<三年 : II>

三年前, 我決定用三年時間忘記你.

日子過得真快. 時間過了, 我終於知道結果了.

原來不捨, 也要捨得.

我真的不難過. 最難過的日子已經過去了. 只是想紀念一下. 三年來一直/ 曾經陪伴著我, 支持著我的人, 真的很感謝你們.

三年 : I

<我的童年 10>

轉眼又快要半年, 這系列 真爛. 看來只能做到每年兩篇.

很想寫大舅父, 成長時家中唯一的 "父親". 想了好一陣子也不知道怎樣入手. 他日定會為兩位舅父寫一篇文章 (又開空頭支票...)

點解開頭咁似上次個篇?

************************************

我有個壞習慣, 正嘗試努力改. 仍未改到.

說話的時候, 不喜歡望著人家的眼睛, 特別是女生.

我其實很怕羞.

好了, 說出來連自己也難以置信. 偏偏事實如此.

越美的女生, 談話時越不敢看人家的眼睛. 萬一給美女電暈了, 怎么辦? 說來我認識的美女, 也很少放電. 至於怕羞的成因, 是少時候沒有接觸過女生 : 小學是間男校; 重慶大廈的玩伴, 除了姊姊與對面士多那個肥姐姐 (請想像技安的妹妹), 清一式是男生.

除了一個, 太子女.

************************************

與我一樣, 太子女不是住在重慶大廈, 只是父母的公司 (裁縫工場) 在重慶; 而我爸公司對面那間士多的太子爺, 住的地方也在工場對面. 有時候會去太子爺的家, 順道認識了太子女. 順帶一提, 太子女與太子爺, 既不是兄妹, 也沒有親戚關係.

舊一點的大廈, 多容許商住兩用 (以前中環租住的地方, 也是商住兩用); 同一個單位, 是工場, 也是住宅. 現在人家談及中港融合時所提的 "前舖後廠", 就是由 "前舖後居" 演變出來的 - 再早一點, 許多人在地鋪作前鋪後居. 上環的海味店, 中午時仍會在店中開桌子, 然後老闆員工一起吃飯. 當八十年代頭還沒有茶餐廳這回事時, 很流行 "包伙食" - 即麥麥送的中餐版. 當年有友人住在重慶旁邊的美麗都大廈, 每逢午飯時, 就會見到工人用白色布, 包著蓋上銀色蓋的餸, 然後送出去. 不過近年這行業幾近息微, 中環歌賦街有一檔. 再也不用白色布銀色蓋, 改用膠盒膠箱了.

又說得遠了. 太子爺是家中的孻仔, 一家對他都十分遷就, 想要什么, 開口就有 : 紅白機, 超級任天堂, 世嘉五代. 他也是擁有每一代 DR 磁碟機的人 - 這部用來玩翻版的磁碟機, 當年就要千多元呀. 曾在他家見過百套以上的聖矢玩具, 天威勇士 (包括那些連名字也沒有的車仔), 還有許多超合金. 如果太子爺沒有把這些玩具丟掉, 今天他已自動成為百萬富翁. 不幸地我也是孻仔, 可幸家中沒有太多家財可以去敗...


上太子爺的家, 便是少數可以見到太子女的機會. 到太子爺打機是其次, 見太子女為實. 可惜上去十次, 只有一次會碰到太子女.

據說 - 我自己也不是太清楚 - 太子女與我曾讀同一間幼稚園. 這間男女校的幼稚園, 畢業後男生可以直接升讀旁邊的小學 (男校); 女生卻要充軍, 升讀到九里遠的女校. 未認識, 已經分開了. 小學時我與太子女在重慶大廈 "重遇", 人家說我們早已是同學, 還拿出畢業相來指指點點, 實在有趣.

除了在太子爺的家打機, 只能寄望她到太子爺的士多買東西, 才有機會見到她. 一年大概會見到三五七次面吧.

由於少見女生, 每次見到太子女, 皆十分緊張, 咀巴打起結來. 我不是能言擅辯的傢伙, 以前不是, 現在不是, 一直都不是. 五歲之前, 我到外婆家, 除了會逐一叫阿姨舅父, 可以整天也不說一句話. 媽曾經以為我是啞的. 三歲定八十. 

望著太子女, 說不出話來. 那時候我不夠十歲, 年紀還小, 沒有拖過手吻過嘴唇上過床結過婚生過仔, 但人家都說, 她是我媽的媳婦. 媽每次見到太子女, 總抱著她, 要聽方叫 "奶奶", 才肯放她走. 據說好幾次她真的叫我媽做 "奶奶", 然後紅著臉走開.

今天若歷史重演, 我媽大概已被人告虐童, 甚至乎係性虐待.

