August 27, 2009

  • <周秀娜的思考技術>

    留意 : 為防誤會 (特別係你老婆 /  女友/ 女同事), 觀看時請避免左右有人...

    下面呢張周秀娜既海報, 經常係地鐵出現.

    係下面呢張周秀娜既海報, 唔係 呢張周秀娜下面既海報. 兩者係有結構性, 實用性... 本質上的不同. 我知道大家都好想係後者...

    我每一次見到呢張海報, 都望住某d 野, 眼定定, 張開口. 呆撚左. 好幾次差d 流埋口水.

    Photobucket

    我每次係地鐵經過都想用手機拍一張, 等我返屋企後可以回味再回味再三回味某d 野. 可惜每次都怕拍既時候俾人影到... 我係阿叔, 但阿叔都有自尊心, 有羞恥之心. 我都有老母生嫁! 去女僕cafe 不等於是宅男; 宅男也不一定是變態; 變態不完全是痴漢; 痴漢也未必要迷戀周秀娜!!!! 如果我係迷戀周秀娜, 我唔怕人影; 問題就係我笨唔迷戀佢...

    今日, 我終於鼓起勇氣, 係銅鑼灣地鐵站, 時代廣場條隧道度拍.

    呢條隧道, 係除左人類史上人口密度最高既地方 - 旺角 body shop 之外 - 人流最多既地方之一. 有理由相信, 若然北韓d 飛彈唔生性, 射夏威夷射錯左去 旺角 body shop. 小小幾十平方呎, 起碼會死幾萬人. And I am NOT kidding.

    要揀係呢條隧道拍, 皆因我懶 - 我搭地鐵返屋企會經過. 而歸家途中, 只得呢度會見到周秀娜.

    今晚, 見到海報一次...附近真係人多車多, 成條彌敦道咁呀. 屌, 我好撚淆底, 好驚. 無拍到, 望住佢行過左.

    行呀行, 一路淨係見到童顏巨乳 楊思琦 (中三程度中文應明白何謂 童顏 . 巨乳), 同埋 大隻過我既 廖碧兒.

    行呀行, 原來上面張海報唔再出現!!! 屌你, 之前個輯詩琳周秀娜, 明明成條隧道都係!!!!

    當我知道呢個殘酷既事實之後, 心裏一沉, 恨錯難返. 我唔會走返轉頭拍... 畢竟回頭太難, 而去左某個年紀, 就連萬事, 亦 . 起 . 頭 . 難.

    ------------------------

    好了. 畢竟我們有 高登, 有 google 呀!

    去高登以 周秀娜 + 地鐵 找, 沒結果 - 是搜尋結果太多.

    去 google 以 周秀娜 + 地鐵 找, 只找到上一輯的. 屌你! 我要的, 是最新, 最索的露雲娜呀!!!

    好了. 幾經曲折, 幾許風雨, 才聰明地想到去詩琳的網頁, 有可能找到 (後面 : 屌你... 呢個咁簡單既方法一早應該諗到... 豬西!!!)

    噢 yea~~~ 最後我找到了. 巧 high 新~~~

    ------------------------

    (1) 花了這么多唇舌, 不是為了說我最後找到了周秀娜這個圖, 可以射個夠. 沒這么間單.

    重點是上圖的某些字眼.

    我知你地淨係掛住望佢對胸, 同埋佢條熱褲. 好些人可能已經將張圖較光, 睇下周秀娜有冇露出小妹妹.... (肥 gap 女?). 更多人可能已經射到一褲, 一腳, 一地, 一身, 一個天花都係精.

    為等大家集中精神, 我將重點剪左出黎.

    Photobucket

    冷 . 凍 . 溶 . 脂

    我每一次見到呢張海報, 都望住 冷凍溶脂 呢四個字, 眼定定, 張開口. 呆撚左.

    咪傻拉, 你以為我會望住周秀娜個胸? 睇咸書睇左廿幾年, 欣賞的首名 AV 女星係直樹舞子, 望女望左四十幾戴, 有乜野我未見過? 雖然周小姐個身型的確正... 無論如何

    冷 . 凍 . 溶 . 脂 ?
    冷 . 凍 . 溶 . 脂 ?
    冷 . 凍 . 溶 . 脂 ?

    冷凍 => 溶脂?

    ok. 必須承認科學常識只係中一既水平 : 初中綜合科學好少合格. 中三化學科, 僅僅五十分. 高中選文科, 從此與物理化學生物絕緣. 我一路分唔到 化學 同 生物既分別 - 兩樣野我都唔知係乜.

    對我黎講, 化學仍然停留係乜野交差相乘既階段 - 即係hydrogen 差兩個唔知乜野, oxgyen 又唔知欠人幾萬銀, 跟住交差相乘考試就有分數, 兩舊野就成為 H2O 咁. o拿, 錯左唔好打面呀!

    之不過... 溶 呢個招絕, 好似係要用 熱力, 依靠提升溫度黎使出. 你唔會話放個蛋糕入雪櫃整撚溶佢. 無人會用地球溫度不斷下降, 搞到冰川溶解 - 如果係咁, 我開冷氣會開得更興奮. 溶鐵, 溶膠, 榕樹頭都涉及熱力, 高溫. 冷凍; 溶脂, 呢對字面上咁矛盾, 咁充滿對立主義的小朋友, 點解最後可以走埋一齊, 成為情侶, 有情人終成眷屬? 究竟係乜野一回事? 一直木宰羊.

    呢個 冷凍 溶脂, 足足困擾左我三個星期. 每次我望住呢張海報, 我都唔撚明點樣可以 冷凍 溶脂. 對呀, 我人生就係浪費係呢d 無無謂謂既問題上. 但面對歷史洪流, 茫茫人海, 你人生又真係有幾多有謂, 有聊既事情?

    (2) 好了. 或許是我化學知識不足. 於是打電話請教一個生物 + 化學系博士畢業的中學同學. 世間竟然有人無聊至此...

    "喂, 教授 (我對佢既稱呼). 生日快樂" - 此君前兩日生日

    "多謝左, 博士 (佢對我既稱呼). 雖然遲左幾日"

    "屌, 兩日o者. 距離你三十歲生日, 仲有三百幾日..."

    ......
    "喂屌, 有d 野想請教你....

    有冇可能用比物體溫度低 (還是熱能減少) 既方法, 將物件溶解?"

    教授不愧係教授. 佢首先糾正我既講法, 然後再講一堆野. 一堆我唔明既野. 但我知佢知我想問佢乜 (中文老師下次請叫學生作 一句有兩個我兩個知兩個佢 既 句字出黎. 100 分 題目). 再搞左一大輪, 來來回回抽插一返, 佢終於答
    "In general, 無可能."

    In general 呢個詞語好好用. 你話 in general 股票會升 : 升既話, 你o岩; 但跌既話, 你可以話今次唔係 general case. 無得輸, 無得錯. 有時候人會講左呢 d 咁兒嬉既字眼, 自己都唔知. 就好似當年我講粗口講到屌鳩個阿蛇, 自己都唔覺... 無論如何, 我抱住求真既精神, 再追問落去.

    我再問佢 : 有冇諗到乜野例子, 係可以用低溫 (類似咁上下既方式) 溶解一件物件?

    "我即時諗唔到"

    Bingo! 跟住佢再o翕左d 跑步呀, 風褸呀, 減肥既野. 我無留心聽. 已經得到我想要的答案.

    (3) 我並不滿足於此. 在維基百科, 史上最偉大的維基, 我找了 "溶" 這個字的解釋. 下面涉及好多數字同方程式, 部份讀者看後可能出現噁心, 作嘔, 經痛, 大便, 甚至乎係長期勃起既情況. 敬請留意.

    更重要係, 我一路寫下面既野, 其實一路都唔知下面d 野講乜... 如果你本身唔係讀化學, 淨係睇 bold 左個d 就得. 睇唔睇對你人生都唔會有乜大影響.

    溶, 即 化學上的 dissolve/ dissolution. 一個物件溶解的速度, 可用以下方程式計算.

    (a) The rate of dissolution depends on:
    • nature of the solvent and solute
    • temperature (and to a small degree pressure)
    • degree of undersaturation
    • presence of mixing
    • [skip]

    The rate of dissolution can be often expressed by the equation of the form:

    frac {dm} {dt} = A frac {D} {d} (C_s-C_b)

    where:

    m - amount of dissolved material, kg
    t - time, seconds
    A - surface area of the interface between the dissolving substance and the solvent, m2
    D - diffusion coefficient, m2/s
    d - thickness of the boundary layer of the solvent at the surface of the dissolving substance, m
    Cs - concentration of the substance on the surface, kg/m3
    Cb - concentration of the substance in the bulk of the solvent, kg/m3

    屌佢, 話同溫度有關, 但成條方程式都無溫度.... 於是我再按 diffusion coefficient, 又再得到一堆我唔撚明既野...

    ------------------

    (b) Fick's First Law

    Fick's first law relates the diffusive flux to the concentration field, by postulating that the flux goes from regions of high concentration to regions of low concentration, with a magnitude that is proportional to the concentration gradient (spatial derivative). In one (spatial) dimension, this is

    bigg. J = - D frac{partial phi}{partial x} bigg.

    where

    • J is the diffusion flux in dimensions of [(amount of substance) length−2 time-1], example (tfrac{mathrm{mol}}{ m^2cdot s}). J measures the amount of substance that will flow through a small area during a small time interval.
    • , D is the diffusion coefficient or diffusivity in dimensions of [length2 time−1], example (tfrac{m^2}{s})

    • [skip]

    , D is proportional to the squared velocity of the diffusing particles, which depends on the temperature, viscosity of the fluid and the size of the particles according to the Stokes-Einstein relation. [skip]

    究竟係 fick 的第一還是第二定律, 也不太重要.... 因為我都係唔明佢講乜. 更重要係, 佢都係無放溫度呢個因素係條公式度.

    於是我按落去 史篤斯 - 愛因斯坦 關係度.

    ------------------

    (c) Einstein–Smoluchowski relation

    In physics (namely, in kinetic theory) the Einstein relation (also known as Einstein–Smoluchowski relation) is a previously unexpected connection revealed independently by Albert Einstein in 1905 and by Marian Smoluchowski (1906) in their papers on Brownian motion:

    D = {mu_p , k_B T}

    linking D, the diffusion constant, and μp, the mobility of the particles; where kB is Boltzmann's constant, and T is the absolute temperature.

    The mobility μp is the ratio of the particle's terminal drift velocity to an applied force, μp = vd / F.

    老實講, 我都係繼續唔明. 正如你唔明 A 係乜, 你好難會記得 B, C, D.... 到 Z.

    但根據我讀左幾年經濟, 加上渣到嘔既微積分入門, 靠估計, 我得到一個結論

    frac {dm} {dt} = A frac {D} {d} (C_s-C_b)  ---- Rate of dissolution

    加上  D = {mu_p , k_B T} ---- 史篤斯 - 愛因斯坦 關係

    於是乎 T 越高, 即溫度越高, 溶解的速度越高. 反之亦然.

    不是說低溫的情況下, 物質不會溶解 - 根式方程式, 即使在北極, 物件都會 "溶", 不過是速度非常低; 相比在室溫/ 高溫的情況下, 這些好似好撚雜複既方程式告訴你, 物質在低溫/ 冷凍時, 溶解速度會更慢. 你要什么冷凍, 冰凍, 果凍溶脂, 坐在家裏不開冷氣, 再加一張羽絨補, 再吃火鍋, 效果必定更好.

    由於一個中三之後無掂過化學既人, 竟然好似明白咁深既化學. 完全顯示到我作為快刀手既刀鋒...

    ------------------------

    搞左咁耐, 睇左幾篇唔鳩知佢o翕乜既方程式/ 維基之後, 我得出一個重要總論.

    冷凍 + 溶脂, 簡直是本世紀最偉大的發明. 人類史上能夠與 冷凍溶脂 並駕齊驅的, 恐怕只有 食屎屙飯. 下屆諾貝爾醫學, 物理, 化學, 文學, 和平, 經濟學項, 不要問什么選委會會員了, 直接由周秀娜及瘦身公司取得. 屙屎不但不用將肛門打開, 而且可以在肛門收縮的時候屙得越暢順. 這實在是太奧妙了.

