<時光旅行, 上>

Eventually we come to know and
understand a lot of things, but it's too late because a whole life has
already been determined. 

Though, being early does not mean that you will or can make any change.

這是 silly_cecile 在自我介紹的 hybrid 版 (後半部來自教主), 我偶爾會想起.

***************

好像有這么的一回事 : 愛因斯坦曾經說過, 若物件以超越光速的速度行走, 時光會倒流, 而物件可以進行所謂的 "時光旅行", 在各個時代縱橫四海.

到了今天, 仍沒有人成功超越光速並回到過去 (或者係佢返左去, 但返唔到黎, 所以大家唔知). 然而時光旅行呢個概念, 就引發左好多電影橋段, 小說同討論. 最有爭議性, 也是最有趣, 最具科學性的一個議題, 就是改變歷史. 當大家可以回到過去的時候, 歷史是否還會一様? (陶傑前陣子在光明頂便討論過這個問題)

這個議題最終又產生了所謂 "時間平衡論" - 其實同時間有許多個地球, 許多個史弟; 而各個史弟會在不同的世界, 在同一個時間有不同的行為及遭遇 - 別的史弟可能正在與林嘉欣在卿卿我我, 有的可能在做政治助理 (又抽水), 這個史弟 - 大家看到的這個 - 就在寫文自瀆. 這也是 張系國 "棋王" 中主角弟弟的 "肥皂泡理論" (棋王是本值得看完又看的書. 高考時的課文和讀書報告所看的書, 大多都值得一看再看. 個人對於殷海光先生的 "人生的意義" 更推崇備至)

人是不可能超越光速, 也不可能回到過去. 大概, 當物件以超光速行走時, 粒子會自然分解, 然後像落下的紅葉櫻花般, 散落於地上. 最後化作一縷輕煙, 消失在空氣中. 愛因斯坦這么聰明, 一定明白; 他是故意掉出時光旅行這概念, 情形就同港股直通車一樣, 得個講字.

但有一種 "東西", 速度可以超光速, 讓大家回到過去.

是回憶.

唯有回憶, 可以讓你回到過去, 又不會讓你有機會擾亂過去的秩序. 你想去到哪時, 就去那時; 要去到哪裏, 就去那裏. 超時空, 超光速, 不受任何客觀環境影響.

這才是最終的時光旅行.

這是愛因斯坦隱含在時光旅行中的訊息.

我應該拿諾貝爾獎.

我先應該攞奧斯卡.

我先係金鋼腿. 嘩哈哈哈哈~

***************

光以直線行走, 世事卻不然.

既然不相信有真正的時光旅行, 我也不相信歷史可以改變.

我想, 就算可以, 歷史也未必會改變.

原因有二.

第一. 很多領悟及道理, 在我們下決定的時候, 根本還沒有懂. 歷史重來, 我們仍會有一樣的決定. 即使回到昨日, 你變回 "昨天" 的你, 你仍會揀"錯了". 說了不該說的話, 泡了不該泡的女, 踏了不該踏船.

隋煬帝遠征高麗, 唐玄宗 (老年 version) 沉迷楊貴妃, 明太祖廢相, 董廢帝搞問責制 (個人認為即使將佢同歷代昏君放係一齊, 係對佢既抬舉. 佢智商水平頂多到晉惠帝 level), 歷史重演, 我打賭佢地會再做同樣的事情一次. 有時未必是 "錯" 與 "對" 的問題, 而是決定仍會一樣.

要改變歷史, 我們要以 "今天" 的我們, 去重新選擇. 但可惜, 這是不可能的. 我們根本不可能以 "今天" 的身份, 去改變 "昨天" 的決定.

正如我們不可能完全明白別人的決定, 切身處地去理解人家, 因為我們常掛在咀邊 "我真係唔明佢諗乜", 係 我們以自身的腦袋及一切去 理解人家, 而不是 將自我的靈魂 轉移到 人家的軀殼中.

好難明, 說些例子. 我就完全不明白, 為什么好些應該非常滿足的人, 還要去爭產爭權爭名爭利. 十多年的新馬司曾一家人 (那個時候每晚播兩次真情 - 一次係鄧氏家族, 一次係叉燒炳一族); 纏繞至今的梅艷芳/ 梅媽; 還有最近的郭氏三兄弟.

很多人說 : 我不明白為他為什么這樣做. 就算我係佢, 我都唔會咁.

我想, 你要理解一個人, 並不是站在你的角度, 以你的身分去理解他的行為; 而你要想像你的靈魂走入他/ 她軀殼, 套上他/ 她的性格, 以其思考模式作出決定, 才可以有徹底理解及體會.

又講得太遠. 我相信, 若然是那個時候的你, 你便會作出一樣的決定.

令我深信歷史不能改變, 是第二個原因. 我認為, 即使以 "今天" 的你去選, 那一刻的決定可能有分別, 在最後的結果, 也會一樣.


因為結果並非取決於某一兩個決定, 而是一系列的 "因". 改變一個結果, 要改變的決定實在太多. 很多人歸疚香港回歸後的經濟不濟於八萬五 - 但我就不相信沒有八萬五, 香港經濟會好起來 (但也不是說八萬五沒有影響) - 因為他媽的董建華就會想起其他政策來摧殘香港. 不是樓市八萬五, 就可能是九八年廢除聯系匯率 (佢識條毛? 見個息口咁高 - 個陣三個月 HIBOR 十八率 - 咪廢左佢); 更大力推行母語教學, 一些由於八萬五而幸運地沒有出現的另類災難.

