June 10, 2012

June 3, 2012

  • <關於六四>

    這是從 面書戶口 複印過來的.

    ----------

    五件影響至今我最深的事情, 六四是其中一件 (其餘四件為0371, 中四選了文科, 某年暑假買了 直樹舞子 及 小澤圓 的 VCD, 07年與前度分手). 那種影響, 不是那種今天發生了, 明天見到的那種; 而是那種非常長遠, 潛意識的. 記憶中爸第一次流淚, 是和共產黨有關的. 那是 1989 年的事. 在媽的房間, 15 吋電視傳來炮火聲, 畫面上的人慌忙走避, 而爸就一直在拭眼淚 (我的童年 2).

    電視其中一幕, 播出一位仁兄騎著單車載著傷者. 短短數秒深深的印在我腦海, 多年來不想記起, 但未敢忘記.

    (圖片來自 Kevin Hang 的圖片集)

    其實我有兩個面書戶口, 本尊 和 史兄. 本尊那個, 都是同年紀的朋友, 還有一些長輩, 同事. 還有一些認識了很多年的網友 - 好些接近10年. 史兄這個, 則是為了 泡網友 而 搞出來的. 但目的還沒有達到, 同志仍需努力.


    兩個戶口的分別是... 那幾乎是兩個世界. 不計那些網友的話, 本尊那個戶口, 我不會看見拉布, 不會看見六四, 不會看見陳光誠; 只會看見結婚生仔, 只會看見食飯飲酒, 只會看見修甲行山. 彷佛香港已成了烏托邦.

    不不不, 我知道支持平反六四的人, 還有很多. 再者, 要平反六四, 也不一定要在面書表達. 這些人大有人在. 究竟誰和誰是有用心記得大是大非, 還是可以從心感受到的.

    我記得Joe Chan (以前港大經濟系講師; 現為補習老師) 講過 :


    You are not what you think; You are what you behave, what you talk, what you speak.

    有時會覺得, 若自己像那些將沉醉於幸福的朋友, 生活一定會很快樂, 不算大富大貴, 但起碼唔愁兩餐, 喜歡去旅行, 便去一下. 不用每天在罵這罵那, 說三道四.

    我很想做快樂的豬.

    媽媽我餓, 但我吃不下.

    父母與納稅人花了這么多錢供書教學 (當然自己也出了點鼓油, 中途沾了些美女美酒), 是讓我們 99.9999% 的時間可以花天酒地, 胡里胡塗; 在那0.0001%的時間要拿去道德, 勇氣 和 恒心, 去應付大是大非.

    每年晚會都會有同樣的口號 :


    “釋放民運人士！平反八九民運！追究屠城責任！結束一黨專政！建設民主中國！”

    早年會跟著喊, 喊足五句, 每句喊五十次, 然後喉嚨腐爛. 近年只喊 “結束一黨專政”.

    不是不希望釋放民運人士, 而平反六四, 追究責任是必然的. 這是開始, 絕對絕對絕對絕對絕對絕對 不是終結. 口號所表達的五件事, 不是代表先後次序.

    共產黨最懂操控人心.

    假以時日, 共產黨必定會 “平反” 六四, 可是當時下命令的人 – 鄧小平 (只能夠係地府拎諾貝爾獎), 李鵬, 陳希同等 – 到時都已經去左見馬克思, 要追究個人責任是沒什么可能了, 至於追究集體責任嘛… 怎樣追究? 你可以想像共產黨下罪己詔, 然後判共產黨坐監嗎? 邊個能夠代表共產黨? 賠錢? 燒溪錢還是帛金?


    香港政府及行政會議過去十五年的經驗告訴你, 集體負責, 即係集體不負責 : 邀功時, 阿豬阿炳都走出黎話條橋佢有份度 (反正事實無從稽考) – 董建華講CEPA 係佢傾返黎, 唐英年話自由含係佢有份差, 梁振英誓神劈願話兩樣佢都有功勞. 然後八萬五呢? 唔係賴亞洲金融風暴, 就係話八萬五係前朝遺物, 唔關我事. 呢個集體真夠負責. 梁錦松, 楊永強, 葉劉淑儀, 董建華之中, 得楊永強係因為公共政策失誤而落台 (葉劉係私人原因, 唔係廿三條; 梁錦松係自己買車領野; 董建華係腳痛, 之不過佢到今日為止都冇出示過醫生紙. 我靠呀!!! 中學生請兩日假都要醫生證明, 佢身為特首, 由頭到尾都係話佢自己腳痛).

    而所謂的 “平反”, 與我們所理解的一定會有所不同. 中國國情嘛. 海耶克的 <通往奴役之路> 有一章講述極權國家最喜歡舊字新義, 以取得一般人的信任. 與其說 “平反”, 說 “修正” 六四更好. 練乙錚有關 “修正六四” 的文章, 2009寫的, 今天閱讀仍非常有意思. 到共產黨肯 “平反” 六四 – 大概會用當時做了一些錯誤的政治決定來表達 - 很多走狗就會走出來說 :


    既然中國已經平反了六四, 知錯能改, 我們未來一定要更加支持共產黨.

    做了錯事, 說對不起是應該的, 這是基本要求. 我們何時將水平推到哪么低, 殺了人, 道個歉, 我們就要搶著來支持犯錯的人? 即係我去偷情, 捉姦在床, 但一直死口唔認, 十幾年後我終於承認, 然後女友知道後更加愛我? 一下人誰無過, 兩句既往不究, 三說要向前看, 還是不可以將市民學生的性命當粉筆字抹去.

    要徹底地改變, 平反六四, 並肯定不再有機會讓六四重演, 推倒共產黨是唯一出路. 我比較相信的是, 倒轉來說, 推倒共產黨, 很大機會可以平反六四, 追究屠城責任.

    平反六四, 只是開始.

    去晚會有更大的意義.

    近來香港有一套邏輯, 一套 "唔出聲反對 = 同意" 邏輯.

    "如果你反對, 就應該出聲反對呀; 既然你唔出聲, 咁你就係贊成."

    羅范在講述為什么不為新政府的改組做咨詢時, 說梁振英參選政綱有改組方案, 當時沒有人反對, 沒有反對聲音. 那就是贊成咧.

    理直氣壯.

    曾鈺成在談及為什么中止拉布時, 說在內部會議聽不到反對聲音, 於是以為泛民也贊成.

    無懈可擊.


    沉默=死亡, 大概就是這意思.

    小時候, 我會懷疑人民造反, 是少數人煽動一大部份, 然後另一堆少數人從中獲利/獲權/獲勢. 不是嗎? 中國古代每次有人造反, 有邊次係起義個個最後做皇帝?

    我越來越相信, 造反是當權者迫出來的.

    我不要做沉默的一群.

    你不想日後被人解讀為 "支持中共用坦克對付學生", 六月四日, 請站出來, 就這么一年兩次 (另一次是七一咧). 用腳向共產黨說不, 向極權說fuck.

    雖千萬人, 吾往矣.

    I, versus the country.

    我會為這張最能代表六四的相片加上這樣的標題.

    廣場上的學生與市民, 每一個都是英雄.

    我們能做的, 就是每年在這一天抽出時間, 用心去紀念這些英雄, 為正義付出性命. 抽數個小時, 去一次晚會, 當然是很小的事. 若連這么小的事也不去做, 我說服不到自己.

    雖千萬人, 吾往矣.

    信我, 去一次.

    各位,

    六四 二十三年 了.