太子爺向許多人說過, 他喜歡太子女. 有錢人其實早已欺壓窮人. 不過, 或許是我的錯覺 (甚至乎是幻覺), 太子女好像不太理會太子爺. 每次見到太子爺, 太子女也會擠出一副 "你好乞我憎" 的表情.

************************************

沒有手提電話, 沒有電郵, 沒有 ICQ, 沒有 MSN. 沒有太子女家中的電話. 獨孤一味, 等等等.

到了小學五年級, 終於讓我等到機會, 約太子女去街. 記得是暑假某個星期六 - 周末時老媽不會煮飯, 即使我年紀較小, 偶爾媽也會讓我自己到街上吃. 上午我見到太子女, 已經想約她. 後來怎么提起勇氣約她, 忘了; 只記得她一口答應赴約.

傍晚時, 記得去了黃埔花園 - 她居住的地方, 也是我第一次去黃埔花園. 前往黃埔時, 我做了一件幾乎是人生中最膠, 最柒, 最無知的事情. 從重慶到黃埔, 最好的方法不是乘搭南方航空的內陸線, 而是在北京道搭小巴. 當天人龍甚長, 我與太子女等了一陣才排到龍頭. 一開車門, 我不自覺地找了一個單人位坐下, 太子女呆呆的坐在另一邊雙人位.

為什么要選擇單人位坐下呢? 不知道. 對我而言, 這純出於直覺, 幾乎沒有想考過. 直覺讓整個車程與太子女談話, 中間也隔著一個大叔. 而明知我們隔著個 大叔 太空...

記得吃過麥記. 記得在電子遊戲機中心打機. 然後我便送她回家了.

年紀太少, 沒有發生什么事. 好了, 沒有接吻, 沒有拖手. 只是默默望著她走進大廈. 她就住機鋪樓上.

那是我最後一次見到她.

約會一段日子後, 太子爺無端端給了我太子女家中的電話號碼 - 之前我多次問他, 每次他都說自己沒有太子女的電話號碼. 然而太子女這樣討厭他, 幹嗎會給他電話號嗎?

管它的. 好了, 拿起聽筒, 按號碼, 打去.

聽筒的另一方傳來一把男聲. 是太子女的爸爸.

嚇得立刻切線, 沒有再打去. 太子爺性格再差, 也不會給我一個假電話號碼. 原來我即使有電話號碼, 仍然讓幸福彌留. 三歲定八十. 讓幸福無聲無息地消逝, 然後遺憾多年, 似乎是我的專長. 這點我遲一點會加入履歷.

小六時大家也要考學能測驗, 開始少到重慶大廈.

上了中學, 放學會直接回家, 不會回到重慶大廈.

那次 "約會" 後, 我再沒見過太子女, 也沒聽過任何與她有關的消息.

************************************

就這様過了許多年.

中學時浪擲青春, 沒浪費半刻光陰 : 喜歡過許多人, 嘗試過泡許多女同學, 最後拍了兩次拖. 很偶爾會想起太子女 - 特別是回到重慶大廈時, 會猜想自己有否見過, 但又不認得她. 與其他兒時玩伴也漸失去聯絡, 不知道他們有沒有見到太子女.

到了大學, 重遇一位小學同學, 得知比他妹妹與太子女同校 (但不同班級). 於是託他找來校刊, 好讓我看看太子女變成怎様.

************************************

很想告訴大家我在校刊找到太子女, 長大後她美麗動人. 然後我倆重遇, 乾柴烈火, 驚天動地, 有情人終成眷屬.

世上哪有這么順利的事?

怎様找也找不到姓方的女生. 再找來數本校刊, 也找不到. 太子女可能已經移了民 - 當年住得起黃埔花園, 已算中產.

眾多小時候的玩伴, 我只關心太子女. 屈指一算, 我已有差不多二十年沒有見過她了.

太子女, 你還好嘛?

<情人節 : 2010 版>

又黎到年度鉅獻. 一個題目, 寫左五年... 這是有趣的. 畢竟要唔炒冷飯咁寫同一個題目... 還有好幾年是沒有情人, 簡直與太監教皇帝行房沒有任何分別.

好在我唔使寫多好多年, 皆因人類將係 2012 年玩完 - 我主觀如此認為. 就算地球唔係好似瑪雅曆咁玩完, 2012 年梁振英/ 唐英年上場, 起碼香港都玩撚完. 之不過你覺得而家香港未玩撚完咩? 搵唐老鴨上場, 唔玩撚完既機會仲大. 起碼有我支持呀...

1. 炒冷飯 (又話唔炒冷飯? 系列 tag)

--------------------

今年只寫三件事 : 遇上, 分手, 忘記. 葡萄味相當重的三件事, 好揀唔揀, d 人偏偏要係情人節寫.

