<Thank whosoever, I am can still smoke and drink>
有一日訓醒, 左邊心口奇痛無比. 而且出現嘔心的感覺.
Ok, 已經是 2009 年, 已經是牛年. 我以為傷呀病呀痛呀呢d 野會離我而去....
痛左足足一個星期.
一個星期, 每天只吸一兩支煙, 有時可以不吸; 酒少喝, 也可以不喝. 早睡早起, 不見得身體好.
然後, 有點周星馳式的意味, 在那一星期收到友人寄來的手信...
前後繪有梵高 <星夜> 的打火機.
曾有原人為星夜寫了一篇非常非常好看的文章. 可惜文章今天遍尋不獲.
Ok. 半戒一星期煙, 半戒一星期酒. 情況沒甚好轉.
再半戒一星期. 都係咁. 咪用火機點煙law.
開始識驚 (屌你! 成兩個星期先驚?)
臨急臨忙搵專科睇. 可惜唔係要排到三月 (屌你, 而家二月頭渣喎); 就係要有介紹信 (? 唔知以為睇專科係等於去大檔, 要有暗號先入得去賭). 心急於火 (但遲左兩星期) 既程度, 等同落街打 Three on Three 得五個人, 求其連街市阿嬸都叫佢加入開波.
跟住搵到個佢話佢自己係心臟科既醫生...
----------------------
Ok. 跟住見醫生.
聽左兩下, 話應該無事. 跟住照肺, 話 check 唔到有事.
今日照心電圖 + 跑步, 佢話 check 唔到有事 (check 唔到有事, 並不等於 無事).
跟住佢話 : "well, if you don't quit smoking, you soon or later will still suffer".
我心裏面講 : "in the long run, who doesn't?" 屌, 雷曼兄弟都 suffer 拉.
其實佢係講中文, 不過呢個菜主要係顯示我快刀手既刀鋒. 同埋, 英文傳神d.
佢開左d 有橙味既藥 (我懷疑係得果定), 俾返份報告我, 就打發我走.
總之, 我無事. 可以繼續食煙飲酒.
盛惠 $3600.
Ok, you win.
唔怪之得無論經濟幾差, 都總有人想讀醫.
為左覺得抵d, 我決定將報告公開.
----------------------
--- 肺, 佢話好清.
--- 心, 佢話 "no defect seen".
不過跑步好撚辛苦... 我係時候, 除一星期打一次波外, 都要跑下步...
講住先拉.... 柒頭
----------------------
嗯, 飲醉酒都可以做財長... er... (來源 : 明報)
----------------------
<塗鴉一下>
嗯, 當然唔係我. 我淨係識畫唐老鴨.
攝於灣仔十大書坊.
其實畫得幾靚.
----------------------
<若然你係公司無野做>
嗯... 我知好多人返工上 xanga, 打 xanga (包括我).
無野做, 無靈感, 玩下遊戲
1. 電車男追女記 - 情人節版
土炮. 故事係聖誕節版既前傳, 我覺得幾好玩 (但比聖誕個 part 易玩左)
2. 小丑對蝙蝠俠...
無言. 太癲了...
<漫長, 永無休止的... 情人節>
有什么要說, 要講, 等我一次講個夠.
要有心理準備, 呢篇文應該係破記錄最長.
我估計, 呢篇野夠分五日睇. 所以寫完, 我又去取材.
***********************
1. 首先, 又炒冷飯...
人生就不能沒有炒冷飯這個環節. 有時, 寫新文章只係為左炒冷飯...
(連結應該無問題... 掛)
***********************
2. 三封不能寄出的信 @ 情人節
我愛過的; 愛過我的; 我喜歡的.
走的路, 太漫長了.
------------------------
<一>
原諒我.
再在這裏提起你, 就連自己都覺得討厭.
兩年了.
看來當初說掛念你的時間, 比一起的時間還要長, 快要成真了.
大概半年前.
那時一覺醒來, 感覺是 : 你拍拖了.
不久就收到你的電郵, 說你拍拖了.
這種感覺是何等恐怖.
想告訴你, 前陣子又發了一個夢, 夢的內容, 我忘記了...
只知張開眼睛, 第一個感覺是 : 你要結婚了.
我不會忘記這種感覺.
不要誤會. 與你再一起的念頭, 早已消失得無影無踪了. 我也不再掛念你.
開首時飲的每一杯酒, 也是苦的.
今天回頭一看, 路原來太漫長了.
我應承自己, 下次遇到深愛的女孩, 怎樣也不可以讓她離開.
幸福是要爭取的, 電影如是說. 原來過去式的幸福, 其實也值得回味.
漫長的掛念, 劃上句號了.
------------------------
<二>
你是特別的.
對我來說, 你是最特別的. 若有些秘密我非要說給一個人聽不可, 我想, 何時何地也會選擇聆聽的對像是你. 我相信你, 就如當年你相信我一樣.
我有時想, 若有一天我非去她的婚禮不可, 我只想到找你作伴. 讓你看見我死狗的樣子, 會痛快一點吧.
早兩天心臟不舒服, 想去看醫生. 可是你沒空. 幸好我死不了, 否則也不能在這樣廢話連篇了.
