由於 xanga 成為了與友人之間的溝通橋樑最終還是留下了數隻字可是近排數口不太精所以 "隻" 可能是火星的度量行單位

今年收到了很意外的驚喜由 KC 送來的傳說中 64 號 (有關 entry) 到 AW 的老麥 18 年北京填鴨再黎 SY 的老麥 18 年還有老姊與大表弟的唐老鴨手錶再一大班中學同學去 BARN III 酩酊大醉接著還有自己的唐老鴨食錢獸加上自僱 J與阿陳的 MSN最後還有 LW 於 FACEBOOK 的留言原本寫了很多字但結果也沒有 publish 出來因為我覺得有些東西太過露骨就不好也令人太難為情

然後我最想還是要多謝我媽媽不但讓我經常有湯喝然而若非廿八年前她生了我世間上不會有多一個人叫她媽可是她還是會給我用軟泥泥的綿花棒

最後大家能忍受沒有標點符號看完又看我就送逗逗大家笑送上勁 out 題目一篇好讓大家在懷念我的同時也在辦公室會笑一笑開首時想提醒大家文很長然而我就知道無論這文有幾長大家也會把它讀完因為我實在很久沒有寫作了就像姣婆果然係守唔到寡也正如屎係一定忍唔到要屙

***********************

<假如...我是女生>

最近在想 (我知道好多篇文已經用左 "最近在想" 等字眼), 如果可以揀, 我會揀做男人定女人.

呢個問題, 老實說, 比起 "潛水怕屈機" 來得有意義, 也來得直接. btw, 究竟什么叫 "潛水怕屈機"? "潛水" "怕" "屈機" 分開我都知點解, 但拍埋一齊, 就好似共產黨d 中文咁, 完全令人摸不著頭腦. 可幸我出世出得早, 後生個陣火氣大 (鍋氣也夠), 肯定會一手將試卷撕開兩邊 - 佢仲好意思考試收我錢?

去返正題. 我想, 我還是會揀做男人. 皆因我怕做女人會蝕底, 更怕做左女人連蝕底既機會都冇 - 即係點都死. 但如果生個女, 求神拜佛都要佢靚女, 仲要身材越出眾越好. Don't be hypocratic - we all know 靚女在世界有著數. 屌, 生仔生女都想佢讀書好拉, 唔通你想生個乞兒出黎咩?

但如果...我真的是女生... (當然唔係佢咁既樣)

學業篇

肯定醜得沒有男朋友

小學時會讀男女校 (唔係無機會接觸男人, 然後以為世界只得老爸一個男人; 就像英國人到逹澳洲之前, 以為只有白色的天鵝一樣. 鎖你, 又多左廢話)

中學上家政課時肯定十分用心 (我經常認為我煮東西十分好吃 - 儘管我已三年沒有進入家中的廚房)

會是個愛哭, 眼淺的女生

為求方便, 會把校服裙摺得短無可短

也會選文科

大概會選修歷史或文學

會懂得以家政, 美術, 音樂科來拉高平均分

會與送我朱古力的男生 (if any) 斷交

成長篇

也會不剃鬍鬚 (畢竟可愛教主當年拍流星花園時也是一咀鬍鬚... 噢... 那些叫汗毛嗎?)

小時候會被姐姐折磨多一千倍

傳統的老爸不會這么疼我

媽不會把家中的文曲星位放置書桌

肯定不用減肥

大概也會喜歡林嘉欣 (but not 薜凱琪)

肯定討厭陳法拉

也會無端端抽起烟

性格也會一樣的孤癖

情緒也更大上大落

更婆媽

肯定更想做男人

會在手臂紋著情人的名字 (像尊尼普特刻上 "Forever Winona"), 然後後悔好幾年

婚姻篇

同樣地不相信婚姻

不幸地結了婚而且有兒子的話, 不會叫他飲湯

也不會買軟泥泥的綿花棒給兒子用

也不會只看亞視

肯定會很快離婚

***********************

而當太陽隊又一次俾仆街的馬刺踢撚左出局小牛又唔夠 CP3 揪魔術睇黎又好快出局跟住落黎到塞爾特人力盡唔夠克利夫蘭占士隊打跟住乞人憎既高比拜恩又拎總冠軍就令對局勢懶係全盤掌握既我對 NBA 再提不起半點興趣對人生也像提不起半點興趣對任何東西對世界一切也沒有興趣... 但原本說要支持友人把以下的圖貼好一直也沒有機會但可惜的是我也以為橙色就是藏獨...