點樣同男女友相處, 我真係唔記得晒. 真係生鏽的鐵不能開...

--------------------

--------------------

[鳴謝 A, S 及 F 提供校對服務]

<生活 . 鳩o翕 11 - 悠長假期>

呢個系列, 即使係我取材期間, 竟然無脫期! 實在太強咧~ 好些系列 (唔好開名咧), 就連我創作力最猛既時候, 仍然影都冇...

一月有個悠長假期, 每天也是訓覺, 訓覺 還有 訓覺. 在這個假期, 沒有去日本 (竟然!), 只是去了一些平時較少機會去的地方.

(1) 澳門

首先, 去了澳門練習開門五件事, 即嫖賭飲蕩吹. 媽的, 去澳門食葡撻? 去香港肯德基食到你仆街都仲得, 使俾幾舊水去澳門食?

(1.3) ...

(2) 圓玄學院

太婆的骨灰龕在圓玄學院. 作為孝子的我, 好幾個月會去一次. 買兩個砵仔, 一個在 上京赴考時吃 小巴上吃, 一個留給太婆.

只是對著靈位, 用紙巾清潔一下 (唔好心邪), 然後與太婆說幾句話.

離開時, 聽到負責打掃的大嬸說, 新的骨灰龕, 一個位要 15 萬.

15 萬? 香港真是個奇撚怪的地方. 那個靈位, 大概只有一呎 x 兩呎半吧... 什么七萬元呎的豪宅, 收皮吧... 許多活生生的人用九成半按揭也不能拿出 15 萬作首期, 一個給予先人的小小位置居然要 15 萬. 未能事人, 焉能事鬼?

去了多次圓玄學院, 每次也是一條路入, 同一條路走, 從來沒有參觀. 見有空, 便在院內走了走.

--- 驚見 "八德亭"

--- 八德者 : 孝, 悌, 忠, 信, 禮, 義, 廉, 恥.

--- 當中 義 和 信 的詳述, 幾乎令我流涕.

不守信, 政令不行.

對唔治, 香港政府, 不義, 也無信... 其實八德, 佢一樣都冇. 之不過, 咁都要抽水?

(按圖可放大).

(3) 唐老鴨

收集唐老鴨物品, 轉眼踏入第三個年頭.

每隔一段日子, 就好似會禁左自動制咁, 有人會問我為什么這么低能 : (1) 低能地喜歡唐老鴨這幼稚園人物; (2) 低能地喜歡唐老鴨這人物之餘, 還會收集它的物品.

慢慢也懶得去解釋. 反正解釋即是掩飾. 年中也有不少人說我廿幾三十歲人, 仲鍾意去迪士尼, 成屋玩具, 好些仲成日叫住阿媽阿媽, 成個裙腳仔咁. 再咁落去, 我只會繼續係一條溝唔到女既可憐虫.

這些描述, 其實好有道理. 之不過有道理既野, 通常無乜人理. 反高鐵夠有道理拉, 政府有冇聽? 要真普選夠有道理拉, 阿爺有冇理? 唔好講咁遠 : 你阿媽成日話早睡早起, 勤力讀書, 戒酒戒煙, 慳d 洗, 全撚部都有道理, 邊個有聽晒?

聽晒既話就唔會有窮人拉. 地球暖化, 中環塞車, 金融海嘯晨早解決左.

反正是喜歡就好了. 自己喜歡, 哪用理人家批評?

每年春秋二祭, 都會收到朋友一些唐老鴨的物品... 今年聖誕特別多 :

漸地, 我發覺家中開始沒有位了. 圖正中那支筆, 我一支也沒有買過, 但家中已經有四支了. 好恐怖...

(4) 屌 online

我曾經講過想試玩跑 online. 前陣子友人屎忽痕, 要去初戀網吧.

我終於玩到這個跑 online 了...

果然是阿叔, 在登錄的畫面, 搞了三幾天才搞好. 入去玩, 完全不懂操控... 遊戲也特別照顧老年人, 開頭整左幾堂導修, 等你習慣左遊戲系統先開始.

下圖為練習跳躍...

幾年後才能與友人連線一起玩.

玩了一會兒, 果然與我想像中一樣 : 就是不斷在跑跑跑... 圍住個圈在跑跑跑, 一味跑, 狂跑, 喪跑, 圍住跑幾圈. 有跳躍都好, 最後都係跑. 跑... 跑到你老母都唔認得.

望一望下圖, 頭上那個龜頭... 男男女女都係一個龜頭, 真的無話可說. 我也肯定開發公司不是港資的... 否則哪有香港人會設計一個龜頭出來?

