<Photos of the week>

暑假完結, 近數天不斷收到友人的 photo album. 糟糕, 實在太美了. 美得白痴, 人間竟然還有藍色的水.

克羅地亞 (由 LVKY 所攝)

亞拉斯加 (由 kakakathy 提供)

瑞典 (由 友人 CL  提供)

另加 : 再後生, 再美...

也有不在狀態的時候 :

喂~~ 叫左你唔好淨係望住人地個屎忽~~

(轉載自蘋果日報)

<我敗鳥>

今天晚上, 回老媽家吃飯.

吃完飯, 不知為何四個台都亞視既電視, 竟然播起 <舞動全城>.

見到片頭曲有陳法利著緊身低胸衫, 諗住睇一陣.

點知...

遇到高鈞賢係海邊度自瀆三分鐘, 娓娓道來青馬大橋有 1377米, 比起三藩市既金門大橋的 1280.2 米更長 (重點係個 小數點, 好準!); 青馬大橋是全球最長的行車鐵路雙用吊橋, 所用既主纜長度足以環繞地球 4次...等云云

點解我會記得? 皆因高先生既對白同維基有關青馬大橋的內容一模一樣...

跟住高先生又繼續吹噓香港國際機場係全世界都貴既機場, 又有最大既客運大樓咁... 跟住好似上國民教育堂咁, 話香港乜 q 都有, 最好既野都係身邊, 要好好珍惜等云云...

然後徐子珊個個包包樣... 乜港姐冠軍都可以咁樣衰嫁. 大佬, 佢係選美冠軍, 唔以貌取人, 唔通用佢個把界乎佢痴唔痴脷根個把聲音咩...

我敗鳥.

還沒有等到陳法利夾胸出場, 我已經嘔鳥.

離開家裏. 走到街口上次買到千般愛的 VCD 店.

入去看了一會.

對, 為的是 <吳清源> 的 DVD. 好幾次到不同的 DVD 店找, 也只找到 VCD....

找
.
.
.
.
.
.
.
.
.
.
.
.
.
.
.
.
.
.
.
.
.
.
終於找到鳥. 是唯一一隻. $98

... 我想鳥很久很久很久, 時間像停頓了...

最終還是放下鳥...

我今天還沒有足夠的勇氣將碟放到收銀處...

我敗鳥...

今天, 我徹底的敗鳥...

若你曾經留過言, 請多等一會, 我會儲多點勇氣...

<童年>

警告 : 若你就快結婚, 或者o岩o岩結左婚. 睇落去可能令你對寢邊人反感. 但係你若果o岩o岩失戀或者離左婚, 睇落去可能拾回點點安慰.


不多, 只有點點.

我成日想研究小朋友學習的過程. 當然停留係諗既階段, 這同政府解決空氣污染, 同出一徹.

如何告訴他 1 的意思是 1? 菠蘿不是蘋果? 起身代表起身的動作? 我不知道. 我想, 就算經歷過無知的階段, 也不代表會知道. 曾問過女友, 究竟小朋友是怎樣知道 "1 是 1", 沒結果. 連教小朋友的人也不知道, 我想沒有太多人可以用三言兩語說個明白.

但我想, 一個人對世事的認知, 肯定與自身經驗有關. 根據wikipedia, 佛洛伊德說, 隨著人的發展階段, 人會固著於特定慾望客體, 即傳說中的口慾期, 肛門期, 陽具期.

對不起, 我唔撚明, 所以求撚期好了. 講佛洛伊德只係想自瀆一下, 順應一下潮流. 好, 入正題.

若有人問我, 家人對我最大的影響是什么, 我會答有二.

第一, 從屋企人身上, 我明白到世上唯一可以無條件對你好的, 永遠只有屋企人, 我界定為同你有血緣關係既人. 屋企人無我 xanga - 哼 (冷笑一聲), 你認為阿媽有我 xanga 的話, 還可以話佢睇亞視? 仲可以話佢好叫我飲湯? 別說笑了 - 所以我係唔使好似三級既女星咁隆胸黎取悅佢地, 我唔需求係度討好佢地.