這些都不重要了.
"你條仆街仲未 hurt 夠佢?"
就當這是最後一次吧.
倒轉頭來說.
我知道自己不夠愛你.
對不起.
不是不愛你, 只是不夠. 可是, 在某些情況來說, 不愛 與 不夠愛, 又有什么分別? 窮, 同無錢, 以最低工資的角度出發, 沒有分別.
如果上帝有一個秤, 可以比較人與人之間的愛, 我對你那份, 一定比你對我那份 (曾經) 輕很多很多很多. 為什么不夠愛你, 我不知道; 反正愛就不是可以解釋的東西 (我又找借口逃避問題了).
是我不好, 沒有好好處理這關係.
然後, 可是還有什么然後可言呢?
很多年前, 我問那個問題. 我是認真的. 這樣的局面, 不能長此下去. 後來有了一個所謂的劇本, 上演後可以讓你永遠專一. 看到你逃避的眼神, 我知道是時候實行那個劇本.
事情大概都如我所料... 除了結束的時候比想像中早了許多... 造成的傷害也大了許多... 當中涉及一些原本無關的人... 原本只想大家得到一個解脫, 卻換來許多的誤差. 這是我預料不及的... 我只可以安慰自己, 以目標來說, 算是完成了. 起碼你會一心一意對你的男友, 起碼你不會憧憬再與我一起, 起碼我深信無論我再怎樣偷o厄拐騙你也不會回心轉意.
你信不信也好, 我想說的, 就是這么多. 反正我看來看去也不像能帶給人家幸福, 再給人攻擊, 邊際傷害, 是零. 若然這么的幾百字能替自己解脫, 這也太便宜了. 只是他日面對閻王及他 (她?) 的牛鬼手下勾舌頭及烤問, 迫我說這段關係何以會弄至一榻糊塗, 我大概也會這樣的說, 重覆一遍.
這么多年, 來來回回, 我實在累了. 人家說我覺得你隨便... 我就知道你不是這樣的人. 曾幾何時, 我知道無論發生甚么, 你也會站在我那一邊, 替我想辦法. 有些事情, 過去就算了. 不要回頭.
過去了也更好.
曾計算過, 若然人生犯過錯要扣分, 扣夠分要落地獄 (就像超速醉駕一樣扣夠要一世停牌), 我當然要下地獄... 我不是會存有什么倖存之心的... 九成扣的分, 大概也是與你有關吧. 不負責任, 玩弄簡情, 拋夫棄子, 良心狗肺, 人渣仆街. 我相信, 過去數年面對的逆境, 也是對待你不好的報應.
其餘扣的分, 是自瀆和看 AV. 可想言之, 我自瀆的次數及看過的 AV, 是如何如何地少. 面對最大的罪 和 孽, 一切都變得渺小.
人生充滿選擇. 有些事情, 總得去做.
太漫長了. 我和你的故事, 實在太漫長了.
------------------------
<三>
你, 是現在式.
可惜...不是現在進行式.
幸福要爭取, 但愛情講的, 是 timing. 幸福, 可以爭; timing, 錯左, 就係錯左.
撇開其他, 我與你的關係, 本身已十分複雜. 再複雜, 大家會處理不了.
我可以不理會, 可以不接受, 可惜這是事實.
最不喜歡游龍戲鳳的地方, 是主角們太拘泥於人言. 是的, 人言可畏, 但你不會與他們在餘生走下去. 只要自己喜歡, 其他人怎說怎看, 根本不用在乎. 半點也不用在乎.
唯有等. 等乜? 唔知. 什么甜言蜜語, 早年透支夠了, 你也不買. 還可以付出的, 只有時間還有誠意. (但其實我知道, 呢兩樣野梗本無關係)
這也好. 可以專心向著一個人. 三個月過去了, 半年將來到.
零八中秋時候的說話, 我還記得.
我會記得.
路, 仍然漫長.
***********************
寫上面文章的時候, 腦海一直浮現著下圖.
***********************
3. <愛的第一章>
------------------------------
張開眼睛, 光線一湧而上, 很刺眼. 他望著的, 是白白的天花板.
嘗試轉身, 四肢看來有點不聽使. 花了很大力氣, 才勉強把頭轉向一邊. 他正身處一個病房, 房內沒有什么擺設, 只有一張台, 一瓶開水. 窗外可以看到一些樹木, 隱若看到樹木後是一條馬路.
病房只有他一個人.
他再花氣力, 按下床頭的小鐘.
不久後, 有醫生來了. 神兮兮, 滿頭白髮的醫生. 個子好像不高, 載著厚厚鏡片的眼鏡.
"呀, 你終於醒了. 我想告訴你, 本來可以替你做手術..."
他才發現自己不能說話, 就連聲帶也不聽使.
也好, 終於一覺醒來了.
------------------------------
"媽, 我倒底睡了多久."
"差不多七年了."
病房內彌漫著沉默的空氣.
"媽.... 她.... 還好吧." 他最在意還是她, 她的妻子.
"已經這么多年了. 我早就叫她找過別的男生了...
對不起, 我不能因為一個昏迷的兒子, 而擔誤人家女兒的一生."