    今晚維園, 不見, 不散.

May 8, 2012

  • <停寫啓示>

    我講過, 如果有一天我發覺在這裏寫作, 感覺到不快樂, 唔舒服, 我會停寫.

    寫作是種樂趣, 是種分享.

    在這裏寫作的目的從來很簡單, 也很自私 : 開開心心寫作.

    萬一大家睇完有乜得著, 好; 無, 也希望大家開開心心. 我從不惡意攻擊朋友, 也從不以這裏作任何手段去取得什么報酬利益.

    在這裏, 交了很多朋友. 一些不論是現實世界還是網上世界的好朋友. 我覺得我是誰根本不重要, 重要的, 是寫的東西大家有沒有共鳴. 沒有共鳴, 你係劉德華都冇用.

    這裏叫後花園. 以前會寫多一點, 現在有靈感, 會收集一下資料才寫. 大前提是 : 我能夠隨心作欲, 寫什么便是什么.

    對許多人說, 這不是什么珍貴的東西, 事實上我連life premium 都無買. 可是, 我一直對這後花園非常珍惜, 因為這裏真的可以暢作欲言.

    但我暗地裏知道, 終有一天我會停寫. 我也有我的底線.


    這天似乎比想像中早來臨.

    過程也比想像中低能. 一個人, 一個簡單動作, 原來可以輕易將這個後花園徹底摧毀. 沒有做好準備迎接可能出現的失誤, 是我的過失.

    有過失, 要付出代價. 我唔會低能到話留底需要更大勇氣. 我唔係董建華.

    如果你睇完上面唔開心, 千祈唔好. 如果你喜歡過這裏的文字, 請保持開開心心的態度. 得閒黎拜下山, 感覺好過癮.

    我不會說永遠不會回來, 而且根據多次經驗, 我好快就守唔到寡. 暫時我只能好似富慳咁講句, 復刊日未定.

    最後想說一點. 好些朋友以為經我面書傳閱, 所以出左事. 絕對不是. 我貼得出來, 歡迎大家轉載.

April 24, 2012

  • <生活 . 鳩o翕 我投蔡英文>

    陳水扁貪污, 2008年時民進黨將台灣總統一職送回給國民黨.

    不過, 仍有五百四十多萬人 (佔總投票人數的41%) 投了票給民進黨的候選人.

    在我來說, 那四成人是反智的. 一個黨的總統貪污, 決不可能是他一個人的所為. 對呀, 全宇宙也在貪, 但貪到這樣出面, 還投他們, 是對智慧的一種侮辱.

    今年1 月台灣再選總統, 有六百一十萬人 (47%) 投了票給蔡英文.

    若然有該黨的總統污貪, 這一生也不會投給這個黨. 重申, 我唔單止介意你貪, 但更介意你貪都唔識貪, 唔識收收埋埋. 即係, 你叫我投票讓曾蔭權個仔做特首? 虎父無犬子, 我只會相信佢個仔比曾蔭權更貪, 同埋貪得更蠢.

    ---------

    2012年4月24日.

    台灣, 劍潭車站, 的士候車處.

    我與責任主編的目的地, 是故宮博物館.

    等了很久, 終於上到的士.

    "故宮博物館. 謝謝."

    可能因為普通話非常普通的關係, 司機很快便知我們是香港人.

    "呀, 你們是香港人嗎."

    "是."

    "呀, 想問你一下, 香港回歸了十五年, 覺得怎樣?" 坐在我旁邊的司機甫一車就問道. 你可以想像, 求其一個台灣人知道香港回歸了多少年嗎?

    司機問我的時候, 半秒間我腦海忽然浮起了許多回憶. 包括零三七一, 梁振英的影像, 董建華唐英年曾蔭權...共產黨.

    "一點也不好." 斬釘截鐵的回答. 有一點點好的, 就只有派了六千元.

    "噢呀, 為什么你們不反抗呢?"

    實在不知道回答什么好. 我想說, 其實我們已經反抗了. 每年春秋二祭大遊行, 還有各式各樣的示威... 這是極限了. 反抗? 快連網上貼張圖都要捉. 我恨不得回歸英國呀, 老兄.

    司機見我沒有回答, 開始自言自語咕嚕一輪. 車子快要駛到士林站時, 他罵某人是"...他媽的狗皇帝..." . 台灣人說的國語太快太求其 (直覺上是周杰倫的錯), 加上我聽覺長期有問題, 所以聽不清楚他說什么.

    "你知道那個狗皇帝是誰嗎? 馬英九咧."

    想從喉嚨吐出句 "馬英九還不錯, 可憐我們的新特首是共產黨員." 此時我望出窗外. 天氣酷熱, 實在不想三十多度找另一部的士. 於是把說話吞回肚內.

    司機開始大罵馬英九.

    "參選的時候說電價不漲, 油價不漲; 選完後電價大張, 油價大漲, 什么也漲. 操你娘."

    這個我知一點點. 多得黎智英在香港選特首閞始時太過偏梁, 我放棄了看香港的蘋果日報, 反而進看台灣蘋果 - 當然是 C1. 但翻頁時偶爾會看到頭版. 今年台灣的電費, 大概是住戶加約 15%, 工業加35%. 你沒有看錯, 是電費加15-35%. 早幾個月中電加10%不夠, 已經夠上頭條幾天了.

    "呀, 這個不好. 大家生活很辛苦呀." 吐出兩句支持的說話, 看他還有什么說.

    "那狗皇帝居然讓瘦肉精進口..."

    這個我也明白他說什么. 來台第一晚, 與責任主編在台灣當教授的夫婦吃飯, 他們說到近來比較熱的新聞, 就是台灣政府準備讓美國含瘦肉精的牛肉入口. 簡單來說, 瘦肉精等同 california 個d 大隻佬飲既蛋白奶粉. 人飲蛋白奶粉會大隻 (同埋屙出黎既屎 "傑tart tart"), 畜牲食左會快高長大. 不過瘦肉精有副作用, 一般要有監管, 而大部份地方已禁止使用 (包括台灣). 主編的朋友說, 台灣放寬某一兩種瘦肉精牛肉入口, 大概可以換來台灣人大概去美國免簽證.

    雖然我唔明點解免簽證係一種皇恩浩蕩, 但事情大概如此.

    不過, 成件事最搞笑, 也令台灣民眾最氣憤的是, 美國是不容許出售的牛肉含有讓一兩種瘦肉精. 即係美國唔准賣, 就拎去台灣賣.

    的士司機繼續狂罵...

    "油價加也可以... 可是這個可不成咧. 我靠, 你美國人不吃的, 就拿來給台灣老百姓吃...

    這傢伙應該吃牛糞. 食含瘦肉精的牛糞.... 可惜昨天有人拿了一個含牛糞的蛋糕給他, 還沒有送到他, 就給人讓走了. 門外那些保安... 很麻煩."

    其實司機的說話粗中帶幼, 由貼身的油價, 到全台灣人民的身體健康.

    然後司機越講越烈. 可惜人類史上中, 粗口最具形神的, 是廣東話. 國語來來去去 操 和 靠 - 台灣的屌字, 同屌你老母無關 (其實屌你老母同你老母都無關); 英文也只是 fuck shit ass; 廣東話淨係 屌鳩閪柒撚 己經贏到開巷. 在恐懼之下, 我暗地為廣東粗口叫好.

    "你知道嗎. 那傢伙有美國國籍, 兩個女兒也是美國人. 要是他不聽美國人的說話, 一腳伸他出來, 他就完蛋了.