家人可以無條件對你好, 我知道這不是一定對的. 若然將這番說話告訴我一些朋友同學, 倒是件諷刺的事. 好些家人借下巨債, 朋友還得像條狗一樣; 好些只當友人為提款機. 還有很多很多例子可以推翻我所說的. 但倒轉來說, 對於他們的家人來說, 朋友不就是可以無條件對你們好嗎?

無論如何, 我想說第一條的重點是, 屋企人並不包括伴侶, 不論是女友還是老婆. 這也是我想說的第二條.

爸戰時出世, 懂事開始已不知爹娘為何人. 所以我一向只有媽那邊的親戚, 阿伯阿叔個d 稱呼, 我到今天都未搞清楚邊個係邊個, 皆因識左都無得叫. 更重要的是, 從很小開始, 我就知道以前香港的男人很幸福 - 起碼佢地可以有多過一個老婆. 知道以前男人好幸福既原因, 是阿公為了某些我也不清楚的理由, 選揀了小老婆而放棄了我阿婆.

婆生了七個仔女, 大姨媽, 我媽, 大舅父, 細舅父, 三個阿姨. 在那個年代, 不算很多. 但七個也是人 (遺憾不是叉燒).

哼 (再冷笑), 若然今日先立法取消, 恐怕一班人會叫囂, 表示 "一夫多妻" 已成大部份人的集體回憶 (及集體性愛), 禁不得. 至於阿公真正置阿婆於不理的具體年份, 我不清楚, 但係我頗肯定阿公作出選擇是在政府於七一年立法之前, 即係我連精虫都未係個陣. 皆因直到今日, 細舅父及三個阿姨仍然為阿公無揀阿婆, 無做過做老頭既責任, 一定鳥之而忿忿不平. 七一年, 最細個個阿姨起碼十一二歲, 細舅父都十五六歲, 無理由話阿公無照顧過佢地. 反而大姨媽, 阿媽同大舅父同阿公既關係不錯 (阿公偶爾會出現, 仲一齊飲茶, 有講有笑. 條友超咸濕, 比我更甚).

實際年份既推斷, 只係想自瀆一下我既推理能力. 這不打緊. 重點是, 記得小時候問阿媽 "阿公去左邊", 媽就將故事講一次我聽, 並叮囑盡量不要在三個阿姨面前提起阿公.

我不知道自己是否走在同輩的前面. 但還沒有戒奶戒賴屎, 我就明白原來婚結左都可以離 - 即使技術上阿公阿婆並唔算離婚, 因為佢地無結過;

原來即使一個人為你生左七個仔女, 你都可以唔理佢, 話走就走 (據聞阿公的小老婆為他生了五個).

記憶中到八九歲才知道阿媽原來有個家姐, 即係大姨媽. 皆因據聞好多好多年前佢已經不理家人既反對, 跟左當時既男朋友 (後來的老公及個仔既爹d) 去荷蘭, 阿媽阿姨都唔敢係阿婆面前提起佢. 直到我八九歲佢先第一次出現於我眼前. 當時佢句句英文, 我覺得佢好厲害 (屌, 今時今日都大把人覺得黃皮膚句句英文既人係好厲害); 佢仲帶左我去尖沙咀世華餐廳, 食左我人生中的第一隻香蕉船. 同行既仲有佢個仔 (我唔知應該叫佢乜好? 堂表哥? 表哥? 求撚期拉), 同埋 側士丁, 即係佢當時既老公 (係呀, 側田個個 Justin). 還有一些記憶, 但印象很模糊. 阿婆一見到大姨媽, 就原諒左佢. 但大姨媽一干人等回荷蘭後不久, 就聽媽說他們離了婚, 大姨媽更在荷蘭流離失所. 當年阿婆是有提議她回來的, 但大姨媽一直就在荷蘭.

原來, 一個只讀到小學, 不太懂英言的女孩, 不理家人反對, 跟心上人私奔, 離鄉別井, 連仔都生埋, 這段婚姻最後都只落得如斯田地.