    噢 . 賣 . 葛, 連上帝也做不到的, 我們做到了! 簡直與當日觀月瞳使出五十萬匹力量, 反地心吸力境界, 旗鼓相當, 不相伯仲. 我建議推出一系列 "上帝不能完成" 的健康療程, 包括 加速減慢心跳 (適合心臟病人士), 狂加糖醫糖尿, 酒精救肝, 瀉藥治腹瀉....

    師兄呀, 而家唔係講緊金融市場 re-financing 個個 "融資", 係 將脂肪溶掉的那個 "溶脂". 冷凍融資, 就等於無風險高回報股票, 係不合乎常理, 不合乎化學邏輯的.

    你再看看周秀娜海報下面那些細字 : 冷凍溶脂... "令脂肪變薄, 達到即時消脂及瞬間修型效果"... 即係出左美容院門口就會厚返.... 即係你踏出門口, 無左冷氣, 就會自動按 ctrl + z, 打回原因. 嘩! 什么也不用做, 就自動還原, 這比起還原靚靚拳更厲害.

    反正可以冷凍溶脂, 下次鬧人時, 唔好再講 "食屎屙飯" 了. 叫人 "冷凍溶脂" 吧!

    -----------------------------

    又洋洋千字, 不知所言. 順便貼埋周秀娜另外一張海報.

    一路唔知d 脂肪咁厲害, 可以好似財富咁轉移.... 可唔可以拎出黎去 ebay 拍賣? 仲有, 留意下佢對手. 真係 唔生性 識做. 係都要夾一夾先安落.

    另外, 佢話性感要曲線. 成張圖, 得佢對胸, 同埋 $388 有曲線. 真係曲線.

    你想脂肪轉移, 最終只會變左財富轉移.

    Photobucket

    ------------------------

    一直想說周秀娜. 前陣子什么o靚模炒個熱烘烘, 可是我有什么網上廣場恐懼症 - 只要人家一窩蜂講, 我就連提也不想提. 於是等到今天才起談一下.

    首先, 我覺得周秀娜好似胡諾言.

    由於我認人太差 - 最高記錄係同人食左三次飯都唔認得佢 - 加上話d 人似邊個, 幾乎無人同意, 所以我將周秀娜同胡諾言張相拼埋一齊...

    總之你都覺得唔似嫁咧.

    --- 雙眼皮, 個咀, 個鼻, 連對耳仔都好似

    --- 大家咪一樣有眼耳口鼻...

    Photobucket

    有看過她那本寫真集的, 大概會認同, 寫真集很抵看 - 每一頁也像在引誘你射落本書度. 儂老爾, 多情應笑我, 早生華髮 : 我對住d 唔郁既野已經射唔出. 對住d 郁既都好似踢實況咁, 要講狀態, 周秀娜的身材也是非常標準, 胸也大 : 小心, 我是說她胸大, 不是說她胸已經夠大. 胸是永遠不夠大的. 還可以批評的, 就是周秀娜個仔太小 - 她偏偏是所謂模特兒...

    「我不認同我的照片是鹹相，由拍攝到產品推出市場，我覺得這些是潮物，我很喜歡。至於是否令男人有性幻想，我覺得女人畀到男人性幻想是好事，唔係點解叫女人呀？」

    當好多女人覺得失身係蝕左俾男人, 茄輪要拍拖三年後先打, 口交係厭惡性工作, 周秀娜已經去左另一個層次 (唔排除係經理人教佢講). 這大概是 70 與 80 世代既分別; 90 世代大概連貞操係乜, 好似聖矢咁只係聽過下. 實情最後要查字典, 上維基百科睇先知. 至於貞操個朋友貞子, 佢地都係唔會知係乜. 佢地腦裏面淨係得精子. 

    好些女性朋友提起周秀娜, 會肅然起敬. 儘管動作誘人, 周秀娜唔算姣. 只要唔姣, 女人對佢地既反感會減半. 你睇下陳法拉... 姣西.

    周秀娜一直有個髮型師男友. 他的男友, 好幸福之餘, 又好慘. 每日俾好多人羡慕之餘, 更多人覺得呢條友太幸福, 幸福得過份. 好多人每晚打槍前後, 都咒罵呢條友應該快d 死開. 這便是找個美女當女友的最大問題. 你自尊心, 自信心不夠強, 唔係驚俾人暗殺, 就係最後自殺埋. 當然, 他當初與周秀娜一起時, 周秀娜可能還是個村姑, 每天在金百利上班. 今天周秀娜已是萬人J 對象了. 這不是他的錯 - 只是他眼光太好了.

    張繼聰也屬於 "眼光好". 女友出名, 男友自動變為食軟飯. 老實說, 若然是謝安琪或是周秀娜餵我食軟飯, 何樂而不為? 真正又食又拎呀! 前陣子與友人談起陳振聰. 軟飯的對象不是周秀娜, 是小甜甜. 我說, 不需要 "億", 只要給我 "千萬" 我就肯按摩了.

    為何娛樂版記者總是那么心理變態呢? 為什么不能只重點欣賞周秀娜那個 bikini body? 人家幸幸福福, 快快樂樂, 就好像等同姦殺了娛樂記者含家三十九次, 然後將佢埋係地下, 係頭開始灌入水銀般的血海深仇. 他們不破壞一些美好, 愉快的家庭, 彷佛會在九泉之下含恨而終. 以前明報周刊每逢新年, 都會送一張娛樂圈模範家庭的全家福作海報 - 謝賢一家當年就是常客 (和我同年的霆鋒還是個小朋友), 偶爾萬子, 阿 B 也會出現. 現在還可以找誰? 我想了半天也想不到. 徐子淇嗎? 李嘉欣嗎? 梁洛施嗎?

    香港人心裏羡慕她們可以找到好歸宿, 咀邊卻痛恨她貪慕虛榮, 打跛腳唔使做 - 骨子裏是痛恨自己不是她們三個其中一個. 不單止對李嘉欣, 香港人對李嘉誠及其他富豪都有同樣性質的痛恨. 多年來培養了香港人一種虛偽, 一種心理變態 (一方面認為政府無能; 一方面又認為政府應該多做一點)

    好些事情我一直不明白, 娛樂記者特別心理變態 - 當然好些人會說其實是讀者變態 - 就是我最不理解的. 也許要心理變態才能當娛樂記者. 我不想討論有因有果先那些沒有答案的問題; 或是 "老總叫我咁做" 那些論點.

    萬人你成為美女明星的男友, 你便會兼職做埋其他男人既頭號公敵. 一日打乞嚏打個唔停. 這便是代價了. 難怪我以前每天都鼻敏感...


    代價太高, 這就是我為何一直不接受林嘉欣當我女友... 難為佢等左我十幾年...

    (作者自己也在嘔吐中...)

August 23, 2009

  • <這些年來>

    不幸地, 今日係呢個 blog 既開幕四周年.

    若計以前別的戶口, 我寫了已經七年了. 好可怕. 七年.

    自瀆通常自己一個人, 關好房門, 開住 AV, 對住倉井咁黎. 今日等我用呢個機會作一次公眾自瀆吧.

    寫了四年, 是個意外. 除了讀經濟 - 那也不過是維持了大概七年的時間 - 我發現原來還有一些東西, 可以令一個只有三分鐘熱度的人, 維持了這么長久的熱情. 是的, 就連做愛也只有三分鐘的 耐力 熱情. 但我對寫 blog 仍存有碩果僅存的熱情. 開始還不夠廿五歲, 今天身邊的人許多都正計劃結婚, 甚至已經結了婚.

    仍記得當年 AL 叫我開 xanga 的情境. 她幾乎替我開了一個, 然後把密碼交給我. 後來, 機緣巧合下, 遇到了 Kursk. 再後來, 教主叫我入了 原人圈. 再再後來, 我與拍拖三年的女友分了手. 再再再後來, 去了很多次東京. 再再再再後來 (得咧, 我知好煩), 到了今天的四周年. 四年來, 在這裏認識了很多朋友 - 有見過面 (還要是經常見), 也有素未謀面的. 我真的很感謝自己及其他讀者, 肯花時間看長篇大論的鳩o翕.

    重看早期的文章, 可用慘不忍睹來形容; 用 "求撚其" 來描述更恰當. 當年用 xanga 倒像今天的 twitter, 有時候只有一兩句, 有時候只有一張圖. 其實我還有另外兩個 xanga - gjstigler 及 scimonoce, 一個是剪貼簿, 一個原本是講經濟的. 但最後就只有你正在閱讀的這個能生存. 要同一時間維持三個網站的運作, 有著不同的話題, 是十分困難的事.

    後來這裏的文字倒是越寫越多, 靈感也曾源源不絕. 2006 與 2007 兩年間寫了我覺得最好的文章. 那兩年, 是最好火的. 什么也可以吹一返, 寫一回. 當年最感興趣, 寫得最多的, 是時事政治經濟. 不知怎么 (我倒知道是為什么的), 2007 年尾開始, 幾乎將整個 blog 的風格改變了. 只懂寫情情愛愛. 到 2008 年時, 連情情愛愛也不懂寫, 一天到晚林嘉欣唐老鴨東京炒冷飯系列系列再系列. 有點回塘, 乾塘的味道了. 寫得越成熟, 反而越有乾塘的感覺.

    由於乾塘, 唯有食老本. 最近開始在文章中寫多了經濟學的應用. 不想嚇走讀者, 所以寫得並不明顯, 也想寫得簡單. 又要加點笑話, 否則連自己也不想看. 這是有趣的思考練習, 什么也有點.

    好些人以為我中文很好. 認屎認屁什么也敢認, 但中文好, 我是不會認. 因為我不是. 中學時中文科很少合格, 作文也經常被評為離題萬丈 (這也是真的). 會考時只得 E. 文章錯別字很多很多很多 - 不單是因為無時間做校對, 而是我根本唔識字. 所以我認為, 能寫一篇逗自己開心, 讓讀者快樂的文章, 不等於中文好. 最多只能說文字的表達能力準繩.
     

    當然, 看著看著自己多年來的文章, 越寫越長 - 儘管數目越寫越少 - 我更加相信這點. 寫作是一種習慣, 一種思考的訓練. 實在很感謝當年 AL 不斷慫恿我開 xanga (可惜不能成為情侶呢. 嘩哈哈哈哈. 沒關係吧. 反正她都已經不在香港了) - 很久以前連 AL 自己也不再寫 xanga 了.

    有時候會重看一些已經沒有再更新的網誌. 我很喜歡很多人的文字. 可惜大部份的網誌, 多年來都沒有再更新了. 這實在是有點可惜.

    寫 blog, 只是想讓自己開心一下, 發洩一下. 我今天仍很喜歡寫.

    至於明天的事, 我可不知道. 呵.

    ------------------------------------------------------------

    一口氣重看了許多舊文章, 發覺 CL - 那一位劈了前前度腿, 前度曾做 powerpoint 給她的舊同學 - 原來多年來間斷出現在文章中. 就像 one-piece 的版頭故事, 也像那裏的熊貓人. 我將多來有關 CL 的描述整理了, 很有趣 - CL 就像一個活故事.

    "今日收到大學同學 CL 的手機短訊 :

    '今天是我 (CL) 與 XX 的三週年, 令我想起見證我們一起的各位好友, 除了要同大家分享我們的喜梲, 也多謝各位一直把我作好朋友, 我也很高興認識你地!'
    聽講, 佢男朋友, 下年去韓國讀書交流一年. 唔記得佢男友讀乜, 但諗黎諗去都諗唔到韓國有乜好讀. 溝操就大把.

    CL 是個對感情百份百投入的人. 她不無知, 也不天真. 發上面的一個短訊也不是要 SHOW OFF, 而是真正的感謝好友.

    不如結左婚先去拉."

    - 無題, 2005 年 10 月

    "同系同學 CL 既男友去韓國做一個學期交流生. 去外國可以擴闊眼界, 好野黎. 史弟都後悔無去外國吊過鹽水. 至於 CL 既男友, 史弟早已將佢定性為去韓國就明顯以讀書為名, 溝操 exchange 為實. 一個人在外地, 點可能拒絕外來既引誘? 有人叫 CL 作突擊檢查, 史弟話眼不見為乾淨好."
     - 龍捲風, 2006 年 2 月

    "數月前提及同學 CL 個男友去韓國做交流生. 當時我斷言 "去韓國就明顯以讀書為名, 溝操 exchange 為實. 一個人在外地, 點可能拒絕外來既引誘?".