"我明白. 畢竟七年並不是一段短的日子."
二人望向窗外的小樹. 微風吹起, 樹枝在風中搖曳著, 樹葉被吹起, 緩緩地零落到地上.
房內再次充斥著沉默.
------------------------------
"以三十多歲來說, 你康復得很快. 即使昏迷多年, 也沒有對你的身體機能有太多的傷害. 畢竟我們政府投放了這么多資源, 照顧長期病患者就有它的一套. 我也不明白為什么社會有這么多人批評這批評那..."
矮個子醫生仍然喋喋不休, 他再無心聽下去. 他心想, 這個醫生應該是政府派來的. 從一醒來, 此人就口若懸河. 每次也對他放半句鐘口水才罷休. 正想轉身辦理出院手續... 醫生拉著他,
"記著我和你說的話. 你定要依時吃藥及回來覆診. 當初不幫你做手術拿腦中的瘀血出來..."
醫生話還沒有說完, 他就打斷了.
"明白了. 這些話你已經說過三千萬遍了."
------------------------------
出院後他並沒有回家. 什么是家? 媽說當年和妻子一起的家早已賣了, 畢竟住院醫藥費還是十分可觀.
跑到旺角兆萬. 他發覺, 地庫專賣飛機的小店, 舖位已變成吉舖了. 當年, 聖誕禮物, 情人節禮物, 甚至連結婚禮物, 他也在這么買. 二人拍拖無事幹, 也會到這裏 window-shopping 一下.
跑到銅鑼灣, 跑到上環. 當天的 $10 店, 又已關門大吉. 當天二人家中的許多雜物, 也是在那裏買. 去到旺角分店, 發現 $10 也敵不過通脹, 變成 $12 店了.
跑到尖沙咀吃蕃茄面. 水吧後面的小廚師, 又已經換了別人. 附近的芝士公仔面, 早己搬了. 後面的東英大廈, 改建已完成得七七八八了. 九廣鐵路 - 今天已叫作港鐵 - 也延長到尖東去. 當年, 這個站十劃還未有一撇. 若然他沒有 "睡著" 的話, 他的公司大概會有份設計與興建吧.
跑到石硤尾. 七層的公屋已經人去樓空了. 換來的是一排排冷冰冰的白色墓碑.
最後跑到舊機場附近的唐樓. 是當年二人一起看鐵鳥的唐樓. 四周已建起一座座高樓大廈, 再不容易見到藍天; 當年的唐樓, 不是丟空, 就是樓下加出入鐵閘. 他等了大半天, 趁有人出入, 才能夠進入老地方.
他在那裏, 由上午一直坐到傍晚. 沒期望會再見到鐵鳥, 只是漫無目的地坐在那裏.
向西望, 還是會看到落日. 像昨天一樣的落日. 走了一整天, 終於有事情與昨天一樣.
晚霞將天空染得一片紫黃, 偶爾會有大鳥低飛, 一直在同一地方盤旋著. 海風吹來, 唐樓上的天線發出陣陣哀號聲.
他一直就坐在那裏.
望向港島. 他看到 IFC 2. 高高的一座塔. 當年他就是從那裏, 意外失足墮下, 一睡七年.
------------------------------
有人說, 死前的一刻, 腦海會倒帶, 將人生中最重要的片段, 在萬分一秒中重播一次.
他那天墮下的時候, 播的是由十八歲開始, 與她一起的事兒. 十八歲時的唐樓, 鐵鳥, 糖水, 示愛的蝦碌, 拍拖去過的地方, 求婚, 後來的婚禮... 墮下的那刻, 他就看見她在旁邊走過.
然後眼前一黑.
不太需要刻意去記, 那些記憶, 就像烙印般, 一直深深印在腦海.
燃點著的香煙, 緩緩上升. 最後消失的無影無踪.
------------------------------
"一覺醒來, 彷如隔世呢."
他低下頭, 輕聲對自己說.
------------------------------
妳的回話凌亂著 在這個時刻
我想起噴泉旁的白鴿 甜蜜散落了
情緒莫名的拉扯 我還愛妳呢
而妳斷斷續續唱著歌 假裝沒事了
時間過了 走了 愛情面臨選擇 妳冷了 倦了 我哭了
離開時的不快樂 妳用卡片手寫著 有些愛只給到這 真的痛了
怎麼了 妳累了 說好的 幸福呢
我懂了 不說了 愛淡了 夢遠了
開心與不開心一一細數著 妳再不捨
那些愛過的感覺都太深刻 我都還記得
妳不等了 說好的 幸福呢
我錯了 淚乾了 放手了 後悔了
只是回憶的音樂盒還旋轉著 要怎麼停呢
妳的回話凌亂著 在這個時刻
我想起噴泉旁的白鴿 甜蜜散落了
情緒莫名的拉扯 我還愛妳呢
而妳斷斷續續唱著歌 假裝沒事了
時間過了 走了 愛情面臨選擇 妳冷了 倦了 我哭了
離開時的不快樂 妳用卡片手寫著 有些愛只給到這 真的痛了
怎麼了 妳累了 說好的 幸福呢
我懂了 不說了 愛淡了 夢遠了
開心與不開心一一細數著 妳再不捨
那些愛過的感覺都太深刻 我都還記得
妳不等了 說好的 幸福呢
我錯了 淚乾了 放手了 後悔了
只是回憶的音樂盒還旋轉著 要怎麼停呢
怎麼了 妳累了 說好的 幸福呢
我懂了 不說了 愛淡了 夢遠了我都還記得
妳不等了 說好的 幸福呢
我錯了 淚乾了 放手了 後悔了
只是回憶的音樂盒還旋轉著 要怎麼停呢
***********************
4. 情人節大作戰
睇到呢度你都仲睇緊, 好野. 算你羸.
d 人成日話我批評 "港女", 其實我最支持佢地.