大概換了董建華就沒有影響? 我不相信 (但佢其實晨早要換). 要換就要把共產黨換掉, 把中國人的隸性和劣根性除掉. 要改變這些, 你可能要飛到 1911 年, 甚至乎要搵黃帝算帳 (或者索性比蚩尤羸 x 左佢). 可惜, 世上就有更多的事情, 是沒有甚么解釋可言. "原因" 並不是我們想像中那么直接, 皆因世事並非以直線進行. 這大概也是為什么 "一個饅頭引發的血案" 這么弱智 - 但老實說, 若然謝霆鋒真的因為一個饅頭而成為殺人狂, 即使沒有那時候饅頭, 也可能有日後的雲吞面或炸薯條.

前排副局長搞出大頭佛. 好些人又說政府早應該透露多些詳情, 唔好收收埋埋, 引來後來的政治風波. 屌那星. 個制治委任制度根本有問題 - 問題就是不用負責 - 你怎樣搞批評者也不會滿意, 你一早透露多D, 人家就會批評別的. 在這局限下, 做甚么也會招來話柄; 但這不等同你不做, 若你覺得自我理據充分合理, 站得住腳, 那怕人批評? 雖千萬人吾往矣. 何苦後來又要擠牙膏?

然後又有人慢駛黎抗議高油價, 反智行為人髮指. 先勿論高通脹高油價係全球問題 (上至美帝英帝, 下至津巴布韋), 而渣住架用汽油或者柴油既車去抗議, 根本就係賊喊捉賊! 或者同睇住無線又鬧無線一撚樣! 無你地係度浪費石油, 油價又點可以去到 130 一巴老樓上? You are the ones that should be blamed! 究竟係政府定用家先係問題?

又講得遠左 (爭在未講全球暖化). 歸納以上兩點, 我只是想說, 要改變歷史, 並非只是按下 ctrl + z, 回到去作出決定那一點時間, 然後世事就會如你所願, 直線進行. 沒有經過某些體驗, 沒有認知到世事的複雜性, 歷史無法改變, 事件的出現也只是時間上的問題.

這有點像電影 <無痛失戀.> 中的道理. 而電影中的 "原因", 是緣份. 即使喝了孟婆茶, 灌了忘情水, 你仍會遇上那個人, 仍會有同樣的結果.

世事不單無常, 也教人無奈.

***************

<假如這是真的...>

麥記真的越黎越似民主黨, 距離群眾越黎越遠, 路線亦越行越錯...

由 McCafe 到 mod 到.... 屌... 你估係你翠華咩. 不如凍飲加兩蚊拉! 淨飲雙計拉!

幾時買 2 號餐 加 $58 送超值無限上 wifi 服務?

順便收埋加一呀, 笨!

轉載自 toysdaily

延伸閱讀 : 王八蛋

<我的童年 3>

雖稱不上富有, 但我童年絕對不是面對家徒四壁那種環境.

每逢農曆年也會買新衫新鞋; 開學會買新書包; 生日會有利是有禮物 (儘管沒有麥當奴派對 - 後來廿歲生日時真的在老麥開了個生日派對). 雖然沒有電視遊戲機, 但星矢, G.I. Joe, Lego  我小時候也擁有過. 姐姐也擁有兩三只 Barbie, 小時候整天也在脫掉她的衣服, 然後研究大腿內側的結構 (這是三歲定八十吧). 大概是爸開的水電維修小店, 能抓一點錢. 關於這小店, 就有一個笑話.

每逢小店有什么支出時科款 - 那些不外乎是水電雜費; 原材料入貨成本等 - 爸就會說小店成日蝕錢. 小時候不知就裏, 以為家境真的很清貧, 朝不保晚的那一種. 後來才發現爸說蝕錢, 等同我們說 "屌你老母", 大家是不會真的屌人地老母, 是假的; "頂你個肺" 也不會立刻像雙截龍 拳掣 + 跳掣 般用批踭頂人地個心口. 後來我就常說若小店每年蝕一萬 - 每個月不到一千 - 老爸蝕足廿年, 佢根本就有廿萬有手, 大可以用錢去買匯豐提早退休.

老爸有錢, 卻善財難捨, 冤枉甘心. 媽沒有太多錢, 卻奉行應洗得洗既哲學. 這究竟是 因 還是 果 (老爸孤寒所以有錢), 我不知道; 然而媽常說, 什么也可以慳, 唯獨食是不能慳. 所以我是很捨得吃 (又為自己大洗找借口), 也沒有只吃貴價的東西. 付什么的價錢, 就要有怎樣的要求和水平 - 好些人吃大排檔時以為自己在半島 high-tea, 要求多多, 又說食物污糟, 招呼不濟, 衛生不佳, 環境嘈雜, 簡直令人作嘔.

之所以說爸善財難捨, 冤枉甘心, 是他人生到這刻為止, 冤枉的錢洗得太多; 應花的錢卻沒有花. 當年爸經常來往深圳, 一次就給假藥黨騙了三萬多元 - 那大概是九零至九二年的事 (恒指當年 6000 點; 匯豐每股 $20). 兩三年前又在 "家鄉" 起了一橦五層高的大樓, 長期養蚊 (事實上他一家只有三個人 - 他, 他第二任妻子, 同父異母的弟弟. 每人平均有 1.6 層).