玩完跑 online, 我覺得 屌online 既市場肯定仲大.

(5) 廢場 iSquare

以前既凱悅酒店, 而家成為 iSquare. 重慶大廈, 就係對面.

前陣子去看阿凡達, 晨早流流 (貪平買早上 9 點飛), 無心機行. 後來係阿媽度食完飯, 見無野做就行左個圈.

評語 : 廢場一個.

商店少之餘mix 也不見得好; 設計九流, 樓底超矮, 行既時壓迫感超大. 某D 地方, 僅能容納三個人一齊過, 彷彿建築師就有先見之明, 知道呢個場唔會多人咁...

唯一驚喜之處, 是那間浪漫店橫濱. 多年前在東京吃過一次. 有時你記住間餐廳, 笨唔係佢d 野特別好食; 只係視乎你同邊個去.

ok, 唔好再講咸豐年既事. 一齊去睇下 愛的鐵證 廢的證明

 
(6) 黑色幽默

So I am serious : 每逢阿媽叫我飲個d 有益野, 清一色, 黑色.

有證有據, 童叟無欺.

下面呢杯, 佢話飲完唔喉嚨痛.

係呀! 飲完過左幾十日, 喉嚨真係唔痛!!!

(7) Peter So

蘇先生是厲害的. 每逢新年, 會收到十幾次蘇民峰流年運程既電郵. 當然, 麥玲玲既都有.

惟有蘇先生有英文版既運程書. 長頭髮既李天命都無. 至於東尼 . 陳... 鎖你! 佢話佢唔係風水師.

Peter So.

叫親 Peter, Mary, Susan, John 呢d 香港人, 通常有一個共通點

佢地唔係接受香港式既教育.

唔係你第一日上小學英文堂, 打開英文書, 一個二個人物狗屎咁醜樣, 叫 Peter (四眼仔?), John (洋人年青版秦先生), Sam (一面豆豆), Susan (孖辮妹), Mary (洋人版靜宜. 成班人得佢似人樣).

如果你自已唔生性, 改左個英文名叫阿 Dick... 咁只好怪你唔好彩.

<5 區公投>

沒有新文章, 只交代一點事情.

早陣子的聖誕咭義畫, 我仍未將錢捐出.

我決定將 $500 捐俾海地, $500 捐俾社民連 + 公民黨 組成的公投團體 (後者仍未有具體捐款方法).

我想問 : 點解我想投一票, 以表示支唔支持 真普選 同 廢除功能組別, 都咁難?

如果連呢樣野都冇, 我點說服自己有一日真係可以有真普選, 可以投一票選自己的特首?

(圖來自 krusk kursk)

<誠意推介 系列 4>

呢個系列, 寫左三期, 然後脫期脫左兩次. 一心取材, 卻想到推介自己. 到最後一刻還是卻步.

自瀆我通常一個人係屋企, 關上房門口 (但對住個芒).

今次推介既, 係一個地方.

(o虛聲媽聲屌聲四起~~~)

我曾經去過不同的地方, 包括銅鑼灣, 尖沙咀, 屯門, 灣仔, 信和, 好景, 東京的涉谷新宿六本木, 悉尼, 台北的西門町, 北京的王府井大街, 新加玻的烏節路, 沒有一個地方比得上旺角的多姿多彩.

用十秒廿秒, 想一種香港有得賣, 但旺角沒有的東西 (除左樓盤).

沒有. 我想了數個月, 想不到

旺角是世上最偉大的地方.

------------

1. 旺角地標 :

Hotcha 未賣廣告之前, 你未必識永成 (但更大可能係你連 Hotcha 都唔識); 約人又唔會約係信和等. 女人街有成里長, 朋友係波鞋街你搵一日都搵唔到. 唯獨係旺角 Body Shop, 香港有九成約過人係旺角等既, 都會約係 Body Shop.

我估計, 以人口密度計, 呢度贏撚晒世界上所有角落. 就連以前賣中國人豬仔既遠洋船倉, 也比下去. 如果你朋友唔識死, 居然企係面向書報攤個邊等, 咁係你搵到佢之前, 佢多數迫死左. 旺角 Body Shop 迫人程度尤其以周未, 假期前後為甚. 你試下年初一約人係 旺角 Body Shop 等, 然後掉一個核彈 (而家當然以漒水彈較貼市; 但幸災樂禍既野, 少講為妙, 當積陰德), 起碼有過億人中招.