我是少數支持香港女生的男人. 畢竟香港既男人, 級數太低, 點升呢都係低水平. 如果你想測試佢對你的愛意及忠誠度, 請在情人節要求男生做以下事情.
錢可以解決既問題, 唔係問題. 所以, 我既建議, 大部份係超越生死, 同理越過萬惡既金錢.
------------------------------
首先, 要佢 "送" 花. 要男人係情人節送花, 等同叫佢去打邊爐唔食牛肉 - 難為佢咁話. 記住, "送" 笨唔係單止俾錢然後寫底地址咁簡單. 係真係切實送上黎你公司, 甚至乎送去你個位. 係扮花店人員 送 . 去 . 你 . 個 . 位.
屌! 你收花都係想威威o者! 有乜野比男友親自送花更威? 世上就沒有這樣的事情. 他日你倆修成正果, 同事也會以 "呢, 個陣送花送去阿 Christine 個位個個男朋友". 呢d 稱號, 得來不易.
值得留意係, 今年情人節, 係星期六. 送去你公司, 完全無意思. 勒令佢星期五送, 送上去. 仲要係三點幾等所有人等食 tea, 齊晒人個陣.
你而家望一望表, 九點半. 佢叫今日三點送花過黎, 仲趕得切. 屌, 六個鐘頭, 東京都去到拉.
然後, 你可以星期六晏就叫佢陪你買胸圍 & 化粧品.
陪女人行入 private shop 既男士, 多數係同性戀.
有次去崇光, o岩o岩 Wacoal 大減價; 12 樓半層, 清一式賣 Wacoal. 身為男士既你, 唔知 Wacoal 係乜, 唔係罪過. 畢竟男人淨係識除胸圍 - 好些連胸圍都懶除. 最叻最叻最叻都睇怕係幫女友戴. 儘管我相信這也是少數. 數字同 cup 數o翕得出 (仲要係冧把或字母大先記得), 世上又有幾多個男人知道女友戴乜野牌子既胸圍?
話說我仲係處男, 同屋企人住個陣, 家姐去泰國旅行 (故事同我係咪處男無關). 佢去完返黎, 一打開個行李箱, 淨係得胸圍. 跟住家姐就雀躍萬分, 一輪咀講個邊d Wacoal 有幾平. 佢得一對胸, 但個度起碼有三十對胸圍.
個陣我先知, 泰國已經無鱷魚皮銀包同貓屎賣... 淨係得返胸圍. 想像下係眉公河上面, d 小艇全部係賣胸圍... 提起個貓字, 我不禁又想起佛跳牆既故事 (又炒冷飯咧!)
講返返崇光個邊. 我去到 12 樓, 只見到一大班女人係度揀胸圍. 佢地附近 一 . 個 . 男 . 人 . 都 . 冇. 我只係係遠處見到一大班充滿怨氣既喪屍企係後樓梯等... 賣胸圍迫人既程度 (唔好心邪), 仲慘過維園年宵. 不過迫人都只限於售賣 size 74AA 70AA 至 85B 的櫃位 (度量衡既單位係 cm/ 厘米呀柒頭, 話撚左你唔識胸圍d 野). 其他賣較大 size 既, sorry, 比較冷清, 門可羅雀.
不好好訓練, 香港的男人就很容易變成日本的一樣. 不是指他們會顏射和中出, 這些他們在家也會自我訓練. 而是他們不會再與女友行百貨公司, 行商場. 信我吧. 日本是沒有男生陪女友行百貨公司的, 你在新宿/ 涉谷/ 銀座見到的, 100% 是香港人. 不是中國人, 是香港人. 這就是日本女生不好好馴服男人的惡果.
就好似忠誠的狗一樣, 忠心既男人係要訓練出黎. 唔訓練下佢地, 他日就變成黑色小狗, 逃去無蹤.
一於係情人節著他們看化粧品, 迫他們在胸圍的款式上發表意見. 如果佢能夠做得到, 仲俾到有用既意見 (儘管機會低於零), 呢個男人嫁得過.
買完胸圍, 叫佢去排隊食壽司. 食什么不是重點, 食屎都冇所謂 (只要係佢食就得).
重點是排隊, 還要只有他 . 一 . 個 . 人 . 排 .
你繼續去行街, 或與單身女性朋友在另一邊廂吃 tea. 做甚么不打緊, 重點係要係最多人既日子 (情人節 + 星期六), 最多人既地點 (銅鑼灣), 最多人既舖頭 (世貿對出板前), 最多人既時間 (8點), 叫條粉腸排隊等位食壽司.
