表, 波友 梁生, 中學同學 x 小學同學 肥仔, kursk, a 爺, sun, 周蛇, felix.

--------------------------

仲有, 我屋企仲有幾盒星矢 (送極都送唔撚完, 屌你老母), 舊星矢, 舊一輝 (缺件), 教皇, 兩隻青銅 (好似有係度, 蛇同獨角). 先到先得.

我新居未有寬頻, 近排都無野出咧.

--------------------------

(三月九日後加)

唔知點解, 要搬左先一齊來懷緬舊居... 就好似情侶分左手先黎懷念舊愛咁.

(一) 大廰. 空空如也

留意有兩個垃圾筒.

第二留意張地毯. 右手邊白左個位, 原本係放梳化. 有仁兄見到個白色位, 不禁講左句 : 嘩! 我一向以為你張地毯係灰色既...

OK, 見你黎幫我搬屋.... 我原諒你.

其實... 又怪唔得佢... 所以我決定新屋唔整地毯.

(二) 睡房. 都係空空如也. 留意相上方的小鳥, 同埋地下既塵... 還有一地紙巾 (?)

仲有, 留意又有垃圾筒既出現.

(三) "書房". 可惜我從來只係呢間房上網.

(四) 呢個經典. 係傳說中既廚房.

我住個度四年, 只係頭幾個月入過去食煙. 跟住三年幾 (無錯! 係差唔多四十個月, 個陣匯控仲有成百鳩幾銀呀陰公), 我都無入過去! 好多朋友連我有廚房都唔知.

事實上, 我曾經懷疑裏面係有人住既.

你好眼力, 會見到微波爐. 我唔敢用, 唔敢拎走, 唔敢送俾人. 我真係驚引起核爆. 對唔治.

<彌留>

媽曾對我說, 人老了, 會返老還童.

太婆後來住的老人院, 有一個叫 "懷舊角" 的小角落, 有些以前的照片. 那裏有一個廣播器, 會不斷播者 "懷舊角" 之類的廣播. 太婆耳朵不好 - 她入去老人時, 眼睛已差不多看不見了 (但據說, 太婆會知道房間每一個人的生活習慣及容貌) - 把 "懷舊角" 聽成是 "牛頭角". 媽和我每次去探她, 太婆也嚷著要去牛頭角. 然後在那裏笑著玩弄些 "玩具", 像個小朋友.

那天, 我第二次看到了返老還童. 你軀殼變小了, 微彎著身, 鼻貼著氣喉, 面龐前有一個氧氣罩. 就像產房的嬰兒.

你輕輕但辛苦地呼吸著.

走過短短的病房通道, 我想起了太婆還有姑婆. 姑婆後來的日子, 有點慘不忍睹. 我記得, 坐在姑婆床邊的我, 幾乎認不出化療過數次的姑婆了.

對上一次在哥哥的婚禮上, 你已經記不起我了... 反而記起教授, 好可惜耶.

那次從你床邊離開時, 我看到你嘗試張開眼睛.

玲玲, 一路好走.

<O_o>

<嗯, 怎樣說呢>

近排忙於執屋, 無乜諗頭. 就連去取材既機會都冇.

幸福是要爭取的...

???? 又開始亂o翕.

送上兩條片俾大家.

值得留意既係, 並唔係片中既仁兄入到波. 而係, 佢地射全場, 幾乎唔使用力. 輕鬆過你屙尿.

如果你唔信, 得閒拎個波落球場試下. 雙腳唔離地, 個波掂到板當你贏.

------------------------------------

一直想寫劉德華. 我想說, 雖然我沒有買過劉德華的任何 CD, 也沒有特意去看他的戲, 但劉德華是我從心欣賞和敬重的人.

當還是四大天皇的時候, 由於喜愛郭富城, 所以不大喜歡劉德華. 後來當其他三人都減產 (黎明走去做幕後; 張學友結婚後半退休), 去泡女 (郭富城這數年來溝過多少個高過佢既女生? 藤原紀香, Amanda Shrang, 熊黛林), 只有劉德華一直在做.

記得零六年去日本, 係東京機場排隊過關. 人龍非常非常長, 排排下後面既人無端起哄. 跟住友人就話係劉德華. 無錯, 劉德華同你我一樣, 係排普通人排既蛇餅. 如果我發現佢會屙屎同埋食飯, 我會更加欣賞佢.

有海關定機場既 staff 黎問佢要唔要行 VIP, 佢答左句 "I am fine with it. Thank you." 當然唔排除係因為佢揚左, 而家走 VIP 通道會招來非議. 但邊個明星會咁諗? 之後佢就默默排隊, 有人叫佢影相 (其實過關個度唔影得相), 簽名 (簽係正文社本 guidebook 上), 一一照辦.

如果你記性好, 應該會記得劉德華係成都演唱會勇救歌迷事件, 然後你會發現劉德華找了運動員蘇樺偉作歌迷會的幫手, 上年殘運也有去看蘇的比賽.

他早年抽煙, 近年已不在公眾地方抽 (據說只會在工作間, 防煙門後面, 暗暗地抽).

屌, 你仲想點?

若然報章屬實, 佢將會迎娶朱麗倩. 我覺得, 佢連唯一可以被人詬病的 "缺點", 也可以消除. 我覺得佢神聖過奧巴馬, 林嘉欣, 甚至乎係教宗. 教宗都講錯過野, 但劉華幾時有? (若然佢選特首, 我一定支持佢. btw, 我近排好懷念董廢帝...........)

最看不起的, 是那些結了婚但不敢認的人. 看看譚詠麟. 身邊有些人, 結了婚怕人知 (不是怕給利是), 好些連拍拖也不敢認...

無論如何, 廿五歲以上的, 一定看過這經典的兩幕.

<天若有情>

我隊林左喇叭!!! 我隊林左喇叭!!!

天若有情是經典中的經典.

<旺角卡門>

(作者搬屋, 休息一周)

<唔使做任何野有獎送事件>

小弟搬屋 (這事容後再談).

1. 我發覺 (???) 屋企原來好多星矢.

原來我已經好耐無玩佢地.

又唔想搬走佢地.

如果有邊個想要聖鬥士聖矢既聖衣神話 (新舊五小強, 黃金聖衣全套 - 欠雙魚, 仲有其他), 請盡快 pm 我.

係 . 唔 . 使 . 錢, 但要上黎我屋企拎.

2. 其實仲有好耐以前既 S.I.C., 有人要都送.

3. 仲有大量經濟學參考書, 任拎.

對唔治, 唐老鴨係唔會送既.