我亦想講, 呢間 Body Shop, 既然係地標, 佢既作用就只係地標 : 長期空空如也. 但以 Body Shop 食水咁深計, 佢唔使好多客, 都可以生存到. 揀皇后碼頭 同 旺角 Body Shop 作保留, 我會毫不猶豫揀 Body shop. 有經歷, 才有回憶. 中環匯豐總行可以拆 (或變作機械人飛走), 銅鑼灣時代廣場大電視可以由有線轉做 now tv, 沙田新城市廣場可以執笠 (反正 apm, 圓方都係一撚樣), 但旺角 Body Shop 不可以改.

這比起還政於民, 平反六四, 結束一黨專政, 更加堅定不移.

------------

2. 旺角名勝

- 波鞋街 : 允記 (有人曾告訴我, 波鞋街大部份店舖的老闆, 都是同一個人. 不過一撚樣, 和記又係佢, 佢家賢仔乸玩撚晒...)

- 掃街 : 登打士街珍珠奶茶 (呢d 野竟然可以返生), 肥姐小食店, 魚蛋燒賣, 鼓油街山東街許留山群組, 銀行中心對出既華夫夾餅

- 上樓書店 : 可惜買少見少

- 三仔, 四仔 : 九樓有四仔, 四樓有狗仔既好景商場

- 日文偶像物品 : 信和底層 (那裏的日文碟比日本更快推出; 就像我在網上看狐忍, 快過我在東京看到 Jump 的 hard copy...)

- 電腦用品 / 手提電話 : 旺電, 星際城市, 先達

- 垃圾 垃雜野, 玩具 : 女人街, 兆萬, 潮流特區 (每次去旺角, 我都會去兆萬, 潮流特區)

- 名牌貨 : 曾是旺角最弱的一環. 但自從米蘭站進駐後, 球證已經宣佈旺角無敵.

- 商場 : 朗豪坊, 旺角中心, 家樂商場 (而家改左個名叫家樂坊. 挑! 咪一鳩樣.)

- $500西裝 : 荷利活商場

- 畜牲 / 野味 : 雀仔街, 金魚街

- War Game 用品 : 廣華街 (好景後面). 早陣子蔡瀾在電視節目中, 帶住兩條女, 介紹彈槍, 那店就在廣華街.

- 交通方便 : 旺角幾乎有往香港各地區的小巴/ 巴士. 入夜後, 好多人係會搭的士去旺角, 專搭其他通宵交通工具

如果東京的新宿夠行兩日, 我想, 要仔細行旺角一次, 起碼要五日. 每次我走到旺角, 也覺得這是個不可思議的地方. 至於香港另一個令我覺得不可思議的地方, 叫太平山頂 (夜景).

---------------------

3. MK 文化

更重要係, 旺角有佢獨特既文化, 叫 MK 文化. 香港根本係一個無文化既地方, 但偏偏有所謂 MK 文化! 無尖沙咀文化 (但有文化中心), 無銅鑼灣文化, 有所謂中環價值 (which basically is a piece of shit), 卻有 MK 文化! 

節錄維基條碼中 (連維基都有...) 對 MK 文化的坊間定義如下  :

"特別留意的是，MK 人是不會自稱為「MK 人」的，因為此字含貶意，而且他們亦不認為自己的行徑、衣着有問題。"

---------------------

4. 一些旺角的有趣數字 :

--- 有 1,321 間餐廳 (openrice 連結), 比起尖沙咀的二千間 及 銅鑼灣的 千五間少一點. Openrice 史中最多好評的十間餐廳, 有三間係旺角 (肥姐, 萬家燒餅, 澳門翠苑茶餐廳). 而最多劣評的十間, 也有四間在旺角 - 我很奇怪這么多劣評的餐廳居然還可以生存...

--- 共有 64 位鳳姐在旺角營業 (141 連結). 上海街, 砵蘭街一向由集團操控, 一樓一較少. 數目比起尖沙咀 (294 位), 荃灣 (77 位) 和 銅鑼灣 (85 位) 少一點, 並不出奇.

--- 2008 年, 每四個訪港過夜旅客, 有一個會去女人街 (即25%, 太平山是 33%, 星光大道是26%)

---------------------

5. 驚喜之旅

自從西洋菜南街 (即銀行中心後面) 大部份時間成為行人專用區, 個度出現左好多藝術表現者 行乞 表演. 某個星期六, 我由家樂行到去旺角中心, 途中遇到不少檔攤.

笑到我仆街呀, 屌你.

Here we go...

兆萬開始 : 好了, 阿叔左手拿著的, 分明是小時候在茶樓, 嚷一千次要食, 才能吃一次的啫喱, 插在上面的那些紙傘...

穿紅色褸的阿姐在伴唱. 究竟是阿媽伴唱, 定係阿叔伴舞? 而我已經分不清, 你是友情, 還是錯過的愛情... 莊周夢蝶, 蝶夢莊周乎?