但其實我又不知道假若是否有了人權是否就可以有奧運... 我只知道人的慾望是無求無盡有了人權就像要平反六四; 平反了六四就要為文化大革命開棺; 開了棺想有最低工資; 有了最低工資又要解決全球暖化; 什么也有了就像自己的女友每次也要貞操 (???) 但起碼一個國家連半點政治智慧也沒有就已經可以一個人食三萬噸蕉.

很多人每天也幹著以為很有意義的事情. 他們看聖火時的亢奮令我以為, 若聖火沒有到過香港, 若搞奧運的不是偉大的我國, 他們的一生就是白過了. 也別計曾金利來主席真心地想傳聖火 - 老實說120多人中他肯定是最真心最為國而感到光榮的那個人 (好些人連飛機都搭唔切返黎, 簡直貽笑大方)

而當我看到大部份香港人已經被我國成功統戰, 心繫鳩國個一套入腦入骨入髓入型入格入公廁, 就更令我感到香港已經玩 X 完...和沒有希望. 若然要等陳太等民主黨等民粹公民黨為我們爭取民主你還要希望陳太有四千歲命等大陸再黎一次六四等香港再黎一次沙士.

世上就沒有免費午餐, 你去投票付出了腳骨力, 回報就只有腳骨力那么多, 計一計就等於爭取到你街口既紅綠燈延長兩秒咁大撚把, 但其實種瓜得瓜是很合理的事... 於是乎, 我就覺得香港像 NBA, 也像全球暖化一樣...沒有半點希望...

<-2008>



是的... 是時候離開了.


寫 blog, 是為了 dum 自己開心一下. 但當這個地方本身就讓我感到討厭的時候, 我強烈地感到, 這也是別離之時. 很想可以就永遠不更新這個網頁, 像現實世界中許多身邊的人, 突然消失於世界上. 但還是忍不了手, 忍不住寫了這文章.


家中的電腦前幾天壞了, 好讓我可以思考一些事情. 一些一直不想思考的事情.


什么是青春呢? (後面 : 有人開始胡言亂論了~~) 那大概是可以不計較後果去做任何的事情. 想做便去做, 努力地不負責任; 然後受傷, 再起來, 盡情地胡作非為; 然後受傷, 再起來. 直到一天, 我們變乖了, 學乖了. 開始計算, 開始走往自己最輕視的一條路去了.


近兩個月來, 發然自己超能力... (後面 : 精神仲開始錯亂了.) 在望著朋友的時候, 腦海有時會閃出他/她四十歲以後的樣貌, 在那半秒, 我彷佛能看到他/她以後的遭遇. 不單是別人, 我有時也會預見自己的未來.


這個有點複雜. 當半年九個月前最後一次與 EY 一起, 說的那番話, 我事情已經排練了十數次. 而劇本的結局, 我是知道的... 可惜結局比我想像中完結得更早. 袖手旁觀, 乏力地看著故事沿劇本進行, 我就是那么仆街地一次又一次讓別人受傷.


然後, 最近發生的一切, 令我更討厭自己. 當 SY 一次又一次談論起那人, 我卻沒有說出我對那人的好感. 沒有說, 但我腦海的而且確浮起過, 這個最糟的結局. 但我又一次乏力地讓事情發展到這地步.


更令我討厭的是, 今天我傷害人的過桯, 就與當初給人傷害的, 一模一樣. 做了自己最討厭的事來, 就是讓我自己也不能面對的原因. 我討厭傷害別人, 我討厭討厭自己. 


一次又一次 (後面 : 你呢篇文已經出現了很多一次又一次) 讓身邊的人受傷, 那隻在腦海刺蝟就更加揮之不去.


很想好好地整理上述的文字, 也不夠煽情... 但既然是最後, 寫得不好, 我是可以原諒自己的.