    果然, 一個人係外地, 的而且確無法拒絕引誘. 佢, 狠狠的劈了腿.

    不過, 劈了腿的是 CL, 而非佢去左韓國既男友."

     - 劈腿事件簿, 2006 年 8 月

    "還記得劈腿同學 CL 嗎? 原來她的 "男朋友", 是一個離過婚的男仕; 他們已經同居了. "

    - 愛情全保, 愛情重傷, 2006 年 8 月

    "CL 與男友一起快將進入第三個年頭.

    時間是去年十月. 男生要去地球的另一方工幹一個月. CL 對男生難捨難離, 於是請了半個月去陪男生. 不介意男友放工作第一, 不陪自己, 這是難得的; 甚至乎願意放棄工作半個月, 更可貴.

    男生先出發去工幹, CL 半個月後才去.

    出發前, CL 收到一個 powerpoint.

    裏面有三四十張 slide, 詳細解釋如何由 CL 香港的家 去到 男生於南半球 住的地方. 巨 . 細 . 無 . 遺 . 不是叫你係香港搭 A23, 去到南半球再搭的士, 再搭多個 google map, 那些所謂解釋; 而是由 CL 香港家的門口 (即係你屋企地毯) 去到 澳洲屋企門口.

    更重要是那個 powerpoint, 是有 sound effect 及 animation .

    CL 照著那個 powerpoint 來到男生的家. 無誤. 其時正值下午, 男生要上班, 家裏沒有人. 然後 CL 發現台上有各樣面額的澳幣, 有份小禮物, 還有一張溫馨提示 - 那是用手寫的, 不是用電腦 print 出來 - 說多謝 CL 來到南半球探他.

    理所當然, CL 與男友就南半球渡過了快樂的兩個星期.

    十一月初, 二人從地球的另一方回來.

    十二月初, 二人分手了.
    回來不久後, CL 無法逃離那片幸福與歡樂的氣氛中 - 事實上誰也不能 - 她向男生說了一句 :

    我地不如結婚 law.

    就這么一次, 這么一句. 他們分手了. 男方提出."

    -決勝分, 2009 年 6 月

    ------------------------------------------------------------

    下面是我最常引用的兩組金句. 每逢遇到什么的困難, 不如意的事, 我也會看一看這兩段文章, 讓盪心靈獲得半刻的寧靜.

    "許多讀書人原初做學生時心存大志，到後來卻忘了本，忘了初衷，忘了最初的志氣，反而走到自己做學生時最瞧不起的那條鑽營的路上去了。

    借用一個比較花巧的術 語來說，這叫做「異化」，老實點說就是「變了質」。讀聖賢書，所學何事？高薪優職，不好好去想想如何把份內工作做好，以回饋社會的供養，卻整天忙於營求之 事。午夜夢迴，捫心自問，能不慚愧？能不汗流浹背？別人以職級來衡量你，是別人沒出息，你自己豈能以職級來衡量自己？有自信有傲骨的人豈會如此自己看扁自 己？"

    <李天命的思考藝術>, 李天命

    Eventually we come to know and understand a lot of things, but it's too late because a whole life has already been determined, and undermined.

    Though, being early does not mean that you will or can make any change.

    ------------------------------------------------------------

    不想再炒太多冷飯, 反正已經有一個系列讓我炒個夠了. 就讓很久也沒有出場的後面, 來一個十問十答吧~~ here we go~~~

    問1. 史先生, 你成日都話去取材, 竟然乜野係取材?

    答1. 呢位同學, 其實人既創意係有限. 除非你可以好似練乙錚, 林行止之輩, 可以以抓格仔為生; 否則你係要一份正職黎糊口. 糊口完, 你就可以係網上世界做你想做既事. 放棄少少野, 換返好多野. 而你有份正職, 又唔想冇左, 唯有返工既時候做下野. 所以寫 xanga 既時間少左, 咪要多d 時間去諗d 題材, 要d 時間去寫文. 等大家輕鬆一下.

    至於去邊度取材. 其實我都唔知. 總之唔對住個電腦, 唔訓覺, 唔係屋企, 已經係一種取材. 可能睇睇下戲有靈簡; 可能食食下飯有; 可能屙屙下屎有 (呢個 hit rate 最高). 但總之, 文章係要時間煲出黎. 若果係關於男女之情, 多數係同朋友食飯傾計諗到 - 我成日食食下飯發左呆, 就係因為我諗緊寫野; 股票野通常係返工個緊諗到 - 但本人黎講唔係太鍾意係呢度講股票.

    "取材" 呢兩個字, 係來自 one-piece 既尾田榮一郎, 也來自火鳳燎原的陳某. 很多時話取材, 實際我是去了玩... 我寫某幾篇有關十八區的文章時 (例如荃灣, 九龍城), 曾經實地去過那些地方望望. 不去走走, 無法有真切的描述. 有時候找個借口去別的地方走一轉, 其實是件樂事. 畢竟, 沒有女友的人, 就不會四圍去呀. 我的取材, 就是閒著沒事幹.

    問2 : 你提到女友, 究竟你擇偶有什么條件?

    答2 : 沒有. 除了大波樣靚身材好不要太矮有點小聰明之外, 我便沒有要求. 學識不重要, 只要智商合理正常就可. 最重要是沒有看我的xanga, 或者, 有看但不知道我真人是這個地方的網主.

    個人對用xanga 溝女有點抗拒. 我見過很多類似例子, 倒頭來 xanga 不是廢了, 就是最後執了笠 (大概是分了手, 不想再寫吧). This has nothing to do with good or bad. 只是個人口味的問題. 可以的話, 還是不要這樣做好.

    當然有例外...

    林嘉欣 law.

    問3 : 那么, 你每天會花上多少時間打 xanga 呢?

    答3 : 若然以 "打" 字的時間計, 其實不多. 我打字速度還不算低. 最花時間的, 反而是思考的過程, 與及如何將垃圾串連在一起. 最難還是想出一個主題來鳩吹. 2006-07 年時十分幸運, 幾乎每次大便都想到新題材. 時間久了, 也許要寫的都寫過了, 找好的題材 - 一個自己寫起來覺得有趣的 - 十分困難. 所以取材的次數與時間也越多越多/ 長 (又替找借口). 很羡慕許多人 (特別是方潤, 還有三師會那幾個傢伙), 好像有取之不盡的題材.

    有時候會有些零碎的頭緒, 會先用 private 的形式記下來. 有五六個頭緒, 然後再想想寫出來. 像砌砌圖一樣, 一點一點加上去. 你現在看的這篇文章, 我間間斷斷寫了兩個月. 一共用了二十多小時吧. 我覺得, 寫不好的文章, 寫了也不要登 - 除非你會後來作出大幅度的修改. 當然, 這要求非常嚴謹, 說得出, 卻連我自己也做不到. 哈哈哈哈哈哈哈.

    還有, 為文章加上連結, 斜體字, 粗體字, 縮排, 也蠻花時間. 特意找錯別字, 也是件花心思的事...

    不得不提, 其實我自己是自己的讀者. 這樣說, 是有時候我會讚嘆自己寫得出咁無恥下流既野 - 我真人本身好有修養, 亦唔撚講粗口. 這是個排板及編輯很重要的認知 : 有時候, 看到別的文字牆, 看到便想作嘔和大便. 寫 blog 本身是件很嚴肅的事, 儘管 blog 的內容我不想太嚴肅. 洋洋千字, 也是希望有人看 - 包括自己. 若然自己是自己的讀者, 就希望讀一篇文章, 感覺舒服. 若果排板不理想, 或者只是文字牆一塊 - 以前的文章全部都有這種情況 - 就連自己重看也感到反胃. 既然寫好了, 將文章排得好一點, 成本-效益 是異常地高.

    總括來說, 現我每天花在與 xanga 有關的時間, 大概是 2 至 3 小時吧.

    問4 : 既然花上如此多的時間, 為什么不出書, 或是全職寫作呢?

    答4 : 不出書, 是因為沒有出版社找我; 作為一頭驕傲的禿鷹, 我是不會自動送上門. 這當然不是主要原因拉.

    最主要原因, 是我不想將興趣變成自己的職業 - 一種自己賴以為生的興趣. 這是痛苦的. 我不會以為, 將興趣變成職業, 工作就變得有趣. 這是天方夜譚. 這只會將興趣變成你的痛苦來源. 可以爬格仔生活的人, 很厲害. 這些人好像沒有試過沒有靈感的. 一想到死線將至而格仔紙空白一片然而自己戶口又一毫子也沒有, 心裏就很害怕. 到時工作令你討厭, 興趣令你害怕.

    不是所有人也會這樣. 有一堆上了岸的人, 賺錢買花戴, 他們的確可以將興趣變成職業, 而無損對興趣的熱情. 就像娶了武內直子 (美少女戰士的作者) 的富奸, 他畫 hunter X hunter 就肯定是興起再畫呀...

    殺人狂不會去當殺手. 也沒有喜歡做愛的人去做雞. 做男優/ 汁男其實是件苦差. 一旦變成職業, 一涉及錢途前途勝利, 就連打籃球, 打網球也沒有趣.

    這大概也是為什么在香港, 很少人人會喜歡讀書返學. 因為讀書返學是為了考試, 是為了決勝負. 中學有什么英語閱讀計劃, 本來是培養出閱讀的習慣 - 特別是英文書籍. 但同學間為了取得每學期閱書最多的數量, 就像寬頻佬在追 quota 般, 每堂都在衝呀衝呀衝. 事已至此, 我不覺得他們特別喜愛看書.

    一旦將興趣與決勝負的機關緊扣, 人生就變得痛苦了.

    問5 : 既然在xanga如此多的時間, 為什么就只在 xanga 寫呢? 別的 blog 芬唇也比較多.

    答5 : 點解咁似上面個題? 你條懶西 (後面 : 答拉仆街)

    不轉去別的 blog.... 是因為... 懶. 另外, 好些認識了很久的網友 - 儘管好些已經停寫 - 也一直靠這裏知道我的近況. 更重要是, 原人圈只在 xanga 出現...

    也試過開別的 blog. 芬唇多倒是多... 但問題係, 我根本唔識用, 而且用不著. 是的, xanga 貼圖好麻煩 (不像面書可以揀揀揀然後一次過上戴), 貼連結好麻煩. 但我最常用的芬唇 - 斜體字, 粗體字, 縮排 - xanga 也有了.

    問6 : 寫了這么多年, 有沒有遇過什么特別難忘的事呢?

    答6 : 嗯... (沉思中)

    嗯... (沉思中)
    .
    .
    .
    .
    .
    .
    .
    .
    .
    .
    .
    .
    .
    .
    .
    .
    .
    嗯... (沉思中)

    係無既!


    問7 : ...真的半件難忘的事也沒有嗎?

    答7 : 嗯... (沉思中)

    也有的. 大部份的文章, 我都是笑著編輯的. 只有一篇, 我真的由頭到尾也是哭著寫. 後來也對令我哭的人 (及自己) 來了個終極大報復. 不過那已經像是聖鬥士般遠的傳說了. 阿叔你收皮拉!

    問8 : 很少見你在文中提及工作, 究竟你的正職是什么?

    答8 : 根本不想提工作. 不是喜不喜歡工作的問題, 而是我知道工作只是一道橋, 每個月有些錢讓我做想做的事件. 工作不是目的, 而是手段. 喜不喜歡工作也好, 我不認為工作在人生中佔有很重要的地位. 除非是重要決定, 否則工作的事我不會放在心上. 最起碼, 不放在 blog 上.

    興趣變成職業會釀成痛苦, 很少人會喜愛自己的工作. 大部份人談及自己的工作, 都是負面的事情, 情感較多 : 不是行政部的八婆很官僚, 就是旁邊的男同事是廢柴. 工作戇鳩無比, 人工低到無倫. 如此類推. 我們身邊已經夠多負面情緒了, 我也在這裏長期批評這, 非議那, 為何不給自己一個休息? 現實世界已經夠煩了. 來到虛擬的, 輕輕鬆鬆吧.