仲要就黎排到, 打俾你, 你就話想食隔離既 Curry Bee. 一來可以向單身既女性友人示威 - 唔知點解女人好鍾意做呢d 野. 男人多數鍾意俾d 兄弟睇佢條女有幾索; 二來可以睇下你男友發唔發老脾.
如果佢咁都唔發脾氣, 呢條友係一件懦夫 (留意量詞用上 "一件"). 佢真係一隻忠誠的狗.
就在吃下 $40 一舊拖羅壽司的同時 (他只吃 $10 一舊的普通貨色), 你告訴他 : "我今晚唔會同你做"
ok, 我知道拍拖同扑野係兩回事. 但你試下情人節同你男朋友咁講... law
賭廿皮. "你同佢講你經期到". 如果佢面上無半點失望既表情 (而佢又肯定無了不起的話), 即賠廿皮.
再賭廿皮呀. 你試下食緊燭光晚餐個陣講呀笨. 佢一定心諗 : 早知食老麥...
係, 我係低俗 (呢個借口可以用黎講一切會落地獄既話題). 問題係, 你敢唔敢面對事實?
如果過左一日, 食完餐飯, 都無反應, 佢應該會係送你返屋企既時候講 :
你想分手o者, 唔使咁呀嘛... 八婆!
<有關我的.... 十六件事>
規則
當你比人tag左，就要寫一篇note，內含16項有關你的事情，習慣，喜好，目標....或任何各不相干但有關你的東西。最後tag另外16個人。你必須tag 返 tag左你的那個人。如果我tag左你，即係我想認識你更深。
1. 從小開始已沒有目標可言. 什么人生目標, 工作目標, 都是艱深的作文題目...
(除非當 "追到某女生" 也是人生的一個目標... 問題係, 我2009 年一開頭寫過乜野? 溝女梗係人生目標)
2. 好鍾意去卡拉 ok 唱周杰倫既歌, youtube 既 playlist 大部份都係佢既 mtv...
(但其實我麻麻地鍾意佢.)
3. 相信到六十歲仍然可以厚住面皮, 問結左婚既朋友拎利是.......
(對我黎講, 利是就係當年俾左人情派既利息... 見 comments 一些有趣的演繹)
4. 以前既女朋友, 大部份係中學同學
(我知, 呢個係我既嚴重性格缺憾. 代表我對一切陌生既人充滿懷疑同不信任)
5. 小一時曾經以為 "了不起 = 不起床的鳥兒"
6. 唔怕熱, 好怕凍.
(試過係廿八度, 屋企無開冷氣既情況下蓋羽絨皮....)
7. 成日覺得英國應該繼續統治香港
8. 試過睇王菲, 郭富城, 周杰倫既演唱會睇到訓著左
(仲要全部睇貴飛...)
9. 睇左四次蝙蝠俠黑夜之神
(有三次係入戲院睇)
10. 我既吉祥物係唐老鴨, 但如果要揀一樣 "動物" 代表自己, 我希望係 鳳凰
11. 最鍾意既國家足球隊係阿根廷, 好幾次為佢地出局唔開心左幾個星期.
12. 長期超級渴睡.
(放假閒閒地訓到晏就三四點, 試過放假連續訓上廿四小時, 中途無食過野.)
13. 留鬚留左三年.
(開頭只係懶唔剃. 後來自以為好睇, 一直留到今日)
14. 只打籃球, 不踢波.
(細個個陣阿爸話踢波唔會高. 可惜打左十幾年籃球, 連五呎七都冇.)
15. 有時好羡慕拍拖超過五年既朋友. 五年對住同一個人, 的確好野.
16. 去旅行 (特別係日本) 只想一個人去.
***********************************
好咧. 我唔想好似好多人咁, 再 o厄 post 落去咧 (屌你! post 一個 youtube 又一係一個 post? 一單電腦 news 又叫一篇?)
作者要取材, 休息數天.
至於寫左幾年既 <情人節> 今年仲有冇? 嗯... 等我諗諗.... 不如又炒下冷飯.... 嗯... 唔錯... (沉思中...)
<不能回頭的惡習>
我知新年過左好耐... 但當呢個係新春第 4 擊吧. 人生不要那么認真...
很多東西及事情, 不能回頭. 尤其是一些惡習, 例如...
至於排名第二不能回頭的事情.... 個人認為係飲過好飲既威士忌
聖誕的時候, 一大班人交換禮物. 有好事之徒 (包括我), 每人帶了一支威士忌去屋主度... 上圖左至右為 XO, Ballantine's 21 Years, Ballantine's 30 Years, 余巿 20 Years, Johnny Walker Blue Label, Macallan 1851
Holy shit. 就像返東莞唱k, 一大班女企係你前面任你揀一樣, 仲要條條都正到爆. 不過, 同去東莞k 唔同既係, 我地可以支支都試. 一次過試六支威士忌/ 烈酒, 唔係簡容易... 由於支支都係好野, 有友人就人出酒佢出命, 醉到好似耶穌釘十字架咁...