    所以我應該把命也拼出去. 應該把一個個的汽油彈掉進總統府去. 可恨那傢伙整天都不知躲到哪裏去. 我應該身繫汽油彈, 然後一命換一命, 來個同歸於盡.

    你知道什么是汽油彈嗎? 那汽油倒進啤酒杯, 塞進毛巾, 點著, 然後丟進總統府.

    可恨真的埋不到身. 昨天送去的牛糞蛋糕, 送不到給他. 一命換一命好呀, 可能就是埋不到身..."

    成段對話, 如果佢並非司機, 原本好好笑.

    我個刻好慶幸無講個句 "馬英九幾好". 到左呢個時候, 我已經完全搭唔到咀. 對於自己既鳩o翕能力, 向來十分自豪. 係酒店樓下煲煙, 可以同日本人吹到三五分鐘水 - 儘管日文除左唔好 . 停 . 舒服之外, 我淨係識一句 "我來自香港".

    現在, 我覺得只要講錯一句說話, 司機真係會殺死我. 或者將個汽油彈塞落我個咀, 然後引爆, 來個同歸於盡.

    我坐連頭, 看不到後排, 不過估計責任主編同佢細路+女友, 應該嚇撚到傻. 因為我真係信佢車度有汽油彈, 隨時準備同歸於盡. 事實上, 細路 同 女友成程無講過野.

    司機繼續暴走.

    "見到他那兩個女兒, 我應該強姦她們, 然後再把裸照放上網. 可恨又是看不到她們."

    這句話有點過了我底線, 我再沒有說話 - 不過, 如果我一早知馬元中 同 馬唯中 個樣係點, 我一定會原諒的士司機, 並會口頭答應參與行動.

    好了, 的士已經到達故宮博物館. 十多分鐘的車程, 好像變了個多句鐘. 也記不起當中有沒有說過共產黨, 臨落車, 我想和司機說, 不要信美國佬, 更加不要信共產黨.

    當然, 我無講到出口.

    以前常聽人說台灣的士司機的政治立場壁壘分明. 這次一遇, 完全相信.

    這個世界, 真的會有人肯原來用條命黎發洩自己既不滿 - 起碼用把口.

    你敢唔敢話殺死梁振英, 然後自殺?

    ---------------------------------

    推進門, 進入故宮.

    我以為自己去了海洋公園.

    人人人人人人人人人人.

    大陸人大陸人大陸人大陸人大陸人大陸人.

    一團團一團團一團團一團團一團團一團團一團團一團團.

    ---------------------------------

    你要知道講國語既係大陸人定台灣人, 最簡單既方法, 係睇下佢地排隊搭電梯.

    簡單d 講, 佢地係唔撚排隊.

    仲同你講左行右企? 發你老母的春秋大夢.

    地下大堂, 嘈過任何一間酒樓.

    購票, 入場. 二樓的展品是陶瓷, 所以遊人數量也可以接受.

    人少, 不等於唔嘈.一團團既遊客, 你一言, 我一語, 呱拉呱拉的叫著. "你看到沒有r?" "這個很美呀r~" "嘩" "呱" "嘛".

    最嘈的是一團團遊客的導遊. 他們拿著米高風, 以秒速十個字既速度講解展品. 一團, 你有心去聽一下講解, 也有意思; 當有五團人係三百呎既地方, 就變成好煩, 好嘈. 更弱智同反智既係, 博物館內有職員拿著 "請輕聲說話" 的紙牌提醒其他遊人. 我屌你老母! 你叫個班導遊唔好嘈先拉! 最嘈個班人係導遊呀! 到故宮前一晚去了錢櫃唱k - 不要問為什么要搭飛機去台灣唱k - 但故宮比起錢櫃還要嘈吵.

    這裏必須要講解我對 "嘈" 同 "吵" 既分別. 嘈 係發出煩厭既聲音. 一個人都可以嘈, 一聲歌聽得多, 例如那些年, 都會變嘈. 吵 係 有兩個或以上的人發出乞人憎既對話/聲音, 然後混雜出黎既聲響. 大陸人既奧妙之處, 係一個人同時造成 "嘈" 同 "吵" 既現象. 當有三百個內地人一齊嘈吵, 簡直令普通人如我身處於地獄的核心中.

    我唔係史學家/藝術家, 亦唔識真正咁欣賞展品. 去博物館只係一種人文心靈上的訓練, 簡單d 講即係hea 下. 我並唔係要追求乜野有形既目標而黎. 當一團團遊人係你身邊走來走去, 你只係想用三分鐘既時間靜靜地欣賞展品, 忽然變得好奢侈. 根本不會有心情再行下去.

    真正的戲肉在三樓.

    無錯. 三樓正是故宮壓軸展品 豬肉 同 白菜 既展館所在地. 唔明豬肉 同 白菜 係乜, 麻煩自己 google; 無知唔係罪, 但有google 唔用, 係大罪. Spring pocket will be barbecued.

    去到三樓... 個度似年宵市場維園入口個條龍. 或者係20年六四紀念晚會 (即曾蔭權話代表香港人忘記六四那一年), 個條人龍咁. 由頭到尾, 一直排到二樓. 全部都係遊行團遊客. 人人人人人人人人人人人人人人人...

    選星期一去故宮, 原本希望少人一點. 我錯撚晒. 往好一點想, 星期六日的情況將更加具災難性.

    當然, 排隊的時候, 大陸遊客還是一直在嘈, 導遊也一直在嘈. 當然, 即是係一團團跟住行, 大陸佬仍然會打尖. 即使打尖無用, 都係會打尖.

    去到博物館, 不可能不提他們無理的肢體推撞. 不論什么時候, 站在你身後的大陸人一定會推你, 排隊, 看展品, 去廁所, 吃飯... 總之一定會在背後推你. 佢地推你係本能反應, 同唔排隊一樣. 這點他們倒是很一致.

    在排隊看豬肉時, 後面有團內地遊客, 也有一團日本人. 據主編說, 內地人與那團日本人吵, 大家在雞同鴨講互罵. 大概是附近已經太嘈, 我聽不到, 也看不到. 但我從來沒有見到日本人主動與人嘈. 大部份日本人是 "OK, 你煩鳩我, 我怕撚左你 - 我行開" 那種人, 很少同人嘈. 內地人就有意想不到的能耐.

    排了良久, 總於看到豬肉... 個塊玻璃. 不知痴心妄想可以看到豬肉的本尊. 一團團的遊客會將展品徹底包圍.

    我更想說的是, 每一團在展品逗留的時間, 只有十秒. 然後該團的遊人又會跟著導遊, 一窩蜂衝向下個展品, 這刻他們真的是一群又一群的蝗虫.

    因為館內不准拍照, 所以無法將呢d精彩既時刻帶俾大家.

    人多, 不等於你要喧囂.

    排候時間長, 不等於你要推來推去.

    重點展品固然吸引, 奈何你只看十秒.

    2003年第一次去台灣, 人文氣息很重, 那個時候誠品才冒出名來. 故宮還沒有翻新. 人的確少, 來的都是有意慢慢欣賞展品的人, 總的來說, 建築物有點殘舊, 但氣氛良好. 前年再來, 已漸見人多, 但還可以.