味千拉面對出 : 街頭卡拉ok

戴紅帽的阿叔陪舞, 佢跳得好撚 high. 睇得佢無 take 野. 要 high, 使乜索 k? 俾錢黎旺角唱街頭卡拉 OK 就得.

旺角百老匯 : 少女拉二胡交學費...

順帶一提, 我發過誓 (即食過生菜), 呢世唔會係旺角百老匯睇戲. 除非我想係戲院裏面講電話 (大聲講 : 我睇緊戲呀!!!) 同 食煙.

Bossini 對出 : 無手寫書法 1

後面兩個黑褲人, 係有八百人示威, 派千六人保護鄭汝樺搭地鐵既差人.

Baleno 對出 : 街頭表演者 (魔術, 馬戲)

少數我會睇好耐 (唔等於會俾錢) 既表演

荷利活商場 : 無手寫書法 2

Izzue 對出 : 無手寫書法 3

好一句家和萬事興. 應該買黎俾曾當奴.

(點解咁撚多人無手, 又咁撚多無手既人寫書法?)

唔記乜野對出 : 旺角 最乞人憎既 台柱好戲量

好戲量 : 入錢會唱歌

銀行中心對出 : 阿叔賣唱 x 2

對住警車賣唱, 還真特別

街尾百老匯 : 十點都未擺好檔口... 唔知佢表演俾邊個睇

好咧, 越寫越似生活 . 鳩o翕.

是日經典, 許留山對出 : 容祖兒公主

我唔識形容...

差佬都俾佢挑逗到呆撚左...

我去到許留山個站, 已經笑到收唔到聲... 國之將亡... 國之將亡...

---------------------

6. 鏹水彈事件

好痛恨狂徒. 正一懦夫.

至於旺角狂徒有什么特徵, 可參考 exist2 的文章 - 步行者惡夢 (節錄如下) :

---------------------

旺角, 是碩果僅存, 我認為香港值得自豪的地方. 周末沒有什么事, 還是會坐車到旺角走走. 人來人往, 靜靜地站在旁點, 抽著煙, 看看各人的動作表情, 十分有趣.

<是她, 她, 還有她>

香港多人女人遲婚, 甚至乎係唔婚. 好些女性, 三十年歲月, 拍拖的次數 - 不論是拍長拖, 還是所謂的拍散拖 (而家已經唔係好興呢個詞語. 皆因 by default, 拍拖 即係 拍散拖) - 比起銀河鐵道 999 既列車班次更加少.

以下既幾個真人真事, 具一定普遍性. 無拖拍唔係問題, 重點係呢幾個女生都想拍拖結婚生仔.

切勿對號入座.

1. EY, 現職金融機構後勤部

搽潤唇膏及劃一點眉外, EY 從不化粧. 她是我認識的女生中, 少數會戴眼鏡的, 還要是老老土土那些款式的. 讀書時頭髮比大多的男生 (包括我) 還要短. 身材瘦削, 估計胸圍最多只有 32A. 做事做人態度永遠粗粗魯魯, 開口 "妖" 埋口 "妖", 說話興起時, 會像癲雞般郁手郁腳. 一眼望去, EY 比我更具男子氣概.

是的, 曾經有人問我 EY 是否 Tom Boy (女同性戀者). 不是. 認識她這么多年 - 差不多十個年頭 - 她大部份時間都想找一個男朋友. 可是, 不要說是男朋友, EY 就連男性朋友也少.

有男性朋友約 EY 去街, 她總打給我問意見.

不知道 EY 最終有沒有赴約. 事後問她, 她就像怒羅漢般叫我去死. 好了好了, 我去死好了. 反正我不靚仔, 沒有錢. 但我喜歡女人, 而且咸濕, 超級咸濕.

前陣子, EY 去了極地旅行, 回來相約食飯.

妖~ 畢彼特又是什么?

好了好了. 我還沒有告訴 EY, 許多男人在旅程上都會泡女; 旅程完了, 感情也隨之而散. 以 EY 的性格, 失了身給這么一個男人, 自尊心肯定大受打擊. 還是算了吧, 畢竟有樣東西比回憶更加美好, 那叫 幻想.

但願他日 EY 的男朋友, 不是個是肥, 醜, 窮的中國人.

當然, 這都是我的幻想 - 她有天會有男朋友.

--------

2. CC, 專業醫護人士, 簡稱醫生

CC 個子不高, 只有五呎; 但體重應該有一百三十磅 (屬個人推算. CC 的實際體重, 比起世上是否有外星人屬於更高度的機密). 化粧, 但永遠化得不好看 - 近年叫有進步. 不知道以為她是個四十歲, 有三個仔的師奶. 她還十分著重衛生, 食飯永遠準備一包濕紙巾一包 TEMPO. 她自己也說不能吃平價食物 - 試過一次大伙兒到大排檔吃飯, 她回家屙了一整天.