而我認為應該要花的錢, 卻沒有花. 他搬出舊居之前, 那裏就和垃圾墟沒有分別, 也殘破不堪 - 後來他走後, 媽就在文曲星位放書桌; 同父異母的弟弟, 沒有一張似樣的桌子讀書, 也沒有一支似樣的筆. 數年前, 我還能看見弟弟坐在七歲時的那張椅子 - 坐上那椅子時半邊屎忽幾乎要掉到地上.

我不清楚, 要結成夫妻, 並維持一段婚姻, 兩者是否要一凸一凹 (性格相反, 互補不足), 還是凸凸/ 凹凹 (性格相近). 但像爸母這樣天壤之別的顧念 (不單是理財的), 我想, 比較少見吧.

*****************

也許是家中有點錢, 我小二開始就有零用錢. 好像是每月 $20 - 那時候維他奶大概 $1.8 一支; 麥精 $2.1 (不知道為什么價錢不同). 但校園內就只有汽水檔, 由頭髮短到差不多等同光頭的老伯伯主理. 叫汽水檔, 就真的只有汽水賣 - 其實連可樂也沒有, 只有忌廉與維他奶 - 沒有薯片, 沒有熱狗, 根本就沒有小吃. 學校旁的百安大廈, 就是我們的天堂 - 那裏的 x 記, 每天放學時間就有許多同學聚集. 然而我每天放學, 出了門口就會轉右, 而不是轉左去百安. 所以我對那裏並沒有太多的記憶.

而我記得有關零用錢, 就出現了一件傷心事. 當年讀的學校, 一年到尾也會有捐款活動. 捐款當然是學生 $3, $5 那種, 而不是現在那些 3 萬, 5 萬 "捐款". 一次捐款活動, 是學生把錢交給老師, 然後老師將錢放入錢箱. 小二的一個星期一, 是出零用錢的日子. 媽就用透明的膠袋把我的零用錢, 還有另外的 $20 捐款放在一起. 捐款的時候, 我只要拿起自己的 $20, 把餘下的捐出去就可以.

但媽把膠袋的紥得太實, 八歲的我根本打不開. 於是乎把整個膠袋拿出去給老師. 豈料老師一打開膠袋, 就把錢全部倒進錢箱去了! 連反應也未趕及做, 我的 $20 就已經流走了! 可憐的我就差不多整個月沒有維他奶喝.

以前還有一個捐款活動, 每位同學會派獲一隻膠面包錢箱, 若籌款技術了得 (或是親戚夠多), 填滿了一個面包後, 就可以拿著飽滿的去老師處換一隻空的. 說回來, 那只面包錢箱造形的確不錯, 真的很像面包. 可惜小時候沒有留起一隻. 當時好些同學竟然可以天天換包, 兩星期換十多隻包, 然後在朋輩面前炫耀一番. 老師常說, 捐錢要量力而為, 不在乎多少, 捐款也不是為了揚名立萬. 但某些同學可能真的太有錢, 賣所謂的慈善獎卷 (從來沒聽過有人中獎. 大概和屋村士多在抽獎箱中做過手腳, 同出一徹), 十疊十疊向老師拿, 我不禁懷疑他們其實是在街上免費派發...

*****************

提起錢, 也有一個關於大表弟的笑話. 由於年紀相近 (大表弟比我細一年半), 我們二人自少便十分老友. 加上我每星期也要去荃灣的外婆家, 住在隔離街的舅父舅母與外婆打麻雀時, 又會帶大表弟來, 於是我們二人經常一起玩 (長大後更一起食煙飲酒). 我長大的年代, 信用咭並不是這么濫交的產品 - 今天大學生要申請的話, 起碼有二三十張 - American Express 的信用咭真的很難填請. 我們只知道信用咭是有錢的象徵, 當然也不知道原來信用咭有 "找數" 呢回事. 三個阿姨 (媽的三個妹妹), 也有信用咭. 一次舅父說去飲茶, 大表弟就說 :

"爸爸 (舅父), 一定要叫 二姨去呀!"

"呀, 你真係孝順. 飲茶都記得叫阿姨去"

"係呀, 叫二姨去. 佢搵張咭碌一碌就走得, 唔使俾錢嫁~~"

這個笑話就流傳至今. 關於大表弟的笑話, 還有一個... 這是表弟三四歲時發生的. 話說舅父舅母表弟三人在家中翻看家庭照, 掀到舅父舅母結婚的相片 (他們於我出世那年 - 1980 年結婚, 表弟 1981 年才出世). 舅父指著結婚照, 問表弟.

"點解張相無你既? 你去左邊"

據講, 表弟一臉疑惑, 思考良久...

"哦~~ 我個陣去左返學!"

就這樣, 表弟又讓人笑了二十多年.

<真情對話>

以下係一對母子於回歸日既對話.

母親橫過維來利亞港 (當然係搭地鐵), 來到中環探望佢個仔. 甫一到達家, 母急不及待在化緣袋掏出一個 Thermos 真空杯, 子暗叫不妙. 可惜佢走都走唔切.

"阿仔, 有好野益你", 母慢慢打開杯蓋, 裏面有黑色, 似漿糊既液體.

"得咧, 你飲咧 我都有黑色既可樂飲緊."