    這次再來, 博物館活像是海洋公園, 遊樂園地. 我來來去去都係日本, 所以好少去少博物館. 不計香港的, 只去過東京國立博物館 (上野), 悉尼art gallery of New South Wales. 但從來沒有見過, 也沒有聽過博物館是這樣的, 集嘈吵亂於一身. 問歐遊過的主編, 羅浮宮是否這樣, 她冷笑一聲, 然後說 : 當然不是.

    故宮博物館不是要賺錢的東西, 是一個顯示文化累積的地方. 將博物館搞成一個像遊樂場的地方, 不單辜負千年以來先人的心血結晶, 也愧對當年小心奕奕地把收藏品由北京運到台灣的烈祖烈宗. 多年來積成的文化, 付之一炬. 你有什么展品, 豬肉白菜, 陶瓷字畫, 全不管用. 你搞什么重建計劃, 不過為了掩飾江河日下的文化水平.

    多得大陸人, 我以後去台灣也不會去故宮博物館.

    ----------------------

    對呀, 美國佬當然霸道. 他們的霸道, 明刀明槍.

    更令我不認同, 也感到恐懼的是, 內地的軟性入侵. 看看香港過去數年發生的, 自由含種票買樓到今天放共產黨成為特首, 都不需要再多解釋.

    我誠心希望台灣不要與內地搞什么經濟融合. 可恨一搞什么 EFCA 自由行, 內地遊客一來到, 台灣立刻玩完. 美國經濟是不濟, 但一個只有二千多萬人民的州, 他還頂得住.

    馬英九是個書生, 應熟讀歷史, 知道經濟好, 只要不出什么亂子, 執政黨可保勝算. 80% 的時間, 對於大部份人來說經濟問題較其他問題 - 包括統一台獨, 親美 - 的問題重要. 像馬英九這種兩頭蛇, 魚與熊掌兼得的想法. 倒頭來只會顧得頭時腳來翻, 兩邊不是人.

    回來後找來新聞看看, 內地又再放寬到台自由行. 望著左邊相片的內地遊客, 心裏慨嘆一聲 :

    今天香港, 他日台灣.

    很美國人靠不住, 共產黨更加不可信. 看到台灣故宮的墮落, 我終於明白為什么還有人投給蔡英文. 我寧願早點轟烈的來個台獨, 搞一支公投, 大家決定所謂一國兩制在台灣是否可能, 然後十年不是統一台獨議題. 不過, 麻煩大家先看看兩個例子, 一個叫澳門, 一個叫香港.

    You either die a hero, or you live long enough to see yourself become villain.

    我相信, 到最後我也會投給蔡英文. 畢竟大家也愛英文, 對不對?

March 25, 2012

  • <天下同聲一哭>

    為慶祝 共產黨黨員 梁振英先生 當選特首, 我決定停寫一個月.

    那些 "香港未來定會更好的" 論調, 2003年開始聽過N次. 若果新特首為香港帶來變天, 從個人來說也不能再用以前的一套走下去.

    Albert Einstein : Insanity is doing the same thing over and over again and expecting different results.

    留下是一個過程, 離開是個目標.

March 20, 2012

  • <向小圈子選舉說不>

    Martin Niemöller :

    起初納粹追殺共產主義者

    我不說話 因為我不是共產主義者

    接著他們追殺社會民主主義者
    我不說話 因為我不是社會民主主義者

    後來他們追殺工會成員
    我不說話 因為我不是工會成員

    之後他們追殺猶太人
    我還是不說話 因為我不是猶太人

    最後他們要追殺我
    但再也沒有人站起來為我說話了

    ------------------

    經過許多花生戲, 終於來到最後的一星期了. 大概, 過了這一兩星期, 大家不需要再聽到三個精神病病人係公眾場合胡言亂語.

    首先是何俊仁. 口口聲聲要推動民主, 一人一票, 取消功能組別, 打倒小圈子選舉. 這真有趣, 彷彿在2010年6月25日立法會通過的那個政改方案, 他與其民主黨黨友是沒有投贊成票的份兒. 2005年那個法案, 比2010年那個更民主, 偏偏民主黨卻投了反對票. 民主黨不代表民主, 正如菠蘿包沒有菠蘿, 西多士也沒有屎. 名不副實的東西, 多的是.

    永遠記得那是是6月25日, 除了記仇, 更重要是那天是責任總編的生日. 每想到這點, 就不想和責任總編在生日正日慶祝, 當然也更憎民主黨. 實在沒有什么值得好慶祝 - 除非你要慶祝被人出賣. 共產黨是這個小圈子的原兇, 民主黨是第一幫兇.

    大家終於知道為什么我永遠不會原諒民主黨.

    何俊仁說參選是要凸顯小圈子選舉的不義, 成件事無奚到極點. 有朋友在面書上說, 你要凸顯毒品的禍害, 是不用親身吸毒的. 實在沒有更好的比喻. 小圈子選舉的不公義, 在這次選舉表露無遺, 可惜這與何俊仁一點關係也沒有.

    順帶一提, 五年後香港大概有0.0001% 可以以低門檻的提名方式, 一人一票選特首, 究竟到時泛民可以推邊個出黎選? 民主黨創黨既老餅死既死, 退既退, 淨返一班廖化 - 連唯一既希望鄭家富都俾佢迫走埋 : 鄭家富靚仔 (望下 涂謹申 同 甘乃威), 有台形 (何俊仁要擔梯先夠梁振英高), 後生 (五年後57歲, 李柱銘到時已經接近80), 家庭生活似正常... 最有義氣個鑊就係佢脫離民主黨個役; 人民/社民連不受一般中產師奶歡迎, 公民黨自司法覆核數案後完全龜縮... 唔通真係要唔好做雞, 唔好叫雞既馮檢基出黎選咩. 十多廿年後, 民建聯有李慧玲 + 陳克勤, 泛民呢? 似樣既得陳淑莊一個.

    唐英年. 智障, 也有語障. 研究過佢講野既片段, 佢從來無試過正正經經, 流流暢暢咁讀出一句超過十個字既完整句子, 因為超過十個字既句字, 佢都一定會唔覺意咁斬開幾句黎講. 即係話上面兩句, 佢會讀到好似魔法擂台個Albert Tam 咁, 因為 / 超過 / 十個字 / 既字句, 佢 / 都會一定 / 唔覺意咁 / 斬開 / 幾句黎講.

    "I think that's completely rubbish", 得八個音, 可以好流暢. "梁振英, 你o厄人", 三個音. 全部都係咁, 一次例外都冇. 又講多句, 佢既選舉經理人, 李國寶都係一樣, 不論講英文同中文, 都係一舊舊. 所以當唐英年呢幾日係辯論度串人, 大家幾乎懷疑個個係第二個人假扮.

    搞女人, 又懷疑有私生子, 再僭建, 然後推個老婆出黎受死, 仲要推一次兩次三次 - 佢老婆勁過耶穌, 唔使等三日就復活 - 可以繼續參選, 呢個先係小圈子選舉最不義既地方 (呢點同何俊仁先生毫無關係, 除非何俊仁係唐英年個私生子). 搵個民選既地方, 是但中一樣, 都肯定唔使選. 唐英年中晒 - 我數唔到究竟係幾多樣, 佢最後都繼續選, 香港真係一個充滿奇蹟既地方 (cross-reference :  Twins 可以係樂壇立足十幾年, 係另一個.)

    梁振英. 呢個世界有一種人, 雖無過犯, 面目可憎. 梁先生正正係呢種人. 懂一點相人. 從佢成為行政會議召集人開始, 已經唔鍾意呢個人. 有冇得解? 無. 好多野都冇得解. 點解我老頭唔係李嘉誠? 咪係lor. 另一個有呢種面口既人, 叫林瑞麟.