CC 頗喜歡撒嬌. 一有人搞 gag 串她, 她會將聲線提高八度, 然後叫聲 "耶~~~", 或是追著你作勢打你. 對不起, 醜女是無條件撒嬌的. 醜女撒嬌, 男生除了毛管戙, 只有想將眼前的物體先除之而後快.

CC 曾經拍過一次拖. 男的是當電腦的. 是怎么樣的電腦工作, 我不清楚, CC 說不高級的電腦工作就是 : 反正你叫外甥整電腦, 你也不會理他是讀電腦工程還是系統管理. 那時候, CC 一說到男友, 面上會泛起絲絲甜意, 整個人也像在淋浴有 澳寶 愛情中. 事實上, 其他人早已凍死.

男友抓錢不多, CC 有點介意. 但 CC 比較介意的是, 男友未和她一起時, 曾經嫖妓.

我不知道為什么有男人會告訴接近有潔癖的女友, 自己曾經嫖妓. 這不叫坦白, 叫戇鳩. 當然, CC 完全接受不了男友曾經嫖妓.

拖拉幾年. CC 越抓越多, 男友收入沒什么進步. 一次與她吃飯, 問她與男友如何, 她說不要再提. 好了好了, 不提好了.

嫖妓是否不對? 當然不對. 但咸濕係男人的天性, 本能. 我只看過有家室的男人, 在嫖妓後更愛老婆女友; 卻沒有半個會說 "因為我愛我老婆/ 女友",  所以拒絕去滾. 他們拒絕的原因有 "我老婆沒收左回鄉證", "我女友成日打俾我", "我怕貴", 從來不會是因為愛老婆. 他們不是不想去滾, 有機會, 他們一定去. 而這些男人, 要么沒有機會滾, 一滾就會滾到家破人亡, 他們都不會收手.

我不會將嫖妓合理化. 重點是我們如何處理, 用什么態度面對. 這是現實. 就算他朝香港有真普選, 男人也繼續會咸濕.

與男友散掉, CC 一直沒有拍拖. 有男同事追求她, 能幹, 專業人士, 收入好, 但她嫌人秃頭. 不秃頭又有錢靚仔的, 又肯定有老婆仔女. 約會她大概以為她是個隨便的人. 這些男人也真犯賤, 想包二奶, 偏偏那個二奶也像家中的黃面婆.

每次 CC 打來, 我就知出事.

看來我的溝通方法有問題, 明明與我無關, 每次矛頭到最後都會轉向我. CC 去完這些飯局, 回來總對該男子破口大罵, 結果明顯.

好了好了, 男人是污糟的, 全部以下地獄. 天堂上全是女人, 這些女人都是同性戀的. 夠了吧?

--------

3. CH, 現職金融機構後勤部

CH 是個普通 OL. 個子不高, 身材普通. 讀書時是文靜的女生, 大概是那種和你同班十年, 沒有開口說過十句話的女生. 當然, 你也說不出她的名字.

上班下班, 與家人同住. 投身社會後, 或因工作需要, 或因想找個男友, CH 開始變得外向, 也會多說一點話. CH 有參加義工工作 - 早兩年她隨公司的義工隊到內地, 教當地的小朋友讀書.

她也花了十多廿萬, 讀完了一個 MBA. CH 不是那種想當上 CEO 或公司高層的女生, 她自己也不想那樣. 當初她告訴我會讀 MBA, 我心想 : 有錢唔好咁浪費呀...

CH 沒有拍過拖; 絕少聽見有男生約她 - 除了同學 RC. 圍內的人都知道, RC 是個好仔, 乖到不行, 是真正擔屎唔偷食那種人. 如果要我數, 有什么男人可能會說 "我愛我老婆" 而拒絕去滾, RC 會是其中一個. RC 替某國際名牌集團睇香港盤數, 工作還算不錯 - 起碼他購買該品牌有七折, 對很多男生女生也很吸引.

我曾以為 RC 是搞同性戀的, 畢竟 RC 也一直沒有女友.

後來 RC 約會 CH, 說要替她慶祝生日, CH 就找來無謂人等如我一起. 一看就知乜事. 總之, CH 拒絕與 RC 單獨約會. 及後, RC 向 CH 示愛, CH 想也不想就拒絕了.

CH 與友人說, 兼 RC 太薯.

好了好了, 反正男人多的是. 可恨千揀萬揀, 偏偏 CH 揀著爛燈盞.