"唔係喎, 呢杯野明目嫁喎. 飲左有益"

兒子完全唔明點解有益既野梗係要黑色, 同埋要發出惡臭. 無益既野, 例如煙同白粉, 就一定係白色. 但一般人心目中, 白就代表純潔 (...噢, 自己都打左冷震), 黑代表污糟同邪惡. 點解?

"睇落似苦到爆."

"點會呢? 我放左糖."

"就係苦既野先要放糖嘛... 如果樣野本身甜, 你又使乜再放糖"

母好明顯無視兒子既說話, 態度開始強硬.

"飲咧, 呢杯野明目嫁喎. 飲左有益"

兒子屈服於淫威下. 一試, 果然苦到嘔. 再試, 苦到仆街.

"嘩~~~ 好苦"

"拿, 你合埋眼骨碌骨碌飲晒佢就得"

"但係... 我既味覺係來自條脷, 並唔係來自對眼"

"飲咧, 呢杯野明目嫁喎. 飲左有益"

結果, 飲個杯野, 兒子聽左不下數十次 "飲咧, 呢杯野明目嫁喎. 飲左有益"

"飲咧, 呢杯野明目嫁喎. 飲左有益"

<瀆文共賞 2 >

或者 (其實應該係 "肯定係) 自尊心同妒忌心作祟, 我發覺好多人竟然肯為陳智遠而寫出瀆文. 佢政治手腕同交際能力, 真係好強.

今個星期論到 原才子 復生 係 壹仔既專欄. 佢上幾期專欄個位係 狂牛投資大師, 疑似匯豐教教主 東尼 之前 (個人好信佢. 但恐怕佢世界日末都會叫人賣匯豐同宏利. 其他股票? 乜野都係麻麻, 乜春都係投機). 唔知係咪讀者投訴, 定係乜原因 (中國人梗係多陰謀論). 孔才子今期己經去返東尼後面.

廢話少講. 我冒住侵犯版權同坐監既風險, 全文登出. 我亦唔怕人地話我靠踩人地而搏出位 - 我根本就係d 咁既人.

**********

文章來自壹週刊. 為方便閱讀, bold 同 underline 係我加既. 頭五段, 個人認為可以唔睇.

<13萬值唔值>

 

副局長和政治助理的任命鬧得滿城風雨，已到了非理性地步，當「坡妹」一詞從風月版登上港聞版，我肯定群眾瘋了。我相信群眾的智慧，群眾看法大部分時間是對，
可是當群眾變成瘋眾，看法多數是錯。政府處理副局長和政治助理的國籍和薪酬問題無疑一團糟，處理失當，群眾鬧得有理，但處理失當不等於要完全否定政治任命
這制度。

我對其中一名政治助理陳智遠有特別深刻印象，因為他的個案最高調，牽涉到風波中有關薪酬標準、選拔過程和公關處理等幾個大課題。香港不沿用執政黨制度，政府今後要組班不會是易事，現在提早為未來執政班子做前期培育工作，即時提供實戰場地，利己之餘亦利後人，培育和儲備政治人才，相信是聘請副局長和政治助理的出發點。在香港邁向普選的路程上，我認為政治任命是一個折衷的招才方法。

中央落實普選時間表後，香港政治環境勢將出現巨變。日後對政治人才的需求將會大增，偏偏供應卻非常缺乏。

過去，政治人才的供應主要來自政黨，可惜政黨發展出現兩極化，破壞政治人才的供應。保皇黨是「凡是派」，不得民心，不容易招攬有實力、有潛質，特別是年輕一
輩的人才；政府依賴「凡是派」支持的同時，只能搖頭嘆息。自九十年代初立法會開放，民主派一直得到大部分市民支持，特別是年輕人，可是民主派沒有隨着社會
一同邁進，處於停滯不前，市民對民主派的支持大都變為心底裡的尊重。陳智遠是政治環境巨變下出現的「新品種」。

過去幾年，一群群年輕人志趣相投走在一起，有的研究討論、有的撰寫文章、有的身體力行，一同推動和參與民間活動，他們的活力和銳氣令人耳目一新。忽然間，我們發現政治人才不一定源自政黨，沒有「黨味」反而更能代表市民向政府表達意見。原來不屬於民主派不等於沒民主理念，未參與過選舉不代表不知道市民所想。這些年輕人有學識、有見地、有膽量，前途無可限量，他們最需要實戰經驗。陳智遠是這股年輕民間力量表表者之一，他在這政治大氣候被政府看中。

13萬值唔值？我認為值，因為︰

一、就是「年輕」已經值錢。誰敢「睇死」28歲有心有力的小夥子？

二、供求失衡。這件「貨」本身已經矜貴，加上近年需求進一步增加，使價格飆升。政府兩年前從外聘請何安達、劉細良、陳克勤，他們的薪酬比副局長和政治助理低一大截，當時也有「拿8萬元人工去影印」的批評。我們不可能在今天拿着一張兩年前的樓盤傳單向地產代理問價。

三、據聞陳智遠不是唯一一個三十不到被選中的年輕人，但他是唯一被選中而勇於接受的一個。當其他人畏首畏尾，擔心可能失去自由的時候，陳智遠答︰「我做！」。懂得把握時機，在適當時候，適當地點做適當的事，這是值錢的。

四、陳智遠獲委任後，傳媒找到他早年的論文曾批評政治任命制度。我聽到這報導立刻對陳智遠，以及曾蔭權肅然起敬。一個有自己想法，勇於判斷，不甘「跟大隊」的年輕人，當然值錢。政府招攬政見不盡相同的年輕人，也是難得的胸襟。原來不忘六四、走上七一街頭，也可昂然進入政府工作，這是副局長和政治助理風波中美麗的一面。