    你鍾唔鍾意一個人, 係唔需要理性分析. 呢個係個人口味既問題.

    不過點都好, 我信梁振英唔係共產黨員、信佢無爆唐英年黑材料、信佢無話要縮短商台續牌年期、信佢無話遲早有鑊用催淚彈、信佢同黑金飯局無關、信佢西九個鑊係佢唔知情、信佢自由行係佢爭取返黎.

    正如我信當年梁錦松買車漏報唔係佢暗啞底爆出黎.

    真係所有事都同梁振英無關架. 佢完美過劉華, 一人中從沒有做錯事, 完美到佢選完或者做完五年特首, 佢就會去梵蒂岡直接封聖架咧. 掂未?

    ---------------

    從開始就覺得這次選舉, 越胡鬧, 越不知所謂越好. 這樣才能徹底地顯示這個所謂選舉既不義. 結果, 一干人等不負眾望.

    不過到最後, 凡人如你我都無辦法投票去直接影響結果. 我相信這也是為什么特首選舉只有少數人留意政綱. 當無論怎留意怎關心, 也不能影響最後結果, 是沒有誘因去留意. 大部份人會以為梁振英與唐英年的政綱大同小異. 這大錯特錯. 至少來說, 二人對政府在市場中角色的取態, 天南地北.

    唐英年 : 肯定及堅持資本主義下的市場經濟，但留意、防範並適時處理市場失效，維護長遠大眾利益，實事求是地適度規管和參與市場。


    梁振英 : 自由的營商環境和積極的政府角色之間可以互相補充。以尊重市場機制原則為前提，政府可以發揮主動的市場推動者和引導者的作用，從而改善香港的經濟結構和就業市場結構，提升市民向上流動的機會。

    唐英年的市場及政府角色是前者為主, 後者為輔; 梁振英是平衡的. 當然, 到最後這些政綱都係多餘. 因為都係李嘉誠玩晒. 而李嘉誠玩晒, 即係球證旁證, 甚至乎你隊波都係佢既人 - 好似羅傑承咁係甲組有兩隊波咁.

    無人睇政綱, 更有可能是香港人非常八卦, 對所有事情也抱著看娛樂新聞的心態, 對於一些有長遠深遠影響的事都不怎樣留意, 不關心 - 所以溫水煮蛙對香港人特別見效.

    這並不代表大家就要坐在家裏, 什么也不做.

    多得鍾庭耀, 多得死左既 Steve Jobs, 我們今年可以隨時隨地投票. 當然不是3月25日那個. 而是323民間全民投票計劃.

    大家可以透過網站, 或手機 apps 投票.

    大家或許會認為投了票, 對結果也沒有影響. 這是真的. 我不會騙大家說若有一百萬人投了票, 或許有選委良心發現, 然後向阿爺作出反抗. 對唔治, 做得選委 - 除左民選既議員 - 等同認同自己比起其他七百多萬香港人有優越性, 你投唔投票, 都係同流合烏.

    不過, 透過這一票, 大家可以發表對這個選舉的看法, 也可以支持心儀的候選人. 你喜歡梁振英夠奸, 請你投票支持他. 你鍾愛唐英年可以搞三搞四, 請你投票支持他. 你認同何俊仁搞屎搞棍, 請你投票支持他.

    你要反對這個小圈子選舉, 不要做沉默的一群, 去投白票.

    我看過一本叫 : A Complain Free World 的書. 裏面提到要減少投訴的策略. 當中最重要的就是, 你要減少投訴, 必須要有相應行動來解決問題. 不要只一味投訴投訴投訴. 五區公投時, 有朋友說那幾條友是小丑, 不屑去投票. 到民主黨2010年支持政改方案, 他對我說十分後悔沒有在公投投票. 歷史沒有如果, 但我敢說, 若然當初有更多人去五區公投, 投票的人數是158萬人, 而不是58萬人, 民主黨不敢支持政改, 政府不能強行推出遞補機制, 最後長毛不會因衝擊論壇而被入罪.

    不要小看個人的力量. 2003年71, 靠的就是大家一個傳一個, 一個叫一個上街; 最後有四五六七十萬人去了. 0471如是. 然後梁錦松落台, 葉劉落台, 楊永強落台, 最後連董建華自己都落了台. 靠的不是共產黨, 不是民主黨, 而是個人的力量.

    不要再迷信民主黨/派會為大家爭取民主, 奪回應得的權益. 民主是沒有順風車搭的.

    大家也要支持鍾庭耀博士. 過去一段時間左派對他的攻擊無日無之. 原因是這個全民投票計劃等同普選. 而萬一這個普選投票率高而選出來的候選人, 與最終的特首不同, 不但令選舉的幕後操控者尷尬, 也凸顯了這個選舉的不公義 (而這點與何俊仁先生也是無關的).

    鍾博士預計今次只有五萬人投票, 不足本港人口1%. 怎計也個很保守的推算. 不過, 若最終只有小貓三數千投票, 左派又可以再大力攻擊鍾庭耀, 然後又去攻擊其他目標. 鍾博士當年受董建華隻狗路長安施壓, 這三兩個月再受左派批鬥. 歷史證明, 與其他獨裁政權一樣, 共產黨是不會容許異見的.

    我受夠了.

    大家去download 一個app, 或者用網上版, 花一點時間便可以投票. 代價除了一兩分鐘, 就只有一個sms 的費用. 以彰顯公義來說, 這代價便宜得有點不合理 (當然, 與何俊仁先生也無關). 若然有朋友想投票但不想付/支付不起那個sms, 請留言給我. 我承諾會替你想辦法替你付. 這不是要證明我有錢 - 事實上我沒有, 而是在能力許可下, 彰顯正義及公義, 應該得到合理的支持.

    大家也要呼籲身邊的人去投票.

    經過過去三兩個月的花生, 花邊, 抹黑, 無賴, 無恥, 不要再做旁觀者了. 不要再做沉默的香港人.

    3月23日, 記住投票.


    向小圈子選舉說不.

     

    (後補 : 見到老師在面書貼了連結, 為免麻煩, 將常用粗口移去了. 真係好偉大.)

February 12, 2012

  • <情人節 - 世界末日版>

    情人節寫到第七年了. 先來個炒冷飯吧, 系列的 tag. 有時候睇自己寫既文章, 真係會讚嘆一下...

    寫到第七年, 真係無乜特別野可以再寫. 為左交功課 - 我說過當興趣變成責任, 人生就會變得痛苦 - 諗到乜就寫乜.

    記不起從何時開始, 對情人節有點抗拒...儘管每年(有女友時)是會慶祝一番, 也會寫些文章來快樂一下.

    冤有頭債有主, 悲劇由大學時那個港女女友一手釀成的. 叫她港女, 不單因為她是港女, 叫港女大家也容易記得.

    港女會要求平安夜去山頂吃千多元的情比金堅套餐; 除夕要倒數; 情人節不送花會鬧會屌會俾說話我聽. 每年紀念日要搞一下大龍鳯, 春秋二祭也來個特備節目. 幾乎每一個星期都要預備新的節目, 過三兩個月就要有新的包包/電話/紀念品. 一個大學生哪裏有這么多錢? 於是不斷透支信用咭, 大三時好不容易才還完. 原來信用咭的利息真的很高, 你付過一兩次, 吃足一年$12 車仔面就自然明白利息有多高.