    我們一生已經花掉許多時間在你不在乎, 甚至乎討厭的工作上, 為什么連寫 blog 都要經常講些你不在乎, 討厭的事? I just don't get it.

    問9 : 你未來有什么計劃呢?

    答9 : 先泡個美女作為女友吧... 然後與她性交爆房口爆肛交胸射顏射中出. 由於要玩咁多野, 所以佢要大波樣靚身材好. 但我不要像徐淑敏般屌西屌出大頭佛來.

    接著 - 這個接著是有順序的意味, 即我要把上述的事情做完才會做 - 希望在下半年或2010 年頭去旅行 - 希望不是日本吧, 儘管機會率還是蠻高的... (又去?)


    至於 xanga, 呢個作為娛樂消遣網誌, 不想有太多的目標, 計劃... 但我想先收拾好心情, 把那個童年爛尾系列先行了斷. 童年那個, 有心機寫的話 - 當然問題係我無心機 - 大概會寫到三十篇. 觀乎我既進度, 好大機會會搵返以前寫落既文章, 加加減減就算. 呵, 看我的熱情又能維持多久. 哈, 好像又開空頭支票了.

    年度鉅獻情人節. 下年 (2010年) 踏入第五年. 我不知道為什么沒有情人的人, 可以寫情人節, 還寫了四年. 上年寫得非常臨急抱佛腳, 為免再犯錯, 我已經想好大概會寫些什么. 那很接近一個值得記念的日子. 或者這樣說, 我會記著那一天. 當然, 有一個愛情信箱, 還沒有回答. 希望有半年可以完成吧, 畢竟那已是四月的事了...................................

    其他系列, 應該可以繼續爛落去... 由得佢地爛咧...

    問10 : 還有沒有什么好說呢?

    答10 : 作者取材, 休息一周

    (屌!!!)

    ------------------------------------------------------------

    這些年來 --- 張國榮

    曲：劉志宏  詞：林夕  編：周國儀、陳愛珍

    投入過 懷念過 忘掉過
    這角色要幾多有幾多
    任何樣子都可  似雪片掠過星河
    陪著我 同樣也明白我
    你彷彿讓我找到最初
    就如重新學做人  你比那過去還要多

    談戀愛這些年  誰可叫我想念
    而只有你可和我談昨天
    經得起這世界考驗
    還欣賞彼此那弱點

    談戀愛許多年  留低過幾張臉
    而只有你的情懷如昨天
    戀愛叫我不安的感覺
    全因躺於你面前  至倖免

August 20, 2009

  • <阿叔的笑話數則>

    1. 唔提老母

    友人拍拖數年, 男女竟然未鬧過交. 奇聞也; 後來談婚論嫁, 二人看好房子後, 找律師, 上會 (找按揭) 的事宜, 全由女方負責.

    老老實實, 呢d 野唔係男做, 就係女既做. 怎樣? 像救人質般分頭行事? 又或是 4 x 100 接力, 我找律師, 你負責簽約?

    女方對於男方一味掛住玩, 玩世不恭既態度, 早已不滿 (偏偏又同佢結婚, 吹咩?). 大炒一場. 內容, 根據第三者複述, 大概如下

    女 : 你唔好仲好似細路仔咁拉... 成日掛住玩. 就黎結婚咧... (下刪四庫全書量的不滿內容. 指責男的玩世不恭)

    男 (呈理直氣壯狀): 你唔怪得我; 要怪怪我老母. 係我老母縱到我咁.

    (嗌嗌下交出老母呢隻牌, 已經係奇事... 講到明唔提老母呀嘛... 點知...)

    女 : 咁你老母有一日會死嫁喎!


    ... (沉默中)


    男 : 咁所以咪娶你law...

    若然背景音樂係 when you say nothing at all, 台上放著心形牛排, 電腦上播著相識拍拖的甜蜜片段, 吃著偉哥, 索住 k, 講呢句 "咁所以咪娶你" 應該好 sweet, 冧爆. 可惜... 佢地係嗌緊交, 當中仲涉及其他女人 (你老母), 女友當場變左老母後備. 無女人會認為有女人比自己好, 所以要佢做其他女人既後備, 就好似貝壁拓夫咁要做奧雲後備...

    黃子華曾在棟篤笑上說過, 他的三個妹妹, 從來沒有讚美過其他女人, 評語從來只有 "自暴其短". 這是對的. 畢竟我從來沒有聽過我媽說過任何女人正.

    我問她 : 你覺得陳法拉點?
    媽 (斬釘截鐵狀) : 姣西.
    徐淑敏呢?
    媽 (不加思索) : 咁醜...
    林嘉欣呢?
    媽 (勉為其難) : ok 拉

    我有理由相信佢答 "ok 拉" 只係怕我唔俾家用. 咁耐以黎, 我只聽過佢話林嘉欣 ok. 至於我d 女友先慘, 老母同老姊既評語, 可以用以下八個字形容呀陰公 :


    慘不忍睹
    屍橫遍野

    幾乎可以用我無讀過既屌股戰場文黎形容...

    講返上述情侶. 佢地老母來, 老母往一輪之後. 大概男的不甘老母受辱 (但明明係佢講起自己老母先), 女的又不甘只是當後備情人... 最後不歡而散.

    最後最後, 手分了, 婚沒有結. 就是因為提起老母.

    所以咪話左唔提老母

    順帶一提, 呢個玩世不恭既人, 唔係我.

    ----------------------

    (2) 威尼斯人

    前陣子, 友人提及與女友 "參觀" 新開張的澳門威尼斯人

    "嘩, 威尼斯人無得頂...

    好大, 好正; 好似我女朋友咁!"

    眾人被秒殺...

    數月後, 友人大概已忘記當初曾以威尼斯人, 與及 好大, 好正 黎形容自己女友. 有人問及 "你個威尼斯人去左邊" 之類.

    友人抓破頭皮, 問道 :

    "點解你地叫我女友做威尼斯人...

    係咪因為佢好多水?"


    眾人再被秒殺... ok, you win!! 佢女友三個特徵 : 好大, 好靚, 好多水. 完.

    此事令我想起, 如果要哄女友與你去巫山, 你大可以利用普遍香港人崇日既心態. 日者, 日本也. 要舉香港態日既例子, 談何容易? 易如反掌.

    --- 根據 openrice 既搜尋結果顯示, 全港約有 2000 間日本餐廳, 15000 間中式餐廳, 比例是 1 : 7.5; 但香港人口比例, 日本人只有 13,000 餘人, 中國籍的有 3,200,000 以上, 比例是 1 : 246. 日本菜受歡迎到嘔

    --- 任何有 "之" 字的產品, 都會用上 日本字 "の"

    --- 日本係某部份人士長期的旅遊目的地 (切勿對號入座...)

    講返巫山. 你要哄女友去, 你要突然攬住佢, 然後好懶溫柔既語氣講

    喂, 不如我地一齊去衝城law?

    沖繩?

    係呀, 一齊去衝城.

    好呀. 我想去沖繩都好耐咧...

    咁你帶佢去維多利亞衝城law. 峰哥呀嘛, 我細細個就睇峰哥你踢波... 你係用對腳踢波嫁嘛, 我無講大話拉~~~~

    (2.5) 141

    上文提及 openrice. 話說, 香港其實有個更出名的網站, 也是讓人開餐 - 不過是讓男人開餐. 它的域名叫 sex141.com. 由於我涉及一d 我唔做既事情, 所以無連結. 自己 google 拉, 懶西!!

    好些女性讀者可能太純情, 不知道什么叫 141. 可以問問男友, 若然佢話唔知, 一係佢詐傻o厄你 (可飛也); 一係佢純情到未衝過城 (也可飛也). 141 是取廣東話中 "一樓一" 的英文 one-floor-one 的諧音 - 嘩, 一句有三種語言兩個的字.

    它是香港最出名介紹一樓一的網站, 它根本就是嫖妓界既 openrice. 又或者 openrice 不過是飲食界既 141...

    ----------------------

    (3) 傳說中...

    最近與友人去 Maid Cafe. 對, 是針對毒男而開的女僕 Cafe.

    沒有像網友般扮成毒男 - 老實說我本身已是那樣的打扮.

    沒有甚么寄望, 反而很緊張. 緊張過第一次衝城.

    我沒有那么天真以為松島呀, 倉井呀, 小澤呀會去做女僕. 呢係咁不合理既情況, 一出現, 呢d 女就俾人溝撚左拉...

    [img]http://images3.wikia.nocookie.net/evchk/images/a/ad/Chancenotmine.jpeg[/img]

    無論如何. 女僕的眼耳口鼻比想像中齊全. 但沒有想像中的溫柔和好玩... 雖然有個竟然識唱火影首主題曲.

    小時候經常想做大人, 做阿叔, 扮老野. 這是扮不來的. 當你在大學見到 19 歲, 真正 扑扑脆 的女生 - 她皮膚的細胞永遠在蠢蠢欲動, 雙峰堅 和 挺, 陽光海灘青春少女樂觀 港女 既氣息一次過撲面而來 - 你才知道什么叫老.

    阿叔, 收皮拉!!!!!!!

    然後與女僕傾談. 不知怎么, 我問她有沒有看過聖鬥士聖矢. 她雀躍地回答...

    "有呀~~ 我 . 有 . 聽 . 過 聖鬥士."

    聽過? 聽過? 估唔到聖鬥士真係好似希臘神話咁變左傳說鳥...

    龍珠呢?

    "都有呀~~~~~ 我 . 係 . 網 . 上 睇過"

    嗚嗚... 我當年係追雅景, 天龍出版社既單行本, 一話一話咁睇架......... 我也不敢問黃金俠, 免得她以為我在說蜘蛛俠個 friend...

    然後叫她估四人中誰最老.... 她想就不想就立刻指撚住我......... 我心裏對自己說

    阿叔, 你收皮拉!!!!!!!

August 14, 2009

  • [一炮雙響]

    留意 :
    (1) 題材敏感. 切忌認真討論
    (2) 文章冗長. 看後會有睡意

    <來生不作女兒身>

    以下一個問題, 我問過好多人, 有男有女, 有老有嫩 :

    你下世寧願做男人定做女人?

    只有少數人會答我佢下世想做女人, 而呢d 人, 今世係唔識死既男人為多. (讀者喜歡可以留言回應這問題)

    至於我, 揀九千次都係揀做男人, 沒有半點猶疑. 我肯定的程度, 是願意係阿媽個肚, 甚至乎係老爸粒精既時候, 願意碌咭俾錢做男人. 十萬八萬港幣. 仲未去到要變性都要做男人, 但我對男人作為終生性別, 是有十足的肯定.

    最起碼起碼, 唔使每個月起碼有兩三日無端端 屙血 俾經期所影響. 只有少數女人, 經期來時, 身體沒有半點影響, 心情沒有差上加差. 若然你女上司是 三十歲以上, 未婚無男友, 恭喜你, 你每個月就有幾日做人肉沙包. 若然再加上佢個子矮小 + 短頭髮, 嘩! 你仆街既機會率係 120%. 我遇過四個這樣的女人 - 30+, 未婚, 唔夠五呎, 短頭髮 = 全部都是變態的. 大辣椒也未夠貼切, 她們簡直是斷魂椒 (Dorset Naga, 全銀河系最辣的辣椒).

    提起經期, 大學時懶叻, 向當年女友建議, 係佢經期既時候買紅棗水俾佢飲 - 紅棗補血嘛 - 幾撚聰明! 點知佢話 :

    你白撚痴嫁? M 黎個陣飲紅棗水, d 血好似盧山瀑布咁湧出黎呀!

    呢d 咪係女友M 到既時候亂o翕無謂既結果... 屌咁你口爆吞精拉八婆!

    呢個女友, 教識我好多野. 我試過和她一起揀胸圍 (這樣一來我再沒有什么好怕了...); 背得出資生堂各 eyeshadow 的顏色配搭 + 價錢; 在 LV 陪她買過五位數字的手袋... 每一去街她會有驚喜給我. 總之, 下次女同事經期到, 你記住叫佢沖紅棗水飲! 藥到病除.

    於是屙血那幾天, 男友也成為出氣袋, 不斷申出舌頭叫 "女皇" "女皇" (歡迎對號入座...) 但受苦的不過是那幾天, 你見到她的幾個鐘而已!! 難為她們周而復始, 萬象更新, 直到五十歲停經... 而陳氏某君竟然可以拿著沾有經血的衛生巾 - 儘管這樣做一點也不衛生 - 對著鏡頭拍照. 呢d 錢, 抵你賺. 拎去洗眼洗腦洗屎忽拉仆街!