記憶中爸媽的感情一向很差, 仆街一點說, 根本未好過. 自從我得知有離婚呢樣野之後, 我同老姊一直認為佢地離婚只係時間既問題, 也只是名義上及實際上的分別. 誰對誰錯, 不是重點. 誰可以說一段自己身在其中的關係的破裂, 自己一點責任也沒有, 可以完全置身事外? 但我不得不承認, 曾經好憎好老頭, 年青時 (i.e. 十二三歲時) 曾經搵把成呎長既鐵尺一野劈落佢度 (注意, 並非我身上, 肚臍對落個把. 邊止一呎長?). 幸好佢載眼鏡, 否則佢已經成個石黑龍咁既樣 (唔識自己去 google 下), 仲邊q 度似魯迅?

還記得小時候很喜愛喝利賓納 (現在不喜歡了). 媽每天早上會開水沖定一樽給我 - 那年代沒有利賓納仔仔這回事 - 讓我小息時喝. 一次爸媽吃飯時嗌咬, 爸將發狂般把電視機上的東西全數推到在地上, 包括那支 1 公升利賓納. 血紅的利賓納流在地上, 我的心也在滴血, 也在哭泣. 爸的狂害我第二天沒有利賓納喝, 好像之後也沒有再喝過利賓納. 在那個我的世界, 那支 1 公升利賓納就等同當時的佳寧, 港交所 (0388.hk), 匯豐銀行 (0005.hk) 了.

原來你與一個人生活了廿年, 為他生了兩個小孩, 最後即使大家住在同一屋簷下, 不須同床, 已得異夢. 你完全不能預計他會這樣發狂, 這樣失控. 你哭了, 誰也在哭了.

或許這便叫經驗. 對於我來說, 童年時遇到的婚姻總是得到支離破碎, 五馬分屍的下場. 或許是出於自身的經驗, 我對婚姻, 從沒有投下過信心的一票. 即使是腦海的想像, 也絕無僅有. 我沒有問過老姊, 但我相信她的想法應該和我差不多. 曾幾何時, 我笑說結婚的目的, 只是為了離婚. So sad but true.

所以我不是在埋怨家人帶給我這樣的一種想法. 無必要. 他們影響我不過是一個事實, 並無對錯.

唯一有過所謂的未婚妻, 諷刺地, 也是家人安排的. 話說在重慶大廈的歲月, 認識了住在樓上的一個太子女, 算是青梅竹馬的. 媽每一次見到人, 也說要找人當新抱. 害得我好尷尬. 後來不知怎么, 與太子女失了聯落, 我找了她很多年, 也找不到; 甚至乎大學時拜託友人借來她中學的校刊, 也找不到她.

到後來爸媽真的離異了, 對我的學業溝女社交生活, 好像沒有直接影響 (或許沒有離異的話我可能七歲拎 Ph. D). 最難受的日子 - 若有的話 - 一早已經過去.

記得中四時班主任問 : 點解你咁反叛?

我鳩o翕話 : 應該係同單親家庭有關.

呢個答案嚇到班主任仆街, 佢之後無再煩我. 其實當年還幸慶過這對媽對任何人都是一種解脫. 即使中學拍拖, 我的想法也沒有太大改變. 曾經想像過與初戀情人結婚後的生活, 但關係不到一年就完了. 第二個女友, 父母關係也差, 又是名義夫妻, 實際與離婚無異的一段關係 (其父為貨櫃車司機, 應該是當年掀起包二奶熱的先驅), 關係又是不夠一年就完結.

不知為何, 不知從何時開始, 我已經相信自己不會結婚. 我不相信占卜, 但若要我相信我未來不可改變的一件事, 就是我不會結婚. 這便是我的命. 我早己接受, 她也一早已經接受. 我也沒有想過她的感受, 不論是今天, 還是未來. 她不是口是心非的那種人, 一就是一, 二就是二.