五、這份工作的風險甚高，任期大有可能跟隨現任政府餘下的任期，只有三年時間。在這三年，說錯一句話或做錯一件事，就足以被罷免而失業。

陳智遠好像一件期貨，曾蔭權買的不是這年輕人的過去，而是他的將來。他未來三年可為現任政府做什麼，在更長遠將來為香港作出什麼貢獻。曾蔭權是下注在員工人數不足十人的Google，抑或車隊不足十輛的蘋果速銷？13萬月薪來自公帑，我也有份出錢，我願意「買」陳智遠。

申報︰我不認識陳智遠，跟三十會部分活躍成員「過從甚密」，但從未被邀請加入，可能是年齡字頭的問題，我視之為一大遺憾。

**********

我也作出申報. 我不認識陳智遠, 也不認識三十會成員. 我純粹想似邏輯同辯證的角度去理解下上面既文章. 即使個個唔係陳智遠, 而係林嘉欣, 我諗 (er... 始終林嘉欣好有吸引力) 我會照吠.

以佢既邏輯, 任何一個 28 歲既人 (例如史弟) 舉手話想做政治助理, 其實佢都值! 皆因 -

(1) 佢年輕 (呵呵呵, 28 歲仲要年輕. 怪不得蒼井空仲係幼齒)

(2) 我唔明呢一點

(3) 佢肯做 (手都舉埋咧喎)

(4) 佢可能無寫明章屌鳩政府政治制度 (一係簽約之前寫一篇, 或者十篇, 甚至乎一千篇.)

(5) 肯冒失業危險

近年好流行一種講法, 大概是某些事物的存在, 便已經證明該事物的存在是有意義和價值. 即係好多人成日掛係咀邊既 :

"歐美發達國家已經有 _____________ (任你填), 證明呢野樣係有價值同幫助到 ____________ , 所以要同世界睇齊, 香港都要有."

"____________ 係香港已經有左幾十年, 我地認為為左延續性, ____________ 要繼續落去"

上文大概係依照呢個 "存在便是有價值" 的思維去寫, 去支持. 我肯定群眾瘋了.

第一點, 年輕. 任何一個年輕人, 即使未成年, 或者連 16 歲扑扑脆連性交也不能進行時 (當然係法例上拉 babe), 甚至乎一個啤啤, 佢只要舉手就做得政治助理! 先哲有云 : 人皆可為堯舜. 今有曰 : 人皆可為助理. 因為我地買既係未來, 係一件期貨! 只要放眼未來, 就連佢曾經係殺人犯都冇所謂! 學董太話, 邊個話唔得?

第二點, 期貨價與一眾高手入局. 小弟不才, 完全唔撚知佢寫乜. 可唔可以具體講下何安達劉細良同陳克勤做左d 乜? 唔係既話佢地只係泡沬, 同 $140 一巴老既油價一樣, 係炒家所造成既經濟泡沫. 遲早爆.

而第四點話佢 "早年的論文曾批評政治任命制度", 我係書屋睇壹仔個陣真係笑左出黎!! 唔通溫家寶值得做總理, 係因為當年都有陪趙紫陽去天安門? 仲有, 今日溫家寶敢唔敢講六四? 若然今日佢仲敢寫一篇公開文章批評政治制度, 我就真係覺得呢 13 萬值到嘔. 更搞笑係佢下文又寫 "曾蔭權買的不是這年輕人的過去，而是他的將來。" 即係佢寫過文章批評政府, 有冇價值?

仲有, 一個政府有容人之量, 用人唯才唔係應份嫁咩? 何解而家佢招攬左好似有異見既人士咁, 我地反而執到金咁高興? 中國數千年歷史, 要數最輝煌既盛世, 一定數到漢武帝同唐太宗 (早年 version). 呢兩條皇帝係一言堂定招言納諫?

到最後, "在這三年，說錯一句話或做錯一件事，就足以被罷免而失業。" 真係睇撚到我爆粗.

請問除左做特首 (同理一眾高官), 有邊份工唔係 "說錯一句話或做錯一件事，就足以被罷免而失業。?

人地好多係一世都面對如此心驚膽跳的境況. 三年係歷史既洪流又算什么?

令我感到最因擾的是. 若然上述論論成立, 才子就已經得罪晒其他一眾三十五以上既政治助理 (除左楊孝華個仔) - 因為佢地都係老餅, 恐怕亦無寫過批評政府既文章. 佢地已經係一件 現貨, 甚至乎係舊 二手貨, 只係待沽! 到時唔係話佢地係 30 年既麥call 撚威士忌黎打圓場呀嘛.

**********

係壹仔見到呢d 專欄, 不禁搖頭嘆息. 情況比起係明報成日見到有 typo 更加心酸.

大佬, 呢個專欄係係 A 書. 楊懷康同張五常長期抄抄寫寫三幅被, 你可以唔信, 可以話佢地悶; 東尼寫投資, 你可以唔跟, 可以同佢睇法有出入; 陶傑比起張楊兩人更加崇拜英美資本主義, 你可以唔喜歡佢筆鋒, 可以話佢刻薄. 由林振強時代開始睇壹仔, 近幾年淨係睇專欄, 從來沒有在壹仔看到一篇水平如此低劣的文章.