    而男人又有什么是可能偶爾會來, 會令自己流失了一點營養, 但自己又控制唔到呢? 咪淨係得夢遺... 咪你話你要夢遺定月經?

    有經期又慘, 無經期, 仲慘. 如果你d 經幾個月唔黎, 代表兩個可能 : (1) 你俾人中出左, 恭喜你, 你已經好似徐淑敏咁, 有個啤啤; (2) 你有女人病. So we always run into such dilemma : 無論有還是沒有, 也是麻煩 - 稱之為 "有沒有困局".

    戰果好清楚, 男人 1 : 0 女人

    -----------

    提起男/ 女友, 另一個不做女人的原因, 是怕蝕底.

    是的. 男人很少會在身體上蝕底, 儘管近年越來越來女色魔.... 反而女的, 始終有擔心. 擔心俾人搞, 擔心俾人渣, 擔心姦俾人摸, 擔心俾人姦. 顧得頭時腳來翻. 男人呢? 我做了男人接近三十年, 每一天也只有擔心沒有女可以搞, 沒有納米秒是擔心有女人會來搞鳩我. 陽具與陰道的比拼上, 除了立場軟化, 古道熱腸, 前者是不會敗的.

    至於近年說越多越多女色魔, 不是胡說的 :

    --- 去年就有17 名女士因非禮而被捕; 1991, 0宗; 1996, 4宗... 當然她們非禮的是男還是女, 我們無從得知. 問題係, 總知有女人咸濕其他人拉. 作為男人既人試下去公眾更衣室摸鳩其他男既碌野law. 未必會報警既, 但肯定會屌柒你, 甚至乎打柒你.

    --- 男人涉嫌強姦既數目, 年來出奇地穩定. 80-100 宗左右. 但非禮數目上升, 估計既用手計偷拍人既仆街多左... 好似d 人拍人扮佐助 同 小櫻咁...

    --- 男人涉嫌強姦/ 非禮的數目, 年來一直比女人的多 (廢話...)

    Photobucket

    更令我擔心的是, 若我是女人, 生得太醜的話會連蝕底的機會也沒有 (又一個 "有沒有困局"). 這實在是太大打擊了! 一口氣喝下一支麥哥倫12 年, 只想讓男生佔便宜, 失一下身, 準備讓人撕破積塵的處女膜, 連性感內衣, 茶包, 魚網絲襪也穿好了, 可惜男生就只掉我在家中的沙化, 放下小手袋, 頭也不回就走 - 他說夜了! 明明不吝惜, 大送秋波, 上下失守, 去到房間重見天日, 人家才發現剛才在老蘭貌似天仙的你, 突然變得貌似如花, 於是借故今天是禮拜日, 不能犯禁. 這樣的借口 - 全是真人真事 - 也虧男人想得出來.

    男生醜, 可能有材華/ 健碩身驅, 女生可能會欣賞 (留意係 可能 + 可能; 唔發生既機會率係 1 - [可能 x 可能]). 但女人醜, 有乜才華技術內在美再無乜所謂, 因為係男人心目中, 佢就係醜! 點做佢都係醜.

    承認吧! 男人無法承認自己不是膚淺的動物. 人類也沒有辦法. 我國文化歷史源遠悠長, 形容男人得的字眼有 : 靚仔, 型, 英, 俊, 肖, 酷, 高大, 威猛, 瀟灑, 浪子, 有性格, 才子. 當中大部份都唔係指個男仔面相討好.

    女人呢? 靚女, 大波, 腳長. 頂盡加多個 屎忽大. That's ALL. 無咧!!! 對唔治, 但實情女人生得醜, 你就只剩下對波, 對腿, 對law. 我怕生得靚, 成日蝕低; 更怕生得唔靚, 連蝕底的機會可能也沒有. 巧何憐呀~~~  問自己吧! 你試過讚一個女人 (除左你老母同老母輩) 賢良淑德? 忠於婦道?

    你說 : 好了, 我不美, 但胸大. 做胸的女人也不錯

    我說 : 不錯, 你胸是大...

    但 . 永 . 遠 . 不 . 夠 . 大 .

    Remember what you learn in your first lesson of economics :

    Human wants are (!!! must be plural) UNLIMITED.

    Follow me, Un-Fucking-Limited. 由於不能回頭, 你的胸, 永遠不夠大 : 你有潛質的, 整容再黎過咧.

    大波可能會對女生造成困擾及煩惱, 更甚者可能要去縮胸 (再來一個 "有沒有困局"), 但我沒有聽過男生因為陽具太長而輕生剪短佢呢個念頭. 否則全個非洲不可能有黑人生存. 當年住在重慶大廈, 經常看見來自非洲的朋友穿著短褲. 可惜, 紙係包唔住火, 佢地既生殖器官係褲浪度走左出黎... 真係有成呎長呀

    至於男人如我, 陽具太短, 會自悲嗎? 不會. 畢竟有些人就以為技術可以搭夠.... 但女生胸大小, 就連希望也沒有. 一世只能被人叫飛機場.

    大波 vs 長鳩. 根本無得打, 男人再次取得壓倒性勝利.

    分牌上顯示出 :

    男人 2 : 0 女人

    -----------

    好了好了, 你說 : 我先天全敗, 後天可以努力爭回面子吧?

    讓我再想想吧.

    說了這么久, 難道女人就一點優點也沒有嗎?

    絕對不是.

    起碼起碼, 很多女人擁有的一樣優點, 是男人沒有的.

    女人的直覺.

    不要任何理推邏輯推論 (話明係 "直覺"), 只是本能地說出感覺, 女人的直覺就準繩得可怕. 千年一潤, 她們無端端會拿你的手機看 - 這天你剛好忘了刪除和某某的情慾對話. 你帶她見朋友, 她一口就說出某君和某女是一對, 某某其實又有一腿.

    她會突然知道你在想什么, 更重要, 知道你有沒有做對唔住佢既感覺. 當佢肯定有呢種感覺後, 就會對你進行嚴刑定埋 逼供. 說得不好, 逼供 變成 逼宮.

    好恐怖. 但引人入性.

    這么多年, 泡了這么多女生, 一直想學習她們的直覺, 可惜一直只學到入射角... 射呀射, 射它吧...


    -----------

    <香港的女性與男性>

    這文比較悶, 而且短, 一次過登好了.

    統計署這本香港的女性及男性, 是少數我會由頭睇到尾, 再由尾睇返上頭既統計刊物.

    放心, 我唔係講港男港女呢d 爛過日本女動作演員某部位的題目. 以前講過, 但要講的已經講完. 再者, 我從來都唔認為全部男人或者女人可以孤獨終老 - 我們都是不可以孤獨的兔子. 個人可能可以; 但整體來說, 人是不可能獨自生活.

    全書 228 頁, 當中有超過一百個列表, 千幾張圖. 好明顯, 統計署根本無預過有人咁無聊睇晒. 我只是快速地看了, 然後選取一些有趣的列表, 用來談天說地, 風花說月一下. 因為懶, 所以好多數字/ 列表只能很概括地支持我的鳩o翕, 未必100% 準確, 但應該不至於誤導讀者的.

    ------------

    1. 男女數目失衡 - 香港每千名女性只有 960 個男性. 好些年齡組別, 例如 30-34; 35-39 的男女失例更加不平衡. 1996 年還是每千名女性有 1048 名男性... 男人死撚晒? 在較年青的組別, 跌幅尤其嚴重.

    Photobucket

    這個比例長期下跌, 令我想起高考時做的一個中文聆聽練習 : 一班同學行進行辯論, 題目大概是男女關係, 或是內地生育政策之類.

    聲帶中一位明顯是扮演主修經濟的演員, 說 :

    "擔心男女比例失衡, 是多餘的...

    若然女的數目少了, 女生自然多人爭, 價值便會上升; 於是父母便會設法生下女嬰. 反之亦然...

    所以長期來說, 男女比例, 必達至平衡"

    聽畢後我笑鳥. 這是我第一次聽見有人用 demand supply 去講男女比例, 男女關係等. 後來, 讀碩士時才發現真的有人用經濟理論去解釋 家庭, 婚姻; 而且更得到了諾貝爾經濟學獎 (1992 年的加利 . 貝加, Gary Becker)

    最有可能既原因, 係 男人死撚晒 拿單程證來港的, 多是後生女. 周秀娜便是俵俵者之一. 她 10 歲跟隨父母來港 (1995 年. 當年叫單程證還是什么, 不知道. 有可能佢到今日都仲係黑市勞工... 即係北方佳麗?), 1990 年她不在 5-10 歲那一組, 但 2008年 20-24 歲那一組就多了周秀娜了~ 表1.13 也支持這一點

    Photobucket

    總之, 有很多原因, 小演員的理論聽上去合理, 但錯了. 總之, 佢錯撚左. 總之, 好撚多女, 但我無拍拖.

    總之, 錯撚晒.

    2. 總之, 這也是錯.

    --- 灣仔春有女人??? 各區中, 男女比例最不平均的是灣仔區... 我肯定中西區那組數都是錯... 除非...佢講緊既女人全部 40 樓上.

    --- ....諗諗下都可能o岩既. 畢竟灣仔區得阿嬸阿婆, 仲有駱克道d 菲律賓女士... 但肯定無靚女law. 一個都冇. 半個都冇.

    Photobucket
    Photobucket

    3. 香港的女生很多已寄情在工作上.

    近年女生的人工, 爬得很快, 好些職業女生的人工已比得上男生了 :

    --- 經理級女生的人工, 零八年已拍得住男生; associate professionals 的, 更高一點點.

    --- 其他職業, 可能涉及勞力, 男性的人工仍較女人高 (當然, 這裏的數字沒有計及學歷, 經驗, 工程等)

    Photobucket

    4. 你想係香港溝日本妹...

    發夢拉柒頭!
    --- 得個幾千個, 減左d 醜既波細既 (大概七成), 同埋d 跟住老公黎既 (太古城一齊那些日本婦人, 大多都是隨來港工作的日本丈夫來), 大概有兩三百個既. 例如乜野涼名凜.... 除非人妻拉...

    --- 至於莘莘學子, 據理解大學既非內地外國學生也很多的. 要好好考高考, 然後試洋腸, 食西餅...

    Photobucket

    5. 追 . 求 . 定 . 結 . 離

    --- 1986 年, 有差不多 80% 的婚姻是兩者皆沒有結過婚; 去到 2007, 2008 年只有 70% 左右. 我相信未來日字, 大部份的婚姻 - 40% 至 50% - 會是涉及再婚. 順帶一提, 表2.3 顯示, 即使再婚數目上升, 女人仍處於不利的一方. 新娘再婚而新郎初婚的數目 (2009 年 3534 宗), 遠低於 新郎再婚的數目 (6003 宗).

    前陣子去一對已婚朋友的家, 二人都是我的中學同學 (他們的故事, 有空再寫). 他們有了小孩, 蠻可愛的小女孩. 吃完飯在抽煙喝威士忌時, 男友人談起結婚這話題. 我說這個年紀, 找個年紀相近的當女友很麻煩. 這都是決勝負的日子 - 當年也就是想到有今天才離開上任女友. 家族的咀咒, 我也說了. 他好言相勸, 叫我長遠要放下包袱, 考慮一下結婚的問題. 他說離婚不過和分手一樣, 分別只不過是要去律師樓.

    我想, 對很多人來說, 離婚結婚已變得和分手一樣吧. 最近聽說好些同學朋友, 閃電結婚, 又閃電離婚; 再閃電結婚了.

    這個再婚百份比很重要, 尤其對有關的行業而言. 對這些人而言, 基本原則大抵是 : 一 . 切 . 從 . 簡 :

    --- 婚宴. 再婚的人一般不會大肆宣傳, 大排延席, 通常只會舉行簡單的酒會. 再擺十零廿圍的, 不是沒有, 但數目比較少
    --- 婚妙照. 這些人也可能索性不拍婚紗照
    --- 住屋需求. 兩者初婚的, 結婚後會置業. 初婚者住屋需求多為淨正數; 再婚的, 結婚後可能會賣掉原有的物業, 住屋需求可能是淨負數.