    港女還很喜歡問同一條問題 :

    第一次同你出街我著乜野衫, 去邊度同做乜?

    仆你個街, 咪著衫衭鞋襪o羅, 唔通你著比堅尼出黎咩? 做乜? 記得呀! 去睇戲呀嘛, 唔通第一次出街就開房咩?

    每次故意回答記不起來, 她也會真發脾氣. 到最後永遠記得她第一次著紫色碎花裙, 長靴; 在沙新城市UA睇戲 (影片真的記不起來).

    咁條紫色碎花裙係點既樣, 腦海有冇印像? 屌你老母, 中史科問貞觀之治的政策, 你有冇印像乜野係 強政厲治, 用人為才 同埋 虛言納諫? 咪臭係lor!

    情人節的痛苦經歷, 可以多說一點. 試過在情人節前, 一邊把滿滿的行李箱, 另一邊把1:3 的唐老鴨 - 一共32kg, 從東京成田機場, 用三吋不爛之舌說服JAL空姐是情人節禮物, 好讓不用額外付鈔寄艙, 然後搭機鐵後從ifc 推行李回家, 明明是冬天卻一身是汗. 回家是三時多但第二天還要上班. 最後換來是這樣的結局.

    漸地覺得除左可以放假, 什么節日也乞人憎. 怕要要滿足人家的期望, 更怕滿足不到人家的期望. , 無假放既情人節尤其乞人憎 : 中秋農曆年不能與家人團圓, 人家會可憐你; 重陽清明不用拜山, 是你家族有福, 長命百歲. 偏偏情人節若放工回家吃飯, 又或是加班至晚上十時, 肯定會遭人白眼, 這是什么道理? 其實愛對了人, 情人節每天都過. 沒有人情人, 也不是什么傷風敗德, 敗犬宅男的事. 畢竟誰也會失戀, 誰都試過沒有情人. 而這件事不應該因為情人節而被放大, 連放大一毫米也不可以. 我靠, 一個人就是一個人, 怎么樣?

    失過戀, 很多次. 有次幾乎讓我一直身陷在泥濘, 一直沉下去, 無法翻身過來. 在那幾年間, 酒喝了很多瓶, 煙抽過無數支. 只要有那么他媽的一件事與她有關, 就可以讓我崩潰. 失戀總會過去, 但無法知道那天何時來臨. 當你以為到達彼岸, 邪惡總在小裂縫滲出來, 讓你在起點重新走一次. 望著身邊許多人, 因為被一兩個女孩拋棄, 而讓往後的一生幾乎被摧毀. 區先生, AL, FC, 還有許多許多... 我不想那樣. 只是口裏說不, 身體很誠實. 仍然無了期的繼續沉淪.

    到後來責任主編出現.

    再到後來電影那些年出現.

    第一次看, 完場後根本不懂反應. 這電影震撼著我... 後來發電郵給好友 :
     

    "I am sorry to tell you this. After all the years she is still like a wall in my mind. After watching the movie, I found I stood there without moving any inches forward. Maybe I should comfort myself by saying that oh man you have the great memories and let's keep it in your mind. Maybe my life does not move any forward since few years ago."
     

    要寫英文, 因為好友唔係好識中文. 他回覆是這樣的.
     

    "Moving on doesn't equal to forgetting.  Moving on is simply burying memories of her deeper and deeper down, under more and more fresher and newer things.  You find yourself going from, being consumed by thoughts of her to the point of almost breaking down on a daily basis, to maybe thinking about her every wk or mth, to having her pop up in ur mind only when u encounter certain events that are associated w/ her.  so on the one hand, instead of hating urself, u should give urself a pat on the back and congratulate urself for having already slowly and gradually moved on, and on the other hand, acknowledge da fact that u will never be able to wipe her clean outta ur mind.
     
    some things/ppl are unforgettable, esp. those who reject us.  girls that we dump, we can only remember their bad's and the annoying times we had.  but girls who walked away from us, we only think about their good's and sweet sweet moments.  sadly, with respect to the latter, we will never ever know for sure whether a) they really were special and we would continue to love them if they had stayed, or b) we are juz beautifying them now cuz they left us."

    再後來看到前度的女兒出世, 突然釋懷了. 如果用教會的述語來講, 突然很 "感恩". 是的, 無緣無故的, 他媽的放開了. 現在這情況, 應該是最理想的了. 她結婚生子, 我繼續這樣下去. 當然可能可以更好, 我快樂地接受結婚生仔一路以你們的幸福走下去.

    我也找到責任主編. 一個更理想的結果.

    如果前度們教曉我什么的話, 那一定是好好珍惜重視我, 愛護我的人. 對這些話深信不疑. 每一個前度, 每一個我喜歡過的人, 教我不同的東西 : 初戀的無賴, 還有她的小手段; 會考時女友的專制, 讓自己知道不愛被人管著; 偶到大學時的港女, 我徹底明白拍拖以至乎是人生的目標, 從來也十分簡單 - 若開心便繼續; 不開心便分開. 還有前度的, 與那一段小故事, 通通也是讓我一點一滴明白這個道理. 就像一百萬零一夜一樣, 每一段故事出現都不是偶然的, 它對你人生或多或少總有點影響, 成為今天的你.

    而說到女友教懂我什么, 一定要再談起港女. 她教懂我許多一生受用的東西 :

    1. 女孩與你上街回家後, 即使送到家門口 (真的是屋門口, 再入就係佢張床那種) 都要打電話/ 發短訊去肯定她安全;

    2. 遲到一定要打給對方 (當然到可以繼續遲);

    3. 出入要開門給女生;

    4. 女生叫檸檬茶要替對方桔檸檬;

    5. 食飯男人埋單是天經地義的事;

    6. 伴女生逛街要有耐性, 不可以黑面, 中途也要發出適當的意見;

    7. 女生來高潮之前不可以射精, 射之前也要詢問一下. 這個有點難度, 因為唔係你想對方有高潮就會有...

    漸地覺得這不是港女的無理要求, 只是香港男人太小器小家小人小那星小小世界. 這不過是尊重女生, 甚至乎是尊重對方作為你朋友的一種簡單禮儀. 你知唔知幾多男人自己射完, 自己拎紙巾抺完, 倒頭便睡? 紙巾好醜也要遞一張咧, 難道女友是妓女嗎?

    一路上走來, 每一個女友也曾經愛死著我; 我對她們的感情, 也是真的. 今天已再握住她們的手, 但她們的出現, 與她們一起的時光, 都是珍貴的. 珍貴在於它教懂你如何珍惜眼前人. 好些我應該珍惜的沒有珍惜, 好些應該珍惜我的, 也放棄了我. 這是無法改變的; 我可以做的就只有好好珍惜現在得到的.

    結果第三次看完那些年, 帶著微笑離開戲院.

    當快要到2012世界末日時, 好好擁抱著你所愛的人, 好好幹一番吧. 然後盼望末日真的來臨 - 這樣大家就真的抱著愛人至死, 也不用再早起上班去, 什么咭數按揭盈富基金理佢老母. 就算今天沒有眼前人的, 你要記著, 日後當你遇到一個你喜歡的 - 那人一定會出現 - 你一定要好好珍惜她/他. 也不用十五十六, 擔心應否與心儀的對象示愛 - 大瞻去示愛吧. 試, 叫仲有個機會 (百份比多少就視乎情況咧); 唔試, 乜都無機會. 示愛一次 可能換來 做愛多次, 咁著數既野我諗唔到理由唔試.