經過一大班人評頭品足 (其實只得我), 最抵飲係 macallan 18 年 (免稅店 $780); 最好飲係 ballantine 30 年 (完全醇到不行. 對於未飲過威士忌的女孩, 也容易入口... 可惜要成 $2,000); 最暖肚係余市 20年 (酒精濃度 50%; 一般威士忌為 40%. Yen 20,000). 以上威士忌, 可以直接飲, 不加冰, 不加綠茶, 不加橙汁... 不用付鈔...
個人也認為, 黑牌及12 年芝華士只能加入綠茶飲. 直接飲, 等同飲火酒.
跟住我發覺... 飲完18 年既 Macallan, 飲 12 年就好似飲開水咁, 淡戊戊... 好些事情, 實在不能回頭...
就像擁有過一個大胸女友一樣....
"擁有一名大胸女友", 就是排名第一的不能回頭事情...............................
我知, 好低俗嘛.
問題係, 我幾時高尚過?
Come on babie. 人生, 不要那么認真.
*******************************************************
前陣子看了游龍戲鳳. 怎樣說好呢? 對白真的很冧, 但劇本及預備工作爛透.
也看了大陸版葉問... 不知怎么, 看到最後我只覺得有個中國籍癲佬, 瘋狂地狂打一個無還手之力, 一心以武會友的日本軍官 (這點來自 tommyjonk 大哥). 我以為熊黛林 + 日本侵華 = 強姦劇情 (是劇情不是畫面), 但... 原來熊小姐和赤壁的林志玲一樣, 是廢的 (除非你說要突顯她比甄先生高也是一個賣點)....
最後看了乞人憎到爆既波兒. 寫了圍內的妞兒. 幸好的是, 看完波兒後, 那首仆街歌沒有再在腦海中 loop....
還是等待 Harvey Milk, 一百萬零一夜吧.
好知. 好悶好無奈呀嘛. 對唔治law.
死死團09小隊為支持本著企業社會責任，不在情人節光顧巧立名目，開天殺價的食肆，決定於２月１４日當晚出動幫襯沒有強迫顧客食以不合理價格食同平時一樣但改個名叫情人套餐既食肆。
本小隊初步決定打邊爐，大家圍埋一齊，發出有耳的倌材，支援有企業良心的食肆。
(可惜) 男隊員空缺已經額滿，現招募女隊員，加入推動企業社會責
************************************
我有幸成為隊員之一呢... 放心... 據我所知 隊員 1 和 隊員 2 其實笨非單身, 所以呢個聚會應該唔係壹周刊成日報個d 淫亂派對. 至於點解唔單身都得閒出黎打邊爐... er.... 你自己問佢地咧 (佢地兩個係一對同性戀者. btw, 我十分期待辛潘的 Harvey Milk).
又不知怎么竟然想起前陣子 youtube 熱過兩三天的電車男追女記...
我經常想找一些大時大節返工多三舊水既工. 好像出租男朋友也不錯, 可惜打開門做生意, 不能揀客, 高矮肥瘦有臭狐香港腳也要接 (provided that 有需求), 總不成等到林嘉欣才發市吧. 可惜... 唯有打邊爐吧...
數年前搞手也曾搞過類似聚會, 可惜當年有人竟然臨時飛機. 希望今天不會吧. 也希望... 最後不會只有三個老中青麻甩打邊爐吧.............................................. 
************************************
近來經常想起這一幅漫畫 (來源 : 火影). 早陣子農曆新年不好貼, 現在連利是都唔派, 可以放心貼了.
愛不夠深.... 恨不夠深.... 水不夠深..... 火不夠熱.... 屎不夠臭..... 人不夠渣.... 夠了.
<終極炒冷飯 IV>
新春第三擊.
Oh yea~~ 相隔四個月後, 又到終極炒冷飯既環節咧~~ 呢個無聊, 唔受歡迎既系列, 已經拍得住我的童年 (佢暫時都係寫到第 6 集)
為左慶祝牛年來臨, 今次我地黎個大炒特炒, 將我過去四年係呢度寫既垃圾, 黎個終極 清算 精選 ( 又o厄 post 呀仆街~~~).
請 bookmark 呢個一entry! 信我. 當你係公司/ 圖書館悶到仆街既時候, 求其搵一篇睇, 可收身心舒暢, 精神爽利, 驅邪辟鬼既功效.
**********************
一些愛情信箱
一些愛情, 一些 AV (我知道... 兩者是不同的)
一些情人節
終於 系列
阿媽
一個人
一些唐老鴨 (得咧, 我知其實唔止一些)
一些感覺
一些生活趣事
童年系列
一些香港事
一些批評
一些教育事
一些分析...
一些終極炒冷飯.....
**********************
如果你覺得有乜野遺珠, 想加返上去, 請留 comment 告知小弟...
(作者要埋首完成手頭無無謂謂既故事, 小休一星期)
[新春第 2 擊. 唔好咁認真.]
警告 (好耐無用過) : 文章含大量農曆年電影的內容. 加上內容下流無比 (就算我係作者都咁話...), 向下看前請細心考慮.
你有可能對世間美好的事物不再存有任何憧憬 (嘩, 又叫人唔好咁認真?).