    Photobucket

    --- 加上下面 表 2.5 的離婚數字, 看來離婚真的很普遍... 阿媽是女人吧. 我阿媽, 大姨媽也是離婚收場. 儘管未必是同一對婚姻, 2008 年有 47000 婚姻; 有 17700 宗離姻. 相除是 40%, 大概地說 100 對結婚的, 最終有 40 對會離婚........................................................中籤率又高過抽金隅咧 (1986 年數字大概是 10%)

    --- 看來丈夫與妻子年齡相距, 3 年是 "最適合".... 即係我要搵個 12 歲既妹妹做老婆....表 2.6 顯示, 以中位數計, 丈夫與妻子的年齡相距, 長期維持在 3年附近. 這是不可思議的; 而會懷孕的女性, 大多在結婚後 1 年後出現, 這個 "1年" 也是異常地穩定. 看來結婚的好處, 是可以以後晚晚中出.

    --- 近年男女都越來越遲婚, 卻越來越早拍拖, 代表大家結婚前拍拖的數目多了. 2008 年中位數是 男的 31 歲, 女的28 歲. 統計署這組數字最麻煩的地方, 是 中位數, 而不是平均數; 不是 mode. 未來將會更少年輕的人結婚 (根本越來越少年輕人), 越多人再婚, 中位數很大機會會繼續向上.

    Photobucket

    ---

    [八月十七日 加]

    延伸閱讀 : belugaland - 奇妙的女體

August 12, 2009

  • <Top Search Keywords - Aug 13>

    變態大搜尋系列, 又快脫期半年... 脫期脫得好恐怖. (系列的 tag)

    第五位 :  阿公石 vs 阿婆石 (台灣 yahoo!)

    不要問我什么是阿公石 vs 阿婆石. 街霸的阿 ken 對 阿龍我就知... 後來 google 阿公石, 才知道在泰國 (不是秦國) 的蘇美島上, 就分別有 阿公石 與 阿婆石...

    至於佢地既形狀, 唔係好似望夫石咁有個具體既阿公阿婆外形.... 只係一條陽具, 一條陰道.....

    參考 1, 2

    第四位 : xanga 扑野 雜交 (google)

    經過呢個系列後, 這些搜尋關鍵字已不能將我嚇到了...

    第三位 : xanga + 取材 (google)

    ...

    邊撚個玩野呀... ... ...

    ... 我知我成日取材...... ......

    第二位 : "絕類動物" (google)

    ... 我開頭以為睇錯... 乜野叫絕類動物...

    點知真係搵到我篇文寫過呢個四字詞.................................................................. er... er... er... er...

    第一位 : 掛念 舊女友 (google)

    (沉默中)

    --------------------------

    有時候, 呢d 奇撚怪怪既關鍵字會黎左我度, 但好些明顯係應該關我事既字眼, 又偏偏去左第二度.

    問世間情是何物?

    1. google : 史兄

    勁! 係搵我到既文章, 不過係去左 kursk 個網站.

    多謝~~~

    2. google : 史兄 仆街

    毒d, 用自己 d 常用字眼搵自己...

    ...今次去左 adrian1026 度.....

    "史兄 + 含家剷" 亦會去左 adrian1026 度.

    含 . 家 . 剷 .

    含家剷的地方, 還有這條 link 有時唔 work...

    3. yahoo.com.hk : 史兄

    當然... 亦搵唔到去呢度既連結... 我完全唔覺得意外

    不過見到, 最底有 成功的xanga 連結

    睇睇下.... 我笑鳥

    最底的參考 : www.xanga.com/ krusk

    是 krusk

    krusk

    krusk....

    我條氣即刻順晒. 咩呀? 大家食得好仆街咁law.

August 9, 2009

  • <生活 . 鳩o翕 5>

    終於回歸香港的人和事... (系列 tag). 至於長篇大論, 錯字百出, 無乜人睇既文章, 還要等多點靈感來到才能完成...

    1. 書

    前陣子書展 + 漫畫展, 都怕人太多而沒有去. 大概是零三年之前, 書展還真的是可以慢慢看, 你喜愛什么書, 在書展也可以找到. 但零三年沙士, 書展開始成為了散貨場, 人頭湧湧. 恐怕是得了什么廣場恐懼症, 近年連年宵也沒有去了 (為了泡女除外).

    o靚模不o靚模, 倒沒有什么所謂. 當年漫畫展就和書展一起搞, 也沒有所謂. 反正倒頭來在書展買了書的人, 很多以為 "買了" = "睇了", 不錯, 他們是睇了, 不過只睇了封面... 回到家也只是將書放到一旁, 直到一千年後搬家才發現自己有一本這樣的垃圾. 就像許多女生, 買衫買鞋, 她們以為 "買了" = "著了"...

    曾有女友對我說, 她買了一雙鞋子, 想著收拾一下家中鞋櫃, 迎接新鞋 - 就像歐化傢俬每年也會有年度清貨以 "迎接" 新貨來臨 (蕭亮 tone). 赫然發現自己原來已經有一對, 同 . 色 . 同 . 款.

    噢賣葛. 我叫 噢賣葛並唔係驚訝佢買左雙一模一樣既鞋, 係我唔知應該點應佢好. 我諗左半秒 - 你要思考一秒以上先回應, 你已經死了 - 即刻話 :

    嘩! 咁難都俾你買中, 即係證明你d Taste 都一路保持住咁好, 咁 consistent law.... 就好似你搵左我做你男朋友咁.

    重點唔係佢有冇 taste (其實揀左我仲邊有?), 而係你通好討好佢跟住將視線轉移左去個爛 gag 度. 我得以逃過一劫, 保住小命.

    說來有點慚愧, 一直以來沒有閱讀的習慣. 我那一代大部份人都有看過金庸, 不是玩什么金庸群俠傳, 是拿著一本本的金庸小說看, 我只看過一半倚天屠龍記... 讀碩士時只看參考書, 沒有興趣看別的書籍. 畢業後也再沒有什么誘引看書了 - 除了兩三本村上春樹.

    後來, 在零四年書展買了第一本李天命, 是他系列中最出名的 <李天命的思考藝術>. 個人認為 <殺悶思維> 更易看個明白. 看書不是一件輕鬆的事. 一本好書會令你思考, 令你有共鳴. 所以看書就要看系列中的經典 / 鉅著; 垃垃圾圾, 無無謂謂, 看不明的, 別浪費時間看. 除非你肯定看不明是由於你看不明, 不是書本質素的問題.

    就像海耶克的 <The Road To Serfdom>. 看了兩次, 不明白 - 海耶克的英文, 夾雜太多的 noun phrase, 不容易掌握重點. 看第三次, 終於明一點點. 第四次, 明白得更多. 為什么就不能寫簡簡單單的英文, 讓讀者好好掌握重點呢?

    李天命的 <哲道行者>, 也不易看. 後面是我唯一會買的港漫, <殺道行者>. 這本由鄭健和/ 鄧志輝合編的漫畫, 易看得多了. 早陣子才無意發現兩者的書名, 不過差一個字. 比一比鄭健和與鄧志輝 (阿架) 的殺道, 與鄭健和獨編的 <中華英雄 前傳>, 發現其實阿架的畫功才是賣點.

    可憐什么武神終極, 早己淪為垃圾... 什么喪雄... 唉.

    Photobucket

    2. 在地鐵遇上忍者

    我也想去漫畫展看人玩 cosplay (蕭蛇, 究竟係讀 call-s-play 定係 co-s-play?). 可惜真的太多人了. 漫畫展完結的那天, 回尖沙咀找老媽, 在地鐵, 竟然遇到 佐助 同 小櫻!

    更重要係, 我發現原來 忍者 都係要坐 地鐵!!!!!!!!!!!! 就像靚女原來都要屙屎一樣!!

    --- 矮過 小櫻 的 佐助 (嗯... 女生較早發育吧). 兩個身材不高, 大概不能扮演曉版/ 成人版的吧...

    PhotobucketPhotobucketPhotobucket

    --- 以極速忍術衝向對面月台!!! 衝呀~~ 殺呀~~~~~~~~

    Photobucket

    3. 迪士尼

    不寫迪士尼的話, 會被人懷疑這篇文不是我寫的 (又替自己找借口...) 長話短說吧.

    3.1 重慶大廈內的迪士尼旅館

    肯定好快被取締

    PhotobucketPhotobucket
    3.2 唐老鴨 @ 時代廣場

    Acupuncture. 其實主解係 米奇, 不過我無理佢. 可惜呢個造型無出玩具...

    PhotobucketPhotobucketPhotobucketPhotobucket

    3.3 唐老鴨 @ 變型金剛

    有更新了的圖. 希望推出時不會太昂貴吧 (米奇那隻炒到四百幾, 點買?)

    Photobucket

    (courtesy : alienchans69)

    4. 金融海嘯

    太過認真的金融, 大家看信報好了.

    4.1 發生過嗎?

    金融海嘯就像沒有發生過. 這是我觀察近一個月的結論.

    Zara.... 好多人

    Photobucket
    Tommy Hilfiger.... 更多人

    Photobucket
    股票行.........................仲多人
    4.2 彭博

    另外, 有睇過彭博電視既朋友, 可能會覺得佢既動態資訊好麻煩, 好乞人憎 - 下面三個 rolling bar, 左邊又有, 跟住個主持又郁黎郁去...

    Photobucket
    太陽底下無新事. 其實, 我國偉大發明之一通勝/ 日曆, 早已如此. 分別在於佢唔識郁...
    Photobucket


    5. Funny Posters

    繼上次的細鬼, 今次又有驚天大發現.

    5.1 田中麗奈...

    新煇煌夜總會. 記住了. 下次去, 指撚住張海報, "你俾呢個我得咧"

    唔知遲d 酒井 跳灰失敗, 會唔會黎香港做? 可惜中國城同杜老誌都執左... 九哥九弟...

    Photobucket
    5.2 The "Innocent"

    鍾欣桐主角, 加上黑色格仔.

    海報題目 : The Innocent.

    好曲線. 係海港城即刻笑左. 實情, 佢係公主報仇記既海報 (屌, 劇情又配合...)

    當然, 犀照較貼題.

    PhotobucketPhotobucket

    6. 灣仔

    PhotobucketPhotobucketPhotobucket
    PhotobucketPhotobucketPhotobucket
    PhotobucketPhotobucket    Photobucket

    7. 賭局 . 更新

    還差兩篇, 有人就要吃 100,000 包細菌撈面 (10 x 10,000).

    我會努力的.

August 4, 2009

  • <誠意推介 系列 1>

    對唔治, 又有爛尾系列了... 希望這個系列可以寫得短一點, 不用再每篇也洋洋千字.

    -----------

    "或許他一輩子也沒法明白到，為何對一個人好，反而令她離開了自己...

    ...望著白煙昇到半空，然後慢慢地化開、然後消失，這時他想起「煙消雲散」這四個字。或許他們的感情，這十四年的感情，已經在不知不覺間煙消雲散了。"

    -----------

    已記不起有沒有在這裏推介這文章. 寫了 xanga 七年 (包括以前別的戶口), 到今天還留在腦海中留下印象的文章, 不過十篇. 可惜因為種種原因, 好些已被作者刪走, 找不到. 遲一點會設法將文章找出來, 再推介給大家.

    以下的, 是最令我感到唏噓的一個 "故事". 要寫一個令你嚎哭的故事, 難; 要說服女友口爆, 好難; 寫一個令人感到無奈, 慨嘆, 唏噓的, 好撚難.

    這故事, 我頭尾看了三十次左右, 幾乎比起電影食神還要多.

    這個故事有出日文版嗎?


    其實沒有...

    相信我, 這 . 個 . 故 . 事 . 很 . 好 . 看. 我就不會像某人推介一個已有女友的人作為候選男友, 這樣欺騙觀眾和讀者....

    我等了數年 - 認真的 - 還在等待作者將故事完結. 不知道有沒有完結. 原來我與此君相比, 爛尾程度簡直蚊比同牛比... 此故事快要比得上五星物語, 新世紀福音戰士 和 Hunter X Hunter 了.

    沒有粗口, 也沒有矯情的文字.

    希望大家能花點時間細味.