好了好了. 壞男人不好愛, 好男人不愛. 究竟想要什么?

然後, 沒有拖拍, CH 快變成一部工作機器. 一次在 MSN 遇到 CH, 那已是晚上八時.

問題是, CH 不是那些很進取, 很 aggressive 那些女孩. 她只想結婚生仔. 追求結婚生仔, 最終得到工作連綿. 還有什么好說.

--------

好了好了. 認清男人沒有? 他們要么是秃頭醜樣無錢, 要么就是仆街王八蛋. 全宇宙只有一個地方, 男生是潔淨無比, 不賤格, 不咸濕, 靚仔, 不搞同性戀, 只是身家多少自己控制不了, 個個地方叫醫院產房.

只要男人有陽具 - 一支能硬起的陽具, 他們泡你的目的, 最終目的, 也是唯一目的, 只是為了滾你上床. 請不要再以為自己能遇到白馬王子.

與其等白馬王子, 不如等恒指回到三千點, 那時候相約幾個還沒有結婚的女同學, 一起打給經紀幾球幾球咁狂掃盈富基金, 好不好?

<生活 . 鳩o翕 10>

又到一個月一次既鳩o翕. 呢個系列, 係少數我越寫越覺得有趣味既系列之一. 不過, 通常寫完話有趣, 好快就變無趣...

(1) 2009 年 - 過去式

下面個d DVD 機, 應該過左期, 唔可以再賣.

(2) 宜家傢俬

無論係狗狗 同埋 河馬, 睇黎都覺得宜家係一個好既交配地方.

係沙發都唔放過. 一路係度 he he her her.

(3) 佢個鼻...

挺過梁挺. 可能係燈光問題... 但睇翻呢個 mtv, 佢而家個鼻尖真係挺得太勁.

順帶一提, 呢個係阿 sa 黎. 另外, 瑪花搵佢賣纖體廣告. 同搵洪金寶賣肥仔丸有乜野分別?

(4) 加錢送

香港終於有人識字咧! 麥當奴叔叔識 "加錢" + "換". 咪撚再加錢送~~

點知係人生既旅途上再睇睇下... 都係零分.

免費休息... 免費打開眼... 免費行路... 免費呼吸

買 忽然一周 送 飲食男女.

乜近幾年, 有唔係送嫁咩?

幾時出現買鞋買左腳送右腳? 買枱出現送兩隻枱腳?

(5) 一條龍終身事業

徐志摩口中的康橋, 就是今日的劍橋. 而當康橋教育 同 劍橋護老院 係同一座大廈出現時, 真的響應董廢帝終身學習, 一條龍生活.

真正足不出戶, 自給自足. 使春起乜野新市鎮, 幾百億起高鐵搞三小時經濟圈? 黎到康橋/ 劍橋, 五分鐘你可以活一世! 連車都唔使搭呀~

(6) 海報

究竟係咁o岩得咁橋, 定係我份人太仆街, 太 critical 呢? 我懷疑兩樣都係.

不過重點係, 點解我成日都遇到呢d 騎呢海報?

(7) 食神

(8) 乘數表

元旦夜搭地鐵.

而家d 細路想點... 兩個人坐一個位, 人疊人, 疊羅漢...

其實都好既, 照乘既話, 一張登可以坐12 個人.

(9) 無 s

(10) I love this

法輪功說有七百萬人退黨, 可能是騙你.

法輪功話自己個肚有個輪 (唔係窩輪), 肯定係昆你.

但愛國不等於愛黨, 有道理.

對很多人來說, 若然無左共產黨, 佢地唔會知自己既愛國等於d 乜. 畢竟佢地所謂愛國, 即係等同愛黨, 然後沾油水. 我愛國, 只限於對中國數千年的文化歷史發展, 十分欣賞及敬佩. 其他奧運, 航天, 經濟發展, 國力, 一概唔覺得自豪. 連 . 半 . 點 . 也 . 沒 . 有 . 每次看到那些新聞, 看到政府及群眾 (多數係細路) 一邊公開自瀆一邊沾沾自喜, 只覺得毛管戙.

如果愛國, 包括埋愛黨. 即係你同我講鍾意一個人, 要鍾意埋佢d 臭狐, 香港腳, 痔瘡; 同埋佢蠻不講埋既老母一樣 (btw, 無老母係講道理). 咪 . 撚 . 玩 . 拉. 呢d 唔係叫愛屋及烏, 愛情盲目論.

係叫戇鳩.

擁抱黨, 擁抱既得利益集團, 可以沾到油水. 但唯唯諾諾, 連做人的志氣也沒有.

(11) 灣仔

前陣子已說過, 這是最後一輯灣仔相片. 下輯的選材, 還沒有想到.