我在這裏留下了許多回憶, good or bad, hilarious or serious. 若然可以在盤古初開時再揀, 我還是會這樣寫, 建立起這個 xanga. 但可以再揀, 我仍然會按著劇本去做, 於是乎仍會依舊傷害了別人...這就是讓我惱恨的地方... 很想按幾個掣然後 shut down 便算, 但一直沒有好好把文章 achieve, 而 xanga 要 archive 又要科水; 這么一來科水升級後便 shut down xanga, 說不過去, 也有點戇鳩. 但人生根本是件戇鳩的事...


或許有一天我會回來 (後面 : ...又為自己食言諗定後路), 但我知道這不會是短時間內的事. 好些傷口, 我搞了年多也沒有撫平好. 就像虎口切開了的話, 傷口很難痊癒 - 每當你以為已經埋口之際, 一夥小石頭又會令你虎口再度留血.


而當我覺得是回來的時候, 我一定會比現在強大... 及堅強.


自瀆完, 也要多謝一下讀者...若然你戇鳩地一直看這個 blog, 我真的想衷心的說


"多謝你這三年一直陪伴著我."


很熟面口吧... 這究竟是道歉還是什么...


有很多人想多謝 (其實沒有誰不想多謝), 但又怕少了誰誰會不高興... 於是乎, 我只好多謝那些一直沒有 xanga, 但又肯打我那水蛇春 username 的讀者 (後面 : ...好像有 bookmark 這回事吧). 雖然說寫 blog 是 dum 自己開心, 沒有人看的話, 是寫不了這么久... 當然還多謝阿媽, 讓我有機會在這裏 "遇見" 大家... 還有機會飲湯... 到最後是多謝偶爾會出現 "後面"...


也想了一會兒 (i.e. 2-3 秒) 開不開放留言, 最後還是給大家一個機會讓公眾憑弔吧...


希望大家不幸地想起我時, 就像朋友們聚會時想起已故的友人一樣, 說句 :


呀... 那傢伙嗎... 真可惜呢...


******


假使有天 過去能再現重頭停留在某一節
但願能彌補 你決別那段對你痛哭多一遍

多一次纏綿 令你發現我在顫抖
如求你可憐 拖到目前

無奈我那天 一個轉身不哭泣不乞討
張望著寂寞長路或會比當天更好

無奈這天 方知你最好因始終得不到
若日後又重遇定對你更好

即使這天 再暢談往事仍然難明白我心意
但願能彌補 趁你還注視要你再講多一次

多一句諾言 令你告別以後某天
和情侶癡纏 不太自然

無奈我那天 一個轉身不哭泣不乞討
張望著寂寞長路或會比當天更好

無奈這天 方知你最好因始終得不到
若日後又重遇定對你更好

即使這天　再暢談往事　仍然難明白我心意
但願能彌補　趁你還注視　要你再講多一次
多一句諾言　令你告別以後某天
和情侶痴纏　不太自然

無奈我那天 一個轉身不哭泣不乞討
張望著寂寞長路或會比當天更好

無奈這天 方知你最好因始終得不到
若日後又重遇定對你更好



******


呀... 那傢伙嗎... 真可惜呢...

<反智>

我, 係唔食朱古力既.

我是說真的, 我不吃朱古力. 是圓的, 方的, 與百力支拌在一起的, 甜的, 有酒心的, COVA 的, 吉伯利的, 我也不吃.

朋友, 同學, 同事開首時不知道, 常常請我吃朱古力. 我也會笑笑口到回應 : 我唔食朱古力既.

對方很多時也會露出見到外星人既眼神, Mary 既口型, 然後大叫 : 乜咁好食既野你都唔食~~~

遇到相熟一點 (但偏偏不知道我不吃朱古力的), 我會告訴他/她, 我覺得朱古力d 味好似屎.

當然, 我無食過屎 (但成日屙飯 - 我老姊如是說). 但好細個個陣, 已經覺得黑色或者接近黑色既食物, d 味都似屎. 而我怕食屎 (重申 : 我無食過屎), 所以小時候什么芝麻糊, 麻容包, 朱古力, 涼茶, 龜苓膏, 也不會吃 - 除了會飲可樂. 長大了好一點點, 會吃芝麻糊, 但對於朱古力, 仍存有那種強烈似屎既感覺. 可惜就算是白色朱古力, 我也不會吃.