如果你睇完唔鍾意, just FORGET and FORGIVE, ok?
Here we go...
<圍內的妞兒>
人物
(1) 天水圍單親公屋家庭一個, 成員包括
--- 獨力照顧兒子, 任職老人院的媽媽
--- 咸濕成性, 掛住溝女唔讀書的不肖子一個
--- 值得留意係, 該公屋家庭處於偏遠山區, 附近沒有鄰居
(2) 香港島南區中產家庭一個, 成員包括
--- 任職某大投資銀行, 法力無邊, 可惜忙到拋夫棄女既媽咪
--- 曾經風光, 可惜後來被妻子迎頭趕上的丈夫, 被妻子勒令照顧女兒
--- 未見過世面, 不知道世事為何物, 故事開始時為處女座的女兒一個
故事
(1) 一日, 女孩坐錯車, 無厘頭去左天水圍.
(2) 女孩差d 俾輕鐵撞死 (廿五歲以上的讀者肯定記得以前輕鐵成日撞死人), 咁o岩不肖子經過, 救左女孩.
(3) 不肖子將一支吸食中的大麻, 送給女孩吸一口.
(4) 煙霧離漫, 男孩在褻玩女孩... 兩人情投意合... 正要.... 之際... 父親發現女孩唔見左, 搵保鑣將女孩帶回家 (天若有情).
(5) 二人對對方念念不忘 (天若有情 x 2).
(6) 女孩不理父親的戒嚴令, 將家中的保鑣打死 (天若有情 x 3).
(7) 女孩更將父親的保險箱打開, 拿走巨額現金, NDS, 及 iPod, 然後冒死去不肖子的家中 (天若有情 x 4)
(8) 由於女孩少不更事, 無八達通, 唔識禁電話 (其實佢都無不肖子個電話號碼). 只能徒步走去天水圍.
(9) 途中釀成海底隧道大擠塞, 屯門公路九車相撞, 金融海嘯 (你聽過蝴蝶效應沒有? 屌你, 唔係跳舞機個首 butterfly 呀)
(10) 女孩最終見到不肖子與其母. 當時其母抬著十噸日常用品, 可惜不肖子完全無意襄助.
(11) 女孩表示數日未食過飯, 不肖子之母只好將家中唯一的白米煮給她吃.
(12) 恰巧母親的無良僱主打給她, 要求她在黑雨的情況下, 往老練咁遠 (e.g. 柴灣) 當替工.
(13) 母親為口奔馳, 只留下孤男寡女, 共處一室.
(14) 不肖子突然想去巫山.
(15) 不肖子著女孩將某東西弄大... 並叫她大力地吹...
(16) 不肖子到達後 (記著只有不肖子到達), 二人遊輕鐵河.
(17) 在輕鐵上遇到一對夫婦, 他們窮到爆. 連母親也因為多日未有進食, 沒有母乳讓啤啤吃. 二人留下一支大麻...
(18) 前車可鑑, 可惜二人仍死不悔改, 欲多往巫山一次.
(19) 二人穿過隧道, 女孩變成女人. 不肖子暈車浪, 趕不及在嘔吐之前, 放好嘔吐袋. 一 . 地 . 都 . 係 .
(20) 女人父親發現女兒不見了, 急忙到不肖子母親工作的地方, 大吵大鬧, 並要脅將一眾老人殺掉餵魚
(21) 最後無能丈夫的妻子出馬, 使出投資銀行魔法, 找到了不肖子母親. 代價是 write down 一些 CDOs, MBSs. 反正是他人的資產, 多作一點呆壞賬也沒所謂...
(22) 兩個成年女人講數...
(23) 無眼屎乾淨盲. 魔法妻子決定將女兒掟走. 但要不肖子母親簽下協議書, 不得向他們要求一分一毫 (cross-reference : 電影 游龍戲鳳)
(24) 面對童養媳局面, 不肖子母親無奈答應.
(25) 不肖子及女人回家途中, 遇到講完數的二人.
(26) 二人告訴不肖子可以擁有女人
(27) 不知背後的政治及角力, 女人大喜. 正所謂少年不諳風雨, 三月不知肉味. (你唔係走去 google 呢兩句野呀嘛?)
(28) 不肖兒父親終於出現. 當然, 他喝醉了酒, 腳步浮浮...
(29) 女人死摟著不肖子不放. 不肖子面上竟然流露著不耐煩的表情..................................
(30) 讓世上包裝技術最厲害, 最純熟的日本人重新改頭換面一下, 變成波兒, 波兒, 波兒, 魚兒小寶貝貝...
-完-
結論
(1) 不要讓成年人看兒童卡通片, 正如不要讓兒童看成人動作片一樣. 搞什么 淫審條例, 有春用?
(2) 睇完以上 30 steps 後, 進一步肯定我是一條不折不扣的仆街 (儘管我認為這是有點後知後覺).
(3) 大師不愧是大師. 十個人睇, 有十種不同的感受. 這個我是認真的. 任何經典的電影漫畫小說圖畫相片科學發現重大政策, 必須具爆炸性, 爭議性, 能剌激人類的多角度思考.