大佬, B 書作緋聞故事, 作藝人不和都要搵 d 合邏輯既野拉. 呢d 文點出得街?

但觀乎如此水平既文章, 實在無可能作自一個寫左幾年文, 出左幾本書既人. 若然你同我講佢收左錢寫, 我覺得可以, 畢竟當年陶傑都寫過功夫茶. 所以...

總結 : 原才子係特登寫呢一篇係曲線文, 踩鳩曾蔭權同陳智遠! 原才子 肯定係 o係政治助理候選人個 waiting list 排第二, 陳生一句 "我做", 就搶左佢個飯碗! 仲有, 佢仲沽左壹仔, 同埋係土共卧底, 所以就順便打爛壹仔個招牌!

<王八蛋>

好些麥當奴, 近排學人搞增值 - 唔係八達通個隻, 而係係價值鏈上提高產品及服務質素, 最後當然係等你幫襯多d/ 收你多d 錢.

大家由細食到大既老麥, 都係由後面既 crew 一早整好晒, 到你叫乜, 服務員就會係個架度執. 儘管好似有規矩話整左既野食十五分鐘賣唔出會掉, 但大家偶爾仲係會食到一d 林滋滋既薯條, 凍冰冰既漢堡. 當然, 繁忙時候, 就連汽水都會斟定, 於是乎汽水可能會唔凍又無氣.

可能係成本上漲掉野成本太高, 又或者整定d 野食唔係咁衛生 (但我偏偏只見過人食即刻整既板前壽司中毒, 未見過人食老麥肚屙), 唔知邊條王八蛋, 竟然係部份老麥搞增值服務, 搞 make-on-demand (個名係我俾佢既, 簡稱 mod) - 即係你落 order, 佢先整.

日本的老麥就是行這種 mod 的. 澳洲的老麥, 部份漢堡也是有 order 才整. 係灣仔部份老麥 (例如莊士敦道的) 推行這個 mod 已有差不多兩個月. 來到香港, 原本可以排兩條隊, 但而家變成一邊落 order, 一邊等拎野食.

根據我的經驗, 香港的老麥搞這個什么 make-on-deman, 比起高官 (及副高官) 問責制更加具災難性.

簡單點說, 這個 mod 就實在是太慢了.

恐
怖之處, 在於老麥根本長期唔夠人手; 以前大家去老麥唔使等太耐, 係由於d 漢堡, 麥樂雞, 雞翼十幾盒一齊整, 一次過. 但而家個 crew
整一個魚柳飽, 轉頭又要整將軍漢堡; 呢頭計緊新客條數, 個頭又要睇返上一個客既野食齊未. 更恐怖之處, 係佢將以前兩個櫃位既人,
安排左係一個櫃位上面, 一個落單, 一個執野食. 可惜多數員工之間無默契, 大家唔知大家做緊乜, 於是乎真係亂撚晒籠
(個人認為叫老麥員工有默契, 係有d 過份. 屌, 你俾  $25 一個鐘想有默契? 咁人地踢波打 nba 個d 使 q
收幾千萬一年仲要練團隊精神?) 執錯, 執漏, 西裝友份早晨全餐俾左 OL; 地盤工友個熱咖啡變左奶茶. 又搞一大輪. 等, 等, 等.

而
由於前線員工同 crew 都因為新既工作模式而慢左, 於是乎新增客人就多過齊野食既客 (即 inflow > outflow),
於是乎等拎野食個條龍就越黎越長! d 客唔知頭唔知路, 以為拎野食個條隊係買野食, 排左幾個字 (因為實在太慢) 先知領野!
我就見過幾次有客發老脾屌鳩 老麥d 員工. 更重要係, 由於等拎野食既客太多, 落 order 既隊有時仲要停止落新 order !! 情形就似當年迪士尼要落閘封舖一樣!!

我的天呀! 好多人食老麥都係為左快 (而家老麥已經一d 都唔平!).
你沙lee 龍虫, 搞撚埋d 無無謂謂既野, 實在係本末倒置. 我去買個漢堡飽早餐, 你要我等三分鐘, 我晨早都食 q 完拉.
我都唔係無俾機會佢, 但第一個星期, 由排隊到拎到個飽出門口, 十分鐘 - 記住, 呢個係早餐時段, 八點鐘, 無乜人; 第二個星期, 好d,
但都要六七分鐘. 跟住由第三個星期開始, 我都等八分鐘 (條隊只係三個人排). 天呀~~~ 好慢呀. 八分鐘就係 steady state
既排隊時間, 你叫我仲點食老麥呀?

這個 mod 的模式, 係製造業帶來奇蹟 - Dell 就是這個 零存貨 模式的表表者. 而大家可能有去開既翠華 (及各大小老茶),
其實都係行呢個模式. 只不過翠華既價錢更高, 而食物水平也是中上. 理念上,  這個 mod 模式的確可以減少存貨, 令食物更新鮮.
不計香港老麥眼高手低呢一點, 究竟去食老麥既人會在意食物暖左少少? 與其要肯定食物熱烘烘, 搞什么 mod; 不如令店內客如輪轉, 多d
黎密d 手 - 午飯時老麥食物一定最新鮮, 因為d 員工一路 keep 住整新漢堡, 新孖芝. 我以前對老麥一向推崇備至, 而家要寫文作投訴狀
(其實我星期一又會繼續買). 一動不如一靜, 何苦要咁做?