口味, 不需要講原因. 點解我覺得朱古力似屎? 阿差知. 但好幾個事件, 令我更認為朱古力味道似屎.

當年我廿歲生日, 係麥當奴搞生日會 (這個生日會, 有機會再談). 切蛋糕. 友人竟然買來黑森林蛋糕~~~ 一見到個蛋糕, 全場像悼念 911 事件咁, 鴉雀無聲, 成個場變到靈堂咁靜. 我諗, 全場只有那位麥當奴姐姐及負責買蛋糕的友人, 不知道我不吃朱古力類食品.

當然, 我也沒有什么 - 我不喜歡吃, 其他人愛吃使成. 大伙兒輪完大米, 我也吃了一口, 感覺... 嗯, 似食屎.

以前的女友, 很多也喜歡吃朱古力 - 我沒怎么遇到不愛吃朱古力的女孩. 一告訴她們我不吃, 第一句是 "搞錯", 第二句已是 "好野", 第三句就係 "你愛我就食一粒朱古力" (最後一句係講笑). 試過讀書時候無錢搞呢搞路 (其實根本無試過有錢搞呢搞路), 我試係女友面前食一舊朱古力當係生日禮物. 感覺... 嗯, 當然都似食屎.

好多時會俾人問點解覺得朱古力似屎. 其實...

其實...

其實...

其實...

其實...

其實...

其實...

我真係唔知.

口味既野, 係咁就係咁. 知道左咁又點? 再者, 我覺得似屎o者, 你覺得唔似, 仲認為好食過築地既海膽, 加拿大既三文魚, 北角既雞蛋仔, 無乜所謂. 你咪繼續開開心心咁食.

有時我會撫心自問點解d 人吃屎. 得出黎既結論係, 當個d 人好唔開心個陣, 食一舊屎, 感覺到原來塵世間仲有咁苦既事件, 相比之下, 個人就會開心返. 又或者, 好多人都有自毁傾向 (d 乜野研究成日話有七成香港人有病), 食味道似屎既朱古力就係最佳症狀.

當然, 好多人其實認為食屎... 呀唔係, 係食朱古力個陣, 覺得好好味. 咁... 你咪繼續食.

我又唔係我阿媽... 成口叫我飲多 d 湯, 仲話我一定覺得d 湯好好飲... 唉... 又要飲湯... 成日返去都飲湯... 我係為左飲碗湯而成為我阿媽個仔... (下刪一億字)

也曾經試過最搞笑的一次, 是飯局上有人提議舉手投票, 看看讚成與否我那個 "朱古力味道係屎" 既評語. 當然, 是友人純粹搞笑. 點知真係有人附和... 仲要唔少. 究竟是真心膠還是假膠, 我不知道. 總之, 我覺得難吃, 便不要吃好了. 我也不會叫人不去吃朱古力.

口味這東西, 只需要向自己交待. 即使有一億人 (甚至一千億人) 覺得梵高的畫意境高, 李白的詩味道夠, 曹格的歌力度夠, 倉井的奶口感佳 (對不起, 最後還是忍不住鳩o翕了), 你是個被沙加用天舞寶輪奪去了五感的文盲, 覺得不好, 就是不好. 這是沒有甚么好說的.

看似簡單的道理, 其實真的很難明白... 不然的話... 就不會不斷有人係問我覺得朱古力似屎既原因....

又, 好波不妨一睇再睇.

<又到終結時>

(1) 經過三個月, 恒指終於跌完咧~~~ 係第一季已經跌夠咧~~ 因為第一季已經完~~ 無得再係第一季跌咧! 太好咧!

四個字 : 屍橫遍野!

睇下圖最右個行. 恒指三個月跌左 17.7% 即係你上年年尾有 20% 利潤, 一季後仍要蝕錢! 太恐佈咧.

古語有云, 升得快, 跌得更快..