什么是正義? 看一次 V 剎, 看一遍 One-Piece, 你不對現今世界所謂 "正義" "道德" 存疑, 我建議你再看死亡筆記. 究竟應否讓奇拿繼續使用筆記, 爭論點夠寫一篇論文. 當然也有人將死亡筆記演釋成日本的社會現象 (見湯禎兆的整形日本).
當年達爾文寫出人類進化論 (詳看今期陶傑於壹周刊的專欄), Alan Kruger/ David Card 有關最低工資不會造成失業的文章, 開創了一個新的學術研究潮流. 鄧小平的改革開放, 又何嘗不是引起後世的爭議, 熱烈討論中國還有沒有社會主義, 還是走向資本主義的道路去了? GJStigler 那本 Theory of Price, 李天命的思考藝術, 我看了五六次, 每次皆有不同的體會.
我不會說波兒是套經典 (那首主題曲肯定是), 但這是套能令人有不同感受的戲. 有人會看了重拾童真; 有人會重燃對愛情的憧憬. 也會有人想到金融海嘯, 地球暖化, 環境污染 (宮崎大師的卡通, 主旨都是 說環保). 當然有更多人喜愛那首主題曲. 或者會有仆街像我, 看 AV 看上腦.
只是, 這些都不要緊... 重要的是...
波兒首歌真係好撚煩...
<超級無敵海景佛跳牆>
新年流流, 唔好寫d 咁認真既野.
總之曾蔭權腳痛中波膽既機會, 因為求籤個單野而大大提高.
********************
話說有位兄長, 下班回到家中. 老頭神色慌張, 叫佢埋一角傾密計.
"今日你細佬學校打黎."
"? 做乜?"
"老師話佢出貓"
"嘩!"
其實兄長並唔係奇怪老弟出貓, 只係奇怪點解出貓會俾人捉到.
屌! 有邊個讀書無出過貓? 考試個陣都試過同隔幾行個同學傾計.
但唔通同老弟講 "你出貓無所謂, 但唔好俾人捉到"? 一定發生倫常慘案, "灌輸錯誤學習態度, 鼓勵親弟出貓; 兄長被老父狂劈千多刀至死".
好咧, 於是急召當時人應訊.
********************
"你點解出貓?" 兄長懶嚴正義詞地問.
"唔記得."
"你都已經讀中一, 點解唔記得?"
"唔記得寫手冊" - 主角手冊登場
"點解唔記得寫手冊?"
"因為無抄落手冊"
屌佢, 去到呢個位兄長已經想笑出黎. 佢忍燃住, 繼續.
"點解無抄落手冊?"
"因為唔記得抄"
屌你, 咁就已經 Loop 左一次 (波兒波兒波兒魚兒小寶貝~~~).
"咁點解唔記得抄?"
"因為無睇到黑板" Thank god, 終於有新人物黑板先生出現, 唔使再 loop 落去.
"點解老師寫黑板你無抄低?"
"因為唔記得抄".
夠咧, 屌你! 再問落去都無意思.
********************
"咁默d 乜? 你點出貓?"
"詩...八句, 每句七個字, 一人背幾句"
原來 甲同學背四句 (屌你! 背撚到四句就好心背埋另外四句拉!); 老弟與 乙同學每人兩句.
"咁老師點發現你出貓?"
"我拎本書出黎睇"
兄長心諗 "??? 屌你呀, 背兩句都背唔到?"
"既然一人背幾句, 點解仲要拎書出黎?"
"默書個陣, 唔可以拎轉頭望後面本默書簿"
嘩!!! 屌你呀!!! 兄長真係差d 忍唔撚住笑左出黎呀!!
"乜你出貓之前無諗過, 默書個陣係唔可以周圍望嫁咩? 乜你以為默書個陣好似上 PE 堂咁周圍郁嫁咩?"
"er...."
好咧, 呢d 問題無答案. 而且再問落去, 兄長真係會笑左出黎.
********************
"好咧. 既然你要出貓, 即係唔識首詩. 你同我抄 200 次拉."
老弟瞳孔放大一億倍, 無奈又要屈服於兄長的淫威下.
"好咧, 讀一次首詩黎聽下"
"...... ...... ...... ..... 佛跳牆..... ..... "
兄長當時替老頭抄寫別的報名表中, 未有為意.
"再讀一次"
"...... ...... ...... ..... 佛跳牆..... ..... "
佛跳牆? 兄長心想, 這首新詩的作者也夠奇怪, 寫詩也想著吃.
"好咧, 讀埋呢次, 罰抄 100 次就算咧."
"...... ...... ...... ..... 佛跳牆..... ..... "
兄長越想越覺得不對勁. 這不是新詩, 詩的意境也和食沒有什么關係. 好地地點解會有 "佛跳牆" 走出黎?
於是一手搶去老弟課本... 一看.... 他終於忍唔住, 要衝入廁所爆笑鳥...
********************
馬穿山徑菊初黃，信馬悠悠野興長。
萬壑有聲含晚籟，數峰無語立斜陽。
棠梨葉落胭脂色，蕎麥花開白雪香。
何事吟餘忽惆悵？村橋原樹似吾鄉。
********************
延伸觀看
[7:05 至 7:20]