    其實, 男人追女仔, 源頭總是鳩痕.

    認 . 真 . 的 , 若男人不鳩痕, 根本不會去追女仔.

    我無法證明這點, 但沒有男人和我說過他追女時其實鳩不痕 (詭辯! 詭辯!). 若然男人泡女的出發點, 並唔係來自鳩痕, 大概最終會成為戀母狂. 我也沒有聽說過太監 - 一些真的沒有鳩痕的人 - 有情人. 當然, 他們也沒有慶祝元宵, 去 Amigo 訂台食意大利菜. 而男人對於處女往往情有獨鍾, 也是因為鳩痕問題 - 沒有讓別人插入過的陰道, 總讓男人痕上加痕.

    對男人黎講, 追女的根本目的, 是射精.

    倒轉黎講, 你係女人, 如果有男人未同你上過床, 偏偏又親口講唔想同你女人上床, 又話 "遲D 都無所謂, 我可以等..." 諸如此類, 可能性只有五個 :

    1. 佢性無能. 呢個可能性只有 1%. 喂, 性無能既人首要任務係搵專醫陽萎早洩少精死精專家.

    2. 佢見你之前打左兩三次飛機. 呢個可能性只有 30%/10%. btw, 呢個百份比代表佢打左兩次/三次飛機既或然撚. 打兩次飛機? 大把人一星期都打唔到拉. 係咁打碌撚會損會流血會以後無撚用嫁.

    3. 佢根本唔鍾意你. 可能性 20%. 世間咁多女人, 唔好以為個個都鍾意你先得.

    4. 條仆街講緊大話, 佢碌野已經膨漲到似神舟六號, 就黎要發射. 可能性 50%. 我好記得當年泡初戀, 在巴士上猶豫不決拖不拖她的時候, 成程巴士都扯住旗呀嫁. 那些純愛的日子, 拖一拖佢隻手, 又係扯足成日旗. 結果出親街就成支腳架咁行足一日, 你知唔知幾辛苦? 最慘係個陣我未識自瀆 (老實說我中四那個暑假看了直豎舞子 同 小澤圓 之後先識. 因為咁我估計我會考少左五六分, 差D 升唔到中六), 等左幾耐先有夢遺?

    5. 唔該你自己檢討下. 可能性高達99%. 如果一個男人主動話唔想同你上床, 你好大機會有臭狐. 唔好問點解上面D 機會率加埋唔係100; 要問不如問我同你點解無份投票選特首.

    不不不不, 世間真的可以有男人不鳩痕而看上別的女人, 不過地點多數係老人院. 而我相信大家是不會在老人院玩line開whatsapp的.

    但因為鳩痕而泡女, 不等同上了床還要繼續鳩痕. 一直鳩痕既男人, 通常是年少氣盛那些. 他們即使有了(很多)女友, 射了精, 腦還是想著別的女生. 無論怎樣, 他們的腦海也只有射精. 很多男人是經過上床, 發覺原來這女生幾好 (或者有幾唔好), 接著產生愛情, 產生許多無謂事情, 例如送花送戒指, 最後結婚產子. 然後大概十多廿年後接近退休時離婚 - 那是後話了.

    最後我想講, 情人節呢個主題, 不會再寫了. 我討厭興趣變成壓力. 寫作從來就應該同拍拖一樣, 若開心便繼續; 不開心便分開. 我與情人節這個主題, 是時候要分開了.

    希望大家身體健康, 工作愉快, 世界和平. 完.

January 30, 2012

  • <女子組合的起與落>

    話說用左成個月糧, 睇完少女時代演唱會.

    睇完, 開心完, 但有個問題好困擾我成個月 (雖然演唱會只係完左兩星期) :

    究竟少女時代仲可以玩幾耐?

    好些人會立刻跳出來說 : 永遠大紅大紫咧. 如果你答案係咁, 唔好再睇落去, 我建議你去 youtube 睇返呢條片, 繼續J 落去算. 作為一個男人, 第一次睇真係幾難忍得住唔扯旗. 你相信永恒? 十年後 Yoona 32 歲, 仲可以叫少女時代?

    因為無聊, 我根據維基一些資料, 找出1990年後國際有名女子組合資料 :

    (xanga 後備圖)

    解說一下.


    The Group

    這裏只揀了女子組合 (girls group), 不包括主要走創作路線的女子樂團 (girls band). 女子組合以行行企企的成員為骨幹 - 通常有幾份姿色, 偶爾會加一兩個能唱能跳既成員 - 通常其醜無比, 就算識作曲作詞就算識都係一支起兩首止. 例如 Speed 明顯地上原多香子就係食飯兩味, 島袋寬子 就係擔擔抬抬. 未有時間 (亦唔打算花時間) 去仔細研究每一隊, 但大部份組合既方程式都係咁. 唯一例外既係 Twins. 兩個長期行行企企, 香港果然係一個充滿奇蹟既地方…屌你呢d 先叫獅子山精神.

    再唔明組合 同 樂團 既分別, 老實講你咁撚蠢, 唔好睇落去 - 即係 草蜢 (組合) 同 Beyond (樂團) 既分別, 明冇?

    只選女子組合, 沒有挑男子組合 (如當年紅到真係痴線既 New Kids on the Board), 主要原因係我懶. 第二, 女子組合, 主要係賣樣, 賣外表 而 女子樂團可以賣埋 才華, 市場與客源不同, 可以不理.

    而女子組合, 我又只挑了較受歡迎的 4 隊 (Spice Girls, Atomic Kitten, All Saints, TLC - 以銷量計算) 同 亞太區較紅的3隊 (Speed, Twins, S.H.E. – 後兩者只是大中華區較受歡迎).  不在列表上, 但又值得一提的有 t.A.T.u (俄羅斯; 當年維港巨星匯有搵佢地, 黎完之後一沉不起), Morning Musume (Morning 娘, 由頭到尾我唔覺得佢地紅), Bananarama (早年既美國女子組合).

    事實上, 甚少女子組合可以紅遍全世界. 雖然上面有7隊, 但嚴格來說只有 Spice Girls 可以做到在各個洲份都紅起來. 而將 Twins 同 Spice Girls 放係同一個列表, 簡直係侮辱左人類. Twins 個兩個歌手, 十年黎無進步過, 其實係件好難得既事 – 阿 Sa 講野仍然係好似咬住咀唇, 語氣係低低能能, 阿Gill 經過08年陳冠希事件後仍以玉女形象示人; 佢地連成名既側手翻都失手… 真係達爾文在生都俾佢地激撚死.

    不過, Twins/Speed/S.H.E. 同 少女時代/AKB48 都係亞洲市場既組合, 應該有一定參考價值. 因此, 儘管我將所有組合放埋一齊, 大家未必要將 少女時代/AKB48 同 過往既女子組合 睇齊. 純粹開心下就好.