- 越南跌左 45% (記住係三個月). 唔好問個d 究竟係乜股票, 可以跌咁多. 買左既人都唔知拉, 何況無買?

- 大陸跌左 21% - 31% (A 股指數有點不同. 是但拉)

- 台灣炒大選, 大中華得佢升 (馬英九好野~ 但之前年年 underperform 到九彩)

(2) 係開始之先 (咁上面個d 係乜?), 首先送出堅料一單 :

候任世界銀行高級副行長兼首席經濟學家林毅夫表示，他贊成暫緩推行港股直通車。

轉載自明報

嘩哈哈哈哈哈, 若果你記性好, 記得 Impossible Trinity 係乜 (唔係搞笑個個, 係 Alan Walters 原本個個), 一個國家只可以係以下三樣野揀兩樣 :

貨幣政策;
貨幣自由兌換;
資本流控制 (capital control)

我國國力強盛, 自主的貨幣政策, 要定你; 若有貨幣自由兌換 (即如林毅夫所言), 必須同時放棄資本流控制...

但無資本流控制.. 使叫港股直通車? d 錢自己搭火箭去火星都得拉. 到時度度都直通, 阿爺對我地既愛護及寵幸去左邊? 林毅夫係咪即係曲線叫我地唔好再心存幻想港交所可以上返 $268.6 既歷史高位?

(3) 講起港交所, 一起睇下佢係第一季既表現. 又係四個字, 慘不忍睹.

一季無左 40% 呀, 陰公. 一手由 11 萬 得返 6 萬幾, 你話唔蝕入肉... 最慘都仲係納稅人! 以港府上年入市價每股 $154 計, 我地就咁就無左 4 億 (七百萬人每人 $500). 唉, 難為我地每個電費戶口都係得 $1800, 一家四口都蝕唔止呢個數...

(4) 講起慘, 都未夠呢隻九龍紙業慘. 四個字 : 修橋補路無屍駭...

一季無左 66%!!!! 嘩, 我係九龍紙業既股東, 真係媽聲四起呀. 即刻整返隻香港紙業搵錢呀 (係呀, 我知, 係玖龍紙業嘛). 原本為佢跌到夠拉, 點知 3/14 一出業績, 又再跌 40%. 認真低處未處低, 一山還有一山低...

(5) 真正既騙局, 係隻叫 中石油 既股票. 你以為石油股同油價有密切關係... you are correct, until recently.

深色個條係石油期貨, 淺色個條係 857. 你睇好石油, 但無得直接買; 睇返歷史, 857 同佢郁得好貼, 跟住... 跟住咪好似我咁一手蟹貨.

自從 07年 12 月, 兩條線就好似分開左既戀人咁, 再見不是朋友之餘, 仲要越走越遠.... 喂~~~ 返黎呀~~~ 記住寫信俾我呀~~~ 我會好掛住你呀~~

(5) 係一遍屍駭中, 終於俾我重拾一點自信 (及雄風) - 匯豐教開始有回歸的痕跡了. 今季... 佢終於 outperform 恒指 (但都係跌...)

利益申報, 我有 5 號 同 857 號; 亦有盈富, 所以間接持有 388.

(6) 你唔知盈富係乜? 你仲想睇完上面問我拎貼士? 有d 錢真係要俾人賺嫁. 自己搵個理財顧問問下拉...

(7) 如果你夠串, 識得買 2809, 上一季眾人皆死你獨勝.

(圖來自 bloomberg)

<Um...>

I know EXACTLY what you guys are thinking when reading below...

林 嘉 欣 心 急 結 婚 生 仔

林 嘉 欣 昨 日 以 頒 獎 嘉 賓 身 份 ， 到 荃 灣 出 席 聯 合 國 兒 童 基 金 舉 辦 的 「 小 畫 家 大 夢 想 繪 
畫 比 賽 頒 獎 禮 」 ， 嘉 欣 獲 十 多 名 得 獎 小 朋 友 獻 吻 ， 開 心 不 已 ， 問 她 會 否 希 望 快 些 結 
婚 生 子 ， 她 說 ： 「 我 都 幾 恨 ， 因 為 身 邊 朋 友 好 多 都 已 經 結 婚 生 仔 ， 不 過 都 要 搵 到 對 
象 先 。 」

轉載自蘋果日報

<無聊數拍>

(24/3 加了艾住仁老兄提供的唐老鴨照片...)