    ------------------------------------

July 31, 2009

  • <放榜二三事>

    每逢諗唔到有趣既題目, 加上二三事就好似令文章變得有趣咁...

    八月頭. 又到莘莘學子會考收成之時.

    "中學會考下星期三放榜，一項調查發現，65%應屆會考生對放榜結果感徬徨和緊張，主要是擔心出路、以及成績未能符合自己及父母要求。

    團體建議，考生切勿訂立過高期望，並應盡早與家人商量不同的升學就業方案。"

    (港台新聞)

    放心, 我唔會教你搵學校呀, 做乜野心理準備呀 個類野. 呢d 野你係報攤用 $8 買本便利就有. 再者, 我根本唔識呢d 野... 大佬, 對我黎講會考已經係成十二三年前既事, 當年我中文仲有範文, 要讀 屌股戰長文 弔古戰場文. 呢篇文我睇都未睇過; 仲有個篇乜野 聽陳蕾士的琴箏 (琴箏? 我記得好似叫 琴音 定 琴乃... 有關文章 1, 文章 2), 作個條友都白撚痴. 這些年來, 這兩篇文害了多少莘莘學子?

    話分兩頭, 放榜無乜好擔心, 皆因個日令好多同學心想事成. 其實返左十幾年學, 你日日都唔想返; 你唔想再對住個個著短袖恤衫, 將個四吋厚銀包放係心口, 終日掛住炒股票既地中海地理阿蛇. 個訓導正八婆, 厚粉到爆, 講野無點, 淨係識捉人摺裙, 你見到佢就連飯都唔想食. 學校好遠, 大拿拿係石硤尾 - 但你住深水步 - 唔想返. 偏偏唔想返又返左十幾年 - 人生就充滿黑色幽默 - 你放榜個日終於得到機會, 一次過達成幾個願望.

    唔使再讀書既大門係個日為你而開! 相起你入飛抽金隅, 唔使再讀書既金隅中籤率就更高... 畢竟七萬人讀中五, 就只有兩萬五千人升到中六, 即係中籤率有成 65%!!!

    問題係, 好似你同拍左六七年拖既女友一樣. 你對佢已經對到超越左厭既地步; 你係 apathetic, indifferent, even don't give a damn care to her. 好可悲. 可惜到真係要分手, 你多多少少都會唔捨得, 唔開心. 有幾唔開心, 就睇下你份人有幾賤, 同埋佢有冇同你試過口爆...

    你問我, 中五會考放榜, 最慘係乜. 我會答你, 你將會無左同一班好朋友繼續長時間相處既機會. 除非你讀名校, 一班 40 人個個都30 分升返原校 - 可惜, 個人認為係競爭咁劇烈既地方, 明爭暗鬥, 只會爾虞我詐. 順帶一提, 當年我曾目睹有人將 "爾虞我詐" 寫作 "爾愚我炸". 好一句你既蠢, 激到我爆炸. 乜野材女個d 錯字, 濕濕碎拉.

    再順帶一提, 你讀名校的話, 其實人生充滿諷刺. 我聽過會考有人 27 分 - 即 5A1D 或 4A1B1C 或 3A3B 或 2A4B1E (如此類推) - 唔能夠係原校升讀. 屌你! 世間竟有如此荒謬的事情. 若然有 3 數個咁既人黎到我中學, 可能己是全班 40 人分數的總和... 當然更大可能係佢地黎到會俾人打柒佢...

    每逢我見到d 幾十分仲要唔開心個d 人, 我就諗起朱門酒肉臭, 路有凍死骨.

    -----------------

    但若果你好似我咁好彩, 係一部普普通通既中學讀書, 放榜個日, 你升唔升到中六, 都會無左六七成朋友. 這是會考唯一的失敗之處. 大家係個一日後都會各散東西 - 有的到別校讀預科, 有的原校重讀, 有的投身社會, 有的從此成為失蹤人口.

    這是痛苦的. 可能這和拉下扣板後射出的子彈一樣, 不能回頭, 也無法避免. 你當年並不知道, 畢竟放榜當天大家都會只顧自己的成績及出路. 報中六, 計分數然後四出找學校, 叩門求人家讓你重讀. 不是你不在意友人, 只是在這天, 你忽爾會有種生死存亡的感覺, 是自己的生與死. 那一天你會看見很多人和事 - 開心, 落淚, 驚慌, 失望, 徬徨, 抱頭痛哭, 振臂高呼, 但就像錄影帶快鏡一樣, 你不記得半點, 也沒有理會得那么多. 你只能在意自己. 許多年後, 你才會發覺當天是你人生的一個重要轉捩點. 朋友, 沒有了.

    就像集齊七龍珠後向神龍許願, 龍珠會飛向四方. 好運的話, 你可以及時拾回四星珠, 往後的日子與一兩個你人生中最好的朋友繼續密切地來往. 餘下的許多許多從此會在你人生中消失. 徹底消失.

    開首時, 大家暑假後仍會有聚會, 互相更新情況. 當大家有了新的生活後 - 小勤到旺角兆萬當 sales, 大飛原校重讀中五, 一強被迫到澳洲留學 - 你們開始變得陌生, 生疏.

    我是幸運的. 即使中五後與大部份好友分離, 多年後大家也一路有見面, 聯絡; 大時大節也會一起慶祝. 但我仍然記得有三數年, 我很少找他們; 重逢後, 也花了不少氣力才能再次熟絡.

    預科那兩年是地獄. 只可以讀書, 也只顧讀書. 讀書是為了升大學; 不想升大學, 不用讀預科. 若然你沒有那種運氣可以讀大學時淫亂一番, 會考代表你人生快樂時光的終結. 讀書上學是最快樂的, 不可能反對. 時間越久, 我越肯定這種感覺. 什么也有人安排好, 你只需在課堂上睡覺, 然後準時出席考試. 不用理會太多東西, 只需要理會自己喜愛的事情. 這樣快活生活你人生不會有太多.

    曾經身在福中, 可惜一切已經太遲了.

    Eventually we come to know and understand a lot of things, but it's too late because a whole life has already been determined. 


    Though, being early does not mean that you will or can make any change.

    -----------------

    講返我自己. 中五我仍然是處男, 畢竟我到今天仍然是. 每一天也是. 放榜之前個晚, 我約左d 同學打機飲酒, 諗住左個朋友屋企訓好一覺有精神搵學校, 最終都係開左部 PS 打 1943. 屋企唔係呢個時候返. 個陣既女友, 神兮兮佢話佢自己緊張到訓唔著 - 她就是那個令我覺得似坐監多過似拍拖既女友. 正如好多人考試前好撚驚咁. 屌! 你讀晒書, 使乜驚? 未讀既話, 或者根本無諗過讀, 都唔使驚. 因為你死撚梗!!!

    我有冇預備搵學校? 有, 但唔使任何準備. 皆因中學隔離就係名震天下既廠商會中學, 個度幾乎有分都可以入去重讀. 只要唔怕撞到以前既同學/ 老師, 唔怕俾人打, 去就應該掂. 去隔離學校使乜春準備? 你去鄰居度借鹽, 使唔使著恤衫打呔? 我好有信心即使唔夠 14 分, 都唔會零分咁仆街. 畢竟考晒八科, 全部 U 或者 F 既機會就非常低.

    我冇預備既程度, 懶既指數, 係去到完全無預備錢交學費, 無影印定成績表, 無影定學生相. 兩梳蕉返到去, 去得就得, 唔得就聽仆街. 諗返, 我真係好撚懶.

    返去拎成績單. 發現夠分升中六, 我學校係文科 13 分佢求你讀咁滯. 我既中學, 預科最出名係收外校生, 當年文科一班 30 人 (8 男, 22 女; 但醜女有成 23 名), 六七成係第二間轉過黎. 什么真光, 東記一宗, 街尾既黃棣珊, 乜春都有. 後來, 當我發覺成班預科商科, 一班 30 人我只認識三五個既時候, 我就更加肯定, 全港每間中學都會派個代表黎我中學讀中六.

    打俾老母, 話佢俾聽升到中六, 佢好似好開心. 佢淨係問我有冇 A, 阿爸阿姨都淨係問我有冇A. 我諗如果我有一個 A - 可惜我冇 - 就算其他 F 晒佢都無人關心. 賣葛, 起碼我有一條 A! 到左大學畢業, 話俾阿媽知我 first hon...

    史 : 媽, 出左成績. 我 first hon 呀.

    媽 : 下? 係咪即係考第一?

    史 : 唔係, 係一大班人中考得比較好. 甲級榮譽呀 (我只係將 first hon 譯左中文)

    媽 : 咁係咪即係考第一??

    史 : 唔係呀. 係 甲級榮譽, 一大班人之中考得比較好.

    媽 : 即係考第一???

    史 : 係呀 (!!!!!!???), 我考第一.

    媽 : 哦, 叻仔~~~~~~~~~ 咁你今晚返黎食飯飲湯拉.

    我阿媽就有能人所不能既秘技 (上上下下左右左右 BA start?), 可以隨時搵位叫我返屋企飲湯. 又順帶一提, 前陣子回家吃飯, 媽說仆街有線搞壞左大廈天線, 令佢無法看亞視!!!!! 噢賣葛, 有線除左有靚女主播, 同埋令人整左套希特拉都 cut 唔到有線, 終於對社會有d 貢獻! 等左幾十年終於等到, 唔使再睇我阿媽心愛既亞視! 那怕是一朝半晚! 我滿以為個餐飯可以食得開開心心, 點知我老母佢一個屈尾十播餅亞視既錄影帶出黎, 係尋晚既黃麗梅. 黃麗梅呀! 佢想點?

    又說當年會考, 好友不諳經濟科, 見自己這科成績不錯 - 其實也只有這科見得下人, 於是便請纓教他... 結果他考了一個 F, 他也只有這科不合格. 隔了這么多年, 也都要說句 thank you very much. 然後我讀中六, 這好友當年的女友重讀中五 (情~~己逝~~~~), 又叫我教她經濟...... 結果她也拿了一個 F. 再到我讀中七, 考完高考, 替一個朋友補習會考歷史科. 其實當年考 B, 只是因為女友有補習, 我借了她的碌屎來讀. btw, 我升上中六便撇了這個女友... 替人家補歷史, 當然, 她結果也考了個 F 出來.

    什么 Ken Oten (Oten 是什么姓? 日本人來的嗎?) Kevin Ko, 什么補習名師會考天皇, 他們花盡九牛二虎之力, 也只能令人拿一個 A. 我出盡全力, 就能讓三個朋友三年拿三個 F. 這才是王道, 才是實力. 我先係金剛腿. 哈哈哈哈哈

    -----------------

    現在的中五畢業生, 好慘.

    慘, 不在於你零分. 你拎零分, 見到張 cert 肯定會哈哈大笑. 邊度慘?

    慘, 在於你唯一既出路, 係要繼續讀書. 但你明明唔想讀書. 零分不就是最好的證明?

    因為, 你根本無得唔讀. 我那個年代, 中五畢業, 還有一些學歷要求較低, 專業技術要求較高的工作. 廚師, 汽車維修, 髮型師. 專心地做好這些工作, 當年還有機會出頭. 但今天, 賣寬頻也要大學畢業. 很多工作, 不是給年過四十的人霸撚住, 就係已經外判晒返大陸. 政府搞什么副學士, 你不讀的話, 無得爭 - 儘管副學士和八萬五一樣, 根本是一個泡沫. 泡沫的恐怖之處, 不在於它的假大空, 而是在於你不跟著做不行. 再加上今天一街也是那些借錢唔撚還錢既大學生. 做乜都要讀書, 我看就快連做速遞也快要先考地圖課. 時代變了.

    好了, 你要當廚, 也要當個出色的廚. 要做米芝蓮餐廳的大廚 : 到最後你還是要識字. 識字讓你可以去法國瑞士學廚. 識字讓你與外國客人溝通. 識字讓你可以拋書包. 剪頭髮要在中環替洋人剪 : 替我剪頭髮的傢伙說, 他當年在中環做小師傅, 懂說兩句英語, 客人 - 不論是 ABC 還是真洋人 - 就會給 $100, $200 貼士. 維修汽車要維修寶馬, AUDI, 法拉利. 那厚厚的說明書, 也是英文, 也是一堆堆的努力.