    還有一點, Spice Girls, Atomic Kitten, All Saints 三組皆為英國組合, 一齊係1990-2000年打個你死我活 (雖然佢地並非完全overlap). 我比較肯定的是, 競爭有助質素提升. 正如90年代頭的NBA 競爭最激烈, 那時候的NBA 最好看; 然後到98-02幾乎是個黑暗期… 而香港樂壇最好看, 就是90年代譚詠麟+張國榮+四大天皇 (仆街, 呢個名幾撚老土!!!) 的年代. 那個時代競爭最激烈,人材濟濟 - 1990-1998年間無人能同時有最受歡迎男歌星/亞太區男歌星/金曲金獎兩樣 (cf. 林峰先生); 李克勤, 許志安, 關淑怡 與 彭玲 也不過是二線頭的角色. 這也是為什么當年一些並非一線的歌星今天復出仍有大量觀眾 - 今天競爭太弱了. 男的只有一個陳奕迅, 女的也不過是容祖兒與謝安琪; 也不夠台灣的爭. 你不喜歡也好, 你一定識唱每天愛你多一些/分手總要在雨天/祇想一生跟你走/那有一天不想你/離開以後/情深說話未曾講. 不計林先生的 chok, 你答得出 男人信什么 是誰唱的嗎?

    那是2010年金曲金獎的歌曲.

    Number of members/ Age of members at debut

    大部分女子組合都係3至4個人. 原因, 女人好麻煩; 在夠吸引力既情況下, 越少女成員越好. 你睇下淨係謝安琪一個都咁多是非... 所以少女時代 (9個) 同 AKB48 (佢話就話48個, 但計埋後備應該有60個. 如果計埋其他分支多過解放軍.) 出道五六年, 居然無乜不和新聞, 真係奇怪.

    佢地出道既時候, 成員都在18-21歲呢個身材同樣貌都屬於一等一既年紀. 只有變態國家日本, 先會接受到小妹妹上台唱歌 – 島袋寬子以speed 成員出道時只有12歲. 仆街真係毛都未生齊… This tells you something about the preference of male.

    Peak

    Spice Girls 同Speed 幾乎一出道就紅到仆街, 2年紅爆, 4年就散band; 其他組合用3-5年時間到達頂峰. 如果你將3-5年加上 少女時代 (2007年出道), 佢地應該係 2010-2012 年最紅.

    即係話, 少女時代今年會最紅, 亦都只不過紅埋今年. 之後隨著個人樣貌同質素下降, 再加一兩單離隊合約問題 (幾乎肯定出現), 之後就無以為繼.

    而 AKB48 (2005年出道), 以組合計, 佢地既頂峰已經過左 (2010年). 不過, 究竟乜野係 AKB48? 去左拍AV 個個中西里菜, 可唔可以叫自己做 AKB48?

    Active years and first substantial break

    定義上黎講, 過左頂峰就會走下坡.

    呢句係廢話.

    你會問, 點解會走下坡? 點解唔可以一直保持係頂峰?

    Bill Russell (波士頓塞爾特人名宿, 曾拿11次NBA 冠軍) 在其自傳有以下的一段

    “It's much harder to keep a championship than to win one.

    After you've won once, some of the key figures are likely to grow dissatisfied with the role they play, so it's harder to keep the team focused on doing what it takes to win. Also, you've already done it, so you can't rely on the same drive that makes people climb mountains for the first time; winning isn't new anymore.

    There's a temptation to believe that the last championship will somehow win the next one automatically. You have to keep going out there game after game. Besides, you're getting older, and less willing to put up with aggravation and pain... When you find someone who has the motivation to overrule that increasing pain and aggravation, you have a champion.”

    Bill Simmons 叫這 Curse of Winning : 大家都以為成功是靠自己. 當你作為組合好紅好紅, 成員就會以為成績係依靠個人. 即係咁講, 唱片賣到一百張, 4個成員個個以為有三十張係自己既支持者買既…但呢條數計唔可能出現.

    更重係, 呢一百張唱片並唔係4個人 “個別” 吸引力加埋既成果. 如果佢地以個人出碟, 每人可能只係賣到15張. 餘下個40張, 其實係佢地作為團體, 作為組合既成果.

    但當你係頂峰, 引誘多 (錢女人男人花天酒地), 大地在你腳下, 國計掌於手中, 你唔會咁諗. 尤其當你踏入26-28歲 (出道後5-10年), 開始人老珠黃, 開始要為自己打算, once there is a break or a crack there is no way you can bury it. 尤其是女人, 更加麻煩. 又或者你發覺組合走下坡, 你更想獨立發展, 留條生路; 越咁諗, 組合更走下坡, 周而復始. 呢個時候就會有不和, 離隊, 拆伙既傳聞. 最終變成解散既事實. 大部份女子組合都會有一個重要分裂, 令團隊無法再以原班人馬繼續 (短暫或長期), 或隨後有新成員加入. 苟然殘存的組合, 大多都無乜所為.

    我沒有實際數據, 但上述理論成立的話, 樂團組合拆伙既機會就遠比組合低得多 – 因為成員都 “知道” 自己在組合的位置, 高估自己實力既情況應該較少見. 而男子組合既壽命亦會較女子組合長.

    事實上, 7隊女子組合中有4隊解散過, 一是鬧交不和 – 話左女人麻煩 (All Saints 仲搞野. 聞說佢地係飛機爭一件 jacket 著最後散band.), 一是 人類自自私私要有家庭要生仔要有個人發展  (Spice Girls, Atomic Kitten, Speed). 不是有四個成員, 每人的平均貢獻是1/4, 有很多東西要靠團隊才發揮出來 - 這是女子組合最令人悲傷的事. 分拆後, 個別發展既成員, 成就遠比不上組合既成就既 1/N (N 等於成員數目) - 除左 Victor Beckham, 佢一生最大既成就就係嫁左碧含. 呢點大家都無異議. 呢個大過世界上99%女人既成就 (係英國計應該淨係輸俾英女皇, 死左既戴安娜 同埋 凱蒂).

    總括來說, 女子組合既活躍壽命最多11年, 之後都係似植物人咁名存實亡 (除非你覺得Twins 仲好活躍). 大時大節, 春秋二祭或者結婚周年紀念, 佢地就會出黎復出唱下歌咁. 不過個陣時大部分成員都變到師奶, 個條車胎大到, 個樣老撚到… 今時今日個Victoria 俾你屌你仲屌唔屌? 所以乜野少女時代, 有得睇好睇埋呢兩年...

January 22, 2012

  • <生活 . 鳩o翕 - 新春少女時代版>

    說好以後 生活 . 鳩o翕 會在面書上公布.

    這裏是連結.

    是少女時代在香港演唱會的相, 當然還有 caption. 在面書貼相, caption 才是精髓所在. 這點我還是很賣力的...

    放在面書是因為 xanga 的圖片功能太過強大, upload 一張大點的相都唔得. 食撚屎拉你.

    先放一張囡囡來引你班麻甩佬.

    要看可以先add 我.

January 7, 2012

  • <人不能無恥到這樣>

    以下是泛民特首候選人網頁中, 馮檢基 與 何俊仁 的自我簡介.

    馮檢基 :

    爭取雙普選，取消功能組別

    何俊仁 :

    香港回歸15年最重大的社會矛盾，是未能建立一個民主普選的政制，讓社會衝突，民意沸騰，這是必須立即解決的政治議題

    你可以不喜歡黃毓民陳偉業長毛 (反正很多人根本不喜歡他們咧), 但在我所知他們在立法會投票中言行一致.

    何俊仁 與 馮檢基 這兩人, 口中支持民主, 雙普選, 取消功能組別, 卻在 2010年支持一個保留功能組別 與 小圈子選舉的政改方案.

    人不能無恥到這樣.

    這篇文章未來我會引用引用再引用, 讓世人知道這兩個人如何的無恥.

    另外, 聽日那個泛民初選, 有得投棄權票. 我一定會投棄權票. 各位可以想想是否要以行動來發表你對兩件垃圾的意向.

    投票地址在這.