差一點點就有周杰倫的愛... 或者你站在牌前面叫十次周杰倫... 可能會有魚蛋粉食.

以前返工日日望住佢. 而家少見好多... 就連其他人都好少見. 佢屌鳩我, 我真係會咀落去 (詳見之前 entry 的 留言)

某故事的背景茶餐廳. 前陣子放魚片的那個位是整煲仔飯的...

同場加映 : 新的唐老鴨

唐老鴨雨衣. 另一套送左俾表妹, 我試過著 (當然無影相, 你咪當我係痴既先得...), 超型. 頂帽係唐老鴨...

唐老鴨鏡. 購於太源街.

呢個堅. 據聞係相角 - 即係用係相片四個角既相角. 友人購於台灣.

特別感謝 : 艾住仁...

唐老鴨在大陸公廁..

這個蠻強的.

相簿 Donald Duck Collection

<你這樣恨我>

我成日都講, 旺角係世界上最偉大既地方. You can just get everything from it. 日本CD 行山用品相機少女服裝二三四手名牌手袋三仔四仔狗仔貓仔魚蛋牛丸波鞋五舊水一套西裝成人情趣用品你講得出既, 旺角肯定有得賣.

一個城市, 缺乏人係成唔到事 (開始出現拯救城市式偉大對白). 今日旺角一行, 的確獲益良多.

這個現象, 我發現了一段日子, 但想不出合理解釋來 :

我發現好多男人幫女人拎手袋.

指名係手袋, 就係個d 個款不能夠再女人既手袋 - 包括鮮紅色 PV 膠反光手袋; LV A4 除4 (即係 A1) Size 既小手袋; 或者是 agnes b 真皮手袋. 男士明明有一個背囊, 或者一個黑色公事包, 膊頭度硬係要整多個女人手袋.

橫看豎看, 女的也不像殘疾人士, 要人幫佢咩手袋 (再且, 咩唔到買黎做乜? 咪即係生乳癌既女人買隆胸機俾男人用?); 個袋得豆腐膶咁大 (可能我理解能力有問題. 我唔知點解用黃豆整既豆腐會有膶 - 乜唔係內臟黎嫁咩?), 無乜可能有d 金條或者 2kg 以上既物件係裏面 (一張A4 係重就係重, 衫就幾重都唔係重). 而我所見既例子, 都係男女平排行, 唔係女既係 H&M 喪拼中, 男人要顯示o者徒民風度 (此o者, 不同彼o者), 要幫女人拎一陣.

因此從物理學上, 我已經解釋唔到.

屌, 人地鍾意, 你邊恨得咁撚多? 當然, 人地鍾意, 邊論到其他閒雜人等閒話家常, 阿芝阿佐? 我並唔係話呢d 人做法有問題 - 呢個世界只得現象, 問題係人諗出黎. 我只不過係好奇, 點解呢班男人可以忍受到自己膊頭度有一個女人手袋, 然後仲要若無其事係朗豪坊大搖大擺咁行, 其間仲要談笑風生,   悠然自得? 佢地咁從容, 係咪顯示左關公當年捉棋刮骨療傷, 其實沒啥大不了? 而全球暖化都只不過係危言聳聽?

若果係自然反應, 見到女人拎住野就要幫手... 咁你唔著理佢對三吋半高頭零踭高踭鞋 - 我試過搵對好大既高踭鞋著過 (當然係人地屋企, 無街外人見到), 屌... 個d 鞋邊係人著嫁, 辛苦過踩高轎; 又或者搵兩支針拮爆佢對波, 然佢負荷冇咁重? 然後自己戴個 wonder bra?

係愛? 係男人為左貪戀 LV 既虛榮? 究竟點解? 我又想了很久很久. 叮你個叮叮, 我終於諗到咧...

其實係條女好憎自己條仔, 所以借d 意叫佢拎住個女人手袋, 等佢俾街外人恥笑; 而旺角咁受歡迎, 要撞到熟人, 易過問邦民借錢, 跟住豬朋狗友就會笑佢幫人抏鞋... 你真係咁憎佢, 所以要咁樣冼佢一鑊?