點解日本又得? 日本老麥根本唔使點排隊, 而且好少滿座. 講生活節奏, 香港肯定銀河頭三名拉. mod? Delay No More
la... 而點解香港 burger king 又得? 師兄! 機場個場都唔係 mod 拉, 只係山頂接近拍蒼蠅個陣係. 原因不是太過清楚了嗎?

我實在唔敢想像午飯時間 mod 老麥會變成點. 係我腦海浮現左幾個可能 : b+ab 大減價; 排隊換購水晶麻雀; 十數年前去交表換 BNO,
甚至乎係 零三年七一遊行前既銅鑼灣地鐵站, 又或者農曆年維園年宵. 又或者佢實在太慢, 已經無人敢再午飯時間去...

仲有, 係咪原材料價格真係上漲左咁多? 去買軟雪糕, 唔撚俾紙巾; 買三個餐, 俾一張紙巾. 叫佢俾多張, 佢真係俾多一張. 我屌呀! 買三個餐你再俾多一張都
得呀嘛. 我知要環保, 但你老味我星期一去買奶昔, 佢竟然同我講無飲管日, 連問都唔肯俾飲管我! 老麥管理層有冇飲過奶昔? 一 pack
pack 成堆精咁, 唔用飲管我同吞精 (仲要係粉紅色既... 該煨...) 有乜分別? 下次佢不如叫我攤開雙手, 直接放d 薯條係我手掌中心拉!

聽講呢套 mod 鬧劇, 遲d 就會係全部老麥上演, 暫時只係部份有. 起碼中環既老麥 -  H&M 對面, 係地底個間 -
暫時仲未有. 如果老麥高層執迷不悟, 將外國既一套夾硬放黎香港 - 唉, 就好似我地偉大既特區政府將 增值稅 VAT (咁橋又叫增埴),
競爭法 搬黎香港咁, 要同世界睇齊 - 最後中環個間老麥只會排到上地面, 條龍仲長過 H&M~~ 學裕美話齋, 真係 yamete~~

(6 月 28 日下午, 根據 feheart 及 yanyanchau 留言, 編緝了內容)

*********

同場加影 : 的士佬

以對路線同交通狀況既熟悉程度計, 香港島十個的士佬, 有九個應該拎去打靶. 仲要係立刻個隻.

例子一

"x x 中心, 唔該"

"下? x x 中心? 乜有呢個中心既咩? 會唔會係你搞錯?"

"x x 中心, x x 道, 九不里隔離"

"哦!! x x 中心!"

好撚野.

最搞撚錯係我上左你部的士.

例子二

"師傅, 麻煩你前面轉左上橋"


"轉左上橋, 好塞車嫁喎"

轉撚左左, 橋上面連狗屎都冇粒. 幾乎見到地平線.

塞你老母.

例子三

"師傅, 麻煩你轉行中線"

唔好問我點解搭的士仲成日要指手劃腳. 唔講清楚, 行路分分鐘快過搭的士.

隔撚左一千年...

"哎呀, 雙白線添"

你再隔下年先打燈 cut 線呀笨.

*********

你可以想像, 當我差不多每一天, 都是以 mod 老麥 + 專業的士佬 這個 combo 作開始, 人生有幾絕望. 原本應該快, 應該簡簡單單既事情, 就在每一個晨早變得複雜...

<美股全面下跌>

唔知以為我同明報有仇, 成日針對佢. 但無奈佢又真係一次又一次出錯, 仲要錯得離譜. 我知八號波要返工好慘... 但既然都要返, 可唔可以俾d 誠意?

報導連結

34 點只係 0.3% 到... 好明顯佢 copy 納指個跌幅但又唔記得改返...

<瀆文共賞>

即使過了兩星期, 以下的文章仍像蒼井空 (還有許多人) 的胴體, 一直在我腦海徘徊.

(轉載自 5 月29 日的信報)

三十會30SGROUP

離開月台的乘客，一路順風

 

特區政府委任八位副局長及九位政治助理，過程極受批評。究竟政治公關已臻圓熟的政府高層，為何會在這次籌備已久的政治任命過程，臨門脫腳，在萬眾期待，眾目睽睽下顯得仿似手忙腳亂？只可以引述政治前輩的一句話解釋—「鬼掩眼」。外國護照，渣打智經，廿八五十五，專業錯配，一連串的口諸筆伐，其實掩蓋了這批一十七人的能耐，以及他們其中某些人，所受過的新一類政治歷練。

　　相信大家都知道，一十七人當中，有部分是三十會成員。當然，他們接受任命，純屬個人選擇，並非是三十會推薦派人入局。年青專業朋輩，每逢有人轉工，第一時間都會說「恭喜」。雖然作為第一批十七人，究竟是否有喜可恭，言之尚早。但毅然受新挑戰，在新環境上班，還是要說聲恭喜。

　　沈旭暉在《明報》寫了篇勉勵陳智遠的文章，內容未必人人看得明白，但Roundtable作為沈口中的「旋轉門」、「孵化機」，是漂亮地完成了一件任務，亦證明這件實驗是成功的。

另一種政治歷練

　　三十會成員年紀普遍較Roundtable大一級，組織比Roundtable更鬆散，連「旋轉門」、「孵化機」都稱不上，只可以算是一個車站月台。每一位成員，乘搭不同班次，在某段時間在月台上相遇。志趣相投的，會在這月台逗留一會，各自組合，搞一些研究討論，甚至身體力行，推動幾項計劃。一時之間，月台可以人馬雜遝，有人擺買，有人聚會，亦有人等車而去。逗留得最久的，會開始負責打掃月台，甚至帶頭維持秩序。