但一天, 我突然發現, 我可以浪費我的光陰, 糟蹋我的青春, 消磨我的時間. 但我不能豪賭人家的光陰,燃燒人家的青春, 打發人家的時間, 除非那是我不在乎的人. 這是個人責任的問題. 我可以賭一局, 賭我三十歲時娶不娶人家; 賭的代價是零, 但人家賭的, 是青春. 就當我不敢賭好了. 即使賭羸了, 可憐手上還有一大堆泥碼, 要在往後的四五十年繼續局賭. 我不想賭, 我不想輸.

我不敢說這樣離開了她, 是否如我所願, 造就她最終得到幸福, 還是落得一個比與我一起更差的下場. 我只想履行我的責任, 諷刺地, 就是不想負責任. 我不想負責開圍骰. 我不夠強. 我的底線, 就是沒有底線.

或者我太愛她了. 但愛得不夠, 只有愛也並不足夠. 我相信這是命. 為何我相信, 我不知道. 或許這是自身經驗的結果. 除非時光能倒流, 記憶能抹走, 否則我的信念與台灣是中國不可分裂的一部份一樣, 是不可改變的.

我終於找到離開她的藉口了.

為香港政府入股港交所致哀.

為香港正式踏上大鑊飯之路致哀.

The road to hell is always paved with good intentions.

更重要是, 為錯失 $17 元時購買港交所致哀.

停寫一週

<自瀆>

我發覺身邊的一切, 越來越喜歡自瀆.

這種自瀆, 當然不是男生拎住硬直的陽具, 不斷上下磨擦, 直至射精的那種自瀆, 即所謂的打飛機; 而是做一些事情, 或說一些說話令自身產生良好感覺的那種自瀆.

對公眾打飛機, 監都有得你坐 (前陣子有人告上法庭, 話街市男性搬運工人赤裸上身係性騷擾, 該人實在是不吃人間煙火); 對公眾自瀆, 會得到掌聲, 更甚者會有更多畢直及人手去再自瀆一返.

例子一 : 陳港生 (即成龍大哥) @ 心在香港. 估唔到佢除左淫人妻女, 對於五姑娘都仲有鋪癮.

例子二 : 香港始終有你 @ 慶祝10週年回歸. 跟住北京奧組委搵左原班人馬為 六四屠殺 零八奧運 再作一曲, 為祖國進行一次種族大自瀆. 試想像有十幾億人一齊自瀆, 除左可以入健力士世界大全, 該場面實在令人讚嘆.

當年毛主席計算過, 全祖國人一同跳起, 震力可傳至美國; 今日咱們一同自瀆, 精液及愛液必可以為美國帶來千年一見的洪水之禍! 美國人全部俾我地祖國出產既液體 膠住晒, 果真過癮極~~~

例子三 : 歲月風雲 (間斷地看過三數集, 想嘔. 詳情可問 kursk)

例子四 : 明報 - 《金融時報》亞洲樓市論壇 《明報》成唯一合作中文報章. 不知道是偏見還是什么, 總覺得明報自瀆得越來越過份... 而自瀆的水平亦越來越低劣.

例子五 : blog

例子六 : 羊先生旗下的雜誌, 數年來不斷貶低非鷹王系歌手藝人, 另一邊廂瘋狂吹噓旗下藝人歌手... 實在係自瀆界既先驅.

這些都算了, 畢竟你不看電視, 不看報紙, 不看八婆雜誌, 不上 blog (可以嗎?), 還可能有幸逃過一劫. 若身邊有個喜歡於群眾前自瀆的, 作嘔的感覺, 繞樑三日, 良久揮之不去. 試過無數次, 聽到前輩 H (不用對號入座, 這不是 xanga 人) 說類似以下的說話 :

[一眾人在談論某事件]

某人 : 唔知 H 你有乜意見?

H : 哎... 我地呢d 邊識野嫁. 我地老咧, 唔似d 後生識咁多野. 咁難既野, 我地黎學野嫁渣, 你地先黎專家嘛.. [下刪三百字垃圾]

[眾人再繼續談論該事件]

H : 哦, 我又覺得唔係呢回事, 好似唔係咁...[下刪九千字垃圾..] 不過你地先係專家, 我地呢d 邊識野嫁, 你地話點就點咧 [再刪萬字廢話].