之不過你咁憎佢, 仲要同佢一齊, 咁其實你都好憎自己下...

面係人地俾. 但那星呢d 野真係要自己丟. 下午四點, 旺角彌敦道信和附近馬會, 極能地帶遊戲機中心對出 (極能地帶. 當年笑左呢個名好耐).

一個年約三十五既女士, 一言不發, 紥定硬馬, 目露凶光, 怒視對面男人.

呢d 事情, 去親旺角都見到. 但作為典型既香港人 (又為自己找借口), 我都唔會放過食住花生等睇戲既機會. 望一望被怒啤既男人, 成六呎高, 少金毛半長不長頭髮, 雖然面如死灰, 但難掩佢心底既凶神惡剎, 似 MK, 更似社團中人.

二人就似銅鑼灣東角道法輪功表演共產黨血取內臟, 動也不動. 旺角人潮來來往往, 然而係愛河遇溺中既兩人, 毫不動搖. 暴風雨既前夕, 特別平靜; 就好似高潮後既黑夜, 特別漫長 (好像太多廢話了吧). 我此時抽出一支香煙, 準備看六國大封相. 點煙時才發覺, 身邊不乏同道中人, 一同用眼角看著事態的最新發展... 當然, 大家也在扮等車...

良久 (當我支純萬吸到一半既時候), 女人開始連聲發炮, 話個男人成日都係咁. "咁" 係乜, 我企得太遠 (好位晨早俾人企左), 而且個女個背向我, 乜Q 都聽唔到. 鬧呀鬧, 個女既一路媽, 個男既都只係望住佢, 一言不發; 個男既越沉默, 個女既越火滾. 我正想離去之際, 搞笑既事情發生了...

個對男女就好似黃子華係新伊館開四面台一樣, 為左照顧各方既觀眾, 竟然來個移形換影, 變成男既背向我, 個女既面對我.... 然後繼續鬧落去!!

嘩哈哈哈哈哈哈. 我的天呀!! 我幾辛苦先忍得住笑!!

我再四圍望, 都唔見有電視台攝錄機偷拍... 跟住對男女又再作出 35度 (唔係古綿純) 右轉, 等大家睇得清楚D... 就好似紅館台中心個個旋轉地台咁... 嘩哈哈哈哈... 我終於忍唔住, 笑左出聲, 跟住拔足跑入信和, 過左成年先平伏到心情呀.

....跟住係旺角行左半日, 離開時又聽到另一對情侶係朗豪坊鬧交. 叫鬧交, 其實都係條女起晒勢咁炮轟個男既. 鬧交, 我覺得女人係有絕對及比較優勢的. 之不過, 旺角 (其實地球都唔係好大 - 當有一樣野叫 six degree of separation) 咁細, 萬一俾人見到, 你唔介意就好地地... 話說舊舖有一個笑話.

有同事行行下街, 聽到街角有個女人大聲鬧人. 個同事 (都係典型香港人) 就行過去八卦. 點知見到女人身邊既男伴, 頭耷耷, 眼濕濕; 再望一望個女, 發現原來係坐係隔離既女同事!! 跟住, 全銀河系都知到呢件事... 你話咁又何苦呢? 你咁憎你既愛人, 要係街邊落佢面; 你咁憎自己, 要係街邊顯示你硬朗 (巴辣 戇居 但 可愛) 的一面...

你地真係咁憎大家, 所以要咁樣冼自己一鑊?

咁落去, 究竟大家既日子會唔會好過?

出黎行 , 預左要還

<奴才>

字典旁的示範相片, 別無他選.

我幾乎肯定, 即使胡錦濤掏出軟綿綿既小錦濤, 我們的特首也會含鳩很耐. 這就是愛嘛.

相比起國家主席既從容不迫, 我們的特首只係像一個太監...

唔知道以為國家主席係山頂既蠟像. 除左角度不同, 主席個動作穩如泰山, 面不改容. 不愧係我國偉大的人物.

(相片來自 自瀆日報 人民日報)