<Breaking News - 捐錢送聖誕咭>

早前講過, 去年那個聖誕咭活動, 今年應該會繼續.

圖, 搵左好耐, 終於搵到. 規矩依舊, 溫故知新 :

1. 普通版

對唔治, 今年無普通版. 只有科水版.

2. 特別版

若你想收到硬直版 (= 特別版) 既朋友, 要 pm 我你既地址.

同往年唔同 (但你叫人溫故知新...), 我會將畫好既 "咭", 填左色, 入落一個 A4 既透明硬膠套. 然後寄出.

咁撚麻煩, 我係唔會送免費午餐. 收你 $100, 一張. 係呀, 貴過舊年一倍. 屌, 恒指都升左一倍拉.

放心, 你唔係科水俾我. 你可以揀任何一個慈善團體. 捐 $100 一張 (記住拎收據, 你可以扣稅)

最後我會捐返一樣既錢, 去慈善團體. 未諗邊個.

3. 聖誕咭圖案

有以下兩款可以揀. 我會照住下圖黎畫, 當然畫得無咁靚拉. 有我去撚左迪迪尼做.

俾 $100, 一張

俾 $200, 兩張

俾 $300 (你老母你仲黎!), 三張

我會盡量係聖誕節之前寄出.

如果想參考我以前既作品, 可以睇下呢度

(4) 詳情

截止日期 : 12 月 9 日

請 pm 我 (我係唔會理留言), 講你揀既圖 (姪仔 or 聖誕節), 同埋地址.

如果人數太多 (>20), 我肯定填唔切顏色. 到時會係 9 號之前截人...