[眾人被秒殺, 無言]

有人同史弟講過, "過份謙虛, 等同虛偽." 對住 H 呢類鍾意自瀆既人, 唔撚理佢係唯一, 亦係最好 (我知道 "唯一" 既話邏輯就無 "最好" 呢回事...) 的辦法. 我試過最絕既係, 佢blah blah blah 係咁講, 我望一望佢, 然後一句 "哦." 跟住繼續自己做自己野. 你越在意唔俾佢自瀆, 佢就好似大家細個咁, 越想搵老頭d 龍虎豹睇, 然後大肆自瀆一番.

又試過, 佢不斷咁講, 我只係報以微笑, 等佢射左精, 就乜事都冇; 若然仲要係適當時候發出無撚謂謂既呻吟, 或者擺動蛇腰, 挑起佢條根, 咁就大撚鑊. 佢死咬撚住你唔放, 不斷重複 "我呢d 邊識野嫁. 你先係專家.", 到時你就真係咬脷自殺都唔掂, 佢都係照姦屍, 最後連你屎眼都唔放過.

每一次遇到 H, 我都會心諗 : 好咧! 我俾你贏咧! 射完精, 俾你中出口爆顏射後, 好o拿o拿臨放我走.

此等息事寧人的軍妓心態, 實在與史弟既做人哲學 (其實係無), 相去甚遠. 然而形勢比人強, 為防止佢連續射幾次精, 我真係只求佢放我一馬, 等佢有時間可以射落其他同事度. 不要到我的花園一邊屙屎說自己甚么也不懂, 一邊屙屎說自己如何如何地厲害. 要撒野請到你自己的馬前面, 不要到我這方來!!!

觀乎香港政府及傳媒 (包括報紙雜誌電視), 自瀆的風氣越來越盛行, 次數亦越來越頻密. 就黎去到非自瀆不能肯定自我存在價值的地位. 回歸不過十年, 香港淪至如斯田地, 實在令人不勝唏噓, 無不擲筆三嘆!

我決定邊個再係我面前自瀆, 即刻送個飛機杯俾佢.

<廣告時間>

<Photos of the week : Janice VS Janice>

o拿, 如果係衛蘭既粉絲, 唔好睇落去.

我無執過d 相... 我估兩張相應該係同一個人...

若然你認為右邊張圖 (o拿, 係右邊呀) 無俾蘋果日報惡意執過既話, 請留言. 每個鐘頭最快既三位家庭觀眾可以得到 吳清源 DVD 一隻. (以 xanga comment 個度既鐘為準)

每日再有幸運大抽獎, 送出 咇肥站 $500 現姦卷, 等你可以好似衛小姐咁極速增肥.

未夠喉? 私人整多張對比 :

左肶定右肶?

(右邊唱緊歌張相轉載自蘋果日報)

Quoting Jenny@Feel 100% :

<荒謬事 I>

1. 無線搞最受歡迎電視廣告選舉, 鼓勵創意.

諷刺的是, 無線是擺明車馬抄鄰台亞視搞了多年的十大廣告頒獎典禮. 

抄襲打擊創意. 無線卻希望以抄襲鼓勵創意, 有如發動戰爭以追求和平. 強.

2. 大白沙 . 林建明的丈夫是誰?

若你有看宣傳易, 肯定會答關景鴻.

3. 電影 窺兇殺人 (Disturbia) 賣廣告, 見到海報標明男主角為 變型金剛男主角.

我才現原來柯柏文同麥加登等一干機械人都係女人.

4. 前陣子金毛尋回犬阿柑咬傷人, 被漁護處收監. 昨天阿柑重獲自由, 但必須遵守12規條.

Hong Kong is approaching towards a totally ridiculous city, and we start asking dogs to follow rules set up by human.

<廣告時間>