　　在月台上活躍得久，再加上自己的修為，就是另一種政治歷練。如果本身對某幾項政策研究有心得，所讀的科目是縱橫東西方的公共行政國際關係，再加上親身在民間參與推動活動而累積了人脈關係，這不是政治歷練，是什麼？

　　上兩代人是不會明白的，他們眼中的政治歷練，只有搞選舉，當ＡＯ。其他的，不值一哂。不過，參與過多場區議會甚至立法會選舉，不見得對推行政策有什麼心得；而當了一輩子ＡＯ，走出政府總部，一身官僚味道，亦不見得了解市民脈搏。

　　今日社會上最缺乏的，並非搞過選舉的政黨成員，又或者熟習政府運作的技術官僚，反而是能夠講出市民要求，甚至乎是跟市民一同思考的同類人。只有從民間歷練過，同市民脈搏一致的人，才知道令每一次購物都要多付的銷售稅是如何不得民心；荷李活差館建一個地標是與保育無關；而政府加一層精英班底，最重要是公正透明。政府從來不缺政黨人士以及ＡＯ官員進入權力中心，但由民間深處找人入局，這是第一次，可惜就被失敗的過程，掩蓋了一群民間精英入局的美事。

　　另外，只不過因為上兩代眼中的黨派意識太重，沒有泛民主派的人入局，並不等於入局的人，沒有民主理念。莫宜端以往寫過多篇有關民主發展的文章，有讀過的，相信會對其民主理念之清晰紮實，刮目相看。至於如何將政治理念政治理想，融入日常工作，要看自己造化。

　　至於多名入局之人，身負渣打╱金管局╱智經的背景，被人感覺是裙帶關係，外界亦會解讀為個人嫡系表現。換個角度，卻可能反映，民間精英要朝中有人，才膽敢放手一博。

　　外間沒有注意，這批民間精英，絕大多數從來未有特意顯露對參政抱有濃烈興趣。沒有加入政黨，沒有參與選舉，部分只不過在外圍的社會團體民間智庫，參與外圍的政策討論工作。要他們毅然放下自己做得尚可的崗位，除了是因為十幾萬的月薪對他們來說並不太差，自己亦有一份抱負之外，找他們入局之人，是他們所認識或曾共事過的，會是一個主因。試想，這道旋轉門隨時有機會滑牙，有入冇出；又或者山中一日，世上千年，轉出來之後，難以重拾以往相若崗位。沒有一個熟人照應，吾道不孤，更有抱負的人，都敵不過精英多年訓練的心思慎密。如果是抱負蓋過事業，老早就入了政黨當區議員。

　　所以，嫡系背後，表示民間精英，不一定被這份高薪卻未必是厚職即時吸引。找尋第一批先頭部隊，若非從共事過的人群埋手，能力成疑之外，遊說更加吃力。政黨上台執政，一班黨友分工合作，不會遇上此困境。但執政之後才組黨，自然手忙腳亂。

委任過程要公開透明

　　其實，如果委任過程公開透明，說明資歷要求，列出申請條件。讓有志之士，熱血參與，毋須再要熟人介紹，不必利用政治關係，令市民清楚知道，揀選出來的民間精英，真材實料，千錘百鍊，經過一套既定標準脫穎而出，就毋須叫這一十七人，彷彿變成特權分子。就算未有民主政制，政治委任都可以做得好好睇睇，叫人心悅誠服。

　　這次政治任命，起步已見艱難，未來並不好走。幾位三十會成員，以你們的能力歷練，相信應付有餘。離開月台的這批乘客，一路順風。

**********************************

呢篇文好強 :

1. 強在於佢自瀆之處並不明顯, 而係一段一段咁浮出黎 - 政治歷練  > 民間精英 > 莫宜端係精英

2. 強在於佢竟然寫得出 "雖然作為第一批十七人，究竟是否有喜可恭，言之尚早。但毅然受新挑戰，在新環境上班，還是要說聲恭喜。";

3. 強在於一個文筆咁好既人, 竟然寫d 咁既野

4. 強在於我睇完有作嘔既感覺, 到今日再品嚐, 仍然想嘔

靈感來源 : johncoal - 軚唔係咁轉

(相比下, johncoal 引的那篇便算赤裸裸地自瀆)

<信我>

上網速度還是 56 k 既時代 (我三歲個陣), 有一個瀏覽器叫 網景 (Netscape). 唔知點解, 亦無須要知點解, 每次 resize 個 browser, 網景 裏面既野都要重頭 load 過, 我懷疑當年有既青春有八份之九係浪費係 reload 既時間上.

後來出現 Internet Explorer (IE), resize 唔使等, 即刻叫 網景 食蕉.

到今日, 若你仍然用 IE 作 browser, 恭喜你 - 你有機會用一個更正既 browser.

用過 FireFox, 非迫不得已你都唔想再掂 IE.

我尋日冒住生命危險將公司部電腦 upgrade 到 FireFox 3.

再用 FireFox 幾乎感動到喊.

一齊叫微軟食蕉拉.

信我, 一齊用 FireFox3

再來 : Exist2 有關 瀏覽器 的 entry 1, entry 2