    不是你不讀就死路一條. 問題是, 機會不多, 你要花很大的努力, 才能有丁點的回報. 將那些努力放在會考上, 你可能考到 30 分, 40 分, 100 分. 信我, 會考不講求天份. 讀書根本不講求天份 - 只有搞學術搞藝術才講求天份. 你只要肯努力死讀死背死溫死哽死睇死背, 成績就不會太差. 即使未必夠你升中六 - 畢竟有人連 26 分都要搵學校 - 但夠你讀其他職業類學校. 忘記什么展翅計劃吧! 只有戇鳩才信政府說展翅畢業 = 會考五科合格. 你要真正地五科合格, 請鼓起勇氣, 堂堂正正地讀書溫習, 去考會考. 只有會考五科合格, 才是真正的五科合格. 別信那些垃圾 A 貨.

    趁還沒有放榜, 邀請幾個美女同學去街吧. 臨別秋波好, 臨別揪波也好, 你用下級生的男主角的語氣, 說要在放榜前替女同學留下美好的回憶, 不想等到八十歲時才發覺自己仍然是處男. 你這樣合理的要求, 女生們都不會拒絕的.


    當然, 會考女生找我此等阿叔去玩, 也是無任歡迎的. 但麻煩先附上全身照....

July 24, 2009

July 22, 2009

  • 點解港姐越黎越醜樣?

    <點解港姐越黎越醜樣?>

    港姐質素一蟹不如一蟹, 是事實.

    1. 有圖有真相. 為左令大家回味下港姐的美貌係如何如何地出眾, 我搵返近廿屆港姐冠軍既圖出黎.

    --- 以美貌計, 個人認為楊寶玲 - 李嘉欣 - 袁詠儀 那三屆是最無敵的. 即使佢臭串, 而相由心生, 李嘉欣仍是最美麗的港姐. 我記得當年李嘉欣去選, 八歲既我一睇已經知佢贏撚硬. 而我心目中最美麗的香港人是李嘉欣及苗可秀 (林嘉欣是台灣人). 小朋友, 唔識苗可秀? 搵返李小龍d 電影睇下拉.

    --- btw, 第三行尾四個個, 係葉翠翠. 順帶一提, 佢話佢無整容. 看來, 全能既上帝除左造唔到一舊佢搬唔郁既石頭, 睇怕都認唔出一個話自己無整容既葉翠翠.

    --- 1990-1995 年的港姐, 嫁得最好. 當中郭藹明 及 盧淑儀 的丈夫 (分別為劉青雲及李克勤) 都出名的好好先生. 大部份的港姐, 嫁得出既話, 都會嫁得唔錯. 朱玲玲恐怕是例外.

    PhotobucketPhotobucketPhotobucketPhotobucketPhotobucket

    PhotobucketPhotobucketPhotobucketPhotobucketPhotobucket

    PhotobucketPhotobucketPhotobucketPhotobucketPhotobucket

    PhotobucketPhotobucketPhotobucketPhotobucketPhotobucketPhotobucket

    好難講話由邊屆開始, 港姐開始醜樣. 之不過史上最醜既港姐, 不出四人之爭 -

    1986 年李美珊 (佢無入娛樂圈)
    1993 莫可欣 (屌你!!! 你唔好理, 佢老公係型到震既方中信. 係方中信唔係方中 sir!!! 呢個世界發生左乜野事?)
    1998 年向海嵐 (馬面到...月亮面到...我懷疑個屆既評判係盲既)
    2007 年豬扒王.

    好些港姐, 選完出黎, 慢慢會靚. 莫可欣, 向海嵐 同 張嘉儀, 是例外. 她們, 越來越醜.

    其他咁多屆冠軍, 你至多話佢地唔靚, 平平無奇; 即使以今日既眼光去睇, 佢地都唔算醜. 算一算, 過去 12 屆, 出了兩位醜醜港姐, 16%. 之前的 23 屆, 只出過兩位.

    2. 友人懷疑有d 佳麗係俾人惡意挑選入圍, 一來可以令其他樣貌平平無奇的港姐靚d, 二來亦可以製造話題. 之不過一睇今年既候選 "佳麗" - 屌你, 其實仲用佳麗呢個字都好勉強... 我呆撚左...今鑊無線真係玩大左, d 女醜到呢... 點解徐淑敏唔遲三年參選? 高海寧可以等下年呀. 佢地是但讓半個胸都贏.

    網頁係度, 你自己連入去睇. 最搞笑係你 click 入某一位佳麗度睇佢d 資料, 佢會出現實況足球般既數值... (例子一)

    點解選美變左實況? 會唔會有 選, online?

    而當連冠軍都令人覺得有惡搞成份, 仲要近四年都係咁, 呢項選美真係正到無朋友.大佬, 我望班細佬女, 佢地著下比堅尼, 夾下波咁, 靚就唔係個個都靚 - 又靚讀書又叻既女同學又有幾多個? 無錯, d 細佬女名有d 我都講唔出, 但知黎做乜? 佢地起碼有對胸呀. OK, let me be clear : 我唔係一野就望對胸 - 林嘉欣望唔望個胸都無問題 - 但如果個樣唔掂, 有對胸起碼有d 渣拿. 港姐, 又唔靚, 又無胸, 望黎做乜?

    我有信心, 我扮女人都正過佢地. 反正女版許愿也能入圍, yes, we can!


    3. 點解港姐越黎越醜

    回歸到供求問題, 搞左半日終於入題. 在這裏寫經濟, 通常好趕客...

    其實, 你睇返早期少少港姐既去向, 就知港姐有兩條出路 - 嫁個有錢人大名人 (朱玲玲, 高麗虹, 勞錦嫦; 到最近的李嘉欣), 在娛樂圈大展拳腳 (張曼玉, 袁詠儀是影后).

    但近年既嫁入豪門既, 有邊個係港姐? 伊沙貝拉是羊生的妞, 徐子淇是 model 出身, BoBo 是靠 Edison 出名 也是 model 出身. 最近磅. 當選港姐後嫁入豪門的, 是劉慧蘊 (2000年冠軍); 再者, 近年許多港姐當選冠後沒有在娛樂圈發展, 別說是大展拳腳, 她們一個屈尾十就轉行了 - 2002的林敏俐, 2006 的陳茵媺, 2008 年的張舒雅.

    過往, 要入娛樂圈, 各式各樣的 "選美活動" 差不多是唯一的選擇 - 當年的港姐亞姐, 新秀; 現在靠關係, 靠其他渠道上位的方法還要多, 何須依靠港姐? 人家臭狐 baby 已經可以在會展賣寫真了. 阿女, 仲同人係台上面迫? 你o翕呀, 香港有冇十個o靚模? 有冇同一年有十個港姐冠軍? Kama 紅, Janice Man 都可以紅. 但港姐一屆頂多只能紅一個呀. 要學徐子珊, 選美然後去唱歌 - 點解唔直接搵Paco 搵羊生搵neway去唱歌?

    以前仲有細路女話大過要參選港姐, 而家邊度有? 大過梗係要去會展一路除衫一路賣書拉. 當阿叔睇蘋果日報 C1 到 C8 版都係d 二十樓下既妹妹仔著三點式, 仲做乜要食飯個陣望住個電視俾老婆一路話佢咸濕一路睇無料到既港姐.

    做港姐仲要有咁春多道德枷鎖, 徐子珊話上床鍾意做主動又鎖又雪藏又盛, 張舒雅想放下假懶下o者, 咁都係罪? 人地係日本藏毒都冇事拉. So what? 仲參選黎托柒咩, 阿女?

    其他競爭美女的渠道分薄票源, 加上沒有引伸需求的情況下, 女生對於港姐選候位置的需求下降, 於是乎那個 "價格" - 即美貌也隨之而下降.

    4. 一些觀察

    假設無論質素如何. 無線也只會提供一個固定數目的候選位置 (以前是 20 個), 於是乎供應是打楝的一條直線.

    至於需求曲線 (但它其實是直的), y-axis 一向沿用 "價格". 問題是, 這價格是什么? 是取得候選位置佢要付出的美貌, 位置越少, 你要取得一席位, 便要越美麗. 相反, 如果位置 = 全球人口, 根本唔使爭.

    Demand-supply 打交差, 得到均衡點.

    --- 由於不論參選或者當選港姐越黎越無著數, 於是對港姐候選名額的需求越黎越低, 於是那個均衡價格 - 即 美貌 - 也越來越接近谷底. 那些日鬧夜鬧, 但偏偏對住無線食飯既人, 是平白受罪了.

    另一個可以引證港姐質素每況愈下, 就是在華裔小姐選美中, 港姐得獎的機會與名次也越來越低.  葉翠翠拎個陶瓷文化大使. 即係乜?

    --- 事實上, 電視公司不會坐以待斃. 近年兩台就數個舉動, 希望從需求及供應方面著手, 以提高選美佳麗既普遍質素.


    亞視從需求入手. 很多年前, 亞洲小姐很聰明地將所有的年紀限制取消 - 當年就吸引了宮雪花參選 (當然那是噱頭多; 宮小姐亦不負眾望, 爆出驚世笑話一則); 2004 年開始亞洲小姐終於亞洲化, 接受東歐及亞洲的女士參賽了. 可惜, 亞視根本係死路一條. 搞咁多野, 都係零分.

    無線則多從供應入手. 早年入選佳麗多達三十名, 1987-2005 維持在 20 名, 2006-2007 年16 名, 2008 年 12 名, 今年只有 10 名. 減少名額, 可能是因也是果 - 是希望借減少供應來維持質素; 也是由於質素太差, 所庂要減少名額.

    無線也在 2004 開始取消準決賽了, 通過減低競爭來吸引女生參賽. 過了這么多年無線終於覺悟了. 我本身很討厭選美活動, 同一班人選一次都唔夠, 著泳衣都要著幾次. 大佬, 無靚女, 唔咸唔甜. 我倒不如開隻倉井空睇.

    但我認為所有呢d 野都唔能夠同歷史既洪流相比. 承認吧! 選美呢d 野, 夕陽工業黎嫁咧... 在一個控制的情況下競爭這類玩意, 讓一小部份決定結果/ 勝利者, 只有在運動會/ 香港特首選舉才可以繼續進行. 娛樂圈, 一上要上戰場, 要面對真正的消費者.


    我想, 有個較吸引到美女參選的方法, 是像 Yes! 的校花校草選舉. 無錯, 是當年連載梁望峰街霸遊戲機小說的那本 Yes! 它校花校草選舉的方法, 是容許挑機的 - 先登一批候選人; 讓你班讀者望一望, 如果有覺得有料, 可以寄相上去挑機. 咁挑三四期到, 便選出最後入圍的校花校草.

    現在無線參選的女生質素, 事前各參選人是不知道的. 當美女的數目夠多, 問題不大; 當數目少時, 可能出現今年一時喻亮, 下年一堆垃圾的情況. 讓參選的在網上報名, 出樣, 出身材, 出相; 你看完後, 覺得自己正過佢, 可以俾你報名. 等一頭半個月, 先選候選佳麗.

    可惜無線近年以美貌與智慧並重, 以掩飾佢d 女醜樣呢個事實. 師兄, 你要明白上帝係公平, 讀得書越叻既, 越醜. 你越鼓勵d 高學歷既去參選, 佳麗就越醜. 選美咪選美, 唔好轉移視綫, 亂開戰場先得嫁. 不過, 無線在珠三角有落地, 有不少觀眾. 我估計, 未來數年, 無線會將參選人的居住地放寬至珠三角. 畢竟, 珠三角就有不少美眉呀. 儘管......

    現在無線傾向將港女 港姐 港男 混在一起, 搞噱頭 (明報是將港女這名詞用得最錯的報章). 這無助提升港姐的美貌, 只會令選美活動越來越騎呢, 令有人想選港姐既女生卻步.

    之不過...

    講左咁耐...

    香港d 女仔根本就越黎越醜, 有乜野好解釋呢?

    (對唔治law. 可惜事實是非常殘酷的...)

    Photobucket

    More to read (上述的資料部份來自這裏)

    --- 香港小姐 wikipedia
    --- 亞洲小姐 wikipedia
    --- 部份港姐的老公
    --- 倫爺 - 每日兩圖 (有辣有唔辣, 小心為上)

    特別鳴謝

    --- Exist2 教學 : title